ما أبي أحد يرد الا الأحمد ؟!!

[الاستشاره القوميه]

سؤال / وش اللي قاعد يصير بشارع الثمانين؟؟

السؤال الثاني /وين الفلوس؟

[# الزلزال #]

معك الزلزال ... ويدلعونن الاحمد ..

أحتج على أي شي إلا الثمانين .. الله يسلمك الامانة منفذته بأجتهاد يعني ... المشروع لم يدخل ضمن

ميزانيات الامانة... أدري ان الطريق وع .. وكل شي لا تقعد تنافخ اللحين .. وكل يوم محسوبك رايح قي مع

الطريق وعرف كل صغيرة وكبيرة .. فيه ... تحياتي

[الاستشاره القوميه]

ياخي الامانة مزينته شكرا وعلى عيني وراسي بس مهب تجي الامانة وتصلحلي شوراع ما شكت ولا تقشع رصيف ما هنا حليله (اقصد الشارع اللي يطلع من صناعية الرواف ويروح للهديه وغيره) ولا تضيع الدراهم على خرابيط فاضيهه ولا قلنا لهم صلحوا شوارعنا قالوا ما هناادراهم ؟؟؟؟؟؟

ولا وش رايك يالاستشاره 2؟

[شموع تحت المطر]

أصلا هو مهب شارع هذا عقــــــــــــــــــاب


اذا بتقهرون أحد مسكوة شارع الثمانين قصدي الموت

عادي ملاهــــــــي مجانيـــــة...

وخلوا الاحمد ينام في بيتهـــــــــــــم..

[KING BURAYDAH]

يا شباب وراكم منفلتين ..


هدوا أنفسكم ..



أنتم إلى الحين ما تفتحتوا ..


أكيد إنكم ساكنين .. بقرية .. !!!!!!



لازم تتفتحون .. خلكم زي الرياض الشوارع الفخمة ........

والجسور والكباري ...... إلخ

ومشكورين على الموضوع ..

بس ياليت تناقشون الموضوع بهدوء وأعتقد إنه ما يحتاج يناقش ..


خلاص أتمنى وصلت الفكرة ..

[احب البروالمزيون]

والله مايتغير وضع بريده الين يجي واحد ماهو من بريده لان ابن بريده مايدري من يرضي كل شخص طايح عند الامين او الوكيل نبي اسفلت لم الاستراحه وبني تفتحون الطريق الفلاني علشان اللي يديور يشوف المحل ويشري ونبي تسكرون الشارع الفلاني علشان فيه ازعاج ونبي نحط دوار ونبي توخرون الدوار وحطو اشاره كل شخص يدور مصلحته........ ولا عليه من التنظيم بديرته يعلقون وانا وش كاري

تبي تعرف الخلل ببلدية بريده ... شف سيارات اغلب المراقبين اللي لهم ظهر بالبلديه كانها حلاله طربال وتوانك وشنطه طبعاً للعزبه لزوم البر والكشتات بس ناقص تمر تاخذ اللحمه وعلى الطرفه منين تبي يتطور العمل وهذي هي العقليه التي تدار فيها البلديه

[KING BURAYDAH]

كلامك صحيح .. أحب البر ..

وننتظر جديدك ..


وللامـام إن شاء الله ..


وبعدين وراهـ


وش كارك ..

[مـــطبـــــــات]

الموضوع يقول ما أبي أحد يرد الا الأحمد ؟!!
واشوف العالم ترد!!!!!!!!!!!!!!!!!!!!!غريب

[احب البروالمزيون]

وانت مصدق ان الاحمد يبي يرد على اخبار المنتدى هات لي خبر واحد جاء رده من الاداراة الحكوميه ونشر بالمنتدى هذا يدل على ان المسئولين لايقيمون وزن للمنتدى بس نقول لعله وعسى ويمكن كثرة الطق تفك الحديد

وين المهوس مايروح يجيب لنا اخبار البلديه تراه هو الوحيد اللي يخلونه يشوف الاوراق وغيره يمسكونه الباب

[العصر]

اصبر حتى يبدأ الدوام ويرد عليك الاحمد

[العشة]

يا الربع ... الأحمد نايم ببيتهم أو بالمسجد !!! وشارعنا ناقصه لمبات أكثر من اللي فيه نبي لمبات نشوف الدبوس كأننا في النهار ونبي اسفلت فوق الطبقة الحالية لأننا ملينا من الأسفلت القديم أصبح أبيض من كثر ما مشت عليه السيارات . ونبي البلدية تفتح بشارعنا مركز شرطة حتى ما نروح للمركز البعيد ونبي معه جوازات ومركز اسعاف !!! والله قهر الأحمد نايم ببيتهم ما هو بالشارع وتاركنا بحيرة وألم وندم وقهر !!!
أنقذونا يا بلدية عفوا غيروها لأمانة ؟؟؟ سواليف على أفا من يشيل ما عندك جمرك !!!
يا مسؤولين جيبوا مسؤول من الجنوب أو الحجاز حتى ينفذ طلباتنا !!!!
لا تقولون تيس ....!!!!

[khuzama2000]

في المنتدى وبعدين اترك اعرض الناس المهوس او غيرة انت تحسبة لعبة ان الفلوس ترحو فية محسبة من قبل الوزااقول ترى الاحمد فاض لك ترى معة اضن خمس مليون من وين يصلح الشارع من جيبة او بس كلام فاضي
رة او ديون المراقبة

[باونتي]

هههه
لسى بعد بقي لهم كم سنة هع

[alnesf1]

صاحب الموضوع يقول ما أبي أحد يرد الا الأحمد ؟!!

لا تعليق

[الاستشاره القوميه]

هيه هيه وشوله تردون يالقفكم ؟؟!!

ياخي عطوا المسئولين عندنا فرصه يتكلمون انا ادري ان الاحمد تفرك (سبده) وده يرد بس انتم خربتوا عليه بلقافتكم ...!!!!!

على طاري الاحمد فيه لوحة حاطينه بشارع الثمانين وكاتبين سوف يعاد تخطيط الشارع من جديد وقد اوكلت المهمه لشركة الخليج وهالوحة له اكثر من سنه مهب هذا اللي قاهرن اللي قاهر الاحمد وغيره هاللي اقالهم مهندسين وينهم يوم يخطط الشارع ذاك الحين ..او الشوارع صارت مثل الارصفة والدوارات لاخلصوا مصلحين الدورا جو من بكرا وجابوا شيول وشالوه وش حجتهم (والله نسينا نحط خزان للنافورة هههههههههه) لاالظاهر عاد خططو العباقره وغرسوا نخل الظاهر انهن بعد(فحول) ههههههههههههههههههههههههههه مشكورين والله وماقصرتوا بس لاتنسوننا من الخراف(او اثر الفحول مايطلعن) !!!

[هاكر]

صاحب الموضوع يقول ما أبي أحد يرد الا الأحمد ؟!!

لا تعليق

[محاور]

السلام عليكم

بالنسة لهذي الاسئلة أخوي الاستشارة القومية

ما أعتقد إنها أسئلة صعبة

سبق وأن طرح موضوع استضافة لوكيل الخدمات المهندس صالح الاحمد وتطرق الاعضاء لمواضيع الطرق في بريده

والاجابة كانت واضحة والجميع يعلم أن الدائري الداخلي لمدينة بريدة تابع لوزارة النقل وقد نزعت ملكيته الأراضي منذ أكثر من عشرين سنة وشاره الثمانين جزء منه

ومبادرة من الامانة طلب تخصيص جزء من ميزانيتها لتنفيذ جزء من الدائري وهو شارع الثمانين

ولم تسلم وزارة النقل أي تصاميم أو مخططات لهذا الجزء

أيضاً اجتهدت الأمانة في تصميم وتنفيذ هذا الجزء من الدائري في مساهمتها لتخفيف الضرر على أهالي الحي وعابري الطريق رغم عدم مسؤوليتها عن الطريق وهذا باعتقادي أمر واضح

وبعد دراسة الحركة المرورية لما تم من الطريق ربما لاحظت الأمانة وبالتنسيق مع المرور أهمية أن تكون طرق الخدمة في اتجاهين وهو بلا شك نظام غير معمول به في كثير من المواقع والتصاميم ولأن حاجة الأهالي والمواطنين دعت الأمانة إلى ذلك ... فشكراً للأمانة مجهوداتها

والذي يراقب العمل في هذا الطريق يجد أن تصميمة يتناسب مع الوضع القائم وأن تكونطرق الخدمة في اتجاهين

وما يتم الآن هو تنفيذ فقط عدد خمسة مناطق مناورة مرتفعة ثلاثة في الغرب واثنان في الشرق والتي تخدم المركبات القادمة من الطريق مع عمل فتحتين في الجزيرة الوسطية

آسف على الاطالة ... وأتمنى أن أكون وفقت في الرد على تساؤلاتك