(الـبـكـر حُبه فـكـر والـقـعـده حُبه رعده)

[بنت البدائع]

السلام عليكم ورحمة الله وبركاته


من الملاحظ عند أغلب الآباء

أن أكبر أبنائهم(البكر) يكون له نمط خاص من التربيه والمعاملة تختلف عن بقية إخوانه من بعده ...

منهم من يُولي إبنه (البكر)إهتماماً بالغاً من الحب والدلال وأشياء أخرى,,,
وقد تستمر هذه المعامله له طول عمره حتى بعد زواجه والخروج من بيئتهم.
طبعاً هذا الإهتمام ناشئ من كونه أول مولود لهم يجدون فيه فرحتهم
وحمل أسمهم ...

ومن الآباء ماهو عكس ذلك..
يكون الإبن (البكر) لديهم مهضوم حقه لايلقى من الإهتمام إلا الشي البسيط
وتكون سنوات الإهتمام به قليلة جداً ..( يعني من يوم يجي واحد بعده خلاص يطيح كرته )
وغالباً مايكون محطة للتجارب عند الأهل من ناحية التربيه ...


حتى إن النظره للولد (البكر) تشمل أهل بيته بعد الزواج
فتكون زوجة الإبن الأكبر محط الأنظار عند أهل الزوج
ولها نظرة خاصة تختلف عن بقية زوجات الأولاد الآخرين
بحكم أنها أول بنت تدخل إلى مجتمعهم
وبحكم كونها إبنة الإبن (البكر)

وياكثر ماسمعنا وشفنا من تحكي من النساء زوجات الإبن (البكر)بإتخاذها معاملة خاصة من قبل أهل زوجها لها .

(( زبـدة الموضـوع))

أن الإبن (البكر) له نظرة خاصة تختلف عن بقية الإخوان سواءً كانت النظره هذه سيئة أم حسنه


ولاأنسى الإبن الأصغر (القعده)
هو كذلك يكون له نمط خاص من المعامله والتربيه <<< عن هذا حدث ولا حرج
يجد من الحب والدلال والحنان وماهو أكبر من ذلك
وهذا راجع طبعاً لكونه الإبن الأصغر يمثل فرحة لأبويه لأنه يعيد لهم شبابهم المفقود

صدق من قال
(البــكـر حبه فكر و القــعـده حبه رعده )

وأناأقول (من تَوسط سلم) <<< إشتغل التوليف :)

من خلال كتابتي للموضوع أُناشد الآباء والأمهات بعدم التفرقه بين الأولاد لا(أكبر ولا أوسط ولاأصغر)

يبقى رأيكم أنتم ...

تحيتي :)

[رحيل]

من توسط وأنت الصادقه راح بالرجلين
يعني لاذي ولا بنت الذي
أنا بصراحه ماأتمنى أصير البكر حتى لو له الغلا كله
لو مشاوريني أهلي قلت لهم خلوني القعده<<<<<< وهي به مشوره

[Queen of buraydh]

هاه ؟؟؟ وشفيه القعده ؟؟ << مدلل ؟ ايييييييه اللهم حولينا ولا علينا << :a2:

[بنت البدائع]

من توسط وأنت الصادقه راح بالرجلين
يعني لاذي ولا بنت الذي
أنا بصراحه ماأتمنى أصير البكر حتى لو له الغلا كله
لو مشاوريني أهلي قلت لهم خلوني القعده<<<<<< وهي به مشوره


أختي رحيل
أنتي لاحظي أن البكر يحمل على عاتقه الشي الكثير وليس غلا فقط
أحياناً يقوم بدور والديه
وتكون عليه الشرهه أكثر من غيرة

أما القعده بجد أرحمه << تبي تقهر كوين :)
يكبر وهو مايزال يعامل معاملة الصغير

لدرجة أني أشوف بعض الأمهات تدلع بنته أو ولده وهو طاق ال15أو16
وتعامله معاملة أبو سنتين

[بنت البدائع]

هاه ؟؟؟ وشفيه القعده ؟؟ << مدلل ؟ ايييييييه اللهم حولينا ولا علينا << :a2:


هلا كونان
أجل أنتي القعده :)

الله يديم عليك الهناء والرغد

شاكرة لك المرور

[Queen of buraydh]

رحمتنا والا مقهوووره منّا ههه.. ما ابطت امي تأكلني بالملعقه << صحيح انها تعاملني معاملة البزر .. بس ع الاقل احسن من انها تكرفني وتحط المسؤوليه كلها علي زي البكر :)

يالله انقهري لانك ما قهرتيني :) وبعدين هذي رحيل مو رحّال الله يصلحتس

[رحيل]

تراني رحيل ذبحتوني برحال أنا لو ألقاه ذبحته :b2:

ياأختي يالله من فضلك إذا دللوني لو إني أم 50 سنه
أحد يدلل ويتضايق <<<<وحده مالحقت على الدلال حتى وهي صغيره

ومن ناحية البكر معك حق

ومن ناحية التفرقه لقيت الكل يفرق بين عياله بس بدرجات
أحد يسوي بينهم فوارق كبيره وأحد شئ بسيط

[الذاهـبـة]

أنا بكر أبوي ..

بس قعدة أمي ..


أقدر أحكم على الوضعين ..

أممممممم

بصراحة كلاهما خياس ..

ياشيخين أهم شي أنت دلع روحك و انبسط و استانس ..

أهو كلنا ح نموت .. :)

[شقرديه]

والله البكر له الشرهات والكرف

تصرفات البكر وهو بعمر الطفولة يوجه ويعاقب ويمنع من هذا ويجبر على ذاك

وبقية اخوانه بنفس عمره ما ايقالهم اوف

البكر له التهزيء يحسبونه كبير وهو ذنبة انه جا قبل اخوانه

اللي في الوسط ضايع في الطوشة

لا كبير يحترم ولا صغير يرحم

القعدة هو اللي ماخذ حقة وافي وزود

كلش له

يصير في اواخر العشرينات ويعامل معاملة بزر ويدارى عن خاطرة

[بنت البدائع]

رحمتنا والا مقهوووره منّا ههه.. ما ابطت امي تأكلني بالملعقه << صحيح انها تعاملني معاملة البزر .. بس ع الاقل احسن من انها تكرفني وتحط المسؤوليه كلها علي زي البكر :)

يالله انقهري لانك ما قهرتيني :) وبعدين هذي رحيل مو رحّال الله يصلحتس


كونان ألا ماقلتي لنا وش اللي مأكلتك أمك :ash:
لايكون سيرلاك بنكهة القمح :18[1]:

يابعدي أنا أوسط خواتي وعايشه معامله من أمي وأبوي تفوق على معاملة القعده
(خير الأمور الوسط)<<< لقيت شي أفزع فيه :)

والكرف على قولتك متساوي بيننا لابكر ولاقعده
مع أن البكر زايد كرفه حبتين

شرفتيني مره ثانيه:)

[بنت البدائع]

تراني رحيل ذبحتوني برحال أنا لو ألقاه ذبحته :b2:

ياأختي يالله من فضلك إذا دللوني لو إني أم 50 سنه
أحد يدلل ويتضايق <<<<وحده مالحقت على الدلال حتى وهي صغيره

ومن ناحية البكر معك حق

ومن ناحية التفرقه لقيت الكل يفرق بين عياله بس بدرجات
أحد يسوي بينهم فوارق كبيره وأحد شئ بسيط


هلا رحيل ولاتزعلين عدلت إسمك

لامافيه أحد يتضايق من الدلال لكنـ الأولى أنه مايبالغ فيه
شرفتيني مره ثانيه :)

[بنت البدائع]

أنا بكر أبوي ..

بس قعدة أمي ..


أقدر أحكم على الوضعين ..

أممممممم

بصراحة كلاهما خياس ..

ياشيخين أهم شي أنت دلع روحك و انبسط و استانس ..

أهو كلنا ح نموت .. :)

هلاااا أستاذه الذاهبه
شكلك ضايعة بالطوشه وموسعة صدرك

أي والله ياكثر اللي نشوفه يتباهى خصوصاً القعده

أعرف وحده أم 17سنه وهي قعدة أهله
واللي يقهرني أنه تبّطح على حضن أمه تقولين نونو
قسم بالله حامت كبدي من المنظر

شرفتينا بمرورك

[رحيل]

شوفي حتى الناس تعامل القعده على إنه صغير
مره عجوز تسولف لنا عن بنت من قرايبنا والبنت قعدت أهله
وتقول ياحنُوُنُهُُ تنام عند أمه فلانه وترد أمي المزيونه ياقليبي
المشكله أن البنت أكبر مني
قلت بخاطري ياحنونه وياقليبي للي أكبر مني
الله لنا المشكله إنه الله يذكره بالخير ماتأهل يقاله ياحنونه
والله شرهت على أمي مع إني عمري مافكرت أن هالكلمات تقال لي ولا هي بصراحه أكبر همي بس الشرهه صارت بقلبي ذيك الساعه

[بنت البدائع]

والله البكر له الشرهات والكرف

تصرفات البكر وهو بعمر الطفولة يوجه ويعاقب ويمنع من هذا ويجبر على ذاك

وبقية اخوانه بنفس عمره ما ايقالهم اوف

البكر له التهزيء يحسبونه كبير وهو ذنبة انه جا قبل اخوانه

اللي في الوسط ضايع في الطوشة

لا كبير يحترم ولا صغير يرحم

القعدة هو اللي ماخذ حقة وافي وزود
شا
كلش له

يصير في اواخر العشرينات ويعامل معاملة بزر ويدارى عن خاطرة

صدقتي أختي شقرديه
البكر محط أنظار الكل
ذنبه الوحيد أنه أول لبنه من لبنات الأسره
كل شي يقع تحت عاتقه عند الأغلب
والقعده حدث ولاحرج حنان ودلال الآبوان تنصب فوق رأسه
وقد نرى أبناً اوسط ليس ببكر ولا بقعده
يكون له الإهتمام
ولكنـ ماتكلمنا به هو الواقع الأقرب

شاكره لك المرور

[د / ماسنجر]

هههههههههههههههههههههههه
من توسط سلم حلووه
بس يا ويلي كتير كتير مهضوم حئ الأوساااط < سوري ههه
يقولون اهله ودنا يقول اخوي الكبير يوديكم يقول اخوك كبير وانت الاصغر منه
يقول طيب واخوي الصغير وراه ما يوديكم يقولون اهله صغير توه انت اعرف منه
وهو يا ويلي قاعدن به
لا هذي ولا بنت الذي
:(


وردااااااتي لتس سلااام

[علشانك بس]

<<< لا بكر ولا قعده :(
انا مااعتقد ان الحب والدلال لان هذا بكر وهذا قعده
ابوي يحب وحده من خواتي ومدلله ولا يشوف الا هي مع انه لاقعده ولا بكر
يعني الله يرزقنا برهم وحبهم ومهب لازم نصير قعده وبكر
مشكوره بنت البدايع

[الطاحونة]

تحية طيبة
.
.
.
أنا لست متطرفا بكريا ولا متطرفا قعديا بل معتدلا أي متوسطا
أرى أن البكر...
يرى الأمرين من كثرة الاعتماد عليه في كل شؤون البيت وغيره
أما القعدة أحسبة (ذي الحجة)ههههه
لا يهنأ في حياة وين راح ليه تأخر كلموه جيبوه يعني 24ساعة تحت مجهر أمه وأبوه
أما المعتدل أو المتوسط...
يعيش على هامش الأسرة يعامل معاملة ساكني الفنادق يدخل البيت
يجد الطعام والمنام جاهز ولا يسأل تأخر أم لم يتأخر الأمر سيان....!!
.
.
هذا من واقع تجربه
.
.
.
.

ودمتــــــــــم

[بنت البدائع]

شوفي حتى الناس تعامل القعده على إنه صغير
مره عجوز تسولف لنا عن بنت من قرايبنا والبنت قعدت أهله
وتقول ياحنُوُنُهُُ تنام عند أمه فلانه وترد أمي المزيونه ياقليبي
المشكله أن البنت أكبر مني
قلت بخاطري ياحنونه وياقليبي للي أكبر مني
الله لنا المشكله إنه الله يذكره بالخير ماتأهل يقاله ياحنونه
والله شرهت على أمي مع إني عمري مافكرت أن هالكلمات تقال لي ولا هي بصراحه أكبر همي بس الشرهه صارت بقلبي ذيك الساعه



ههه رحيل أجل أخذتيها بخاطرك

ولايهمك هذي عادات أغلب الأهل مع البكر والقعده

ياشيخه خوذي رأيئ <<< من توسط سلم

[بنت البدائع]

هههههههههههههههههههههههه
من توسط سلم حلووه
بس يا ويلي كتير كتير مهضوم حئ الأوساااط < سوري ههه
يقولون اهله ودنا يقول اخوي الكبير يوديكم يقول اخوك كبير وانت الاصغر منه
يقول طيب واخوي الصغير وراه ما يوديكم يقولون اهله صغير توه انت اعرف منه
وهو يا ويلي قاعدن به
لا هذي ولا بنت الذي
:(


وردااااااتي لتس سلااام

أيه حقه وماجاه الإبن الأوسط خله يخفف عن هالضعيفين

مشكله البكر هو رأس الإعتماد وإن رفض شي ياكبر الشرهه عليه

والقعده دايم محجر له<<< بكرى يكبر وينغث زود من المعامله الطفوليه
حتى لو بلغ رشده

تصدقون بديت أرحمهم(البكر والقعده)
دايم فيهم تضرب الأمثال
مثل:
(أكبرهم أهبلهم) هذي تقال للإخوان ألى منهم سوو شي خطأ
طبعاً أكبرهم عليه الطقه ...

والمثل الثاني يقول
(أصغر القوم خادمهم) تلقاه مايقعد بمكانه من كثر مايؤمر رح جب ورح حط

أما الوسطي : متكي ويضحك عليهم وبالعكس يقال فيه(خير الأمور أوسطها)

بردي هذا رفعت معنويات الشلل الوسطيه:)

شاكره لك المرور

[بنت البدائع]

<<< لا بكر ولا قعده :(
انا مااعتقد ان الحب والدلال لان هذا بكر وهذا قعده
ابوي يحب وحده من خواتي ومدلله ولا يشوف الا هي مع انه لاقعده ولا بكر
يعني الله يرزقنا برهم وحبهم ومهب لازم نصير قعده وبكر
مشكوره بنت البدايع


هلا أختي علشانك
هو ليس بشرط أن البكر والقعده يلقون حب أو شده من الآباء
ولكنـ الأكثر واقعياً ماذكرنا

وياكثر من هوأبن أوسط ولاقى حب وأهتمام أكثر من شقيقه القعده
وقد يلاقي شده ودقة ملاحضة أكثر من شقيقه البكر

شاكره لك المرور.

[جمان البحر]

بحكم اني البكر <<<احم احم مااحد قدي ...

أقول لكم ترا البكر مثل مايدلع يكررررررررف كرف على عكس اللي في الوسط ...
فالبكر يدلل ويدلع في أيام الطفوله وبعد ذلك يجي كل شيء على رأسه واسألوا مجرب ولاتسألون طبيب ..فاذا الأم طلعت من البيت البكر لازم تهتم باخوانه واذا مافيه شغاله الشغل يكون على رأسه والبقيه يهف عليهم ...


طبعاً الجميع بالبيت طلباتهم مجابه وفي أي وقت لذلك أنا أعترض أبي بس أنا اللي يجيبون لي اللي أبي ..
مب أنا البكر؟؟؟َ!!!وعلي الكثير من المهام وفي كثير من المواقف أحل محل أمي اذاً لي الحق بالدلال أكثر من غيري ..

لكن لاحياة لمن تنادي العدل وااااااااجب بين الاخوان ...

أما القعده هذولا يبي لهم تأديب آخذين دلال الأهل والاخوان الكبارين ولايقع على عاتقهم أي مسؤليه ...يعني آخذين كل شيء عن البكر وعن اللي في الوسط ...

[جناان]

صدقتي خير الامور الوسط >>فرحه لانه الوسطى خخخ

[عجوز سمنسي]

هلا في بنت البدائع

البكر هذا انا اعتبره ضحية التربية

تدرين ليه ؟

لانه غالبا تكون خبرة الوالدين قليلة وهمهم التدليل اكثر من التربية بس لايزعل اول مولود

وبالنهاية يطلع حقل تجارب لاخوانه الباقين

عاد اما ينجوا بروحه ويطلع رجال والا يبي يطلع سربوت مقطع اربع يحسر باهله ويوذيهم

<<<< مهب البكر رايح بالرجلين بالوسط

عاد الحمدلله كلنا ولا فينا الداشر

[بنت البدائع]

تحية طيبة
.
.
.
أنا لست متطرفا بكريا ولا متطرفا قعديا بل معتدلا أي متوسطا
أرى أن البكر...
يرى الأمرين من كثرة الاعتماد عليه في كل شؤون البيت وغيره
أما القعدة أحسبة (ذي الحجة)ههههه
لا يهنأ في حياة وين راح ليه تأخر كلموه جيبوه يعني 24ساعة تحت مجهر أمه وأبوه
أما المعتدل أو المتوسط...
يعيش على هامش الأسرة يعامل معاملة ساكني الفنادق يدخل البيت
يجد الطعام والمنام جاهز ولا يسأل تأخر أم لم يتأخر الأمر سيان....!!
.
.
هذا من واقع تجربه
.
.
.
.

ودمتــــــــــم

أخوي الطاحونه أهنيك على مركزك الأوسط <<< قايلتلكم جايه ترفع من مركزه هي وربعه :)

صدقت بكلامك أن البكر يكون الإعتماد علية ملموس بشؤون البيت
أمي تقص لنا قصةواحد من معارفه
تقول هذولاء ناس أبوهم ماعليه قاصر من الناحية الماديه
ولكن وجوده زي عدمه
والمسؤلية متحملها الولد البكر :(
لدرجة أنه هو اللي يصرف مادياً على إخوانه وأخواته
ولما دخلوا المدارس هو اللي متكفل بمصاريفهم
والأب يحوس بحاله مادرى عنهم
على الأجر مايضيع شي <<< رحمت البكر :e7:

شاكره لك المرور

[بنت البدائع]

بحكم اني البكر <<<احم احم مااحد قدي ...

أقول لكم ترا البكر مثل مايدلع يكررررررررف كرف على عكس اللي في الوسط ...
فالبكر يدلل ويدلع في أيام الطفوله وبعد ذلك يجي كل شيء على رأسه واسألوا مجرب ولاتسألون طبيب ..فاذا الأم طلعت من البيت البكر لازم تهتم باخوانه واذا مافيه شغاله الشغل يكون على رأسه والبقيه يهف عليهم ...


طبعاً الجميع بالبيت طلباتهم مجابه وفي أي وقت لذلك أنا أعترض أبي بس أنا اللي يجيبون لي اللي أبي ..
مب أنا البكر؟؟؟َ!!!وعلي الكثير من المهام وفي كثير من المواقف أحل محل أمي اذاً لي الحق بالدلال أكثر من غيري ..

لكن لاحياة لمن تنادي العدل وااااااااجب بين الاخوان ...

أما القعده هذولا يبي لهم تأديب آخذين دلال الأهل والاخوان الكبارين ولايقع على عاتقهم أي مسؤليه ...يعني آخذين كل شيء عن البكر وعن اللي في الوسط ...

هلا بالبنت العوده جمونه
ونعم والله بك هذي البنت السنعه <<<أبرفع معنوياتك كافي ماذقتي:)
والله من ناحية الكرف حنا ذقناه وحنا لابكر ولايحزنون
صح بالأغلب يتحمل ماقلتي البكر
والله يافيه أبناء مركزهم الوسط يشيلون ماتشيله الجبال

شاكره لك المرور .

[ღ ][ وحيدة كالقمر ][ღ]

وعــــــــــــليكم السلام ورحمته الله وبركاته:

هلا وغلا ببنت البدائع...

طيب واللي لابكر ولا قعده...ويوم تزوج البكر وتزوجت البنت الكبيرة..حطوا المسؤلية عليه.وش تقول.؟


هذا حظـــــــــــــــي....والمشكلة أمي تموووت بأخوي الوسطي موووت...تقول أرحمه...وش عليه

الحمد لله يشتغل والحمد لله مو صغير ب26 ...يعني و ش بقى

يعني شوفي جالسين مثلاً نتعشىء..وهو موفيه دقي ع أخوك فلان شوفي هو يبي عشاء...خوذو له..

وتبلش عنده....<<<عاد أنا هنا أنغث مو صغير مايعرف مصلحة نفسه علشان تشقى به...


الله يخليه لنا بس....

[بنت البدائع]

صدقتي خير الامور الوسط >>فرحه لانه الوسطى خخخ

هلا بجنووو
عاد مو صرتي الوسطى تشيلين ايدك مرة وحده
إرفعي شوي عن هالمساكين
البكر بس
أماالقعده لا مايحتاج أوصيك عليه:)

شاكره لك مرورك

[غلا عمري]

ايه الله يرحم امي رحمة واسعه ويجعل قبرها روضه من رياض الجنه
بنت البدائع رعاك الله وحفظك وشلونك اختي زمان ماشاركت معك والعكس
انتي انسانه قديره وتستحقي الحضور -
احببت الحضور وليت حضوري يكون نصف تعليق على الموضوع ان كان له معنى
ماجد

[ღ ][ وحيدة كالقمر ][ღ]

عجوز...

بالعكس مو محل تجربة...وتدليل


والله لو تشوف أبوي وش يسوي بأخواني...البكر واللي تحته...يوم هم صغيرين...قسم ماتصدق..


والحمد لله ماظرهم طلعوا رجاااال عن ألف رجاااااال...ربي يحفظهم

[نـدى الـورد]

عندي اخت تعتبر القعده

امي الله يخليها لنا تخاف عليها من نسمة الهواء لما تأثرت المسكينه نتيجة دلال الوالده

لها وخوفها عليها بشكل لا معقول

بصراحه صارت لها كلمتها ومدى تأثيرها على الوالده

وانا ب إعتبار اني وسطه قليلة نفووذ منها رغم اني اكبر منها

لانها متربعه على عرش الأسره بكل قوه وهذا طبعاً بسبب دلع الوالده

حتى تصدقين لو نبي موافقة امي بموضوع نلجأ لها تتوسط ونقول عند فلااانه الخبر الأكيد

عاد تخيلي انا الجأ للأصغر علشان يتوسط لي ...!!

شي محرج للغايه ههه

وصارت البنيه شاايخه علينا بسبب هذه المكانه والحصانه

عموما هذا شي في الأم تفضل اول طفل لديها لانه اول فرحتها

واخر طفل لديها لانه اخر فرحتها

.

[بنت البدائع]

هلا في بنت البدائع

البكر هذا انا اعتبره ضحية التربية

تدرين ليه ؟

لانه غالبا تكون خبرة الوالدين قليلة وهمهم التدليل اكثر من التربية بس لايزعل اول مولود

وبالنهاية يطلع حقل تجارب لاخوانه الباقين

عاد اما ينجوا بروحه ويطلع رجال والا يبي يطلع سربوت مقطع اربع يحسر باهله ويوذيهم

<<<< مهب البكر رايح بالرجلين بالوسط

عاد الحمدلله كلنا ولا فينا الداشر

أخوي عجوز سيمنسي
فعلاً ماذكرت حاصل بكون أن الآباء تنقصهم الخبره عند أول مولود
ياما من واحد و واحد بغى يموت من سبة جهل أمه فيه من جميع النواحي
وليست التربيه فقط
يصير بيده مثل الطير ماتعرف تصرف به
وكل التجارب تحطهن على رأسه
أماالباقين ياسلام سلم خبره بخبره
<<< وه من جد أتعزز للبكر

شاكره لك المرور

[بنت البدائع]

وعــــــــــــليكم السلام ورحمته الله وبركاته:

هلا وغلا ببنت البدائع...

طيب واللي لابكر ولا قعده...ويوم تزوج البكر وتزوجت البنت الكبيرة..حطوا المسؤلية عليه.وش تقول.؟


هذا حظـــــــــــــــي....والمشكلة أمي تموووت بأخوي الوسطي موووت...تقول أرحمه...وش عليه

الحمد لله يشتغل والحمد لله مو صغير ب26 ...يعني و ش بقى

يعني شوفي جالسين مثلاً نتعشىء..وهو موفيه دقي ع أخوك فلان شوفي هو يبي عشاء...خوذو له..

وتبلش عنده....<<<عاد أنا هنا أنغث مو صغير مايعرف مصلحة نفسه علشان تشقى به...


الله يخليه لنا بس....


هلا والله وغلا فيك وحيده
انتي سمعتي بالمثل (حُب الوالدين حضوظ)<<<طايحه بتأليف الأمثال هه
والله من جد أختي وحيده
الوالدين أحياناً يفضلون أحد على أحد من أبنائهم بغض النظر كونه بكر أم لا
ويكون من غير قصد
وبالنسبه لأخوك المحبوب من قبل أمك هذا لاحقه الحظ ماشاءالله عليه

عندنا وعندكم خير ياوخيتي
هذي أمي الثانيه تفضل وحده من خواتي بشكل مو طبيعي
لدرجة أنها ترحمنا أحياناًوتقول عاد كلكم لكم غلى <<<تبي ترقع بس مايمديه
للعلم أنها ماتسئ لنا الله يحفظه

شاكره لك مرورك وحيده

[بنت البدائع]

ايه الله يرحم امي رحمة واسعه ويجعل قبرها روضه من رياض الجنه
بنت البدائع رعاك الله وحفظك وشلونك اختي زمان ماشاركت معك والعكس
انتي انسانه قديره وتستحقي الحضور -
احببت الحضور وليت حضوري يكون نصف تعليق على الموضوع ان كان له معنى
ماجد

أخوي ماجد
الله يرحم أميمتك
ويسكنها فسيح جناته
قل "آمين"

ألف شكر لك يكفي أطرائك الحلو
وحياك الله ..

[رحيل]

وحيده لاتشرهين على أمك شكل ماعندكم إلا هالولد فعادي تدللـــه
معروف في المجتمع أن الولد معاملته غير عن البنت
فيه ناس عندهم كم من ولد كلهم يدلعون ويناظر لخواطرهم على حسابك
عــــــــادي
أنالو أقدم أو أفضل عليهم كان تجين ضيقة صدر أحس إني أخذت شي مو من حقي

وعلى طاري القعده قابلت وحده من زميلاتي هي قعدت أهله
تسولف تقول أني طلبت من أهلي أنا نسافر وكان ذاك الوقت مشغولين بزواج أخوها
اللي بعد أيام ولما رفضوا زعلت وصارت ماتاكل
وتقول أن أهله خايفين على صحته وخاطره سافروا علشان ترضى
يوم قالت أن ما أكلت علشان يلبون اللي تبي قلت تراك تعاقبين نفسك
وأهلك بيتركون لحد مايطيح اللي براسك قالت لا أهلي مايبوني أزعل
قلت يافلانه توني أدري إنك بزر وقمت وعطيته درس بالحياة والله ماكان وقته
بس كنت ناصحه وأبي مصلحته ماهان أشوفه بهالعمر وتصرفاته تصرفات صغارين
بس يوم أنتهيت من الدرس حقي تندمت لإني من زمان ماشفت البنيه
وما أمون عليه مجرد زميله
عرفت بعد هالموقف إني بنعمه اللهم لك الحمد والشكر

أسمحي لي بنت البدائع ترى الموضوع يهمني كثير
ومتفاعله معه يعني كل شوي بنقز لك

[بنت البدائع]

عندي اخت تعتبر القعده

امي الله يخليها لنا تخاف عليها من نسمة الهواء لما تأثرت المسكينه نتيجة دلال الوالده

لها وخوفها عليها بشكل لا معقول

بصراحه صارت لها كلمتها ومدى تأثيرها على الوالده

وانا ب إعتبار اني وسطه قليلة نفووذ منها رغم اني اكبر منها

لانها متربعه على عرش الأسره بكل قوه وهذا طبعاً بسبب دلع الوالده

حتى تصدقين لو نبي موافقة امي بموضوع نلجأ لها تتوسط ونقول عند فلااانه الخبر الأكيد

عاد تخيلي انا الجأ للأصغر علشان يتوسط لي ...!!

شي محرج للغايه ههه

وصارت البنيه شاايخه علينا بسبب هذه المكانه والحصانه

عموما هذا شي في الأم تفضل اول طفل لديها لانه اول فرحتها

واخر طفل لديها لانه اخر فرحتها

.


بردك هذا ياأريج احسك تتكلمين عن قعدة أحد من أقاربي
الوالده الله يحفظه له تخاف عليه من نسمة الهواء
لدرجة انه لما وصل سن الإلتحاق بالمدرسه أجّلته للسنه اللي بعده
ليه ؟
تخاف عليه خوف مو طبيعي
ياعمري هو تشوفينه ذكي بدرجه ملحوظه
لكن من حرص امه عليه تنقدين على بعض تصرفاته
تخيلي تحجّر له تحجير موطبيعي
مايقهرني إلا أذا شفت من هم أصغر منه بالسن
يرحون ويجون بكل ثقه
وهذا ماسك ثوب أمه يناظرهم

الله يخلي لك أختك أروجه
وشاكره لك مرورك

[الحنتريش]

لا بكر ولا عوان
انا منب بتسر ولا قعده وابشركم الحمد لله كل شي تمام
لكن البتسر دايم يصير بوجه ابوه والقعده يصير المكزازه والي بالوسط يصير دلع الدلع

[هلالي القصيم]

مرحبااااااااااااااااااااااااااااااااااا
شوفي الحمدالله اني ماني اول واحد ولا اخر واحد
و مع هاذ الله لايوريك كرفينااااااااااااااا كرف
بس مانبي الا الاجر بس شووووووووووية رحمة يناس

لكم تحياتي
هلالي القصيم

[قلب الأسد]

والله البكر ماله الا الغربيل هو اللي يشقى وهو
اللي يعزم ويجمع يعني مايستريح ابد مهما كان
القعده له الحب والعطف والحنيه وكل ماهو زين

[مياسة]

يصير المكزازه

هههههههههههههه ايوه في هذي اشهد معك
لان اصغر القوم خادمهم :)
الحمدلله اني موقعده ولا بتسر

[بنت البدائع]

وحيده لاتشرهين على أمك شكل ماعندكم إلا هالولد فعادي تدللـــه
معروف في المجتمع أن الولد معاملته غير عن البنت
فيه ناس عندهم كم من ولد كلهم يدلعون ويناظر لخواطرهم على حسابك
عــــــــادي
أنالو أقدم أو أفضل عليهم كان تجين ضيقة صدر أحس إني أخذت شي مو من حقي

وعلى طاري القعده قابلت وحده من زميلاتي هي قعدت أهله
تسولف تقول أني طلبت من أهلي أنا نسافر وكان ذاك الوقت مشغولين بزواج أخوها
اللي بعد أيام ولما رفضوا زعلت وصارت ماتاكل
وتقول أن أهله خايفين على صحته وخاطره سافروا علشان ترضى
يوم قالت أن ما أكلت علشان يلبون اللي تبي قلت تراك تعاقبين نفسك
وأهلك بيتركون لحد مايطيح اللي براسك قالت لا أهلي مايبوني أزعل
قلت يافلانه توني أدري إنك بزر وقمت وعطيته درس بالحياة والله ماكان وقته
بس كنت ناصحه وأبي مصلحته ماهان أشوفه بهالعمر وتصرفاته تصرفات صغارين
بس يوم أنتهيت من الدرس حقي تندمت لإني من زمان ماشفت البنيه
وما أمون عليه مجرد زميله
عرفت بعد هالموقف إني بنعمه اللهم لك الحمد والشكر

أسمحي لي بنت البدائع ترى الموضوع يهمني كثير
ومتفاعله معه يعني كل شوي بنقز لك




هلاااابك أختي رحيل
للأسف بعض الآباء كما تفضلتي يفضلون إبن على إبن ولايعلمون
عن النتيجه السلبيه لهذة التفرقه
بعض الإخوان تتولد بينهم الغيره والكراهيه بسبة تفضيل
والديهم لأحدهم..

وبذكرك لخويتك القعده :
هذا شي غير مستغرب مادامت القعده
لأن أغلب الناس القعده عندهم ملك على رأسه تاج
كل آوامره ملباة

وحياك الله أختي رحيل سيري علينا
متى ماتبين
شاكره لك المرور

[بنت البدائع]

لا بكر ولا عوان
انا منب بتسر ولا قعده وابشركم الحمد لله كل شي تمام
لكن البتسر دايم يصير بوجه ابوه والقعده يصير المكزازه والي بالوسط يصير دلع الدلع


أخوي الحنتريش
الحمد لله على النعمه
وبجد البكر بوجهه كل المسؤليات ويتحمل الشي الكثير
الله لايضيع أجره
أماالمكزازة أحياناً يكون مدلع ولايبينا نطلب منه شي<<<غاسلة أيدي من القعدات

شاكره لك المرور

[بنت البدائع]

مرحبااااااااااااااااااااااااااااااااااا
شوفي الحمدالله اني ماني اول واحد ولا اخر واحد
و مع هاذ الله لايوريك كرفينااااااااااااااا كرف
بس مانبي الا الاجر بس شووووووووووية رحمة يناس

لكم تحياتي
هلالي القصيم

أخوي هلالي
عند الأغلب من الناس تتركز المهام على عاتق الإبن البكر

ولاأنكر ماقلت

شاكرة لك المرور

[بنت البدائع]

والله البكر ماله الا الغربيل هو اللي يشقى وهو
اللي يعزم ويجمع يعني مايستريح ابد مهما كان
القعده له الحب والعطف والحنيه وكل ماهو زين

أخوي قلب ضب كلامك صحيح

ذكرتني بشقيقتي الكبرى
ياماتحملت من مسؤليات كبيره قبل زواجها
كانت تقوم بدور الوالده بعض الأحيان

كانت تقول لأمي (كيف صرت أناالكبيره)<<< قسم أرحمه دايم
لدرجة أن أذا كان فيه اجتماع كبير عند أحد الأقارب وصارت الوالده ماتبي تطلع
معنا بسبة ظرف
اول ماندخل عليهم يستلمونه بالأسئله وين ؟ وليه؟ ومتى؟
تقولنا خففن عن لاتصيرن صور

أيه(من توسط سلم) :)

شاكره لك المرور

[بنت البدائع]

هههههههههههههه ايوه في هذي اشهد معك
لان اصغر القوم خادمهم :)
الحمدلله اني موقعده ولا بتسر



هلا بمياسه

شاكرة لك المرور

[بنت البدائع]

بودي أن أحد منكم يناقش موضوع معاملة أهل الزوج للإبن البكر

[شاطئ الراحة]

بنت البدائع ..

نتمنى ذلك ..


يحصُل البكِر .. على مزايا خاصة عن بقيّة إخوته و هذا من حقة كَونه أول من رسم كلمة الأب و الأم في الحياة _ بعد الله _ وهو أول من عَلقها بِهم .. و هو من جعل الوالدين يستشعران بحياة جديدة تخلف عن حياتهم السابقة ..

الإبن ( البنت ) الأوسط لا شك أنه محروم مِن تلك المُميزات اللتي إختص بها البكِر .. فما يخفية الأبوان من لوم و غيره على البكِر يكون في حصيلة الأوسط .. و في مجتمعنا دائماً ما يكون الأوسط محل ( الحواش و النكد و انه ما ينفع ) ..

أما القعده .. فهو الحلم الأخير للوالدين و منطقة النهاية للمواليد .. فيكون هذا القعده محل تفائل كبير لدى الوالدين فـ دمعته لابد أن تُعاد ببسمه ..

هل لاحظتم .. كيف يسخر الله الجد أو الجده لـ أن يحنوا على الأوسط .. ؟؟


تحيتي لكِ و لفته رائعه من قلمكِ الرائع ..

[إنسانة غير]

عزيزتي.. بنت البدائع
البكرفي أغلب الأحوال يعامل معاملة الكبير مهما كان صغيرا...فطالما كان
هو الأكبر فيعتبرهوالأعقل والأفهم بالتغاضي عن عمره...وبالرغم من أن هذا الوضع يعتبر إجحافا بحقه في البدايه ..لكنه يصقل شخصيته عندما يكبر
ويصبح إنسانا ذو شخصية قويه يتخذ قراراته بنفسه ولا يحتاج لوقوف
أحد بجانبه

أماالصغير فهو المبسوط والمدلل بين إخوانه يحظى بقدر كبير من الإهتمام
والرعايه..فلا إتكال عليه ولا مسؤوليه مهما كان عمره...ويؤثر ذالك سلبا
على شخصيته في بعض الحالات حيث يصبح إنسانا إتكاليا ومهزوز الشخصيه
لايتخذ قراراته بنفسه كثير الإعتمادعلى الآخرين...

أما الأوسط فهو الضائع بين الجميع والمنسي ...فكثيرا مايكون غير ظاهر
الصفات ينتظر قرارات أصحاب الشأن ...يتبع الآخرين ويحاول إثبات وجوده
في كثير من المواقف...


تحيتي

إنسانة غيــــــــــــر
.

[بنت البدائع]

بنت البدائع ..

نتمنى ذلك ..


يحصُل البكِر .. على مزايا خاصة عن بقيّة إخوته و هذا من حقة كَونه أول من رسم كلمة الأب و الأم في الحياة _ بعد الله _ وهو أول من عَلقها بِهم .. و هو من جعل الوالدين يستشعران بحياة جديدة تخلف عن حياتهم السابقة ..

الإبن ( البنت ) الأوسط لا شك أنه محروم مِن تلك المُميزات اللتي إختص بها البكِر .. فما يخفية الأبوان من لوم و غيره على البكِر يكون في حصيلة الأوسط .. و في مجتمعنا دائماً ما يكون الأوسط محل ( الحواش و النكد و انه ما ينفع ) ..

أما القعده .. فهو الحلم الأخير للوالدين و منطقة النهاية للمواليد .. فيكون هذا القعده محل تفائل كبير لدى الوالدين فـ دمعته لابد أن تُعاد ببسمه ..

هل لاحظتم .. كيف يسخر الله الجد أو الجده لـ أن يحنوا على الأوسط .. ؟؟

تحيتي لكِ و لفته رائعه من قلمكِ الرائع ..


أخوي شاطئ الراحه
نعم البكر يحصل على مزايا خاصه من قبل والديه
لكنـ وبنفس الوقت قد تؤدي به هذه المزايا إلى تحمل أمور عصيبه

الإبن الأوسط:
هه حلوة ماينفع صدقت والله وهذا شي ملحوظ
للعلم أن فيه أبناء أواسط يتفضلون على الأبناء البكر

القعده :
الصراحه يخونني التعبير عن الحديث
فهو بلا شك ملك فوق رأسه تاج

هل لاحظتم .. كيف يسخر الله الجد أو الجده لـ أن يحنوا على الأوسط .. ؟؟
خطير أخوي شاطى على هذه الملاحضه الشديده
أنا عايشت ماذكرت من جدتي الحنوووون

شاكره لك المرور .

[شاطئ الراحة]

نعم البكِر يحصل على مزايا خاصه مِن قبل والديه
لكنـ وبنفس الوقت قد تؤدي به هذه المزايا إلى تحمل أمور عصيبه


أكيد و هذا اللشئ موجود ...


أيضاً .. لاحظي أن الإبن مابعد الأكبر يكون من العقل ( و الرزانه ) .. ما جهله الأكبر .. و هذا مما يعطينا ان الإبن ما تحت الأكبر يأخذ المحاسن من الأكبر و يترك له المساوء ..


تحيتي لكِ

[بنت البدائع]

عزيزتي.. بنت البدائع
البكرفي أغلب الأحوال يعامل معاملة الكبير مهما كان صغيرا...فطالما كان
هو الأكبر فيعتبرهوالأعقل والأفهم بالتغاضي عن عمره...وبالرغم من أن هذا الوضع يعتبر إجحافا بحقه في البدايه ..لكنه يصقل شخصيته عندما يكبر
ويصبح إنسانا ذو شخصية قويه يتخذ قراراته بنفسه ولا يحتاج لوقوف
أحد بجانبه

أماالصغير فهو المبسوط والمدلل بين إخوانه يحظى بقدر كبير من الإهتمام
والرعايه..فلا إتكال عليه ولا مسؤوليه مهما كان عمره...ويؤثر ذالك سلبا
على شخصيته في بعض الحالات حيث يصبح إنسانا إتكاليا ومهزوز الشخصيه
لايتخذ قراراته بنفسه كثير الإعتمادعلى الآخرين...

أما الأوسط فهو الضائع بين الجميع والمنسي ...فكثيرا مايكون غير ظاهر
الصفات ينتظر قرارات أصحاب الشأن ...يتبع الآخرين ويحاول إثبات وجوده
في كثير من المواقف...


تحيتي

إنسانة غيــــــــــــر
.

هلا بك أختي انسانه غير شرفتيني
صدقتي أخيه
البكر يعامل معاملة كبيره فوق حقه , حتى لوكان عمره صغير
ربما البعض يستفيد من هذه المعامله في صقل شخيته
والبعض الآخر تؤثر فيه هذه المعامله سلباً
بحيث يكون تحمل أعباء لاتطاق..

والصغير :
صدقتي فهو مبالغ في دلاله
وقد نرى فيه من التصرفات مانستغرب منها
حتى لوبلغ رشده و كبر عن حافه التدليل
وهذا ناتج عن تربيته الخاصه من والديه..

الأوسط:
قلتي ينتظر قرارات الآخرين :
نعم هو كذلك عند الأغلب ينتظر قرارات ممن يكبرونه سناً من إخوته

شاكره لك تشريفك ومرورك..

[بنت البدائع]

نعم البكِر يحصل على مزايا خاصه مِن قبل والديه
لكنـ وبنفس الوقت قد تؤدي به هذه المزايا إلى تحمل أمور عصيبه


أكيد و هذا اللشئ موجود ...


أيضاً .. لاحظي أن الإبن مابعد الأكبر يكون من العقل ( و الرزانه ) .. ما جهله الأكبر .. و هذا مما يعطينا ان الإبن ما تحت الأكبر يأخذ المحاسن من الأكبر و يترك له المساوء ..

تحيتي لكِ

أنا جلست أتخيل حال بعض الآسر ممن أعرفهم
وأستنتجت بصدق ملاحظتك فيما ذكرت

الأوسط يتقدم غالباً في الفضائل
على أخوته..

شاكره لك ملاحظاتك الدقيقه ومرورك..

[جلوي العتيبي]

البكر في الأولاد يحضى بتحقيق كامل الرغبات والأمنيات ..

والقعده في الأولاد دلع ووناسه وحب من الأم يسخر كل المعوقات ..

بس الأوسط اشوفه مثل اللاعب الإحتياطي :(

عاد البنات أنتم أبخص

شكراً بنت البدائع على الحكمه :)

[بنت البدائع]

البكر في الأولاد يحضى بتحقيق كامل الرغبات والأمنيات ..

والقعده في الأولاد دلع ووناسه وحب من الأم يسخر كل المعوقات ..

بس الأوسط اشوفه مثل اللاعب الإحتياطي :(

عاد البنات أنتم أبخص

شكراً بنت البدائع على الحكمه :)

هلا بالزعيم
شكلك حاقد على أخوك البكر :)
لاوالله أنا اللي أشوفه وطبعاً هو الأغلب أن البكر ينهضم حقه شوي

والقعده برضه هذا أنا أسميه الملك

أما الأوسط مركزه مرموق بالنسبه لي
وش ورانا لاشرهات ولايحزنون

طبعاً قد يخالف الواقع ماقلت مو شرط يكونون كذا !
لكن ماذكرنا هو الأغلب..

شاكره لك المرور

[بنت البدائع]

بودي أن أحد يتفضل ويقول لنا
معاملة أهل الزوج الخاصة بالزوجة إبنه البكر

أذا عنده شي ...

[عجوز سمنسي]

وش تسوون على الصبح

خلاص عرفنا البكر حبة فكر والقعدة حبة رعدة

طيب انا المسكين اللي بالوسط ورحت فيها من يحبني ؟

تهئ تهئ

[مـلاك الصمت !]

البكر يمسك مسؤليه وعليه الكرف

والأوسط ياحظه مدلل ومدلع ..

والقعده يابعدي يكزز ليل ونهار

شكراً بنت البدائع ..


دمتم بخير

[عجوز سمنسي]

البكر يمسك مسؤليه وعليه الكرف

والأوسط ياحظه مدلل ومدلع ..

والقعده يابعدي يكزز ليل ونهار

شكراً بنت البدائع ..


دمتم بخير


الله يجبر بخاطرك يا اميرة

[بنت البدائع]

وش تسوون على الصبح

خلاص عرفنا البكر حبة فكر والقعدة حبة رعدة

طيب انا المسكين اللي بالوسط ورحت فيها من يحبني ؟

تهئ تهئ


سمنسي
تقدر تفسر لي معنى المثل(البكر حبه فكر والقعده حبه رعده)!!
أنا سمعت بمعناه أبشوف أحد منكم زي معلومتي أو مخالفه!

[نجم النعايم]

جذبني الموضوع .. تشكرين عليه

اثنينهم مدللين عند الابوين

واللي رايحين فيها من تقع اعمارهم بين البكر والقعده

وسلامتكم,,,,,,

[بنت البدائع]

البكر يمسك مسؤليه وعليه الكرف

والأوسط ياحظه مدلل ومدلع ..

والقعده يابعدي يكزز ليل ونهار

شكراً بنت البدائع ..


دمتم بخير


هلااا بك اختي اموره
شكلك قعدة أهلك ومنغثه :)
لكنـ مايضيع شي عند الله
كل أنسان بيلاقي حقه لابكر ولاقعده

شاكره لك المرور

[بنت البدائع]

جذبني الموضوع .. تشكرين عليه

اثنينهم مدللين عند الابوين

واللي رايحين فيها من تقع اعمارهم بين البكر والقعده

وسلامتكم,,,,,,


أخوي نجم العفوو
قد يكون البعض مدلل والبعض الآخر لا ممن هو بكر

وزي ماقلت قبل رب ولد ليس ببكر ويكون له الحظ الأوفر من التدليل
وغيره
لكنـ الأغلب من الآهالي من يميز البكر عن غيره

شاكره لك مرورك

[بيسان]

كل الشكر لك حبيبتي لموضوعك الشيق جدا

اشوا مافاتني شي

تبين الصدق جبتيها على الجرح وكنك مادريتي

انا البنت البكر من البنات والعيال

وعايشه جحيم انا اسميه والأغلب يسميه دلال وحرص زايد من الاهل وخوف على مصلحتي
لكن بصراحه ماحب احد يهتم فيني كذا طبعي شلون عاد اهلي خخخخ<<<خبله

صدق ان بالبيت وعند عماني وخوالي اهم شي نموله وبالجامعه بعد بس قهر تصيرين محط الانظار مراقبه شديده لك وين رحتي ووش تسوين والخ

كذا طبعي انا ماحب احد يهتم فيني لكن ابي من يواسيني :) مافهمتوا شي ادري

بس اي سؤال اجاوبه عادي اسألوني :)

تدرين عاد ان الكل يحسدني وخواتي اولهم صدق فيه تفرقه يعني انا وخواتي غرفه وحده تلقين نموله معروفه اغراضها وسريرها ومفرشها كل شي مميز تحسين انها مدلللها ابوها

ومن ناحيه الفلوس واللبس والطلبات كل شي ماشالله يعني مانيب ناحته عمري
بس قهرررررررررر:(

من جد خواتي احسنهم يكرهوني مادري خخخخخخ

كل الشكر لك حبيبتي على موضوعك الفري فري نايس
دمتي بخير:)

[بنت البدائع]

كل الشكر لك حبيبتي لموضوعك الشيق جدا

اشوا مافاتني شي

تبين الصدق جبتيها على الجرح وكنك مادريتي

انا البنت البكر من البنات والعيال

وعايشه جحيم انا اسميه والأغلب يسميه دلال وحرص زايد من الاهل وخوف على مصلحتي
لكن بصراحه ماحب احد يهتم فيني كذا طبعي شلون عاد اهلي خخخخ<<<خبله

صدق ان بالبيت وعند عماني وخوالي اهم شي نموله وبالجامعه بعد بس قهر تصيرين محط الانظار مراقبه شديده لك وين رحتي ووش تسوين والخ

كذا طبعي انا ماحب احد يهتم فيني لكن ابي من يواسيني :) مافهمتوا شي ادري

بس اي سؤال اجاوبه عادي اسألوني :)

تدرين عاد ان الكل يحسدني وخواتي اولهم صدق فيه تفرقه يعني انا وخواتي غرفه وحده تلقين نموله معروفه اغراضها وسريرها ومفرشها كل شي مميز تحسين انها مدلللها ابوها

ومن ناحيه الفلوس واللبس والطلبات كل شي ماشالله يعني مانيب ناحته عمري
بس قهرررررررررر:(

من جد خواتي احسنهم يكرهوني مادري خخخخخخ

كل الشكر لك حبيبتي على موضوعك الفري فري نايس
دمتي بخير:)


هلاااااااااا بك أختي نمله
أخيراً رد علينا بكر غير الأخت جمان البحر
كل من رد ياوسطي وإلا قعده ..

أجل أنتي ممن لاحقهم الدلال والإهتمام
وكفاك الله عيشة الجحيم
صدقتي البكر تكون عليه رادارات العائله كله
وساع مايخطي تطقه شرهة وش كبره

شرفتينا نموووله وشاكره لك المرور

[& جمال الطفوله &]

ياهلا ببنت البداااائع

عاد شدي حيلك وضبطي لنا موضوع للي ناسينهم أهلهم
اقصد اللي بالووسط هههه

<<< بالوسط ومنسيه هههههههههه

ايـــه بنت البداائع ...
ليش الأهل يحطون اهتمامهم بالبكر والقعده :)

واللي بالوسط منسسسسسسسسسي

هذي مشكله اواجهها أنا شخصياً :(


تشكرررات بنوته ..

[بنت البدائع]

ياهلا ببنت البداااائع

عاد شدي حيلك وضبطي لنا موضوع للي ناسينهم أهلهم
اقصد اللي بالووسط هههه

<<< بالوسط ومنسيه هههههههههه

ايـــه بنت البداائع ...
ليش الأهل يحطون اهتمامهم بالبكر والقعده :)

واللي بالوسط منسسسسسسسسسي

هذي مشكله اواجهها أنا شخصياً :(


تشكرررات بنوته ..


هلاااااااااااا بك جموله

ياوخيتي أحمدي ربك على السلامه
والله ياأنا أتعزز لك من هو بكر أخوانه
يشيل شيل ماتشيله الجبال
وأنتي لاحظي بنفسك..

أما الأوسط تحت المشيئه مره فوق ومرة تحت هه

والقعده أستر ياساتر لاأحد يقرب له

شوفي هذا شايب أعرفه زين
طبعاً تقاعد من العمل حقه
وبنفس السنه اللي تقاعد فيها صار يتسبب وأشتغل
نقل مدرسات
المهم أخذله سنه على هالحال وهو مبسوط
وتجي الكارثه !
دخل ولده القعده المدرسه وإنقلب البيت رأس على عقب
ترك النقل وسألناه وش السبب؟
قال أبصالي هالولد بالروحه والجيه للمدرسه
وياعمري ياعياله اللي قبله مدبرين أرواحهم
(شفتي عاد) القعده وش سوى بأبيّه

شاكره لك مرورك جموله.

[جمان البحر]

نمووووووووووووووووووله ..

البكر من حقه انهم يهتمون فيه لانه هو الكبير بس والله ان اللي بالوسط يدللون بعد ولا احد يقصر بحقهم ....

بس شوفوا أبقول لكم خلطه سريه ياللي بالوسط وقسم هي اللي مخليتني مااستانس اني البكر ..

عندي أخت توها بالروضه لكن ماشاء الله عليها من طلعتها على الدنيا وهي لسانهاحلو ...

يعني تخيلي ما تقول لابوي الا حبيبي بابا حتى في الاماكن العامه <<<قمة الاحراج ..... :a16[1]: ..والناس تبدأ تناظر <<<شهبان وش خليتي ..
وطبعاً اذا عصب على طول تروح تراضيه..

علشان كذا أبوي مدللها بشكلللللل ويحبها مع انه يحاول مايظهر هالشيء الا انه واضح غصب عليه ..
واذا قلت له انك مدللها يقول لاانا ما افرق بينكم ..

واعترف ان هالدلال الشديد محصور بيني وبينها لانه أنا وهي اذا طلبنا طلب لو في آخر الليل ينجاب ..
والباقين مااحد يقصر بحقهم بس ولو ..واهلي حريصين على انهم مايظهرون الفرق ..
وهذا راجع الى انهم يخافون على مشاعر باقي خواتي ..
يعني تخيلي أبوي يجيب لي هداياسواء ساعات ولا ملابس ولا حتى فلوس ويقول لاتقولين لخواتك خاصه اللي أصغر مني ..
وآخر مره جاب لي خاتم ذهب روووووعه ويوم لبسته سالتني أختي واضطريت أقول لها انه هديه من أيام المدرسه علشاني متفوقه ..وهي صدقت ..

[تلميذة الحياة]

هلااااااااااااااااا بتلميذه
أنتي تدرين وش المقصد من قولتهم (البكر حبه فكر والقعده حبه رعده)!!!

أنا سامعه عن معناة من أمي ومرة عمي
طبعاً أمي زوجة البكر
ومرة عمي زوجة القعده

ودرست معنى هالحكمه منهن!

أذا أنك تعرفين المعنى قولي لي أبشوف معلومتك
هي مثل معلومتي أو لا!

شاكره لك المرور خيتي


البكر : يعني الابن او الابنه الأكبر.
حبه : يعني حبه ههههه

فكر: يعني بالفكر بالعقل دايماً يفكر فيه بالروحه والجيه :)

القعدة : آخر العنقود:)
حبه : يعني حبه ههههه

رعده : يعني يرعد القلب من حبه وينخاف عليه ويدلل ..

هاه وش صار صح علي ..؟؟

[بنت البدائع]

نمووووووووووووووووووله ..

البكر من حقه انهم يهتمون فيه لانه هو الكبير بس والله ان اللي بالوسط يدللون بعد ولا احد يقصر بحقهم ....

بس شوفوا أبقول لكم خلطه سريه ياللي بالوسط وقسم هي اللي مخليتني مااستانس اني البكر ..

عندي أخت توها بالروضه لكن ماشاء الله عليها من طلعتها على الدنيا وهي لسانهاحلو ...

يعني تخيلي ما تقول لابوي الا حبيبي بابا حتى في الاماكن العامه <<<قمة الاحراج ..... :a16[1]: ..والناس تبدأ تناظر <<<شهبان وش خليتي ..
وطبعاً اذا عصب على طول تروح تراضيه..

علشان كذا أبوي مدللها بشكلللللل ويحبها مع انه يحاول مايظهر هالشيء الا انه واضح غصب عليه ..
واذا قلت له انك مدللها يقول لاانا ما افرق بينكم ..

واعترف ان هالدلال الشديد محصور بيني وبينها لانه أنا وهي اذا طلبنا طلب لو في آخر الليل ينجاب ..
والباقين مااحد يقصر بحقهم بس ولو ..واهلي حريصين على انهم مايظهرون الفرق ..
وهذا راجع الى انهم يخافون على مشاعر باقي خواتي ..
يعني تخيلي أبوي يجيب لي هداياسواء ساعات ولا ملابس ولا حتى فلوس ويقول لاتقولين لخواتك خاصه اللي أصغر مني ..
وآخر مره جاب لي خاتم ذهب روووووعه ويوم لبسته سالتني أختي واضطريت أقول لها انه هديه من أيام المدرسه علشاني متفوقه ..وهي صدقت ..

هلا جمان
ياحليل أختك تبارك الله
أكلت الجو عليكم

الله يخليها لكم وألف شكر للمرور الثاني

[جناان]

(الـبـكـر حُبه فـكـر والـقـعـده حُبه رعده) ‏
جااايتن ابسأل وش معنى هلعبااره >>توه تفطن

اومير >>لاتفوتك ههه
اشوف شرح تلميذة الحياة خخ
هل هو صحيح او خطا استاذه

[بنت البدائع]

البكر : يعني الابن او الابنه الأكبر.
حبه : يعني حبه ههههه

فكر: يعني بالفكر بالعقل دايماً يفكر فيه بالروحه والجيه :)

القعدة : آخر العنقود:)
حبه : يعني حبه ههههه

رعده : يعني يرعد القلب من حبه وينخاف عليه ويدلل ..

هاه وش صار صح علي ..؟؟

ههه كلامك ممتاز ياتلميذه

هذي والله العالم اللي سمعته أن أهل الرجل لاصار
ولدهم البكر متزوج <<<كل الأفكار حوله من قبل أمه وخواته<<الله من الشر هه

أما القعده مرة يخلونه بحاله هو وحريمته
ومرة يشيشن عليه الأم وبناته

عاد هذي أمي ومرة عمي اللي شفتهن مره متوزيات ويتشكن <<ودكم أفضحهن عند جدتي وعماتي ههه

[بنت البدائع]

جااايتن ابسأل وش معنى هلعبااره >>توه تفطن

اومير >>لاتفوتك ههه
اشوف شرح تلميذة الحياة خخ
هل هو صحيح او خطا استاذه

أول شي أرفعي أصبعك لاجيتي تسألين الإستاذه <<<صدقت عمره

إلا وأنا أشهد أن تلميذة الحياة شقرديه وجابته

شكراااا تلميذتي جناان

[قلب الأسد]

يازين القعده شوفي اخوي مدلل لو يبي جيب لكززس يفكرون
يشرونه . وينادون العيال يالله اخوكم ماعنده واخوكم يبي والله
لاقيها هالبزر .

[بنت البدائع]

يازين القعده شوفي اخوي مدلل لو يبي جيب لكززس يفكرون
يشرونه . وينادون العيال يالله اخوكم ماعنده واخوكم يبي والله
لاقيها هالبزر .

الرجّال باز(ن) بعمره وأنت تقوله البزر
أيه لاتلومه هذا القعده وربي عطاه

يالله حظ الآخره بس :confused:

وين اللي تقول من توسط سلم :g2:
أيه صح صح:)

قلب ضب ألف شكر للمرور

[ثلوج دافئه]

مرحبتين أختي بنت البدائع
ليش تقول عن البكر أنه متبذهل بالعكس البكر أخذ حقه وزياده من الأهتمام وهذا من الي أشوفه حوالي وأنا بكرأهلي ولله الحمد القى الأهتمام والمحبه من أهلي أكثر من باقي أخواني حتى القعده
تحيااااااااااتي

[بنت البدائع]

مرحبتين أختي بنت البدائع
ليش تقول عن البكر أنه متبذهل بالعكس البكر أخذ حقه وزياده من الأهتمام وهذا من الي أشوفه حوالي وأنا بكرأهلي ولله الحمد القى الأهتمام والمحبه من أهلي أكثر من باقي أخواني حتى القعده
تحيااااااااااتي


هلاااا والله وغلا بأخيتي ثلوج دافئه
ياوخيتي الواقع اللي نعيشه يقول أن الإبن البكر يتحمل أكثر من أشقائه
لاأنكر بوجود من هو إبن بكر يخالف ماذكرت
كل(ن) وحسب نمط تربيته من قبل أبآئه

الله يديم عليك النعمه وشاكره لك مرورك

[عاشقةالجنة]

هلا وغلا بنت البدايع يا علني ما اعدم مواضيعك العذبه

اللي اشوفه ان الكبير دايم مهظوم حقه وغالبا مظلوم من طرف والديه خاصه ابوه يشخص ان له ولد كبير ويحط كل شي عليه كل شي !!!!

والقعده الله يعينه على امه خاصه اذ كانت كبيره ما تبيه يفر ولا حركه!!!

اما الاوسط <<<<احم احم احم يالله من فضلك ما يشاف خطاه واكثر واحد يدلل

والله اعلم ,,,,,,,,,,,,,,

[أمــاسي ونص]

كركركركركر

طيب الي مو البكر ولا الوسط ولا القعده وش يسوي؟؟ <<<< وشلون جايه اجل

ابد يابنيات الي ماشافت الدلع تشوفه عند رجله انشالله وتستانسن وتعوضن عن كل شي وعن ايام الغيره والمخانق يصير الدلع لك لحالك ياسلام سلم<< اقول دني هناك

[بنت البدائع]

هلا وغلا بنت البدايع يا علني ما اعدم مواضيعك العذبه

اللي اشوفه ان الكبير دايم مهظوم حقه وغالبا مظلوم من طرف والديه خاصه ابوه يشخص ان له ولد كبير ويحط كل شي عليه كل شي !!!!

والقعده الله يعينه على امه خاصه اذ كانت كبيره ما تبيه يفر ولا حركه!!!

اما الاوسط <<<<احم احم احم يالله من فضلك ما يشاف خطاه واكثر واحد يدلل

والله اعلم ,,,,,,,,,,,,,,

هلا والله بعاشقة الجنه نورتينا
ماأقول إلا الله لايضيع حق البكر
أماأذا أنه مادبر شي <<< ماودي أدعي عليه :)
الأوسط سالم بالأغلب
والقعده <<<قصدي الملك أنواع الدلال

وكل بيت له طريقته بالتربيه مع البكر والأوسط والقعده

شاكره لك الزياره والمرور ..

[جورينا]

بنت البدائع ..

وعليكم السلام ورحمة الله ..

حياكـ الله يالغلا ..

:)

(البــكـر حبه فكر و القــعـده حبه رعده )

وأنا اشهد .. من واقع تجربة وعايشته الكبير سبحان الله مع انه

على رأسه المسؤلية والأهتمام بأدق التفاصيل بالبيت ..

من وإلى .. إلا ان له وافر الاحترام من قبل الوالدين ..

ودائماً كلمتهـ مسموعهـ .. حتى اليوم اسولف انا وامي *ربي يحفظهـ * تقول

على شين والدتكـ وصعوبته إلا أنكـ اغلى ضناي :f9:

والقعدهـ هذا المدلل وكل أوامرهـ مجابة ..

الله يعطيكـ العافية غاليتي ..

:)

[بنت البدائع]

كركركركركر

طيب الي مو البكر ولا الوسط ولا القعده وش يسوي؟؟ <<<< وشلون جايه اجل

ابد يابنيات الي ماشافت الدلع تشوفه عند رجله انشالله وتستانسن وتعوضن عن كل شي وعن ايام الغيره والمخانق يصير الدلع لك لحالك ياسلام سلم<< اقول دني هناك

هلا أماسي
باين عليك التطنيش لأنك من الفئه الوسطيه

هنيااااالك

شاكره لك المرور

[جبل السكر]

وعليكم السلام ورحمة الله
أهـــلين بنت البـــدائع


من الملاحظ عند أغلب الآباء

أن أكبر أبنائهم(البكر) يكون له نمط خاص من التربيه والمعاملة تختلف عن بقية إخوانه من بعده ...



للأســف هــــذهـ التـــربيهـ جــداً خـــاطئهـ والــسبب سلوكــ غير إسلامي

لابـــد مـــن العـــدل فـــي معــــاملة الأبنــاء وعـــدم تفضيل أحدهم على الآخر

فتكون معــاملة الإبن الكبيــر والصغــير تماماً كمعــاملة الإبن الأوســط

حتــى لايتولــد بينهم الحقــد والغــيرهـ العمــياء والكــراهيهـ الشــديدهـ لبعض

للأسف أغــلب الأســر تتبــع الطــرق الخــاطئهـ فــي التــربيهـ

فتكــون النتيجـــهـ عـــواقبها جــداً وخيمـــهـ


تحيتي

[بنت البدائع]

بنت البدائع ..

وعليكم السلام ورحمة الله ..

حياكـ الله يالغلا ..

:)



وأنا اشهد .. من واقع تجربة وعايشته الكبير سبحان الله مع انه

على رأسه المسؤلية والأهتمام بأدق التفاصيل بالبيت ..

من وإلى .. إلا ان له وافر الاحترام من قبل الوالدين ..

ودائماً كلمتهـ مسموعهـ .. حتى اليوم اسولف انا وامي *ربي يحفظهـ * تقول

على شين والدتكـ وصعوبته إلا أنكـ اغلى ضناي :f9:

والقعدهـ هذا المدلل وكل أوامرهـ مجابة ..

الله يعطيكـ العافية غاليتي ..

:)


هلااااا بك فراشه نجد نورتينا يالغاليه
صادقه ياوخيتي البكر بالأغلب يُكن له الإحترام من الوالدين
وقد يكون العكس
قسم يافيه والدين ماقدّروا ولاأحترموا أبنهم البكر للأسف
وصابين أهتمامهم للعيال اللي تحت

وياغلاة أمك أنتي تسلمين على المرور الروعه

[بنت البدائع]

وعليكم السلام ورحمة الله
أهـــلين بنت البـــدائع






للأســف هــــذهـ التـــربيهـ جــداً خـــاطئهـ والــسبب سلوكــ غير إسلامي

لابـــد مـــن العـــدل فـــي معــــاملة الأبنــاء وعـــدم تفضيل أحدهم على الآخر

فتكون معــاملة الإبن الكبيــر والصغــير تماماً كمعــاملة الإبن الأوســط

حتــى لايتولــد بينهم الحقــد والغــيرهـ العمــياء والكــراهيهـ الشــديدهـ لبعض

للأسف أغــلب الأســر تتبــع الطــرق الخــاطئهـ فــي التــربيهـ

فتكــون النتيجـــهـ عـــواقبها جــداً وخيمـــهـ


تحيتي


هلااااابك أختي رواء للأسف ظاهرة التفرقه بين الأبناء منتشره عند أغلب
الآباء
وأحياناً يكون غصب لاشعوري من الوالدين
أبوي الله يحفظه هو البكر من أخوانه وخواته
تخيلي من حب أمه(جدتي)له مخلينه زي البزر هه

لدرجة أن حبها له صاير علينا حنا ياعياله بزووود
ووحده من عماتي أذا شافت جدتي فرحت فينا
تقول أيه ياليتي بنت (ال ـــــــــ) أسمنا
من شان أشوف هالدلال والحب..

ألف شكررر لمرورك الروعه ..

[قصيمية كووووول]

صدق المثل هذا ..وأزيدك من الشعر بيت
(المزيون حبه فكر والمملوح حبه رعده )< يعني الشيون مالهومش دلال الله يخلف ههه
الله يخلف على التربية هاليومين انواع التمييز والتفريق

[سفاري251]

ياشيخين أهم شي أنت دلع روحك و انبسط و استانس ..

أهو كلنا ح نموت ..

[خلف المعطف]

هلا اختي
احس والله مكروفه بالبيت انا>نصابه خخخ
لابس احس اخوي الكبير هو الي عليه الشرهه اجل تعالي للقعده انواع الدلااال>وحده نغره منه خخخخ