المساعد الشخصي الرقمي

مشاهدة النسخة كاملة : في اسواقنا ... فتنتي تلك الغانية

عجوز سمنسي
23-09-07, 05:37 am
اليوم رحت لاسواق النخيل ابي غرض ماء

لا احد يقول وشو وتتركون الموضوع

شرافة مابعدها شرافة

هناك وليته لم يكن هناك

نساء فتنتني بجمالها الصارخ ولباسها الفاتن

المخصر والمحمر والمشمر والمعطر والمكحل

استغرب من بعض الحريم هي رايحة لعرس والا لسوق ؟

طيب رايحة للسوق ليش تتمكيجين وتلبسين عباية مخصرة ونقاب فاتن

ادري ورب البيت لو تشيلين نقابك ان الصايم مايفطر من شينك لكن ليش تسوين كذا ؟

عقدة النقص تتراكب طبقات والنفسية شكلها محطمة

هل اعتقتونا لوجه الله ياحريم؟

وربي انكم فتنة صارخة

سألت احد الربع فقال هناك مايسمى نصف مكياج او ما ادري وش اسمه خاص للسوق بس

ترى قلوبنا رهيفة وخضراء ماتتحمل كل البلاوي المتلتلة

دعوة مني لكم لطرح مالديكم من اسباب ودوافع هذا العمل من بعض الحريم

ودعوة للنساء والفتيات الامورات للدفاع عن انفسهن وابداء مالديهن

تحيات العجوز
عبدالله30
23-09-07, 05:46 am
أهلا عجوز سمنسي 0

لاتتخيل كثيرا كي لاتفتن 0

ادري ورب البيت لو تشيلين نقابك ان الصايم مايفطر من شينك لكن ليش تسوين كذا ؟

ليت النقاب على النساء محرم000كي لاتغر قبيحة سيمانسو0

تحياتي لك0
عجوز سمنسي
23-09-07, 05:49 am
أهلا عجوز سمنسي 0

لاتتخيل كثيرا كي لاتفتن 0



ليت النقاب على النساء محرم000كي لاتغر قبيحة سيمانسو0

تحياتي لك0

مايقهرك الا اللي يفهمك

وش دراك طيب اني اتخيل ؟ والا علشان انك عضو استشاري عرفت ؟

شفت يابو عابد وشلون فتنني؟

ماهقيت ان البراقع يفتنني
تلميذة الحياة
23-09-07, 05:50 am
ودعوة للنساء والفتيات الامورات للدفاع عن انفسهن وابداء مالديهن
أعوذ بالله من هذا العمل ..

هل اعتقتونا لوجه الله ياحريم؟

وربي انكم فتنة صارخة

سمنسي كااااااان يجب عليك انك تغض بصرك ..

خاصة إننا بشهرٍ فضيل..

.
اعلامي متعقل
23-09-07, 05:51 am
الموضوع خطير ...

وبنظري قضية القضايا .. في بريدة

ولدي الكثير ..حول هذا الموضوع

ولكن .. ابرز ما لدي ..حول ذلك

ملاحظة تلفت الانتباه ... بشدة في بريدة

وابغى اعبر عنها بصراحة تامة

وهي : ان العرض في بريدة .. اكثر من الطلب

واعني في الجملة السابقة ..

العرض اي الفتيات .. الواتي يرحبن

بالمتغزلين .. اي .. اننا وعكس مدن المملكة الاخرى ..

نجد فتيات .. متبرجات .. ما يصات

بينما .. نجد قلة من الشباب ....

هذا الامر اراهن عليه .. ومتأكد منه

مليون بالميه

ولي عودة في التفصيل .. حول ذلك

وللجميع خالص التحية والتقدير
ثلوج دافئه
23-09-07, 05:52 am
حضرت الشايب السمنسي
معروف أن البنت الي تحط مكياج أكيد مقصدها لفت الأنتباه والتباهي أمام الجميع
والي تسوي كذا أكيد عندها نقص وعدم ثقه بالنفس تبي كل الناس أتطالعها
وبعدين يالشايب أنت رايح تتسوق مع زوجتك ولا تطالع الحريم
ممكن أسأل وش معنى سمنسي تراني جديده ماعرفكم زين
تحياتي
فيصل...........
23-09-07, 05:54 am
ممكن استعراض للجمال
او اعماء للعيون لان كل ما زاد التكحيل للعين يودي للجهار والعماء
بس انا ما عاد اروح عشان احافظ علي سلامت اعوناتي
فيصل...........
23-09-07, 05:58 am
الموضوع خطير ...

وبنظري قضية القضايا .. في بريدة

ولدي الكثير ..حول هذا الموضوع

ولكن .. ابرز ما لدي ..حول ذلك

ملاحظة تلفت الانتباه ... بشدة في بريدة

وابغى اعبر عنها بصراحة تامة

وهي : ان العرض في بريدة .. اكثر من الطلب

واعني في الجملة السابقة ..

العرض اي الفتيات .. الواتي يرحبن

بالمتغزلين .. اي .. اننا وعكس مدن المملكة الاخرى ..

نجد فتيات .. متبرجات .. ما يصات

بينما .. نجد قلة من الشباب ....

هذا الامر اراهن عليه .. ومتأكد منه

مليون بالميه

ولي عودة في التفصيل .. حول ذلك

وللجميع خالص التحية والتقدير

انا اختلف معك كلامك في نوع من المبالغة
شموخ العز
23-09-07, 05:59 am
الله يصلحن ذا البنــــــات مشغلااات السمنســـــــــــي
ليالي الشوووووق
23-09-07, 06:02 am
اليوم كان فيه زحمه شديده وكانت الهيئه موجودة وماقصرت يعني خلت الحريم يغطون نقاباتهم فمااشفت اللي تقوله الا ان كانك مبقق عيونك
ملاك الحبر
23-09-07, 06:06 am
مرحبا سمنسي


أولاً ومنذ قديم الأزل والأسواق أماكن تجمع الشياطين
((أحب البلاد إلى الله مساجدها، وأبغض البلاد إلى الله أسواقها)).
جيتك وجبت معي ملف القضية اللي رفعتها الله يعينك على إطالتي

ولمعلوميتك في (أحد المناطق) بالنسبة للنصف مكياج اللي تكلمت عنه
والذي يُعمل بالمشغل أن الأدهى العاملات بذلك الصالون يسألن الزبونة التي تطلب ماكياج العيون

" انتي تلبسين برقع ولا تتلثمين؟؟؟ هذا يعني أن العمل كله يتركز على منطقة العين المغرية !
كـــــــــلام صحيح وموجود والعبايات كثير تغيرت أشكالها في الفترة الأخيرة

ويرجع ذلك لعدة أسباب:

التواجد الدائم بالسوق لضرورة أودونها والهياته
حب العناية بالمظهر وذلك يشمل الشنط والكعب والعباية ولاتستغرب فيه بنات يخافن أنو خوياتهن يشوفنهن بالسوق
حب لفت الإنتباه وهذا النوع يذهب من الأساس خصيصاً لهذا الشيء
كون ولي أمر هذه المراة من النوع الــ(الديوث وكلكم تعرفونه فهي لاتجد رادع لدى خروجها)



وهمسة في أذن المتبرجة
هل تعرفين بهذا
((أيما امرأة تطيبت ثم خرجت إلى المسجد لم تقبل لها صلاة حتى تغتسل))

فما بالك بالسوق؟؟

وهمسة في أذن المتجول مع أخته أو زوجته

((قل للمؤمنين يغضوا من أبصارهم))
اعلامي متعقل
23-09-07, 06:10 am
انا اختلف معك كلامك في نوع من المبالغة


هل أوضحت لي موطن المبالغة ..
عجوز سمنسي
23-09-07, 06:13 am
أعوذ بالله من هذا العمل ..



سمنسي كااااااان يجب عليك انك تغض بصرك ..

خاصة إننا بشهرٍ فضيل..

.

ياتلميذة الحياة ؟ شكل الحياة ماعلمتك ان الحريم بالسوق يصدمنك صدم
حتى صرنا يالرجال نباري الساس اللي المفروض تسويه الحريم وتبعد عن الرجال

تصدقين مرة دخلت مع احدى محارمي مطعم عائلي المهم رقيت الدرجة وانا طالع الا فيه وحدة مقرودة ماتعرف الشايب السمنسي تنزل وتقول ليه ماتنزل يوم شفتني ؟

قلت وليه ماتوقفين الين اطلع انا ؟ لكن البجاحة وقلة الحياء عندكن صارت موضة

تاففت وطست عساها منب قايل
تعلمتي الحين من الحياة ؟ اجل نغض البصر ؟ هو عاد فيه بصر ؟
نـدى الـورد
23-09-07, 06:13 am
ماهقيت ان البراقع يفتنني

موكأنه عنوان موضوعي؟

اقول حقوق الطبع محفوظه

.
عازفة ألحان الليل
23-09-07, 06:15 am
مادري والله وش قصدهن من التزين للسوق
بس السؤال هو لمن تتزين <<هنا الطامة الكبرى
عجوز سمنسي
23-09-07, 06:16 am
الموضوع خطير ...

وبنظري قضية القضايا .. في بريدة

ولدي الكثير ..حول هذا الموضوع

ولكن .. ابرز ما لدي ..حول ذلك

ملاحظة تلفت الانتباه ... بشدة في بريدة

وابغى اعبر عنها بصراحة تامة

وهي : ان العرض في بريدة .. اكثر من الطلب

واعني في الجملة السابقة ..

العرض اي الفتيات .. الواتي يرحبن

بالمتغزلين .. اي .. اننا وعكس مدن المملكة الاخرى ..

نجد فتيات .. متبرجات .. ما يصات

بينما .. نجد قلة من الشباب ....

هذا الامر اراهن عليه .. ومتأكد منه

مليون بالميه

ولي عودة في التفصيل .. حول ذلك

وللجميع خالص التحية والتقدير


جبتها ع الجرح يا اعلامي متعقل

هذا واقع بنات بريدة

يمكن ماتكون بنات بريدة
يمكن من الطرش اللي جاها من تالي

هات اللي عندك تكفى البنات تبي تجيك تمشي الف تنفخ علي
فيصل...........
23-09-07, 06:21 am
: ان العرض في بريدة .. اكثر من الطلب .. استاذ اعلامي
سراحة قوية ومبالغة زايدة ولو قلت في كل المملكة كان احسن
بس المصيبة انك خصصت انا ما انفي هذا الشي بس ليس
بالصيغة اللي ذكرت
اشكرك علي اهتمامك
ولك جزيل الشكر
عجوز سمنسي
23-09-07, 06:21 am
حضرت الشايب السمنسي
معروف أن البنت الي تحط مكياج أكيد مقصدها لفت الأنتباه والتباهي أمام الجميع
والي تسوي كذا أكيد عندها نقص وعدم ثقه بالنفس تبي كل الناس أتطالعها
وبعدين يالشايب أنت رايح تتسوق مع زوجتك ولا تطالع الحريم
ممكن أسأل وش معنى سمنسي تراني جديده ماعرفكم زين
تحياتي


ثلوج دافئة ؟ وين هي فيه الثلوج هذي؟ نبي نروح نتدفى فيها بالشتاء

انا مارحت اتسوق مع احد ياثلوج

شكلك ماعرفتي السمنسي الى الحين

تبون تعلمونها يابنوتات والا اعلما انا ؟ علموها من الفاتح ( ودي اعرس لكن خايف )
والا اقولك ياثلوج

خذي الرابط هذا
http://buraydh.com/forum/showthread.php?t=113633
جناان
23-09-07, 06:25 am
بعض النساء تضع مكياح للتسوق
والغرض معروف وهو للفتنة ولجذب الانتبااه.!!
احد اقاربي يقول لي ان احداهن تلاحقه وتقول له عطنا وجه.!!!!!!!
استغفر الله
اين الحياء .!! اين الخوف من الله ..!!
لا حول ولا قوة الا بالله

نسال الله للجميع الهداية والستر
شمعة امل
23-09-07, 06:28 am
اللهم عافنا مما ابتلاهن....

أخي عجوز للأسف هذا بلاء عظيم..نسأل الله السلامة منه

أما الأخ الذي خص فتيات بريدة فهذه أخي للأسف مبالغة عظمى ...ففتيات بريدة أغلبهن أشرف من ذلك

ونحمد الله أن مانعانيه شيء يسير مما يحدث بالمناطق الأخرى....ولم نصل ولله الحمد الى ماوصلوا إليه!!!

.

.
خالص ودي واحترامي للجميع..
تلميذة الحياة
23-09-07, 06:28 am
وانا طالع الا فيه وحدة مقرودة ماتعرف الشايب السمنسي تنزل وتقول ليه ماتنزل يوم شفتني ؟
قلت وليه ماتوقفين الين اطلع انا ؟
ماشاء الله عليكم .. طقيتوهاا سوالف بالدرج ..!!هههههه

تعلمتي الحين من الحياة ؟ اجل نغض البصر ؟ هو عاد فيه بصر ؟
عارفين وشايفين شلون لبس بعض البنات بالأسواق الله يهديهن ..

لكن الحل من طرفك انت, انك تغض بصرك
ومن طرفهن هن, انهن يتسترن ...

غيرو مافيه ..
عجوز سمنسي
23-09-07, 06:32 am
ماشاء الله عليكم .. طقيتوهاا سوالف بالدرج ..!!هههههه


عارفين وشايفين شلون لبس بعض البنات بالأسواق الله يهديهن ..

لكن الحل من طرفك انت, انك تغض بصرك
ومن طرفهن هن, انهن يتسترن ...

غيرو مافيه ..

صدقين ياتلميذة لو غضيت البصر راح اصدم الحريم مع كل جهه وتبي تصير طامة كبيرة مالها اول ولاتالي

احسن لي ما اغض البصر علشان اشوف طريقي

تصدقين فيه بنات ودهن الرجال يغضون البصر علشان يصدمونهن؟
عجوز سمنسي
23-09-07, 06:35 am
ممكن استعراض للجمال
او اعماء للعيون لان كل ما زاد التكحيل للعين يودي للجهار والعماء
بس انا ما عاد اروح عشان احافظ علي سلامت اعوناتي

فيصل فيصل فصولي *** معه سيف وبارودي
يرمي كل اليهودي

ياحبيل قلبك وسلامة عنونك واحسن شي انك اتخذت القرار انك ماتروح

بس لو بغيت شي وش تسوي ؟
ملاك الحبر
23-09-07, 06:38 am
صدقين ياتلميذة لو غضيت البصر راح اصدم الحريم مع كل جهه وتبي تصير طامة كبيرة مالها اول ولاتالي

احسن لي ما اغض البصر علشان اشوف طريقي

تصدقين فيه بنات ودهن الرجال يغضون البصر علشان يصدمونهن؟


ههههه ....

مدري أحسها قوية ... لكن حاول اذا جيت تغض بصرك يصير اللي قدامك حفرة او شيء من هالقبيل ...

ههههه اتسذب تراي!
اعلامي متعقل
23-09-07, 06:40 am
ااخي .. فيصل اذا كنت تقصد في المبالغة

قولي قضية القضايا ..

فهي قضية القضايا .. بسبب ان هذا الامر يترتب عليه امور كثيرة تفوق تصورتنا ..

فهو الشرارة .... الذي يحرق الفتاة .. فهي .. تحترق .. عندما تفقد

العذرية .. وتحترق عندما .. تقع ربة الاسره في شباك الغرام ....

نعم .. انا ذلك يحدث الان لسيدات

يا عزيزي .. ذلكم السوق

كان بداية النهاية لكثير من البيوت ..

لا اريد .. ان اتقمص .. شخصية الواعظ

فانا اكثر الناس .... حاجة للوعظ والنصيحة حول ذلك

ولاكن من واقع مشاهدات مستمرة .. وواقع يعيشه المجتمع

اما اذا كنت تعترض على مسألة العرض والطلب قد

يكون خانني التعبير قليلا .. ولكن ما اتحدث عنه

حاصل ولك ان تسأل رواد النخيل عن ذلك



اخي .. سمنسي ..
حساسية الموضوع .. تجعلني اتراجع عن البوح

بما جعبتي ..



وللجميع صادق الود والمحبة
الحصان الأسود
23-09-07, 06:41 am
شف يالسمنسي والله كنك تقول طلع لي اللي بقلبك من زمان

اسمع هالسالفة وماله إلا شهر تقريبآ

هذا انا الله يسلمك قدر الله علي ورحت للسوق :36_1_4[1]

ومن محل إلى محل المهم وقفت قريب من محل بيع مواد بلآستيكيه

أحتري اخوي الصغير يرجع

وإلآ وتجيك هاك المزيونه وتاقف قدامي بكل جراءه وعيونه على عيوني

وتقولي بكل حنااااان لو سمحت عندك مصاااااااااااااااااااااااااااص أنا ؟؟؟؟؟؟؟؟؟؟؟
ووالله مو باين علي ولأ واحد بالميه اني راعي المحل ( مواد بلاستيكيه )

بس تبي الصدق والله هجيت وطلعت من السوق كله بكبره .

ياشباب كل واحد يآخذ باله من بنات السوق ..تراهن ذئاب(ة)
عجوز سمنسي
23-09-07, 06:41 am
الله يصلحن ذا البنــــــات مشغلااات السمنســـــــــــي

اي والله ياملاك الكون ادعي لهم

وربي اشغلتني وهبلت قلبي وانا سمنسي
ثلوج دافئه
23-09-07, 06:42 am
يالسمنسي الثلوج هذي خاصه فيني ماحد يروحلها غيري حتى أهلي ماروحهم
وبعدين وشلون دخلت لحالك لسواق الي أعرفه أن الرجل مايدخل للمجمع بدون حرمه
وبعدين وشو الفاتح هذا الي وده يعرس وخايف ماااااااااااااااااااااافهمت شي
مارديت علي وش معنى سمنسي
عجوز سمنسي
23-09-07, 06:46 am
اليوم كان فيه زحمه شديده وكانت الهيئه موجودة وماقصرت يعني خلت الحريم يغطون نقاباتهم فمااشفت اللي تقوله الا ان كانك مبقق عيونك

اول مره اشوف الهيئة يقولون لا احد يتنقب

هذاك اول
الحين الشق اكبر من الرقعة
عاد البنات اللي تبي تقول سموا وابشروا ياهيئة
و سوق النخيل كبير ماشاء الله
وبعدين لاتدققين كثير يمكن مارحت بس اقول الكلام من بؤي
بنت البدائع
23-09-07, 06:49 am
بالسوق نرى عجب العجاب

من حال بعض البنات الله يهديهن

بس والله إنكم مغشوشين !!!

أنتم تنفتنون بهن

وحنا نشوفهن جوى المسجد اللي داخل السوق وتحوم أكبدنا

ومن أراد الإبتعاد عن الفتنه ماعلية إلا يغض البصر

واللي يبي يتعذب يبقبق عيونه وهو الخسران دنيا وآخرة
عجوز سمنسي
23-09-07, 06:50 am
يالسمنسي الثلوج هذي خاصه فيني ماحد يروحلها غيري حتى أهلي ماروحهم
وبعدين وشلون دخلت لحالك لسواق الي أعرفه أن الرجل مايدخل للمجمع بدون حرمه
وبعدين وشو الفاتح هذا الي وده يعرس وخايف ماااااااااااااااااااااافهمت شي
مارديت علي وش معنى سمنسي
ياسعدك بالثلوج

اجل انتي عايشة لعالم لحالك ؟

انا دخلت السوق بطريقتي الخاصة

ماخبرتهم يمنعون العزوبية العاقلين مثلي

<<< ايه هين بس
العجوز السمنسي هذا كانوا يسمونه الفاتح قديما

السمنسي ( خاصة )
اللهم اني صائم
عجوز سمنسي
23-09-07, 06:56 am
مرحبا سمنسي


أولاً ومنذ قديم الأزل والأسواق أماكن تجمع الشياطين
((أحب البلاد إلى الله مساجدها، وأبغض البلاد إلى الله أسواقها)).
جيتك وجبت معي ملف القضية اللي رفعتها الله يعينك على إطالتي

ولمعلوميتك في (أحد المناطق) بالنسبة للنصف مكياج اللي تكلمت عنه
والذي يُعمل بالمشغل أن الأدهى العاملات بذلك الصالون يسألن الزبونة التي تطلب ماكياج العيون

" انتي تلبسين برقع ولا تتلثمين؟؟؟ هذا يعني أن العمل كله يتركز على منطقة العين المغرية !
كـــــــــلام صحيح وموجود والعبايات كثير تغيرت أشكالها في الفترة الأخيرة

ويرجع ذلك لعدة أسباب:

التواجد الدائم بالسوق لضرورة أودونها والهياته
حب العناية بالمظهر وذلك يشمل الشنط والكعب والعباية ولاتستغرب فيه بنات يخافن أنو خوياتهن يشوفنهن بالسوق
حب لفت الإنتباه وهذا النوع يذهب من الأساس خصيصاً لهذا الشيء
كون ولي أمر هذه المراة من النوع الــ(الديوث وكلكم تعرفونه فهي لاتجد رادع لدى خروجها)



وهمسة في أذن المتبرجة
هل تعرفين بهذا
((أيما امرأة تطيبت ثم خرجت إلى المسجد لم تقبل لها صلاة حتى تغتسل))

فما بالك بالسوق؟؟

وهمسة في أذن المتجول مع أخته أو زوجته

((قل للمؤمنين يغضوا من أبصارهم))

ماشاء الله عليك ياعايشة لوحدك

يمكن علشان انك عايشة لوحدك تقولين الكلام الحلو
هي ابغض الاماكن الى الله علشان كذا نهي عن دخولها الا للضرورة مع دعاء الدخول للاسواق

نصف المكياج وما ادراك مانصفة

ماهبلنا غيره ياعايشة

الشكوى لله نبي نغض ابصارنا بس لو صدمت وحدة وجت الهيئة ابقول ترى عايشة هي اللي موصيتني اخليهم يجون يضفونك معي
تبين تطيحينن بحفرة ياللي ماتخافين ربك ؟ اوريك
اسم العضو
23-09-07, 06:59 am
ثلوج دافئة ؟ وين هي فيه الثلوج هذي؟ نبي نروح نتدفى فيها بالشتاء

انا مارحت اتسوق مع احد ياثلوج

شكلك ماعرفتي السمنسي الى الحين

تبون تعلمونها يابنوتات والا اعلما انا ؟ علموها من الفاتح ( ودي اعرس لكن خايف )
والا اقولك ياثلوج

خذي الرابط هذا
http://buraydh.com/forum/showthread.php?t=113633



اتق الله
مغازل وفي وضح النهار وفي الشهرالكريم

قال الله تعالى


وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا .
اعلامي متعقل
23-09-07, 06:59 am
بعض النساء تضع مكياح للتسوق
والغرض معروف وهو للفتنة ولجذب الانتبااه.!!
احد اقاربي يقول لي ان احداهن تلاحقه وتقول له عطنا وجه.!!!!!!!
استغفر الله
اين الحياء .!! اين الخوف من الله ..!!
لا حول ولا قوة الا بالله

نسال الله للجميع الهداية والستر

صورة مع التحية .. للاخ فيصل .. اعتراف .. انثوي

وهو نموذج بسيط ولدي قصص لا يسمح المقام في سردها ..

تحياتي
صقرالجزيرة
23-09-07, 07:00 am
لقـد أسمعـت لو ناديتَ حيًّـا ولكن لاحياةَ لمن تُـنادي

من زمان وحنّـا نتـكـلم وننصح عن ذا اللي يصيـر في ذا الاسواق الله يكـفـينا شرها

ولكن يبدو لي ولاادري يمكن انتم تخالفـوني اللي يبدو لي اننا " نـنفخ بقربةٍ منشقه "

لذلك شكـله لو نريح انـفـسنا قـبل لاتـنّـبحّ حلوقـنا كان أحسن

الصراحة انا ودي اسوّي مقابلة مع ذا الاشكال واسألهن: ماهو الشعـور الذي تحسسن به وانتن لابسات كذا هل تستمتعـن وانتن تشاهدن الرجال قاعـدين يثـولثـون أم ماذا ؟ :confused:

لكن مشكلة اخاف انه مايجوز أقابل معهن :29_1_8[1]

الا ياعجوز أغـديك بعـد تروح اليوم للنخيل يمكن لاحظوا اقول يمكن تكمل وتـشوف ماهو أدهى وأمر تعـرف فيه ناس فاهميـن اليوم الوطني غـلط :4[1]:

على فكرة قـبل لاأختم ابي أوصيكم ترى مانبي هوشات بالموضوع

واذا لاسمح الله صار هوشة والا شئ عـلطوول دقـوا علي بيجر عـلشان أجي أفـك الهوشة

والمعـذرة اذا كلامي فيه شئ يـزعّـل مع انه على حد علمي ان الحق ماينزعل منه

والقادم أحلى أخ سمنسي ولايهـونون الباقين وذلك القادم هو مثـل مارأيت انت بل ربما أدهى وأمر


:x3:صقرالجزيرة,,,
عجوز سمنسي
23-09-07, 07:08 am
اتق الله
مغازل وفي وضح النهار وفي الشهرالكريم

قال الله تعالى


وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا .

اسم العضو : قل خيرا او اصمت

يعني شارك بالموضوع والا شل خلاقينك وتوكل على الله
والا جبت لك من يصوعك هناك

وش مغازله يابعد روح ماما ؟ تبي تولفها علينا

اللهم اني صائم ياربي مع الاشكال
اعلامي متعقل
23-09-07, 07:08 am
اللهم عافنا مما ابتلاهن....

أخي عجوز للأسف هذا بلاء عظيم..نسأل الله السلامة منه

أما الأخ الذي خص فتيات بريدة فهذه أخي للأسف مبالغة عظمى ...ففتيات بريدة أغلبهن أشرف من ذلك

ونحمد الله أن مانعانيه شيء يسير مما يحدث بالمناطق الأخرى....ولم نصل ولله الحمد الى ماوصلوا إليه!!!

.

.
خالص ودي واحترامي للجميع..

اولا .. اختي ان لم أخص او احصر الامر .. ببنات بريدة .. انما قلت في مدينة ... بريدة

من اين .. تلك الفتيات اغلبهن .. من بريدة ازعلك الامر .. ام ضايقك .. هذا واقع

نعيشه ..
وانا لم اقل ان موضوع العزل ..... خاص ببريدة .. او ان تبرج ... بنات بريدة يفوق

بنات المناطق الاخرى .. و حددت ان المتغزلين من الشباب أقل من المناطق الاخرى

ففي الرياض مثلا تجد فتاة يلاحقها عشرات الشباب .. هنا هذا الامر لايحدث ويحدث العكس .. تجد شاب ... يلاحقه عشرات الفتيات

وللجميع صاق الود والاحترام
عجوز سمنسي
23-09-07, 07:12 am
موكأنه عنوان موضوعي؟

اقول حقوق الطبع محفوظه

.

تذكرينه يا اريج ؟
معليش انا هاكر يا اريجوووووووه

ماعندي شي اسمه حقوق طبع

اخذ اللي ابيه
عجوز سمنسي
23-09-07, 07:14 am
مادري والله وش قصدهن من التزين للسوق
بس السؤال هو لمن تتزين <<هنا الطامة الكبرى

هي فتاة ازها الشيطان ازا فزين لها عملها فرأته حسنا

تتزين لشيطانها
عجوز سمنسي
23-09-07, 07:20 am
: ان العرض في بريدة .. اكثر من الطلب .. استاذ اعلامي
سراحة قوية ومبالغة زايدة ولو قلت في كل المملكة كان احسن
بس المصيبة انك خصصت انا ما انفي هذا الشي بس ليس
بالصيغة اللي ذكرت
اشكرك علي اهتمامك
ولك جزيل الشكر

فيصل : اعلامي متعقل يقصد بالطرح هذا ان الانفتاح في بريدة اتسع في البنات اكثر فاصبحت البنات هي مجال هذا الوضع السيئ فاصبحت البنات بانفتاحها اللا معهود واللا معروف هي من تحاول جذب الشباب اكثر
بنت البدائع
23-09-07, 07:23 am
شفت شي وإستغربت :1856:

دخلت الرابط اللي حطه سمنسي لثلوج دافئه وإكتشفت حقيقه !! :22[1]:

كنت أحسبه عجيز صدق وبظني إن معه أربع حريم

وطلع عزوبي منتف ههههههه

ألا ويني أنا يوم أنتم جدل بهالموضوع :11[1]:

بغيت أرد بس لقيت قفل معشعش علية عناكب

شوري عليك لاتعرس <<<البنات مايبون الموسوس
عجوز سمنسي
23-09-07, 07:24 am
بعض النساء تضع مكياح للتسوق
والغرض معروف وهو للفتنة ولجذب الانتبااه.!!
احد اقاربي يقول لي ان احداهن تلاحقه وتقول له عطنا وجه.!!!!!!!
استغفر الله
اين الحياء .!! اين الخوف من الله ..!!
لا حول ولا قوة الا بالله

نسال الله للجميع الهداية والستر


الله لنا

قريبك شكله مزيون والا من البنت اللي الى الدرجة تبجحت وصل بها القبح والدشارة الى درجة انها تلاحق الرجل

قالوها لي بعضهم ان بعض البنات ترقمهم لكني ماصدقتها !!!!
الله يستر على بناتنا
اسم العضو
23-09-07, 07:25 am
هي فتاة ازها الشيطان ازا فزين لها عملها فرأته حسنا

تتزين لشيطانها

وأما عذاب الآخرة فأشد وأبقى، عذاب تذهل له النفوس وتتقطع له الأفئدة وتشيب من هوله الرؤوس عذاب شديد وموجع وأليم ومهين
معذب الجرابيع
23-09-07, 07:30 am
يا عجوزي الكريمه اشكرك على هالموضوع 000000بس لا تكثر من الروحات الى السوق
عجوز سمنسي
23-09-07, 07:31 am
اللهم عافنا مما ابتلاهن....

أخي عجوز للأسف هذا بلاء عظيم..نسأل الله السلامة منه

أما الأخ الذي خص فتيات بريدة فهذه أخي للأسف مبالغة عظمى ...ففتيات بريدة أغلبهن أشرف من ذلك

ونحمد الله أن مانعانيه شيء يسير مما يحدث بالمناطق الأخرى....ولم نصل ولله الحمد الى ماوصلوا إليه!!!

.

.
خالص ودي واحترامي للجميع..
شمعة أمل : اللهم عافهن مما ابتلاهن به ولاتبلانا

الا خ اعلامي متعقل لم يقصد التعميم فهو قصد الانفتاح الغير منضبط في بريدة وهذا هو الحاصل

انفتاحنا لم يكن بقدر المسؤولية

اتمنى فهم كلامه على محمل حسن
سـمـا
23-09-07, 07:37 am
الله يهدي الجميع

<<<مامعه حيل للمناقشات بس بتثبت وجوده وانه تراه قاريه الموضوع وتقل ماجازله

لان مو كل الموجوديين من بريدة يجون من كل حته
the-moon
23-09-07, 07:39 am
ياحبكم للأكشن
&نجدية كووول&
23-09-07, 07:41 am
عجوز أصلا البنات من فتح النخيل وهن منتهيات اللهم لا شماته

تخيل بالكليه يتواعدن بالنخيل كل خميس واذا ضاقت صدورهن راحن لمه

وعاد عيال بريده ماشاءالله مايحتاج بس قززز بنات خلق الله
عجوز سمنسي
23-09-07, 07:43 am
ا
اخي .. سمنسي ..
حساسية الموضوع .. تجعلني اتراجع عن البوح

بما جعبتي ..
وللجميع صادق الود والمحبة

اخي اعلامي متعقل : اتمنى ان لاتكون ذا حساسية زائدة من الردود عليك

اعرفك جريئا قويا في رايك

اتمنى ان تدلي بدلوك في الموضوع وان تنثر كنانتك وان ترمي ماتريد بقولك فلك الحق
هامة حاسوبية
23-09-07, 07:44 am
أيها الرجل العجوز

وكأنك تعلم أنني كنت أفكر بذلك

فعلا هناك نساء لا يخفن من الله !!

على أية حال خذ شهادة من هي من أهلهن ، ربع ماترا من تلك الأشكال الجذابة هي فعلا في الواقع جذابة ، أما الثلاثة أرباع فهي مابين المتوسطة والأقل !!

أما أنتم أيها الشباب فعليكم بغض البصر لعلكم تسلمون





تحيتي

هامة حاسوبية
اسم العضو
23-09-07, 07:52 am
لا يحل لأي رجل أن يمس امرأة أو يصافحها إذا كانت من غير محارمه وقد ورد في ذلك وعيد شديد عنه فقال الرسول صلى الله عليه وسلم ((لأن يطعن أحدكم في رأسه بمخيط من حديد خير له من أن يمس امرأة لا تحل له)) وهو حديث صحيح.
عجوز سمنسي
23-09-07, 07:54 am
شف يالسمنسي والله كنك تقول طلع لي اللي بقلبك من زمان

اسمع هالسالفة وماله إلا شهر تقريبآ

هذا انا الله يسلمك قدر الله علي ورحت للسوق :36_1_4[1]

ومن محل إلى محل المهم وقفت قريب من محل بيع مواد بلآستيكيه

أحتري اخوي الصغير يرجع

وإلآ وتجيك هاك المزيونه وتاقف قدامي بكل جراءه وعيونه على عيوني

وتقولي بكل حنااااان لو سمحت عندك مصاااااااااااااااااااااااااااص أنا ؟؟؟؟؟؟؟؟؟؟؟
ووالله مو باين علي ولأ واحد بالميه اني راعي المحل ( مواد بلاستيكيه )

بس تبي الصدق والله هجيت وطلعت من السوق كله بكبره .

ياشباب كل واحد يآخذ باله من بنات السوق ..تراهن ذئاب(ة)

ههههههههه

الحصان الاسود : طلعت مزيون وحنا مادرينا

لاتكون تبي المصاص اللي يجي بدعايات الفايقرا

الله يعطيهن الباحط وربي صارن مالغات بقلة الحياء اللي فيهن والبجاحة الممجوجة بالقبح

ذكرتني بالشحاذات اللي يكشخن ويجنك وهن بقمة التزين والتمكيج والتعطر وتشحذ

عاد افهمها
عجوز سمنسي
23-09-07, 08:03 am
بالسوق نرى عجب العجاب

من حال بعض البنات الله يهديهن

بس والله إنكم مغشوشين !!!

أنتم تنفتنون بهن

وحنا نشوفهن جوى المسجد اللي داخل السوق وتحوم أكبدنا

ومن أراد الإبتعاد عن الفتنه ماعلية إلا يغض البصر

واللي يبي يتعذب يبقبق عيونه وهو الخسران دنيا وآخرة

طيب يابنت البدائع

تلاقينهم هم يقولون عنك نفس الشي

يعني كلكم بالهواء سوا كشابير

امزززززززح لايجين الحين الملاس حق الشوربة
نـدى الـورد
23-09-07, 08:06 am
يحليلكم هذا هو النخيل اجل

لما تروحون يم الراشد ويش تقولون...!!


.
&نجدية كووول&
23-09-07, 08:10 am
اريج الحياه ...تخيلي مره بالراشد وكنا نمشي مر بجنبنا 4شباب

وقعدوو يضحكون على اشكالنا على علشان علينا عبايات على الرأس

ودي اقوم واكفخه متحشمه ولا متبرجه هم كذا
نـدى الـورد
23-09-07, 08:15 am
اريج الحياه ...تخيلي مره بالراشد وكنا نمشي مر بجنبنا 4شباب

وقعدوو يضحكون على اشكالنا على علشان علينا عبايات على الرأس

ودي اقوم واكفخه متحشمه ولا متبرجه هم كذا

حبيبتي اذا كانوا بيضحكون يضحكون على حالهم

وانا متاكده انهم مايخلون خواتهم بعبايات تبرج

عموما هذا طبع الرجاجيل عيونهم زايغه لو لبستي خيشه



.
عجوز سمنسي
23-09-07, 08:17 am
لقـد أسمعـت لو ناديتَ حيًّـا ولكن لاحياةَ لمن تُـنادي

من زمان وحنّـا نتـكـلم وننصح عن ذا اللي يصيـر في ذا الاسواق الله يكـفـينا شرها

ولكن يبدو لي ولاادري يمكن انتم تخالفـوني اللي يبدو لي اننا " نـنفخ بقربةٍ منشقه "

لذلك شكـله لو نريح انـفـسنا قـبل لاتـنّـبحّ حلوقـنا كان أحسن

الصراحة انا ودي اسوّي مقابلة مع ذا الاشكال واسألهن: ماهو الشعـور الذي تحسسن به وانتن لابسات كذا هل تستمتعـن وانتن تشاهدن الرجال قاعـدين يثـولثـون أم ماذا ؟ :confused:

لكن مشكلة اخاف انه مايجوز أقابل معهن :29_1_8[1]

الا ياعجوز أغـديك بعـد تروح اليوم للنخيل يمكن لاحظوا اقول يمكن تكمل وتـشوف ماهو أدهى وأمر تعـرف فيه ناس فاهميـن اليوم الوطني غـلط :4[1]:

على فكرة قـبل لاأختم ابي أوصيكم ترى مانبي هوشات بالموضوع

واذا لاسمح الله صار هوشة والا شئ عـلطوول دقـوا علي بيجر عـلشان أجي أفـك الهوشة

والمعـذرة اذا كلامي فيه شئ يـزعّـل مع انه على حد علمي ان الحق ماينزعل منه

والقادم أحلى أخ سمنسي ولايهـونون الباقين وذلك القادم هو مثـل مارأيت انت بل ربما أدهى وأمر


:x3:صقرالجزيرة,,,
ليتك تحط مقابلة وتشوف المياعة والصياعة ياصقر الجزيرة

شفهن بقناة الحريم ( الاخبارية ) لثام وعباية مخصرة وكحل وعطر ومسكرة وبلاوي متلتلة
وش يبي يقولن لك ؟ يبي يقولن هذولا شباب عيونهم زايغة ومايستحون على ارواحهم

شفت البياخة ياصقر الجزيرة؟
عاد الله يستر بكره من تخلف المراهقات بكره

ماودي اروح اخاف على نفسي من البنات يخطفوني

اصلا البنات عيونهم هي اللي زايغة بعيد عنك

ترن ترن ترن

دق البيجر عندك ؟ ايه بس بغيت اقولك ترى ماصارت هوشات الى الحين ربك ساترها تبي تجيك انتظار واختها شموع تحت المطر ويبون يخربونها مه التلميذة حقت الحياة

كلامك ياسيدي مايزعل وهو عين العقل يابعدي

لكن الله يعين على الجاي ضيقت صدري

متى تمر علينا وتعطر متصفحي بمرورك؟
&نجدية كووول&
23-09-07, 08:20 am
عجوز رجااااااااااااااء لا دخلني مع شموع وهي مو اختي

وبعدين رديت على موضوعك ولا خربت فيه ما ينسلم منكم وه بص
اسم العضو
23-09-07, 08:21 am
حبيبتي اذا كانوا بيضحكون يضحكون على حالهم

وانا متاكده انهم مايخلون خواتهم بعبايات تبرج

عموما هذا طبع الرجاجيل عيونهم زايغه لو لبستي خيشه



.

ليس كل الرجال عيونهم زايغه
لماذ حذف الرد السابق لعدم صحته
بنت البدائع
23-09-07, 08:24 am
طيب يابنت البدائع

تلاقينهم هم يقولون عنك نفس الشي

يعني كلكم بالهواء سوا كشابير

امزززززززح لايجين الحين الملاس حق الشوربة


ألا أنا اللي أبجيب مغرفة الجريش مو الملاس :for1:

لاتعمم جزاك الله خير أنا قلت البعض ولا أزكي نفسي بعد
~ مي ~
23-09-07, 08:40 am
هو الصراحة الظاهرة هذه تعتبر طبيعية الى حد ما
ولكن لاتظهر هذه السمة إلا في غياب الوازع الديني
فيكون الحكم عسير ..... وغير مقبول اجتماعيا ...
ولكن مانحث عليه هو تعزيز الوازع الديني في الفتاة
وخصوصا على من هن صغيرات في السن من تعودن
على لباس معين ولوك معين ......
فالتأكيد عليهن ضروري جداااااا .....
عجوز سمنسي
23-09-07, 08:43 am
شفت شي وإستغربت :1856:

دخلت الرابط اللي حطه سمنسي لثلوج دافئه وإكتشفت حقيقه !! :22[1]:

كنت أحسبه عجيز صدق وبظني إن معه أربع حريم

وطلع عزوبي منتف ههههههه

ألا ويني أنا يوم أنتم جدل بهالموضوع :11[1]:

بغيت أرد بس لقيت قفل معشعش علية عناكب

شوري عليك لاتعرس <<<البنات مايبون الموسوس

شفتي شلووووووووون اجل ؟

طلع الشايب السمنسي فرفور ومدلع

ياشيخة خافي ربك معشعش من الكبر وتقولين تسذا؟

عاد فاتك الموضوع

كان وربي متعة استانسنا فيه ايام وليالي طويلة

فاتتك عاد ومالك بالطيب نصيب المره هذي

الجايات اكثر واكثر ان شاء الله
جمان البحر
23-09-07, 08:44 am
المسألة لاتتعدى كونها حب للتقليد الاعمى ولجذب الانتباه ....

والله كنت أعتقد ان بنات بريدة أعقل من كذا لكن يوم الاربعاء ذهبت الى النخيل لاول مره في حياتي وذلك لكرهي للاسواق واكتفائي بما أشتريه من خارج بريدة ولكن هناك في النخيل هالتني المناظر عبائات على الكتف وبراقع طالع منها ثلاث أرباع الوجه والمكياج طبقات ..وعطورات وبلاوي تفضح ...

والقهر شفت ثنتين خوات يدرسن معي وعرفتهن من لجتهن وحنا بالمحل ويوم التفت تفاجأت مب هذولي هن اللي أعرف أحلى بكثيييييييييييير بالنقابات والمكياج والكحل اللي بحياتي ماشفنته عليهن ... وقلت أبتأكد يمكن اني غلطانه ويوم نادت واحدة منهن الثانية باسمها زال شكي وتيقنت منهن ..

ولكن ماأردت قوله من هذه القصة أن كلامك صحيح 100%..


وفي النهاية هذه شريحة بسيطة أتمنى أن لاتكون هي الطاغية على المجتمع البريداوي ...
ثلوج دافئه
23-09-07, 08:48 am
الحين تتكلمون عن حال البنات شوفو وضعكم قبل سهر بالأستراحات ولا ترزز بالنخيل وغيره وقز ببنات المسلمين لا وطايحين بحركات جديده البناطيل المخصره والبنطلون الميدي والبلايز الكن وشيل الحواجب والشعر الطويل الي الشين والزين قام يطوله مع الخيل ياشقرا وله الأشكال هذي لوتنفضه نفض ماتلقى معه عشره ريال صايرين مثل الدمى على بالهم يجذبون البنات والله حالكم أردى من حال البنات
الله يستر على الجميع
بصراحه شي يخجل
تحياتي
عجوز سمنسي
23-09-07, 08:50 am
وأما عذاب الآخرة فأشد وأبقى، عذاب تذهل له النفوس وتتقطع له الأفئدة وتشيب من هوله الرؤوس عذاب شديد وموجع وأليم ومهين


ياخوي انت ليه كذا قاسي بكلامك

على هونك وقل الله يهديهن ويصلحهن
على طول قلبتها نار جهنم عليهن

رفقا بالقوارير يادلعدي

مشكور ياغالي على مرورك وتشريفك
عجوز سمنسي
23-09-07, 08:54 am
الحين تتكلمون عن حال البنات شوفو وضعكم قبل سهر بالأستراحات ولا ترزز بالنخيل وغيره وقز ببنات المسلمين لا وطايحين بحركات جديده البناطيل المخصره والبنطلون الميدي والبلايز الكن وشيل الحواجب والشعر الطويل الي الشين والزين قام يطوله مع الخيل ياشقرا وله الأشكال هذي لوتنفضه نفض ماتلقى معه عشره ريال صايرين مثل الدمى على بالهم يجذبون البنات والله حالكم أردى من حال البنات
الله يستر على الجميع
بصراحه شي يخجل
تحياتي


هههههههههههههههههه
اتخيل روحي لابس جنز مخصر وناتف حواجبي ومسوي بسكرة وارمش بعيوني
اييييييييييه الله يرحمك ياجدتي نورة

عشنا وشفنا صارت البنات تقول عن حفيدك عويس التاسع عشر يلبس مخصر
يابنتي هذولا شباب صايعه مثل البنات اللي نتكلم عنهم

جيل خايس بعيد عنك وعن السامعين فيهم خلخلة بالجينات الذكورية وميلان للجينات الانثوية
شفتهم اكثر من مرة يرفع شقوته بطرف اصابعه وهو يوزع ابتسامات مغريه

حامت تسبدي

صدقتي لو تنفضينه وترجينه وتحوسين مريرة ماطلع قيمة الشاورما

الله يرمنا برحمته

وه بس
سـمـا
23-09-07, 08:56 am
ماش ياسمنسي ماعقلت

تكبر ويكبر خراشك

ابو طبيع مايجوز عن طبعه

عاد انا من اليوم ورايح ابخلي الهواش

بس عاد اعينوني على ذلك

لاتنرفزوني
أمــاسي ونص
23-09-07, 08:58 am
والله مادري انا ماعمري حطيت ميك اب
انا رايحه اشتري مارحت اعرض
لاكن الي رايحه تمشى وفاضيه تحط مكياج
اسم العضو
23-09-07, 09:00 am
وعيد شديد لمن مس امرأة لا تحل وفيه دليل تحريم مصافحة النساء من غير المحارم، لأن ذلك مما يشمله النهي دون شك وقد بلي بهذا كثير من المسلمين في هذا العصر فيجب التنبيه لهذا الأمر والتحذير منه.
فما بالك من يتعمد الأصتدام بالنساء با الأسواق !!!!
جمان البحر
23-09-07, 09:03 am
وعيد شديد لمن مس امرأة لا تحل وفيه دليل تحريم مصافحة النساء من غير المحارم، لأن ذلك مما يشمله النهي دون شك وقد بلي بهذا كثير من المسلمين في هذا العصر فيجب التنبيه لهذا الأمر والتحذير منه.
فما بالك من يتعمد الأصتدام بالنساء با الأسواق !!!!



من اللي قال انه راح يتعمد الاصتدام بهن ...؟؟

ترا العجوز ماقال كذا ... هو مجرد يمزح ولاجاب طاري تعمد الاصتدام ...
عجوز سمنسي
23-09-07, 09:07 am
وعيد شديد لمن مس امرأة لا تحل وفيه دليل تحريم مصافحة النساء من غير المحارم، لأن ذلك مما يشمله النهي دون شك وقد بلي بهذا كثير من المسلمين في هذا العصر فيجب التنبيه لهذا الأمر والتحذير منه.
فما بالك من يتعمد الأصتدام بالنساء با الأسواق !!!!

وانا اقول وش جاب طاري مصافحة امرأة اجنبية

اثاريك تقصدني ؟

جمان البحر اعقل منك وعلمتك
اسم العضو
23-09-07, 09:19 am
من اللي قال انه راح يتعمد الاصتدام بهن ...؟؟

ترا العجوز ماقال كذا ... هو مجرد يمزح ولاجاب طاري تعمد الاصتدام ...

دع عنك المراوغة والأثارة ياجمان

انا لم أقصد عجوزكم ...

هناك من يمتهن هذه المهنه اثناء الزحام !!!
ثلوج دافئه
23-09-07, 09:57 am
الله يصلحك يالسمنسي أنا ماقلت الجميع ولا عممت على كل الشباب وبصراحه منقهره
لاشفت الواحد منهم أصد من شينه
وبعدين عجبتني كلمت بنتي حلوه يابابا
تحياتي
عجوز سمنسي
23-09-07, 05:36 pm
يا عجوزي الكريمه اشكرك على هالموضوع 000000بس لا تكثر من الروحات الى السوق

ياعجوووووزك ؟

الحقوووووووووووه وين الهيئة تراه يتغزل فيني معذب الجرابيع يحسبني بنوته

كم صايد لك من جربوع ؟

والله ياقلبي يامعذبهم ماني راعي اسواق وربي لكن هي ظروف تحدك احيانا تشتري هدية او اي حاجة فتروح للسوق والا انا عارف وش فيها من بلاوي

شرفني مرورك ياقلبي
عجوز سمنسي
23-09-07, 05:38 pm
الله يهدي الجميع

<<<مامعه حيل للمناقشات بس بتثبت وجوده وانه تراه قاريه الموضوع وتقل ماجازله

لان مو كل الموجوديين من بريدة يجون من كل حته

يزيدنا شرف يا ام ارجوان وجودك بمتصفحي حلى لو مارديتي ياسيدتي

شكرا لمرورك وتشريفك لي
عجوز سمنسي
23-09-07, 05:50 pm
ياحبكم للأكشن

شفت وشلون ؟

نحبها ونموت فيها ياقمر

خاصة لما تكون معنا بعد يكون الاكشن عال العال
فتاة المستقبل
23-09-07, 06:22 pm
طيب وش الحل ؟؟؟ وش نسوي معهن ؟؟؟
أذكر مرة من المرات رايحة مع أمي للسوق وصادفتنا واحده من هالاشكال,, وأمي من النوع اللي ما يسكت ..
قالت له : تستري يا من الصلاح ..
هذيك نطت به : قضينا من الكليه جيتونا أنتم !!!
و بعضهن يسفهن ولا كأنها تقول شئ ..
وبعضهن تهاوش وتزاعق ...
سؤال : النقاب الضيق اللي فوقه غطوه خفيفه يفتن ولا لا؟؟؟ << يارب يقول لا ..
هدووء
23-09-07, 06:33 pm
آه ياعنووووني
مدري وش حادني اقرا كل الصفحات
العجوز احسبك قوي بصراحه ماحسبتك تخق بسرعه :)
نصيحه مني لك لاتعيدها مرا ثانيه وتروح للنخيل
وكانك تبي تشتري شي قل لأحد يشتري لك
انت ماتدري انك تفتن البنات ؟ الله يهديك بس
هالبنات اللي تحكي فيهن ترى 99% منهن يفتح الله
بس الماكياج يقلبهن قلب
تلقى مااحد عبرها وقالها ياحلوك وهي ماتغطت فتحط حيلها بماكياج العيون تبي تفتن الرجال الضعيفين مثلك يالشايب
شوري عليك ماتروح لهالأماكن
وان رحت غض بصرك أأجر لك وأرحم لحالتك :)
تحيتي إلك
ămōяẻ
23-09-07, 06:44 pm
هلا

وغلا وماخفي اعظم


ممكن يكون المكيياج
رخيص وفيه نوع خاص للسوق
ورخيص

عشان كذا يستعلمنه بعضا من النساء
عجوز سمنسي
23-09-07, 07:45 pm
عجوز أصلا البنات من فتح النخيل وهن منتهيات اللهم لا شماته

تخيل بالكليه يتواعدن بالنخيل كل خميس واذا ضاقت صدورهن راحن لمه

وعاد عيال بريده ماشاءالله مايحتاج بس قززز بنات خلق الله

انتظار : هلا بك

ايه عيال بريدة يبي يقزقزون

ليه مايقزقزون

تبين الغنادير تمر من قدامة والعين الكحيلة تبتسم له وهي لا بسه المخصر كل شي باين وماتبينه يقزقز ؟

الا يبي يقزقز ونص وزين بعد اذا ما انطلق رباطة
عجوز سمنسي
23-09-07, 07:49 pm
أيها الرجل العجوز

وكأنك تعلم أنني كنت أفكر بذلك

فعلا هناك نساء لا يخفن من الله !!

على أية حال خذ شهادة من هي من أهلهن ، ربع ماترا من تلك الأشكال الجذابة هي فعلا في الواقع جذابة ، أما الثلاثة أرباع فهي مابين المتوسطة والأقل !!

أما أنتم أيها الشباب فعليكم بغض البصر لعلكم تسلمون





تحيتي

هامة حاسوبية



اهلا بالهامة الحاسوبية

اجل القلوب والعقول عند بعضها والهم مشترك وبيننا

انا مايهمني اشكالهن الحقيقية بقدرمايهمني الفتنة الحاصلة منهن

انا ودي يفتشن احسن لي من انهن يحطن نقابات تخليني نولي من القزقزة

تبيننا نغض البصر ؟

ياليت نقدر قلوبنا ماتتحمل الزين النجدي
عجوز سمنسي
23-09-07, 07:57 pm
يحليلكم هذا هو النخيل اجل

لما تروحون يم الراشد ويش تقولون...!!


.

بعد انتي ياحليلك

الراشد تراه صار مثل قبة رشيد عندنا من قدمه

من طلعة الدنيا ماعند الشرقية غير الراشد يحتسون به
الراشد سوق صياعه وانا وقفت على مواقف فيه

سويت مره فيها رجل هيئة

بس منب معلمكم وش القصة
عاشق ديرتي بريده
23-09-07, 08:16 pm
اول مايشوف صاحب المحل المكياج ومياعة البنت على طول يخق وانواع التخفيضات !!!

خصوصا اذا صار البائع سعودي والله لو تضف البنت كل اللي بالمحل ولاتحاسب كان ماقال لها شي !!!

شبابنا مايتحملون النقاب وانواع التخفيضات !!!
ملاك الحبر
23-09-07, 08:41 pm
النتيجة :

أن السبب الأول لخروج المرأة للسوق هو الرجـــــــــــــــــــــل
....
كل شيء يدل على ان المراءة تروح للسوق بسبة الرجل
فهي قديما تروح تشتري له احسن انواع الهيل والقهوة ..او تروح تشتري القماش
وتخيط له قمصان او او او
ومن ناحية اخرى
فالمرأة تذهب إلى السوق لتنتقي لزوجها أحلى الملابس لتظهر أمامه بأحلى حُلة،،

ويساعدها في الانتقاء رجل المحل ايضا الذي قد يصدر منه ازعاجات في بعض المرات!!!

وتنتقى أحلى العطور كي لا يجد منها الزوج إلا أحلى الروائح

فيبدي لها المحاسب(رجل) احيانا روعة ذلك العطر ،،فيخرجن (غيرها) في المرة القادمة بشكل أحلى

وعباية افخم كي يبدي اعجابة المرة القادمة بالعطر وبصاحبته ايضاً

والفتاة الغير متزوجه ستخرج كي تنتقي ما يجعلها في أبهى شكل كي يُعجبون بها أولئك الذين عزموا على خطبتها لابنهم!

فاذا لم يعجبوا بها بهذا المجتمع (تقليدي الخطوبة) وتراجعوا عنها ستخرج الى السوق وهي تنتظر نظرات الإعجاب بكل بساطة فهي تعيش في فراغ دائم

وسيكون الملتفت إليها رجُل أيضاً في بلاد الشياطين

ويوما ما
تنجب المرأة وتحتفل بابنها الاول الذكر
وتخرج للسوق كي تشتري أجمل ما تراه لمولودها الأول لانه الرجل الذي ينتظره الغد وينتظر منها العناية التي تفوق ذلك

!. وتخرج أيضا بشكل معهود منها بالاناقة والترتيب لأنها لاتريد زوجها أن يُعجب باللواتي خرجن لأغراض أُخرى

فيُفتن البعض بها مع انهم السبب


ختاما وبعد نظريتي الأفلاطونية اللي لا تصدقونها كلها فيها نوع من الحقيقة ههه

ما أجمل أن يكون السبب في عدم خروجها الرجـــــــــــل
إذا كانت ستخرج لسبب لا أخلاقي
أو بشكل جذاب




تحيتي لكم
نـدى الـورد
23-09-07, 08:53 pm
بعد انتي ياحليلك

الراشد تراه صار مثل قبة رشيد عندنا من قدمه

من طلعة الدنيا ماعند الشرقية غير الراشد يحتسون به
الراشد سوق صياعه وانا وقفت على مواقف فيه

سويت مره فيها رجل هيئة

بس منب معلمكم وش القصة

لا يامعود طلع عندنا مارينا وشاطيء مول

والظهران مول

وكلها صياعه في صياعه

عموما خروج البنت للسوق وتبرجها

بسبب الرجل الرخمه الي مافي قلبه غيره على محارمه

ومعدومه رقابتهن من قبله

يعني بكل إختصار

الشيء السيئ بسبتكم

والزين بسبتكم بعد
.
البـــBADERـــدر B.D.Q
23-09-07, 09:01 pm
اولا .. اختي ان لم أخص او احصر الامر .. ببنات بريدة .. انما قلت في مدينة ... بريدة

من اين .. تلك الفتيات اغلبهن .. من بريدة ازعلك الامر .. ام ضايقك .. هذا واقع

نعيشه ..
وانا لم اقل ان موضوع العزل ..... خاص ببريدة .. او ان تبرج ... بنات بريدة يفوق

بنات المناطق الاخرى .. و حددت ان المتغزلين من الشباب أقل من المناطق الاخرى

ففي الرياض مثلا تجد فتاة يلاحقها عشرات الشباب .. هنا هذا الامر لايحدث ويحدث العكس .. تجد شاب ... يلاحقه عشرات الفتيات

وللجميع صاق الود والاحترام


صدقت صدقت صدقت :(
ملاك الحبر
23-09-07, 09:03 pm
لا يامعود طلع عندنا مارينا وشاطيء مول

والظهران مول

وكلها صياعه في صياعه

عموما خروج البنت للسوق وتبرجها

بسبب الرجل الرخمه الي مافي قلبه غيره على محارمه

ومعدومه رقابتهن من قبله

يعني بكل إختصار

الشيء السيئ بسبتكم

والزين بسبتكم بعد
.


نـــــــــــــــــــــظــــــــــــــريتي الأفلاطونية
صح!
عجوز سمنسي
23-09-07, 09:04 pm
النتيجة :

أن السبب الأول لخروج المرأة للسوق هو الرجـــــــــــــــــــــل
....
كل شيء يدل على ان المراءة تروح للسوق بسبة الرجل
فهي قديما تروح تشتري له احسن انواع الهيل والقهوة ..او تروح تشتري القماش
وتخيط له قمصان او او او
ومن ناحية اخرى
فالمرأة تذهب إلى السوق لتنتقي لزوجها أحلى الملابس لتظهر أمامه بأحلى حُلة،،

ويساعدها في الانتقاء رجل المحل ايضا الذي قد يصدر منه ازعاجات في بعض المرات!!!

وتنتقى أحلى العطور كي لا يجد منها الزوج إلا أحلى الروائح

فيبدي لها المحاسب(رجل) احيانا روعة ذلك العطر ،،فيخرجن (غيرها) في المرة القادمة بشكل أحلى

وعباية افخم كي يبدي اعجابة المرة القادمة بالعطر وبصاحبته ايضاً

والفتاة الغير متزوجه ستخرج كي تنتقي ما يجعلها في أبهى شكل كي يُعجبون بها أولئك الذين عزموا على خطبتها لابنهم!

فاذا لم يعجبوا بها بهذا المجتمع (تقليدي الخطوبة) وتراجعوا عنها ستخرج الى السوق وهي تنتظر نظرات الإعجاب بكل بساطة فهي تعيش في فراغ دائم

وسيكون الملتفت إليها رجُل أيضاً في بلاد الشياطين

ويوما ما
تنجب المرأة وتحتفل بابنها الاول الذكر
وتخرج للسوق كي تشتري أجمل ما تراه لمولودها الأول لانه الرجل الذي ينتظره الغد وينتظر منها العناية التي تفوق ذلك

!. وتخرج أيضا بشكل معهود منها بالاناقة والترتيب لأنها لاتريد زوجها أن يُعجب باللواتي خرجن لأغراض أُخرى

فيُفتن البعض بها مع انهم السبب


ختاما وبعد نظريتي الأفلاطونية اللي لا تصدقونها كلها فيها نوع من الحقيقة ههه

ما أجمل أن يكون السبب في عدم خروجها الرجـــــــــــل
إذا كانت ستخرج لسبب لا أخلاقي
أو بشكل جذاب




تحيتي لكم

كلام غير منطقي ولا صحيح

كل الحريم تروح تشتري لنفسها ملابس راقيه وعطورات واقمشة واللازي منه

يعني كل الحريم هذي راح تخربط وتلف وتدور ؟

البنت اللي مضبوطة ماراح احد يقرب لها قيد انملة

واللي فيها طهبلة ودشارة راح يتحرش فيها الزبال

ياست الكل ياعايشة لاترمي الرجل في الماء وتقولي له لاتغرق
ملاك الحبر
23-09-07, 09:11 pm
كلام غير منطقي ولا صحيح

كل الحريم تروح تشتري لنفسها ملابس راقيه وعطورات واقمشة واللازي منه

يعني كل الحريم هذي راح تخربط وتلف وتدور ؟

البنت اللي مضبوطة ماراح احد يقرب لها قيد انملة

واللي فيها طهبلة ودشارة راح يتحرش فيها الزبال

ياست الكل ياعايشة لاترمي الرجل في الماء وتقولي له لاتغرق

هههههههه


شكراً لك

كنت أبعمل اتجاه
<------
........
عجوز سمنسي
23-09-07, 09:14 pm
هههههههه


شكراً لك

كنت أبعمل اتجاه
<------
........

هههههههههههههههه
اي والله داري ياعايشة

الى الحين انتي عايشة لوحدك ؟ اللي يشوف كلامك ماشاء الله عليك يقول انك لافة العالم كله

لكنك عائشة لوحدك مع قلبك

ايه لفي السهم خلينا نولعها معكم
عجوز سمنسي
23-09-07, 09:24 pm
اريج الحياه ...تخيلي مره بالراشد وكنا نمشي مر بجنبنا 4شباب

وقعدوو يضحكون على اشكالنا على علشان علينا عبايات على الرأس

ودي اقوم واكفخه متحشمه ولا متبرجه هم كذا

انتظار : وش اللي رادك ؟ كان فصختي كندرتك الله يعزكم وخفستي راسة جليل الحياء

صياعة الشباب صح؟

وانتم كله ماشاء الله متحشمين الله يستر عليكم
ملاك الحبر
23-09-07, 09:28 pm
هههههههههههههههه
اي والله داري ياعايشة

الى الحين انتي عايشة لوحدك ؟ اللي يشوف كلامك ماشاء الله عليك يقول انك لافة العالم كله

لكنك عائشة لوحدك مع قلبك

ايه لفي السهم خلينا نولعها معكم


ممتاز جداً فهمك لمعنى معرفي
!!!
لأن بعضهم يحسبني عايشة لحالي بسم الله علي
لكنها وحدة الرأي،،وانفراد العاطفة،،وأن تكون آرائي مبنيه علي أنا وحدي دون تأثر بآراء الآخرين مع تقديرها وإحترامهم

بالنسبة للعالم لفيت البعض منه هههه
ومثقفة الله لايضرن بس أي كلام تقصد؟؟؟
رد بسرعة بروح للسوق هههه
عجوز سمنسي
23-09-07, 09:30 pm
حبيبتي اذا كانوا بيضحكون يضحكون على حالهم

وانا متاكده انهم مايخلون خواتهم بعبايات تبرج

عموما هذا طبع الرجاجيل عيونهم زايغه لو لبستي خيشه



.

غريبة يا اريج : الحين تشوفين البنات تتكشخ وتلبس احلى ماعندها وتتمكيج وتقولين الرجال عيونهم زايغة ؟

انتي صدقتي انتظار ؟ ماتدرين عنها

يمكن تجي عباة مخصرة على الراس

ههههههههههههه
والا ماتجي ؟ كل شي يصير بعالم خلاقينكم
عجوز سمنسي
23-09-07, 09:32 pm
ممتاز جداً فهمك لمعنى معرفي
!!!
لأن بعضهم يحسبني عايشة لحالي بسم الله علي
لكنها وحدة الرأي،،وانفراد العاطفة،،وأن تكون آرائي مبنيه علي أنا وحدي دون تأثر بآراء الآخرين مع تقديرها وإحترامهم

بالنسبة للعالم لفيت البعض منه هههه
ومثقفة الله لايضرن بس أي كلام تقصد؟؟؟
رد بسرعة بروح للسوق هههه


كلامك وروعة اسلوبك وسلاسة الحرف ينساب بين اناملك عبر قلمك وحبرك المتدفق بغزارة

ماشاء الله عليك الله لايضرك بس ياليتك رجل
شموع تحت المطر
23-09-07, 09:35 pm
عجوز ..باين من نيتك انك تبينا نتهاوش.. بس انا مو جاي على بالي كلش اترادد معاك..

بس اذا كنت تحسبنا بندافع عن الاشكال اللي بالنخيل يقطعن ويخسن..

مادري متى رايح للنخيل انت اذا امس السبت..فعلا انا كنت بالسيارة ونزلنا اختي وجلسنا ساعة الاربع بس بالسيارة من الزحمة عجزنا نطلع وسألت اختي وش فيه قالت مثل دايم عالم منتهيــــة واساساً فيه احتفال مسوينه السوق عشان الوطنيــة..

انا ماستغـــــرب اندفاعك وغيرتك هذي يمكن لانك اول مرة تشوف هالشي وبالذات هالوقت تصير بلاوي
أنا مرة رحت له كان في بداية اجازة الصيف ومعاي اختي وهي بالشرقية انصدمت تقول انتي متأكدة اننا ببريدة

تقول أنا تطير عيوني بالشرقية من الخلق شلون كذا أهل بريدة لحقوهـــــم..

بس تأكدوا ان الموجودين مو كلهم يمثلون بنات بريدة..صحيح نشوف البنات بالكلية ونتعجب منهم لكن اللي بالسوق فيه فئة كبيرة منهم من خارج بريدة..وخصوصا اننا بهالفترة الاغلب مو من بريدة..


تصدقون من ثمان شهور ماطبيته ودي اروح لــــــــــه..!! ودي اتفرج على الكرنفال حق البنات ...
عجوز سمنسي
23-09-07, 09:35 pm
عجوز رجااااااااااااااء لا دخلني مع شموع وهي مو اختي

وبعدين رديت على موضوعك ولا خربت فيه ما ينسلم منكم وه بص

انتظار : ولو انتي وشموع عندي سواء

بطاقة سواء هع
كلكم مع تلميذة وبنت بريدة متزعمين عصابة بنات

ابفكك الخلية وادمرها

<<<< تقطر سعابيله يوم تذكر الخلية
شموع تحت المطر
23-09-07, 09:38 pm
عجوز لاتتهم بنـــــــــــــــــــــــــات الناس واحترم نفسك

اذا تتطنز على صديقتي اقولك اوقف مكانك على بالك اذا شفت الشي هذا انه على الكل

اذا خواتك يلبسون الشي هذا..وخصوصا المخصرة اللي تقول فأنتظار وأنا نلبسهــــــــا..؟!

لاتتهجـــــــم وانتبه زين...وحط بالك..
شموع تحت المطر
23-09-07, 09:40 pm
لا حبيب امك انت احنى مو ســـــــــــواء

انا شموع وهي انتظار كل وحدة شي مختلف عن الثاني...

هي صديقتي فديت عيونها...وخليتنا..تبطي وانت تفككهـــــــــــا..

ترا الناس تصلي التراويح رح صل الله يخلف عليك..مو تروح للنخيل وتدج هناك لاللمسجد..
عجوز سمنسي
23-09-07, 09:42 pm
عجوز لاتتهم بنـــــــــــــــــــــــــات الناس واحترم نفسك

اذا تتطنز على صديقتي اقولك اوقف مكانك على بالك اذا شفت الشي هذا انه على الكل

اذا خواتك يلبسون الشي هذا..وخصوصا المخصرة اللي تقول فأنتظار وأنا نلبسهــــــــا..؟!

لاتتهجـــــــم وانتبه زين...وحط بالك..

شفتوا عقولهن ياشباب ؟ طارت بالعجة ياويلي

انا قايل انكم تلبسونهن انتي وخويتك ؟

انا قايل لاريج ماتدرين عنها يمكن لابسة عباية مخصرة على الراس

افهمي زين يا ولية

هذا يسمى تعليق من باب المزح والا يابنات فيه عباية على الراس مخصرة ؟

لكن دائما اللي عقله في وشرة تراه يبي من يكويه
عجوز سمنسي
23-09-07, 09:44 pm
لا حبيب امك انت احنى مو ســـــــــــواء

انا شموع وهي انتظار كل وحدة شي مختلف عن الثاني...

هي صديقتي فديت عيونها...وخليتنا..تبطي وانت تفككهـــــــــــا..

ترا الناس تصلي التراويح رح صل الله يخلف عليك..مو تروح للنخيل وتدج هناك لاللمسجد..

تحسبين التراويح نهابة

صلينا وقضينا

ترى المساجد تختلف
يعني حنا نصلي واخوي توه ماراح يصلي بجماعته

والا ذابحك النخيل بس كل شوي جايبته على لسانك
شموع تحت المطر
23-09-07, 09:46 pm
انت يالخبل..

لاتتهجم بالكلام وتجي تقول انتي طايرتن بالعجة..>>ماتلاحظ اني انا قايلتها لك من قبل وانت ماسكها

كل هذا ماعندك لسان تحفظ كلامنا وتجي تعيدة..؟

يوم قلت لك خواتك يسون الشي هذا ...>>غيرت رايـــــــــــــــــــــــك..

تتوقع حركاتك هذي تمشي علينا اصحى ياجدي..
عجوز سمنسي
23-09-07, 09:48 pm
انت يالخبل..

لاتتهجم بالكلام وتجي تقول انتي طايرتن بالعجة..>>ماتلاحظ اني انا قايلتها لك من قبل وانت ماسكها

كل هذا ماعندك لسان تحفظ كلامنا وتجي تعيدة..؟

يوم قلت لك خواتك يسون الشي هذا ...>>غيرت رايـــــــــــــــــــــــك..

تتوقع حركاتك هذي تمشي علينا اصحى ياجدي..

هههههههههههه

<<< يتخيل اخته العجيز تلبس عباية مخصرة

كان زين يمكن ترجع شباب

ليت لي خوات صغنونات مير انا محروم علشان كذا راحت عليك ياشموع
شموع تحت المطر
23-09-07, 09:50 pm
اجل شلون دخلت النخيل او معك العجوز تسحبها...

اجل محروم..>>والله كسرت خاطري.. من يدلعك اجل اذا ماعندك خوات..

يمكن امك ..الله يخليها لــــــك..
عجوز سمنسي
23-09-07, 09:54 pm
اجل شلون دخلت النخيل او معك العجوز تسحبها...

اجل محروم..>>والله كسرت خاطري.. من يدلعك اجل اذا ماعندك خوات..

يمكن امك ..الله يخليها لــــــك..

احيانا ادلع روحي

اناظر روحي بالمراية واقول ( قسي ) ياخنينوه دلبي انت

شفتي وشلون الحرمان وش يسوي؟
شموع تحت المطر
23-09-07, 10:05 pm
ياحول,, رحمتك الدعوى تدلع روحك بالمرايـــة..

عجوز لو تدخل كليتنا..وش تقول..

كان تطير عيوناتك...شي مايصدق فيه الا اللي يشوفة..

الكرنفال يومياً فيهـــــــــــــــــــــــــــا..!
نـدى الـورد
23-09-07, 10:11 pm
غريبة يا اريج : الحين تشوفين البنات تتكشخ وتلبس احلى ماعندها وتتمكيج وتقولين الرجال عيونهم زايغة ؟

انتي صدقتي انتظار ؟ ماتدرين عنها

يمكن تجي عباة مخصرة على الراس

ههههههههههههه
والا ماتجي ؟ كل شي يصير بعالم خلاقينكم

لامو غريب اخوي ولكن لاتنسا ان لكل ساقط لاقط يماثله ويرغب به

انتي صدقتي انتظار ؟ ماتدرين عنها

يمكن تجي عباة مخصرة على الراس

انا امرأه ولقد جربت نظرات الشباب رغم إحتشامي


.
عجوز سمنسي
24-09-07, 02:43 am
هو الصراحة الظاهرة هذه تعتبر طبيعية الى حد ما
ولكن لاتظهر هذه السمة إلا في غياب الوازع الديني
فيكون الحكم عسير ..... وغير مقبول اجتماعيا ...
ولكن مانحث عليه هو تعزيز الوازع الديني في الفتاة
وخصوصا على من هن صغيرات في السن من تعودن
على لباس معين ولوك معين ......
فالتأكيد عليهن ضروري جداااااا .....

المشكلة يامي اذا كان المربي او ولي الامر هو من غاب عنه الوازع الدين والقيمة الاخلاقية لديه معدمة للاسف

اننا بحاجة الى بلورة جديدة للتربية واعطاء جرعات حضارية دينية لنقي انفسنا هذه السلبيات

شكرا لك
عجوز سمنسي
24-09-07, 02:46 am
المسألة لاتتعدى كونها حب للتقليد الاعمى ولجذب الانتباه ....

والله كنت أعتقد ان بنات بريدة أعقل من كذا لكن يوم الاربعاء ذهبت الى النخيل لاول مره في حياتي وذلك لكرهي للاسواق واكتفائي بما أشتريه من خارج بريدة ولكن هناك في النخيل هالتني المناظر عبائات على الكتف وبراقع طالع منها ثلاث أرباع الوجه والمكياج طبقات ..وعطورات وبلاوي تفضح ...

والقهر شفت ثنتين خوات يدرسن معي وعرفتهن من لجتهن وحنا بالمحل ويوم التفت تفاجأت مب هذولي هن اللي أعرف أحلى بكثيييييييييييير بالنقابات والمكياج والكحل اللي بحياتي ماشفنته عليهن ... وقلت أبتأكد يمكن اني غلطانه ويوم نادت واحدة منهن الثانية باسمها زال شكي وتيقنت منهن ..

ولكن ماأردت قوله من هذه القصة أن كلامك صحيح 100%..


وفي النهاية هذه شريحة بسيطة أتمنى أن لاتكون هي الطاغية على المجتمع البريداوي ...

اليوم رحت لمحل كمبيوتر في طريق الملك عبدالله

للاسف الحال من اردى الى اردى حتى في شبابنا

عريبيا الدخلاء على البلد عاثوا فيها فسادا واستهبالا

اشياء وربي بكيت فيها من داخلي

نساء لابسة الملابس الضيقة والبنطال والملابس القصيرة التي تظهر الى ماحول الفخذين شفتهم وهم ينزلون من سياراتهم

يا امة ضحكت من جهلها الامم
ابوخالد382
24-09-07, 02:50 am
نساء لابسة الملابس الضيقة والبنطال والملابس القصيرة التي تظهر الى ماحول الفخذين شفتهم وهم ينزلون من سياراتهم

يا امة ضحكت من جهلها الامم
وأنت يالعجوز,ماشاء الله عليك شوفك قوي مع إنك ختيار,,,أنواع القززززززززز:10[1]:
عجوز سمنسي
24-09-07, 02:53 am
آه ياعنووووني
مدري وش حادني اقرا كل الصفحات
العجوز احسبك قوي بصراحه ماحسبتك تخق بسرعه :)
نصيحه مني لك لاتعيدها مرا ثانيه وتروح للنخيل
وكانك تبي تشتري شي قل لأحد يشتري لك
انت ماتدري انك تفتن البنات ؟ الله يهديك بس
هالبنات اللي تحكي فيهن ترى 99% منهن يفتح الله
بس الماكياج يقلبهن قلب
تلقى مااحد عبرها وقالها ياحلوك وهي ماتغطت فتحط حيلها بماكياج العيون تبي تفتن الرجال الضعيفين مثلك يالشايب
شوري عليك ماتروح لهالأماكن
وان رحت غض بصرك أأجر لك وأرحم لحالتك :)
تحيتي إلك
شفتي ياهدووء اني مالي قلب قوي

اخقها على طول وقلبي اخضر وسمنسي

عاد الحمدلله انك انتي اللي حكمتي على بنات جنسك ان 99% منهم كشابير

انا ماقلت شي
عجوز سمنسي
24-09-07, 02:56 am
وأنت يالعجوز,ماشاء الله عليك شوفك قوي مع إنك ختيار,,,أنواع القززززززززز:10[1]:

مايبي لها قزقزة يابو خالد

الدعوى واضحة
وبعدين لازم تبرق بالسيارات اللي قدامك لانك تنتظرهم يبعدون وماتدري الا اللي ينزلون

شي وشويات اللهم ياحافظ
ابو خالد : عديها يابعدي ولاتنتحت عيوني تعطيني عين تروحني فيها
&نجدية كووول&
24-09-07, 02:58 am
شايب سمنسي عليك توصيف ماشاءالله هاذا وأنت تمشي

أجل لو أنت جالس تتفرج وش تطلع بهن >>>أنواع القزززز >>>بريده
عجوز سمنسي
24-09-07, 02:59 am
هلا

وغلا وماخفي اعظم


ممكن يكون المكيياج
رخيص وفيه نوع خاص للسوق
ورخيص

عشان كذا يستعلمنه بعضا من النساء

هلا بالحاضر الغائب عموري بيه

وينك ياراااااقل من زمان ماشفناك

يارب المانع يكون خير

تدري ياعموري ان المكياج اللي يستخدمنه للسوق اغلى من المكياج اللي تحطه لزوجها ؟

هذا اذا حطت شي لزوجها
عجوز سمنسي
24-09-07, 03:06 am
ماش ياسمنسي ماعقلت

تكبر ويكبر خراشك

ابو طبيع مايجوز عن طبعه

عاد انا من اليوم ورايح ابخلي الهواش

بس عاد اعينوني على ذلك

لاتنرفزوني

والله يا ام ارجوان اني عاقل بس ماجنني الا انتم وهبالكم وصرقعتكم

والا بالله عليك انا وش حلاتي منول

روحي وشوفي مواضيع الفاتح وتدرين

المشكله اني انهبلت على كبر
اجل لو اشيب صدق وش يصير لي ؟

حسبي الله على ابليسكم
شموع تحت المطر
24-09-07, 03:07 am
عجوز لاتظلم المتزوجات

ترا اغلب اللي انت شفت بنــــات...
عجوز سمنسي
24-09-07, 03:12 am
والله مادري انا ماعمري حطيت ميك اب
انا رايحه اشتري مارحت اعرض
لاكن الي رايحه تمشى وفاضيه تحط مكياج

اماسي : رهيبة توقيعك صورة بابا عبدالله

<< عطهم على قد عقولهم يحبون يقولون بابا البنات

ايه اجل ماتحطين ميك اب ؟ وراه ماتحطين ؟

حطي معهم وكملي الناقص مابقى الا انتي ترى
&نجدية كووول&
24-09-07, 03:14 am
لا يا شايب مو كل البنات يحطون ميك أب

ثقتنا باأنفسنا كبيره
عجوز سمنسي
24-09-07, 03:15 am
عجوز لاتظلم المتزوجات

ترا اغلب اللي انت شفت بنــــات...

انا اتكلم بالعموم عاد ياشموع لاتدققين بالحيل ياغناتي

تبين بس تمسكيننا الشوش ونتهاوش؟

اعرفك ام اربع واربعين رجل
عجوز سمنسي
24-09-07, 03:19 am
طيب وش الحل ؟؟؟ وش نسوي معهن ؟؟؟
أذكر مرة من المرات رايحة مع أمي للسوق وصادفتنا واحده من هالاشكال,, وأمي من النوع اللي ما يسكت ..
قالت له : تستري يا من الصلاح ..
هذيك نطت به : قضينا من الكليه جيتونا أنتم !!!
و بعضهن يسفهن ولا كأنها تقول شئ ..
وبعضهن تهاوش وتزاعق ...
سؤال : النقاب الضيق اللي فوقه غطوه خفيفه يفتن ولا لا؟؟؟ << يارب يقول لا ..

اتوقع انك فطستي ضحك يوم امك قالت تستري

اصلا انتي فاطسة خلقة من يوم ربي خلقك
مير اللي تهاوش هذي فاصخة الحياء حتى الكبير ماله تقدير عندها

الله يصلح احوالكم
شموع تحت المطر
24-09-07, 03:20 am
عجوز... قسم انك تضحك

فسقان أنـــــــــــــت..

تدري عاد ودي ادخلك كليتنا عشان تطير عيونك

وحط في اعتبارك ان سبعين بالمية من البنات ..(اهل الفايزية).. عاد انت افهمها

والبنات الباقي تعال شوفوهم وطير مخك... قسم ان نتهبل..

عاد كليتنا ابو المكياج كله مهب شي النخيل...
عجوز سمنسي
24-09-07, 03:23 am
عجوز... قسم انك تضحك

فسقان أنـــــــــــــت..

تدري عاد ودي ادخلك كليتنا عشان تطير عيونك

وحط في اعتبارك ان سبعين بالمية من البنات ..(اهل الفايزية).. عاد انت افهمها

والبنات الباقي تعال شوفوهم وطير مخك... قسم ان نتهبل..

عاد كليتنا ابو المكياج كله مهب شي النخيل...

من اهل الفايزية ومن عيال عمهم اللي من برا
افهمها وهي طايرة ياشموع

ميك اب وريحة صنان

لايكون يجيبون معم سمن وبقل بعد ؟
عجوز سمنسي
24-09-07, 03:30 am
اول مايشوف صاحب المحل المكياج ومياعة البنت على طول يخق وانواع التخفيضات !!!

خصوصا اذا صار البائع سعودي والله لو تضف البنت كل اللي بالمحل ولاتحاسب كان ماقال لها شي !!!

شبابنا مايتحملون النقاب وانواع التخفيضات !!!

يخقونها على طول

بس تدري عاد ياعاشق

اعرف واحد سرمادي ياخذ من البنات اللي يبي ويدبل عليهن السعر

شيطان مريد
شموع تحت المطر
24-09-07, 03:32 am
لا ليت سمن وعسل ومادري وشو

الا ريحة حلب... تهج لآخر الدنيا...

وربي اننا نخلص عطوراتنا بأسبوع من كثر مانحاول تخفف من الجو العام..
عجوز سمنسي
24-09-07, 03:36 am
لا ليت سمن وعسل ومادري وشو

الا ريحة حلب... تهج لآخر الدنيا...

وربي اننا نخلص عطوراتنا بأسبوع من كثر مانحاول تخفف من الجو العام..

كل وحدة تجيب معها مروحة شفط ويالله يالله تخف الريحة

كود تلزقين بخشمك قارورة عطر
نـدى الـورد
24-09-07, 03:37 am
لا ليت سمن وعسل ومادري وشو

الا ريحة حلب... تهج لآخر الدنيا...

وربي اننا نخلص عطوراتنا بأسبوع من كثر مانحاول تخفف من الجو العام..

7

احمدي ربك ماجربتي الشيعه وريحتهم المميزه

.
شموع تحت المطر
24-09-07, 03:41 am
أريـــج،، الا اعرف ريحتهم

تصدقين الريحة كانت تجي مع اختي..خخخ نضحك عليها...

صدق الكل يتطور الا هالجنس...

وه بص..
عاشق ديرتي بريده
24-09-07, 03:50 am
أريـــج،، الا اعرف ريحتهم

تصدقين الريحة كانت تجي مع اختي..خخخ نضحك عليها...

صدق الكل يتطور الا هالجنس...

وه بص..

منهم الجنس هذا ياشموع !!

<<< مايدري منهم !!
شموع تحت المطر
24-09-07, 03:58 am
البدو..والشيعة..ياعاشق..

عاد مهب شغلي اذا صرت من حداهم..

انت اللي سألت..
عاشق ديرتي بريده
24-09-07, 04:01 am
البدو..والشيعة..ياعاشق..

عاد مهب شغلي اذا صرت من حداهم..

انت اللي سألت..


اهاااااا لا ماني منهم بس الحين يطبون عليك هههه
<<< ايقاله مايدري :36_1_18[1
نـدى الـورد
24-09-07, 04:01 am
البدو

احترمي نفسك ولاتقارنين البدو ب الشيعه


.
عاشق ديرتي بريده
24-09-07, 04:02 am
احترمي نفسك ولاتقارنين البدو ب الشيعه


.

ههههههههههههههههههههههه يالله ياشموع ردي
شموع تحت المطر
24-09-07, 04:03 am
أريج انا مااقصد البدو كلهم

احنى كلنا اصلنا بدو..يعني مانتكبر..

بس نشوف بدو قح..يعني مايعرفون عن الدنيا شي
وجهل بشكل كبير والتطور بعالم وهم بعالم..


فهمتي قصدي..
عاشق ديرتي بريده
24-09-07, 04:06 am
أريج انا مااقصد البدو كلهم

احنى كلنا اصلنا بدو..يعني مانتكبر..

بس نشوف بدو قح..يعني مايعرفون عن الدنيا شي
وجهل بشكل كبير والتطور بعالم وهم بعالم..


فهمتي قصدي..

مقارنه غير صحيحه
يكفي ان البدو مسلمين مو مثل الشيعه كفار !!
شموع تحت المطر
24-09-07, 04:10 am
عاشق لاتجيب العيد

وش كفار.. مهب كفار الشيعة...

انا ماقارنت بينهم..انا ذكرت مثالين...

افهموا زين لاتحومون كبدي...،،،،
عاشق ديرتي بريده
24-09-07, 04:22 am
عاشق لاتجيب العيد

وش كفار.. مهب كفار الشيعة...

انا ماقارنت بينهم..انا ذكرت مثالين...

افهموا زين لاتحومون كبدي...،،،،


بس برضوا يااختي شموع فيه بدو انظف من الف حضري !!!

وبعدين انا بنظري وعلى حسب فهمي ان الشيعه كلهم كفااااااااااار !!!
تلميذة الحياة
24-09-07, 04:39 am
اشوف الموضوع إتجه لمسار ثاني <-----------

ههههههههههه
اعلامي متعقل
24-09-07, 04:42 am
وش .. السالفة .. وش فيها الفايزية <<<<<<<<<<< واحد نجس

وبعدين يا عاشق خف على البنت تراها مرشحتك

تكون مشرف
نـدى الـورد
24-09-07, 05:42 am
شموع لاتبررين كلامك وقولك

بس اصحك تشبهين الحضري او البدوي

ب الشيعه الي يحللون ماحرم الله .. ويكرهون من يكن سني

وعبادتهم متنافيه مع عبادتنا
شموع تحت المطر
24-09-07, 05:49 am
حبيبتي اريج أنتي مافهمتي قصدي...

انا شبهت شين معين فيهم وأنتي اضفتي الشيعه

هذولاء منتهين منهم...مانتعب انفسنا بكلام فيهم

وارجع اقولك كلنا بدو...وماننكر اصلــــــــــنا...


حسبي على عدوك ياعاشق انت وسؤالك..صادقة انا يوم اقول انك بارد حتى بالفهم مو على طول تستوعب لاتسأل..شف السمنسي فهمها وهي طايرة مو مثلك..
الحصان الأسود
24-09-07, 05:49 am
مااااااااااااااااش

الموضوع

لف

على

شارع

التعصب :c9:
شموع تحت المطر
24-09-07, 05:51 am
الحصان ..حدد اي شارع...

انا عن نفسي ماقلــــــــــــت شي..
الحصان الأسود
24-09-07, 05:56 am
شارع التخلف وااااا .


خلين ساكت أزين
بنت البدائع
24-09-07, 06:06 am
غديك تفتح محكمه يالحصان الأسود بدال الصالون :4_1_101[1
اعلامي متعقل
24-09-07, 06:21 am
الحصان ........عادي ترى البدوي مافيها تعصب <<<<<<<< يارب الكلمة ما تزعل احد بس هذا المتعارف

عليه ....لو فيه كلمة بديلة استخدمته ...

عموما يقصد في الانسان البدوي ..... الشخص الذي لم يأخذ بوسائل واسباب التقدم ... يعني .. انسان .. مبتدئ

بس لا تخليها تعصب .... وسالفة .... عادي ....... اكرر .. اتمنى كلمي ما يكون زعل أي احد

بس حبيت اوضح المقصود بتلك الكلمة <<<<<<<<< ما حد طلب منك .... طيب

لك ..للجميع خالص الود والمحبة
شموع تحت المطر
24-09-07, 06:34 am
^
^
^
اعلامي..فديتــــــــــــــــــــــك....

وضح لهم ..لايذبحوني.. حسبي على ابليس عاشق كله منه...
اعلامي متعقل
24-09-07, 06:42 am
^
^
^
^
حاضرين بس احد يعترض
الوزيره
24-09-07, 06:50 am
يوووووووووه تعبت وانا اقرا في الموضوع أخذله ألف مسار قبل اخر صفحه وعادي هذا الشي المتعارف عليه

بس اذا تسمحولي (ترى انا ماتحمل هواش ولاأشارك علشان كذا) انتم ياأهل بريدة تموتون على كلمة هذا بدوي هذي بدوية عاد انا ماعلي من الباقي ولا مناقشتكم بس ملاحظة من أرض الواقع

أما بالنسبه للموضوع فأنا مثلكم أنفتن من البنات ودي أشوفهن فيس تو فيس أشكالهم مررره حلوه لكن الغالب اللي يلبسوا كذا يكونوا طبع فيهم متعودين يعني متفتحين أما الباقي اذا عرفت ياخوي السبب بلبسهم قولي

وياليت البنات تتحجب أستر عالأقل تدري أنها راح تعرف وداري على سمعتها والله الحجاب أستر من اللثامات وبلاوي هالوقت وأنا ماقولكم ماروح لا والله أروح كل أسبوع وانا وصديقاتي نتواعد بعد
اعلامي متعقل
24-09-07, 06:50 am
اشوف الحوار .. خرج عن النص .. بقوة

وين الادارة والمشرفين <<<<<<<< واحد خايف

وبعدين ... الموضوع ما توصلت فيه النتيجة ... و ما فيه احد تكلم

عن الحج .. اللي اليوم <<< امس بليل .......
صار في النخيل

انا رحت دقيقتين ... دخلت من عند بوابة جيان وانا اطالع من الدرج

على ساحة السوق تذكرت المسعى في الحج من الزحمة .. يعني معقولة كل هالعالم

وطنين .... واعلام وشغل ...
شموع تحت المطر
24-09-07, 06:53 am
لا اصبر لاتكب العشاء اذا هاوشوني على كلامي وضح لهم انا قلت كل اللي عندي

عاد لاجاء الشايب مادري شبسوي.....الله يستر منه..
اعلامي متعقل
24-09-07, 06:54 am
يوووووووووه تعبت وانا اقرا في الموضوع أخذله ألف مسار قبل اخر صفحه وعادي هذا الشي المتعارف عليه

بس اذا تسمحولي (ترى انا ماتحمل هواش ولاأشارك علشان كذا) انتم ياأهل بريدة تموتون على كلمة هذا بدوي هذي بدوية عاد انا ماعلي من الباقي ولا مناقشتكم بس ملاحظة من أرض الواقع

أما بالنسبه للموضوع فأنا مثلكم أنفتن من البنات ودي أشوفهن فيس تو فيس أشكالهم مررره حلوه لكن الغالب اللي يلبسوا كذا يكونوا طبع فيهم متعودين يعني متفتحين أما الباقي اذا عرفت ياخوي السبب بلبسهم قولي

وياليت البنات تتحجب أستر عالأقل تدري أنها راح تعرف وداري على سمعتها والله الحجاب أستر من اللثامات وبلاوي هالوقت وأنا ماقولكم ماروح لا والله أروح كل أسبوع وانا وصديقاتي نتواعد بعد


انت وزير ولا .. وزيرة وش فيك <<<< مضيع "ه"
شموع تحت المطر
24-09-07, 06:56 am
اعلامي قولنا وش صار بالنخيل...

عسى ماقضى السفن مثل العام... كل اللي بالنخيل معهم سفن عشانه اخضر...

ربي لك الحمد
الوزيره
24-09-07, 06:56 am
لا ياخوي أنا وزيرة ومفتونه تسمح ولا يزعلك
اعلامي متعقل
24-09-07, 07:03 am
لا ياخوي أنا وزيرة ومفتونه تسمح ولا يزعلك

لا لاوالله ما اقول شي... ما حب المشاكل شوف ... سيمنسي .. يمكن يزعله


شموع ... دقيقتين ما لا حقت اشوف السفن خلص ولا لا ... بس الدنيا خضراء

تقل في مزارع انيوزلند
شموع تحت المطر
24-09-07, 07:11 am
الوزيرة... شلون تاريخ تسجيلك من زمان وتوك تدخلين المنتدى....

>>تحقيق.....

الله يعين اللي بيحذف...سمنسي كلم ابو خالد خلة يجي يحذف هالحين دامنا رايقين عشان مانتهاوش معه..
ღ ][ وحيدة كالقمر ][ღ
24-09-07, 07:12 am
عجوز:
أنا وأنــــــــــــا بنت أنفتن قسم بالله.....

لاتحسبون بس أنتم اللي تنفتنون....يعني فيه شباب يفتنون.....


بس مو صايرين أكثر من الحريم فتنة.....تذكر كانت أولى فتنة بنو إسرائيل في النساء.....


الله يستر عليهن بس ويحفظهن ويهديهن...قسم بالله أتحسر لاشفت مثل هالأشكال...الحمد لله ع نعمة العقل والإسلام...

تصدق مرة قالت أختي المتزوجة بروح للنخيل باخذ غرض وأبمرك تروحين معاي...قلت اوكي

يوم عرف أخوي رفض أرووح وأنا والله حجابي كامل ولله الحمد....ولكن يقول..هناك بلاوي مو زلام تروحين معاها هي ترووح ...يقول انا فيه الظهر....عالم تعبانة وهو الظهر.....

الله يهدي الجميع بس.....

تحيتي لك....
اعلامي متعقل
24-09-07, 07:16 am
............. والله .. هذي .. قضية ....جدا .... خطيرة

تبغالها موضوع .... لحاله .... يعني ....

عشق .... الى .... اي ... مرحلة ؟؟
شموع تحت المطر
24-09-07, 07:18 am
^
^
اعلامي عشق وشو....؟؟

وضح معليش متنحين شوي..
اعلامي متعقل
24-09-07, 07:20 am
عيب المنتدى ........ ان ....... ما فيه ........ اشارة تنبية ...زي المسانجر


يعني ......... سيمنسي اللي يدور المشاكل .. ويتصيد الغالطات

للحين ما تدخل غريبة ؟؟!!

يعني تفتنكم .. البنات .. وش طبيعة الفتنة
شموع تحت المطر
24-09-07, 07:24 am
اعلامي قصدهم ان اشكالهم تصير حلوة وينجذبون لـــــها ويجلسون يدققون بالحفلة اللي مسويتها من مكياج وعباية كشخة وشنطة فخمة ....وهكذا..

دقيقين انتم ..والبنات على نياتهم... اللهم اني صائم..

بعدين وشو اشارة النتبيه اللي بالماسنجر انا ماتطلع عندي...؟ وشي هذي..
الوزيره
24-09-07, 07:26 am
[quote=شموع تحت المطر;1349589]الوزيرة... شلون تاريخ تسجيلك من زمان وتوك تدخلين المنتدى....

>>تحقيق.....



أنا عندي فوبيا منتديات وهالمنتدى سجلت فيه علشان وحده من البنات وتركته ومادري وش اللي طمس على قلبي وخلاني أشارك يمكن فرحة اليوم الوطني بس أظنها الأولى والأخيره انا لاأجيد فن الكلام
فور يو
24-09-07, 07:27 am
الموضوع خرج عن مساره ...

(( مغلق )) .