كليه التربيه الاقسام العلميه ببريده ماذا يحصل بها

[asf24]

السلام عليكم ورحمه الله وبركاته
اعرف واحده تدرس في الكليه وحصل لها الشي والله على مااقول شهيد
كانت في اخرسنه وتحلم بالتخرج
امتحنت الدور الاول وحملت ماده تربويه وجلس طوال الاجازه هم وغم
وبعدين دخلت الدورالثاني وامتحنت الماده في اخر الاجازه وجلست تنتظر
النتيجه وبعد ماطلعت النتيجه رسبت بالماده مره اخرى
انهارت الفتاه تبقى لاعاده سنه كامله علشان ماده واحده
رجعت الدكتور وتفاجى بروسوبها
وبعد تقريبا ساعه تدق عليها الكليه وتكلمها رئيسه الكنترول
وتقول لها نجحتي
والسبب ان الدكتور مصحح من سبعين والنجاح من ستين
نحنو نقوم بسب الاساتذه
والسبب الكنترول
اناشد المسؤلين عن الكليات بالمراقبه
اسفه على طريقه الكتابه لاني اول مره اكتب بها

[جورينا]

asf24

وعليكم السلام ورحمة الله ؛؛

حياكـ الله ؛؛

كان الله في العون هذه الأخطاء البسيطة تحبط العزيمة ؛؛

لاادري متى تنتهي عشوائية التخبط في نظام الكليات وطريقة التصحيح ؛؛

كل يوم والثاني تظهر لنا قرارات غريبة وتعقد الامور ؛؛

[بالقرآن نحيا]

وعليكم السلام
asf24
بصراحه أنا أضم صوتي للأخت
وبصراحه هناك أخطاء قاهرتني بالكلية التربية الأقسام العلمية ببريدة
وراح أقولها بالتفصيل الممل
1- الوقت الأضافي دايمآ الدكتورات يعطون الطالبات محاضرات اضافيه وهو مو من حقهن يعني الطالبات يطلعن تربية عملي
يعني التربية العملية مادة نازله لهن بالجدول شي اساسي
وبعد مايحاجن الطالبات يقولون لازم نخلص المنهج طيب المنهج نازل على حسب الاسابيع المكتوبه بالجدول يعني عارفين انهم يطلعون تربيه عملي البنات يعني من وين طالع الخطأ؟؟؟؟
2-الترم الاول بعد مانزلت النتائج العصر بعض الطالبات دريو بالنتائج والبعض لا تدرون ليش لان الكلية رفضت البنات يدخلون وش قال قالوا تعالوا بكرى الصباح طيب وش راح يضرهن لشافوا البنات النتائج بس صدق اللي قال اللي رجلينه بالماء مو زي اللي رجلينه بالجمر!!!!!
3- انا ملاحظ ان طالبات قسم النبات مضطهدين ومظلومين بالاخص طالبات رابع حرام والله
4- الطامة الكبرى الترم الثاني كنسلو قسم النبات والحيوان وخلوه قسم أحياءطبعآ سنه اولى اوكي بقدرة قادر يوم طلعت النتائج تحولوا من قسم أحياء الى قسم النبات والحيوان على اساس ايش قسموا البنات ومن المسؤل بتلك الحادثه يعني وحده من البنات تروح لقسم النبات تبغى نتيجته يقولون روحي لقسم الحيوان وعلى هالحاله صارت زي ا لاطرش بالزفه موحراااااااااااااااااام ياعالم
4- الكلية نشرة منشورات بكل مكان فيها تقول ان فبه نظام يقول ان طالبات الفرقه الثانية والثالثة اي واحدة منهم تحمل اكثر من ثلاث مواد تمتحن دور ثاني وان نجحت اوكي وان كان معها 3مواد تنتقل للفرقة اللي بعده ولكن اللي تحمل اكثر من 3مواد يرجع لسنه اولى ووقع الطالبات على هالقرار وما حصل انهم ماطبقو هالقرار طلع كللك ليه ليه ماطبقوه؟؟؟؟؟؟؟؟؟؟؟؟؟؟؟؟؟؟؟؟؟؟؟؟
5- ماحصل لقريبة الأختasf24 يعني مو قهر انها كانت راح تعيد سنه علشان الظلم وانا اشك انهم غلطانين برضوا الترم الاول معها ليه يانااااااااااااس؟؟
الى متى وتلك الكلية تلعب لعبتها حرام نترك بنات الناس بالظلم!!!!!!
آسف على الاطاله بس انا منقهرمنهم والله............................

[بالقرآن نحيا]

ونسيت اضيف
طيب قريبةasf24 قدرت تحاجهم وتناقش الدكتور اللي فضح هالكلية
طيب الطالبات الثانيات اللي ماعندهم سند من راح يجيب لهم حقهم منهم
حسبي الله ونعم الوكيل...................

[جورينا]

اختي ؛؛

بالقرآن نحيا ؛؛

الله يكون بعونكن على الأنظمة الجديدة انا عانيت مثلكن لكن على وقت دراستي منذ اربع سنين اخف وطاة

مما هو عليه الآن من انظمة وقوانين ؛؛

[بالقرآن نحيا]

اشكرك فراشة نجد
ولكن انا ودعت الكلية من زمااااااااااااااااااااااااااااااااان
ولله الحمد والمنة
وازيدك من الشعر بيت
وحده من البنات
امتحنت ماده محموله ولخامس سنه
وتحمل هالمادة كل مرة
يعني معقوله ماحلت
شي يحير

[سليمان الفريح]

حتى انا اضم صوتي للأخوات انا حصل لأختي نفس الشئ وبعد المحاجة بالعربي (التحجير) تم تلفيق العملية
وقالوا ان النجاح من 50 والدكتور صحح من 100
ياخوتي ماذا يحدث لكلياتنا فقد غزوها الاجانب وضاعت الامانة
وهل من المعقول ان هناك (دكتور) لايعرف الدرجة اللتي يصحح بها
ماذا سيحدث لو تم توضيف بناتنا
ولكن اضم صوتي للاخوات
ولا حول ولا قوة الا بالله

[♚سر الملكة♚]

ايه قسما بالله قهر أطلعت نتيجتي وليتها مااطلعت
كنت حامله 3 مواد وقسما بالله اني حرام احملهم لاتقلون عني ماتذاكر او مو مهتمه بالدراسه ورب الكعبه اني أذاكر بس هذا اللي مقدر ومكتوب
طلعت نتيجتي لقيت نفسي حامله مادتين يعني مانجحت الا بماده
ذاك اليوم صارت الدنيا سودا قهر وربي قهر وناس ماتعرف المذاكره انجحت
القهر اني ماانبسطت بالاجازه قسما بالله لي اكثر من شهر ونص وانا اذاكر قبل الاختبارات والناس مافتحت المناهج الا قبل الاختبارات بكم يوم
أصلا حرام ادخل اختبار المحمول المفروض مااحمله كل درجاتي اعمال السنه فوق 17
واخر شي احمل الماده .

قسما بالله تحطمت بقوووة
زياده على ذالك تقديري حاسوة خرب
يعني مراح اطلع بالتقدير اللي تمنيته

بس تكفون ابيكم تطمنون قلبي
انا رحت لسنه 3 ومعاي مادتين من ثاني طيب التقدير راح ياثر على النتيجه النهائيه في السنه الأخيره
طيب تقريبا وش راح يكون هل أقدر اخذ ممتاز ؟
الشي الثاني اللحين معاي مادتين فرضا لو حملت مادتين من ثالث هل اعيد السنه ولا كل سنه بمواده؟؟؟
يعطيكم العافيه

[بالقرآن نحيا]

اخيتي
رحلة صمت
من توقعاتي ان التقدير راح يتأثر
وخلاص ماراح تأخذين مرتبة الشرف
بس عمومآ شدي حيلك
وبالنسبه لوضعك
ان كان على نظامهم الاول
ان حملتي مادتين من ثالث لاقدر الله وان شاء الله انك ماتحملين حبيبتي
يمتحنونك اول شي مواد ثاني ان نجحت اوكي تنتقلين للفرقه اللي بعده
وان حملتيهن مره ثانيه بقيتي للاعاده
الله يوفقك حبيبتي ويسهل عليك وينجحك دنيا وآخره
وتنالين اللي في بالك
بس انت بأي كليه؟؟؟
وان احتجت شي ابد لايردك الا لسانك....................

[بالقرآن نحيا]

رحلة صمت
ان شديتي حيلك وجبتي تقادير حلوه بسنه ثاث ورابع ان شاء الله
ماراح ينزل معدلك عن جيدجدآ
بس تقاديرك بسنه ثاني حلوه اولا
معليش ماقدرت ارد عالخاص
لان مشاركتي ماتكفي

[♚سر الملكة♚]

الحمدلله تمام
الله يعين جيد جدا أحليله تمشي الحال