"سباحين"... د / ماسنجر ، من ذكريات الماضي ( أيام الإبتدائية الجزء الثاني ) متجدد

[د / ماسنجر]

..

..


السلام عليكم ورحمة الله وبركاته

..

..

( طبعاً كل السوالييييف بذا حقيقية والاسماء مغيره فقط )

..

..

( البقالة .. )


http://www.islamonline.net/arabic/economics/2003/10/images/pic02.jpg
مرة من المرات وهالسالفه زمان يوم انا بقتن بالدعيسه ( مثل مشهور ) رحنا لزواج وكنا معزومين عليه وتخبرون اول اي عرس لازم نطق ونتكشخ ومن وإلى شماغ وجزمه يكرمكم ربي وكبك وقلم ( زين ما صار طباقه بس ) وعقال وسنع ..
يعني لو انا بادين اخطّب من ذيك الايام تسان معرسن الحين على قبيلة كامله

بعد العشاء بساعه رحت انا وقريبي " ياهو " للبقاله اللي بجنب القصر طبعا دخلنا يقالنا كاااااااش انا معي سبع تريل وجدد الاريل وانا بالقصر قبل اخذهن من امي بالبيت كل شوي اطلعهن اناظرهن يالهن ريحه خياااال وهو مامعه شيء وكان هو متحدين ما ادفع له ولا ريال لارحنا للبقاله لاني قلت له تعال تعش بجنبي وتعشى عند واحدن من العيال ثاني ........ مالكم بالطويله .

المهم دخلنا وانا شريت علك وبيبسي وكيكاو اظن وهو راح يدور بالبقاله من ورى وانا ادفع يوم مشى "ياهو" من وراي قبل يطلع ولعت لمبه عند الطاوله حقت الهندي يوم دريت اثر عصا الهندي ( رانعـوه ) من عند العلبات ويخاف وينط عليه من ورى الطاوله ويمسكه ويضربه بكف انا طبعا نسيت ريحة الريالات... "ياهو" يقول : انا مافي معلوم رفيق مافي معلوم .... انا خنقتن العبره صراااحه قلت رفيق ايش فيه وانا يقالي عاد متحمس ويجيك ويطلّع من "ياهو" علك وفيشار ما ادري منين طلع الفيشار .. السؤال هنا كيف عرف ؟؟ ووش لون اشتغلت اللمبه ؟؟ وش هالتطور هذا !! :confused:
يوم اكتشفت انا بنفسي اثر به غرفه منداخل بالبقاله نفسه به عاملين قاعدين :4_1_101[1 طبعا الغرفه هذي سكن غريفه مهب غرفه ويطرفون الباب ويويدزون لا سرق احد من ورى ضغطوا اللمبه وطفوه :mad: وهذا يكفشهم طبعا من لعانة الهندي انه حاطن الحلاو والكيكاو والبساكيت ورى مخليهن بصف ورى مهب قدامه عشان يكشف الناس اللي ينطلون ..... المهم وانا ادافع معه ويصفقنا كلنا ونطلع من البقاله انا طبعا دفعة له الدراهم وهو يهوش وانا اعد الريالات عشان اعطيه رجعنا من البقاله وهو يقول "ياهو" : والله لا اعلم ابوي !! قلت انا : اقول انثبر لو درى ابوك توطان معك لاني انا مطلعك للبقاله .... :c4:
ورحنا للقصر وقعدنا شوي مرت كم ليله وانا لا سوى شيء قلت ابعلم ابوك يوم تنطل العلك والفيشار .. :4[1]: .. وهو يلبى طلباتي وقته لين ما خربته مره ونطلت من بقالتهم وكفشن الهندي بس ما قال لي شيء عاد صار هو لا قال شيء وقلت لا قال ابعلم ابوك قلت وانا اعلم وصرنا متساوين .. :a3: .. وتمت الحكايه

ورداتي لكم سلااام :11_4_101[
:x15:

[بنت البدائع]

:18[1]::18[1]::18[1]::18[1]::18[1]::18[1]:
أما ريحة الريالات خياااااااااااااااااااااااااال

أناأسمي هالريحه
(ريحة التجار)
ومن قوية تلصق بالإيدين

حكاياتك روعه ياالدختور كثر لنا منهن لأننا ملينا من القصص المنقوله
والمنطوله من كل مكان ..

[جناان]

>>>منفقع مخه تبي تعرف منهو د مسنجر

ايييه صح سباحيننن حلووه ههه
ننتظر السبحانيه الثانيه


تحيتي لك

[خزعل]

وسعت صدورنا الله يوسع صدرك

[الشفااف]

هههههههههههههههههههههههههههههه
يقطع بليسك يسلموا خيــــــــــو

[lipton.]

هعهعهعهعهعهع
الله يرج ابليسك

[جمان البحر]

آآآآآآآآآآآآآآآآآآآآآآآآآه
أحسن شيء ريحة الريالات ...ذكرتني بأيام الماضي ..
يوم اني أروح لعمومتي علشان يعطين جدي ريال ...والله ياهو شيء له طعم مب طبيعي ..غير عن اللي يعطين أبوي ...
وغير كذا يقرطسسسسسسس (جديد) ..وريحته تهبل ..ماغير أشمه اذا عطان اياه.
وكنا نصف طابور عند جدي وكل واحد ياخذ ريال ويحب راس جدي ويروح وهو طاير من على الارض من زود الوناسه ...

وقسم اني أحياناً أناظر خواتي الصغار وأقول ياحظهم يحسون بطعم الريال اللي ياخذونه من جدي ...
مب مثلي الحين اذا زرته يعطين عشره بس مااستانس عليها كثر الريال يوم انا بزر <<<يمكن لاني اكتفيت باللي عندي ..ولا عجزت صح ؟؟!


أدري تبي تقول والله ياهي كثير قرقه بس وش أسوي فتحت علي ذكريات الماضي الحلوه ..واللي لايمكن تنعاد ..

[دينا]

( زين ما صار طباقه بس )

هههههههههههههههههههههههههههااااااي قد جربتها يالدوووكتور هاه
سبع تريل
والله ياصدع راااااصي ابي افهم تريل وشي وتدخلت كل الحكومات اللي بالبيت وحلتها الشغاله
اسذب ترجمها ابوي :)

الا تعااااال صز سافت الهنديين اللي بالغووورفه ورا << تقول ماشاء الله حست انوو عندووه خبره
بالاماكن اللي تبع المخابرات <<< الا من جاب طاري المخابرات والله من زين التفكير انتي ووجهس اسكتي الله يفشلس


ويامال العافيه على هالسبحانيه
بص ترى نبي وحده ثانيه << جازت له :)

[د / ماسنجر]

:18[1]::18[1]::18[1]::18[1]::18[1]::18[1]:
أما ريحة الريالات خياااااااااااااااااااااااااال

أناأسمي هالريحه
(ريحة التجار)
ومن قوية تلصق بالإيدين

حكاياتك روعه ياالدختور كثر لنا منهن لأننا ملينا من القصص المنقوله
والمنطوله من كل مكان ..

ياهي رهيبه الريحه تصدقين يوم انا صغنطوط :)
افتح بوكي اللي به ريالات واشمشم الريحه وه بس

اوووووه ابشري بتملون من واذكركم
وردااتي سلاام

[د / ماسنجر]

>>>منفقع مخه تبي تعرف منهو د مسنجر

ايييه صح سباحيننن حلووه ههه
ننتظر السبحانيه الثانيه


تحيتي لك

هلا بتس
يابنت اهلتس انا جديد وش بكم !!
حرام يعني يجي واحد جديد بينكم !!
تبون اروح رحت وما رجعت :(

وورداتي لك سلااام

[د / ماسنجر]

خزعل
وسعت صدورنا الله يوسع صدرك
الله يجعله دوم مستاسعه :)


الشفاف
هههههههههههههههههههههههههههههه
يقطع بليسك يسلموا خيــــــــــو
وابليسك خيووو هههه
يسلمواااااااا

[اميرة الورد]

يالله يازين ايامكم اول وناسه مو مثلنا انواع الطفش

ننتظر جديدك من هيك اصص..
تقل مروري

[هادي الطبع]

بالبدايه يوم قريت الموضوع قلت سباحين بشد الباء طبعا ولى ركزت بباقي الموضوع دخلت شلف ابشوف الي يسبحون اثر الدعوى مب الي انا ابي








رهيب فكره ابوهنود اللمبه الحمراء خخخخخ


رهيب 2000 يادختور مسنجر

[مياسة]

( زين ما صار طباقه بس )

هههههههههه
سباحينك حلوه ... بس ناقصها نفود بالطرفية وبيالة شاهي<<-- الشكوى لله مالنا غيرها

[The Free Man]

http://www.9ll9.com/up/uploads/7570b01ba8.gif

يالسروقـــــي:c7:

[د / ماسنجر]

شاكيرا
ترا ابليسي غير عن ابليستس ههه


جمان البحر
اييييييييييه يالدنيا الماضي خيال والله انه فسحه ومتعه
عاد وراه يوم كبرتي عطاك عشره !! ههههههه مفروض خمسين ميه تكشخين شوي
لا منتب عجوز يا بنيتي ( < فضح روحه ) العجوز اللي ما تقدر تمشي :)
ترا عادي تسدحين لي من ذكرياتك المملوحه !!


دينا
والله قد جربتها ما اقول لك لا
طبعا صغير واحيانا ابروح لعزيمه ولا شيء ما القى قلم فاضطر اني احط اوراق بمخباتي واحط الطباقه ههه
بس ما امر من عند الرجال لان بيقولون ماسنجر ورنا قلمك وياخذون ويتفاجئون انه مامعي الا طباقه زي ما كفشن واحد
انتظريناا

[د / ماسنجر]

اميرة الورد
لا تحسبين كل ايامنا زينه هههه ترا لازم يتخلله قليلن من الطفش :)
وسعي صدرتس


هادي الطبع
حياك مشرفنااا


مياسة
خلاص الطلعه عليك الاسبوع الجاي !!
اضبطي وضعنا حلا وطرطات وكيكات وفله وورداتي جيبيهن معك ههه
( < يقول والله من زين الدبره مياسه زين تسانه تعرف تصب ببيالة الشاهي هه )

هاه وشو !!
وردااتي لتس ههه سلام

[جمان البحر]

جمان البحر
اييييييييييه يالدنيا الماضي خيال والهل انه فسحه ومتعه
عاد وراه يوم كبرتي عطاك عشره !! ههههههه مفروض خمسين ميه تكشخين شوي
لا منتب عجوز يا بنيتي ( < فضح روحه ) العجوز اللي ما تقدر تمشي
ترا عادي تسدحين لي من ذكرياتك المملوحه !!


ياابن الحلال أنا أحسن من غيري اللي أجدادهم ما يعطونهم شيء ...بس تصدق شكلي المره الجايه أقعد أصيح وأتدلع زي أختي الصغيره اللي كبر راسه وعيت تاخذه ومير يعطيها 5 وعيت قالت تبي زيي وأخيراً عطاها10 واقتنعت ..أثر الصياح زين وله فايده ...

بس تخيل رحت لها ثلاث أيام ورا بعض وكل مره يعطين عشره .يعني حسبتها بمخي لو أبروح طول أيام الشهر أبحصل راتب شهر ...وناسه ..صح ..
بس مب كل مره الواحد يفضي وأخاف يمل ويهون ...
خلنا على الزياره الأسبوعيه يعني بالشهر 40 زينه ..تنفع ..

[DaRk MoOn]

هههههههههههههههههههههه

الله يعطيك العافيه مشكووور

[جناان]

حرام يعني يجي واحد جديد بينكم !!
تبون اروح رحت وما رجعت
لا والله ياخيي لاتروح
موسعن صدورنا هههه
لكن من خفة دمك مشبهين عليك >>تقول يمكن كربااج
عزالله انتحر دكتور مسنجر ههه

كريرثاتي لك

[د / ماسنجر]

فري مان
ههههههههههه حلوه يالسروقي



جمان البحر
اعلمتس والله يا انتي مستغلتن جدك هههههههه
انواع التحجير له شكلك لا جيتي بس تشوفين المخبات


دارك مون
الله مير يسلمك ويعدي عنك



جناان
هه تنكتين !! ولا تحاولين
اما كرباج !! ههههههههه حلوووه
ما تعرفين تشبهين صراحه !!
شكلتس كل ما شفتي اسمي قلت ابن اللذينا ودي اعرف منهو !!
طيب وش فيها لا تشابهت الاساليب يعني !! حرام ؟؟
وه بس من هالقصمان < احلف يالحجازي ههه



وردااتي الكثيرااات لكم سلام

[خـــــــــــــــالـــــــــد]

جنان


>>>منفقع مخه تبي تعرف منهو د مسنجر


امممممممم

و هل يخفى القمر


=====


د. مسنجر


قريت الاول و ماشي معك

لكن يوم جت سالفه البقاله حست لين فهمت <<<<<< ماتعودت اقرا عامي قوووووووه اعرف اسمعها بس فاستنكرت الطويرات اللي في بيتكم خخخخخخخخ



ننتظرك في سبحانيه جديده


شكرا لك

[جناان]

امممممممم

و هل يخفى القمر
الله يهدااك ياخالد
بعد ماتعوذنا من الشيطان وقلنا عضو جديد
تجي تحوسنا ههه >>معليش خربت سباحينك توبه

[د / ماسنجر]

خـــالــد
هلا بك وغلا هههههه ياخي تطور واقر عامي وش بك يا احمد شوقي على غفله !!



جنان
اركدي ههه < حمق

[د / ماسنجر]

..

( 2 )
..

( بركـة المزرعة "البرتسـه" )

..

..


http://www.uae.gov.ae/uaeagricent/WATERANDDAM/img/rain_harvesting3.jpg

\

تعرفون ان الشباب قصدي البزران ( يوم انا بزر ) نستانس لا صار فيه مزرعه نروح له وننبسط ونفله ونبعد الطفش ونبعد الهموم ( اي هموم !! ) اللي كانت تحيط بنا من جميع النواحي ، طبعا ابطال او ممثلين السبحانيه هذي متعددين لان كل ما نروح يصير لنا سالفة ، بالعطلة الطويلة ولا بقى ساعه على اذان المغرب رحنا للمزرعة نسبح ولا خلصنا صلينا المغرب ورجعنا وعلى هالسالفة كل يوووم ، حتى إنه نبت بوجيهنا عنب من قوة اننا دايم نروح لهالمزرعه ( فقشة محترمه ) :d2: ...
من ضمن الروحات راح بنا واحد من اقاربنا كبير بالعمر اخذ عياله اثنين وانا واثنين من اقاربي ثانين وحنا بالسياره ابو محمد انواع النصايح ... انتبهوا لا تغرقون وانت يا ماسنجر فتح عيونك على العيال وانت يا محمد يا ولدي انتبه لا تطب بالغويط ( والبركه كله غويطه اصلن ) وانتبهوا لا تعافرون وتتهاوشون يقعد يغرق واحد منكم وعياله بس يناقزون وهم راكبين من الفرحه يسولف محمد مع اخوه : انا اطب طبه اتحدااك تطب مثلي .. قلت بقلبي والله من الإدعااااء .... المهم دخلنا المزرعة و نزلنا من السياره وتلبسنا انا طقيت سروال السباحه حقي ( دارين انه لك ههه ) :p وكلن لبس سروال السباحه حقه طبعا عيال قريبنا هذا ابو محمد ما يعرفون يسبحون ولا يديرون شيء اسمه سباحه بس واحد منهم جزوم اللي هو محمد واخوه الثاني اسمه علي ...
طبيت انا الاول بحكم اني اعرف اسبح ( دايم اللي يقول سالفه هو البطل ) لا امزح ماطبيت اول واحد بس خبركم قعدت ابربس عند البرتسه لين جو هم وطبينا جميع ، دايم لا طبينا الذروقين اللي ما يعرفون يسبحون يطبون اخر ناس !! بحكم ان البرتسه بعد شهبا وعادي تطلع لك بقره ميته تحت من شدة انه (محْلِيِه ) وبه "شبـى" كانكم تعرفونه الشجر الطويل الاخضر وحنا يقاله ما يهمنا لاننا تعودنا خلاص استملسنا عليه .
ابو محمد طبعاً قاعد على طرف البرتسه وحاطن سيقانه ( عصاقيل سلوى على غفله :D ) بالماء ويبربس تقولون عمره 6 سنين حنا طبعا وقته كنا بسادس ابتدائي تقريباً ... المهم وحنا نسبح طب صاروخ ولده الكبير اللي هو محمد الجزوم الفتى اللي يسمونه العيال بالحاره رامبـوا يوم طب الا وانا مبوبز على جدار البرتسه وواحد من اقاربي كان يبي يطب صاروخ اصلا يوم شاف هذا غرق ويطب ذيك الطبه اللي لو به قنوات العالم الفضائيه ومصورته كان ما تبيعه ولا بمليارات الدولارات ... ويدخل تحت الماء طبعا هو ابطى الولد بحكم ان البركه كبيره وغويطه ويضفه وهو غرق والولد يقول ك يبااااه ابموت ابموت ..... طبعا ابو محمد ماشاء الله عليه ما يعرف يسبح ولا قد طب بالماء ابد وقف يا ويلي يقول : انقذوووووه لا يموووت الولد ( تذكرت دعاية حليب السعودية ... الحقني يا حليب السعودية ) ... والحمد لله انقذه ودفه على الجدار والولد خم الجدار متمسكن به ويشاهق ويكحكح ...

صورة للسباح المنقذ الماهر

http://www.dw-world.de/image/0,,1269811_1,00.jpg

عاد أبو محمد عقب هالسالفة ما خلا عياله يطبون ولا مسبح لين ما تعودوا وصاروا يسبحون زين...
وحنا يالثلاثي المرح من بكرى رحنا وبعده وعيال ابو محمد يصايحون يبي يروحون معنا غصب وحنا نقول لا عرفتوا تسبحون تعالوا معنا ... تمت الحكايه



ورداتي لكم سلااام :11_4_101[

[جمان البحر]

وأرجع وأطلق آهاتي على أيام الطفوله ....

شكلك تبي تذبحني بهالذكريات ...

ذكرتني بيوم كنت بزر وكنا نروح أناوبنات عمومتي وعيالهم مع عمي لمزرعته ...وكانت الطلعه في الاساس علشان المسبح وانا الوحيده اللي مااعرف أسبح بس البنات ماقصروا وعلموني هم وعمي لحد اني صرت سباحه....بس الحين الله يخلف علي نسيت شكل المسبح ..ههههههههههههههههه..

ومسبحنا كان متطور مافيه شبا ومبلط وفيه جزئين عادي (حق امثالي اول ماطفينا بالمزرعه) وعميق ..ولافيه بينهم الا زحليقه يعني اذا انت ماتعرف المسبح ممكن ترووح للعميق وانت ماتدري ..


وعاد هذه قصه عن الزحليقه ..
في يوم من الايام جاء صديق عمي وولده واضطرن بنات عمومتي يطلعن اقاله عيب يسبحن معه لانه كان كبير ..وهن كبار (بسادس ابتدائي )ههههههههه..

المهم طلعنا كلنا حتى العيال اقالهم مناصرين لخواتهم ..وبعد شوي من طلعتنا ماسمعنا الاصراخ الولد ..

ويوم ركضنا للمسبح أثره رايح للعميق وهو مادرى وانزلقت رجله بالزحليقه وعجز يرجع للعادي وطبوا عيال عمومتي يساعدونه ...وكان الله يهديه سمين وهم نحافين ويالله يالله قدروا عليه وهم 3..

عاد أنا كنت واقفه على جانب المسبح وأناظره بطرف عيني وصراحة الصراحه كنت مستانسه لأنه خرّب وناستنا <<<<شررررررررر ..
مع اني راحمته بس كنت اقول بنفسي سااااااااااااااده ..

عاد هو قعد يصيح وجاء عمي وابوه بعد ماانتهت عملية الانقاذ وانا قاعده اناظره يصيح عند ابوه ودي اقوم واطب بكرشته من القهر ..
واقول لعمي ايه ميخالف مايجيه شر أصلاً هو مايعرف وشوله يسبح ؟؟ ..<<<شريره ماعنده رحمه ..
وعمي يسكتني ويقول ايه ميخالف هو غلط ولا احد نبهه على الزحليقه ..

وه بس ياكثر ذكرياتي مع المسبح حق عمي ...ياما وياما بغيت أغرق وتسابقنا فيه ..وماكان فيه اي رسميه بيني وبين عمي على عكس الحين ..


ايه عاد لا تقول الله يشغله أشغلتنا بقرقه الكثير ...بس ودي أسولف بعد عن طفولتي اللي راحت ماادري وين ...
الا ماتدرون وين ممكن القاه ؟؟؟ولا مافيه امكانيه أتسلفه من أحد ؟؟

[دينا]

يامال العافيه يادختورنا على هالسوالف
والله انك وسعت صدري الله يوسع صدرك بالرضاء والعافيه
>>ماله مابووه الا هي بالمنتدى لا والناص كلهوووم طالعين الا انا وه بص اوب حاله <<قعدت تشكي عليه :)
الا عندي سوووعال ((كم عمــــــــــــــرك ؟))
ادري انو افلقني ان جاوب بص لمح مدري احس انك كبر جدي
على طاري جدي الله يرحمووه
شووووووكرا خيو دكتور ع السبحانيه الروووعه
كمل لنا <<متابعه بحماس << احسبوووه فتح :)

ورداتي لك والسلام <<تم التقليد

[د / ماسنجر]

عاد أنا كنت واقفه على جانب المسبح وأناظره بطرف عيني وصراحة الصراحه كنت مستانسه لأنه خرّب وناستنا
انا استانست لانه قهرن وطلعوكم وراه ما صبر لين تخلصون

وه بس ياكثر ذكرياتي مع المسبح حق عمي ...ياما وياما بغيت أغرق وتسابقنا فيه ..وماكان فيه اي رسميه بيني وبين عمي على عكس الحين ..
وهالبركه اللي تكلمت عنه يا جمان البحر والله من سالفه وسالفه لان هالبركه له حوالي عشرين سنه وللحين موجوده بس نروح فترات للمزرعه بس مافي امل نمر من عند البركه لانه صارت رعب خضراااء ما نشوف القاع :)

ايه عاد لا تقول الله يشغله أشغلتنا بقرقه الكثير ...بس ودي أسولف بعد عن طفولتي اللي راحت ماادري وين ...
الا ماتدرون وين ممكن القاه ؟؟؟ولا مافيه امكانيه أتسلفه من أحد ؟؟
بالعكس والله يا وخيتي نورتي هالذكريات بسواليفك ولو كان عندك حكايا بعد لا تبخلين بهن بس لا بغيتي تبدين تقصين رقمي سواليفك عشان نعرف كم وصلنا :)
مافيه احلا من الذكريات الماضيه والسواليف اللي كل ما نتذكره نبكي ونتمنى انه ترجع ولكن للأسف كلنا راح نروح ومو باقيه هي ...
لاتنسين الحكاااوي ورداااااتي لك سلام

[خـــــــــــــــالـــــــــد]

د.مسنجر


اسلوبك رائع في سرد السباحين ...


لديك قلم يتاقلم مع جميع الاقسام بمهاره ;)


اما المسبح مممممممممممم ذكرياتي معه ممتعه فالمسبح صديقي


شكرا لك

[د / ماسنجر]

دينااا
يامال العافيه يادختورنا على هالسوالف
والله انك وسعت صدري الله يوسع صدرك بالرضاء والعافيه
واياك ياوخيتي الله يوسع صدرك دوم العمر وطويل الحياة

الا عندي سوووعال ((كم عمــــــــــــــرك ؟))
ادري انو افلقني ان جاوب بص لمح مدري احس انك كبر جدي
على طاري جدي الله يرحمووه
شووووووكرا خيو دكتور ع السبحانيه الروووعه
دامك داريه اني اوب مجاوب على قولتك وشوله تسعلين !! هههه
قديمه اللي يقول كم عمرك ادري منتب مجاوب بس قلي ( عشان يحرجون هههه ) اوب حاله

على طاري جدي الله يرحمووه
شووووووكرا خيو دكتور ع السبحانيه الروووعه
كمل لنا <<متابعه بحماس << احسبوووه فتح

ورداتي لك والسلام <<تم التقليد

الله يرحمووه ويسكنوه بالجنة والمسلمين اجمعين
ابكمل لك لا تخافين بس خلتس متابعتن زين

( ياكثر اللي نطلوا كلمة "وردااااااتي" وه بص ) ( بص = على قولتس )
منب ناطله لا تخافين

وردااااااااااااتي لتس سلااام

[د / ماسنجر]

اسلوبك رائع في سرد السباحين ...
لديك قلم يتاقلم مع جميع الاقسام بمهاره

اما المسبح مممممممممممم ذكرياتي معه ممتعه فالمسبح صديقي
اهلين وسهلين يا كامل الزين
هلا ومرحبا دكتورناا
الله يسلمك قايلن لك احرجتن عادي ردي عليك خابره انت ما يحتاج اقول لك :)
كان عندك ذكريات عادي تسدحهن هنا ترا !! ما نمانع بس جب معك ريالين للسبحانيه الوحده :)


ورداااااااااتي لك سلااام

[فهد الحلوه]

هههههههههههههههههههههههههههاي

عجزت أقرا ردودهم الا لا زم أرد هع <<انواع الحماسه هع

الصراحه شلكم انت الخوافين ماتعرفون تسبحون<<<وشجاك انت المحقق كونان هع

الصراحه لاتحرحرمنا سواليفك انت وتوتي وصعب المنال و الفتى الذهبي طالعين عليك تراهم أنواع السواليف هع


تحياتي وورداتي هع

[د / ماسنجر]

السعودي ههههههه
ياخي ضحكت وانا مالي خلق
الا نعرف نسبح تبي نروح نستاجر مزرعه ونطافش به !! ( نطافش !! يازين هالمفرده حسيت ان بي رطوبه )
خلهم يجون يسولفون معي تسان عنده سباحينن زينه مثلك
حياك وونستنا والله بهالضحكه


ورداااااااااتي سلاااااام

[د / ماسنجر]

..

( 3 )

..

( الـبسّـــــــــــة -C A T )

..

..

http://www.wz63.com/up/uploads/cdd1c59242.jpg

..
..

الحلوه الأموره اللي تشوفونها بالصورة ... هذي هي البسة اللي جت اخوي هديه من صاحبه ( طبعا مهوب هي هي هي ..... بس نقول تشبه له ) كانت هذه الفتاة تعيش واقع رومنسي ما يعيشه ولا أطلق اوروبي ، وفي ضل التغيرات انقلبت وصارت متوحشه بعدين رجعت مثل ماهي :)
كانت تلك البسة عند صديق اخوي وشاريها وبمبلغ وقدره وكان يغليها بالمره .. اهداه اخوي وجابه اخوي عاد بالبيت انواع النصايح طبعا وقتها كنت صغير بالعمر انا يقول : لا احد يجدع عليه نعال !! ولا احد يمر بجنبه !! ولا احد يحارشه !! ولا احد يصارخ عليه !! شوي شوي سولفوا معه !! انا يوم قال شوي شوي سولفوا معه قلت انت جايب لنا ادمي !! قال لا بس لا تصارخون ترا يا ويلكم !! قلت خلاص حنا بنسولف على راحتنا < ههههه
المهم اليوم الأول قاعدين حنا بالليل طبعا هي جته المغرب وحنا والعيال انواع التدقيق ..... سبحان الله شف شف شف تجي بسرعه واصفر وتجي .... وكل شوي لها اسم هههه مره ليلا ومره نوني ومره سوسو ومره جوجو ومره خوخو وغوغو ما نعرف نطلع اسم دلع له اخر شيء صفيت على اسم كوكو طبعا صديق اخوي ما قال له وش الاسم كان مرتاحين .. وكل ما شفتها ( وانا ما اختفيت عنه ) كوكو ميو ميو بصوت صغير .. وتجي بسرعه .. واجدع عليه خبزه رز لحمه شيء وتاكل .. مع انه كانت بنظري بسه مهذبه وبسه شريفه مهب راعية سهر ولا راعية خرابيط الساعه 11 بالكثير نايمه بالكوخ الصغير حقه .. طبعا وانتم تقرون كلمة كوخ تحسون انه بمكان مزروع وجنبه مسبح وحركات صح !! لالا لا يروح خيالكم بعيد الكوخ هذا مربوعتين كسرتهم نصفين وحفرت لهم بالارض وحطيت بلكاش فوقهم ( قطعة خشب طويلة ) وصارت زي المضله .. - اجل كوخ ؟؟ - المهم بالليل فرشت له صماط وحطيت فيه الاكل حق اهلي طبعا البسه صايره كانه لي بس عشان اطلع بصوره رهيبه قدام اخوي ويخلين العب معه وكذا كنت وقتها يمكن بثاني متوسط !! .... وافتح الصماط واحط اللحم يمين والرز يسار والسلطه على جنب ( طبعا كله عقب اهلي ههههه ) المهم واحطه عندها بعدين اروح واجي الاقي بساسة ثانيات جايات وياكلن بجنبه وواحد كان لونه اسود وربي ياهو يخوف انا قلت بس البسه بيدشره ذا الطاغوت لازم اسوي حيله بحيث ما يجي لها ثانيه .. لا وعليه نظرات كأنه يغازل .. عاد ما ادري عطاه الرقم ولا الايميل .
ثاني يوم نفس الروتين .... اناديها والعب معها طبعا هي جت يوم الربوع الكلام كله كان بالربوع في الليل ... يعني مافيه مدارس من بكرى الصبح قمت اللي هو يوم الخميس ... والعب معها وانظفها وامسحها وحركات واصفر ويا كوكو تعالي واصرخ وتجي .... ولا طقيت باصبعي جت تمشي مليون حتى اني اخاف وانا يقاله ما اهمّن احم .
قايم من صبح الله ، يوم تمت الساعه 8 وشوي رحت للبقاله انا ورجعت .. ونسيت الباب مفتوح بحكم اني مشتاق للبسه واخوي كل ما يشوفن طبعن يقول وش لونه طيبه !! تهاوشه ما تهاوشه !! قلت أبد حاطه بعيوني ....
المهم وانا العبه كذا من شدة شوقي له كنت ماسكها بقوة وتقول ميو ميو ميو ميو ..... انا قلت بتركها وأشوف وش يصير !!
تركتها لعله ماااغطه لباب الشارع وتطلع وتجي كرسيدا وتدعسه وتموووووت ( الله يرحمه :( ) تصدقون الموقف قدام عيوني ما ادري وش اسوي !! الدنيا تقفلت بوجهي كيف ان حبيبة قلبي تموت قدامي وين اروح ؟؟؟ وش اقول لاخوي ؟ اقول قطوتك ماتت ؟؟ اخوي باللحظه وش بيسوي بي ؟؟ بيقتلن بيذبحن ؟؟ يعني امر جدا جدا محزن ( وش رايكم زين السيناريو ههه ) ..
جيت لقيته تقول ميـــــو ميـــــو حزينه والصدمه من عند الرفرف اوه قصدي من عند الورك اليمين اذا مشت يا ويلي لفت يمين بمكانها ودارت ..
عرفت انها بتفقد الامل .... راحت نظافتي لها بوساخة الإسفلت .... وذهب ذلك المجرم الجاني .... ولم اعلم ماهي اللوحه فقد كنت منهمكا في المعالجه ( مهوب عاقل ) ..
اخذته وحطيته بالحوش احتري اخوي يجي ويصفقني .. جا الساعه 1 يمكن .. وقلت له السالفه اشووووووووى وبرده الله بالعافيه ..
من بكرى جيت له على حطته بالحوش وكل يوم تغمض زود وانا حاط جنبها صحن صغير بوه ماء .... اليوم الثالث جيت لقيتها فاطسه ( موقف مبكي ) ...
عشت باقي الاسبوع وانا انواع الهواجيس كل ما شفت بسة بيضاء اقول :: كوكو حبيبتي .... كوكو تعالي هنا .. كوكو ................. كوكو ... أحلاااااااااام صارت هالكوكو حسافه :( ...
دفنته وصليت عليه انا وعيال الحاره .. ( امزح )
وماتت كوكو الله يذكره بالخير
وصار فتره اخوي يناظرن بعين حاره ..... ما ادري وش يبي يسوي بي ..... تمت الحكايه

ورداااتي لكم سلااام

[هامة حاسوبية]

http://filaty.com/i/710/f3dd562.h---11.gif


>> تقول ليت عندي مثل كوكو :( >> بس تراه ماتتحمل المواقف الصعبة



http://filaty.com/i/710/f3dd562.hh----2.gif

[د / ماسنجر]

http://filaty.com/i/710/f3dd562.h---11.gif


>> تقول ليت عندي مثل كوكو :( >> بس تراه ماتتحمل المواقف الصعبة



http://filaty.com/i/710/f3dd562.hh----2.gif



هههههههههههههههه
تدرين انا صرت كاتب قصص عقب هالموقف < بدا شغل النصب خخخخ

ورداااااااااتي لك سلااام

[توتي]

يـــــاهلا .. يــــاهلا :)

اخبارك ياحبيب كوكو :)

اخبار الكوكو معاك ياخي ماكثر الله الا الكوكوات بالشوارع خذ لك وحده وسمه كوكو وتجي معاك زي الفل :)

شــــكــــرا د / كوكو ع الحتوته

وبالنتظار الحتوته الجايه

[توتي]

اخذته وحطيته بالحوش احتري اخوي يجي ويصفقني .. جا الساعه 1 يمكن .. وقلت له السالفه اشووووووووى وبرده الله بالعافيه ..
من بكرى جيت له على حطته بالحوش وكل يوم تغمض زود وانا حاط جنبها صحن صغير بوه ماء .... اليوم الثالث جيت لقيتها فاطسه ( موقف مبكي ) ...


<< جآآ آآ آآ زت لووووه تدرج الاحداث بالفقره ذي :)

[§¤~^~¤§ شوكلاته مالحه§¤~^~¤§]

أثاريك راعي بساسه لا ولو بهم رجاء القصمان يربون بساسه<<احلفي يالحجازيه

أهنيك على اسلوبك الزين بسرد القصص واصل الله معك لك مستقبل باهر في الروايات الدراميه<<متعوبن عليه باهر

سلاااااام يابو وردات

[د / ماسنجر]

يا توتي ما تدري انت وش السالفه اصلن
الله بلان بحبهن وللحين ودي اجيب لي بسيسه بالبيت بس خبرك الشهبان اللي هنا مافي امل يخلونه تعيش حياة امنه ورومنسيه < امنه ولا فوزيه خخ
كوكوات الشوارع تحسبهن زي كوكو حقتي ...... وه بس ( وجه خجول )



شوكووولاااتااا
اهنيك على ردك الشجي ( الشجس بالصوت اذكر ههه )
حياتس الله يا وخيتي والزين والملح كللللللللله لامن شفتكم جايين هنا



وردااااااااااااااتي لكم يا وردات سلام

[جناان]

الصراحه يوم حصل الحادث
على المذكوره ههه
قلت خلااص راح فيها
د مسنجر
لكن برده الله بالعافيه
الدعوه نظراات كيفه خخخ

الا ماعندك قصه عن الصيصان ياحبي لهن
يهبلن ههههه

تحيتي لك

[ღعبدالله العطيشانღ]

سباحينك يبن واحد فاضي وأنا وقتي مو ملكي
يا كثر ورداتك الناس تطيح بكنز وأنت طايح بمشتل ورد !

سلام أبو وردات

[بنت البدائع]

ياهي جنااااااااااااان سالفة القطوه كوكو

قسماً عظماً ويشهد علي الله
أني داخله الحين أبكتب سالفة عن قطوه بيضاء
بس قلت أقرأ شوي مواضيع وبعدها أنزل موضوعي
تفاجأت يوم قريت حكايتك ......

ألف شكرررر على هيك سباحين .

[دينا]

لرفــــع <<وش عنده
الا صز وين ابونا راااعي السباحين مااشوفه لي كم يوم
الظاهر ورداتوووه خلصن :)

[د / ماسنجر]

هلا والله وغلا بأحبايبي وحبايب قلبي
والله الدنيا ماتبشر احيانا بخير
احيانا تنقفل همن ما تنفتح الا بالللللللل( محذوف هههه )



يا انا ولهن عليكم متقطع ،،،،،،، وه بس
اعذرون يانا امر بظروف مهب صعبه بس انه تبعدن عنكم فتره وبجيكم كل يوم اغدين لا تخافون ( وجه مستحي )



ورداااااااااااااااتي ماقضن
ورداتي لكم سلااااام

[دينا]

ياهلا وغلا باأبوووو وردات وين الناس
وش ذا الغيبات كل يوووم انتظرك وين سباحينك
لتتأخر ننتظرك
ويكفي وردات:)

[د / ماسنجر]

هلا والله ومرحبتين وسهلين .........
كل عام وانتم بخير فديتكم وه بص < على قولت بعض النااااس
والله بالدنيا يكافينا ربي شرررهااا...
بتجيكم السواليف دامي رجعت إليكون لا تخافون :)


ورداااااتي لتس سلاااام

[د / ماسنجر]

..
..

( 4 )

..

(الإبتدائية وما أدراك ما الإبتدائية - الجزء الأول )

..
..

http://wady7ly.jeeran.com/DSC00270.jpg

_


_


آآآآآآه يا أولى ابتدائي لييييين سادس ابتدائي هذولي السنين اعتبره أحلا أيام حياتي وقسما بالله شوي وتخنقن العبره :6[1]: ، لان هذولي الأيام كل واحد منا قضى فيها مواقف يعني ست سنوات دراسة كفيلة بأن تضم ستين مليون موقف ( أقول لا تكبر الأمور وتضخم المسألة ، ادخل دغري لا أخلطك / سمّ ) .

الصف / الأول ابتدائي
فصول السنة / الشتاء
المدرسة / الرابعه والكرتون الابتدائية ( مدرسة عيال بس منب قايلن اسمه )
الوقت / السادسه صباحاً
اليوم / ما أذكر بالضبط

طبعا امي الله يخليه لي ويعدّا عنه تحبن ومن حبه لي اهدت لي معلقه بس شققته لان المعلقه عاديه بالنسبه لي ( مهب عاقل أرخميدس ؟ ) :4_1_102[1 ، المهم امي وش لون كانت تقومن ؟ كانت تقول دكتوووووور قم الساعه سبع ونص صيفت على المدرسه ، همن تخبّن خبّ ، طبعا انا اتذكر ان وراي وكيل ومرشد طلابي وإدارة وأخرررّه وأقوم طبعا كلي عطور ومسك ؟ لا والله كلي غمص وحلوم ماله أم ولا خال ، ولا قمت اتوضا واصلي الفجر طبعا صلاتي حوسه احيانا اتوضا كامل وانسى رجلي اليسار من البرد واحيانا انسى ذرعاني انطهن على طول ، قد مره ابسبح الفجر أمر ادخل وانا آنود واطلع واتلبس وانا ما سبحت بس من البرد احسب اني سبحت :f5: .

أصحو مبكرا مع زقزقة العصافير اللي بدريشتي ، همن اصلي والقى امي حاطتن السندوتشه وجبن والكاس احيانا بكاس خيالي أو كالعاده بكاس جبن بوك ولا كرافت :4_1_6[1]: وسبحان الله أحيانا الكاس يصير امس مخلص الجبن واليوم ابشرب به شاهي !! همن عاد احس بطعم الشاهي تقل ( مبغوث ٍ ) معه جبن لكن امشي الوضع احسبه طعم الخبزه اللي أغطه ، إلا اني مره تحلحلت من على مكاني وقمت غسلته ومحضته ومحضته لين غدا كاس بلاستيك حق المحطات وشربت به ( صورتي وانا مطلعن لساني ) ، همن اقوم وكان علي بدنيه البس البدله لا اول شيء البس البجامه همن فنيلتين او ثلاث ( حفر ) هذا اذا ما صارن خمس او ست وقسما بالله مره عديت الفنايل لقيتهن 9 مدري 10 فنايل مره قلت لامي يمه والله لو ان البرد ما يعرف بالدنيا إلا انا قالت لي جملته المعهودة : إيه بس ولو !! ، قلت ولو ولو ؛ والبس فوق البجامه بدلة الكورة همن الله يعز الملايكه والسامعين البس كنادري اللي شاريهن بعشرين مع المكاسر طلعن بعشره شكلهن اللي على الجنب صور كفرات من يذكرهن ههههه والله اني اضحك اذكرهن اول اوقف بالتراب واسوق سيارة برجلي هما الجزمه صايرتن تقل سياره ، مخفات الله يعقل علينا .
همن عاد البس فوقهن الثوب وفوقه كوت همن تتكّ والديني الوالدين أمي بالشماغ إلين يطلعن عيوني من قوة اللطمـه " اللثمه " ، واحلى شيء تعطين ريالين مع الحنان والعطف تخليهن ثلاثه لا وجدد ( بنت البدايع تبي تقول اسمي ريحة القروش ريحة التجار خخخخ ) همن احطهن بمخباتي وكل شوي المسهن هو بقى بهن شيء ولا قضن ياويلي صغير ما اعرف شيء أبد !. طبعا مع الفسحه اللي قد قعدت بشنطتي 3 ايام غدا لونه مثل علم المنتخب .

طبعا هذاك اليوم كان عندنا حفل مادري وشو لمدة ساعه مدري ساعتين كان به مباراة بين خامس وسادس وحماس ، اول حقين سادس وخامس عوارض وشوارب ولحى الواحد منهم تقل أبو عيال ، وانا شلتي على قدي خمسه سته بالكثير والباقي اعرفهم سلام وعليكم السلام على قولة امي اول ما دخلت تقول يا وليدي خلك مبارين الساس لا تدخل مع احد ولا عرفت الساس الا قبل سنه هههههه ( مباري الساس ، يعني لا لك ولا عليك خلك دوبك دوب نفسك والساس اللي هو الجدار يعني امش جنب الجدار لا تحتك مع احد ) ، المهم كان الملعب جنبه زي المسرح البسيط هذا هو مكان الاذاعة الصباحية والملعب كنا نصف به الطابور الصباحي ، المهم وحنا قاعدين نسولف الفسحة الاولى قايلين لا رن الجرس تروحون للملعب فيه مباراه على كاس ووووو قلنا طيب ، أول ما رن الجرس رحت انا وكنت متحدي انا وواحد الاول اللي يوصل مسرح الاذاعه ويقعد على طرف الجدار ويخلي رجلينه ( يتدودلن ) يعني يقعد على الطرف كنه قاعد على كرسي ، المهم وانا اركض ، واركض ، واركض ، واركض لين وصلت بيتنا أمزح لين وصلت مكان الاذاعه يالله لحقت على هالمكان وكان المكان كله زحمه مصاريا وسودانيين وأمريكان ( ياشين أحلام اليقضه ) ، المهم يوم قعدت انا واطلع حلاو مدري علك من مخباتي وتبدا المباراه وانا اشجع واعلك ما ادري وش الطبخه بس نشجع طبعا يوم انا صغير كنت مزيون عيوني كانن زغر بسم الله علي عظيم اسمووه :5[1]: ، وبينما كنت جالساً أشجع وأصارخ وألهو وأمرح بمكاني مادريت الا واللي يرجفن مع ظهري ذيك الرجفه اللي حسيت ان العمود الفقري ناشبن بضلوعي بسم الله علي ، وكان رفع الجدار يمكن متر ونص انا وش لون طحت ؟ طحت سلمكم الله على خشتي المصونه واول شيء لمس الملعب هو أنفي الجميل ، لا والملعب مهب ثيل كأنه فراش سليب هآي ؟ هههه ياملحكم بس الملعب بودرة كأنه جدار جاوبت على وجهي ياحبيلي ، يا أنا خمعت خمعـه بحياتي ماقد حسيت بالجملة اللي تقول : حبيت الارض ، مثل ما حبيته بهاليوم الله لا يعيده من نشاط ولا يعيده من تحدي يوم قمت طبعا ما صحت على طول لاني حست اللعب وجا الحكم ( مدرس الرياضه ) وشالن وهو يقول بسم الله عليك يا وليدي وش جاك خشمك يصب دم خذ منديل ، يوم قال يصب دم انا مهب عادتي يصب خشمي دمّ وبقوه واناظر ثوبي اثره ممتلي ، والتفت واشوف الولد هذاك هاج عقب ما دفّن وطحت ، قلت بقلبي : سي يو ليتر أيها الخسيس يعني أراك لاحقاً ياصعلوك طبعا ثقافتي هولنديه بس مدري وش الله بلان بالانجليزي بس الشكوى لله .
المدرس حس ان الدعوى فيها مؤامرة وفيه رجف وتحدي ، قال لي : دكتور ماسنجر به احد متهاوشن معه انت او متمشكل او ضاربك او متضاربين ؟ قلت لالا بس واحد ضربن مع ظهري وطحت شكله منقهر عشاني اخذت المكان قبله ، قال : لالا ماعليك منهو تعرفه ؟ قلت : إيه قال : عطن اسمه : قلت فلان ابن فلان الفلاني قبح الله وجهه ، قال أمرك يادكتور سترا رقبته مشنوقة ونقطع رأسه أرباً أرباً وسنعلقه في دريشة المقصف حتى يكون عبره لجميع الطلاب ، أمزح قال خلاص مالك الا يكون طيب ، قلت ان شاء الله ، انا مدري وش الطبخه توي اول ابتدائي ما أدري وش انا عليه ، المهم انتهيت وحاولت اغسل الدم ما قدرت ، قال لي المدرس خلاص اتركه وانت رح لبيتكم قلت ودن اخاف الصبح وودان يوم دخلت على امي قالت : هاااااو ؟؟ وش بك وش جايك وشو الدم وراك جاي هالحزه من صادمك وش جاخر صدرك وستين سؤال بمخه ؟ وانا اضحك قلت : هه لا أبداً بس طحت على خشمي بالمدرسه ، وانواع النصايح وفكس وفازلين ووازلين وجليسوليد ونيفيا وجميع انواع الكريمات صارن بخشمي ، يحلفون يوم انا صغير داقين شركة جرجنز يبون اسوي دعايه معهم بس اني معيّي معطيهم صامت ( خخخخ ) .

المهم ورجعت ولا لعبت بدنيه لانه كانت الدرس الاخير اظن مدري اللي قبله ، وامي كل صبح تقول وهي تلبسن : انتبه منه لا يذبحك وانا اقول ان شاء الله ، وين حنا بوه يمه يذبحن ؟ هي وكاله من غير بواب ؟ المهم بعده ماكان عندي الجرأة اني اخوض بحوض بطنه لاني كنت توي كنت صغير بسم الله علي ومنذ نعومة أظاريفي قصدي أفاظيري قصدي ظفاريري قصدي أظافــيرري إلين الحين وانا ماحب المشاكل ( حطو خشبه تحت نعومة أظافيري ) . تمت الحكاية




ورداااااااتي لكم سلااام

[ღ ][ وحيدة كالقمر ][ღ]

بــــــــــــــــــــــــــــراءة ياناس


قسم بالله أيام الطفوولة قمة بالبراءة والبساطة,,,,,




أجل ريحة القروش ريحة تجار


ههههههههههههههههههههههههههه

قسم بالله صادقة بنت البدائع أنا وهذا كبري لاعاطني خالي قروش أشمهم أدري إنهن توهن طالعات من الصرافة<<تفو تفو ماشاء الله



أجل نغط خبرزة بجبن بشاهي,,,ماأدري هالشهوة لنا ع هالصبح


بس صدق بساطة وبراءة ووووالخ




إستمتعت والله وأنا أقرأ قصتك,,,عشت طفولتي والله


أول ما رن الجرس رحت انا وكنت متحدي انا وواحد الاول اللي يوصل مسرح الاذاعه ويقعد على طرف الجدار ويخلي رجلينه ( يتدودلن )


تصدق يادكتور ماعليكم شرهة,,,حنا العام بثالث ثانوي نركض وأيهم اللي تحجز المكان وتخلي رجلينه يتدودلن ,,,يعني محبوب هالمكان



تحيتي لك

[مــسفـ..ـهل]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخ


يعطيك الف عافية يامبدع...مير السباح الي فوق ابو نظارات لي ساعة افطس عليه..تكفى زود لنا من هيك قصص..

مشكوور

[<<NONI>>]

ههههههههههههههههههههاي
صراحه خيال
اما عاد ريحه الريالات انا ما تعجبن ابد >>>>بنت نعمه >>>>لا لا امزح كلنا مثل بعض

[جناان]

عوده حميده
د مسنجر

اما سبحانية اليوم هههههه

اليوم المنتدى كله ذكريات الطفوله http://www.getsmile.com/emoticons/smileys-91853/q/frown.gif

[د / ماسنجر]

وحيدة القمر

.. [ بــــــــــــــــــــــــــــراءة ياناس


قسم بالله أيام الطفوولة قمة بالبراءة والبساطة,,,,,




أجل ريحة القروش ريحة تجار


ههههههههههههههههههههههههههه

قسم بالله صادقة بنت البدائع أنا وهذا كبري لاعاطني خالي قروش أشمهم أدري إنهن توهن طالعات من الصرافة<<تفو تفو ماشاء الله



أجل نغط خبرزة بجبن بشاهي,,,ماأدري هالشهوة لنا ع هالصبح


بس صدق بساطة وبراءة ووووالخ




إستمتعت والله وأنا أقرأ قصتك,,,عشت طفولتي والله


تصدق يادكتور ماعليكم شرهة,,,حنا العام بثالث ثانوي نركض وأيهم اللي تحجز المكان وتخلي رجلينه يتدودلن ,,,يعني محبوب هالمكان



تحيتي لك ] ..

أي والله أجل ماعلينا شرهه اللي أنتم هالكبر كبر البيبان وتسوون كذا ( بتلحقه شباصه الحين خخخ ) الله يوفقكم .

[د / ماسنجر]

مسفهل

.. [ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخ


يعطيك الف عافية يامبدع...مير السباح الي فوق ابو نظارات لي ساعة افطس عليه..تكفى زود لنا من هيك قصص..

مشكوور ] ..


مسفهل الله يجعله دوم الإسفهلاااال عليك يارب ، ياخي ليه تخلص الضحكات حقات الشباب ههههه !! أوب معقوله :p

الله يعافيك ويعدي عنك الشر تدري السباح الحين ماله خلق السباحه كبر وشاف نفسه هههههه
حياك ومرحبابك

[د / ماسنجر]

NONI

.. [ ههههههههههههههههههههاي
صراحه خيال
اما عاد ريحه الريالات انا ما تعجبن ابد >>>>بنت نعمه >>>>لا لا امزح كلنا مثل بعض ] ..

من قدك يالتاجرة يحلفون انك لا عطستي عطستي خمسينات خخخخ
بعدين ظحكتك بكم مشتريته !! ، احسه غاليه

حياك الله

[د / ماسنجر]

جناان

.. [ عوده حميده
د مسنجر

اما سبحانية اليوم هههههه

اليوم المنتدى كله ذكريات الطفوله ] ..

الله لا يحمد أمر عدوتس :p
إلا الحين شاكتن بي ههههه ياحليلك والله
وش لنا غير التونس بالذكريات !!
حياك

[د / ماسنجر]

..
..

( 5 )

..

(الإبتدائية وما أدراك ما الإبتدائية - الجزء الثاني )

_


_





أيام الإبتداية كان كله وناسة وفرفشة وكان كله براءة لدرجة إنه صارت لي مواقف جدا حزينه من بعض المدرسين وهي الضرب والاعتداء الجسماني علي كطالب منتف يوم أنا صغير .


بيوم من الأيام كنت فتى رشيق ( انا ما أدري وراه أنصب عليكم وأقول السالفه خخخ ) نعم نعم ، كنت فتى رشيق لا أعرف للسمنه سبيلاً :p أي والله إني رشيق يعني لا تحسبون اني صز صز دب ، وكان عندنا ذاك اليوم حصة قواعد ومن حيني ما أداني مدرس القواعد ( الله لا يوفقه بحياته ) تقولون ياماسنجر لا تدعي حرام و و !! ، أقول لكم لأنه كان اللي يدرسنا وكأننا يهود مهب مسلمين ، المهم فكان كل الحصه وأنا أتحكحك ودي أقوم وأطلع بأي وسيله وكان هو جدار طبعا من كبره المهم قربت الحصه تنتهي وفعلا انتهت وحنا نبي نطلع للحصه الثاني بمختبر العلوم ( ااااه يازين ذاك المختبر ومدرسه والله انه كان عسل كاننا عياله ياحبيله الله يوفقه بالدنيا ويرزقه ويجعله غني بالخير والمال - شوفوا الفرق بينهم - ) قال لي ماسنجر لا تروح احترن هنا قلت طيب المهم جا المدرس حق العلوم قال يالله يا طلااااااب على مختبر العلوم طابور واحد قلت الاستاذ قال لي لا تروح قال ماعليك تعال ويجي هو الحصه لي مهب له قلت طيب ورحت معه يوم جلسنا بالطاولات دخل المجرم قال عفوا يا استاذ لو سمحت الطالب فلان قال سم ، يا ماااسنجر الاستاذ يبيك وأقوم انا واطلع .

طبعا بحكم إني زي ما قلت طالب منتف ما أملك عضلاتي اللي الحين وبحكم أني كأني قلم بنسل بالمدرسة من صغري تعرفون ابتدائي أكيد بكون صغير يعني ، طلعت الحين من المختبر جا قال اوقف ووقفت بعيد عن الباب بكم متر وتركيت على الجدار قال لحظه واجيك راح دخل مكتب وجا ما طول ، وانا متركّي على الجدار حط ايده اليمين وركاها على الجدار وهو منزل راسه يتكلم معي يعني حط ايده اليمين جنب اذني اليسار بس على الجدار ، قال لي : منب قايل لك لا تطلع واحترني فوق ؟؟ ، قلت إلا بس الاستاذ قال نروح للمختبر ، ومد ايده اليسار وعطان كف ( الله يشل إيده وأركانه ) انا انصدمت كيف إنه أول مره أحد يعطين كف حتى أهلي ماكانوا يتعاملون بالضرب لما كنت صغير كانوا يتعاملون بالأسلوب ، وكانوا يضربون بس مهب للدرجة هذي !! ، جلست أبكي انا وقال لي : لا قلت لك المره الثانيه توقف بالمكان الفلاني يعني توقف بالمكان الفلاني ، قلت طيب وانا أصيح ، راح هو وطقيت الباب انا بعد ما مسحت دموعي وفتح لي الاستاذ واخذن برى قبل ادخل قال لي : سلامات وش فيك يا ماسنجر قلت ضربن الاستاذ قال ليه قلت انه يقول كذا وكذا ، قال الله لا يوفقه ادخل ، ودخلت قعدت .

شفتوا السافل وش سووا ؟ شفتوا حكم القوي على الضعيف !! وإن الله سبحانه ما يضيع هالشيء أبداً ، لما كان عمري تقريبا 20 سنة يعني بعد السالفة تقريبا 12 سنة ، كنت رايح لمخيم بالبر وكان قريب من أحد القرى ، فرجعنا الساعة 10 بالليل للمحطة نبي ناخذ أغراض ونطلع ، وكان عددنا يمكن 4 أخوياي قد قلت لهم السالفة قبل فترة طويلة يوم قربنا عاد للمحطة وأشوفه يدخل للمحطه هذا الاستاذ نفسه ، كابر بالعمر وسبحان الله وجهه قبيح وهذا يدل على ظلمه وبذاءة تصرفاته ، قلت اسمعوا شفتوا اللي دخل ، هذا المدرس اللي قد عطان كف يوم انا صغير اسمعوا منب رايح من المحطه إلا انا ماخذ حقي ، كان تبي تاخذونه معي حياكم الله منتب ماخذينه اباخذه لحالي لو اطمع اني اموت ، قالوا أفا عليك وش تبي نسوي بس ، قلت ابروح انا وادخل بسلم عليه بحكم انه مدرس وقد درسن بيوم من الايام انتم خلكم حولي بالضبط أي حركه أسويه به انتم تكملون معي ، قالوا تمّ ، مشيت ودخلت كان معي كيسه حطيت به كم علبه عشان المنظر يضبط ، سلمت عليه قال ما عرفتك وهو يضحك ، قلت هههه أنا ماسنجر نسيتن ؟ قال والله ما اذكر قلت طيب اذكرك ، تذكر يوم كنت أنا بزر ما تعديت ركبتك يوم تقول لي مره بالمدرسة الفلانيه لا تروح ابيك ورحت وجيت عاد لمي انت بمختبر الاستاذ فلان طلعتن وعطيتن كف تقول وراك تروح ؟ قال انت فلان الفلاني ( ويبتسم ) يقاله تذكر ، قلت ايه أنا هو ويمد ايده ثانيه يبي يسلم يوم لكمته مع كتفه ذيك اللكمه اللي بردت تسبدي قال هو ليش ليش تسوي كذا ؟؟ ماعطيته فرصه اني ارد ولا يتكلم اخوياي ما صدقوا خبر طبوا عليه وحشرناه بزاوية التموينات حقات المحطه وماكان به احد واجد كان به رجلين اظن برى وعامل التموينات بس ، ونضربه ونضربه قال ليش يا ماسنجر وش فيكم ويتكلم ويهايط يوم كتفوه يعني سيطرنا عليه قربت عنده قلت له : الموقف هذا أكبر دليل على أن حق المظلوم ما يضيع ، ( ماكنت متعود على أساليب الذل أو أني أذل أحد بس إذا انظلم الإنسان غصب ياخذ حقه ) قربت منه قلت الآن انت ملك بين ايديني اقدر اضربك بأي شيء بأيدي ( وكنت ماسك أنا علبة ما أذكره بالضبط وش هي ) قلت بس اباخذ حقي منك مثل ما تعديت علي بدون سابق فعل وضربتن كف ، قال ليه يا ماسنجر انا كبير كبر أبوك ، قلت أبوي لا تجيب طاريه على لسانك ، منب كبر عيالك ولا كبر اخوانك لا صرت قدهم ذيك الساعه تعال وتحكم بي وأصفقه بكف وأخوياي ماسكينه بأقوى شيء قلت الكف هذا حقي يوم تضربن وأخذته منك ، باقي كلمه أقوله لك : الله لا يوفقك لا بالدنيا ولا الآخره والله يشل إيدك هذي اللي بيوم صفقتن مع وجهي ، وتحسبن أني ناسي الموقف ؟ لا وقسما بالله اني كنت اتمنى أني القاك وربي ساقن لك وقسما بالله لو تسوي شيء الحين لا أخلي دمك أنا والرجال هذولا يمشي على هالبلاط ، ترى أنا أخذت حقي وبمشي ، فكناه وطبعا كانت كل السالفه كلام سريع ما أخذت وقت واجد حتى الموقف كله ما أبطى ، تركته وطلعنا وأخذنا غرضنا من محطه ثانيه ، تمت الحكاية .

بعض المدرسين يمدون إيدينهم ما يدرون أنه بيوم من الأيام يبي يكبرون الطلاب وياخذون حقوقهم ، بالمقابل فيه طلاب أخذوا حقهم بنفس يومهم يعني لما نشوف بالمتوسط والثانوي لما يضرب أحد بالمدرسه من بكرى نلاقي المدرس كفراته مسروقه او مكسره سيارته أو محجرين له عند بيته ، فليه أكون أنا معلم وأظلم ليه ما أضرب الطلاب بس ضرب تأديب مهب ضرب كفره وطواغيت !! بتقولون ماسنجر هذا كف وعادي لا والله مهب عادي ، الكف هذا لا صرت مسوي مشكله كبيره ، وأنا ما سويت شيء كله عشان قال اوقف ورحت ؟ ، الله يذله ويصغره بعيون الناس لا رده الله من مدرس ، ويقولون قم للمعلم وفقه التبجيلا وانا اقول قم للمعلم كانه ما يتأدب وفه التخقيلا .


معذره يوم طولت عليكم بس شيء بالخاطر وشيء بالصدر من زماااااان وقلته ، شكراً



ورداااااااااااااااااااتي لكم :)

[جناان]

>>الجزء الثاني حزين

تصدق صار لي موقف مع معلمة
واحيانا ادعي عليها واحيانا
اعفوا عنها
ابي الاجر وهي قاهرتن
لكن
ما اتوقع بعد عمر الاقيها واكفخها مثلك
اتوقع صعب..!!!!!

إلا الحين شاكتن بي ههههه
يخلق من الشبه اربعين ههه


تحيتي لك

[احلى كيوت]

هع هع هع .. امآ كآآآش بــــــــــ 7 تريل ((ع قولتك))


لا ومنتب دآآفع له عشآآنه تعشى عند وآآحد ثآآني من العيآآل ((يآآقدمها حركآآت النجآآسه)))



انا يوم اني صغييييييييييييره كنت((انجس مخلوق))((كنت قويه محد يقوآآني حتى ابوي وأمي ))بس كبرت وصرت مؤدبه<<من جنبهآآ


يسلموووووو ع الموزوووووووووووع الحلوووو كتييييييير

[د / ماسنجر]

ماودي الموضوع يموت بصراحة
لأني حبيت القصص والمواقف اللي صارت لي وكتبتهن به :(
كانكم تبون أرجعه وأخربش لكم من ذكرياتي علمون ...

كان ماتبون وتبون أوقف ، ميخالف قولوا لي بس وأنا ما اكتب شيء
< خنقته العبره :(

[مهب الريح]

بسم الله الرحمن الرحيم

السلام عليكم ورحمة الله وبركاته ـآ

http://www.emanway.com/multimedia/signatures/1169161859.gif

\
تسجيل دخول هنا , غــــدا بإذن الله سأقرأ قصصك الجميله .. وأقول رأيي فيها :) ـآ

المحب لك / مهب
/

مودتي لك .. ـآ

90

http://www.emanway.com/multimedia/signatures/1157511503.gif

إلى اللقاء

[د / ماسنجر]

طيب يا مشرفنا
آنتظرك


:)

[جناان]

< خنقته العبره
خلااص لاتصيح
يسمك ايه >>للحين شاكه ههه

بجد قصص ممتعه
ومتابعين لك
اخي د / ماسنجر

[توته احلى بنوته]

ههههههههههههههه

ذكرتني بأيام الطفول يازينهن من ايااااام

[بندر بن عبدالعزيز]

ليـ عوده معك دكتورنا المبدع ماسنجر

[عاشق الكيان 2008]

يالله يازين ايامكم اول وناسه مو مثلنا انواع الطفش

ننتظر جديدك من هيك اصص..

[دانيــــا]

( طبعاً كل السوالييييف بذا حقيقية والاسماء مغيره فقط )

ليه رواية بنات الرياض هههههههههههههههه