..::(( غروب الشمس بسرعة 170 كم ))::..

[جرح المـوده]

السلام عليكم ورحمة الله وبركاته ..


ومباااارك عليكم الشهر الكريم مقدماً


بصراحة كل الأقسام اللي في المنتدى سبق أن شاركت فيها إلا هالقسم ..
فقط أمُر من هنا لرؤية الإبداع الذي تجلبه لنا عدساتكم ..

ولكن لي يومين وأنا ماسكة غلط ,, إلا أشارك هنا ..

ياولد اعقل , يابن الحلال ماعندك كاميرا زينة ,, يا آدمي كاميرتك زي وجهك ..


بس ولو :29_1_8[1] <<< شايب

ولو .
أبشارك لو أني ماعرف أصور وكاميرتي كما ذكرتك مثل وجهي أناره الله بالطاعه ..

المهم أخذت لكم ثلاث صور لغروب الشمس على خط السريع وأنا راجع من الرياض ..
طبعاً وقت التصوير مسيان .. <<< غروب الشمس متى بيصير يعني



بس قبل لاوريكم الصور بوريكم هالصورة :

http://kah007.jeeran.com/sh4.jpg

هالصورة الله يسلمكم لعداد سيارتي وأنا أصور :confused: <<< يادافع البلا وش هالمصور ..

شفتوا أني فنااااااان :36_1_2[1]
الناس لاجت تصور كل شيء يحطونه عشان مايهتزون , وأنا أصور على 170 كم ..

طبعاً أنا حطيت هالصورة قبل عشان تعذروني , يعني الصور ملتقطة وأنا أمشي 170كم , لا وأنا اللي أسوق بعد ..
يعني السالفة سرعة بسرعة ..
موب حنا بوقت السرعة ..


هذي الصور :
(( 1 ))

http://kah007.jeeran.com/sh1.jpg



(( 2 ))

http://kah007.jeeran.com/sh2.jpg



(( 3 ))

http://kah007.jeeran.com/sh3.jpg




عاد اللحين يوم الله جابن بذا أبسئلكم كم سؤال :
1 - هل من العيوب أني أمر بالصورة على الفوتوشوب .؟ يعني تعديل ألوان وإشباع وكذا ..؟؟
2 - شوفوا الصورة (( 1 )) الشمس يمين شوي وهي الهدف .. هل هذا يعتبر عيب .؟؟ اللي أقصده هل هو ضروري أحط الهدف بالمنتصف ..؟؟ طبعاًً أنا خليتها يمين بالفتوشوب وإلا هي بالوسط .. برأيي أنه أزين ..
هل من الضروري الهدف بالوسط ..؟؟ أي كان الهدف ؟؟

3 - شوفوا الصورة الثانية والثالثة .. الثالثة متأخرة عن الثانية بدقيقتين ومع ذلك السماء أكثر وضوحاً ..؟؟ وش اللي خلاه كذا .؟؟ أو بالظبط وش سويت أنا ؟؟ :12[1]:<<< والله من الذهانه , هو اللي مصور ولايدري وش سوا ..

4- عمركم شفتوا أحد يصور وهو يسوق ويمشي 170 .؟؟




والله الله بالردود الحلوه


شوفوا عاد

إن مامدحتون والله ماطب عليكم <<< مشكلة عاد

وإن مدحتون أبرجع للرياض اللحين وأبسرع قووووه وأنواع التصوير :36_1_2[1]


وتصبحون على ألف خير ..

[ملكة الشوق]

واو خيال مشاء الله صدق فنان



تحياتي.......

[بريداوية وأفتخر]

والله حلوووووووووهـ

ماشاء الله عليييييكـ

ومشكووووور

[بندر بن عبدالعزيز]

كفووو والله صووورة من مبدع

[N a d a]

السلام عليكم ورحمة الله وبركاته ..


ومباااارك عليكم الشهر الكريم مقدماً



وعليكم السلام ورحمة الله وبركاته

,

والله يبارك فيك ويبلغنا واياك الشهر على طاعته وغفرانه


,

طبعاً أنا حطيت هالصورة قبل عشان تعذروني , يعني الصور ملتقطة وأنا أمشي 170كم , لا وأنا اللي أسوق بعد ..
يعني السالفة سرعة بسرعة ..
موب حنا بوقت السرعة ..

شكلك فاهم عصر السرعة غلط :D
امزح .. بس ما شاء الله طلعت بكذا .. أجل لو ملبق ومروق .. وحطيت الكام على حامل ودورت لك تكوينات مع
الغروب وش بتطلع لنا

الأولى جميلة وكونت مع عمود الكهرباء منظر سيلويت

في الصورتين الأخيرتين أثبت ان تصوير الغروب اقتناصات .. ولحظات الغروب المثالية بتدرجات الألوان المرغوبة أحيانا لا تستمر أكثر من عدة ثواني
مثل ما هو واضح في الصورة الثالثة هنا كانت اللحظة المثالية للتصوير وظهرت فيها الوان وتدرجات رااائعة .. وقرص الشمس أفضل في الصورتين
(2,3)لأن التوهج أقل مقارنة بالصورة الأولى

* ظهور التوقيت في الصور الفنية غير مناسب حاول تشيل هالخاصية من الكاميرا الله يرضى عليك ..,
نجي لتساؤلاتك ..

,
1 - هل من العيوب أني أمر بالصورة على الفوتوشوب .؟ يعني تعديل ألوان وإشباع وكذا ..؟؟

الموضوع هنا يطول الكلام فيه .. لكن بحاول أختصر .. في قوانين المسابقات الدولية عادة يحرم التعديل على الصور بأكثر من زيادة الحدة
والتشبع اللوني .. أو أي تعديل بشرط ما يكون مبالغ فيه ويخرجها من اطار الصورة الفوتوغرافية .. عموما بعض من المصورين يستعين بالبرامج
ويخرجون صورهم بأفضل أخراج لدرجة أن يزيلون عناصر غير مرغوبة من الصور .. أو يضيفون عناصر أخرى ( مثل تركيب السماء وغيره )
ويبدعون والبعض الأخر ينحصر ابداعهم على إخراجها باتقان من أول مرة بواسطة الكاميرا ..
وبالأول والأخير انت بتختار قناعتك بعد ما تمر بتجارب كثيرة بالتصوير :)

,
2 - شوفوا الصورة (( 1 )) الشمس يمين شوي وهي الهدف .. هل هذا يعتبر عيب .؟؟ اللي أقصده هل هو ضروري أحط الهدف بالمنتصف ..؟؟ طبعاًً أنا خليتها يمين بالفتوشوب وإلا هي بالوسط .. برأيي أنه أزين ..
هل من الضروري الهدف بالوسط ..؟؟ أي كان الهدف ؟؟

برأيي مكان الشمس هنا جميل .. ولو كانت بالوسط بيكون مناسب بعد .. لما غيرت وضعية التوسيط انت بكذا حطيتها تلقائي بنقطة تركيز العين عادة
تحديداً في أحد نقاط الأثلاث ..
يا ليت تطلع على موضوع قاعدة التثليث (http://buraydh.com/forum/showthread.php?t=120837) لفائدة أكثر

,

3 - شوفوا الصورة الثانية والثالثة .. الثالثة متأخرة عن الثانية بدقيقتين ومع ذلك السماء أكثر وضوحاً ..؟؟ وش اللي خلاه كذا .؟؟ أو بالظبط وش سويت أنا ؟؟ <<< والله من الذهانه , هو اللي مصور ولايدري وش سوا ..

هههه مثل ما قلت قبل .. الثالثة اقتناصة زمنية ذكية .. جت منك دون تخطيط :)

,

4- عمركم شفتوا أحد يصور وهو يسوق ويمشي 170 .؟؟

أنت :D
.
.
فرصة سعيدة نشوفك هنا .. وبصراحة بعد هالموضوع بنزعل عليك لو ترددت تنزل شي هنا ..
.


سلامي لروحك الحلوة

[جرح المـوده]

واو خيال مشاء الله صدق فنان



تحياتي.......

الله يخليك

تسلمي على تواجدك

مودتي








والله حلوووووووووهـ

ماشاء الله عليييييكـ

ومشكووووور

هلا بكـ
الله يخليك ياختي
والشكر لكـ أنتي لمرورك من هنا ..









كفووو والله صووورة من مبدع

الله يخليك يابندر
تسلم والله

مشكور ياغالي لمروركـ الكريم













وعليكم السلام ورحمة الله وبركاته

,

والله يبارك فيك ويبلغنا واياك الشهر على طاعته وغفرانه


,


شكلك فاهم عصر السرعة غلط :D
امزح .. بس ما شاء الله طلعت بكذا .. أجل لو ملبق ومروق .. وحطيت الكام على حامل ودورت لك تكوينات مع
الغروب وش بتطلع لنا

الأولى جميلة وكونت مع عمود الكهرباء منظر سيلويت

في الصورتين الأخيرتين أثبت ان تصوير الغروب اقتناصات .. ولحظات الغروب المثالية بتدرجات الألوان المرغوبة أحيانا لا تستمر أكثر من عدة ثواني
مثل ما هو واضح في الصورة الثالثة هنا كانت اللحظة المثالية للتصوير وظهرت فيها الوان وتدرجات رااائعة .. وقرص الشمس أفضل في الصورتين
(2,3)لأن التوهج أقل مقارنة بالصورة الأولى

* ظهور التوقيت في الصور الفنية غير مناسب حاول تشيل هالخاصية من الكاميرا الله يرضى عليك ..,
نجي لتساؤلاتك ..

,

الموضوع هنا يطول الكلام فيه .. لكن بحاول أختصر .. في قوانين المسابقات الدولية عادة يحرم التعديل على الصور بأكثر من زيادة الحدة
والتشبع اللوني .. أو أي تعديل بشرط ما يكون مبالغ فيه ويخرجها من اطار الصورة الفوتوغرافية .. عموما بعض من المصورين يستعين بالبرامج
ويخرجون صورهم بأفضل أخراج لدرجة أن يزيلون عناصر غير مرغوبة من الصور .. أو يضيفون عناصر أخرى ( مثل تركيب السماء وغيره )
ويبدعون والبعض الأخر ينحصر ابداعهم على إخراجها باتقان من أول مرة بواسطة الكاميرا ..
وبالأول والأخير انت بتختار قناعتك بعد ما تمر بتجارب كثيرة بالتصوير :)

,

برأيي مكان الشمس هنا جميل .. ولو كانت بالوسط بيكون مناسب بعد .. لما غيرت وضعية التوسيط انت بكذا حطيتها تلقائي بنقطة تركيز العين عادة
تحديداً في أحد نقاط الأثلاث ..
يا ليت تطلع على موضوع قاعدة التثليث (http://buraydh.com/forum/showthread.php?t=120837) لفائدة أكثر

,

هههه مثل ما قلت قبل .. الثالثة اقتناصة زمنية ذكية .. جت منك دون تخطيط :)

,

أنت :D
.
.
فرصة سعيدة نشوفك هنا .. وبصراحة بعد هالموضوع بنزعل عليك لو ترددت تنزل شي هنا ..
.


سلامي لروحك الحلوة


هلا بكـ

وبالنسبة لخاصية التوقيت هذي بالفوتوشوب مسويها .. وشكرا على النصيحة وماراح تشوفينها ثانية إن شاء الله <<< جازله الوضع يبي يصور ثانية ..


وبالنسبة للتعديل بالفوتوشوب :
نعم اللي أقصده هي زيادة الحدة وإشباع الألوان فقط , وإلا التعديلات الإضافية هذي أسويها إذا بغيت أنزل الصورة كتصميم وليست صورة << صح علي كذا ؟



ومرينا على درسك بخصوص قاعدة التثليث <<< توحشت يوم شفت الأسم قلت وش جاهم ربعنا تثليث مررررة وحدة , الله يستر علينا وعليكم
بس حلو بصراحة وراح أطبقه في أقرب فرصة ..




وبصراحة ورغم أني أشتغل على الفوتوشوب من أربع سنوات إلا أني أول مره أدري أن فيه تقسيم بهالشكل . فعلاً صدق اللي قال البحر علم :4_1_101[1





4- عمركم شفتوا أحد يصور وهو يسوق ويمشي 170 .؟؟



أنت :D


هذي تكفيني إنجاز ..
لا بعد لولا أني خايف من أمن الطرق كان مشيت 220 <<< انشحط الولد






وابشروا إن شاء الله بالمواضيع مادام هذي ردودكم , اللحين أبمسك السريع قبل تغيب الشمس وابصور <<< مافيه غروب إلا بالسريع

والله يعطيك ألف عافية أختي على كلامك اللطيف والفوائد الجمة اللي سدحتيها هنا <<< أبوك ياللغة

الله يستر عليكـ ويوفقكـ دنيا وآخرة







,
مودتي

[جمان البحر]

ماشاء الله ...

يوم قريت العنوان توقعت سرعة الشمس 170 كم.

[الفتـ الذهبي ـى]

يالـلــــــــــــــــــــــــــــــــــــه ياجرح الموده ..!

ماشاء الله عليك

مبدع وربي أنك مبدع ،

لاتحرمنـــا من جديدك ،،،

[~ مي ~]

4- عمركم شفتوا أحد يصور وهو يسوق ويمشي 170 .؟؟
الصراحة قمة التهووور كلش والا السرعة لاتتهاون فيها
مايخالف اسرع بس لاتصور وانت تسوق >> والله من زين النصيحة يازينتس ساكتة
بس عن جد الصورة الثالثة خطيييييييييرة شلون صورته وانت تسوق >> ايقاله تنصحه قبل شوي

[أبوبسام]

جرح المودة ..
جرحتني بصور الغروب ..!!.
غروب متدرج جميل .. لو أضفت العديد أفضل ..!!.
ولو أنت عندي ( مصعت ) إذنك على قولة العجز عندنا ..!!.
وشوله تمشي 170 ؟؟ لو أنا معك كان نزلت ونت ماشي على سرعتك ..!!.
عمري ماتعديت الـ 100 لابطريق سريع ولابـ بطي .. لكن ما أقول إلا يارب إن تحفظك
من كل مكروه .. ويستر عليك .. ويسمِّح دربك ..!!.
محبك والخايف عليك .. أبوبمسة ..!!.
لاعمرك تعود له ..!!.
تحيتي لكم ..

[جرح المـوده]

ماشاء الله ...

يوم قريت العنوان توقعت سرعة الشمس 170 كم.

هلا بكـ
والشمس سرعتها ألف كم بالساعة <<< سجل عندك كذبة

مشكورة لتواجدك ياجمااااان



يالـلــــــــــــــــــــــــــــــــــــه ياجرح الموده ..!

ماشاء الله عليك

مبدع وربي أنك مبدع ،

لاتحرمنـــا من جديدك ،،،

هلا وغلا
الله يخليك , والله الإبداع بالنسبة لي مرورك من هنا يالذيب ..
تشكرات


الصراحة قمة التهووور كلش والا السرعة لاتتهاون فيها
مايخالف اسرع بس لاتصور وانت تسوق >> والله من زين النصيحة يازينتس ساكتة
بس عن جد الصورة الثالثة خطيييييييييرة شلون صورته وانت تسوق >> ايقاله تنصحه قبل شوي

هلا مي
وكلك ذوق

وبالنسبة للسرعة صحيح تهور بس وش نسوي ..؟؟ راجع لحالي .؟؟
ومشكورة على تواجدك وعلى النصيحة الغالية ..
وإن شاء الله مانسرع النوبة الثانية
تحيتي



جرح المودة ..
جرحتني بصور الغروب ..!!.
غروب متدرج جميل .. لو أضفت العديد أفضل ..!!.
ولو أنت عندي ( مصعت ) إذنك على قولة العجز عندنا ..!!.


هلا بكـ وكلك ذوق يالطيب ..

والله يستر علي وعلى أذاني .. بس بصراحة أستاهل تمصيع اذان أنا وكل اللي يسرعون ..



وشوله تمشي 170 ؟؟ لو أنا معك كان نزلت ونت ماشي على سرعتك ..!!.
عمري ماتعديت الـ 100 لابطريق سريع ولابـ بطي ..

الصراحة دايما لما أوصل أقول ليش أسرع ..؟؟ وأتحسف بس ماش لمني مسكت خط نسيت هالحتسي , خصوصاً إذا صرت لحالي ..

عاد أنت 100مره وحده :eek: .؟؟
130 هذي أشوفها سرعة جيدة

أما 100 لو أروح معك كان بالرجعة أرجع رجليه أرحم :b9: ..




لكن ما أقول إلا يارب إن تحفظك
من كل مكروه .. ويستر عليك .. ويسمِّح دربك ..!!.
محبك والخايف عليك .. أبوبمسة ..!!.


يابعد قلبي أنت
آمين وإياكـ وكل مسلم

تسلم يالطيب على تواجدك وإشادتك ونصيحتك ودعائك << ماشاء الله عليك كل ذولي مسويهن بالرد ..



ألف شكر يالغالي
وتشرفنا بوجودكـ

[نور الجدي]

اسمع يارجل تصويرك زين بالمرررررره بس الي مهب زين انك طاير بين السماء والأرض ما تدري ان بريدة صبات وشوي صبات تعرف مجبورين امامك تحويلة نأسف للإزعاج المهم انتبه لابارك الله في وبوووووووش ..

[نور الجدي]

اسمع يارجل تصويرك زين بالمرررررره بس الي مهب زين انك طاير بين السماء والأرض ما تدري ان بريدة صبات وشوي أسفلت ، تعرف مجبورين امامك تحويلة نأسف للإزعاج المهم انتبه لابارك الله في وبوووووووش ..

[مهب الريح]

خيال والله يابعدي استاذ جرح الموده


رائع تصويرك والله
لك مستقبل


محبك

[جرح المـوده]

اسمع يارجل تصويرك زين بالمرررررره بس الي مهب زين انك طاير بين السماء والأرض ما تدري ان بريدة صبات وشوي صبات تعرف مجبورين امامك تحويلة نأسف للإزعاج المهم انتبه لابارك الله في وبوووووووش ..


هلا بكـ

عز الله صدقت يالغالي ..
والله يعافيك ويستر علينا وعليكـ

شكرا لمرورك الكريم







خيال والله يابعدي استاذ جرح الموده


رائع تصويرك والله
لك مستقبل


محبك

الله يخليك
تسلم والله هذا من ذوقك ..


تحيتي

[حمد بن عبدالله]

والله مبدع كما عرفتك ..

لاتخلينا من هالابداعات بارك الله فيك ..

وارفق علينا ..

[جلوي العتيبي]

ابداااااااااااااااااااااااع

بس لاعمرك تسرع :)


تملك الكثير وموضوعك موضوع هادف جداً

[جرح المـوده]

والله مبدع كما عرفتك ..

لاتخلينا من هالابداعات بارك الله فيك ..

وارفق علينا ..


هلا حمــد

الله يخليكـ
هذا من ذوقك ..

شكرا لمرورك من هنا ..





ابداااااااااااااااااااااااع

بس لاعمرك تسرع :)


تملك الكثير وموضوعك موضوع هادف جداً

ياهلا بالزعيم
والله الإبداع بالنسبة لي هو مرورك على متصفحي المتواضع ..

وابشر يالغالي ماراح نسرع بإذن الله :14[1]: ..



شكرا على تواجدك الكريم

[Tulane]

ماشاء الله الصوره رااااااااايقه وروعه هذا وانت مسرع الله لايضرك

ألف شكر عليها

تحياتي

[جرح المـوده]

ماشاء الله الصوره رااااااااايقه وروعه هذا وانت مسرع الله لايضرك

ألف شكر عليها

تحياتي


الله يخليكـ
الشكر لكـ على إشادتكـ بالصور ..

بعد لو أنا مهدي شوي كان تشوفين شلون يطلعن <<< أقول لايكثر بس :8[1]:

شكراً لمروك العطر

تحيتي

[حصيصه الامريكيه]

رووعه والصووره هي احلاهـن
سلمت ايدينك على الصوور000

ونسيت اقوولك تراك :17[1]: بالصووور:)


يالله عاد نتضـر جديدك من الصوور000

[جرح المـوده]

رووعه والصووره هي احلاهـن
سلمت ايدينك على الصوور000

ونسيت اقوولك تراك :17[1]: بالصووور:)


يالله عاد نتضـر جديدك من الصوور000





الله يخليك ياحصيصة

والله الروعة بالنسبة لي مرورك العطر على متصفحي ..
شكراً على إشادتكـ



مودتي