خلاااااااااااااااااااااص يكفي هوشات ملينا !!!

[عاشق ديرتي بريده]

من رمضان وحتى الان اشاهد المنتدى منقلب رأس على عقب !!

الادراه تقول ان الاعضاء مخطئين والاعضاء يقولون ان الادراه هي المخطيه !!

لااعرف مالسبب ولااريد ان اعرف !!!!!!!!

الكل مشحون على لاشي !!

الكل يرمي بتهمه على الاخرين !!

طــــــــــــــلبي من الكل !

لماذا لانفتح صفحه جديده اداره واعضاء ونكون يد واحده وننسى الماضي !

ويكون هدفنا الوحيد الرفع بالمنتدى فقط !!

اتمنى من يقراء الموضوع ان يقول اعوذبالله من الشيطان الرجيم !!

ويتذكر ان الدنيا لاتسوى فالكل راح يرحل في يوم من الايام وتبقى سمعت الشخص فقط !!!

واتمنى من الاعضاء الذين رحلوا ان يرجعوا بقلوب بيضاء لمنتداهم فهو بحاجه لهم كما هم بحاجة اليه !!

اقول الكلام واملي بالله ثم بكم كبير لكي ترجعوا كما كنتم اخوان واخوات همهم الفائده وخوفهم على المنتدى !!

وصلى الله عليه وسلم ,,

[الذاهـبـة]

أعوذ بالله من الشيطان الرجيم ..

بس ما أشوف أي هوشات ..

هذا :

نقاش .. نقاش ..

[عاشق ديرتي بريده]

أعوذ بالله من الشيطان الرجيم ..

بس ما أشوف أي هوشات ..

هذا :

نقاش .. نقاش ..


بلاك ماجيتي الظهر وشفتي !!!

[د / ماسنجر]

يقراء
الصح هي ( يقرأ ) ....
وش رايك بي فله صح انا ابي اطور المنتدى عشان كذا اصحح

يارجال خل عنك بعضهم يدخل يهايط ويسوي نفسه شلل وبعض الشباب يدخل ويدز رابط لواحد هاوش و... !
والبنات ترد وترسل لوحده دافعي معي خن نهاوش !!
قسم تقول بزران

يا عالم إإإإإكبروا ..... !!
كبروا عقولكم !!



ورداتي سلام < اليوم بيجيه شيء فقد احد اعصابه

[الذاهـبـة]

أمممممممممممممم

الظهر ..

هه !!

شي طبيعي الأخلاق تجارية الظهر ..


والله يا استاذ عاشق ..

هذا حال الناس في كل محل ..

مو بس بالمنتدى ..

تلاحظ كل الناس طفشانين .. و زهقانين .. و مالّين ..

و ودهم بس يتهاوشون و يتعايرون و يتقاضبون ..

و إن جيت للأسباب ..

مافيه سبب مقنع .. و حقيقي ..

والله أرى اننا بحاجة لـ شيخ أو مطوع يحدّث علينا ..

ضايقة صدورنا بليا أسباب ..

ياليت لو أحد يتبرع و ياخذ أجرنا ..

يدعي لنا شيخ .. يحاضر فينا ..

[آمـــال]

لماذا لانفتح صفحه جديده اداره واعضاء ونكون يد واحده وننسى الماضي !

ويكون هدفنا الوحيد الرفع بالمنتدى فقط !!





:19[1]: :19[1]: :19[1]: :19[1]:

[الملتاعه]

أعوذ بالله من الشيطان الرجيم

والله اللي أشوفه نقااااش وحوار بين أخوة هنا

:):)

[جناان]

أعوذ بالله من الشيطان الرجيم ..
بلاك ماجيتي الظهر وشفتي !!!
اجل فاتتنا الهوشه خسااره ههه

اخي عاشق
بعض الناااس خلقه الله كذااا ولوا مالقى احد يتهاوش معه تهاوش مع نفسه .!.!!

اتمنى لدعوتك
القبول
تحيتي لك

[عاشق ديرتي بريده]

الصح هي ( يقرأ ) ....
وش رايك بي فله صح انا ابي اطور المنتدى عشان كذا اصحح

يارجال خل عنك بعضهم يدخل يهايط ويسوي نفسه شلل وبعض الشباب يدخل ويدز رابط لواحد هاوش و... !
والبنات ترد وترسل لوحده دافعي معي خن نهاوش !!
قسم تقول بزران

يا عالم إإإإإكبروا ..... !!
كبروا عقولكم !!



ورداتي سلام < اليوم بيجيه شيء فقد احد اعصابه


احلى مدرس املاء !!

خلاص همانا قلنا ننسى الماضي !

[عاشق ديرتي بريده]

أمممممممممممممم

الظهر ..

هه !!

شي طبيعي الأخلاق تجارية الظهر ..


والله يا استاذ عاشق ..

هذا حال الناس في كل محل ..

مو بس بالمنتدى ..

تلاحظ كل الناس طفشانين .. و زهقانين .. و مالّين ..

و ودهم بس يتهاوشون و يتعايرون و يتقاضبون ..

و إن جيت للأسباب ..

مافيه سبب مقنع .. و حقيقي ..

والله أرى اننا بحاجة لـ شيخ أو مطوع يحدّث علينا ..

ضايقة صدورنا بليا أسباب ..

ياليت لو أحد يتبرع و ياخذ أجرنا ..

يدعي لنا شيخ .. يحاضر فينا ..


والله انك صادقه يااستاذتي
ماادري وراه النفوس صايره شينه ومشحونه !!

بس وشلون يحاضر فينا يعني وين يقعد الشيخ وحنا وشلون نسمعه !!

او نتفق كلنا نروح لمسجد !!

[عاشق ديرتي بريده]

لماذا لانفتح صفحه جديده اداره واعضاء ونكون يد واحده وننسى الماضي !

ويكون هدفنا الوحيد الرفع بالمنتدى فقط !!





:19[1]: :19[1]: :19[1]: :19[1]:


يوم شفت التصفيق تذكرت الرائد اذا جاب هدف ههه

مشكور اختي الفارسه

[عاشق ديرتي بريده]

أعوذ بالله من الشيطان الرجيم

والله اللي أشوفه نقااااش وحوار بين أخوة هنا

:):)

نقاش !!
والله العظيم يااختي الملتاعه لو نقعد مع بعض كان يمكن نصفنا مقتول !!!

[عاشق ديرتي بريده]

أعوذ بالله من الشيطان الرجيم ..

اجل فاتتنا الهوشه خسااره ههه

اخي عاشق
بعض الناااس خلقه الله كذااا ولوا مالقى احد يتهاوش معه تهاوش مع نفسه .!.!!

اتمنى لدعوتك
القبول
تحيتي لك

والله انك صادقه يااختي جنان
الناس مستشره !!

[نـدى الـورد]

احيانا نمزح والناس تاخذ المزح جد ويصير هواش



.

[عاشق ديرتي بريده]

احيانا نمزح والناس تاخذ المزح جد ويصير هواش



.


اختي خلينا نبتعد عن المزح الثقيل !!
وياليت نعرف كيف نختار من نمزح معهم !
يعني مو كلا يقبل المزح !

[بنت البدائع]

والله ياأخ عاشق
أنا منذ مبطي أناظر حال المنتدى اللي منقلب لحلبة مصارعه

بس بالعة العافيه ومسكته ..

[د / ماسنجر]

خلاص همانا قلنا ننسى الماضي !

وش ننسى الماضي بعد انت هههههههههههههه
مالي اسبوع هنا تراي !!
ما اعرفك ولا تعرفن


ورداتي سلاام

[فتحـية]

عن نفسي أنا معطيتن الكل _ وخاصة الإدارة _ الحرية يفرغون شحناتهم بي في الوقت والزمان والكيفية اللي يبونه !!
أهم شي مايكتمون ..وشعاري بالمنتدى ... طلع حرتك فيني !

<<هذا المستخدم مسالم بعنف
سلملم

[عاشق ديرتي بريده]

والله ياأخ عاشق
أنا منذ مبطي أناظر حال المنتدى اللي منقلب لحلبة مصارعه

بس بالعة العافيه ومسكته ..

غديهم خلاص فرغوا شحناتهم وخلصوا !!

[عاشق ديرتي بريده]

وش ننسى الماضي بعد انت هههههههههههههه
مالي اسبوع هنا تراي !!
ما اعرفك ولا تعرفن


ورداتي سلاام

ترا اليوم الظهر يعتبر ماضي مهوب لازم لك سنه معنا !

[عاشق ديرتي بريده]

عن نفسي أنا معطيتن الكل _ وخاصة الإدارة _ الحرية يفرغون شحناتهم بي في الوقت والزمان والكيفية اللي يبونه !!
أهم شي مايكتمون ..وشعاري بالمنتدى ... طلع حرتك فيني !

<<هذا المستخدم مسالم بعنف
سلملم

خوش مسالم !!
>>>> انواع الهوشات والفزعات مع قرطبه !!

[قرناس]

وش صاير الظهر

:5[1]:
واحد يحب الشرافه
ترى كذا ما انام الليلة حتى ادري

[د / ماسنجر]

ترا اليوم الظهر يعتبر ماضي مهوب لازم لك سنه معنا !
يعني ردي رقم 17 صار ماضي هه حلوه

افتحوا صفحه جديده انا مالي اعداء هنا واللي راح راح

[جمان البحر]

أعوذ بالله من الشيطان الرجيم ..


المنتدى من أيام العطله وهو كذا وقلنا اذا رجعت الدوامات انشغلوا الناس وارتحنا بس ماصار شيء..

وأحسن شيء علشان تبتعد عن الهواش لاتحط موضوع تمدح فيه احد أو تسب فيه أحد ..

وبعدين أحياناً الفرجه على الهوشات وناسه توسع صدرك اذا كنت زهقان ..

[عاشق ديرتي بريده]

وش صاير الظهر

:5[1]:
واحد يحب الشرافه
ترى كذا ما انام الليلة حتى ادري

اليوم خشب وحلت حصى !!

[بنت البدائع]

أنا الظهر حاضره بس ماشفت آثر للهوشات

أتوقع أنه على سالفة هالبعارين اللي هقونا بهن

[علشانك بس]

اعوذ بالله من الشيطان الرجيم وبس ماراح اعلق

[فتحـية]

خوش مسالم !!
>>>> انواع الهوشات والفزعات مع قرطبه !!

يادافع البلاء ياعاشق ..
عشان قلت رايي صرت أهاوش .. وأنتم ماشاء الله تكفير وتلعين ومسالمين !!!!
بس هذا عاد ضريبة شعاري .. لازم أنثبر وأتحمل !

سلملم

[عاشق ديرتي بريده]

يعني ردي رقم 17 صار ماضي هه حلوه

افتحوا صفحه جديده انا مالي اعداء هنا واللي راح راح

ايه ماضي لو تروح للمستشفى كان تحصل ناس ماتت بالوقت هذا !

[فيصل...........]

عاشق
كما تعلم نحن شعب يكره العلم والتطور
والدليل ان اذا نزل الواحد مقال مفيد وهادف تجد ما احد يرد علية
واذا نزل عكس ذلك تجد الردود بالصفحات
المهم الي محلي هذا المنتدى الهوشات
ولا كان قفل من زمان

[د / ماسنجر]

ايه ماضي لو تروح للمستشفى كان تحصل ناس ماتت بالوقت هذا !
ابطلع منه انا
بررررب

[عاشق ديرتي بريده]

أعوذ بالله من الشيطان الرجيم ..


المنتدى من أيام العطله وهو كذا وقلنا اذا رجعت الدوامات انشغلوا الناس وارتحنا بس ماصار شيء..

وأحسن شيء علشان تبتعد عن الهواش لاتحط موضوع تمدح فيه احد أو تسب فيه أحد ..

وبعدين أحياناً الفرجه على الهوشات وناسه توسع صدرك اذا كنت زهقان ..

اختلاف وجهة النظر زينه ومفيده بس ماتوصل لقلة الادب !

[عاشق ديرتي بريده]

أنا الظهر حاضره بس ماشفت آثر للهوشات

أتوقع أنه على سالفة هالبعارين اللي هقونا بهن


االبعارين وغيرهن بس اليوم البعارين هن السبب !!

[عاشق ديرتي بريده]

اعوذ بالله من الشيطان الرجيم وبس ماراح اعلق

يكفيني منك تعوذك من الشيطان ,

[عاشق ديرتي بريده]

يادافع البلاء ياعاشق ..
عشان قلت رايي صرت أهاوش .. وأنتم ماشاء الله تكفير وتلعين ومسالمين !!!!
بس هذا عاد ضريبة شعاري .. لازم أنثبر وأتحمل !

سلملم


يعني ذيك مهوب هوشان يافتحيه !!

اجل لو تهاوشين وش تسوين انتي وغدفتك المتعرفطه !!

[عاشق ديرتي بريده]

عاشق
كما تعلم نحن شعب يكره العلم والتطور
والدليل ان اذا نزل الواحد مقال مفيد وهادف تجد ما احد يرد علية
واذا نزل عكس ذلك تجد الردود بالصفحات
المهم الي محلي هذا المنتدى الهوشات
ولا كان قفل من زمان

هذي هي المشكله اخوي فيصل !!
والمشكله لو نقول ان الشعب السعودي متخلف جت الهوشات !!

[عاشق ديرتي بريده]

ابطلع منه انا
بررررب

شكلك ماتبي طاري الموت هههه

[فتحـية]

يعني ذيك مهوب هوشان يافتحيه !!

اجل لو تهاوشين وش تسوين انتي وغدفتك المتعرفطه !!

ردودي ماكان فيها أي تجريح لأحد كلها آراء شخصية
بس مشكلتها إنها كانت ضد آرائكم عشان كذا تقرونها هواش ..
بينما ردودكم ثلاث أرباعها تلعين وشتم ..أستغفرالله


عاد تصدق إني أفشل لا جيت أرد على مواضيعك ..
أبلش وش أسوي بغدفتي اللي ماملت عينك ..
شكلي أبنتكس عن درب الهداية والسبه أنت
:D

سلملم ياباشا

[د / ماسنجر]

شكلك ماتبي طاري الموت هههه
لا بس عارف اني بتهاوش معك باخر شيء :)


سلاااام بررب

[عاشق ديرتي بريده]

لا بس عارف اني بتهاوش معك باخر شيء :)


سلاااام بررب

تمام اثرك حاااااار بس تبي نغزه وتهاوش !

[عاشق ديرتي بريده]

ردودي ماكان فيها أي تجريح لأحد كلها آراء شخصية
بس مشكلتها إنها كانت ضد آرائكم عشان كذا تقرونها هواش ..
بينما ردودكم ثلاث أرباعها تلعين وشتم ..أستغفرالله


عاد تصدق إني أفشل لا جيت أرد على مواضيعك ..
أبلش وش أسوي بغدفتي اللي ماملت عينك ..
شكلي أبنتكس عن درب الهداية والسبه أنت
:D

سلملم ياباشا

لا خليك على غدفتك الحين يقعدون يقزونك واستأثم بك !

[د / ماسنجر]

تمام اثرك حاااااار بس تبي نغزه وتهاوش !
للي مثلك :)

[مـلاك الصمت !]

الهواش صار شيء طبيعي بـ النسبه لـ ( الحلبه )=( القسم العام )

بـ مجرد ماتنزل موضوع ولا أعجبه قام يجدع عليك كلام ..!

وإذا رأيك غير عن رأيه قلبها هوشه لازم يثبت رأيه ..!


حاله والله ..!

دمتم بخير

[اميرة الورد]

كلامك صحيح اخوي

[عاشق ديرتي بريده]

الهواش صار شيء طبيعي بـ النسبه لـ ( الحلبه )=( القسم العام )

بـ مجرد ماتنزل موضوع ولا أعجبه قام يجدع عليك كلام ..!

وإذا رأيك غير عن رأيه قلبها هوشه لازم يثبت رأيه ..!


حاله والله ..!

دمتم بخير

انا كاتب الموضوع هذا بالعامه بس نقلوه للاستراحه شكلهم عاجبتهم الهوشات !!

[الوافـــALWafiـــي]

كلامك جميل وعلي العين والراس ياعاشق لاكن بعض الأعضاء همج

والعتب علي الإدارة اللي تدخل وتسجل من هب ودب المفروض يكون هناك

معايير قياسية للقبول بالمنتدي سواء كانت ثقافية أو تجربة العضو لمعرفة مدي أخلاقه

علي أن يتم حذفه عن حدوث أي إساءة ولاكن الإدارة للأسف مكتوفة اليدين

ولاتستطيع أن تعمل شي لرفعة هذا المنتدي الذي يحمل اسم مدينتنا الغالية ,,,

[الحنتريش]

اعوذ بالله من الشيطان الرجيم
ومن عاشق ديرتي بريده لان عاشق شكلوه يضرب ام علي ويدخل المنتدى وتمسك غلط معه
لكن انا منب اهاوش تراي بس مارن منا ابجيب لاهلي خبز وشفتهم يتهاوشون
>>> خر الزيت
اسمع ياخلفهم منهم المتهاوشين والله لااجيب لهم النواب والا الشرطه يحبسونهم

[أمــاسي ونص]

الواحد يخانق ويسوي مشاكل يبي يلفت الأنتباه لأشخاص يعني اني قوي ووخرو عني
سواء كانوا بنات او اولاد
واني شخصيه اخانق واصارع كأننا بحلبة مصارعه

[The Free Man]

اعوذبالله من الشيطان الرجيم

اي والله

العالم الضهر تقل شاربين شطة

لو تقول له كيف الحال قال كل تبن

والله حالة


تشكر عاشق افندي

بادرة رائعة

[شمعة امل]

كلامك جميل وعلي العين والراس ياعاشق لاكن بعض الأعضاء همج

والعتب علي الإدارة اللي تدخل وتسجل من هب ودب المفروض يكون هناك

معايير قياسية للقبول بالمنتدي سواء كانت ثقافية أو تجربة العضو لمعرفة مدي أخلاقه

علي أن يتم حذفه عن حدوث أي إساءة ولاكن الإدارة للأسف مكتوفة اليدين

ولاتستطيع أن تعمل شي لرفعة هذا المنتدي الذي يحمل اسم مدينتنا الغالية ,,,

لاتتكلم أخي عن ماخلف الكواليس....الأدارة تسوي اللي عليها أما عقولنا وتصرفاتنا مومسؤوله عنها

ويكون بعلمك أخي أغلب الأعضاء كااااااااان عقل وثقل وبلأخير انقلب 180 درجة!!!!!!!!!!!

مو كل خطأيصير منا نحمله الأدارة...الأدارة قايمة بمجهود كبير وليتنا نقدر هالمجهود ونشكرهم عليه ولانحملهم اخطائنا وسوء تصرفاتنا...

أحترامي..

[شموع تحت المطر]

وش مدخلك حزت الظهـــــــــــر.. خلهم يتهاوشون فوق راسك هــــــم ولا صفحات ابوك وانت وش حيثك تهاوش وتملأ صفحات بخرطك وماحد يحاسبـــــــــــــــك...>> تكره عاشق وتعترف..


ياحليلهم الى هالحين ربع المهايطيــــــــة....

سلموا لنا على اللي سن هالسنة الحسنة بالمنتدى وبدأ بحركة الهوشات وكملوها عناصر الديكتاتوريـــــــــــــــة.......

[د / ماسنجر]

انا الظهر كنت موجود يا عاشق لا تحسب ما احد شافك !!
داخل هنا وتكتب هالموضوع يعني انك بريء وما سويت شيء !!
والمشكله انك مالك دخل بالسالفه ابد صح !!
بعد ما حذفت الردود وش قلت انت بردك !!
قلت انا والله مالي دخل شفت سمنسي عصب وعصبت معه !!
يعني بس داخل تكمل ناقص !!
عاشق ،، اذن الموضوع هذا قايم ضدك انت وانت صرت سبب بين الاسباب بالمشاكل بالمنتدى !! صح ولالا
ممكن تفسر لي حركة الظهر أمس !! وتفسر لي حركتك بالموضوع !!
وبعدين كتابتك للموضوع جدا معجبتني ولو كانت الردود بصدق الكتابه كان طلعنا بنتيجه
انتظرك :)

[الافق]

إن شاء الله انتهت الهوشات .. وتم الصلح

- صافي يالبن ,,,,,,,, حليب ياأشطه !!

[دلوعة جدها]

صدق صارت هوشات

مسويه نفسها ماتدرى ههههههه

المهم اخوى كلن يبدى رايه بحريه بهالمنتدى

وماحد يحاسبه الله يسعدك ذكرتنى بسالفه صارت لى بها لمنتدى

مع عضو كنت ارد على موضوعه رد عااااااااااااااادى تخيل قلب الموضوع لشى ثانى وانت يمكن تتذكر

شى اتفه من انى اقوله ورديت عليه ورد ردود سخيفه ولا احد وقفه قعدو يتفرجون ولا يدعمونه

بالردود المهم ماحد قال شفنا هوشات وغيره

الحين عشان بعارين بتسوون انها صارت مذابح

ربى يسعدكم قفلو الموضوع تراها باين مثل الشمس

ومنتدانا بريده ارقى من ان يكون مذبحه هههههههههه

صارت فيلسوفه
المهم عسى قرقى ما طفشكم

وترانى مسالمه ههههههههههههه


ماحب الهواش اول ماحد يهاوشنى بكايه ههههههه

[د / ماسنجر]

انا الظهر كنت موجود يا عاشق لا تحسب ما احد شافك !!
داخل هنا وتكتب هالموضوع يعني انك بريء وما سويت شيء !!
والمشكله انك مالك دخل بالسالفه ابد صح !!
بعد ما حذفت الردود وش قلت انت بردك !!
قلت انا والله مالي دخل شفت سمنسي عصب وعصبت معه !!
يعني بس داخل تكمل ناقص !!
عاشق ،، اذن الموضوع هذا قايم ضدك انت وانت صرت سبب بين الاسباب بالمشاكل بالمنتدى !! صح ولالا
ممكن تفسر لي حركة الظهر أمس !! وتفسر لي حركتك بالموضوع !!
وبعدين كتابتك للموضوع جدا معجبتني ولو كانت الردود بصدق الكتابه كان طلعنا بنتيجه
انتظرك

عاشق حبيبي
ليه ما ترد على الكلام هذا ؟؟
:)
ولا خايف ؟