انا اتوقع ان موضوعي هذا بيوصل اربع صفحات ( الله يستر ) [الأرشيف]

مشاهدة النسخة كاملة : انا اتوقع ان موضوعي هذا بيوصل اربع صفحات ( الله يستر )

د / ماسنجر

24-10-07, 05:43 pm

السلام عليكم ورحمة الله وبركاته

انتم عارفين مين دكتور ماسنجر يعني ماودي اقعد واوصف لكم واكتب شيء عني لان الحمد لله انا سمعتي زينه ( ماودك تعطيهم الزبده )

في هالمنتدى الرائع وفي خضم انزلاقات الفكر وفي خضم تبقّل النفوس ( بتشديد القاف ) (1) ... لاحظت من خلال متابعتي اللي راحت ان بعض المواضيع ما يمدي راعيه ينزله الا ومااااغطه خمس ست سبع صفحات ؟؟؟

لدرجة اني اقول اللهم حوالينا ولا علينا .....

تقول داخلين يتكامخون مهب داخلين يتناقشون وش السبب :ash:

يعني مفروض الواحد قبل يناقش موضوع معين لازم يدرس النقاط يعني مثل موضوعي هذا ؟؟ مفروض الواحد يدرسه نقطه نقطه ويتعب على رده عشان يضرب حساب ردي له !!!! ( مهوب عاقل كارول هاريس ) :p

اتكلم جد معكم لازم ندور حل لهالمشكله حتى اننا نشوف بعض المواضيع على طوول تصك بالشمع الاحمر زين ما صار بالشمع الفسفوري .... يعني لازم يكون هناك مداعبه من الاعضاء وروح رياضيه خاصه بما ان اليوم مباراة الاهلي والاتحاد :)

اللهم مير يخليكم لاهلكم ... ويخليكم ذخر لمنتدى بريدة ....
========
الحاشيه :
1- تبقّل النفوس : يعني بعض الناس يدخل للمنتدى توه اكل له بقلتين او ثلاثه ويدخل ونفسه شينه همن يهاوش ... ( بتصرّف ) .

كراتين ورداتي ودرااازن اشواقي
دكتور مس مس

# الزلزال #

24-10-07, 05:52 pm

DaRk MoOn

24-10-07, 05:53 pm

صحيح اخوي الواحد يدخل موضووع وماهو فاهم الموضوع او هدفه من رده انه يثبت تواجده

لكن على كل من يرد على موضوع ان يفيد بردووده وان يفهم الموضووع وان يكووون جاد بنقاشه وان مايرد اللا لانه حاس بالمشكله اللي يناقشها الموضووع عشااان يعطي وينااقش بصدق ويرد لمعرفته واحاطته للماده المطروحه ليفييد ويبيين خفايا وحقائق ويعطي نتائج وحلوول لما طرح

وان يشارك غيره بتجاربه

اشكرك اخوي على طرحك المفيد

د / ماسنجر

24-10-07, 05:55 pm

شكلك .. مكثر من البقل اللي تقول <<< وشو البقل

يعني بكلة بنات

بكرا مو اليوم

مباراة الاهلي .. والاتحاد

طرح يلامس الواقع نوع ما ..

وسبب وجود بعض المواضيع اللي تأخذ فوق حجمه قلة عقل

بعض الناس يدرون ان الموضوع بقصد الاثارة ليس ألا ويطيرون ردود وهوش

لي عودة متعقلة .. تحياتي

المباراة بكرى بعده اهم شيء نتحمس من هالحين

زين ان موضوعي يلامس الواقع يا انك رفعت من معنوياتي ...

بس ما تلاحظ ان بعضهم يضغط موضوع جديد وينزل اي موضوع ما يتجاوز كم سطر همن شف العجاري به والمرابيع ... يعني حرام كذا قصدي حرام كييذا :(

ورداتي لك سلااام

د / ماسنجر

24-10-07, 05:59 pm

صحيح اخوي الواحد يدخل موضووع وماهو فاهم الموضوع او هدفه من رده انه يثبت تواجده

اول شيء انا ضاق صدري يوم دريت ان امك بالمستشفى الله يقومه بالعافيه ويشفيه من كل مكروه .....

ثانيا على قولتك ينزلون المواضيع مابه هدف ابد يعني تلقاك تقرا وما تحس ان فيه شيء يستاهل الرد ؟؟؟؟ بس عسى ما يرمي واحد كلمه على الثاني الا وتشوف الفزعات :b1:

لكن على كل من يرد على موضوع ان يفيد بردووده وان يفهم الموضووع وان يكووون جاد بنقاشه وان مايرد اللا لانه حاس بالمشكله اللي يناقشها الموضووع عشااان يعطي وينااقش بصدق ويرد لمعرفته واحاطته للماده المطروحه ليفييد ويبيين خفايا وحقائق ويعطي نتائج وحلوول لما طرح

وان يشارك غيره بتجاربه

اشكرك اخوي على طرحك المفيد

يا عييييينييي عليك ياخي احس ان افكارك زي افكاري سبحان الله

هذا اللي ابيه ان الواحد يرد ويكون فاهم وش يكتب عارف وش يرد عليه وش الموضوع اللي بيناقشه وش الموضوع اللي بينزله للناس والاعضاء ؟؟؟

اهنيييك على فهمك يالغالي

ورداتي لك سلااام

Queen of buraydh

24-10-07, 07:19 pm

مب غريب علي هالاسلووووب .!! :)

د / ماسنجر

24-10-07, 07:46 pm

مب غريب علي هالاسلووووب .!!

وانتي اكثر

فتاااة النهر

24-10-07, 08:00 pm

سارة عبدالعزيز

24-10-07, 10:01 pm

عاشقة الطير

24-10-07, 10:43 pm

د / ماسنجر

25-10-07, 03:18 am

التعجل سمة تغلب على ابناء هذا البلد << وش عنده

صدقت خيوو وانا اعترف اني من اكثر الناس عجلة بالرد على بعض المواضيع

في منتديات كثيرة

واكتشف بالاخير اني فاهمه غلط ,,

لكن ارجع واعتذر من صاحب الموضوع ,,

لكني ولله الحمد احاول قدر استطاعتي اني اهديء من نفسي واركد روحي عند الرد ,,

كلامك درر خيووو

يسلمووو

يا ملحي يا ناس

حلو انك تعتذرين طيب وش فيها !!!

بلاك من اللي يخش بعينتس كنه فاهم الموضوع .... وهو من جنبها :29_1_16[1

ورداتي المغلفه لتس سلااام

د / ماسنجر

25-10-07, 03:22 am

أنا أرد على حسب فهمي لما كتب
وهل تريد مني أن أنتظر أن يأتي أحدا
ويقوم بشرح مفصل لما كتب
فأنا في منتدى أكتب وأنمي موهبتي الكتابية فيه
ولا أحب عين الناقد ترقبني .
فأنا حرة هنا وبدون قيود,,,,,,,,,,,,

بسم الله علينا ... لا ورى ما تجين وتلفعينن أزين ( إي هين ) :f5:

ماشاء الله عليك كلامك سلس ومحبوك ومفصل ( تيور هو ؟ ) :f5:

اهنيك على ثقتك بنفسك الله مير لا يضرك

بالعكس كلامك منطقي وحلو لما تكتبين انتي من خلال فهمك ؟؟؟

وكم مره اقول بلاك من اللي ما يفهم ويجي يخش بعينك :rolleyes:

ورداتي المعطره لتس

&نجدية كووول&

25-10-07, 03:27 am

أنا أزيد على كلامك ..ليش بعض المواضيع على طول تحذف أذا نزلت هاذا اللي يقهر>>>>منقهرررررره

ولا زياده عدد الصفحات..أذا موضوع له هدف فيكون قليل..أما أذا كان موضوع سواليف فيكون كثير

د / ماسنجر

25-10-07, 03:30 am

اخوي د/ ماسنجر
احترامي لك وتقديري لك انت وموضوعك
قص راسي إذا فهمت شي او جبت مضمون الموضوع :)
داخله وانا متنحه والموضوع تنحني زياده <<<اقوول احسن شي كرمينا بسكوتك وشوله قاطه عمرك معنا خخخخخخخخخخ
تقبل مروري

طيب معك سبوره ودفتر ابو ميتين وقلم ازرق ناشف ؟؟؟

( ايه )

اوكي ..

انا اقصد الهواش والطقاق اللي ببعض المواضيع لين ما يحذف .. باختصار .. فهمتي اور لا ؟؟؟ :)

سلااام

قلب الأسد

25-10-07, 03:31 am

هلا بالدكتور : نعم البعض عندما يقراء الموضوع بسرعه يكون الرد خارج الموضوع
.لايتوقف قليلا ليرد برد يكون بصلب الموضوع وفاهمه .اما بالنسبه
للهوش اللي تقول .مجرد اخذ وعطا لازم يكون فيه رد قاسي ورد
عادي ورد حلو ورد مضحك .بس المهم ان صاحب الموضوع يكون
عنده روح رياضيه مهما كان الرد قاسيا.
شكرااااااا

د / ماسنجر

25-10-07, 03:34 am

نجديه كووول
(( أنا أزيد على كلامك ..ليش بعض المواضيع على طول تحذف أذا نزلت هاذا اللي يقهر>>>>منقهرررررره

ولا زياده عدد الصفحات..أذا موضوع له هدف فيكون قليل..أما أذا كان موضوع سواليف فيكون كثير ))

السبب يا عمتي هو المشادات الكلاميه اللي تصير بالموضوع نفسه

يجيك هذا جادعن كلمه وذاك مفصل كلام واحد على كيفه ...... همن عاد شلّزي بصل :)

لو لاحظتي ان اغلب المواضيع اللي يحذفونه ادارتنا هي اللي ما تتعدى الصفحه الاولى الا متغير المساااااااار وماغطين بنا لم راس ابو قميص ؟؟؟ بالاخير يقفل بالشمع الاحمر .... :g2:

وهذاك قلتي دايم المواضيع اللي له هدف ما يرد عليه الا الاعاقلين مثلك ومثلي :c7:

وقلتي ان موضوع السواليف يكون كثير ..... يا ملحي هذاك جاوبتي على سؤالك :)

ورداتي لي سلااام

ابوقش

25-10-07, 03:37 am

المشكله فيه مواضيع تكون صادقه واحيانا بشكل يومي يعني مواضيع جاده

ومايكون فيها الامشاهدات اما الردود فتكون قليله وقليله جدا وشكور ياماسنجر ..

د / ماسنجر

25-10-07, 03:38 am

قلب ضب
(( هلا بالدكتور : نعم البعض عندما يقراء الموضوع بسرعه يكون الرد خارج الموضوع
.لايتوقف قليلا ليرد برد يكون بصلب الموضوع وفاهمه .اما بالنسبه
للهوش اللي تقول .مجرد اخذ وعطا لازم يكون فيه رد قاسي ورد
عادي ورد حلو ورد مضحك .بس المهم ان صاحب الموضوع يكون
عنده روح رياضيه مهما كان الرد قاسيا.
شكرااااااا ))

هلا بك ..

مشكلتنا حنا من اللي يقرون بسرعه ويفهمون غلط ويجون يكتبون رد كاشت يم الطرفيه ومعه له بريق عدن وبسكوت مالح ... وش نسوي به ذا ؟

هو لو كان مجرد اخذ وعطا كان مهب مشكله ؟؟؟

بس الاخذ والعطا يا جنيني ما يخليهم يتلفظون بكلام مهب زين صح ولالا عشان نكون واقعيين ( اقققعد )

اما الروح الرياضيه يا قلب ضب .. !!!!

هههههههههه

اجل ادخل واصلخ والديني هنا واخلي روحي رياضيه ؟؟؟

ابشر من عيوني

تسلم ع ردك وحماسك يا غالي

ورداتي معطره بعطر النشا :c7: سلااام

الذاهـبـة

25-10-07, 03:41 am

يا هلا بك دكتور ماسنجر ..

المهم كان تبي فزعة ولا آش ..

ماعليك إلا : تأشر طال عمرك ..

د / ماسنجر

25-10-07, 03:41 am

ابو قششش

((( المشكله فيه مواضيع تكون صادقه واحيانا بشكل يومي يعني مواضيع جاده

ومايكون فيها الامشاهدات اما الردود فتكون قليله وقليله جدا وشكور ياماسنجر .. )))

وش يدل عليه كلامك ؟؟؟

يدل على ان البعض هنا الله يهديهم والله يستر ما اكون منهم

بس جيدين بالمواضيع اللي للسواليف بس ؟؟؟

يعني ما حطينا حيلنا بمواضيع مفيده وقرأنا واستفدنا

هالشيء اعتبره مشكله ويجب على الواحد انه يطور من نفسه شوي

وبالتوفيق للهلال :)

ورداتي لك اوه نسيت اعطرهن سلااام

د / ماسنجر

25-10-07, 03:43 am

الذااهبه

((( يا هلا بك دكتور ماسنجر ..

المهم كان تبي فزعة ولا آش ..

ماعليك إلا : تأشر طال عمرك .. ))

الله يسلمك بس خلي معك نباطه والحصا خليهن محفورات زي المسمار ( حشى نبي نطق كوخ ) :D

ولا شفتين من بعيد مصفرن لتس الله الله بالتصويب

ورداتي المعطره بريحة الفانيليا سلااام

وضوح

25-10-07, 03:58 am

كلام سليم د/ماسنجر

صراحه فيه مواضيع روعه وهادفه لكن ماتدري الا وهي خارجه عن مساره ،،

كله كوم واللي يكتب لكـ مواضيع للمناقشه ويتناقش مع اثنين أو ثلاثه

ويختفى وماتدري الا ومن بكرا كاتب لكـ موضوع ثاني يناقش فيه وهكذا ......؟؟

يعني ماختم موضوعه بفائده أو فكره !!!!

اسم العضو

25-10-07, 04:06 am

هلا وغلا بالدكتور ماسنجر

موضوع في الصميم عن الفائده المرجوه من المواضيع الهادفه

سلام...

بنت البدائع

25-10-07, 04:20 am

وأزيد على ماتفضلت به

أن الموضوع اللي يتزايد في عدد الصفحات بسرعه

مصيره قسم المحذوفات ..

يانا متابعه كذا موضوع فيه خلافات

وأطلع للنوم أو أي شي ثاني وإذا رجعت ماألقى له آثر..

نهااار

25-10-07, 04:23 am

اهلا دكتور مسن

الحين انت تكلمت من جانب واحد في الموضوع .. وهو ان الموضوع اللي يكتب .. ماشي

تمام والمشكله من الردود.. يلي هم ماهم فاهمين الموضوع .. ويتخبطون..

طيب .. ليه ماتكلمت عن الجانب الثاني : وهو ان كاتب الموضوع .. يكتب ويدربي راسه ..

ماهو عارف كيف يدير الحوار والنقاش .. او انه فاهم المجتمع بالغلط .. يعتقد انه صح..

او انه يعبر عن وجهة نظره وفق مجتمع محدود قريب منه .. ونظرته حسب مايراه امامه

وحواليه .. والجميع يعرف اننا في مجتمع فيه من جميع الطوائف .. والقبائل

وتختلف بعض العادات والتقاليد .. وكثير من الذين يكتبون المواضيع يخطئون .. فمنهم

على سبيل المثال: غير ملتزم ويحب ان يشاهد المجتمع على هواه ..

فيصتدم بكتله من المعارضين .. انت الحين تعتقد انك درست الموضوع من جميع

جوانبه .. قبل ماتنزله .. طيب لو كان انتقادي هذا مايعجبك ..راح تشن هجوم علي ..

طيب قبل هذا .. لازم تضع في الحسبان الاختلافات .. ونظرت الناس للموضوع

من حيث اختلاف الاعمار .. وقد يرى غيرك مالاتراه .. وترى انت مالايراه غيرك ..

اذن طبيعي كثرة الردود واختلافها .. ولا هي غريبه لو صارت جميع الصفحات الخمس

فقط انا وانت .. كل واحد يتفلسف علشان يقنع الاخر انه هو اللى فاهم..

احتفظت ببعض ماعندي من الكلام .. علشان اقدر ارد عليك وادافع عن وجهة نظري..

يلا وش ردك ؟؟ انتظر!!

اخوك - نهاااار

د / ماسنجر

25-10-07, 04:30 am

الدررره**
((( كلام سليم د/ماسنجر

صراحه فيه مواضيع روعه وهادفه لكن ماتدري الا وهي خارجه عن مساره ،،

كله كوم واللي يكتب لكـ مواضيع للمناقشه ويتناقش مع اثنين أو ثلاثه

ويختفى وماتدري الا ومن بكرا كاتب لكـ موضوع ثاني يناقش فيه وهكذا ......؟؟

يعني ماختم موضوعه بفائده أو فكره !!!! )))

الله عليك اذن هذي نقطه جديده سلبيه اللي هم يرمون موضوع هادف ويردون عليهم ناس ويناقش اثنين ويترك الباقي ويروح وينزل موضوع ثاني ؟؟؟

هذي مشكله كبيره اذن هو اكتفى على هالشخصين وهذي شيء مو حلو صراحه :)

وش فايدة الناس الثانين اللي شاركوا يا ويلي وتعبوا وطقطقوا بالكيبورد !!!!

بيتم مناقشة النقاط بعد جمعهن ...

وردااااتي لتس سلااام

د / ماسنجر

25-10-07, 04:31 am

اسم العضو
((( هلا وغلا بالدكتور ماسنجر

موضوع في الصميم عن الفائده المرجوه من المواضيع الهادفه

سلام...)))

يا هلا بك ....

الله مير يحييك ياخي انت شكلي لا شفت اسمك ابسسسسستانس وراه ما ادري :8_8_14[1]

ورداتي لك بطعم المنقااا سلااام

د / ماسنجر

25-10-07, 04:33 am

بنت البدائع
((( وأزيد على ماتفضلت به

أن الموضوع اللي يتزايد في عدد الصفحات بسرعه

مصيره قسم المحذوفات ..

يانا متابعه كذا موضوع فيه خلافات

وأطلع للنوم أو أي شي ثاني وإذا رجعت ماألقى له آثر..)))

قلنا هالكلام يا خيتي وزي ما ذكرتي

لازم نسال ليه انحذف الموضوع ووش السبب مالت السواليف ومن ورا هالهواش هذا اكيد فيه نعرات عضويه صح ولالا

اذن لازم نلاقي له حل
جاري جمع النقاط

ورداااااتي الحاره سلااام

البرحيه

25-10-07, 07:14 am

يعني تراي جديد و ما عرف اقتبس.....:c9:

كل خرطك ... يسمونه..علمياً
اللعنقراطية في المنتديات ...

شكرا لك

ămōяẻ

25-10-07, 07:27 am

عشانك ابرد

استنس

عشان تقنع

د / ماسنجر

25-10-07, 11:19 am

نهااااار
((( اهلا دكتور مسن

الحين انت تكلمت من جانب واحد في الموضوع .. وهو ان الموضوع اللي يكتب .. ماشي

تمام والمشكله من الردود.. يلي هم ماهم فاهمين الموضوع .. ويتخبطون..

طيب .. ليه ماتكلمت عن الجانب الثاني : وهو ان كاتب الموضوع .. يكتب ويدربي راسه ..

ماهو عارف كيف يدير الحوار والنقاش .. او انه فاهم المجتمع بالغلط .. يعتقد انه صح..

او انه يعبر عن وجهة نظره وفق مجتمع محدود قريب منه .. ونظرته حسب مايراه امامه

وحواليه .. والجميع يعرف اننا في مجتمع فيه من جميع الطوائف .. والقبائل

وتختلف بعض العادات والتقاليد .. وكثير من الذين يكتبون المواضيع يخطئون .. فمنهم

على سبيل المثال: غير ملتزم ويحب ان يشاهد المجتمع على هواه ..

فيصتدم بكتله من المعارضين .. انت الحين تعتقد انك درست الموضوع من جميع

جوانبه .. قبل ماتنزله .. طيب لو كان انتقادي هذا مايعجبك ..راح تشن هجوم علي ..

طيب قبل هذا .. لازم تضع في الحسبان الاختلافات .. ونظرت الناس للموضوع

من حيث اختلاف الاعمار .. وقد يرى غيرك مالاتراه .. وترى انت مالايراه غيرك ..

اذن طبيعي كثرة الردود واختلافها .. ولا هي غريبه لو صارت جميع الصفحات الخمس

فقط انا وانت .. كل واحد يتفلسف علشان يقنع الاخر انه هو اللى فاهم..

احتفظت ببعض ماعندي من الكلام .. علشان اقدر ارد عليك وادافع عن وجهة نظري..

يلا وش ردك ؟؟ انتظر!!

اخوك - نهاااار )))

يا اااالله عليك

بالعكس ياقلبي وراه اشن عليك هجوم انت كلامك جدا منطقي

وماودي تحسب اني اقصد بالخمس صفحات اي موضوع فيه نقاشات حاده ؟؟؟ لااا

انا اقصد المواضيع اللي تغلق على طول وبسرعه تصك صفحات واجد وكله هذر وسوالف مابه اي فايده ؟؟؟

انا يالغالي كتبت اللي جمعته من مخي وهو التوليف من الاعضاء لا بغوا يكتبون وصفحات واجد وزي كذا

هذا كله يدخل مع انه يدهدر دميجته ويدربي راسه وهو ينزل مواضيع على غير سنع

جدا كلامك منطقي وش دعوى ازعل ؟؟؟ بالعكس لو كان المجتمع فيه ناس منك واشكالك صدقني بيعيشون صح ....

من ناحية الاعمار واني اناظر اختلاف الافكار صح عليك ما قلت لك لا

موضوعي هذا ما يناقش فئه معينه دون فئه ....

يناقش الكبار وبعض الصغار شوي اللي يفهمون .... كاعضاء

يعني هو تقريبا موجهه للاساتذه مثلك طال عمرك لا شافوا كلامي يضيفون الدرر

وموجه ليرشد هاللي يدخلون ويكتبون ويتفلسفون على غير سنع !!!!

صدقني يا نهاااار بالمنتدى وانا متابعه فيه كتاب وكاتبات خياااالين ياخي بس ادور لهم مواضيع جديده اقرا لهم

مشكله

انا اتفق معك ياقلبي لا تخاف وانا تراي مرن ولين بالاخذ والعطاء واللي بايدي مهوب لي شف العبره بخشتي يا ويلي :12[1]:

ورداتي لك سلااام

تلميذة الحياة

25-10-07, 11:23 am

مب غريب علي هالاسلووووب .!! :)

كوين تكفيييييين قولي لي من هو !!

انا مشبهته على احد بس نسيته ..

د / ماسنجر

25-10-07, 11:23 am

البرحيه

((( يعني تراي جديد و ما عرف اقتبس.....:c9:

كل خرطك ... يسمونه..علمياً
اللعنقراطية في المنتديات ...

شكرا لك )))

وش اقتبس ؟؟؟ هههههههههههههههههههههههههههههه

عساه الموضوع اللي كتبته ؟؟؟

شوفي لو بتشوفين موضوع هنا او بالاجتماعي لي انا اعرفي انه من كلامي ما احب اروح وانقل واضبط الالوان واكتب شكرا لكم اخر شيء يقاله انا ؟؟؟

كل خرطي اللعن قراطية ؟؟؟

هذا اسلوب يا ناس ؟؟

طيب شكرا لك

( انا ما ادري وش لون الناس للحين يحسبون انفسهم دخاتره )

ورداتي لي انا ومنب صاحي اعطيك ؟؟ سلااام

د / ماسنجر

25-10-07, 11:34 am

عموووري

((( عشانك ابرد

استنس

عشان تقنع )))

عموري يا قلبي واضح انه لا لك ولا عليك هههههه

ادرس الاملاء زين وتعال رد :b3:

امزح لا تزعل لازم تعطينا رد يفيدنا

ورداتي سلاااام

البرحيه

25-10-07, 11:35 am

د / ماسنجر

25-10-07, 11:59 am

النقاط الي نبي لهن حل ///

"" بعض الناس يدرون ان الموضوع بقصد الاثارة ليس ألا ويطيرون ردود وهوش
"" من الاسباب بعد اللي قالوهن هو التعجل وان الواحد يصير عجله تقل ملحوق
"" القراءه الماغطه من الاعضاء همن يرد رد مهب يم جاده هذا يدل على انه ما فهم الموضوع
"" من النقاط بعد اللي قال ابو قشش ان به مواضيع صادقه وهادفه وما تلقى احد يرد عليه وهذا يدل على ان الناس اغلبهم يبون القرق
"" المواضيع الهادفه تخرج عن مساره وش السبب؟؟
"" بعضهم ينزل موضوع له هدف بعد ويناقشونه وما يناقش الا اثنين ؟؟؟ او ثلاث ويسحب على الباقي ماله داعي
"" به اسباب تخلي الموضوع يحذف وتطير صفحاته ؟؟؟
"" على ماقال الفلته نهااار ان به بعض الناس يكتب ويدربي دميجته ويكتب كانه فاهم الدنيا صح والناس على غلط
"" نقطه جديده من اناهذي ان بعض الاعضاء يحط عنوان اللي يشوفه يقول اففف شكله قوي ..... فعلا العنوان قوي بس لا دخلنا للموضوع لقيناه سواليف او موقف بالمقصف او وهو يلبق او بنت وهي عند الدكان !!!!

"""الاسباب"""

مثل ما قالوا الاغلبيه ان الاسباب هي ان الاعضاء كلهم تقل بروفيسورات ( قعدت سنه اكتبه ياهي صعبه )
وكلن يكتب على كيفه ويولف على كيفه ودامي تقهرني نقطه ان الواحد يترجم كلام الثاني على الكلام اللي يبيه ههههههههههههه مهب قهر !!!!

ومن الاسباب بعد ان الاعضاء بعضهم وده بالتميز بين الاعضاء فينزل موضوع به هواش وطقاق !!!!

يبي الصفحات تدهر يبي الصفحات تنتلى وده يذرف الموقع ردود من موضوعه ..... ولا التفتنا له اثره مابه ولا ذرة هدف الموضوع وما يرد عليه غالبا الا بعض الاعضاء اللي وده بالطقاق ورايق وفاضي ......... مشكله

من الاسباب انه بين الاعضاء شوي حزازيات مثل ما تابعت المنتدى اناا واشووف ان به واحد لا كتب يحتري الثاني يرد عشان يعطيه الحامي ويعطيه على افاااه

من الاسباب ان العضو ينزل موضوعه وهو مادرس النقاط الاساسيه ولا شاف او ضرب حساب اختلاف الاعمار قدامه وانه بيقراه مهندس وطيار ودكتور ومفكر وعاطل وموظف حكومي وموظف على البند ورجال وحريم وبزران وكبار ؟؟؟؟ لو ضرب الحساب كان ماكتب شيء ولا نظم خيطن ببره الا وهو خابصن الدعوى

اغدينا نكتفي تسان منب ناسين شيء

"" الحلووول ""

اولااا ان العضو قبل ينزل موضوع لازم يدرس النقاط وهل الموضوع به حزازيه بتكون بين الاعضاء زي موضوع هاليومين يالله الشكوى لك انا داخل وانا متلطم اخاف ادق ..... :D

ثانيا لازم العضو يشوف الموضوع زين مع كل جوانبه ما يصير مثلي انزل موضوع وما ادري وش الطبخه ( اكزامبيل ايزي )
يشوف هو زين هو موسمه زين وقته زين ياخذ له بروفه ويدقق بالاملاء ..... بعض الناس هنا الله مير يهديه تقل ماطب مدرسه ابببد بعضهم يكتب : خلونا نقرء <<< هههههه الله يعظم اجرك

ثالثا اللي يحبون الهواش والطقاق الله يخليهم يروحون عند اقرب مجمع طلابي وطالباتي ويتهاوشون هناك مهوب هنا يتهاوشون .......

رابعااا على الاعضاء بتاتا البته ( اقققعد ) انه لا بغى ينزل موضوع يختار عنوان زين يجذب ويشد الانتباه ويكون ماشي مع مضمون الموضوع يعني ما تجي وتكتب ( تم اختراق المنتدى ) واذا دخلنا لقيناه كاتب هذا اللي اخاف عليه ولازم المنتدى يكثفون برامج الحمايه ههههههههههههه مثل ما يصير ببعض المنتديات من هالمواضيع اللي ترفع الضغط ... :for9:

خامسا ترك ونفي مفهوم اسمه فزعات زي اللي تو بغوا يدقونن :22[1]:

سادسا على العضو اللي يحط موضوع زين مثلي انه يتابع الموضوع ويتابع اللي ناقشوه ويرد عليهم مهب يسحب عليهم بس وهم يدخلون وينحرون موضوع يشوفون رد ولالا .....

سابعا لا احد يرد على موضوع الا وعنده خلفيه ( سواء لكزس او هدد ;) ) عن اللي بيكتب يعني لا يدخل ويرمي كلمتين ويطلع يخلي راعي الموضوع يترجم الكلام على كيفه ؟؟؟ مهب زين تسذا
يا رد على سنع او لا ترد

طبعا كل هاللي قريتوا من حلول هو بوجهة نظري يعني عادي تقولون دحدر لا نعرفك بس ميخالف يهمن رايكم ولالا !!!!

:d1:

ورداتي لكم مقدمه من شركة msn سلااام

عجوز سمنسي

25-10-07, 12:00 pm

اهلا بالدكتور

اجحدها ياعم قرب الموضوع يوصل اربع صفحات

لي الحلاوة ترى زرقة للمغرب على حسابك

قل تم

د / ماسنجر

25-10-07, 12:05 pm

عجوز سمنسي

((( اهلا بالدكتور

اجحدها ياعم قرب الموضوع يوصل اربع صفحات

لي الحلاوة ترى زرقة للمغرب على حسابك

قل تم ))

وصل الحمد لله خله يقلط :D

اما المغرب ؟؟؟ وعلى حسابي ؟؟؟

مهب شينه بس كرمنا تكفى خلنا نروح لفيينا احبه من اسمه ياخي
( لا تطلع عن المحور عطن رأيك ) --- يقاله هههههههه

ورداتي لك سلااام

نهااار

25-10-07, 01:40 pm

متابعه فيه كتاب وكاتبات خياااالين ياخي بس ادور لهم مواضيع جديده اقرا لهم

:12[1]:

ورداتي لك سلااام[/color]

متابعه ..هه ..صادووووووووووووووووووووه

د / ماسنجر

25-10-07, 01:54 pm

هههههههههههههههههههههههههههه

انت لو قصمنجي صز كان عرفت وش اقول

اقول متابعه يعني متاااااابعووووه

يا كافشني ااانت هههههه

وراك ما اقتبست هذي :
( لا تطلع عن المحور عطن رأيك ) --- يقاله هههههههه

متابعه يقاله ماخذه جايبه ناطله = ماخذوه ناطلوه جايبوه يقالوه متابعوه

طيب عطن رايك بس على كلامي او مسوي فيها ؟؟؟ هههه

ورداتي لك سلاااام

اسم العضو

25-10-07, 02:00 pm

نهاااار قويه ملاحطتك وصيدتك!!!!

تصدق ماهو غريب أسلوبه مع التغيير والأستهبال

سلام...

د / ماسنجر

25-10-07, 02:02 pm

ههههههههههههههههههههههه

ياملحكم بس وه على ما قالت امي وه بس يا وليدي وه

( قايلن لكم ان بعض الاعضاء يلمح كلمه ويجي يفسره على كيفه )

لا تخرجون عن سياق الموضوع :)

تكلمو عن اللي كتبتووووه

ورداااتي لك سلاااام

اسم العضو

25-10-07, 02:08 pm

يا دكتور ما فيها شي خذ عندك انا مليت من معرفي القديم من كثر المشاكل ودخلت بمعرف جديد وفكر مختلف وتحررت من معرفي القديم المزيف !!!!

سلام...

د / ماسنجر

25-10-07, 02:10 pm

اسم العضو

25-10-07, 02:18 pm

طيب ياقلبي اولا ودي ترد على كلامي اللي بالموضوع خاص ماودي نبتعد
ثااااانيااا انا جديد واول مره اشارك هنا بس متابع وراعي منتديات يعني حرام اصير جديد عليكم
كان ما تبونن عاد شيء راجع لكم اضف عفشي واروح

ورداتي لك سلام :(

لالا يادكتور لاتفهم غلط نبيك ونبيك يكفينا خفة دمك ياكثر ثقلآ الدم حولنا
بلعكس خلك على هالوزنيه وخلي عفشك عندي أمانه في الحفظ والصون

اما موضوعك الأساسي فقد تم الرد عليه سابقآ

سلام...

نهااار

25-10-07, 02:21 pm

طيب ياقلبي اولا ودي ترد على كلامي اللي بالموضوع خاص ماودي نبتعد
ثااااانيااا انا جديد واول مره اشارك هنا بس متابع وراعي منتديات يعني حرام اصير جديد عليكم
كان ما تبونن عاد شيء راجع لكم اضف عفشي واروح

ورداتي لك سلام :(

طيب ليش ماقلت هنا (متابعه) على وزن متابعووه حسب لهجتكم

يااهل القصيم ؟

طيب لاتعصب .. حتى ولو خرجنا من الموضوع ..

د / ماسنجر

25-10-07, 02:23 pm

اجل خلي عفشك عندنا هههههههههه
ابشر ابشر بس ترا شنبي يويز من طرف الشاشه تسانك تشوفه !!!!

حياك ياقلبي وتسلم على روحك المررررحه

ورداتي لك معطرره سلااام

د / ماسنجر

25-10-07, 02:24 pm

هلا نهاااار

لا ياقلبي ما عصبت

لا جيت قلت لك هذاك المنتدى متابعه فالهاء تعود للمنتدى
لكن لا قلت لك انا متابع الردود فلو قلت انا متابعه الردود ذيك الساعه يكون المتحدث مؤنث

ولو يبيلي افتح دورة قواعد هنا من صلاة المغرب لين العشاء ههههه

ورداتي لك وما عصبت ياقلبي سلااام

بندر بن عبدالعزيز

25-10-07, 02:26 pm

شكــــــراااا

إماراتيه والنعم

25-10-07, 02:30 pm

المشكله يا أخوي د/ماسنجر

في البعض منهم لما يجي و ما يعرف وش هو الموضوع !!!

وبقدرة قادر تشوفــــه راد رد طوييييييييل بسس على من وليش ما تدري؟؟؟

المشكله المكابرة من البعض أيضاً حتى لو ما فهم الموضوع لازم يرد بأي رد وها الرد من المحتمل يحمل الصواب ام الخطأ ومن المحتمل الكبير يخلف ورائــه ردود خارجه عن الموضوع الأصلي

العيب في الشخص نفسه اذا ما فهم الموضوع ما يجي يقول لصاحب الموضوع تراني ما فهمته وودي انك تفهمني اياه علشان ارد صح

على باله اذا قال للخلق فهموني بيقولون له انك غبي!!!

يعني أنا أشوف التضخيم في المواضيع من غير سبب مقنع هو الســائد هنا

ليش ما ندري

طيب وش الحل

ما اعتقد في حل

لأن البعض ما يبي الحل من أصله ورافض هذه الفكرة من جذورها

يعني بكل بساطــــه إما انك تكون هادي وريلاكس وانت داخل أي موضوع وتقراه عدل وتفهمه زين أو إنك تسحب نفسك وما ترد الا برد طيب وتخلي نفسك ذكرى طيبه بين الآخرين أحسن من السب والرمي في الآخرين

وما نسأل من الله العفو والعافيه والستر علينا في الدنيا والآخرة

مشكور اخوي على الموضوع

ويعطيك العافيه

د / ماسنجر

25-10-07, 11:20 pm

تشكراااااااااااااتي بندرر

^^^^^^^^^^^^^

اماراتيه والنعم

يا عينييييييي عليك ....... هذا القهر يردون بشيء ما ندري وش عنه متكلمين على قولة هذاك حشششو كلااام بس انا ما ادري من اي جامعه متخرجين هذولاا ؟؟؟
انا لو ما فهمت كلام احد والله لا ادخل واقول يا خلف اميمتك انت ان تفهمني وتقول لي وش السالفه وعلمن عادي وماااابه اي اي شيء بيقولون الناس غبي ؟؟؟؟ خليهم يقولون ما يملى عيونهم الا التراااب
هو زي ماقلتي انه مفروض الواحد يرد بادب واخلاق بس مايمنننع انه يناقش ويكون نقاشه حاااااد اشد من السكينه :D اهم شيء لااايطلعون عن الحدود الحمراااء .......

وردااااااتي لك سلااام

عاشق ديرتي بريده

25-10-07, 11:23 pm

الصفحة 4 من 4 « الأولى < 2 3 4

عند كلمتك وصل اربع صفحات !

علشانك بس

25-10-07, 11:31 pm

وأزيد على ماتفضلت به

أن الموضوع اللي يتزايد في عدد الصفحات بسرعه

مصيره قسم المحذوفات ..

يانا متابعه كذا موضوع فيه خلافات

وأطلع للنوم أو أي شي ثاني وإذا رجعت ماألقى له آثر..

هههه شكلك منقهره مثلي تبي تشوفين موضوع غرطبه حق الشغاله وحذفوه قبل تشوفينه
انا شفته أول العصر ولا قريته قلت لارجعنا بشرب بيرتي عنده
يوم رجعت مالقيته انقهرت :6[1]:

د / ماسنجر

25-10-07, 11:38 pm

عاشق ديرتي بريدة

قايلن لكم لازم تخلونن القدوه بس ما به احدن يسمع << وراه ما تنثبر ازين لك وترد على الباقي > سم :a1:

عبدالله الحلوه

26-10-07, 01:13 am

د ماسنجر

كان بودي حذف بعض المداخلات التي لاتمت للموضوع بصله لكن خشيت ان يتراجع عدد الصفحات فتصاب بخيبة امل :)

لكن لازلت اتمنى فعل ذلك لتعرف ماتعنيه تلك الصفحات العديدة والتي يمكن تقليصها إلى اقل من النصف بسبب مااحتوت عليه من ردود لاتحمل اي قيمه

تحياتي

د / ماسنجر

26-10-07, 02:15 am

حياك الله عبد الله

والله ان كان يطاوعك قلبك تحذف :(

لا تحسب طموحي انه يصك اربع صفحات ؟؟؟؟ انا ما توقعت والله انه يوصل

هذا من فضل ربي

ورداااااتي لك سلاام

الفتـ الذهبي ـى

26-10-07, 02:36 am

طيب شالمطلوب بالضبط ..؟

§¤~^~¤§ شوكلاته مالحه§¤~^~¤§

26-10-07, 03:48 am

هالخشه مب غريبه علي أبد!!!

د / ماسنجر

26-10-07, 07:27 am

الفتى ااااذهبي
((( طيب شالمطلوب بالضبط ..؟ )))

الحقيقه انا اعتب على الخلايا اللي بك وش لون عايشان الا هالحين ؟؟؟
الحين انت داخل تستعبط ولا تستعـ وز ؟
علمن وش ما فهمت وانا اقولك تحت امرك حنا كم عندنا من فتى !!!!

:5[1]:

ورداااتي لك سلااام

د / ماسنجر

26-10-07, 07:29 am

شوكولاطا سايحه
((( هالخشه مب غريبه علي أبد!!! )))

لا غريبه ونص ........
:confused:

ورداااتي لي سلااام

مــنــال

26-10-07, 08:23 am

مباااااااااااارك أخي د / ماسنجر ، لقد وصل موضوعك الأربع صفحات و توقعك في محله :)

د / ماسنجر

26-10-07, 11:47 am

اهلا منال حياتس الله
شفتي عاد

وصل خمس هاالحين بس ماشاء الله افتتحتي الخامسه بتصير فاتحة خير

:)

ورداااااتي لتس سلااام

باونتي

26-10-07, 11:57 am

صااااااااادق

هههه مره نزلت موضوع معين

قامو يتهاوشون على شي ثاني

د / ماسنجر

26-10-07, 02:08 pm

باونتي

الله يعين وانا اخوك والله ان الواحد يستانس لا شاف موضوع مفيد يستاهل الرد
الله يوفقتس ويعينتس على الدنيا

وردااااتي لتس سلااام

بندر الحمر

28-10-07, 04:23 pm

والله موضوعك تعدى الخمس صفحات

د / ماسنجر

29-10-07, 08:39 am

هلا بندر
ايه تشوف
حياك بكل وقت

وردااااااااتي لك سلااام