اللي عنده خلفيه عن حساسية الصدر يتفضل للإفاده

[فتاافيت سكر]

السلام عليكم
انا أختي الصغيره عمره7سنوات عنده حساسيه بصدره من الثيل
والاعشااب الخضراء على وجه العموم

اذا تحسست نعطيه بخار واكيد معه فولتارين
مع البخاخات الوقائيه

وحتى اذا جته الكحه يصرفون له فولتارين


سؤالي.........

**هل كثرت الفولتارين يأثر على القلب صحيح؟؟

**هل فيه أدويه تستخدم عوضا عن الفولتارين تكون توسع الشعب؟؟

استخدمنا له شراب اللبلاب ومافاد وأخذنا العشبه ولا فادت

اللي له تجارب مع حساسية الصدر ياليت يفيدن

ولكم خاااااااااااااااااالص شكري

فتفوته

[البرواز2]

السلام عليكم ...

ماتشوف شرالاخت الكريمه انشالله
قلتي بانهم يعطونكم {فولتارين} واتوقع انك تقصدين {فينتولين} لان الفرق بينهم كبير جدا جدا .. الفولتارين هو دواء ثاني مسكن ومضاد للالتهاب غير ستيرويدي وبالعكس وجد انه ممكن يسبب كتمه وضيق بالنفس عند بعض المرضى وخصوصا كبار السن والاطفال لذلك وانا متاكد انهم مايعطونها الفولتارين لان ماله اي داعي في هالحاله

طبعا علاج اي نوع من الحساسيه علاج صعب وطويل ونتائجه محدوده وبالتالي يتم السيطرة عليها من خلال الادوية الوقائية او الادوية سريعة المفعول في حال الازمات الطارئة وطبعا اشهرها الفينتولين البخاخ الي اكثر الناس تعرفه والأدوية هذي ناجحه وتحقق نتائج ممتازه مع المرضى

الادوية كثيرة جدا سواء بخاخات او ادوية بالفم وكل واحد يعمل بميكانيكية مختلفه وماادري اي نوع من الادوية تستخدم اختك لكن عموما يضل الفينتولين هو الاشهر سواء البخاخ{مفعول سريع} او حبوب او شراب كوقاية{مفعولها يستمر لوقت اطول}
اذا ممكن تعرفين اسماء الادوية الي ماشية عليهم وانشالله نفيدك بما نعرف
اتمنى اكون جاوبت على التساؤل بماعندي من معلومات...

[جورينا]

فتافيت سكر ؛؛

وعليكم السلام ورحمة الله ؛؛

حياكـ الله اختي ؛؛

وربي يعافي اختك وجميع المسلمين ..

اذكر اختي صار به حساسية بالصدر وضيق تنفس وتستعمل معه بخاخ بس كثرة استعماله ماتفيد

مع الوقت وراحت لدكتور بعنيزة والحمدلله صرف لها علاج والحمدلله خفت معه المشكلة ..

تفضلي هذا الرابط وحده تسال عن علاج للحساسية يمكن يفيدكـ :

http://www.buraydh.com/forum/showthread.php?t=127061

ربي يحفظكـ ..

[دكتوره]

ياهلا بك فتافيت....وان شاء لله ماترى باس اختك

بالنسبه ل (الفولتارين) هو الصحيح انه مو فولتارين اسمه (فينتولين _ salbutamol)
لانه الفولتارين غير ومجموعته غير عن الفينتولين. ويسبب تعارض مع المرضى المصابين
بحساسية الصدر وهذ التعارض ينتج عنه تشنج المريض ثم الوفاة لا قدر الله .

** كثرة استعمال الفينتولين ليس لها ضرر على القلب

ملحوضه: عادة مرضى حساسية الصدر اللذين استعملو الفينتولين وماتحسنو او مااعطاهم النتيجه
الملائمه يستبدل ب علاج اسمه (كورتيزون _ prednisilon) وهذ العلاج له
تأثير ايجابي مره خاصة على مرضى الحساسيه بس فيه مشكله انه هذا العلاج متوفر
على شكل اقراص ولا عندي خلفيه اذا كان متوفر شراب اولا انتي عندك اسمه وتقدرين
تستفسرين عنو اكثر.......ارجو انك طلعتي بفايده من الموضوع هذا
وان ان شاء لله ترجع لكم اختكم مثل اول واحسن بعد..........تقبلي مروري
دمتي بود

[ثامر الناصر]

الله يشفي الجميع

انا اعاني من مثل هذه المشكلة ولي الان 15 سنة على البخاخ ولم اتضرر ولله الحمد والمنة

وشكرا

[فتاافيت سكر]

مشكوووورين ياحبيلكم

وانا رحت وتأكدت من بخاخات اختي

بس الوقائي فولتارين

اما اللي تاخذه مع البخار والبخاخ عند الكتمه اسمه مثل ماقلتوا فينتولين

هي راحت لدكتور بعنيزه لكن الحال على ماهو عليه

البرواز2\\فراشة نجد\\دكتوره\\ثامر الناصر

تشرفت بمروركم

[البرواز2]

السلام عليكم

تعقيبا لكلام الاخت دكتوره طبعا معها حق في التعارض الحاصل مع الفولتارين وكلامها صحيح..
يوجد في السوق prednisone شراب وطبعا عارفة الفرق بينه وبين ال(prednisolone ) وانه يمكن استخدام هذا مكان ذاك في المرضى اللذين ليس لديهم اي قصور في وظائف الكبد والكلى

عموما استخدام الكورتيزون في حالات الحساسية يضل خيار قبل خيارات كثير يجب اننا نستخدمها الا في بعض الحالاات الي نلجأ فيها للكورتيزون واذا تم استخدامه فيجب ان يكون في كورسات محدده وانتي طبيبه وادرى بهالشي من الجميع

الاخت فتافيت انا متأكد ان البخاخ يستحيل يكون الفولتارين لانه أصلا لايمكن تصنيع فولتارين بشكل بخاخ لكن الاسماء التجارية من الطبيعي انها تتشابه ويلخبط فيها الناس كثير وحتى الأطباء

يوجد في جامعة القصيم استشاري ممتاز جدا ممكن ادلكم عليه لو حبيتو وشكرا..

[فتاافيت سكر]

البرواز 2 الله يوفقك

وش اسمه الاستشاري

ياليت تخدمني

[عبار]

هذي تجربة شخص قريب لي يعاني من ضيق التنفس كثير مافية علاج الا وجربة والابخاخ الاوستعمله اخر شي جرب ( ابرة كرتزون) بس مو اي ابرة فية انواع كثيرة بس هاذي ماشالله صلحت له وسئل عنه وحصل اغلب الناس تستعمله بس مايصلح تستعمل كثير مرة بالسنه اومرتين بين كل شهور لانه مضرة بالظبط ماعرفه اسمه بس الاسم قريب من هذا ( برسفور ) او برسفود يعني قريبه كرتون ابيض وعلى الجوانب احمر فيه كتابة باسود وسعرة رخيص 15 ريال فقط ...ز
اي صيدلي يعرفه علما ان عمر المريض بالثلاثينات

والشافي هو الله
لاتنسونا من صالح دعائكم,,,,,,,,,,,,,,,,,,,,,,

[ممادو]

اول شي لا تقرب للفكس العطورات الورود الغبار دخان النار فترة الازمة ثانياً اذا جاءتها الازمةعليها بالتحكم بنفسها لا تخاف تاخذ هذا الشي كانه طبيعي لان الخوف يزيدمن الازمة ويزيد من التنفس والضيق ( اي تتنفس بهدوء جداً ) ثالثاً عليها بشرب ورق الزعتر البري مع قليل من السكر
اذا كان هذا يستمر معها فيه دكتور ممتازمشهور بالرياض اسمه محمد الحجاج في عيادات الاطباء المتحدون شارع الضباب

[ممادو]

اول شي لا تقرب للفكس العطورات الورود الغبار دخان النار فترة الازمة ثانياً اذا جاءتها الازمةعليها بالتحكم بنفسها لا تخاف تاخذ هذا الشي كانه طبيعي لان الخوف يزيدمن الازمة ويزيد من التنفس والضيق ( اي تتنفس بهدوء جداً ) ثالثاً عليها بشرب ورق الزعتر البري مع قليل من السكر
اذا كان هذا يستمر معها فيه دكتور ممتازمشهور بالرياض اسمه محمد الحجاج في عيادات الاطباء المتحدون شارع الضباب