قطع فنيلة العسكري ،، ومن باتسر طلع ؟؟!!

[د / ماسنجر]

السلام عليكم ورحمة الله

تراي معصب من سالفة قبل شهر وشوي توي اتذكر واكتبه وخروا عن
جا واحد شاب متهور يفحط باحد احياء بريدة
ويفحط ويفحط المهم حجروا له الشرطة ونزل الشرطي وضربه وحط رجله على رقبة الولد طبعا الولد عمره 18 سنة يعني توه ما بعد ولا طلع الزغب
ويضربه ويضربه ويقوم الولد ويهاوش الشرطي ويدافع عن نفسه وقطع فنيلة العسكري حتى انه قططططع الفنيلة الداخليه له وكان الوقت يمكن 5 ونص الفجر او 6 وهي تطلع الشمس ويجونك عاد ويمسكونه !!

دخلوه للتوقيف وحجزوا السيارة طبعا انتم وانتم تقرون كلامي بتقولون شكلهم حجزوا الولد سنة والسياره اخذوه لهم من القهر صح !!!! لا
يوم صار من بكرى المغرب ويطلع الولد وبعد يومين يمكن طلعت السياره !!!
السؤال ليه يتركون هالولد على كيفه ويطلع من بكرى !!
ليه ما عاقبوه بسجن ولا ضرب هالمبزره اللي الواحد همه واكبر هم له بالدنيا لا فحط بعد ما يتعدى الاشاره !!
ما يدرون ان الفكره بتخطر لباله مره ثانيه ويهج ولا مسكوه بيقول ايه بيطلعونن مره ثانيه كله يوم !!

اضيف لكم صورة للي يفحطون او يسرعون علهم يتعضون

http://www.ass7ab.net/upload/ass7ab/images/taf7ee6%20001_0001.jpg

شيء يقهر ويرفع الضغط
وش رايكم انتم بعد !!

ورداتي لكم سلااام

[فتحـية]

وعليكم السلام والرحمة ..
ونزل الشرطي وضربه وحط رجله على رقبة الولد طبعا
حقه وما جاه يستاهل قطع الفانيله .. أكره شي عندي ضرب الإهانه !
سلملم

[بنت البدائع]

السلام

د\ ماسنجر

السالفه لادخل فيها فيتامين"و" أعتبرها محلوله

أنا واحد قريب لي
العام الماضي بمنطقة الرياض تلاقط هو وشرطي بسبة موقف سيارته
موقفها بمكان خاطئ.
المهم الولد هذا عصبي جداً
وقطع أزارير الشرطي كلهن ماخلى له ولا واحد

جلس يومين بالحبس وطلع
طبعاً هذا كله بفضل الله ثم فضل فيتامين "و"

[توتي]

ياهلا ياهلا ..

ياخي هي وقفة على هذي

ياليته تاقف على انه هذا يدخل الحجز يوم ويطلع المشكله الحين
لو تفحط وتزعج العالم وتسرع وانواع الخطر يحجزونك يوم
واللي (يتجاوز) الاشارة يعني يمشي وهي برتقاليه يحجز يوم .؟؟؟؟؟؟؟ فرق :)

[الكبري]

ونزل الشرطي وضربه وحط رجله على رقبة الولد طبعا الولد عمره 18 سنة يعني توه ما بعد ولا طلع الزغب

الحين الولد صار ضحية .

الغريبه لو طلع العسكري من السجن ومسك بزر ثاني ووطى على رقبته .

لكم أطيب المنى

[شاطئ الراحة]

د/ ماسنجر ..

مشاء الله عليك .. اليوم مسويها أكشن زياده .. :)

على بالي لين الحين في السجن .. ولكن يالله نمشيها له المره !


تحيتي لك

[د / ماسنجر]

وعليكم السلام والرحمة ..

حقه وما جاه يستاهل قطع الفانيله .. أكره شي عندي ضرب الإهانه !
سلملم

وانا بعد اكره ضرب الاهانه :(
ما احب شوفة النفس :(
ورداتي لتس :(

[غلا عمري]

ليتني اجد في صفحتك مكان لي ولو بسيط لقلم ابسط لشخص يقدر وجودك
بكل صراحه وشفافيه لو الشخص ماله والي ومسكين وعلى قد حاله كاان وياماكان ونت اكيد داري وش بقول-
لكن اسئل عن الي طلع ولد مني ونت تفهم السبب-
واسئل الله لنا ولك السلامة من كل شر
ولاتحزن ولاتغضب انت لم يضرك ولن يضرنا شئ مادام صاحب الحق لم يقتص حقه ياللعجب

اخوك ماجد

[د / ماسنجر]

السلام

د\ ماسنجر

السالفه لادخل فيها فيتامين"و" أعتبرها محلوله

أنا واحد قريب لي
العام الماضي بمنطقة الرياض تلاقط هو وشرطي بسبة موقف سيارته
موقفها بمكان خاطئ.
المهم الولد هذا عصبي جداً
وقطع أزارير الشرطي كلهن ماخلى له ولا واحد

جلس يومين بالحبس وطلع
طبعاً هذا كله بفضل الله ثم فضل فيتامين "و"
الفيتامين هذي هي اللي اعدمت العالم ضرت اكثر من انه تنفع
:(

ورداتي لتس

[علشانك بس]

العسكري يستاهل الضرب وشق الفانيله وياليته مكمل على البنطلون بعـد
المفروض يعاقبه بالحجز مو بالضرب ,, والعمر هذا يعتبر نفسه رجل حتى لو كان ماصار له شنب على قولتك
لكن مستحيل يرضى الضرب لو كان من ابوه
أشكرك دكتور مسن

[جمان البحر]

الله يخلي له فيتامين (و)..

بس أنا فيه سؤال محيرني ..واحد من أقاربنا يقول انه فحط (كم فحطه)ومسكته الشرطه وقالوا نبي نسجنك 5ايام والسياره شهر ...
واقاله عنده واسطه مافيه قدها فما حجزوه بس احجزوا السياره لمدة شهر..
يعني سؤالي هذا وين واسطته نروح نجيبها ..لان هالمسكين بس فحط وحجزوا السياره والثاني تعدى على الشرطي وطلع وهو مستانس والسياره ماحجزت ..

[خـــــــــــــــالـــــــــد]

اخي د. مسنجر


لن اعلق على فعاليه الواسطه فهي اكسير الحياه لدى الكثيرين.

لكن ساتحدث و انتقد فعل الشرطي ..


فليس كونه في مركز سلطه , ان ذلك يخوله لاهانه المخطئ

فالنظام كفيل بمعاقبته , لا ان نمارس البطلجه بحجه تأديبه!


فبهذه الطريقه يعاند الشباب و ياخذون موقفا معاديا دائما .


شكرا لك

[د / ماسنجر]

ياهلا ياهلا ..

ياخي هي وقفة على هذي

ياليته تاقف على انه هذا يدخل الحجز يوم ويطلع المشكله الحين
لو تفحط وتزعج العالم وتسرع وانواع الخطر يحجزونك يوم
واللي (يتجاوز) الاشارة يعني يمشي وهي برتقاليه يحجز يوم .؟؟؟؟؟؟؟ فرق :)

صدقت غريبه !!
مفروض يكون فيه انصاف اللي يقطع الاشاره ثلاث ايام سجن واظنها خمسه ولالا !!
واللي يفحط شهر او شهرين اقل شيء :(
لازم والله يوعون الشباب بالسجن شيء ضروري
ورداتي سلاام