المساعد الشخصي الرقمي

مشاهدة النسخة كاملة : احترمووووووا بعضكم وجع !!!!

عاشق ديرتي بريده
20-09-07, 04:04 am
استغرب بعض الاوقات من الاعضاء !!!
احصلهم ببعض الردود زعلانين وماخذين الدعوى جد بجد !!!
ودي ادري وش يزعلهم ويرفع ضغطهم ويخليهم يوصلون لحد الهواش وقلة الادب !!

ياجماعة الخير يبقى المنتدى عباره عن مواضيع تمثل وجهة نظر الكاتب ولك حق تقبلها او ترفضها ومو ضروري انكم تقتنعون بس ضروري انكم تحترمون بعضكم !!!

يعني شخص يقول ان حريم السعوديات شينات وبعدين اذا قال شينات وش صار وهل كلامه فعلا صحيح بالتاكيد لا بس هو يشوفهن شينات وهو حر برايه !!

والعكس صحيح بنت تقول ان رجال السعودينن كشبارات وشينين وخير ياطير خلوها تقول اللي تبي تبقى وجهة نظرها !!!

صحيح ماابيكم تكونون سلبيين بس ماتوصل الدعوى لقلة الادب وعدم احترام الشخص المقابل !!

وبالاخير تكفوووووووون احترموا بعض اذا كان مو عشان كاتب الموضوع اقل شي احترموه عشان باقي الاعضاء والزوار !!!
Queen of buraydh
20-09-07, 04:08 am
اخ عاشق عنوانك خطيـــــــــــر وجع يوجع العدوووو
Queen of buraydh
20-09-07, 04:09 am
نسيت اعلق ع الموضوع ..

فعلاً اخ عاشق الاحترام مطلوب ,, والمزح له حدوووود

شكراً لك
شمعة امل
20-09-07, 04:09 am
لاعدمنا هذه الروح الطيبة...

شكراً لك أخي عاشق....
عاشق ديرتي بريده
20-09-07, 04:11 am
اخ عاشق عنوانك خطيـــــــــــر وجع يوجع العدوووو


هلا اختي ملكه
كلامي هذا من حر مااوجس !!
دلوعة جدها
20-09-07, 04:11 am
ايو الله انك صادق بس ماشاء الله عليك تعرف تضرب الامثال

بنات السعوديين شينات وعيال السعوديين كشبارات
عاشق ديرتي بريده
20-09-07, 04:28 am
نسيت اعلق ع الموضوع ..

فعلاً اخ عاشق الاحترام مطلوب ,, والمزح له حدوووود

شكراً لك

هلا اختي ملكه
المشكله ان اللي اشوفه ان المزح تعدى حدوده بكثيرررررر !!
عاشق ديرتي بريده
20-09-07, 04:29 am
لاعدمنا هذه الروح الطيبة...

شكراً لك أخي عاشق....

لا اختي شمعة امل
الروح الطيبه تعلمتها منكم ,,
عاشق ديرتي بريده
20-09-07, 04:30 am
ايو الله انك صادق بس ماشاء الله عليك تعرف تضرب الامثال

بنات السعوديين شينات وعيال السعوديين كشبارات

هلا اختي دلوعة جدها
مهوب انا اللي قلت الامثال هم قالوها وتهاوشوا !!

وشلون عيون جدك عساها اطيب ؟
اتعبني خطااااك
20-09-07, 04:31 am
تسلم

تحيااااااااااااااااااااااااااتي

:11_4_101[
سـمـا
20-09-07, 04:34 am
عاشق

تسلملي والله على طيبة هالقلب

عاشق لو بالدنيا فيه مثلك لو اثنين كان الدنيا كلها بسلام

اما وجع ذي شي

صدق طالعه من قلب

انا بالنسبة لي ماخذه كل المواضيع مزح بمزح

يعني وانا اتكلم واحكي مو قصد هواش

فقط رد اعتبار

ومثل مايقولون وحدة بوحدة

مشكور عاشق والله يكثر من امثالك
بنت البدائع
20-09-07, 04:34 am
عاشق

ماألومك على كتابة الموضوع

فعلاً المنتدى صاير كله حزازيات هاليومين

ومدافع وقنابل اللهم سلم سلم

ياليت أصحاب الكتابات الإستفزازية يطلعون بنتيجه من موضوعك هذا

شكراًَ لك
اتعبني خطااااك
20-09-07, 04:35 am
علئ فكره تراءي انواع الضحك علا هالردود والموضيع اللي تكتب
والله اخف احد يدخل علي وانا اضحك يقول استخفت البنت

ترا الموضيع اللي به هوش بس
يعني ماااااااااااااااااااازعل ولاانغث
....e7sas
20-09-07, 04:36 am
تنادي للإحترام وتختم كلامك بـــ ( وجع )
والله شي غريب !!!!


تحياتي
عجوز سمنسي
20-09-07, 04:38 am
اخي عاشق : والله انك شايب عرارة على كلمة وجع يوجعكم

بالنسبة لي والله ماعمري دخلت موضوع فيه بنفسي حزازيات

ادخله وانا مبتسم ومشبع بالضحك واخذ الامور من باب الاثارة والتعليق والمزح

لا اكثر والله ياسيدي من ذلك في نفسي وكلهم سواء بنات قريح شينات والا عيال كشابير

كلهم بالنسبة لي اخوة واحبة واقدرهم واحترم شخصهم حتى لو طال الكلام بالتعليق والقدح

واقسم على ذلك فهل تصدقوني؟
ابوخالد382
20-09-07, 04:39 am
عاشق ,بعضنا يفتقد لمعرفة كيفية الحوارات,وكذلك لاتنسى ثقافة (العيب) المعششة في مخيلة البعض وكأنهم لايعيشون واقعا يشهد إنفتاحا إعلاميا وفضائيا يعرض بين جنباته الغث الكثير والسمين القليل,وعندما تقوم بطرح موضوع جريء بكل سلبياته الحقيقية ينبريء لك البعض بكيل الإتهامات وإنك ماتستحي وهو تجده يتسمر بالساعات أمام الفضائيات اللي لك عليها,,ويجي بعدها بشن هجومه المضاد..معادلة غير عادلة .
في العالم يوجد إعلام وإعلام مضاد,,فلماذا نحن لانكون مثلهم ويصبح لدينا إعلام مضاد لما يتم عرضه أو بثه ونقوم بطرح مواضيع بعيدة كل البعد عن ثقافة (العيب) والتي عفى عليها الزمن وتكون بعيدة عن مايخدش الحياء والذوق العام .دمت بخير
رحّــال
20-09-07, 04:49 am
ياناس وش فيها مواضيع اليوم كلها تتحدث عن ( الهواش ) اللي يصير في بعض الردود.....
شموع تحت المطر
20-09-07, 04:54 am
عاشق..

بمناسبة ايــــــش هالكلام.. وهالموضوع..

اهاه،،لاتكون شفت الهبال اللي الصبح...شي فنتاستك.. وانا استمتعت فيه بجد

عن نفسي..آخذ الامور بضحك عشان الاقي حاجة اضحك عليها واسجلها..

بس للأسف فيه ناس بستقصدوني أنا.. بس سياستي هي استفزارزهم وآخذ حقي بطريقتي منهم..

عاشق مثل ماقالت ام ارجوان لو فيه اثنين منك كان الحياة حلوة.. بس العالم المتحجرة والمتخلفة صعب تقنعهم
كأنك تنفخ بقربة مشقوقة..

احب اختم بكلامي..برسالة للحبايبي ابو خالد وفور يو.. لاتحذفون لي،، طيب... ياحلوين..

:)
هدووء
20-09-07, 05:12 am
ماشاء الله عليك ياعاشق
كلامك درر درر
بس وين الي يمتثل فيه
سبحان الله من دخول هذا الشهر الفضيل وانا مااشوف الا مواضيع تكثر فيها الحزازيات
لكن الله يعفي عن الجميع
انا عن نفسي لا أكن للأعضاء الا كل ود واحترام
واحاول اتجنب كثرة الرد والمشاركات في كثير من المواضيع التي تكثر فيها المناوشات
اخوي عاشق .. اشكرك على كتابتك هذا الموضوع للتذكير ..
تحياتي إلك
نـدى الـورد
20-09-07, 05:31 am
كيف تبينا نسمع كلامك وانت تقول وجع؟؟

غريب


.
@عيون الصقر@
20-09-07, 05:35 am
انت وابوخالد قلتوا اللي بالخاطر

تحياتي لكما اثنينكما الله يخليكما كلكما
شمس الرياض
20-09-07, 05:48 am
مرحبا عاشق

ملاحظه في بعض الردود هنا ترى ان الهدف من النقاش للمواضيع السابقه هو الضحك !!!!!!!

اخواني اخواتي هنا منتدى للحوار لنرتقي بالحوار ونطرح افكار

ونتبادل الحوارات الهادفه حتى لو اختلفنا يجب ان نرتقي بالكلمات

عموما يوجد في الجوار استراحة المنتدى مو بعيده

بعد ماتطلعون من العام سيده على طول الاسره والمجتمع على اليمين

وبعدها استراحه المنتدى في الوجه واضحه ماتضيع
تلميذة الحياة
20-09-07, 05:52 am
.
صحيح كل يمثل شخصيته بالمنتدى..

لكن اللي يقهر ان ابوخالد يمدح بنات سوريا

واذا مدحنا الشباب السوريين قام على ردودنا وحذفهن هههههههههه

جد يضحك ..

.
هدووء
20-09-07, 05:53 am
لاتفهمونه غلط طيب يمكن قصده يقول وجع يوجع عدوكم
الحصان الأسود
20-09-07, 06:46 am
المفروض كل اللي بالمنتدى يحلقون روسهم على الصفر :c9:

من شان ماأحد يمسك شوشة الثاني :36_1_12[1

عاشق :23_28_100
نـدى الـورد
20-09-07, 07:06 am
طيب الحصان الأسود واذا جاء العيد وروسنا على الصفر ويش نسوي؟


.
الحصان الأسود
20-09-07, 07:17 am
طيب الحصان الأسود واذا جاء العيد وروسنا على الصفر ويش نسوي؟


.

:ash: ودي اقولك لاتتعيدين واقعدي بالبيت بس أحاف تقولين حناااااا يالحريم مالنا حــظ ..:)
ابو عبادي 595
20-09-07, 07:24 am
اتمنى ان يرتقي بعض الاعضاء بالردود علي بعض المواضيع
لكي يتم الاستفاده بشكل افضل ... ولك تحياتي ،،،
عاشق ديرتي بريده
20-09-07, 02:25 pm
عاشق

تسلملي والله على طيبة هالقلب

عاشق لو بالدنيا فيه مثلك لو اثنين كان الدنيا كلها بسلام

اما وجع ذي شي

صدق طالعه من قلب

انا بالنسبة لي ماخذه كل المواضيع مزح بمزح

يعني وانا اتكلم واحكي مو قصد هواش

فقط رد اعتبار

ومثل مايقولون وحدة بوحدة

مشكور عاشق والله يكثر من امثالك

هلا اختي ام ارجوان
يوجد من هم اطيب مني بكثيررررررر بس بعظهم مايمسك اعصابه ابد وتحول عيونه اذا سبه احد !!!!
عاشق ديرتي بريده
20-09-07, 02:28 pm
علئ فكره تراءي انواع الضحك علا هالردود والموضيع اللي تكتب
والله اخف احد يدخل علي وانا اضحك يقول استخفت البنت

ترا الموضيع اللي به هوش بس
يعني ماااااااااااااااااااازعل ولاانغث

هلا اختي طيف
انتي ماتزعلين بس غيرك ينتفخ ويزبد ويخليها انتقام !!
عاشق ديرتي بريده
20-09-07, 02:30 pm
عاشق

ماألومك على كتابة الموضوع

فعلاً المنتدى صاير كله حزازيات هاليومين

ومدافع وقنابل اللهم سلم سلم

ياليت أصحاب الكتابات الإستفزازية يطلعون بنتيجه من موضوعك هذا

شكراًَ لك
هلا اختي بنت البدائع
فعلا صاير حزازيات وبلاوي وكلن له شله اعوذبالله صايرين بلد مستعمر !!
عاشق ديرتي بريده
20-09-07, 02:31 pm
تنادي للإحترام وتختم كلامك بـــ ( وجع )
والله شي غريب !!!!


تحياتي


هلا اخوي الامير
عندما قلت وجع فهو من محبتي لكم
فقول الام لابنها قم صل وجع تقصد فيها العتاب فقط !!
عاشق ديرتي بريده
20-09-07, 05:15 pm
اخي عاشق : والله انك شايب عرارة على كلمة وجع يوجعكم

بالنسبة لي والله ماعمري دخلت موضوع فيه بنفسي حزازيات

ادخله وانا مبتسم ومشبع بالضحك واخذ الامور من باب الاثارة والتعليق والمزح

لا اكثر والله ياسيدي من ذلك في نفسي وكلهم سواء بنات قريح شينات والا عيال كشابير

كلهم بالنسبة لي اخوة واحبة واقدرهم واحترم شخصهم حتى لو طال الكلام بالتعليق والقدح

واقسم على ذلك فهل تصدقوني؟

هلا اخوي عجوز والله اني مانب شايب ويمكني اصغر منك بس وش نسوي من الخوف اللي يطلع الشعره البيضاء !!

اخوي سمنسي وربي اعرف من مواضيعك انك طيب القلب بس مو كل الناس تفهمك !!!
يعني اريحلك لاتمزح مع الكل !!!

ونصدقك على قسمك .
عاشق ديرتي بريده
20-09-07, 05:19 pm
عاشق ,بعضنا يفتقد لمعرفة كيفية الحوارات,وكذلك لاتنسى ثقافة (العيب) المعششة في مخيلة البعض وكأنهم لايعيشون واقعا يشهد إنفتاحا إعلاميا وفضائيا يعرض بين جنباته الغث الكثير والسمين القليل,وعندما تقوم بطرح موضوع جريء بكل سلبياته الحقيقية ينبريء لك البعض بكيل الإتهامات وإنك ماتستحي وهو تجده يتسمر بالساعات أمام الفضائيات اللي لك عليها,,ويجي بعدها بشن هجومه المضاد..معادلة غير عادلة .
في العالم يوجد إعلام وإعلام مضاد,,فلماذا نحن لانكون مثلهم ويصبح لدينا إعلام مضاد لما يتم عرضه أو بثه ونقوم بطرح مواضيع بعيدة كل البعد عن ثقافة (العيب) والتي عفى عليها الزمن وتكون بعيدة عن مايخدش الحياء والذوق العام .دمت بخير


هلا ابوخالد
المشكله شف ردودهم وش حليلهم طيبين !!
بس اصبر كم يوم وخله يجي موضوع فيه نقاش على طول تجي ام العبند ويبدون بالهوشات من جديد !!!
عاشق ديرتي بريده
20-09-07, 05:20 pm
ياناس وش فيها مواضيع اليوم كلها تتحدث عن ( الهواش ) اللي يصير في بعض الردود.....

هلا اخوي رحال
بلا الهوشات ظاهره انتشرت بزود الايام هذي !!
عاشق ديرتي بريده
20-09-07, 05:24 pm
عاشق..

بمناسبة ايــــــش هالكلام.. وهالموضوع..

اهاه،،لاتكون شفت الهبال اللي الصبح...شي فنتاستك.. وانا استمتعت فيه بجد

عن نفسي..آخذ الامور بضحك عشان الاقي حاجة اضحك عليها واسجلها..

بس للأسف فيه ناس بستقصدوني أنا.. بس سياستي هي استفزارزهم وآخذ حقي بطريقتي منهم..

عاشق مثل ماقالت ام ارجوان لو فيه اثنين منك كان الحياة حلوة.. بس العالم المتحجرة والمتخلفة صعب تقنعهم
كأنك تنفخ بقربة مشقوقة..

احب اختم بكلامي..برسالة للحبايبي ابو خالد وفور يو.. لاتحذفون لي،، طيب... ياحلوين..

:)

هلا اختي شمووع
مير انتي اعوذبالله ناااااااااااااار شابه
<<< يخاف منك

وتراني مااقصدك انتي والا اثنين معك لا والله روحي شوفي اي موضوع لقرطبه تشوفين الهوشات وقلة الادب وروحي لموضوع احمد المهوس وشوفي وروحي لمواضيع سمنسي وشوفي يعني كثير من الاعضاء صايره انفسهم بروس خشومهم !!
عاشق ديرتي بريده
20-09-07, 05:25 pm
ماشاء الله عليك ياعاشق
كلامك درر درر
بس وين الي يمتثل فيه
سبحان الله من دخول هذا الشهر الفضيل وانا مااشوف الا مواضيع تكثر فيها الحزازيات
لكن الله يعفي عن الجميع
انا عن نفسي لا أكن للأعضاء الا كل ود واحترام
واحاول اتجنب كثرة الرد والمشاركات في كثير من المواضيع التي تكثر فيها المناوشات
اخوي عاشق .. اشكرك على كتابتك هذا الموضوع للتذكير ..
تحياتي إلك


هلا اختي هدوووووء بدون ماتقولي مابنفسك الكل يعرف اخلاقك وطيبتك
واكبر دليل اسمك هدوووووء ,
عاشق ديرتي بريده
20-09-07, 05:27 pm
كيف تبينا نسمع كلامك وانت تقول وجع؟؟

غريب


.

هلا اختي اريج
وجع عتاب المحب وانا احبكم وحبيت اعاتبكم ,,
عاشق ديرتي بريده
20-09-07, 05:29 pm
انت وابوخالد قلتوا اللي بالخاطر

تحياتي لكما اثنينكما الله يخليكما كلكما


هلا اخوي عيون الصقر
التحيه لك انت بالاول فأنت مدرسه نستقي منك الطيب ,
عاشق ديرتي بريده
20-09-07, 05:31 pm
مرحبا عاشق

ملاحظه في بعض الردود هنا ترى ان الهدف من النقاش للمواضيع السابقه هو الضحك !!!!!!!

اخواني اخواتي هنا منتدى للحوار لنرتقي بالحوار ونطرح افكار

ونتبادل الحوارات الهادفه حتى لو اختلفنا يجب ان نرتقي بالكلمات

عموما يوجد في الجوار استراحة المنتدى مو بعيده

بعد ماتطلعون من العام سيده على طول الاسره والمجتمع على اليمين

وبعدها استراحه المنتدى في الوجه واضحه ماتضيع

هلا اختي شمس
عندما تتحدثين فيجب علي الصمت والاستماع لكي استفيد منك
شاكر اختي على الاضافه ,,
عاشق ديرتي بريده
20-09-07, 05:33 pm
.
صحيح كل يمثل شخصيته بالمنتدى..

لكن اللي يقهر ان ابوخالد يمدح بنات سوريا

واذا مدحنا الشباب السوريين قام على ردودنا وحذفهن هههههههههه

جد يضحك ..

.


هلا تلميذه
وانتي الى الحين حمقه ههههههههههههههه
يبقى المنتدى كلام يكتب ويجب ان لايؤثر عليك بشي !!!

اذكر مره قالي واحد انت حمااار قلت له طيب قال وشلون طيب قلت واذا قلت لي حماار يعني ابصير حماار بس عرفت انك قليل ادب وقسم بالله قالي تكفى سامحني اول مره احس اني حمار !!!!
عاشق ديرتي بريده
20-09-07, 05:35 pm
لاتفهمونه غلط طيب يمكن قصده يقول وجع يوجع عدوكم

هلا اختي هدووء
كلمت وجع كلا راح يفهمها على حسب احترامه لي
فالذي يحترمي راح يفهمها انه كلمة عتب من محب واللي مايحترمني راح يفهمها انها قلة ادب !!
عاشق ديرتي بريده
20-09-07, 05:37 pm
المفروض كل اللي بالمنتدى يحلقون روسهم على الصفر :c9:

من شان ماأحد يمسك شوشة الثاني :36_1_12[1

عاشق :23_28_100


هلا اخوي الحصان الاسود

مشكور اخوي على المرور
عاشق ديرتي بريده
20-09-07, 05:39 pm
اتمنى ان يرتقي بعض الاعضاء بالردود علي بعض المواضيع
لكي يتم الاستفاده بشكل افضل ... ولك تحياتي ،،،



هلا اخوي ابو عبادي
قلت فااجدت بالكلام ,,
مشكور اخوي على الاضافه ,,
جمان البحر
20-09-07, 05:42 pm
أول ماقريت العنوان توقعت انه لك ....

معك حق ...بس قل لاخوياك هالكلام ....
صاحي ورايق
20-09-07, 06:14 pm
والله صدقت على ماطرحت
بعض الناس يخذها جد ,,,,,
إلينـ اليوم
20-09-07, 06:29 pm
مشكور اخوي عاشق
والصراحه انا اعجبت فيك بعد موقف صارمعاك مره
لاني رديت عليك بقسوه اشوي ولاحظت عليك ان معاملتك
معاي ماتغيرت هي هي وهذا عين العقل ومصدرالرجوله.
يعجبني طرحك الرائع اخوي عاشق
ولاتحرمنا من مواضيعك الحلوه ..

تشكرات...
عاشق ديرتي بريده
20-09-07, 08:24 pm
أول ماقريت العنوان توقعت انه لك ....

معك حق ...بس قل لاخوياك هالكلام ....

هلا اختي جمان البحر
ياحظي بديتوا تعرفوني بالعناوين !!!
اختي جمان كل الموجودين هنا اصدقاء لي وليس لي اصدقاء معينين وانتي منهم !!
هم قالوا وجهة نظرهم وانتي قولي وجهة نظرك بدون شد !!!
ღ ][ وحيدة كالقمر ][ღ
20-09-07, 08:53 pm
وبالاخير تكفوووووووون احترموا بعض اذا كان مو عشان كاتب الموضوع اقل شي احترموه عشان باقي الاعضاء والزوار !!!


تـــــــــــــــامر أمر.....


وصدقني ياعاشق المحترم يضل محترم....


ووجع يوجع العدوووو...ههههههه


تحيتي لك....
ღ ][ وحيدة كالقمر ][ღ
20-09-07, 09:03 pm
اخي عاشق : والله انك شايب عرارة على كلمة وجع يوجعكم

بالنسبة لي والله ماعمري دخلت موضوع فيه بنفسي حزازيات

ادخله وانا مبتسم ومشبع بالضحك واخذ الامور من باب الاثارة والتعليق والمزح

لا اكثر والله ياسيدي من ذلك في نفسي وكلهم سواء بنات قريح شينات والا عيال كشابير

كلهم بالنسبة لي اخوة واحبة واقدرهم واحترم شخصهم حتى لو طال الكلام بالتعليق والقدح

واقسم على ذلك فهل تصدقوني؟

أخوي عجوز سمنسي:
السلام عليكم ورحمته الله وبركاته:

اوكي مصدقينك!!!

لكن؟

وش يحدك ع مثل هالألفاظ..ع هالإثارة...تدري إن عقول الناس هنا مختلفة...وناس حساسة وناس مايهمه.. يعني كيف إذا انت ع قولتلك تحترمهم وتقدرهم وكلهم أخوة لك في الله...كيف تجرحهم وتتكلم عليهم كذا...كذا أحس الإحترام راح يزول مع كل كلمة...تجرح...أنا ماأقول لك ناظر نفسيات الناس وعامل كلن ع حسب نفسيته...لا أنت مو موكل ع مثل هالأشياء...بس أبغاك تخفها شوي أنت وابو خالد علينا إذا فتحتوا موضوع إثارة...يعني تخفون بألفاظكم شوي...نبي نظل أخوة...الكل منا يحترم الآخر..

كلامي مجرد وجه نظر حبيت أعلق فيها ع كلامك...تقبلتها بها ونعمة ماتقبلتها راحتك ماأجبرك...

تحيتي لك وبالتوفيق

&وحيدة كالقمر&
نـدى الـورد
20-09-07, 09:06 pm
هلا اختي اريج
وجع عتاب المحب وانا احبكم وحبيت اعاتبكم ,,

اجل جعلك ب المر :)

ابشر على خشمي

مو علشاني احترمك قلت عساك ب المر :e6:


.
عاشق ديرتي بريده
20-09-07, 09:50 pm
والله صدقت على ماطرحت
بعض الناس يخذها جد ,,,,,

هلا اخوي صاحي ورايق
مشكووووور اخوي
عاشق ديرتي بريده
20-09-07, 09:58 pm
مشكور اخوي عاشق
والصراحه انا اعجبت فيك بعد موقف صارمعاك مره
لاني رديت عليك بقسوه اشوي ولاحظت عليك ان معاملتك
معاي ماتغيرت هي هي وهذا عين العقل ومصدرالرجوله.
يعجبني طرحك الرائع اخوي عاشق
ولاتحرمنا من مواضيعك الحلوه ..

تشكرات...


هلا اخوي خوان
اقسم بالله ماعمري رديت على موضوع عشان الكاتب بل ارد علشان الموضوع نفسه
ان تدري ان بعض الاوقات ارد على موضوع ولاادري منه اللي كاتبه !!
عشان كذا مااشيل على احد بقلي اي شي وبالاخير نبقى اخوان ياخوان

ومشكور على الاطراء الطيب الذي لايخرج الا من شخص طيب ,,
....e7sas
21-09-07, 03:43 am
هلا اخوي الامير
عندما قلت وجع فهو من محبتي لكم
فقول الام لابنها قم صل وجع تقصد فيها العتاب فقط !!


والله اللي أسمعه أن الأم الحنونه اللطيفه تقول لولدها : ( قم صل بسم الله عليك )

تمنياتي لكم بأسلوب أرقى وألطف
عاشق ديرتي بريده
21-09-07, 04:24 am
وبالاخير تكفوووووووون احترموا بعض اذا كان مو عشان كاتب الموضوع اقل شي احترموه عشان باقي الاعضاء والزوار !!!


تـــــــــــــــامر أمر.....


وصدقني ياعاشق المحترم يضل محترم....


ووجع يوجع العدوووو...ههههههه


تحيتي لك....


هلا اختي وحيدة كالقمر
مايمر عليك عدو
فعلا المحترم محترم ولكن بعض الاوقات الشخص يطلع عن طوره ويتكلم كلام يستغرب انه طلع منه الكلام هذا !!
بس لو اخذ الدعوى كلها كتابات فلن يطلع عن طور ابد ,,,
مدرعمهـ
22-09-07, 06:00 am
اهلين خييييوا عاشق بس حبيت اعلق انوا بعض الاعضاء تصدر منهك تصرفات ماله دااااااااعي وترفع الضغط خذ مثل:

تتنزل موضوع ومن غير قصد تسقط كلمة (م ن ق و ل ) فتجده ينط لك من ثاني رد ويضع رابط الصفحه من المنتدى الي نقلت منه ويكون ردده على مو ضوعك الي يستحق النقاش والادلاء ( هذا الموضوع منقول ويجب ان تبين مصده)) تقل موكل يبحث بمصادر المواضيع فتجدك مضطر الى ان تعامله بنفس اسلوبه ال؟؟؟؟؟

هذا مثال لرفع الضغط وسوري ع الاطاله<<<<<<<<<<<<يارب يكون وصل المطلوب
عاشق ديرتي بريده
22-09-07, 03:14 pm
اهلين خييييوا عاشق بس حبيت اعلق انوا بعض الاعضاء تصدر منهك تصرفات ماله دااااااااعي وترفع الضغط خذ مثل:

تتنزل موضوع ومن غير قصد تسقط كلمة (م ن ق و ل ) فتجده ينط لك من ثاني رد ويضع رابط الصفحه من المنتدى الي نقلت منه ويكون ردده على مو ضوعك الي يستحق النقاش والادلاء ( هذا الموضوع منقول ويجب ان تبين مصده)) تقل موكل يبحث بمصادر المواضيع فتجدك مضطر الى ان تعامله بنفس اسلوبه ال؟؟؟؟؟

هذا مثال لرفع الضغط وسوري ع الاطاله<<<<<<<<<<<<يارب يكون وصل المطلوب


هلا اخت مدرعمه
وشلون ينسى كلمة منقول وهو مغير العنوان والا معغير كم كلمه !!
اللي يجيب موضوع منقول ولم يشير انه منقوول فهذا يعتبر عدم احترام المنتدى والاعضاء وعدم احترام لكاتب الموضوع الاصلي !
وليت كل الاعضاء يبحثون عن المنقولات لكي نفتك من الغش !!
ابوخالد382
22-09-07, 04:42 pm
وشلون ينسى كلمة منقول وهو مغير العنوان والا معغير كم كلمه !!
اللي يجيب موضوع منقول ولم يشير انه منقوول فهذا يعتبر عدم احترام المنتدى والاعضاء وعدم احترام لكاتب الموضوع الاصلي !
وليت كل الاعضاء يبحثون عن المنقولات لكي نفتك من الغش !!
بصراحة ماأدري كيف أشكرك ياعاشق على كفشك للمواضيع المنقولة ,تبي الصراحه الله يجزاك خير.
عاشق ديرتي بريده
22-09-07, 08:28 pm
بصراحة ماأدري كيف أشكرك ياعاشق على كفشك للمواضيع المنقولة ,تبي الصراحه الله يجزاك خير.


هلا اخوي ابوخالد
مافيه شي يستاهل الشكر انتم يالمشرفين مشغولين بشي اكبر من المواضيع المنقوله
وانا فرغت نفسي للشي هذا وحبيت اكون عون لكم
ولاتنسى يابوخالد اني عضو هنا وتهمني مصلحة منتداي ,,
عاشق ديرتي بريده
30-09-07, 02:43 am
جاء رمضان وقلت يمكن تربط شياطينهم !!
لكن طلع العكس صار هم يبون تربيط مهوب شياطينهم !!
ابو ريما الخالدي
30-09-07, 02:53 am
الاحترام مطلوب
في كل مكان
وليس فقط في المنتدى