المساعد الشخصي الرقمي

مشاهدة النسخة كاملة : رحت للإمارات ... وكثر الدمع حرق جفوني

عجوز سمنسي
19-10-07, 02:41 am
ركبت السيارة ورحت للامارات

<< يبي يعلمكم انه رجع

في الطريق قسمات وجهي عليها علامات السرور وانا اقطع الطريق السريع للرياض واحس اننا بلد متقدم ومتطور خاصة اذا جتك تحويلات صيانة الطريق المستمرة وعلى مدار العام

<< يصلح بالنشرة الجوية

دخلنا الخرج والخرج خرجكم وفرقنا الى طريق حرض الموصل الى الحدود مع الامارات

هنا نبدا الماساة الحقيقة

طول ذاك الطريق المختصر للامارات وانا اقول حنا في بنقلادش والا في دولة الثلاثمائة مليار ريال فائض العام؟

طريق ذا مسار واحد والرمال تحوطه مع كل جانب والخدمات معدومة والناقلات تغثك وتحوس مريرك

وصلنا الحدود وعند محطة سحاب قبل الحدود اقف قليلا

ارضية المحطة متكسرة الزفت والسوبرماركت عشوائي والمسجد محيوس ودورات المياه تبعد عنه بشي وشويات من المسافة

عاد تعرفون دورات المياه عندنا

الباب متكسر والمزلاج عبارة عن حصاة تردم فيها الباب ويمكن لاحد ان يويز عليك وانت تعملها جوا

يعني خذ بالك من نفسك ومن اللي يبصبصوا بتوع المياصة ابو فغفغ وشلته

لايحوشك حبروش

البزابيز متكسرة وبعضها مسدود في خشبة والجدران متكسرة وقطع الكلين حولك

<< متمدن شايب عرارة يقول كلين

شي قسم بالله يحوم التسبد تقعد تحت رمثة احسن لك

طبعا كل هذا وانت ساد خشمك بفوطة معطرة يالله يالله تتحمل

نجي عاد للجمارك يازينها جماركنا يحبون الاشياء الاثرية وشغل الشيبان

طبعا الجديد قبل هذا هو الثناء على سرعة الانجاز وهذا شي ايجابي وانت في سيارتك تنهي اجراءاتك

لكن المشكلة في شكل الجمارك والزنك اللي يخلي راسك يغلي من الحرارة والوان الجدران المتسخة

هل يعوقنا ان نقوم بالدهان من جديد كل عام ؟ ميزانيتنا فائضة 300 مليار

خرجنا نبي نشم هواء الى الجانب الاماراتي وهنا تعرف الفرق حينما تستمع لمحمد عبده والا لطاهر الاحسائي

ذاك يطرب سمعك ويقول : من بادي الوقت وهذا يحرج على جمس وارد الستين

تقابلك الطرق المزفتة بشكل يثير استغرابي فمع كثرة الناقلات لاتجد تعرجات في مساراتها ابدا

هل السبب في نوعية الزفت والعمل بأمانة في طرقهم ام حنا عندنا تريلات اكثر من اللي عندهم ؟

<<< يبحث عن عذر لربعه

تقابلك محطات كأنك تسكن فندق خمس نجوم

نوعية المكائن مختلفة وانيقة وجديدة دوما

السوبرماركت كأنك في جيان

مجموعة مطاعم شهيرة تستأجر المحلات مثل ماكدونالدز وغيرها

يمكن لك تعبئة الوقود عبر البطاقات الإئتمانية

المسجد انظف ومرتب بشكل يجعلنا نستحي ونخجل اننا دولة اسلامية وهذا حال مساجدنا في المحطات وغيرها

دورات المياه عندهم نظيفة ومرتبة دائما ولا اعرف السر

مع ان ربعنا يمرون عليها بس ما ادري الشخمطة على الجدران ماتجي بالراس الا بديرتنا بس والا لعانة في ربعنا؟

عاد في المدن الاماراتية التنظيم فيها شي غريب وعجيب

دبي بالذات اتحدى واحد منكم يشوف حفريات للكهرباء او للمياة او للصرف الصحي

لايمكن ان تقيم ارضية سكنية حتى تتم فيها جميع الخدمات وبعدها تتم الزفلتة

عكسنا يمنع الحفريات الا بعد الزفلتة حتى نوفر سيولة لاصحاب المؤوسسات

مساكين الهوامير عندنا من وين ياكلون هم وعيالهم ؟ اذا ماوفرنا لهم شغل تصك شركاتهم

ليست المرة الاولى التي اسافر لدبي لكني لاول مرة اتواجد بهذا لاالشكل في المنتدى فحبيت تشاركوني همي وقهري وغضبي

دولتنا ليست فقيرة وحكامنا حفظهم الله ينفقون بسخاء على المشاريع

لكن من المسؤول الحقيقي عن التخطيط في البلاد؟ ومن المسؤول الحقيقي عن صرف تلك المبالغ ؟التي جميعنا نؤمن انها لاتذهب الى مصارفها الحقيقية او على الاقل جزء كبير منها يذهب في جيب سعادة البية المحترم

يقولون ان سبب كل تلك البلاوي هي من تلك الشركات ااتي ترسي عليها المناقصة بفعل فاعل طبعا ثم هو يرسيها بدون علم احد على شركات اخرى وتلك الشركات ترسيها على شركات اقل

وطبعا لكي تكسب الشركات الصغيرة لابد ان تحضر الخامات السيئة

وكالة يقولون

ماقلت شي انا وادخل على الله

شكرا لكم وحياكم اقلطوا
The Free Man
19-10-07, 02:54 am
والله صدقت في كل ما تقول ياعجوز

بس اخالفك في جانب الطرق السريعة

اتحدى اي دولة في العالم يوجد فيها طرق سريعة كالطرق الموجودة عندنا

حتى الأمارات

خبرت طريق سريع وكله مديورات

لا وفيه شجر بعد بالجزيرة الوسطية

يعني المديورة على كف عفريت

استثني طبعاً طريق الشيخ زايد الذي يربط ابو ظبي بدبي

فهو طريق نموذجي بحق


تحياتي
ابوخالد382
19-10-07, 02:57 am
هلا والله ,وحنا نقول وين الشاكوش ؟؟؟؟ وأثرك خاته للإمارات ..الحمدلله على السلامه ,وقلعك اللي تروح على سياره وأنت تدري إن الخدمات عندنا زي الزفت ,,عليك بالطياره وريح قلبك من المغاث واللهود .
سيمنسي ,لاتتعب نفسك فلاحياة لمن تنادي !!!!!!!!!!!!!!! تصدق إن ودي بكل محافظه مطار علشان أستعمل الطيران إذا أردت الذهاب من بريده للبكيريه والسبب واضح ..... دمت بخير أيها الرفيق.
فوفو2
19-10-07, 02:59 am
حياك الله عجوزنا
حمد لله على سلامتك
وآه ياعجوزنا أتدري أن البرميل هذا اليوم وصل إلى سعر لأول مرة 90 دولار
بس خله على الله
وهي بس على الطرق
عجوز سمنسي
19-10-07, 02:59 am
هلا فري مان

المسألة مهب واقفة على الطرق السريعة بس

والا لو جيت لها بعد كان المفروض المملكة كلها سلسلة طرق سريعة

شف الشمال ملعون خيره بالطرق

طريق القصيم الجوف متى طلع ؟ توه ينتهي مع انه المفروض ومع الطفرات اللي مرت طالع من ومان

كم وفر من مسافة ؟ حوالي 600 كيلو

نبي طرق مثل هذه الطرق ونبي ناس تفكر بنفس الاسلوب هذا

حكومتنا متجة لهذا الامر لكن نحتاج الى رقابة في الصرفيات والجودة وهذا عيبنا

شكرا لك ياقلبي
عجوز سمنسي
19-10-07, 03:03 am
هلا ابو خالد

ياخي وش نسوي قلنا نبي نحتاج للسيارة كثير مشاويرنا واجد ومانبي احد يتضرب بنا

لكن تدري غسلت يدي من ذيك الديرة

غلاء الاسعار صار ينافس السعودية ابشرك والمسافة بعيدة

يعني ماتستاهل

تصدق اعجبني شي واحد فيها واال هي باقية على دشارتها

شددوا على الدعارة بشكل ملفت ومقيض لرغبة وحدود عشاق الدعارة

وهذي خطوة ايجابية

مابقى الا تشويت الروسيات والتركيات والافريقيات

المراقص ملعلعة هناك

وين الذاهبة تقعد تعيرنا تبي تقول انت مارحت الا علشان المراقص

شكرا لك ابو خالد
شمعة امل
19-10-07, 03:09 am
والله وجبتها على الجرح...بالعطلة الصيفية كان رايحين لمكة والله انواع المعاناة مع المحطات


اللحين اللي يقاله مسوي معروف ومعمر مساجد على الطرق ليش ماكمل معروفه وجعل هناك من يهتم بتلك المساجد ودورات المياة ((ولكم الكرامة))) على بالهم مسوين فينا معروف

من المفترض انه تكون هناك رقابة على الأقل شهرية لانقول على المحطات نفسها بل على المساجد الملحقة بها ....

أخي سمنسي أهلاً بعودتك...
الطاحونة
19-10-07, 03:10 am
تحية طيــــــبة
.
.
.
.
.
.

الفرق بيننا وبينهم
أن هواميرهم يشبعون ويكفيهم الكفاف...!!
وهواميرنا يشربون شرب الهيم ولا يرتوون
ويقولن هل من مزيد...!!
.
.
.
.
.
ودمـــتم بخير
عجوز سمنسي
19-10-07, 03:11 am
حياك الله عجوزنا
حمد لله على سلامتك
وآه ياعجوزنا أتدري أن البرميل هذا اليوم وصل إلى سعر لأول مرة 90 دولار
بس خله على الله
وهي بس على الطرق

هلا بفو فو 2

تراي انا فوفو 1

يعني انت سميي ياقلبي

انا داري ان الرميل يبي يوصل للسعر هذا

قايل لي وزير البترول بس قلت ما ابي اعلمكم اخاف من العين

واذا وصل ان شاء الله لـ 200 وش يبي يصير ؟ غلاء في الاسعار ويزودون بعض الربع مقاس المخابي

خلها على ربك مثل ماقلت
جمان البحر
19-10-07, 03:17 am
صدقت ياعجوزنا في كل ماقلته ..

قبل لانحرك السياره من الخرج نملى السياره بنزين لأننا عارفين اننا نبي نروح لمقطعه مسافته 500كم وطول الطريق وانا أحس اننا في رالي لسباق السيارات كل واحد يبي يسقط على الثاني وهالتريلات تدبل الكبد ...ومره تقدم وبعدين ترجع ورا التريله لأنك جتك سياره مقابله ..

وقسم آخر مره رحنا نمت قبل لاناصل الحدود بكم كيلو وقومون أهلي وقبل لاافتح عيوني قلت وصلنا للامارات لكن قبل لايجاوب احد رفعت راسي ومير اسحب السؤال ..لاني الى الآن مابعد شفت سوق جيان قصدي (الميني ماركت ) يعني (مب سوبرماركت )بس يوسع الصدر ماودك تطلع منه ..ولا شفت الحمامات اللي تلمع ..ولا مطعم الوجبات السريعه اللي والله العظيم انه أحسن من ماكدونالدز وكنتاكي اللي عندنا ..

وكل اللي شفته بقاله منتهي تاريخ صلحيتها فمابالك باللي في داخلها..وشفت مطعم المندي ..وشفت المسجد الابيض المتهالك ..فعرفت وبصمت اننا مازلنا في داخل حدود وطننا العزيز ..

وقسم حنا مانفشل الا من الاماراتيين اللي يجون ..ففي العشر الاواخر برمضان سولفت مع وحده اماراتيه بالحرم فقالت (شو هالمحطات اللي عندكم ولا شو هالطريق المخيف ولا عاد حماماتكم ماكأننا داخلين في السعوديه صراحه هالسنه حلفت على أهلي مانيي الا بالطياره) صراحه يوم قالت كذا قلت لها اسكتي بس لاتخلينن أصيح حنا معاناتنا أكثر منكم ..والخ حديثي عن طرقنا السريعه اللي أنتم عارفينها قبلي ..

أما حماماتهم ليش نظيفه ...فهم طاقين ورقه بالمسجد كل ساعه يجي العامل وينظف ويوقع بالورقه ويكتب وقت تنظيفه ..مب مثلنا العامل مايتعدى خزان البنزين ..
&نجدية كووول&
19-10-07, 03:49 am
حكومتنا ماقصرت بكل شي ...فديت أبو متعب

لا تقيس الامارات بالسعوديه يكفي السعوديه مساحتها

لو أني اتفدى الاماراتيين وزايد الله يرحمه
هدووء
19-10-07, 04:02 am
ركبت السيارة ورحت للامارات



دبي بالذات اتحدى واحد منكم يشوف حفريات للكهرباء او للمياة او للصرف الصحي

لايمكن ان تقيم ارضية سكنية حتى تتم فيها جميع الخدمات وبعدها تتم الزفلتة

عكسنا يمنع الحفريات الا بعد الزفلتة حتى نوفر سيولة لاصحاب المؤوسسات



هذا اللي انـآ افكر فيـه دايمــآ وأقــول ليه مايطبـّــق
ليه مايقيمون جميع الخدمات قبل الزفلته !!
شايب معقـوله الأشيـآء هذي مـاعرفتهـا إلآ يوم رحت للإمــــارآت ؟
من طلعت على الدنيــا والحفريــات بكل شارع

شايب الحين تبي تفهمنا انك رحت وجيت للإمـــارات ومــاشفت إلآ شــوارعهم والتقدم اللي بدبي ومـــآ جـاورها :36_1_12[1
عجوز سمنسي
19-10-07, 05:04 am
والله وجبتها على الجرح...بالعطلة الصيفية كان رايحين لمكة والله انواع المعاناة مع المحطات


اللحين اللي يقاله مسوي معروف ومعمر مساجد على الطرق ليش ماكمل معروفه وجعل هناك من يهتم بتلك المساجد ودورات المياة ((ولكم الكرامة))) على بالهم مسوين فينا معروف

من المفترض انه تكون هناك رقابة على الأقل شهرية لانقول على المحطات نفسها بل على المساجد الملحقة بها ....

أخي سمنسي أهلاً بعودتك...


هلا بك ياشمعة امل

تصدق عاد اني بالطريق افكر واقول : وش يقولون عنا االماراتيين اذا شافوا محطاتنا وطرقنا والحفريات اللي فيها ودورات المياه ولكم الكرامة والمصليات

مير بعض المصليات تلاقي البعارصا والشبث معشعش فيها الله يخلف

راحت سمعتنا وطي
ღ ][ وحيدة كالقمر ][ღ
19-10-07, 05:27 am
عجوز:
حياك الله....والحمد لله ع السلامة

والله ياأنــــــــــــا رايحه للإمارات واصيح.....لو أروح مع جبل كله حصى...


هو بس ع دورات المياه وأنتم بكرامة وإلا المحطات وش يقولون عنا.....أجل وش يقولون عن سواقة السعوديين هنا....


العيب مع كل مكـــــــــــــان.....فعلاً الإمارات من كثر مايروح لها أخوي ....صرت من القهر أتسذب مدحه بهم....

يعني بشكل نــــــــــــظاميين ومرتبين....


طيب سؤال جاي خاطم:وراه عندهم أسعار السيارات رخصية؟؟؟؟مو مثل عندنا بزخه...

صحيح الدوولة ماقصرت الله يطول بعمرها...بس ولو ودنا ينمطون شوي وياصلون لهالطرق والمحطات .....ومايتبعها


تحيتي
هامة حاسوبية
19-10-07, 05:36 am
http://www.wz63.com/up/uploads/8179ac4e1d.jpg

http://www.wz63.com/up/uploads/07c958ac6b.jpg

:6[1]:




تحيتي

هامة حاسوبية
ღ ][ وحيدة كالقمر ][ღ
19-10-07, 05:38 am
هـــــــــــــــــــمومة

إرحمـــــــــــــيني.....:36_1_4[1]


<<<<نفسي أرووووح لها ياااااااااناس...:6[1]:.
فزاع
19-10-07, 05:47 am
يا اخي
ربعنا حاولوا يطبقون نظام الامارات في ان
شركات مثل (( ساسكو ))
تأمن نظام محطات الوقود بكل
الخدمات على الخطوط السريعة
مثل ما هو حاصل في الامارات
( شركة بترول ابو ظبي _ ادونيك
وبترول دبي _ ريبوك -
لكن ربعنا يحاولون عمل الخدمات
بأقل التكاليف وبدون صيانة
و يمكن الدراهم راحت في جيب
كم مصري ... على كم لبناني .... على كم سوري
فهم المعزيب ان المشروع يعمل صيانة ذاتيه لنفسه
وهو لهف الهبرة الكبيره و مشى
تعرف الثقة في ابن البلد (( صفر ))
و الاخ المقيم يقدم للربع خدمات .....
الكبري
19-10-07, 05:48 am
الحمد لله على السلامه ،

وش فيه شارع الرقة يالشايب ،

الإمارات فيها تطور ولا شك ، لكن عندما تدخل بعض مدنها لا تشعر أنك بالإمارات ،

ولعلك تحكي الحقيقة عن عجمان وغيرها ،

وحدثني عن شوارع دبي الضيقه ، وزجمتها التي تجعلك تنتظر لساعات ،

دبي متطورة وراقية لكن ليست بالكامل ،

وفيها أنظمة وخطط أتمنى أن تستفيد السعودية منها ،

عجوز بقي أن أقول أني قرأت إحصائية مفادها :

أن مساحة دول الخليج وعدد سكانها وإقتصادها لا تعادل المنطقة الشرقية من السعودية ،

لكم اطيب المنى
إنسانة غير
19-10-07, 06:01 am
.

ماشاء الله عليك ياسمنسي ماخليت شي

كله كوم ويمنع الحفر إلا بعد السفلت كوم...هذي مشكلة بريدة

شعارها الحفريات ...والله إذا رحنا لمكة أنقهرإذا شفت المناظر اللي

قلت عنها بديرتنا... خصوصا قدام الحجاج والمعتمرين من الدول الثانية



تحيتي لك ولقلمك
هامة حاسوبية
19-10-07, 06:08 am
وحيدة ياقلبي أنتي أجل لو تشوفين كل الصور اللي عندي وش بتقولين

وإلا لو تشوفين كورنيش بو ظبي وش تسوين

خطر تنجلطين بسم الله عليتس

:6[1]:
The Free Man
19-10-07, 06:14 am
لا يا هامة

قوليلها عن كورنيش الشارقة


ولا الوايد وادي<<<< احم اتسذب :)


قصدي مركز ابن بطوطة
ღ ][ وحيدة كالقمر ][ღ
19-10-07, 06:17 am
هــــــــــــــمومة


شفت الصور بكاميرا الفيديو بتاع أخوي


ورحـــــــــــــــت وطي.....:6[1]::


تكفيني فكيني ....يبونني أهلي...:4[1]:.


ع طاري الإمارات بذكر لكم موقف حصل معايا بأيام ماقبل الإختبارات ...


كنا طالعين براء ونتناقش عن السفر بالعطلة ووين بنروح حنا وأهلي

المهم....تكلموا بالإمارات والسفر لها.....قرروا يروحون هناك

قسم بالله قمت أنابط من الفرحة.....وطايرت(ن) بوهتي وشلون أمي موافقة نطلع براء

يعني أمي من النوع اللي ترفض تطلع براء لو ننهبل

وهالمرة وافقت ع طووول......أنا عجزت أصدق المهم....قلت يعني أتخرج ولا نسافر حرام عليكم....لازم نسافر.....

المهم يو م رجعنا للبيت وصار من بكرى.....أمي رفضت بتاتاً البتة نطب الإمارات

يمه وش جاك وعسى ماشر....بس إستخرت وخلاص ماحنا رايحين


طبعاً وحيدة تبغونها ماتلقونها من القهررررررررررررررر....المشكلة إني شاوفت وجزمت بعد وخرو ا عن بس.....



الله يـــــــــــرزقني روحه لمه بس قولوا آمـــــــــــين,,,,,
مهب الريح
19-10-07, 06:40 am
الأستاذ الغالي[عجوز سمنسي]
.
.
هم تهمّهم مصلحة بلدهم..في أي مكان كان حتى لو في أقصى حدّ لهذه الدولة..لكن هنا لاأحد يهتم إلا بمدينته..وقلّما وجد بلدية تقوم بدورها الكامل..لا أعلم أين يذهب فائض تلك المأساة المسمّاة[ميزانيه]..أعتقد أنّ هذا هو السبب..لم أستطع إلا ذكر هذا استاذي..والعذر على التقصير في الرّد
.
.
محبّك
هامة حاسوبية
19-10-07, 06:47 am
free


أنا قلتله عن كورنيش بو ظبي لأنه جديد ، قبل سنة تقريبا بس مسوى :(

بس يا هو يسرق اللب :(

أما قناة القصباء بالشارقة فهي حاااااااالمه

وإلا مدينة جميراااااااااا تحلف إنك مب بالخليج :(

وإلا شوفي جامعة زايد >> تحلفين إنك بسوق غرناطة مب بجامعه :(

وإلا الحرم الجامعي التابع لجامعة الشارقة تحلفين إنك بكلية بريدة (اللي بالصفراء هههههههههههههههههه) >> خلاص يسد ارحمي وحيدة
عجوز سمنسي
19-10-07, 07:29 am
تحية طيــــــبة
.
.
.
.
.
.

الفرق بيننا وبينهم
أن هواميرهم يشبعون ويكفيهم الكفاف...!!
وهواميرنا يشربون شرب الهيم ولا يرتوون
ويقولن هل من مزيد...!!
.
.
.
.
.
ودمـــتم بخير

وحنا راجعين يالطاحونة مع الربع اللي انت خابرهم

لاتقول ما اعرفهم اطحنك؟

ماراح انسى لك الموقف يوم الشامل ياتعبان

تصدق وحنا راجعين كنا نقول ان هواميرهم صادقين في الوفاء لبلدهم ويضحون من اجل الصدق والاخلاص اللي في نفوسهم لوطنهم

تحية مني لهم
شموع تحت المطر
19-10-07, 07:30 am
فـــــــــــــــــــــــــــــــــــــــــــــــــ ـوق هام السحـــــــب...


وإن كنتــــي خرطـــــــــــــــــــــــــــــي...
عجوز سمنسي
19-10-07, 07:35 am
فـــــــــــــــــــــــــــــــــــــــــــــــــ ـوق هام السحـــــــب...


وإن كنتــــي خرطـــــــــــــــــــــــــــــي...

ههههههههههههههههههههه

<<< فطس ضحك

والله من الهبال ياشموع

لكن وربي صدقتي
شموع تحت المطر
19-10-07, 07:37 am
وإلا الحرم الجامعي التابع لجامعة الشارقة تحلفين إنك بكلية بريدة (اللي بالصفراء هههههههههههههههههه) >>



يالظالـــــــــــمة ياهــــامة... مالقيتي الا كلية الصفراء تطنزين بـــــه...>>

قريبتي تدرس بجامعة زايـــد تقول تحوم التسبــــــد...

ولا حقت الشارقــــــة الملك سعود اللي بالملز ارقـــى منـــها...


فديت دار زايـــــــــــــد..
&نجدية كووول&
19-10-07, 07:44 am
كلش ولا تذمون دار زاااااااااااااايد فديتها
ابراهيم المهنا
19-10-07, 12:11 pm
أخوي الفاضل / عجوز سمنسي

بالنسبة لمحطات الوقود في الأمارات فهي تابعة للحكومة نفسها ....بمعنى ان حكومتهم لاتبيع البنزين على رجال اعمال وهم يبيعيونه للمواطنين ...!!!!!يعني شركات لوزارة النفط عندهم ...اما عندنا المحطات لرجال اعمال .....بس شفت غلالالالالاء البنزين عندهم ..؟؟؟!!!! غير طبيعي
عجوز سمنسي
19-10-07, 03:04 pm
حكومتنا ماقصرت بكل شي ...فديت أبو متعب

لا تقيس الامارات بالسعوديه يكفي السعوديه مساحتها

لو أني اتفدى الاماراتيين وزايد الله يرحمه

لكن اللي تحت الحكومة بتوع المخابي الوسيعة اللي ولائهم لابو شكيم وطقة الاصبع هو اللي يبط التسبد

القهر ان اكبر المشاريع ترسي على الي مالهم شنبات ولا لحية زلط ملط المتسعودين اللي مايحملون من الوطنية ذرة

تبينهم يخلصون للوطن ؟

المساحة مالها دخل لان دخل السعودية لحالها يفوق دخل دول الخليج كلها

لك الله ياوطني

فديت دار زايد مثلك
قرناس
19-10-07, 03:09 pm
ادورك من يوم العيد بعايدك
اقول وين ذالفله هالشايب

اثرك زارق لم دبي اهاااا

عاد يقولون
دبي ديرة الحي... تروح شايب ترجع صبي

هاه وش صار معك رجعت صبي ولا مازلت شويب على خبرنا خخخخخخ


المهم وش جبتلنا من هناك

لا تقطع يابعدي والهين عليك ............. يبي العيديه خخخخخخخ


الحمد لله على السلامه
وجعلها دايمه ان شاء الله
الزيزفون
19-10-07, 03:39 pm
يارجال السعودية ميزانيتها تساوي ميزانية الدول الخليجية مجتمعة
لكن المشكلة ليست مشكلة مال ,
المشكلة في التخلف الاداري عند الوزراء ومن دونهم
والمناقصات الي تروح لزيد وعبيد من الناس .
البرحيه
19-10-07, 05:12 pm
وكثر الدمع حرق جفوني << وش هالذوق احسبك كاتبن مرثية



[
المسجد انظف ومرتب بشكل يجعلنا نستحي ونخجل اننا دولة اسلامية وهذا حال مساجدنا في المحطات وغيرها


حتى الأمارات دوله اسلامية
!!
عمومـــــــــــاً ماهناك فرق يستاهل المقارنه..

شكرا لك
مـــطبـــــــات
19-10-07, 05:50 pm
الحمدلله على السلامة
جلوي العتيبي
19-10-07, 10:32 pm
أستاذنا عجوز سمنسي

مقارنه طرقنا ومحطاتنا بمثيلاتها (مسمى فقط ) في الإمارات مقارنه تدعو للإكتئاب والألم النفسي .فأرحمنا هداك الله

الحمدلله على السلامه والله لايحرمنا تواجدك
# الزلزال #
20-10-07, 01:21 am
الحمدلله على السلامة .. سمنسي

أتفق معكــــــ وبقوة في مسألة المحطات ... وأقـــــــــــــــــــــــــــــــــــ و ل

الجلد بالميت حرااااااااااااام ........ لا أعلم لماذا المسئولين .. لا يسمعون النداءات

المطالبة في تخصيص .. محطات الوقود وطرحها كشركات يسهل متابعتها ومحاسبتها

وتأسس لمراكز وقود نموذجية في التصميم وفي التنفيذ واحترافية في طريقة العمل

بدل من شغل المطرسة ذا والعشوائية اللي عليها ... الان ... عموما الفكرة موجودة ومنفذة عبرا شركتي

ساسكو ........ والدريس وهما شركتان مطروحات في سوق التداول ... ولو تم طرح عدد من الشركات


والتوسع في هذا المجال مثل ما حدث في شركات التأمين ... رغم وجود منافسة من محطات الوقود

الحالية ... ولكن سيظل المستهلك هو الفيصل والحكم وبتأكيد سوف يذهب للافضل .. تحياتي
نـدى الـورد
20-10-07, 01:53 am
اصلا انا حالي كل ما اطلع برا المملكه

وارجع لها تتأزم واصيب ب إحباط واكره سعوديتي وامرض نفسياً


وياليت ب الفعل احنا دوله فقيره كان نعذر حالنا ووضعنا


المصيبه ان برميل البترول يغلى واحنا حالنا ينكس


ولاحول ولاقوة الا بالله


الا بسألك شفت روعة وجمال شوارع ومباني الإمارات؟


الا شفت الإبداع في الطرقات؟


مالت على سعوديتنا مليوووون

بنوا الفيصليه والمملكه وفرح فيها ماشافوا الباقي كيف تطورها في المعمار

الحين قطر النتفه تسعى مسعى الإمارات وتنهج نهجها في التطورات

>>> توها جايه من قطر



.
عبدالله الحلوه
20-10-07, 03:24 am
عجوز سمنسي


الحمدلله على السلامه


اعتقد بأن من الظلم المقارنة بين هنا وهناك والمشكلة يمكن اختصارها بإجابة سؤالك :

لكن من المسؤول الحقيقي عن التخطيط في البلاد؟ ومن المسؤول الحقيقي عن صرف تلك المبالغ ؟التي جميعنا نؤمن انها لاتذهب الى مصارفها الحقيقية او على الاقل جزء كبير منها يذهب في جيب سعادة البية المحترم

فهناك يكفي مسئول واحد وهنا لايكفي الف مسئول !!



تحياتي
فوفو2
20-10-07, 06:02 am
هلا بفو فو 2

تراي انا فوفو 1

يعني انت سميي ياقلبي

نتشرف بذلك ياعجوزنا

انا داري ان الرميل يبي يوصل للسعر هذا

قايل لي وزير البترول بس قلت ما ابي اعلمكم اخاف من العين

واذا وصل ان شاء الله لـ 200 وش يبي يصير ؟ غلاء في الاسعار ويزودون بعض الربع مقاس المخابي

خلها على ربك مثل ماقلت


نعوذ بالله من ذلك لأنه ستكثر .................... عرض ،،،،،،،،،،،،، كما يحصل في البلدان المجاورة فربك يستر
فوفو2
20-10-07, 06:08 am
نعم وغلاء الديزل جدا جدا جدا جدا غالي
الجيب 2007 تم تعبيتها في محطة سحاب ب 50 ريال
وفي دبي 200 ريال دبل ثلاث مرات
لكن جمالها في تنضيمها حدث ولاحرج
وفي أسواقها
عجوز سمنسي
20-10-07, 07:15 am
هذا اللي انـآ افكر فيـه دايمــآ وأقــول ليه مايطبـّــق
ليه مايقيمون جميع الخدمات قبل الزفلته !!
شايب معقـوله الأشيـآء هذي مـاعرفتهـا إلآ يوم رحت للإمــــارآت ؟
من طلعت على الدنيــا والحفريــات بكل شارع

شايب الحين تبي تفهمنا انك رحت وجيت للإمـــارات ومــاشفت إلآ شــوارعهم والتقدم اللي بدبي ومـــآ جـاورها :36_1_12[1

لا ياهدوء اعرفها من زمان لكن قلت لك اني لاول مرة اتواصل في المنتدى فحبيت ابث اللي بخاطري

عاد وش اسوي ياهدوء المرة هذي ماشفت الا شوارعهم

المرة الثانية ابجيب لك اخبار اللي بخاطرك

ادري ماتستانسين الا بالامور هذي ابشري بسعدك يابعد تيتا
فور يو
20-10-07, 11:29 am
السمنسي وشوله تروح بعيد والخرج وطريق حرض

شف طريق القصيم المدينه , خط يعتبر جديد يفتقد لأبسط خدمات الطرق ...

السمنسي الحمدلله على السلامه .

اعذب تحيه للكل .
عجوز سمنسي
20-10-07, 07:12 pm
عجوز:
حياك الله....والحمد لله ع السلامة

والله ياأنــــــــــــا رايحه للإمارات واصيح.....لو أروح مع جبل كله حصى...


هو بس ع دورات المياه وأنتم بكرامة وإلا المحطات وش يقولون عنا.....أجل وش يقولون عن سواقة السعوديين هنا....


العيب مع كل مكـــــــــــــان.....فعلاً الإمارات من كثر مايروح لها أخوي ....صرت من القهر أتسذب مدحه بهم....

يعني بشكل نــــــــــــظاميين ومرتبين....


طيب سؤال جاي خاطم:وراه عندهم أسعار السيارات رخصية؟؟؟؟مو مثل عندنا بزخه...

صحيح الدوولة ماقصرت الله يطول بعمرها...بس ولو ودنا ينمطون شوي وياصلون لهالطرق والمحطات .....ومايتبعها


تحيتي

هلا بوحيدة المنتدى

ودك تروحين للامارات؟

اذا اعرستي ان شاء الله لاني خابر امك ماتطيعكم تسافرون برا

والله ان امك سنعة وعارفة وش في ذيك الديار وقبلها عارفة قيمتكم وتبي تحافظ عليكم

اركدي وابلعي العافية ولاتطيرين بالعجة وتنهبلين على اي ديرة

على فكرة ترى سياراتهم الحين اغلى من سياراتنا بعدما شافوا اننا صرنا نشتري منهم

قبل كانوا ارخص منا لسبب

ان عندنا ناس محتكرة وليتها واقفة على الاحتكار

الطمع سبق الاحتكار حتى ابو فغفغ صار عنده طمع واستلعن لانه ماشاف عليه رقيب

تدرون ان الخبزتين صارت بريال بعدما كانت اربع خبزات

الله يخلف على ديرتكم ياسعوديين
ღ ][ وحيدة كالقمر ][ღ
21-10-07, 12:06 am
عودة مرة أخرى ياعجوزنا الموقر:

إيوالله ودي أروح....الله رزقني اللي يوديني لها....



من قال إن سياراتهم أغلى....أخوي قبل رمضان بأيام بس

إشترى منهم سيارة ......اررررخص من عندنا ولا بالفرق......ماأمداه يعني.....يغلن عندهم...


تحيتي
عجوز سمنسي
21-10-07, 01:24 am
http://www.wz63.com/up/uploads/8179ac4e1d.jpg

http://www.wz63.com/up/uploads/07c958ac6b.jpg

:6[1]:




تحيتي

هامة حاسوبية



انتي خليتي فيها تحيتي ياهومة؟

منزلة الصور الرهيبة وتقولين تحيتي

ماغير قهرتي المسيكينة وحيدة المنتدة وخليتي دميعاتها تبطبط اربع اربع

لك الله ياوحيدة
عجوز سمنسي
21-10-07, 01:38 am
هـــــــــــــــــــمومة

إرحمـــــــــــــيني.....:36_1_4[1]


<<<<نفسي أرووووح لها ياااااااااناس...:6[1]:.

ياناس احد يركب البنية ويوديها لدبي ويخليها تشوف وتستانس

ماغير تصايح علينا المسكينة

والا اقولك وحيدة

قولي امين الله يجيب لك العريس السمنسي اللي يسافر فيك شهر العسل بدبي

والا امك عليها السلام مافيها فايدة ماراح تخليكم تروحون
ღ ][ وحيدة كالقمر ][ღ
21-10-07, 02:06 am
آميــــــــــــــــــن ياسمنسي


هين امي غاسلت(ن) إيدي من موافقتها نسافر للخارج.....


بس صدق ياشايبنا يقولون إن الشارقة هناك مثل بريدة...يعني حريم متحجبات ومتغطيات ...صدق وإلا أهلي يهكون علينا......

تكفو ن لا تحذفون ردودي ودي أستفسر أكثر يالغالين....
لي الله .....


تحيتي
هامة حاسوبية
21-10-07, 03:31 am
يالعجوز

ياناس احد يركب البنية ويوديها لدبي ويخليها تشوف وتستانس

السالفة مهب بلاة أحد يركب هالبنية وإلا غيره ويوديه

السالفة إن فيه ناس مخططين يهجون لذلك الديار >> مب أنا ترا :4[1]:



وحيدة

اسألي وهامة تجيب :c7:

بس صدق ياشايبنا يقولون إن الشارقة هناك مثل بريدة...يعني حريم متحجبات ومتغطيات ...صدق وإلا أهلي يهكون علينا......

فليسمح لي الشايب بالإجابة :5[1]:

الشارقة والعين >> العين تابعة لبو ظبي ، يعتبرن من أكثر إمارات الدولة محافظة

بحيث تجدين غالبية المواطنات هناك منقبات أو متحجبات

لكن الشارقة فيها نسبة أجانب والعين أغلب سكانها بدو

هذا مالدي وإذا جا الشايب يعطينا العلم الوكاد اللي يجمد على الشارب




تحيتي

هامة حاسوبية
عجوز سمنسي
21-10-07, 07:14 am
دامك ياهومة طلبتي الافادة فانا ابعطيك الافادة البسيطة اللي اعرفها

الشارقة وراس الخيمة كانت سياسيا تتبع الدولة السعودية وذلك لاقتناع القواسم بدعوة الشيخ محمد بن عبدالوهاب

وبعد توحد الامارات اصبح لكل امارة الحرية باختيار قانونها فاختارت الشارقة وراس الخيمة النظام الاسلامي

اتحدث عن الشارقة لعلاقتي فيها حيث الدوائر الشرعية والمعاهد التابعة لجامعة الامام والمحافظة

اذكر ان الشيخ زايد طلب في اجتماع لحكام الامارات ان يوحد القانون وان يستعينوا بقضاة من مصر والمغرب العربي

فرض القواسم ذلك بحجة اقتناعهم وعلاقتهم بالسعودية وعدم استغنائهم عن السعودية ونظامها القضائي

الحالات الاجتماعية اعتقد ان الشارقة مناسبة جدا لنا كبيئة محافظة متطورة مقاربة ومشابة لوضعنا

عاد انتي ياوحيدة روحي ويصير خير

اقول ياهومة الحاسوبية : طبطبي تكفين على كتف وحيدة وامسحي دميعاتها وقولي لها لك الله وان شاء الله بالجنة

والله ماحر تسبد وحيدة الا انتي ياهومة
هامة حاسوبية
21-10-07, 07:34 am
وأنا من يطبطب على كتفي يالشايب :6[1]:



أيوووه عليك نور

الشارقة مناسبة لنا جدا فديت القاسمي أنا :f9: >> ترا الجواز جنبه والتذكره قريبه :18[1]:
فتحي الشقاقي
21-10-07, 07:52 am
بالله كيف حصلت على سكنفي دبي ؟

انا من 15 رمضان ماخليت فندق ولا منتجع ولا شاليهات مادقيت عليها كلها محجوزه الى ثالث العيد ،،

ومافي سكن في هذي الاماكن بأقل من 1200 ريال للشخصين ..

شي رهيب ارتفاع الاسعار بالعيد هذا في دبي ،،

لو سويت مقارنه بأسعار السكن في مكة المكرمة مع دبي

في مكة افضل موسم في رمضان بالعشر الاواخر تسكن في دار التوحيد اليوم بــ 4000 ريال
اما في دبي تاخذ شاليه في المرديان الو الجميرا بتش ايام العيد مافي اقل من 5500 ريال ،،

يعني معقوله هذي الاسعار توصل في دبي للدرجة هذي ؟؟؟

برامج دبي بالعيد مغطي على افضل مواسم العباده بمكة >> عشنا وشفنا

افكر اخذ سكن سنوي في دبي ومافي سكن لشقة عاديه بأقل من 60 الف بالسنه ،، اموت واعرف كيف عايشين الهنود في دبي بهذي المعيشه ..

اما عن الطرق :

بصراحه الامارات مافيها كلام ،، حتى لو كان فيها سيد واحد تحصل فيه خدمات بالطرق رهيبه من مطاعم وتشجير وإناره طول المسافه ..


اما زلت اردد /

شارك الغي في سما دبــــــــــي
كان تبغي تشوف الناس في جنة
الكوري
21-10-07, 07:58 am
حرام مقارنة بين السعودية بكبرها وقدمها بالإمارات الحديثة والصغيرة
صحيح عندنا ثروة أكثر منهم بكثير ولكن الأمانة عند ربعنا مبيوعة والله اللي يصير بالسعودية من المقاولين ماترده إلا جهنم الله يحمينا منها ناس ماعندهم ذمة وياليت حملة مكافحة الفساد اللي أعلنها الملك عبدالله تبدأ وبقوة
ღ ][ وحيدة كالقمر ][ღ
21-10-07, 07:59 am
الله يخليكم .....افدتونا...

تصدقون لقيت فكرة...بقول لأمي بحاول أقنعه إن فيه مدن هناك مثل بريدة

ابد تسنك ببريدة<<<<ماتحب تبالغ الأخت


والله ياأمي تبي تطيع....راسه ناشف أعرفه حبيبة قلبي......


والله حمستوني.....مررررررة إرفقوا علي حرام عليكم.....


تصدقون أخوي يوم شراء سيارته كان لوحده...قالوا المرة الثانية لاجيت تشتري سيارة لا زم تكون معاك عائلة


<<<<<هنا وحيدة شهقت وجزمت وجهزت الجواز ياحياة الشقى....



إيه بالجنة ع قولة السمنسي......


طيب أذكر أخوي قالنا عن منتزه وملاهي فيها......بدبي طبعاً.....وشي؟؟؟غير عالم الثلج...<<<تعلمكم إنه مخربته وتعرف شي عن الإمارات...
هامة حاسوبية
21-10-07, 08:24 am
شارك الغي في سما دبــــــــــي
كان تبغي تشوف الناس في جنة

هههههههههههههههههههه

يامنسم أنت

بس صدق والله علي الخوار صح لسانه ملايين >> هي لعلي الخوار القصيدة وإلا لا ؟!



وحيده

يامالك بدبي ، بتشوفين حاجاااااااااات مب شي واحد بس

وبيفتحون ديزني لاند عندهم بعد بس مادري فتحوه وإلا للحين
بنت البدائع
21-10-07, 01:11 pm
طليت بس أشوف ردود هامه المنسمه

أرفقي على عمرك لا يطق فيك عرق :)

شدتني بعض الردود اللي تكلموا عن محطات الطرق هنا<<<

ودي لو مرة أذكر بعمري إني دخلت دورة مياة صاحية..

:36_1_1[1] ((طرفه)):36_1_1[1]

وحده من زميلاتي حالفين أنهم مايطبون المحطات اللي على الطرق من الهوايل اللي يشوفون

وش سوو ؟؟

عند السفر يأخذون رواق خيمه ويطقونه بالبر عند الحاجه وكلن يشوف شغله من أفراد العيله :c9:
حصيصه الامريكيه
21-10-07, 01:50 pm
الحمد الله ع السلامه ياسمنسي
وانت دائما مطيح بالصيف بسوريا
وبالعيد بدبي متى تعقل انت وين زوجتك عنك
او مغلوبا على امرها المسكينه...؟
الا وشلون رحت بسياره احس انه كسل وبعيده
عموما..
دوما سالما غالما من كل مكروهـ
عجوز سمنسي
21-10-07, 02:02 pm
يا اخي
ربعنا حاولوا يطبقون نظام الامارات في ان
شركات مثل (( ساسكو ))
تأمن نظام محطات الوقود بكل
الخدمات على الخطوط السريعة
مثل ما هو حاصل في الامارات
( شركة بترول ابو ظبي _ ادونيك
وبترول دبي _ ريبوك -
لكن ربعنا يحاولون عمل الخدمات
بأقل التكاليف وبدون صيانة
و يمكن الدراهم راحت في جيب
كم مصري ... على كم لبناني .... على كم سوري
فهم المعزيب ان المشروع يعمل صيانة ذاتيه لنفسه
وهو لهف الهبرة الكبيره و مشى
تعرف الثقة في ابن البلد (( صفر ))
و الاخ المقيم يقدم للربع خدمات .....


هلا بفزاع

ياخي اسمك رهيب في مسلسل بدوي بدل وضحى وابن عجلان

المشكلة الكبيرة من ابو شكيم وشلته يافزاع

الدولة حريصة ولكن اليهود العرب مهب تاركيننا في حالنا
ليت يكون عندنا تخصيص لمحطات الوقود اللي بالطرق السريعة وتكون مسؤولة كليا عن اي تخلف او نقص في الخدمات

والا يمسكونها للشركات الامارتاتية عندهم ذمة وربي احسن من ربعنا لان النظافة طبع فيهم
عجوز سمنسي
21-10-07, 02:12 pm
الحمد لله على السلامه ،

وش فيه شارع الرقة يالشايب ،

الإمارات فيها تطور ولا شك ، لكن عندما تدخل بعض مدنها لا تشعر أنك بالإمارات ،

ولعلك تحكي الحقيقة عن عجمان وغيرها ،

وحدثني عن شوارع دبي الضيقه ، وزجمتها التي تجعلك تنتظر لساعات ،

دبي متطورة وراقية لكن ليست بالكامل ،

وفيها أنظمة وخطط أتمنى أن تستفيد السعودية منها ،

عجوز بقي أن أقول أني قرأت إحصائية مفادها :

أن مساحة دول الخليج وعدد سكانها وإقتصادها لا تعادل المنطقة الشرقية من السعودية ،

لكم اطيب المنى
هلا بالكبري

ياخوي الرقة فيها قطاوة تقول : ميووووووووووو

عل فكرة الشوارع الضيقة اللي تشوفها في دبي تعتبر وسط المدينة القديمة وصعب تنظيمها ومع ذلك تعتبر شوارعها في الزفلته والارصفة والانارة افضل بكثير من مدن بالسعودية

لانلعب على ارواحنا ياكبري هذا الواقع

انت تقصد شارع نايف وهو يعتبر وسط المدينة القديمة

انظمتها الادارية رائعة وانظمتها المرورية ممتازة واحترامهم للنظام شي غريب لم اتوقع ان اجده في بلاد عربية

طبعا هذا ناتج من احتكاكهم الكبير بالاجانب

القهر ياكبري ان دول الخليج ماتجي ربعة بالشرقية ومع ذلك احسن منا

حنا اغنى منهم بكثييييييييييير ومع ذلك لازالت شوارعنا متخلفة

قسم بالله اليوم الصبح حامت تسبدي من شوارعنا

كلما صلحت السيارة ارجع اركب لها مقصات وركب ومساعدات

شكرا لك ياكبري
اسم العضو
21-10-07, 02:57 pm
ياشايب ياسمنسي

لبغيت تستانس سافر لدول أقل تطور من السعوديه مثلآ روح لليمن أو دول أفريقيه

مثل السودان أوأرتريا ولا الصومال وشوف الفرق والمقارنه وين من بريدة الى دبي

حته وحده بس تقهر روحك !!!

سلام....
غريب الدار
21-10-07, 03:07 pm
هذا القهر يعني الدولة مو عاجزة عن إنشاء طريق سريع
مع تشجيره لكي يمنع من زحف الرمال المتواصل
أما المحطات الشكل موحد وبها جميع الخدمات
لكن محطاتنا ومع احتكار ساسكو للطرق السريعة فحدث ولاحرج
لانظافه ولاغيرها وقلما تجد دورات المياه (أكرمكم الله ) نظيفة
حتى لايوجد من أصحاب المحطات أنفسهم
المفترض يكون عندهم إنسانية واحتساب للأجر
فتحي الشقاقي
21-10-07, 03:10 pm
اقتباس :

هامة حاسوبية
هههههههههههههههههههه

يامنسم أنت

بس صدق والله علي الخوار صح لسانه ملايين >> هي لعلي الخوار القصيدة وإلا لا ؟!

علي الخوري اممممم

مدري الظاهر انها لخو علي مروان خوري

بس انا سامعها في مهرجان ،، يغنيها ميحد حمد والعالم ماغير تهز بروسها وقمت اهز معهم
>> كانت يوله تينن
فوفو2
21-10-07, 11:37 pm
موضوع شيق أمتعتنا ياعجوزنا

بس ودي ترفق أنت وهامة
على
وحيدة كالقمر

لأني بصراحة أشقفت عليها

من ذكركم لدبي
عجوز سمنسي
22-10-07, 01:52 am
.

ماشاء الله عليك ياسمنسي ماخليت شي

كله كوم ويمنع الحفر إلا بعد السفلت كوم...هذي مشكلة بريدة

شعارها الحفريات ...والله إذا رحنا لمكة أنقهرإذا شفت المناظر اللي

قلت عنها بديرتنا... خصوصا قدام الحجاج والمعتمرين من الدول الثانية



تحيتي لك ولقلمك



انسانة غير

انتي غير بتواجدك وتشريفك ياسيدتي

الله يفشلهم مثل مافشلونا

قسم بالله يا انسانة اني احيانا اكره نفسي والعن الديرة واللي فيها من المطبات والحفريات

لكن من حظ اصحاب قطع غيار السيارات والورشات

رزق ساقه الله لهم

شكرا لك
هامة حاسوبية
22-10-07, 03:23 am
بنت البدايع

طليت بس أشوف ردود هامه المنسمه

أرفقي على عمرك لا يطق فيك عرق

اقلطي اقلطي حياك الله

>> عادي أمون على الرجل العجوز :4[1]:



فتحي

بس انا سامعها في مهرجان ،، يغنيها ميحد حمد والعالم ماغير تهز بروسها وقمت اهز معهم
>> كانت يوله تينن

وي وي فالميدان 2 كانوا يولون عليه كل أسبوع

شكله تجنن أستغفر الله وربشه بس حرااااااااام أسمعه وإلا كان سمعته وهزيت أنا بعد معهم هع هع بس ماسمعت منه إلا سرقة
المبرقعه
22-10-07, 03:44 am
السمنسي نورت البلاد بوجودك
حياك الله في اي وقت البلاد بلادك

والله اني فرحت يوم شفت الموضوع <<< تحب احد يمدح بلادها

المبرقعه
هامة حاسوبية
22-10-07, 03:50 am
وييييييييييييو

يالعجوز فشلتنا عند المبرقعة وخواته :f9:

غير الموضوع يله واقلب سنجته :a16[1]:
§¤~^~¤§ شوكلاته مالحه§¤~^~¤§
22-10-07, 06:29 am
هي على الطرق والمحطات الله يخلف بس وعاد القصمان يفشلون مايعرفون يسافرون الا بالسياره قالو ايه المشاوير كثيره هناك خخخ
عجوز سمنسي
22-10-07, 07:28 am
وحيدة ياقلبي أنتي أجل لو تشوفين كل الصور اللي عندي وش بتقولين

وإلا لو تشوفين كورنيش بو ظبي وش تسوين

خطر تنجلطين بسم الله عليتس

:6[1]:




تراك ذبحتي البنية

يكفي ياهومة تكفين حستي مريرها حوس

تلاقينها عند امها منجطلة بتعيط وتبكي

ياحووووووووووول ياوحيدة اجل مارحتي للامارات؟

<<< يبي يقهرها زود
هامة حاسوبية
22-10-07, 07:36 am
يالشايب


ودي أحط له صور بعد بس أخاف تكرشن أنت وتعرف المنتدى اللي جبتهن منه لأن عليهن اسم المصور والمنتدى :4[1]:



>> ترا هامة والعجوز بريئين من أي إصابات قد تحدث لوحيدة :5[1]:
ღ ][ وحيدة كالقمر ][ღ
22-10-07, 09:46 am
إيه يافوفو2 علمهم أولاه<<<<<منقهررررة:15[2]:



همومة +الشايب:d7:


حرااام عليكم قسم بالله.....الشايب إلتفت لموضوعك وخل هامة علي:d7:<<<<<بتفتك علشان ينسى سالفة الإمارات والصور


هامة

شغلك عندي يادووووبا<<<<<<من القهرررررر:14[1]:


تصدقون لو يقولون تروحين لماليزياو إلا الإمارات أقول الإمارات قسم بالله<<<<<أصلاً مافيه أمل يقولون:36_1_5[1]


لي الله يـــــــــــــــــــاناس ...وينك ياجمولة تسانديني......:6[1]:
نايف الصغير
22-10-07, 10:09 am
اول الحمدلله على السلامه ةانت قلت اجبوني
اجانتي هي نحن السبب ولاتقول الأجانب الأجانب تعودومنا
هامة حاسوبية
22-10-07, 10:24 am
وحيده رحمتك :(

خلاص بنسحب من الموضوع بس الله يفكك من العجوز :)
ღ ][ وحيدة كالقمر ][ღ
22-10-07, 10:43 am
همــــــــــــــــــومة


ايو هذا السنع عينه بعلمه<<<<فرحت إنه رحمتها:4[1]:



ياحبيلك بس:13[1]:


عجوز...زلا لا تخافين لا منه مالقى أحد يساعده بينسى<<<<<تتمنى:e7:


تحيتي
جمان البحر
22-10-07, 01:59 pm
وحيده ياحياتي أنت ...شوفي لايهكون عليك السمنسي وهامه ويشبون كبدك ترا الامارات مثلنا أوأقل منا <<<ايه هين ..

طبعاً هم مثلنا بالاجواء وطبيعة الارض يعني صحرااااااااااااااااء قاحله..وشوفي هالرابط لموضوعك ...


http://buraydh.com/forum/showthread.php?t=126744&page=8
ღ ][ وحيدة كالقمر ][ღ
22-10-07, 02:04 pm
جمـــــــــــــــونة


أجل أقل منا<<<كثري لي منها يالغلا


كان ماأصدقهم...بس أماي مارحت لها....وأخوي ماقصر بالقرق والمدح فيها زيادة ع هامة والعجوز.....ماأقدر أكذبهم وأنا مارحت لها



ياحبيلك بردتي تسبدي بالصورة.....بس ماش شفي به....ودي أزوره....



تسلمين يالغلا....
جمان البحر
22-10-07, 02:32 pm
جمـــــــــــــــونة


أجل أقل منا<<<كثري لي منها يالغلا


كان ماأصدقهم...بس أماي مارحت لها....وأخوي ماقصر بالقرق والمدح فيها زيادة ع هامة والعجوز.....ماأقدر أكذبهم وأنا مارحت لها



ياحبيلك بردتي تسبدي بالصورة.....بس ماش شفي به....ودي أزوره....



تسلمين يالغلا....


ايه هه أقل منا بكثيييييييييير <<<تراي أجامل ولا الصدق انها حلوه ..
بس ترا أحلى مافيها الشوارع وناطحات السحاب وكانك من محبي التسوق فالاسواق عندهم بالهبل (عاد انا مااواطن الاسواق يعني اخر شيء أفكر فيه اني اروح لسوق )

ولو اني داريه اني اببرد كبدك بهالصوره كان مامسحت الصور من ذاكرة الكاميرا ..وانا مسحتهن لاني حمضتهن وخلصت ...وقلت تكفي وحده ..
بس اذا جينا نروح للامارات المره الجايه نبي ناخذك معنا بس جيبي لك محرم ..ايه مانبي نروح بك لحالك ..مايصلح ..
عجوز سمنسي
22-10-07, 08:50 pm
شالأستاذ الغالي[عجوز سمنسي]
.
.
هم تهمّهم مصلحة بلدهم..في أي مكان كان حتى لو في أقصى حدّ لهذه الدولة..لكن هنا لاأحد يهتم إلا بمدينته..وقلّما وجد بلدية تقوم بدورها الكامل..لا أعلم أين يذهب فائض تلك المأساة المسمّاة[ميزانيه]..أعتقد أنّ هذا هو السبب..لم أستطع إلا ذكر هذا استاذي..والعذر على التقصير في الرّد
.
.
محبّك

الفرق بيننا وبينهم انهم اصحاب ولاء وصدق لديرتهم

مهب مثل المتجنسين اللي عندنا اصحاب الشنب الملحوط وماسكين المشاريع يبي ينهبون ويمشون

شكرا لك يامهب الريح
علشانك بس
22-10-07, 08:55 pm
انا بعد كلام الشايب المايع بروح اسكن بدبي اللي يبي يروح معي يرفع اصبعه
ابوقش
22-10-07, 10:03 pm
اعتقد انالمسؤلين هم المراقبين بأنفسهم وايضا المقاول هو المسؤل عن عمله ..
إشراق
23-10-07, 02:00 am
ياسلام على محطاتهم ((أدنوك))

وووه بس على نظافه والشكل

اول ماطبيتهن ودي أشتري أي شي وأنا شبعانه بس تحسفت أطلع ماأشتري شي


لو عندنا هالمحطات كان حصيصه وفطيمه والهلي يتواعدن بهن يفلن فرشاتهن بهن

لانهن أحسن من منتجعاتنا اللي عندنا حقات الترفيه
عجوز سمنسي
23-10-07, 02:24 pm
أخوي الفاضل / عجوز سمنسي

بالنسبة لمحطات الوقود في الأمارات فهي تابعة للحكومة نفسها ....بمعنى ان حكومتهم لاتبيع البنزين على رجال اعمال وهم يبيعيونه للمواطنين ...!!!!!يعني شركات لوزارة النفط عندهم ...اما عندنا المحطات لرجال اعمال .....بس شفت غلالالالالاء البنزين عندهم ..؟؟؟!!!! غير طبيعي

اخوي ابراهيم المهنا : شرفتني يابعدي

محطات الوقود ملك لشركات خاصة وليست للحكومة

وبعدين تقول شفت غلاء البنزين عندهم؟ ايه شفته بس انت شفت رواتبهم العالية ؟ وبيوتهم الفخمة المدعومة من الحكومة ؟

قسم بالله وانا راجع من دبي وقريب من ابو ظبي طول الطريق اسكانات حكومية لاصحاب الدخل المحدود ورب البيت انها ارقى من قصورنا وبين كل حي وحي مسجد جامع ذا منارات عالية ومساحة كبيرة وبناء جميل وفناء رائع

هذا ترى لاصحاب الدخل المحدود يعني مهب احياء للتجار عندهم

خلنا نكون واقعيين ويمكن كلكم او اغلبكم شاف مقطع الفيديوا للشيخ زايد الله يرحمه وهو يظهر استغرابه واستهجانه للوزراء واعيان الدولة من وجود اماراتي مسـاجر ؟

الله يرحمك يازايد الخير اجل لو شفت اللي ساكنين في قمامات في جيزان وش تقول؟
السراح
24-10-07, 03:24 am
صحيح هناك تقصير في حق دولتنا

وايضاً هناك تقصير من الشعب نفسه

فما اعتقد انك راح تحصل في الإمارات احد يرمي الزباله بالشارع ولا يرمي قوطي ببسي وغيره

بس هنا هع هع هع حدث ولا حرج بالعكس لو ما يرميه بالشارع يحس انه عنده نقص

واذا التزم بالقوانين قالو عنه خواف وجبان

يا اخوي هناك سيارا الأجرة ممنوع عندهم الراكب يفتح الباب الأيسر الخلفي وعليه مخالفه هذا وهو باب

بس هنا اخوايانا تحصل الليموزين يجدع السيارة عليك علشان واحد يأشر بالجهه الثانيه


ولا تنسى ان الإمارات اصغر مساحة من السعودية والعوامل الطبيعية تساعدها على الإزدهار

وهنا اعوذ بالله كل يوم اغبره وعجاج يطير الرجال من مكانه وكذا مره يجينا اغبار يعدم الدنيا كلها

http://www.no7asy.com/up/no7/No_662489967.jpg

http://www.alwatan.com.sa/daily/2006-05-03/Pictures/thum/0305.NAT.P9.N329.jpg

وفي اشياء مخفيه تؤثر على الإزدهار

والف شكر لك اخوي على الطرح الي من جد
اكثر من رااائع



تحياتي

ابومتعب
عجوز سمنسي
26-10-07, 12:30 am
صحيح هناك تقصير في حق دولتنا

وايضاً هناك تقصير من الشعب نفسه

فما اعتقد انك راح تحصل في الإمارات احد يرمي الزباله بالشارع ولا يرمي قوطي ببسي وغيره

بس هنا هع هع هع حدث ولا حرج بالعكس لو ما يرميه بالشارع يحس انه عنده نقص

واذا التزم بالقوانين قالو عنه خواف وجبان

يا اخوي هناك سيارا الأجرة ممنوع عندهم الراكب يفتح الباب الأيسر الخلفي وعليه مخالفه هذا وهو باب

بس هنا اخوايانا تحصل الليموزين يجدع السيارة عليك علشان واحد يأشر بالجهه الثانيه


ولا تنسى ان الإمارات اصغر مساحة من السعودية والعوامل الطبيعية تساعدها على الإزدهار

وهنا اعوذ بالله كل يوم اغبره وعجاج يطير الرجال من مكانه وكذا مره يجينا اغبار يعدم الدنيا كلها

http://www.no7asy.com/up/no7/No_662489967.jpg

http://www.alwatan.com.sa/daily/2006-05-03/Pictures/thum/0305.NAT.P9.N329.jpg

وفي اشياء مخفيه تؤثر على الإزدهار

والف شكر لك اخوي على الطرح الي من جد
اكثر من رااائع



تحياتي

ابومتعب

الشكر لك على تشريفك

الغبار والاجواء مالها دخل في التنظيم الاداري وتنظيم الطرق والامانة في العمل على مصالح الدولة والطرق والمواصلات والخدمات

نبي احد يحس بمعاناة الناس واحتياجاتهم