لاتجري وتمارس رياضة عند المقاريــد ..!!

[راشد الصليحان]

دعيت إلى جلسة رمضانية في مخطط الحمراء بالقرب من مستشفى الولادة ببريدة ..!
هناك يجلس ربع لي من زمان ماشفتهم وبما اني احب الوصل وعدم القطاعة مع من اكلت عيش وملح معهم ..قبلت دعوة من احدهم في ليالي رمضان المباركة ...!

لبيت الدعوة وسيرت عليهم ...المهم كنا جلوساَ وإذا بأحد المارة يمارس رياضة المشي ..! وما أن اقبل ومر من عند الجالسين ...! إلا واستعرضوا اسمه وعمره وعدد زوجاته وعدد بناته وانسباه..واين يعمل ...اعطونا كشف كامل عن هذا الرجل الغافل المسكين ...!

بصراحة كان الجلوس اغلبهم تربويين ...تعجبت كثيراَ من الشرشحة والغيبة التي يمارسها هؤلا ..في هذه الليالي الفضيلة ..وقلت في نفسي إن كان هؤلا المعلمين ..يمارسون الغيبة بهذا الأسلوب كيف هو حال المراهقين والجهال ..؟؟

لكني خرجت من جلستي معهم في تلك الليلة ...بحقيقة ثابتة ..ان القرادة تجري في دم اهل الديرة ...وقلت في نفسي لاتجري ولاتمارس رياضة عند المقاريد ..!!

[الذاهـبـة]

الناس صارت تشقى ببعض بشكل مخيف .. !

اصبح الشخص المحبوب المرغوب .. هو اللي يجمع أخبار العالم ..

و عنده قصص و حكاوي حصرية .. و سرية ..

عن فلان و علان .. !

و العكس صحيح ..

يكرهون جلسة اللي ماله شغل بالعالم ..

ياهو يجيب النوم .. وسواليفه مالها طعم و لا تنعش القلب ..

بصراحة اتأسف لحالهم .. و اعمارهم الضايعة ..

في التنقيب و التفتيش خلف الآخرين ..

يازين النت .. و الله انه اطلق من اجتماعات الحش و البربرة و أكل لحوم ميته ..

[رتاج]

ههههههه هذه القراده من اثار الكوي

معوضين خير يا اهل بريده فإن موعدكم الجنه بإذن لله

[لمبـة شارع]

ههههههه هذه القراده من اثار الكوي

معوضين خير يا اهل بريده فإن موعدكم الجنه بإذن لله


على الأقل القرادة أحسن من القعدة بالقهاوي ومقابل السندي والباعشن!!




إيه ياراشد..


كم صار عدد زوجاته ؟؟

[الحصان الأسود]

من راقب الناس ماتَ همآ

الحقيقه هذا مرض متفشي بين الناس وفي الوقت الحاضر صاير وباء .

والناس صارت كل حكاويهم ببعض , والمشكله مايتناقلون إلا الهرج الشين , والرجال الآن يضاهون النساء

في الغبيه نسأل الله أن يبعدنا ويحمينا من هذا المرض .

( والغبيه ) في معناها ذكر أخاك بما يكره ..

قال رسول الله ـ صلى الله عليه وسلم ـ : هل تدرون ما الغيبة"؟ قلنا: الله ورسوله أعلم، قال: " ذِكْرُك أخاك بما

يكرهه"، قيل: أرأيت إنْ كان في أخِي ما أقوله؟ قال: "إنْ كان فيه ما تقول فقد اغْتَبْته، وإن لم يَكن فيه فقد بَهَتَّه"

رواه مسلم وأبو داود والترمذي والنسائي، سواء في ذلك أن يكون ما يكرهه الإنسان في بدنه أو نَسَبِه أو خُلُقه أو قَوْلِه

أو فِعْله أو في غير ذلك، وقال الحسن، ذِكْر الغير على ثلاثة أنواع: الغيبة والبهتان والإفك. فالغِيبَة أن تقول ما فيه،

والبُهْتَان أن تقول ما ليس فيه، والإفْك أنْ تَقُولَ ما بَلَغَكَ.

والسلام خير ختام .

[عاشق ديرتي بريده]

هذا هو حالنا
تركنا انفسنا واهتمينا بالناس !!
اخوي راشد ربعك ذولا الحسد يملاء قلوبهم فهم يتمنون ان يمارسوا الرياضه لكنهم لايستطيعوا لذالك فرغوا انفسهم للجلوس ومشاهدة الناس والكلام عنهم !!!

اخوي راشد لاعمرك تروح لشلتك هذي لانهم مقاريد ويمكن تصير مقروود مثلهم !!!

والله ياراشد شكلك جبت نصف الملعومات عن الرجال !!!

[بنت البدائع]

ياراشد الآن اللي مايتدخل بالناس وأمورهم هذا ماله كرت بالمجتمع

للأسف ...

أنا لاحظت ذلك من خلال تجربة شخصيه

عند أجتماعي مع أقربائي ...

أول كنت مطلقه لساني وأكلم هذي وأشوف أخبار هذي

وهم قلوبهم سوداء على بعض ويجون يسألونن أنا وش تقول فلانه عني

والثانيه تجي تسألني نفس السؤال

صرت أربط لساني بالمجلس ولا أتدخل بأحد وبكذا قلّت شعبيتي

[هين هين]

اهلين راشد
وهذا المسكين مالقي غيرهالمكان يمارس فيه رياضة الجري

انا لبغيت اجري اطلع عن الديره مسافة عشره كيلو عشان المقاريد

خبرك عارف الترنق ضيق والكرش طالعه

والله ياهو مكان تجري على كيفك مابو أحد ان بغيت ادلك عليه راسلني على الخاص اخاف يعرفونه المقاريد ربعك


تحياتي

[ابوخالد382]

حسبي الله عليك ياراشد ياولد أم راشد,,,قلبت المواجع وفتحت جروح ,,,,,,تصدق واحد يقول: ماشاءالله فلان مات يوم الجمعة....أمر ينقز هاكاالمقرود قال :والله ياهو حضيض إهب......عاد رقعه ياراشد.

[مــنــال]

سبحان الله من هذه الصدفة أخي راشد (:

عندنا في مكة مخطط اسمه ( الحمراء ) وبرضوا هو مكان للسكن و تمشية لأهل مكة و سمراتهم (:

و بجد بجد يازين النت .

[جورينا]

راشد الصليحان ؛؛

حياك الله أخوي ؛؛

القرادة موجوده بكل مكان وبدرجات متفاوته بس بديرتنا متربعه على أعلى الدرجات ؛؛

أذكر وحده من البنات من شد ماهي مقرودة وده تعرف خبر بنت كلمت على جوالي 20 مكالمه

ويوم شافت أني مارديت عليه ختمت المكالمات برساله :( تقول صدق فلانه تبي تأخذ الفلان

ردي علي الله يعافيك ضروري :) ؛؛

الله يكون بعونهم ؛؛

[الطاحونة]

القاعدة
تقــــــــــــــول
أنت مقرود إذا أنت من بريدة...!!

[الحصان الأسود]

ترى حتى النت بعد مايخلى من المقاريد

[لمبـة شارع]

أذكر وحده من البنات من شد ماهي مقرودة وده تعرف خبر بنت كلمت على جوالي 20 مكالمه

ويوم شافت أني مارديت عليه ختمت المكالمات برساله :( تقول صدق فلانه تبي تأخذ الفلان

ردي علي الله يعافيك ضروري :) ؛؛

الله يكون بعونهم ؛؛

طيب وش صار عليها؟؟؟

أخذته والا لاء

أنا من رايي ماتاخذه!!

[راشد الصليحان]

الذاهبــة

يازين النت .. و الله انه اطلق من اجتماعات الحش و البربرة و أكل لحوم ميته ..

هذا بلا ابوك ياعقاب ...!

ادري المثل ماله دخل ...! لكن هذا اللي ذبحنا وخلانا مدمنين للنت ..! أرتحنا من تجمعات الحش والقرادة

شكرا لك

[راشد الصليحان]

ههههههه هذه القراده من اثار الكوي

معوضين خير يا اهل بريده فإن موعدكم الجنه بإذن لله

رتاج ..

اراهن إن فيك كذا كم مطرق بين ضلوعك ....! :)

<<<<<<< مطرق = مكوى

[شخصية]

اهلين راشد
وهذا المسكين مالقي غيرهالمكان يمارس فيه رياضة الجري

انا لبغيت اجري اطلع عن الديره مسافة عشره كيلو عشان المقاريد

خبرك عارف الترنق ضيق والكرش طالعه

والله ياهو مكان تجري على كيفك مابو أحد ان بغيت ادلك عليه راسلني على الخاص اخاف يعرفونه المقاريد ربعك


تحياتي

تكفى دلن عليه ,, لأن المقاريد تلقاهم حتى بالدايري

[راشد الصليحان]

على الأقل القرادة أحسن من القعدة بالقهاوي ومقابل السندي والباعشن!!




إيه ياراشد..


كم صار عدد زوجاته ؟؟

يالمبة ...وانت مثلهم مقرووود ؟؟ يعني لازم تعرف ..؟؟

طيب اقولك أمري لله ...

عدد زوجاته ثلاث ...:)

تصدق يالمبة ؟؟ لايكون ابوخالد 382 وانا ما ادري ..؟؟

[راشد الصليحان]

من راقب الناس ماتَ همآ

الحقيقه هذا مرض متفشي بين الناس وفي الوقت الحاضر صاير وباء .

والناس صارت كل حكاويهم ببعض , والمشكله مايتناقلون إلا الهرج الشين , والرجال الآن يضاهون النساء

في الغبيه نسأل الله أن يبعدنا ويحمينا من هذا المرض .

صدقت اخي الحصان الأسود ...

من راقب الناس مات هماَ ...!

لكنهم مايتركون الطبع ...القز والشرشحة ..تجري مجرى الدم عند بعض اهل الديرة
صفة وراثية سائدة وليست متنحية ..!

شكرا لك ..

[جورينا]

طيب وش صار عليها؟؟؟

أخذته والا لاء

أنا من رايي ماتاخذه!!

أهلين اخوي لمبة شارع ؛؛

لا اخذته ؛؛

ومع هذا ماسلمت من هالمقردوهـ جابت برنت كامل عنه :( ؛؛

[اعلامي متعقل]

الناس اجناس ذهب وفضة وبروز نحاس.. يرجى عدم التعميم
تحياتي لك اخي

[ღعبدالله العطيشانღ]

حلو عليك يا راشد
بصراحه الجلسات اللي مثل هالنوع أعشقها ولا راح أرتاح ألا لمثلها
واحد طالع يتنفهه ويضحك ويكركر مو جالس يتكلم بأمور هادفه ووجع راس
بس حاول أنه ما يتعدا المألوف والتعدي على أشخاص من حيث الخصوصيات

شكرآ لك

[راشد الصليحان]

هذا هو حالنا
تركنا انفسنا واهتمينا بالناس !!
اخوي راشد ربعك ذولا الحسد يملاء قلوبهم فهم يتمنون ان يمارسوا الرياضه لكنهم لايستطيعوا لذالك فرغوا انفسهم للجلوس ومشاهدة الناس والكلام عنهم !!!

اخوي راشد لاعمرك تروح لشلتك هذي لانهم مقاريد ويمكن تصير مقروود مثلهم !!!

والله ياراشد شكلك جبت نصف الملعومات عن الرجال !!!

هلا بك ياعاشق

اخوي راشد لاعمرك تروح لشلتك هذي لانهم مقاريد ويمكن تصير مقروود مثلهم !!!

تبي الجد ؟؟ مامن بعايد عنهم ..لكني اخف منهم شوي ..!
واحد شرب من ماء الخزان وش تتوقع يصير ..؟؟ اكيد (الفقع حول الرقة ) :)

شكرا عشوقي ...!

[تلومني الدنيا]

بصراحة كان الجلوس اغلبهم تربويين ...تعجبت كثيراَ من الشرشحة والغيبة التي يمارسها هؤلا ..في هذه الليالي الفضيلة ..وقلت في نفسي إن كان هؤلا المعلمين ..يمارسون الغيبة بهذا الأسلوب كيف هو حال المراهقين والجهال ..؟؟

لكني خرجت من جلستي معهم في تلك الليلة

قال تعالى { لُعن الذين كفروا من بني إسرائيل
على لسان داوود وعيسى بن مريم ذلك بما عصوا وكانوا يعتدون
كانوا لايتناهون عن منكر فعلوه لبئس ماكانوا يفعلون }

هذا إذا كان يرى صاحب الموضوع أن مافعله أصحابه منكر :c9:

[هدووء]

ياقلبي هاللي طاح بينكم يالمقاريد
الله يستر عليه لايكون صاير له شي بس من حكيكم
ابو خالد .. تقولي زوجاته ثلاث ؟ وش عنده متزوج الثالثه أو فسق << توريكم شلون قرادة حريم بريده :)
تحياتي

[جمان البحر]

أول شيء لاتعمم ...

هالحين أنت عممت على كل أهل الديرة مع انك ماتسوي كذا ولا أنا ولا أبوي ولا.. ولا..بل على العكس نستحقر هالناس ونتضايق من الجلوس معهم ...

طبعاً أنا ماراح أقول لك كلامك غلط وانه مافيه ناس كذا ... لا ... الدنيا ملياااااااانه مثل هؤلاء لكن في كل ربعه مجموعه .... وقد نكون هنا وفقنا بوجود جماعات كثيييييرة من (المقاريد )... بس ترى هؤلاء مب بس يعلمونك بأخبار الناس ... الا ويسألونك وين رحت ووين جيت ووش سويت ....

لو كلامك هذا قبل العطلة كان قلت هم بس مجموعة بسيطة وتعرفهم من أشكالهم بس عقب ماسافرنا بالعطله ورجعنا وشفت حتى الناس (الاتيكيت) بهم قرادة مب لحد يجون يقولون فلانه سافرت للمكان الفلاني ولبست عباية على الكتف أنتم وش لبستوا ووين سافرتوا ... وبعدين أخبارك تنتشر انتشار النار في الهشيم ..