هل المنتديات للغزل !!!!!

[عاشق ديرتي بريده]

موضوعي راح يكون بسؤال بسيط واتمنى منكم الصدق !!!

هل المنتديات قائمه على المواضيع المهمه او على الغزل !!!!!

يعني عشان ماتفهموني غلط

هل الشخص يكتب بالمنتدي موضوع عشان يفيد ويستفيد او لكي يغازل بمواضيعه !

لاني مقتنع اقتناع تام ان الدردشات موضوعه للغزل لكن المنتديات لم اجد لها جواب كافي !!

[نـدى الـورد]

السؤال احوله لك

انت كيف صاير؟


,

[عاشق ديرتي بريده]

السؤال احوله لك

انت كيف صاير؟


,

رد السؤال بسؤال !!!

جاوبي وبعدين تعرفي جوابي !

[# الزلزال #]

على حسب الشخص واهتماماته .. وعقليته .. يعني .. ناس تدخل تبي تغازل

بس تستفيد وتفيد لان ادماغ شغال ..

وبعدين ترى مو غزل غزل .. تضيع وقت بس

فهمت شي ياعويشق .. لا .. طيب

شكرالك

[&نجدية كووول&]

أخي عاشق ...على حسب كتابات وأهداف الاعضاء ونياتهم

أتوقع أنا الشات وماشابه ذلك للغزل ...أما المنتديات على حسب تشدد المنتدى

[تلميذة الحياة]

كلن ونيته ..!!

[قلب الأسد]

عاشق عاى حسب الشخص واللي يبي الغزل ليش يتعب نفسه بالممنتدى
يروح للشات لارقم سري ولا ايميل ولاغيره .ولكن يوجد من يقصد الغزل بس
راح يتعب كثير .

[الكبري]

بكل تأكيد هي للحوار الراقي .

والمنتديات في محل تقديم حلقة من حلقات النهضة في الأمة .

وذلك بالتمرس فيها على مهارات الحوار والنقد والكتابة .

وهي أداة لقياس ردات الفعل و الرأي العام .

وهذا لا يمنع وجود منتديات قائمة على انها مصيدة لقلوب الفتيات .

وهناك من يمارسها في منتديات متعددة .

والقارئ الفطن يعرف من خلال الكتابة أهداف الكاتب .

لكم أطيب المنى

[فيصل...........]

المنتدى وضع للحوار وانت واهدافك

[عاشق ديرتي بريده]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل هي قائمه على الغزل !!!!!!

ندري ان فيه غزل يعني لو مافيه غزل هل سوف تستمر المنتديات قائمه او تموت بدون الغزل !

[المبرقعه]

عاشق ديرتي بريده

شوف اخوي المنتدى شي جميل ومفيد

بس الواحد وكيف طريقتك في استخدام المنتدى

[جلوي العتيبي]

المنتديات للغزل لا

لأن المغزلجي يضيع وقت كثير في المنتديات وقد يجد مايبحث عنه بوقت أقصر بكثير في شات أو بالتوك أو غيرها ..

المنتديات للحوار الهادف المثمر ..

والمهم هو أن تحدد مسارك أنت في هذا العالم العجيب .

[راشد الصليحان]

المنتديات ياعاشق فيها الغث والسمين ...فهي قائمة على الفائدة وعلى الغزل ..ففيها الطرق متعددة

نحو الخير والشر ...,الفائدة والغزل وكل مايبحث عنه داخل الشبكة ...

[إشراق]

ككل شي له ايجابيات وسلبيات

منهم من يستخدم المنتدى لغرض ايجابي ومنهم لغرض سلبي والأخير ضعيف نوعا ما


لكن أنما الأعمال بالنيات

[الذاهـبـة]

نعم

بعض المنتديات للغزل ..

و بعضها للمهايط

و بعضها للنفسيات ..

و بعضها للدبش ..

و بعضها للمساكين ..

و بعضها لأصحاب المقالب ..

و نادر منها للمفكرين ..

[@ ابتسام @]

هل الشخص يكتب بالمنتدي موضوع عشان يفيد ويستفيد او لكي يغازل بمواضيعه !

لاني مقتنع اقتناع تام ان الدردشات موضوعه للغزل لكن المنتديات لم اجد لها جواب كافي !!


والله شف يا اخينا عاشق ديرتنا بريدة.

اجابة سؤالك على حسب الشخص فمثلا لما تشوف وحده في سن اليأس مثلا وكل رد لها تكتب مقطع من اغنيه والا اسم مدبلج تبي تميلح وانها صغيره فاعرف انها تعاني من نقص ما ! وتحاول تغطيته بقراءة ردود تشتمل على كلمات الثناء والاستملاح اللي هي الغزل الملغف تبع المنتديات .

والا رجال كل اشوي يكتب عن :

حبه العميق لزوجته...

حبها مره مرتين واعلن ذلك لكن كل اشوي ؟ !

هذي تلميحات اني رقيق ياللي تقرن كلماتي وهكذا ااا .

... يعني مثل هيك اللي يبي يغازل من الجنسين يكون مكشوف حبتين .

والغالبية فيها يقرأون ويردون للفائدة .

[The Free Man]

يمكــــــن

لا تستطيع ان نقرأ ما يدور داخل عقول الناس


تحياتي استاذ عاشق

[مــنــال]

أخي عاشق ..

نحن من يحدد الهدف من المشاركة بالمنتديات ..

وقد تكون المنتديات بوابة للغزل عندما يكون هدفي كذلك .

[فتحي الشقاقي]

أخي عاشق ..

نحن من يحدد الهدف من المشاركة بالمنتديات ..

وقد تكون المنتديات بوابة للغزل عندما يكون هدفي كذلك .

كلام بالصميم

ماقصرتي منال خانو


اهم شي تحديد الهدف المنشود والذي اتمنى ان يكون الجميع على هذا النهج السليم وهو الفائده ..

سي يو

[shahd2007]

لاني مقتنع اقتناع تام ان الدردشات موضوعه للغزل لكن المنتديات لم اجد لها جواب كافي
1 /للغزل2/للحاور اللي له سنع وماله سنع3/للتميلح4/الفضاوه تسوي اكثر وانا جدتك 5/؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ومدري انا مثلك

[شموع تحت المطر]

الحمدلله انــــــــــــــــــا هدفي اترك المنتدى والنت كلـــــــة...

نخليهم يشبعون بالديكتاتوريـــــــــــة...


بس صدق فضاوة يغازلون ويتميلحون بالمنتديات والله ياهم فاضين أحسه مشوار يغازل بالمنتدى يطلع بالشارع
ويرتـــــز عند الاشارة اسهــــــــــل واصرف..

[د / ماسنجر]

لاني مقتنع اقتناع تام ان الدردشات موضوعه للغزل لكن المنتديات لم اجد لها جواب كافي !!
كلامك صح وبعدين المنتديات ياغالي كلن واهدافه زي ما قالوا الشباب هنا !!
بعضهم يراسل بنت فتره عشان يطيحه بالايميل .... لين يرقمه !! وهذا مو معناته ان المنتدى الفلاني اللي صار به الشيء غزل لا !! ولكن البنت هي قبلت من الولد اللي طلب منه !!

--
عاشق الحين ردوا عليك ناس واجد !!
وعطوك من كلامهم الزين !!
وانت للحين مصر على انك تبي تزود صفحات بمواضيعك !!
عشان الناس يقولون ماشاء الله عاشق يبذل بالمنتدى جهد !!
انا ما اهاوش انا اناقشك نقاش وبس !!
وبعده تجي وتكتببعد كل الردود !!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل هي قائمه على الغزل !!!!!!

ندري ان فيه غزل يعني لو مافيه غزل هل سوف تستمر المنتديات قائمه او تموت بدون الغزل !
السؤال ليه تحب يا عاشق تطول الكلام بردودك !!
يعني نطيت كل ردود العالم ورديت بالصفحه بالثانيه !
بعد ما رديت بسؤالك هذا !!
يعني صار نقاشك رد بسؤال ؟؟ يعني ياللي رديت ابيك ترجع ثانيه وترد عشان ترتفع الصفحه !!
مهوب زين كذا لا صرت تبي تطور المنتدى اطرح موضوعك زين ونسق وادرس جميع النقاط واضبط وضعك عشان ما يجيك واحد مثلي !!
لا يكون همك اضافة موضوع وبس !!

اتمنى ترد على اللي قبل وتترك السواليف اللي ماله داعي ... واذا انك رادن عليهم قبل فهذا موضوعك عاد تبي تسولف سولف براحتك .... :)

ورداتي سلاااام

[صالح الهويمل]

اخي الكريم عاشق ديرتي بريده
كل امنباتنا ان يكون منتدانا كما نتمنى ان يكون هادفا مفيدا نغلقه وقد استفدنا منه الشيء الكثير
ولكن لماذا نذ كر السيء هو الاساس وكانه بني المنتدى عليه وما دام ان المنتدى مكشوف فسيعتريه مايعتريه من الهوامش وان تذهب سريعة كما دخلت ليبقى ما ينفع التاس ليبقى منتدانا مدرسه يتخرج منها الحميع بتقديرات متميزه وبتخصصات مختلفه وفق الله الجميع

[شموع تحت المطر]

د/ ماسنجر



كلامك شاففي ووافـــــــــــي بس شف وش الرد على كلامك


تبي تردد شلـــــــــــــــــــــدز..

[عازفة ألحان الليل]

والله يبين ياعاشق من الموضوع

يعني على قولتهم (اقرأ وانت الحكم )

بالنسبة لي وقراآتي لبعض المواضيع اقدر اقولك انها غزل خاصة اذا كتبت عليها ل....

و أما بعض المواضيع فهي للفائدة