الحلوووات!!! ممكن القى عندكم مساعدة

[شمعة امل]

سلام الله عليكن جمياًًًً

استفسار صغيرررر واتمنى تساعدوني فيه...

ناوية اسوي تقشير لبشرتي اذا ممكن تقولوا لي احسن مكان يسوي تقشير...وكمان عن اسعار التقشير... وعن احسن نوعية للتقشير...اتمنى تساعدوني بسررررررعة

.

.
احترامي وودي للجميع..

[جورينا]

شمعة امل ؛؛

وعليكم السلام ورحمة الله ؛؛

حياك الله اختي ؛؛

بجاوب عليك شوفي يابعدي انا سويت تقشير بأحماض الفواكه عند الدكتور عبدالله المسعود

بالعيادات التخصصيه والحمد لله لحد الحين النتائج مرضيه بالنسبة لي وحتى بعض الندوب بدت تختفي

وسعر الجلسة الوحده 250 ريال ؛؛

واي معلومه أنا جاهزة ؛؛

:)

[شمعة امل]

تسلمين ياأحلى فراشة بالمنتدى....

بس اذا ممكن ابغى استفسر عن الجلسات كم جلسة ؟؟

وتحمليني يعني ممكن تطلع اسئلة ثانية لاني خايفة اسويه من كثر مااسمع تحذيرات منه..

[جورينا]

هلا بك مرة اخرى ؛؛

شوفي يابعدي هي جلسات مطولة وتتدرج فيها نسب التقشير وتسبقه مراحل علاجيه عديده ؛؛

وانا للحين سويت حوالي 8 جلسات ؛؛

اذا تبين تفصيل العلاج انا مستعده ؛؛

[شمعة امل]

هلابك مرة اخرى فراشة ...اذا ماعليكِ كلافة ياليت تقولي بالتفصيل العلاج >>>>>>>ماتعطى وجه

ادري بتعبك بس والله محتاجة المعلومات ضروري......اشكركِ

[جورينا]

:)

عادي ماطلبتي شي وانا اختك ؛؛

شوفي اول مابديت العلاج صرف لي حبوب وميزة هالحبوب انه تنظف الجسم من الداخل عن جميع

الزيوت واي تراكمت دهنيه المسببه لبروز الحبوب مدة تقريباً 6 شهور وصرف معهن كريم طبي

روعه للبشرة حتى ميزة هالحبوب تخلي بشرتك زي بشرة الاطفال ؛؛

بعد هالفترة جت مرحله ثانيه كريمات مبيضة وتصفي البشرة وكله طبي × طبي ؛؛

لمدة شهرين او ثلاث حسب تقبل بشرتك وتفاعله مع العلاج ؛؛ والخطوه اللي بعد هاذي

التقشير بأحماض الفواكة بنسب معينه تبدء بالتدريج من نسبة 35 بالميه حتى 70 بالميه

كل جلسه بينه وبين اللي قبله اسبوعين وقيمة كل جلسة 250 ريال واذا وصلتي للنسبة 70 بالميه

من التقشير تنتهي هالمرحله وتبدء مرحله جديدة بس توي على هالمرحله باقي على الموعد اسبوع اعلمك ان شاء

الله

وش يصير ؛؛ بس الحمد لله والشكر نتائج زينه ومرضيه ؛؛

:)

[دينا]

اضافه بسيطه
اذا انتي قصدك تعالجي حبوب في وجهك فهذا ماله دخل بالتقشير
يعني عالجي الحبوب قبل
ماينفع التقشير قبل العلاج

[عتبيه في القصيم]

هلابك اختي

انا سويت تقشير كرستالي
انا ماعندي اي مشكله ولله الحمد في بشرتي
لكن ميزة هالتقشير يعطيك نظاره للبشره
مو طبيعيه كأنك بيبي ولون بشرتك وردي
سويت ثلاث جلسات بس لان بشرتي ماكانت
محتاجه اكثر من كذا لكن الدكتوره قالتلي
عدد الجلسات الي يحددها بشرة المريضه
يعني كل ماكانت البشره تعبانه زادات عددالجلسات
والله التقشير الكرستالي ما مثله وانصح كل وحده تسويه
انا الحين اسويه كل شهرين مره ومرتاحه على النتيجه
بشكل كبير
اتمنى انك استفدتي من تجربتي
دمتي بكل صحه وعافيه
ونظاره

[العبرى]

ماعندي فكره

مجرد مرور وسلام :)




تحيتي,,,

[شمعة امل]

هلابك يالغلا مرة ثانية تسلمين على المعلومات الرائعـــــة شكلي جزمت من شرحك الرائــــع ...

شكراً لكِ..

[شمعة امل]

أهلين دينا ...لاياعمري عارفة ان الحبوب مايعالجن كذا لابسوي تقشير عشان اشياء ثانية....

تسلمين على هالطلة الرائعة

[شمعة امل]

اختي عتبية في القصيم تسلمين على المعلومات الرائعــــة والمفيدة ...

اشكركِ..

[شمعة امل]

عبورة هلا والله فيكِ...

اشكركِ على اطلالتك..