ابشركم خلصت من تصليح حلاوة العيد

[عاشقةالجنة]

{{السلام عليكم ورحمة الله وبركاته }}


ابشركم سويت حلاوة العيد وخلصت وقولولي رائيكم ,,,

اليوم رحت اسوي قرقيعان لبكرا وقلت خليني بالمره اسوي حلاوة العيد قبل الزحمه

وارتفاع الاسعار وبعض التجار او الكثير منهم يطلعون لنا الحلاو القديم ولاحسيب ولارقيب !!!!

فشريت مجموعه كبيره من الشكولاتات والحلاو والهدايا الصغيره

واشتريت ثلاث اقفاص من الحديد المشغول حلو شكلها بالمره

وغلفت اطرافها بشرايط الساتان واحد ازرق و واحد وردي وبيج للكبار

وعبيت الاكياس اللي اشتريتها بالحلاو وهديه صغيره وريال للاطفال

والعاب الااولاد غير العاب البنات وكلها من ابو ريالين

يعني ماكلفت شي كثير ولله الحمد

والاكياس البيج للكبار حطيت بها دهن عود بدل الالعاب والريال

وغلفت الاقفاص بالدانتيل كانه كيس صاير شكلها حلو ,,,,

اما القرقيعان فالهدايا كبيره لانها محدودة العدد للعائله فقط مو زي حلاوة العيد نوديها للمسجد وللعائله

وشراكم زين شغلي و يواجه قدام الحموله ,,,,,,,,,,,,,

انتضر الردود

[ابوخالد382]

أختي عاشقة الجنة ,القرقيعان بدعة ولا أصل له في الإسلام فلايجوز لك عمل مثل هذا بمناسبة كهذه....رزقك الله الجنة.

[عاشقةالجنة]

الله يجزاك خير اخوي ابو خالد ماقد سمعت انه بدعه اشكر لك تذكيرك

[Queen of buraydh]

عشوووووووووووووقه ياقلبي عليك

اهم شي الحموله ههههههه ..

والله ماشاءالله كلك ذووق

ياختي بطلع اسوي وكل يوم ياحمد باكر ...

[عسوله]

افكار حلوه بس الله الله في الحموله وشكلهم يواجهون عند الحموله

ذوقك حلو ياعسل

[عاشقةالجنة]

كوين تسلمين ياعمري وعلى قولتك اهم شي الحموله سبحان الله تعدل الحدبه لشفتهم !!!

[عاشقةالجنة]

تسلمين يا عسولتنا يا قمر اهم شي الحموله يالله انها تعجبهم وافرح قولي يارب

[خالد التويجري]

وشو (القرقيعان) .., مأعرفه أول مره أسمع فيه ..,
أعرف (قريقعان) حق الممثل الكويتي وفرقته ..,<<<< نسيت أسمه ..,؟!

أما باقي شغلك ماشاء الله عليكِ .., حسب وصفك .., روعه وجميله .
ليتكم جيراننا تعطين عيالي .., هههههههه
وشراكم زين شغلي و يواجه قدام الحموله
أي والله زين ونص .., ويواجه قدام أكبر حموله بالعالم .

بالتوفيق ..,


تحياتي .,’

[ابو ريما الخالدي]

ماء شاء الله مبرووووووك
وعيدك مبارك مقدماً

[الحنتريش]

عسا ماشر ياعاشقه؟
هذا وانتي هي وشلون اجل المراهقات
وشو القرقيعان هذا دخيل من الكويت علينا بس تراوه بدعه
الا تسان تتذوقيننا منه عادي مسموح به

[عاشقةالجنة]

مشكوووووووووور اخوي بريداوي 9 رفعت من معنوياتي تسلم ,,,

{القرقيعان طال عمرك مو من الكويت لا والله كثير من اهل نجد يسوونه وتراه مب بدعه سئلت عنه هو اجتماع وفيه توزيع للحلويات المزينه بعلب او اكياس لها حركات معينه على حسب ذوق الشخص

[عاشقةالجنة]

ابو ريما الخالدي تسلم على التشجيع والله يبارك بأيامك يارب

[عاشقةالجنة]

هلا الحنتريش اولا" مشكور على المرور, لا هم اخذوها مننا اخوننا الكويتين ..

وابشر ولا يهون الجميع بالقرقيعان وحلاوة العيد تستاهلون بس من يجيبها لكم والله نفسي يذوقونها جميع الاعضاء !!!!!

[أمونة]

يعطيك العافية يا عاشقة وعلى قولة كوين كل يوم يا حمد باكر كل عام وانتي بخير مقدما

[الملتاعه]

من وصفك شكلها حلوووو با المره

يعطيك العافيه والله وليت صور موجود كان يحلى الموضوع

[& جمال الطفوله &]

لا مشااء الله .. شكله حلووووووو


طيب .. عطينا منهن :)


بالتوفيييق ..

[العبرى]

الفكره حلوه ومرتبه..

إذا فيه صور لاتحرمينا



تحيتي,,,

[عاشقةالجنة]

هلا وغلا اختي امونه واختي الملتاعه واشكر لكم مروركم ياقلبي

ان شاءالله بحط صورة قريب بأذن الله

[عاشقةالجنة]

هلا وغلا اخيتي جمال الطفوله واخيتي العبري الشكر لكن يا قلبي

جمال الطفوله انتي وين ساكنه تراها جتك الحلاوة ولايهون الجميع

[nononono]

ماء شاء الله مبرووووووك
وعيدك مبارك مقدماً