فرصة لاتُـقـدّر بثمن<<< موضوع مميز

[صقرالجزيرة]

http://www.m5zn.com/uploads/c7b56ae6eb.gif

بِحَسب ماسمعنا وماقرأنا...

تم افتتاح "المخازن الكبرى"

فرصة:

للمُتسكعين والمُتسكعات

المُنعِّمين والمُتكحلات

المُكوْبِرين والمُتبرقعات <<< مكوبرين يعني كوبراء

المُخصِّرين والمُخصِّرات

المُبلتـثين والمُبلتـثات ولعلّهُنَّ الرومانسيات والشقرديات كما ذكر الاخ نواف في موضوعه

المُغامِرين والمُغامِرات

الخ...

ولا انتم وش رايكم :ash: <<< نرجو الاجابة

ولكن يبدو لي ان ذا الفرصة لاتهمنا ولاتشملنا نحن اعضاء وزوار منتدى بريدة

لاننا ان شاء الله مانتّصف بالصفات المذكورة اعلاه جميعنا ذكورًا وإناثا

بل هي تهم شرذمة من المجتمع يتخفّون فيه ولكنهم لايتواجدون في منتدى بريدة نحسبكم والله حسيبكم

وقفه للتنبيه:

انا لست شخصا مُنغلقا ولست ضد هذه الاسواق بل بالعكس

لكني كرهتها بسبب المتسكعين والمتسكعات السابق ذكرهم

انا لست ضد قضاء وقت الفراغ بالتسوّق حتى وان كان ليس هناك حاجة للتسوّق

لكني ضد المُتسكعات المُتكحلات المُخصِّرات المُتبرقعات المُبلتـثات ولاننسى المُتعطِّرات :29_1_8[1]

لانهن هن سبب جذب وفتنة ومجيئ...

المُتسكعين والمُنعِّمين والمُكوْبِرين والمُخصِّرين والمُبلتـثين

يعني الذكور والاناث كلهم يسوون نفس الاخطاء لكن لِنَرَ مَن يفتن الاخر؟

اعتقد لاداعي ان اجيب لان كلكم تعرفون من هو البارع في فتنة الاخر او خلونا نقول المتفوق

واعيد واكرر انا لست ضد قضاء وقت الفراغ بالاسواق حتى لو انه ليس هناك حاجة فانا شخصيا اقوم بذلك لكن قليل جدا

حتى البنيّات اقول مافيه مشكلة هجولن بالاسواق

لكن بشرط بدون تسكع وتكحل وتبرقع وبلتـثه وتعطُّر ولاننسى التكسُّر :4[1]:

الخ...

هُنا نهاية الوقفة. :c7:

قرأنا الكثير من القصص سُطِّرت هنا في هذا المنتدى على هيئة مُسلسل

ولازالت حلقات المسلسل مستمرة لم تنتهي بعد ولكن لعلها تنتهي قريبا

ويبدو لي انها سيناريو وحوار ماادري إخراج تلك الفتاة فتاة المنتدى التي تعرضت للمعاكسة

ولكن الاكيد هو انها بطولة شاب

ولكن المُختـلف فيه بين ذكور المنتدى واناثه هو سبب كون هذا الشاب بطل المسلسل

ولكن المُتّـفق عليه في المقابل هو السبب الحقيقي ولكن احد الجنسين لايريد الاعتراف بهذا السبب :12[1]:

وتم تصوير المسلسل في اماكن عدّة منها:

اسواق النخيل بلازا , منتزه العييري بارك الخ...

ولكن هل ستتوقعون ان "المخازن الكبرى" سيتم التصوير بها ايضا وذلك بعد افتتاحها؟ :ash: :4[1]:

ارجو الاجابة على هذا السؤال للضرورة

عموما لااطيل عليكم بالتحدث عن هذه الفرصة

وحتى لااكون ظالمًا لـ "المخازن الكبرى" فسأذكر فرصة اخرى ايضا اتاحتها المخازن الكبرى مشكـورة

ولكن شتّـان شتّـان بين الفرصة السابقة الذكر وبين الفرصة التالية الذكر

فإحداهما فرصة لكسب الاثم والاخرى فرصة لكسب الاجر

فرصة أخرى:

للطّـائِعين الله والطائِعات

المُتسوّقين دون تعدّي حدود الله والمُتسوّقات

المُتّبِعين لسنة محمد والمُتّبِعات

الحافظين لمحارمهم والحافظات

المُحافِظين والمُحافِظات

الخ...


وقفة أخرى للتنبيه:

من دار في فكره اني ذكرت السلبيات لـ "المخازن الكبرى" ولم اذكر الايجابيات

فانا هنا ادعوه للتّبريق :1856:

وفتح عيونه زي الناس :5[1]:<<< امزح لاتزعلون

لان الفرصة الثانية تتحدث عن الايجابيات ولعلها تفوق السلبيات اقول لعلها<<< ملاحظة لعل تفيد الترجي :5[1]:

هنا نهاية الوقفة.

وعاد يااعضاء ذكور واناث

ترى حنّا بإنتظار ماستروونه لنا عمّا سيحدث لكُم في المخازن الكبرى

من بلوتوثات وغيره :f5:

لكن لعله مايصير شي ان شاء الله


...اممممممم وش بعد :29_1_16[1 :ash:

به شي ابقوله بس نسيت عاد لاذكرته اقوله بعدين

وبالختام اعتذر على الاطالة

واعتذر ان كنت اخطأت على احد

عاد انا ادري ان البنات احقدن علي لان شكل الهرج ماجاز لهن :29_1_8[1]

مايبونن اقول ان البنات غلطانات بس يستانسون اذا قلت ان الشباب غلطانين :b3:

واعتذر على استخدامي اللغة العامّية في بعض المصطلحات وذلك لتجنب ملل القارئ

بس بالله وش رايكم بي وانا اتكلم واحرّف باللغة الفصحى :18[1]:

تصدقوون حسّيت اني سيـبويه :c7:<<< والله انه هاجّـتن بك :36_1_2[1]

وعاد انا بإنتظار ردودكم لاتطولون علي<<< ردد يالييييل مااطولك ماتبي توت بس :18[1]:

واعذرون كتبت موضوع مميز بالعنوان ومادح نفسه كذاب بس وش تبون اسوّي ابي علشان كل الاعضاء يجون :18[1]:

تنبيه: يمنع منعًـا باتًّـا قراءة الموضوع والخروج بدون اضافة رد :29_1_8[1]


:x3:صقرالجزيرة,,,

[لمبة شارع]

ان ذا الفرصة لاتهمنا ولاتشملنا نحن اعضاء وزوار منتدى بريدة

لاننا ان شاء الله مانتّصف بالصفات المذكورة اعلاه جميعنا ذكورًا وإناثا

ايه طبعاً

حنا حلوين وطيبين ومؤدبين وأمورين ومتربين على الاخلاق الحميدة ونفرش اسناننا قبل ماننام ومايمكن نصير مثل هالشرذمة الوعّين
وطبعا مثل ماتفضلت الله يحفظك (جميييييعاً)

[لمبة شارع]

ايه

نسيت اقول ..

هذي المخازن الكبرى تسبرة* مزبرقة شوي وحاطين فيها شوية قراشيع جديدة

وبحكم الشبق المدني الذي يهيمن على عقلية الاستهلاك والانتقال السريع والمباغت من الصحراوية الى القزازية يفرح الناس بكل آية تبنى في كل ريع ...

بس حلوة الفرجة على شعبنا الصحراوي في جو مكيف الهواء يساعد على تقليل حالة القرف الناتجة من معايشة السحنات الرملية








* تسبرة يعني عشة كبيرة سقفها من الزنك ...الزنك طبعا غير الخارصين اللي في كتاب العلوم

[مــنــال]

أجل أنا بأطلع منها ..

الحمد لله ماعندنا " المخازن الكبرى "

:)

جزاك الله خير على هذا التنبيه .

[اميرة الورد]

ياالله المخازن الكرى زحمه مره الله يفشلهم الناس وش يبون يشوفون اتصدقون ان السيارت واصله عند بيتنا وحنا بعد بيتنا بعد محطة الصيعري

[صقرالجزيرة]

ايه طبعاً

حنا حلوين وطيبين ومؤدبين وأمورين ومتربين على الاخلاق الحميدة ونفرش اسناننا قبل ماننام ومايمكن نصير مثل هالشرذمة الوعّين
وطبعا مثل ماتفضلت الله يحفظك (جميييييعاً)

:ash:<<< وش قصده؟!

اخوي لمبة شارع المقصد من كلامي اللي انت اقتبسته هو حسن الظن

ولعل مايدور في المنتدى من بعض الاعضاء يثبت اشياء كثيرة سواء توافق حسن ظني او تـثبت العكس

ولكن حتى لو اثبتت بعض الردود عكس ذلك فيبقى علينا ان نحسن الظن

لعلك فهمت مااقصده في كلامي هذا؟!

ولو لاحظت لرايت اني كتبت يبدو لي فما يبدو لي قد لايبدو لغيري بل قد لايبدو لعقلي لكن الافضل هو اخفاء بعض الحقائق :4[1]:<<< هل فهمت مااقصد؟

فأنا اللي فهمته انها ضايقتك كلمة (جميعا)

ايه

نسيت اقول ..

هذي المخازن الكبرى تسبرة* مزبرقة شوي وحاطين فيها شوية قراشيع جديدة

وبحكم الشبق المدني الذي يهيمن على عقلية الاستهلاك والانتقال السريع والمباغت من الصحراوية الى القزازية يفرح الناس بكل آية تبنى في كل ريع ...

بس حلوة الفرجة على شعبنا الصحراوي في جو مكيف الهواء يساعد على تقليل حالة القرف الناتجة من معايشة السحنات الرملية

مرحبا بعودتك اسعدني ذلك

اي والله صدقت يالمبة شارع صاروا الناس ولانبي نقول اهل بريدة علشان مااحد يزعل

المهم صاروا بفرحون بكل آية تبنى في كل ريع مثل ماقلت

لكن للاسف بعض ذا الابنية تكون اماكن للمعاكسات وغيره :ash:

صرنا نفرح بأي مشروع وحنا ماندري هو لصالحنا ولا لا

بس بيني وبينك يازين ايام الشحنات الرملية :confused:

الله يذكر ايام زمان بخير :29_1_8[1]

ايام قبّـة رشيد ماكـنّـا نشوف اللي نشوفه الحين من التسكع :29_1_8[1]

لا حتى اول اذا تهوروا الناس وايقالهم تطوروا راحوا لـ بنده بس الحين طلع جيان ومخازن كبرى والنخيل حتى يمكن يطلع الشجر بلازا الله يستر :confused:

وخلّه على الله

يازين ذيك الايام يوم كانت بنده هي احسن ماببريدة ماكان فيها مثل اللي الحين كحل وبلوتوث وبلاوي

عموما اشكرك على اضافة ردك والادلاء بما لديك


:x3:صقرالجزيرة,,,

[الذاهـبـة]

في كل مرة اقرأ مواضيعكم أخوتي .. عن ( البنات ) في النخيل و مراكز أخرى .. في بريدة ..

أقول في نفسي :

أممممممممم

أكيد تغيروا .. غير اللي أنا أشوفهم دايماً ..

لازم لازم لازم أروح و أشوف البنات اللي مهبلين بالرجال مساكين ..

و في كل مرة أجد نفس الأشكال اللي أنا متعودة اشوفها ..

بصراحة ..

ما يثيرن ولا حتى ثور .. !!

_ تكرمون _

لكن الظاهر لأن بريدة مو متعودة على الحركات نص كم ..

لذا تجد الرجال هنا انفجعوا مرة وحدة .. كلما يشوفون غزال شارد .. هه !!

و المصيبة الاعظم ان هذه الغزلان .. يتضح عليها حداثة العهد بالــ تكشّف ..

يعني عادي جداً تلاقي وحدة عباتها على الراس .. وتفتحها كل شوي عشان :

" شوفوا سيقاني تراي لابسه قصير "

أو مثلاً .. وحدة لابسة عباة كتف .. و مخصرتها على جسمها اللي يئن من السيلولايت ..

وهي مسكينة تحسبها مسكتّه ..

واللي لابسة نقاب مفتوح من أول الجبهة إلى راس الفناخر .. و كأنها ( عيون جمس ) ..

أمممممممم

و مع ذلك .. فتنن الرجال ..

مو لجمال فيهن .. بل لرهافة القلوب .. و قفار الديار عن البديل ..

أتمنى أن تزورا ( مركز المملكة ) لمن لم يزورها من قبل ..

يقال : أنها ملتقى حضارات ..

و هي بالفعل كذلك ..

رعاكم الله ..

[....الأمير....]

يـقــال والعلم عند الله :

ان نســاء بـريدة هن أدين نساء المملكة العربية السعودية

ومن كثر ما أشوف الكلام والقصص عنهن

لا أعلم أهذا الكلام حقيقي أم لا ..

أنتـم وش رايــكــم..

[صقرالجزيرة]

أجل أنا بأطلع منها ..

الحمد لله ماعندنا " المخازن الكبرى "

:)


حي الله اهل مكة

اختي ولاتطلعين منها ولاشي فالموضوع عام حتى اللي من خارج بريدة سيجد في الموضوع مايحتاج الى تعليق

اي والله الحمد لله وانا اخوك احمدي ربك صدقيني يمكن بالامر خيره يوم صار ماعندكم مخازن كبرى

جزاك الله خير على هذا التنبيه .

وإياكِ يااختي

ولعل الجميع يعتبر موضوعي مجرد تنبيه مثلك تماما او حتى غيرة على شباب وبنات المسلمين وليس موضوعا الهدف منه تحميل البنات الخطأ

وشكرا لك لحرصك على اضافة رد بالرغم من انه ماعندكم "المخازن الكبرى"

وتحيّـة عسكرية للصورة الجميلة التي تنقلينها لنا عن اهل مكة عبر ردودك التي تتحلى بالعقلانية وتذييلها بالدعاء...


:x3:صقرالجزيرة,,,

[عجوز سمنسي]

يـقــال والعلم عند الله :

ان نســاء بـريدة هن أدين نساء المملكة العربية السعودية

ومن كثر ما أشوف الكلام والقصص عنهن

لا أعلم أهذا الكلام حقيقي أم لا ..

أنتـم وش رايــكــم..

وانت مصدق يابعد حيي ؟

بنات بريدة هم الموردين للصرقعة

رح للاسواق والمحلات والماركات وشف وش يسون

اللبس الداشر اللي يسمونه بودي اللي يطلع نص البطن

عاد من زين البطن السر طالع ونصه قطن وقراشيع مجمعة

واللي يسمونها تنورة قصيرة ( ربع) اللي تطلع نص الفخذ اعوذ بالله

تحوط نفسها بعباية واذا ارادت الصرقعة طلعتها

شفهم بالمناسبات والعروس انواع الطهبلة

ضريبة الانفتاح على خارج محيط بريدة طبعا

المخازن الكبرى ياعزيزي ياكاتب الموضوع امتداد للانفتاح وتطور مستوى البنات عندنا اخلاقيا

سوف ترى عجبا خذ جوالم ورح صور وتكفى لاتنسى تنزل المقاطع هنا

تبي تلاقي كثير من اللي يسبون الشايب السمنسي هناك

[صقرالجزيرة]

ياالله المخازن الكرى زحمه مره الله يفشلهم الناس وش يبون يشوفون اتصدقون ان السيارت واصله عند بيتنا وحنا بعد بيتنا بعد محطة الصيعري

ولعلك هنا اختي اميرة الورد تقـفين مع ذاكرتك قليلا ...! :confused:

فهل تذكرين يوم افتتاح مركز الهبدان والمُسمّى الان "قرنتي" كما يبدو لي؟!

بل هل تذكرين يوم افتتاح "ساكو"؟!

لااظنها ايام تُـنسى حيث حظيت هي الاخرى بنفس حجم الزحمة التي تتحدثين عنها في المخازن الكبرى

ولعلها هنا دعوة للتأمّـل في حال المراكز التي ذكرت "قرنتي" و "ساكو" اقصد حالها الان

حالها وبدون زعل انها اغلب روّادها الان من الاجانب ليش؟! :confused:

لانه طلع جيان والنخيل بلازا ولاننسى الشجر بلازا :f1:

فهذا حال بعضنا اذا فتح مركز جديد سحبنا على اللي قبله :confused:

فهل ياتُرى بعد افتتاح "المخازن الكبرى" سيصبح "جيان" مثل "ساكو" و "قرنتي" الله يذكرهن بالخير ولاننسى "قبّـة رشيد" :4[1]:

انا ودّي اني رايح لجيان اثناء افتتاح المخازن تدرون ليش؟!

علشان اعد كم واحد اللي موجودين بجيان <<< تتوقعون كم يصير عددهم :ash:

عموما وختاما اشكرك على تعليقك المميز والمختصر على موضوعي

وتحيّـة عسكريّـة للي موقفين سياراتهم عند بيتكم :confused:<<< صدّق


:x3:صقرالجزيرة,,,

[The star]

الموضوع جيد....شكراً لك ....
لي عودة مجدداً.....

[توتي]

هدانا الله

دائما ننظر للجانب السلبي .. دائما نظن بالناس السوء


مكوبرين يعني كوبراء

سبحان الله كل من حط كوبرا اضفته معهم .؟؟؟؟؟ على الاقل لا تعمم اخي

[سارة عبدالعزيز]

المخازن الكبرى !!!
أين تقع هذه المخازن ؟!
لم أزرها ولم أراها....تكفى دلوني .

[قهورررري]

خلهم يفلونه يابن الحلال ويطورون من هذه الديرة .. مو كل شيء ينفتح جديد في هذه المدينه ضميتوه وحولتوه للسلبيات .. أحسنوا الظن بإهالي هذه المدينه
الفساد موجود بدون هذه المخازن .. واللي يبغى الفساد يقدر يفسد باسهل الظروف وبدون حاجة هذه المخازن
الحرم المكي بشدة حرمة الفساد فيه والناس تتوجه له للإيمان والطاعه .. أتوقع أنه أكثر الفساد موجود فيه للآسف

[صقرالجزيرة]

آآآآخ يالذاهبة شكلك بـتـتعبينن بالتعليق على ردك اعرفتس عنيييدة وراستس يابس

في كل مرة اقرأ مواضيعكم أخوتي .. عن ( البنات ) في النخيل و مراكز أخرى .. في بريدة ..

عفوا انا ذكرت المتسكعين والمتسكعات

يعني عيّبت على الشباب كلّـه لاني ابي اتقي طولت لسانك اخت ذاهبة<<< لاتزعلين مجرد نغزة لم اقصد بها السب

لكن مع ذلك ماسلمت

أروح و أشوف البنات اللي مهبلين بالرجال مساكين ..

اي والله مهبلين ببعض الرجال<<< لعلكم لاحظتوا كلمة بعض

معروفه.. إنّ كيدهُنَّ عظيم ..

بس ماادري اخت ذاهبة ماعندك طريقة تقلب الحال ويصيرون الرجال يهبلون بهن ؟!

تعرفين نبي ننتقم ودّنا يذوقن اللي ذقنا :15[2]:

ما يثيرن ولا حتى ثور .. !!

يااا دافع البلى :1856:

يعني تهقين صار الثور احسن منا <<< حاشانا ان يصير الثور احسن منا

صيغة مُبالغة استخدمتيها لصالح بنات جنسك

طيب ننتقل الى الفقرة التالية من دُرر اخت ذاهبة :4[1]:

لكن الظاهر لأن بريدة مو متعودة على الحركات نص كم ..

لذا تجد الرجال هنا انفجعوا مرة وحدة .. كلما يشوفون غزال شارد .. هه !!

نعم... لم نتعود على حركات نص كم ونفتخر بذلك

وهل تريدين بريدة ان تتعود على حركات نص كم ؟!:ash:

تعودنا على حركات نص كم ونص تنورة اللي قاله الاخ عجوز سمنسي موب لصالحنا

و المصيبة الاعظم ان هذه الغزلان .. يتضح عليها حداثة العهد بالــ تكشّف ..

يعني عادي جداً تلاقي وحدة عباتها على الراس .. وتفتحها كل شوي عشان :

" شوفوا سيقاني تراي لابسه قصير "

هي همااه لابستن عباة على الراس خليها تلبس قصير الشكوى لله

صرنا نتشفق عباة الراس حتى لو انها ذات اكمام الشكوى لله وعسانا نسلم

بس ماادري انا ماقد شفت اللي تقولين تفتح عباتها علشان سيقانها اللي تقل مساوييك الله لايبلانا<<< مساوييك يعني جمع مسواك

أو مثلاً .. وحدة لابسة عباة كتف .. و مخصرتها على جسمها اللي يئن من السيلولايت ..

وهي مسكينة تحسبها مسكتّه ..

اخت ذاهبة لولا اختلاف الاذواق لبارت البنات عفوا اقصد لبارت السلع

يعني يمكن السيلولايت اللي مو عاجبتك عاجبتن صاحبتها ولا كان مالبست مخصر

واللي لابسة نقاب مفتوح من أول الجبهة إلى راس الفناخر .. و كأنها ( عيون جمس ) ..

هذي شكلها اجنبيه آخذتن له سعودي ولابستن ذا النقاب تبي تسكته

اقول يمكن موب اكيد

ونعم بالاجانب مانقول بهم شي فيهم الطيب وفيهم الردي

لكن اخت ذاهبة بحسب روايتك هذه وبانك لم تشاهدي مايشاهده بعضنا اعتقد احدى امرين

الاول إما انك اغلب الوقت بالسوق تمشين وانتِ منزله راسك تطالعين بالارض فانا اهنيك على ذلك وكثر الله من امثالك

الثاني شكلك تروحين للاسواق بوقت تكون الشياطين هاجده او وقت الغزلان الشاردة اللي ذكرتيهم

و مع ذلك .. فتنن الرجال ..

اي والله ذا الغزلان الشاردة مثل ماقلتي فتنن الرجال

لكن هن لم يفتنن الرجال لجمالهن بل لعبايتهن المخصرة واعينهن المكحلة وكانهن رايحات لعرس موب لسوق

مو لجمال فيهن .. بل لرهافة القلوب .. و قفار الديار عن البديل ..

برأيكِ ماهو البديل ؟! :ash:

هل هو ماينادي به البعض من تحرير المرأة بقيادتها ونزعها لحجابها ؟! :ash:

أتمنى أن تزورا ( مركز المملكة ) لمن لم يزورها من قبل ..

يقال : أنها ملتقى حضارات ..

و هي بالفعل كذلك ..

زرناه وشفنا الهول والهويل

وياعيني ياعيني على الحضارة اللي فيه :4[1]:

بيني وبينك شفنا فيه بنات وشباب يسمعووون بالحضارة وهم من جنبها

وبما انك قلتي انها بالفعل كذلك يعني بالفعل حضارة فليتك تجاوبي على سؤالي التالي الله لايهينك

ماهو مفهوم الحضارة من وجهة نظرك ؟! :ash:

وهل تعتبرين العبايات المخصرة والتكحل في الاسواق هي حضارة ؟! :ash:

باعتقادي أنّ تخلينا عن تعاليم ديننا ليس من الحضارة ولا انتم وش رايكم؟!

ارجو الاجابة على جميع التساؤلات التي طرحتها عليك اخت ذاهبة وذلك للضرورة

وتحيّـة عسكريّـة لكِ اخت ذاهبة

وتحيّـة عسكريّـة أخرى لحضارة (مركز المملكة) :4[1]:

احترامي لكِ اختي الذاهبة واشكرك على اضافة ردك


:x3:صقرالجزيرة,,,

[صقرالجزيرة]

ملاحظة:

باقي الردود راح اعلق عليها بعد مانصلي ان شاء الله ونشوف اللي لنا واللي علينا

عاد ماادري يمكن ارد العصر او المغرب انتم وحظكم متى مافضيت

[قهورررري]

تكفى يا صقر الجزيزه لا تبطي علينا .. ترانا متحمسين مع الموضوع << وهقه

[فور يو]

الزحمه والصجه واللجه و التميلح في المخازن الكبرى طفه كلها كم يوم وتنتهي ..



يـقــال والعلم عند الله :

ان نســاء بـريدة هن أدين نساء المملكة العربية السعودية

..

و يقال ان هناك اثنين اصدقاء واحد اسمه ابو صالح والثاني ابو علي

ابو صالح : الحمدلله على نعمة الإسلام والحمدلله ان بعث الينا محمد رسول الله لينشر الإسلام شرقا وغربا ...

ابو على : الحمدلله , بس يا ابو صالح ماتلاحظ ان اللي بإندونيسيا مثلا دينهم لك عليه يعني ما هم ملتزمين ...

ابو صالح : ايه صدقت , الاحظ بس ترى حنا بالدول العربيه ديننا احسن منهم الحمدلله ..

ابو على : بس ما تلاحظ ان بعض الدول العربيه يسمحون بالخمر والمراقص , يعني دينهم لك عليه شوي ..

ا بو صالح : ايه صدقت , بس الحمدلله حنا بالسعوديه افضل الدول التزام ...

ابو على : بس ما تلاحظ اننا في السعوديه مذاهب متفرقه بالشرق الرافضيه والغرب عندهم مذهب والجنوب بعد ...

ابو صالح : ايه صدقت , بس حنا بالقصيم افضل المناطق التزام الحمدلله ...

ابو على : بس ماتلاحظ بعض المدن اللي حولنا متمدنين شوي والتزامهم لك عليه ...

ابو صالح : ايه صدقت , بس الحمدلله حنا ببريده افضل المدن التزام الحمدلله ...

ابو على : بس ماتلاحظ ان بعض الأحياء حضورالسكان للماسجد اقل من حضور حينا للمسجد ...

ابو صالح : ايه صدقت بس الحمدلله حنا حارتنا احسن الحارت و اكثرها حضور للمسجد ..

ابو على : بس ماتلاحظ انه مابقى الا انا وانت ...

ابو صالح : ايه صدقت بس الحمدلله انا ملتزم اكثر منك يابو على لأنك تفوت صلاة الفجر بعض المرات ....

اعذب تحيه للكل .

[صقرالجزيرة]

يـقــال والعلم عند الله :

ان نســاء بـريدة هن أدين نساء المملكة العربية السعودية

ومن كثر ما أشوف الكلام والقصص عنهن

لا أعلم أهذا الكلام حقيقي أم لا ..

أنتـم وش رايــكــم..

عزيزي الأمير نعم نساء بريدة عرف عنهن الدين منذ القدم بل وحتى رجال بريدة

ولكن بيني وبينك مااقدر اقول لك انه فعلا صحيح هن ادين نساء المملكة

لاني لحد الان لم اجوب مناطق المملكة جميعها

ولحد الان فيه نساء في بريدة متمسكات بالدين

لكن بيني وبينك ومن وجهة نظري والتي قد لاتـتّـفق مع وجهة نظر البعض

وجهة نظري انه مع العولمة صار عددهن في تناقص

يعني الكلام اللي تقول عليه انت كان قبل سـ 6 ـت سنين تقريبًـا قبل المخصّر والتسكع

وحتى الرجال يبدو لي وماقد لايبدو لغيري ان عددهم في تناقص هم الاخرين

وهذا رأيي باختصار بناء على طلب معرفة رأينا

واشكرك على اضافة ردك وتعليقك

وتحيّـة عسكرية لقرصة الاذن والنغـزة التي زخرفت بها ردك


:x3:صقرالجزيرة,,,

[صقرالجزيرة]

تكفى يا صقر الجزيزه لا تبطي علينا .. ترانا متحمسين مع الموضوع << وهقه

ياابن الحلال لاتشحطن ترى ماضيّعنا إلا الشحط

هذا حال بعض الشعب السعودي نُشحط ثم نـنزرق ثم نقوم نهايط <<< لاحظوا كلمة بعض

واعتقد هذا الشئ ملاحظ فينا ولا انا غلطان :ash:

[الرأي الأول]

الخازن الكبرى افتتحت وهى محلات تجاريه زيها زى غيرها

لكن نظراتنا المختلفه عنها حسب تفكير ونية من يزورها

هناك من يريد الشراء وهناك من يريد غيره

[صقرالجزيرة]

ضريبة الانفتاح على خارج محيط بريدة طبعا

مرحبا بك وبصراحتك في موضوعي اخوي عجوز سمنسي

صدقت ضريبة الانفتاح :29_1_8[1]

بس ماادري في رايك هل كوننا نهستر هذا هو الانفتاح والتطور وكما يعتقد البعض ؟! :ash:

المخازن الكبرى ياعزيزي ياكاتب الموضوع امتداد للانفتاح وتطور مستوى البنات عندنا اخلاقيا

تهـقى تسذا :ash:

لعله يكون فيها نفع ان شاء الله وهذا كل مانتمناه

سوف ترى عجبا خذ جوالم ورح صور وتكفى لاتنسى تنزل المقاطع هنا

:c7:

اخوي سمنسي انا اللي علي كتبت ذا الموضوع

وعاد انتم عليكم التصوير وتنزيل المقاطع :D

انا قلت لكم من البداية اني بإنتظار ماستروونه لنا عن ماسيحدث لكم :4[1]:

تبي تلاقي كثير من اللي يسبون الشايب السمنسي هناك

ربما لاننا في زمن اصبح الناس فيه لايحبّون الصريح بل يحبّون من يجاملهم

فهم لايسبّونك لذاتك لكنهم يسبّونك لصراحتك فالصراحة احيانا تكون غير محمودة

وتحيّـة عسكرية لصراحتك وعدم مجاملتك لأحد


:x3:صقرالجزيرة,,,

[صقرالجزيرة]

الموضوع جيد....شكراً لك ....
لي عودة مجدداً.....

ليس بجودة مرورك اخوي The star

وبإنتظار عودتك ومشاركتك وانتقاداتك إن شاء الله

شكرا لك على المرور


:x3:صقر الجزيرة,,,

[صقرالجزيرة]

تنبيه:

الموضوع مُغلق معنويا لبضع دقائق وذلك منّي انا شخصيًا بإعتباري صاحب الموضوع

البقـيّـة سيأتيهم الدور إن شاء الله

بس انتم لاتستعجلون


:x3:صقرالجزيرة,,,

[صقرالجزيرة]

عُــــــــدنــــــــا<<<<

ومعذِرةً فالبعض قد لايعجبه هذا الاسلوب لذلك ارجو اذا كان هناك من يعارض هذا الاسلوب فليذكر ذلك لكي لااستمر في استعمال هذا الاسلوب

[ابوقش]

الله يهدي الجميع ان شاء الله ولا نصير من هالمتسكعين والمتسكعات ..

[صقرالجزيرة]

[aQUOTE=توتي;1282508]هدانا الله

دائما ننظر للجانب السلبي .. دائما نظن بالناس السوء




سبحان الله كل من حط كوبرا اضفته معهم .؟؟؟؟؟ على الاقل لا تعمم اخي [/QUOTE]

آمين هدانا الله

ولكن اخي توتي يبدو لي انك لم تقرأ الموضوع كاملا او انك قرأته على عجلة

او ان كلامي في البداية استفز قلمك فسارعت بالرد

لعلك تعيد قراءته ولعلك تـنـتبه للفرصة الثانية التي ذكرتها لكم

فاعتقد اني بها نظرت للجانب الايجابي وظنّيت ظن الخير بالناس ولا انا غلطان

ولعلك ايضا تـنـتبه لكلامي حينما قلت "ولكي لااكون ظالمًا للمخازن الكبرى"

ولعل الانتباه الاخير يكون على الوقفة الثانية التي ذكرتها لكم مُتمنيًا منك ومن الجميع تجنب الزعل

إلا قل لي اخوي توتي وش صار على المرور... سمحوا بالتظـليلة :confused:

موب انت اللي تقول ان المرور يطلّعون قرارات غريبة او انا مشبّـه :ash:

اراك في موضوعك ذاك ذكرت السلبيات للمرور ولم تذكر الايجابيات ولا انا غلطان ؟

لم تذكر انهم يسهرون على راحتـنا

نعم هناك تجاوزات من المرور لكن يبقون اصحاب فضل علينا بعد الله

سبحان الله كل رجال المرور صنّفتهم بشخصية واحدة تتعامل باسلوب واحد هو سوء الاخلاق .؟؟؟؟؟

سبحان الله هل كل قرارات المرور اضفتها للقرارات الغريبة .؟؟؟؟؟ على الاقل لاتعمم اخي

فمن منّـا نظر للجانب السلبي واهمل الجانب الايجابي

وفي الختام ارجو انك ماتزعل لكن انا ذكرت الايجابيات وارى من الظلم ان تنظر للجانب السلبي في موضوعي

وللتـنـبيه فقط انا لم اتعمد الاساءة اليك في الاسلوب الذي رديت عليك به لكني فقط اردت وضع النقاط على الحروف

وشاكر لك مرورك واسعدتني اضافتك لانتقاداتك لذلك فانا ارجو ان تتقبل انتقادي بصدر رحب


:x3:صقرالجزيرة,,,

[صقرالجزيرة]

[COLOR="DimGray"]

[SIZE="6"]سبحان الله كل من حط كوبرا اضفته معهم .؟؟؟؟؟ على الاقل لا تعمم اخي

نسيت ان اعلق على كلامك هذا اخي توتي

عزيزي لا داعي لأن نلعب على انفسنا

فأعتقد ان الجميع يعرف من الذين اقصدهم في قولي المكوبرين

فلم اكن اقصد جميع من شخّص الكوبراء ولو كنت اقصد ذلك لكان الكلام شملني انا اولا

لاني اشخّص الكوبراء بالمناسبات

اخي توتي لاداعي لأن نصطاد بالماء العكر

وتقبّـل نقدي


:x3:صقرالجزيرة,,,

[صقرالجزيرة]

المخازن الكبرى !!!

:1856:

ايه المخازن الكبرى وش فيتس مستغربه تسذا

لاتقولين لي انك اول مره تسمعين عن وجودهن في بريدة

صار لهم قرن يشتغلون بهن وانتِ توك تدرين

أين تقع هذه المخازن ؟!

تقع بالدائري الشرقي ولا انا غلطان ياجماعة ؟!

لم أزرها ولم أراها....تكفى دلوني

الله أكبر صار اكبر همتس انتس تزورينها اقول ورى ماتزورين لتس مريض بدل المخازن الكبرى ترى يمكن احسن لتس من حيث الاجر

بس ترى اظن اللي عندهم بتلقينه بجيان اقرب لتس وحتى يمكن تلقينه بالبقالة اللي براس العاير بحارتكم :4[1]:

عموما اختي مااطول عليك علشان يمديك تزورينه قبل لايسكّرون :ash:

وسارعي بزيارتها قبل لاتخلّص البضاعة عنك :29_1_8[1]

والمعذرة


:x3:صقرالجزيرة,,,

[....الأمير....]

وانت مصدق يابعد حيي ؟

بنات بريدة هم الموردين للصرقعة

رح للاسواق والمحلات والماركات وشف وش يسون

اللبس الداشر اللي يسمونه بودي اللي يطلع نص البطن

عاد من زين البطن السر طالع ونصه قطن وقراشيع مجمعة

واللي يسمونها تنورة قصيرة ( ربع) اللي تطلع نص الفخذ اعوذ بالله

تحوط نفسها بعباية واذا ارادت الصرقعة طلعتها

شفهم بالمناسبات والعروس انواع الطهبلة

ضريبة الانفتاح على خارج محيط بريدة طبعا




والله يا بعد حيي أنا من سكان الرياض ولا قد رحت لأسواق بريدة

لكن المعروف عندنا في الرياض أن أدين نساء المملكة هن نساء بريدة
سواء كان صحيح أو لا

[صقرالجزيرة]

وهذا هو جاء دورك ياقهورررري <<< صار مطعم خالد موب موضوع الدعوى فيها ادوار :18[1]:

خلهم يفلونه يابن الحلال ويطورون من هذه الديرة ..

اخوي قهوري الحل والربط موب بيدي ولا انا اللي اسمح لهم يفلونه ولا مايفلونه كلٌ مراقب على نفسه

لكن برضو مانبي ناس يفلونه على حساب ناس ثانين وقبل هذا على حساب الدين

ولعلنا لاننسى انه فعلا التطور هو ازدهار البنيان ومنه افتتاح الاسواق لكن ليس من التطور التسكع بها

.. مو كل شيء ينفتح جديد في هذه المدينه ضميتوه وحولتوه للسلبيات .. أحسنوا الظن بإهالي هذه المدينه

اخوي قهوري ولايهونون الاعضاء صدقني موب انا او غيري اللي اضم واحول لسلبيات

الناس جميعا هم اللي يخربون على انفسهم وهم اللي يحولون الايجابي لسلبي صدقوني ياجماعة هذي الحقيقة بعضنا يخرّب على بعض

هل فهمت مااقصده من كلامي هذا اخوي قهوري ولايهونون الاخوان

وبالنسبة لاحسان الظن لعلنا احسنّـا الظن لكن باعتقادي الامر تعدى كونه ظن صرنا نشوف بعيونّـا

ولا انت شايف غير كذا اخوي قهوري وبرضو مايهونون الاخوان :ash:

ولكي لانظلم احد ولكي نقول للمحسن احسنت وللمسيئ اسأت هناك من اهالي ذا المدينة من هو انسان ايجابي تماما

ولعلي مااكون عمّمْت السوء على كل الناس ؟! :ash:

الفساد موجود بدون هذه المخازن .. واللي يبغى الفساد يقدر يفسد باسهل الظروف وبدون حاجة هذه المخازن

صحيح كلامك بعض الشئ لكن هذا موب معناه اننا ماننكر المنكر
صح ؟! :confused:

ولا معناه اننا نترك الدرعى ترعى <<< هي كذا ولا انا حرّفت به :confused:

عموما اخي قهوري لكي لايصفنا البعض بأننا نستبق الاحداث لن نسترسل بالكلام بخصوص الفساد

الحرم المكي بشدة حرمة الفساد فيه والناس تتوجه له للإيمان والطاعه .. أتوقع أنه أكثر الفساد موجود فيه للآسف

لاحول ولاقوّة إلا بالله ومانقول الا حسبنا الله ونعم الوكيل

عموما وختاما اخوي قهوري سعدت بتعليقك على موضوعي واشكرك على ذلك


:x3:صقرالجزيرة,,,

[بنت البدائع]

نقاشكم حلو قلت أمّر عليكم...

,وأقرأ ملاحظاتكم...

متابعه...

((لاحظت ملاحظه على طريقة إسلوبك ياصاحب الموضوع))

[صقرالجزيرة]

الزحمه والصجه واللجه و التميلح في المخازن الكبرى طفه كلها كم يوم وتنتهي ..

صدقت كلها كم يوم بس خلنا نقول طفّـه كم يوم وتخف :ash:

لان هناك وقت اخر تـنتهي به الطفه :4[1]:

ومن وجهة نظري والتي قد لاتـتّـفق مع وجهة نظر البعض

وجهة نظري ان الوقت اللي ستـنتهي به الطفه هو الوقت الذي يتم فيه افتـتاح مركز تجاري اخر بحجم المخازن الكبرى

ولا انتم وش رايكم :ash:

و يقال ان هناك اثنين اصدقاء واحد اسمه ابو صالح والثاني ابو علي

ابو صالح : الحمدلله على نعمة الإسلام والحمدلله ان بعث الينا محمد رسول الله لينشر الإسلام شرقا وغربا ...

ابو على : الحمدلله , بس يا ابو صالح ماتلاحظ ان اللي بإندونيسيا مثلا دينهم لك عليه يعني ما هم ملتزمين ...

ابو صالح : ايه صدقت , الاحظ بس ترى حنا بالدول العربيه ديننا احسن منهم الحمدلله ..

ابو على : بس ما تلاحظ ان بعض الدول العربيه يسمحون بالخمر والمراقص , يعني دينهم لك عليه شوي ..

ا بو صالح : ايه صدقت , بس الحمدلله حنا بالسعوديه افضل الدول التزام ...

ابو على : بس ما تلاحظ اننا في السعوديه مذاهب متفرقه بالشرق الرافضيه والغرب عندهم مذهب والجنوب بعد ...

ابو صالح : ايه صدقت , بس حنا بالقصيم افضل المناطق التزام الحمدلله ...

ابو على : بس ماتلاحظ بعض المدن اللي حولنا متمدنين شوي والتزامهم لك عليه ...

ابو صالح : ايه صدقت , بس الحمدلله حنا ببريده افضل المدن التزام الحمدلله ...

ابو على : بس ماتلاحظ ان بعض الأحياء حضورالسكان للماسجد اقل من حضور حينا للمسجد ...

ابو صالح : ايه صدقت بس الحمدلله حنا حارتنا احسن الحارت و اكثرها حضور للمسجد ..

ابو على : بس ماتلاحظ انه مابقى الا انا وانت ...

ابو صالح : ايه صدقت بس الحمدلله انا ملتزم اكثر منك يابو على لأنك تفوت صلاة الفجر بعض المرات ....

اعذب تحيه للكل .

:ash: :12[1]:

حوار جيّـد يحاكي واقع بعض الاشخاص الذين من اعذارهم "حنّـا احسن من غيرنا"

ولعلها لفت للنظر بأنّ بعضنا يدّعي الكمال لنفسه وهو في حقيقـته به عيوب

وإلا انا غلطان اخوي فور يو ؟

وختاما اشكرك على مشاركتـك فأنت بذلك جمّـلت موضوعي ولايهونون الباقين اللي شاركوا


:x3:صقرالجزيرة,,,

[صقرالجزيرة]

الخازن الكبرى افتتحت وهى محلات تجاريه زيها زى غيرها

لكن نظراتنا المختلفه عنها حسب تفكير ونية من يزورها

هناك من يريد الشراء وهناك من يريد غيره

مشكور على مشاركتـك وابداء رأيك

ولعلك تعذرني باني لن اتعمّـق في التعليق على ردك

وذلك لاني وجدت فيه نوعا ما من التعقيد

إما ان هناك اخطاء املائية في ردك كانت هي السبب في التعقيد او انّ قدرتي الاستيعابية صعُب عليها فهم ردك

او ان للسهر دور في ذلك او انك قمت بهندست ردك بزوايا داخليّـة فبالتالي لم اتمكّـن من فهمه لاني وبكل بساطة لستُ مُهندسا

او غير ذلك من الاسباب

واعتذر مرة اخرى عن عدم التعمق في التعليق ولعلك ان كنت تريد ان اتعمّـق تقوم بالبحث عن طرق فك التعقيد

واحترامي لك وتقديري لخبرتـك وقـلمُـك المُـتمرِّس في تسطير اروع المواضيع

وذلك ان لم تخُـنّي الذاكرة... الست انتَ الراي الاول ؟!


:x3:صقرالجزيرة,,,

[شاطئ الراحة]

أخي صقر ..

وفيت خيراً و نطقت بالحقيقة .. و هذا شئ واقع و امر دائم .. فـ مجرد محل ثلاث فتحات .. إلا و اماكن الحلاقة تمتلئ من المخنثين .. ملاحقتاً للفتيات ..

إنا لله و إنا اليه راجعون


تحياتي لك

[صقرالجزيرة]

الله يهدي الجميع ان شاء الله ولا نصير من هالمتسكعين والمتسكعات ..

عبارة(رد رائع)لايمكن ان تفي بالغرض وهو وصف ردك بانه المُختصر المُـفيد

اهنيك على براعتـك في تطبيق "خير الكلام ماقلّ ودلّ"

آمين الله يهدي الجميع والله يجعلنا مانصير من المتسكعين والمتسكعات وجميع المسلمين

تشرفت بمشاركتـك في موضوعي


:x3:صقرالجزيرة,,,

[صقرالجزيرة]

والله يا بعد حيي أنا من سكان الرياض ولا قد رحت لأسواق بريدة

لكن المعروف عندنا في الرياض أن أدين نساء المملكة هن نساء بريدة
سواء كان صحيح أو لا

بالرغم من ان الكلام موجّـه لعجوز سمنسي

إلا انني اجد لِـ لقافتي حضورٌ هنا كالعادة فأرجو ان تأذن لي بالاجابة والتعليق يااستاذي وها انا ارفعُ يدي :4_1_202[1

اول شي حياك الله ياساكن الرياض

ونعم المعروف عندكم بالرياض ان اغلب سكان بريدة عموما متدينين وهذا من واقع زياراتي العديدة للرياض والمُستمرة ان شاء الله

وبالنسبة لصحة المعروف عندكم فانا اُجيبك واقول إن شاء الله وبإذنه انه صحيح

وبما انك هنا خصّيتَ النساء

فياليت النساء يُثبتنَ ذلك للجميع بحفاظهن على سُمعتهن

وختاما اشكرك على متابعتـك للموضوع وهذا اسعدني

تقبل احترامي وتقديري لك


:x3:صقرالجزيرة,,,

[صقرالجزيرة]

نقاشكم حلو قلت أمّر عليكم...

اتمنى ان يستمر نقاشنا حلو الى نهايته ان كان له نهاية :confused: :f1:

كما اتمنى ان تكون جميع نقاشاتـنا في هذا المنتدى هي نقاشات حلوه

واتمنى ان لاتكون نقاشاتـنا حادة ويخالطها هواش <<< :c4:

,وأقرأ ملاحظاتكم...

متابعه......

يسعدني ان تقرأي موضوعي وتـتابعينه

ولكن برضو نبي نصير طمّـاعين شوي ونطلب منك ابداء رايك وليس القراءة فقط

((لاحظت ملاحظه على طريقة إسلوبك ياصاحب الموضوع))

لاحول ولاقوة إلا بالله اللهم اجعله خير يارب

الله يكـفينا شر ملاحظاتـكن

بس كني اعرف ملاحظتـك اللي لاحظـتيها على طريقة اسلوبي

ومع ذلك ماراح اخمّـن هااها قولي وش عندتس حنّـا ماجينا هنا إلا لابداء الاراء لكن باحترام

واشكرك على المرور والمتابعة

عاد سيـيّـري علينا مرتن ثانيه


:x3:صقرالجزيرة,,,

[صقرالجزيرة]

أخي صقر ..

وفيت خيراً و نطقت بالحقيقة .. و هذا شئ واقع و امر دائم .. فـ مجرد محل ثلاث فتحات .. إلا و اماكن الحلاقة تمتلئ من المخنثين .. ملاحقتاً للفتيات ..

إنا لله و إنا اليه راجعون


تحياتي لك

وهذا قلم لامع اخر جمّـل موضوعي بكتابة مشاركة فيه

وارى ان كل من اضاف رده ومن سيضيف لاحقا هم اقلام لامعه جمّـلت موضوعي بل موضوعنا جميعا لانه يهمّـنا كلنا كما يبدو لي

فـ الامر يعني مجتمعنا كـكل من وجهة نظري ولاارغم احدًا على تقبلها

وشهادتك اعتز بها اخوي شاطئ الراحة

لكن برايك ماهو الحل لهؤلاء الذين يلاحقون الفتيات ؟

وكيف نخلّـصهم من الاشياء او الشِّباك التي تُجبرهم على فعل ذلك :confused:

بما انهم شريحة من مجتمعنا فبإعتقادي اننا نحن فقط من يجب ان يبحث هذه الآفة ونحن المعنيّون بأمرهم اليس كذلك ؟ :confused:

فلقد مللنا ونحن نلقي اللوم عليهم فلم يجدِ ذلك نفعا... اذا يتوجّب علينا البحث عن حل اخر غير اللوم !

وإنا لله وإنا إليه راجعون

وختاما اشكرك على تكرمك وقيامك بزخرفة الموضوع وذلك باضافة مشاركتـك


:x3:صقرالجزيرة,,,

[توتي]

إلا قل لي اخوي توتي وش صار على المرور... سمحوا بالتظـليلة

ههههههههههههههههههههههههههه

انت تسالك نفسك وتجاولب وتعلق تعليق اخر

انا عندما انتقدت المرور انتقد قراار التضليلة وذكرت اسبابه لان الحر لعب بنا لعب وما انتقد كل المرور
انا بس قلت التضليلة ليش يمنعووونه

[Queen of buraydh]

ياناس قبل كل شي ربو بناتكم وحافظو عليهم وازرعو جواتهم المراقبه الذاتيه وصدقوني بتجنون خير وبتحطون في بطونكم بطيخه صيفي وبتنامون ..

الفساد موجود بكل مكان .. الله يستر ع الجميع

[صقرالجزيرة]

ههههههههههههههههههههههههههه

انت تسالك نفسك وتجاولب وتعلق تعليق اخر

انا عندما انتقدت المرور انتقد قراار التضليلة وذكرت اسبابه لان الحر لعب بنا لعب وما انتقد كل المرور
انا بس قلت التضليلة ليش يمنعووونه

طيب جيد اخوي توتي انت تـنتـقد قرار التظـليلة وماقصدت انتـقاد كل المرور

لكن هل انا هنا انتـقِد المخازن الكبرى ؟! وهل انا طالبت بهدم المخازن الكبرى ؟! :confused:

علمًا بأنه من حقّـنا الانتـقاد لكن بشرط ان نقول للمحسن احسنت وللمسيئ اسأت

اعتـقد ان الجانب الانتقادي لموضوعي انحصر على بعض افراد المجتمع

ولم يكن يشمل المخازن الكبرى

واعتـقد اني لما رجعت وذكرت فرصة اخرى اللي هي فرصة الطائعين والطائعات معناه اني مانظرت للجانب السلبي فقط مثل ماانت قلت

وبرضو اعتقد اني احسنت الظن بناس بذكري للفرصة الثانية

عموما يااخوي ياتوتي اتمنى انه مايكون هدفنا الوحيد انا وانت هو من يتـفوق على الثاني بالانتـقاد

المفروض ان هدفنا الوحيد هو الموضوع الاساسي والمشكلة الاساسية وطرح الحلول لان المشكلة واقعية

لكن للتـنبيه فقط ترى حتى انا لي عتب على بعض تصرفات رجال المرور لكن ماكتبت عنها لذلك لاتعتـقد اني متـنرفز من موضوعك عن المرور

وفقط علشان اكون صريح معك ترى ياما عطونا مخالفات وياما صادروا زنون من اخوياي

لكن للامانة ياما ساعدونا بمشاكل كثيرة سواء تعرّضت له انا او تعرّض له ناس اعرفهم

وياليت مانبتـل بسالفة المرور علشان مانطلع عن الموضوع ثم يهوشون الاعضاء الباقين

لكن فيه شي انا مستغرب منه ياتوتي

ليش بردك الاول على الموضوع علّـقت على الجانب السلبي بموضوعي وعلى كلمة مكوبرين

وبردك الثاني علّـقت على كلامي عن موضوع المرور يعني معقولة مافيه شي ايجابي بموضوعي وبتعليقي على ردّك ! :f1:

وفقط للتـنبيه: انا وغيري ماجينا هنا علشان نبرّئ انفسنا من الاخطاء , كلنا نخطي

فأنت يمكن تشوف اني اخطيت على الناس بموضوعي هذا

لكن لتعلم ان هناك من يرى اني اتـكلم عن مشكلة واقعية وانه لم يكن قصدي هو تبرِأة نفسي وذكر سلبـيات المخازن دون ذكر الايجابـيات

عموما في الختام انا مااجبرك على الاقـتـناع بموضوعي وبوجهات نظري وحنّـا هنا ماجينا علشان يجبر بعضنا بعض

وبما انه يبدو لي ان الموضوع مااعجبك فانا مااجبرك على متابعته ان كنت لاتريد ذلك

ولكل واحد منا وجهة نظر لذلك من حقـك انك تُعجب بالموضوع ومن حقـك انك ماتُعجب به

واعتذر للجميع على الاطالة


:x3:صقرالجزيرة,,,

[جناان]

وهي وقفت على المخازن الكبرى.!!
الفساد للي يبحث عنه يلاقيه في كل مكاااان .!!
اجل فتحوا المخازن الكبرى
كودي اروح لجيان >> للحين ما شاافته
نسال الله الحفظ والسلامة للجميع
بارك الله فيك

[صقرالجزيرة]

ياناس قبل كل شي ربو بناتكم وحافظو عليهم وازرعو جواتهم المراقبه الذاتيه وصدقوني بتجنون خير وبتحطون في بطونكم بطيخه صيفي وبتنامون ..

الفساد موجود بكل مكان .. الله يستر ع الجميع

اشكرك على توجيه رسالتـك اللي تحث على البدء بالنفس اولا

لكن ليت رسالتـك شملت التوصية على الابناء الذكور ولم تقتصر على البنات

علشان اتـأكد انها لم تكن نغزة منك تحمل صرخة في وجه كاتب الموضوع فلقد وضعتيني في حيرة :12[1]:

عموما وعلى كلّ حال يجب علينا العمل بالنصائح التي كنصيحتـك الرائعة هذه

ولكن يبدو ان نصيحتـك لن تجدِ نفعا في جيلنا المُعاصر وذلك لمن لم يكن عمل برسالتـك سابقا من ارباب الأسر حين كان ابناءه صغار حين حاجتهم للتوجيه

وإلا كان تـلقينّـا اكتـفينا بكتابة موضوع يحمل رسالتك هذه وذلك لو انه لم يفت الأوان

فلقـد فات الأوان بالنسبة للجيل المُعاصر لهذا وجب علينا الكتابة والانتـقاد

ولكن نصيحتـك حتما ستجدِ نفعا في الاجيال القادمة إن شاء الله وذلك لو بدأنا بتربية صغارنا على ماذكرتيه

فهل توافقينني الرأي على ماذكرت ؟

لكن تأكدّي ان هناك من عمِـل بما ذكرتيه في تربية ابناءه اللي هم الجيل المُعاصر ولعل هؤلاء الابناء هم اصحاب الفرصة الثانية التي ذكرتها في موضوعي ولعلنا ايضا ممّن عمل بنصيحتـك

وتأكدّي ايضا انه ليس كل ربّ وربّـة أُسره لديهم القدرة على معرفة طُرق التربية الصحيحة لأبنائهم ومنها الطريقة التي ذكرتيها

وهل توافقينني الرأي على ذلك ؟

عموما ولعله ختاما اشكرك على تـزويد الموضوع بالأنوار وذلك بتوجيه نصيحتـك الرائعة


:x3:صقرالجزيرة,,,

[سـمـا]

ماش مدري وشبكم دايم على بنات بريده تقل مايتسوق غيرهن

الله يهديكم

كل هالاماكن اروح لمهن ماشفت تنوره لين الفخذ او مدري ايش

من هالخرابيط

تلقاه فاتحتن عيونه وفتحة النقاب صغيره ماهي كبيره

بس المشكله بكم انتم مشافيح لو تشوفون كيسه سودا رحتو ركض لمه

وبديتو تغزلووون

همن لاقربتو قوه اثره كيسه الله يفشلكم

بعدين هاللي تقولون انهم يلبسن قسم بالله انهن بزرااان يعني صغيرات بالمتوسط او ابتدائي

بس طالن بسرعه ولبسوهن اهلهن عبايات لكن العقل عقل طفله

ويالله ابمشي معكم واقول هاللي يلبسن ويسون

البنت معروفه بطبعه انه حنونه ولما تسوي هالشي وتسمع كلام منكم وهي محرومه من الحنان

اكيد راح تخق كلام ماعمره سمعته

لذلك الغلط على الاهل لازم يشبعون عيالهم وبناتهم عاطفيا اوكيه

وارجع اقول ان اللي يلبسن هالنقاب اللي مهنا اوسع منه انا احلف حلف انهن مو من بريده

يعني من المحافضات المجاورات لانهم هم على مايقولون انهم متفتحيتن يعني يعتبرون هالتخلف تفتح

تدرون ليش احلف لاني اسمع لهجتهم مو لهجه اهل بريده

يعني كل ماصار شي قالو بريده بريده

وراه ماصار الشي هذا عندنا ايام قبه رشيد

لان محد يجي للسوق هذا الا اهل بريده بس

لكن لما فتح النخيل واشكاله بدت العالم تجي من كل صوب علشان الماركات

وبدت هالاشياء تنتشر عندنا

اوكيه

وانا اقول بالفم المليان اللي من بريده اصل وفصل لايمكن يسووون كذا

مع اني موب من بريده اصل

لكني عايشه هنا وعارفه كل شي
واعرف بناتها زين

كل ماطرى على الواحد قال بنات بريده بنات بريده

ياخي خافو الله من دعوة المظلوووووووم

ولو يصيرن هاللي تقولون من بريده لو يعني

فانهن تاثرن بالدخلاء وصاروا يلبسو مثلهم
وتقبلو مروري

[صقرالجزيرة]

وهي وقفت على المخازن الكبرى.!!
الفساد للي يبحث عنه يلاقيه في كل مكاااان .!!

لا ماوقـفت بس هذا موب معناه نقف مكتوفي الأيدي

المفروض اننا نـتـدارك الوضع ولو ببعض الاماكن على الاقل

ماادري هل توافقينني الرأي ؟

كودي اروح لجيان >> للحين ما شاافته

:1856:

معقووله للحين مارحتي له ؟!

اعتقد ان الاغلبيه راحوا له اذا موب كلهم

اجل روحي له ياجنان كود مابه زحمة بعد افتـتاح المخازن

نسال الله الحفظ والسلامة للجميع

آمين هذا اللي نتمناه من الله

في الختام لايسعني إلا القول تـشرفت بمشاركة عضوة قديرة في موضوعي فشكرا لكِ


:x3:صقرالجزيرة,,,

[ولــد نعمـة]

أنا لأعتقد أنها ستكون مركزاً للمعاكسات نظرا لبعدها عن البنيان قليلاً يعني المتسوق سيظطر القدوم بسيارة اذا لابد من ولي أمرها برفقتها وهنا تكمن العلة.... وحالها مخالف تماما لجيان و العثيم الملاصقات لمركز تجاري .. فبعد الأنتهاء من التسكع بالأسواق ووجود حراس الأمن لمنع الشباب ينتهي بهم المطاف للسوبر ماركت الذي في رأيهم
( استراحة محارب).. وهو في الحقيقة عكس ذلك تماما إنما اراه أنا ( إستباحة محااااارم )... عذرا للفظ..


تحيااتي مرة أخرى...

[صقرالجزيرة]

اول شي ياام ارجوان ولايهونون الاعضاء ارجو بل لابد انك تقرين الرد كامل وركزي على اللي بالاحمر ولاتهملين اللي بالاسود وذلك لتصحيح بعض المفاهيم إن شاء الله

والكلام موجّـه للجميع لعل الله يطرح البركة وإن شاء الله ماتوجعكم عيونكم

ماش مدري وشبكم دايم على بنات بريده تقل مايتسوق غيرهن

اول شي اشكرك ياام ارجوان على المساهمة في افتـتاح صفحة جديدة في موضوعي

ثاني شي الظاهر اني ماخصّـيت بنات بريدة بموضوعي الموضوع يتكلم عن كل من كان صفاته مذكورة بالموضوع

ويبدو لي ياام ارجوان يااوخيتي انك متحمسه تهاوشين وماتبيننا نتكلم عن اخطاء بعض البنات وذلك بحكم ان انثى

لاني وبإعتقادي اني بموضوعي تكلمت عن الشباب بعد

لكن ماادري مااشوفك قلتي (وش بكم دايم على شباب بريدة تقل مايتسوق غيرهم)

اتمنى ان مايكون هدفنا هو الدفاع عن جنـسنا حتى لو ان بعضهم غلطانين

علما باني ماخصّـيت شباب وبنات بريدة بالموضوع

وبالنسبة لقولك (تقل مايتسوق غيرهن) انا ماقلت ليش البنات يتسوّقن انا قلت ليش بعضهن هذا لبسهن

ولاتـنسين بعد اني عيّـبت على لبس ومظهر بعض الشباب

الله يهديكم

آمين نسأل الله الهداية للجميع ذكورا وإناثا

وجزاكِ الله خير على دعائك لنا

كل هالاماكن اروح لمهن ماشفت تنوره لين الفخذ او مدري ايش

والله لايجيب اللحظة اللي نشوف بهن هالتـنورة وماشابهها من غير شر على غير محارمنا قولوا آمين ياجماعة

لكن اعتقد مجرد اعتقاد ان شايب سمنسي يوم قال كذا ماكان يقصد بالاسواق يمكن كان يقصد بأماكن ثانية

عاد انتِ اسأليه هو انا مالي دخل ماقـلت شي من اللي ذكرتيه

بس المشكله بكم انتم مشافيح لو تشوفون كيسه سودا رحتو ركض لمه

حلو الاستفزاز هنا ياام ارجوان

وحلو الاستهتار

بالرغم من ذلك ماراح اتهوّر وأكسر الشاشة اللي قدّامي :29_1_8[1]

لاني لو كسرته وشلون اشارك بمنتدى بريدة همّن عاد كود اروح لمقهى ولا اجدع وجهي عند اصدقاي

اخت ام ارجوان ارجو ان تبادليننا الاحترام

وبديتو تغزلووون

حطيتينا نغازل ياام ارجوان ؟! :29_1_8[1]

حطيتي كل اللي كتبوا بالموضوع او حتى كل اللي يتكلمون عن بعض البنات يغازلون

اعتقد اني بالموضوع هذا ماعمّيت الشباب ولا البنات حتى

لكن اعتقد انك لم تبادليننا ذلك

ام ارجوان تذكري انك ظلمتي ناس وهذولا الناس ستـقـفين انتِ ويّـاهم امام الله يوم القيامة فظنّـك ماهو الحال في تلك اللحظة إن لم يسامحوك

همن لاقربتو قوه اثره كيسه الله يفشلكم

ماهو الذنب الذي اقترفناه جميعا علشان تدعين علينا كلنا ان الله يفشلنا ؟! :confused:

بعدين هاللي تقولون انهم يلبسن قسم بالله انهن بزرااان يعني صغيرات بالمتوسط او ابتدائي

بس طالن بسرعه ولبسوهن اهلهن عبايات لكن العقل عقل طفله

وووييين بالمتوسط والابتدائي ياام ارجوان قوية ذي :)

يمكن بعضهن صح اما كلّهن , لا وتُـقسمين بالله بعد ــــــــــــــــــــــــــــــــــــــــــــــــــ ـــــ

البنت معروفه بطبعه انه حنونه ولما تسوي هالشي وتسمع كلام منكم وهي محرومه من الحنان

اكيد راح تخق كلام ماعمره سمعته

طيّب ياام ارجوان هي ليش تسوّي هالشي

المفروض تبتعد عن الاسباب اللي تخلي بعض الشباب يتحرّش به ولا انتِ وش رايك ؟ :ash:

هذي سالفة ضربني وبكى سبقني واشتـكى ولا انا غلطان ؟ لعلّي غلطان إن شاء الله :ash:

يعني هي تسوّي ذا الاشياء ولما يجي واحد الله يهدينا وياه ويتحرش به تكون هي ماله ذنب باللي صار ! , فقط هو المُـذنب الوحيد بالحادثة

لكن لعلمك ياام ارجوان بِحسب مانسمع من بعض الروايات ان بعضهن على نيّـاتها

يعني لابستن ذا اللبس موب لانه عاصيه لا , لانه تشوف وتقلّـد وهي ماتدري ان هذا يضرّه هي بالمرتبة الاولى

لكن المشكلة ان اللي يخق على قولتـك هم الشباب وبالنهاية بعض البنات تطلع منه مثـل الشعرة من العجينة يعني لاتخق ولاشئ ولا انتِ وش رايك ؟ :ash:

وبكل الاحوال وجب علينا المُـناقشة صح ولا انا غلطان ؟

وارجع اقول ان اللي يلبسن هالنقاب اللي مهنا اوسع منه انا احلف حلف انهن مو من بريده

نتمنى ذلك لكن ليتـك ماحلفتي ياام ارجوان صدقيني كل هذا لاني خايف يكون حكم الصوم يشملك بهذه الحالة

مع ذلك يبقى مجرد خوف وشك علشان بس مايجي احد ويقول انت مسوّي شيخ هنا وقاعد تفتي

ولاتعتبرين هذا فتوى مني ياام ارجوان اعوذ بالله من ان أفتي بدون علم

لذلك ياام ارجوان ترى ان صُمْـتي بِحسب كلامي هذا فأشهد الله وأشهدكم اني بريئ منكِ اقصد بقيامك بالصيام بحسب كلامي فأنا اتبرأ الى الله من ذلكعموما ياام ارجوان لنفرض انهن موب من بريدة هل معناه نخلّـي الدعوى سايبه

بإعتقادي ان نظريتـك خاطئة ياام ارجوان وهو مجرّد اعتقاد من حقكم تقبله او رفضه

بإعتقادي ايضا ياام ارجوان ولايهونون الباقين انه مادامهم شريحة من مجتمعنا ذكور وإناث ويشكّـلون خطر علينا وعلى ديننا فالواجب علينا مناقشة امرهم

ولا انا غلطان ؟ مااعتـقد ذلك وهذا ليس مدح لنفسي وتبريئها من الخطأ

يعني من المحافضات المجاورات لانهم هم على مايقولون انهم متفتحيتن يعني يعتبرون هالتخلف تفتح

أعجبني اعتبارك ذا الشئ تخلّـف

نعم يجب ان نقول للمحسن احسنت وللمسيـئ اسأت

وهذا يدل على انك انسانة واعية وفيكِ خير

ونحن نفتخر بكِ كإنسانة تُـنكر على من يستحق ذلك ومانقول إلا الله يكثر من امثالك

وإني لأرى حضورًا لإنصافك هنا في جملتـك هذه فأنتِ بذلك جعلتيني أحس بأنكِ لم تكوني ترين أنّ موضوعي خطأ لآخر درجة

ارجو ان يكون احساسي صحيح وفي محلّـه :4[1]:

يعني كل ماصار شي قالو بريده بريده

ارجع وقول لكِ انا هنا ماذكرت كلمة بريدة في موضوعي وهذا كما يبدو لي

فالموضوع يعيّب على بعض السلوكيّـات سواء اللي يسوونه من بريدة ولا من غيره

وهذي وجهة نظري

فإن كُـنتِ تقصدين مواضيع ثانيه غير موضوعي روحي هارجي اللي كاتبينه

موب تجين وتصرخين بوجهي هنا وانا وش ذنبي انا مالي دخل ترى انا صقرالجزيرة مانب بتاع تؤبرني وخيّو وابن عمّـي

وراه ماصار الشي هذا عندنا ايام قبه رشيد

صدق ورااه ؟! :ash: :confused:

يمكن لان ذاك الوقت ماطلعوا بعض اللي فاهمين الانفتاح غلط شباب وبنات<<< ولعلكم لاحظتوا كلمة بعض وكلمة شباب وبنات علشان مااحد يقول انت ظالم وخليت كل الناس غلطانين وتكلمت عن البنات بس

لكن فعلا الله يرحم ايام قبّـة رشيد , وه بس لاإله إلا الله مااقول إلا الله يرحم الحال <<< عسى موب كلمة وه للبنات وانا قاعدن اقوله من زمان ياخزياه من الرجال ولايهونون البنات

لان محد يجي للسوق هذا الا اهل بريده بس

تهقين تسذا ؟ :ash:

يمكن كلامك صحيح اختي ام ارجوان

لكن لما فتح النخيل واشكاله بدت العالم تجي من كل صوب علشان الماركات

ولعلّـك ذكرتي هنا ولعلّـي اشاركك التذكير والتـنبيه بأن المشكلة موب بالنخيل ولاغيره المشكلة ببعض اللي يجونه واظني نبّهت لـ ذا الشئ قبل كذا

وبدت هالاشياء تنتشر عندنا

الله يجعلنا نفقد هالأشياء عن قريب قولوا آمين ياجماعة , اللهم آمين

وانا اقول بالفم المليان اللي من بريده اصل وفصل لايمكن يسووون كذا

فـقط للتـنبيه وتلافيا للهواش اودّ ان أذكر بأن الاخت لم تقصد ان اي واحد من برّا بريدة يسوّي كذا

ولا كان شملها الكلام لانها كما ذكرت انها ليست من بريدة اصل

والمعذرة ياام ارجوان تلقـفت وتكلمت عنك بس لاني ماابي احد يجي ويهاوشك بموضوعي وإلا غير موضوعي مشكلتـك انتِ ويّـاه تعرفين لازم احرس موضوعي :f5: <<< اتسذب لاتحسبونن أناني

لكن فقط للتـنبيه ياام ارجوان ترى برضو فيه ناس بالموضوع موب اصلهم من بريدة مع ذلك ناقشوا يمكن لحبّـهم لبريدة او حتى غيرتهم على دينهم

ولعلّـنا مانتعمّـق بالنسبة لكوننا من بريدة ولا من غيره , ليش ماأدري ولا هوب لازم تدرون :f5:


مع اني موب من بريده اصل

كلّـنا اخوان ماتـفرّق بيننا اصول ولعلّـنا نُطبّـق هذا الشئ فعلا

يجب ان يكون هدفنا الاصلاح والتعزيز من الأخوّة سواء من بريدة ولا من غيره كلّـنا عيال آدم

واعرف بناتها زين

ونِـعِـم بالجميع إن شاء الله <<< قولوا ماعليك زود خلّـوكم ذربين

كل ماطرى على الواحد قال بنات بريده بنات بريده

سبق التعليق عليها لكـني اقـتبسته لاني كثير(ن) هرجي <<< ادري من دون ماتقولون بس عاد جاملوا وقولوا حاشاك

ياخي خافو الله من دعوة المظلوووووووم

الله يكـفينا شر دعوة المظلوم

الله يجعلنا مانَـظْـلِـم ولا نُـظْـلَـم اللهم آمين

وإن حدّت الظروف الله يجعلنا مظلومين لاظالمين

لكن سؤال اخت ام ارجوان

من الظالم اللي يناقش مشكلة واقعية أو اللي يتّـهم الناس انهم يغازلون وهو مايدري عنهم

علما بإني كل مااقول شي اذكر كلمة (بعض) او ارجع واذكر شريحة ايجابية عكس الشريحة اللي ذكرتها قبل

انا لم يكن الظلم هو قصدي ولم يكن القاء اللوم على البنات فقط هو مااشتمل عليه موضوعي كما يبدو لي اني عيّـبت على الذكور ايضا وهذا مايبدو لي لكن قد لايبدو لغيري

وانا اتعجّـب منهم الصراحة لاني اشوف اني كل ماقلت (تاء التأنيث) اكون سبقتها بنفس الكلمة بـ (المُذكّـر) فأين الظُّـلم في موضوعي ياام ارجوان :confused:

ولو يصيرن هاللي تقولون من بريده لو يعني

فانهن تاثرن بالدخلاء وصاروا يلبسو مثلهم

وحنّـا وشّـو له قاعدين نكتب من أمس ؟! :confused: :ash:

إلا علشان اللي تأثرن يتداركن انفسهن وعلشان اللي ماتأثرن مايتأثرن بالمستقبل <<< الهرجة تأثرن فهمتوا شي ؟

فهمتي الحين ياام ارجوان ولايهونون الاعضاء ليش انا مِنبحِّ(ن) حلقي وقاعدن اهرج من أمس

وبالختام ياام ارجوان ارجو انك ماتخلّـين اللي أخذ فكرة زينه عنك يندم على ذلك

والمعذرة ان كـنت زوّدتها معك لكن تاكدّي اني لم اتعمّد ذلك بل من غير قصد فالشيطان حريص

والمعذرة للجميع على الاطالة لكن هذا علشان نحاول مناقشة الامور الواقعة

ولا انا وشّـو له قاعدن أسرِف واطيّر قروش على الانترنت الله يكفينا شرّه ويطعمنا من خيره

وشكرا لك ياام ارجوان على مرورك ولو انك قاعدتن تـنفخين علي لكن الشكوى لله :29_1_8[1]


:x3:صقرالجزيرة,,,

[نجم في سماء]

سؤالي............ ان كل واحد يقول اهلي وعيالي واقاربي محافظين ومافيهم شئ من هااااا الخرابيط
.
. اما بالنسبه لبريده فمازالت هناك أسر متحفظه بالدين والاخلاق
.
(وأهلك عليك حقا) ولاننسى الامر بالمعروف والنهي عن المنكر

[صقرالجزيرة]

أستغفر الله العظيم عن كل ذنبٍ عظيم وأرجو من الله أن يسامحني

فقط لاشتباه الامر علي اردت التـنبيه

هناك يَمين اللي يكون الشخص لم يقصد بها الحلف لكـنها جاءت من غير قصد

والاكيد ان لهذا اليَمين اسم وانا تشابهت علي الاسماء في البداية قلت ان اسمها اليَمين الغموس

لكن بعد اعتماد المشاركة ذكرت ان هناك يَمين تسمى اليَمين المُـنعقدة

وانا اعتقد ان اليَمين الغموس هي التي تغمِس صاحبها بالنار ويبدو لي انها اليَمين الكاذبة فلعل من لديه العلم يفيدننا

وبالنسبة لليَمين المُنعقدة هي اليَمين التي يكون صاحبها لم يقصد الحلف لكنها جاءت في وسط الكلام من دون قصد

واغلب كلامنا يشتمل عليها

عموما لعل من لديه العلم اليقين يفيدننا لانه إلى الآن الامر مُشتبه علي

وارجو منك ياام ارجوان ان تكونين أفضل منّـي وأكثر تأنيًـا وتحلليني لاني لم اقصد ذلك يعلم الله والله على مااقول شهيد

فلست انا من يدخل فلان النار ويدخل فلان الجنة

أكرر اعتذاري لكِ امام الجميع ياام ارجوان واطلب منك انك تحلليني وارجو ذكر ذلك وافيدك اني لم اتعمّد ذلك يعلم الله وإلا لما قمت بحذف ذلك من المشاركة

وللتـنبيه فقط انا حررت المشاركة وحذفت منها ماجاء بخصوص اليَمين وذلك لكي لاانطق بكلام يهوي بي الى حيث لاأتمنى

,,,

[صقرالجزيرة]

للتـنبيه فقط

بحسب سياستي والنظرية التي أتّـبِعُها في هذا الموضوع

فسيتم الرد على ماتبقّـى من الردود في وقتٍ لاحق إن شاء الله ولعلها الليلة فانتظروني

واشكر كل من تابع الموضوع


احترامي وتقديري للجميع

,,,

[محمد الهويدي]

أخي صقر الجزيرة

أولاً أشكرك على هذا الموضوع

الذي تميز بالطرح والحيادية وعدم التعميم

ثانياً ماذكرته أخي الكريم

قد يكون ظاهرة مزمنة وتتضح غالباً

عند استحداث أي مركز أو معلم تجاري أو نحو ذلك كالمهرجانات

لكن الفيصل هنا هو :

من يستطيع التكيف والتعامل مع معطيات الحضارة والتقدم .؟

ومن يستطيع كبح جماح نفسه الأمارة بالسوء .؟

هناك بعض الفئات الشاذة والقليلة جداً إن شاءالله

التي لاتستطيع التأقلم مع المعطيات في الوقت الحاضر أياً كان نوعها

وهي ولله الحمد شرذمة قليلة تجردت من أبسط القيم

مستغلة تلك الأمور استغلالاً سلبياً قد يكلفها ثمناً باهظاً

فالبعض في الوقت الحاضر وقد يلاحظه الجميع خاصة في الأماكن العامة

حاله لاتخرج عن نوعين

نوع يطلق لنظره العنان يمنة ويسرة بل في كل الاتجاهات وبنعم شديد

والنوع الآخر يجده يسترق النظر ويبذل كل مافي وسعه في سبل تلبية نزواته

وربما تحول إلى السعار خاصة إذا وجد مبتغاه أو أحس بسهولة السيطرة على الطرف الآخر .

أخي صقر الجزيرة مرة أخرى شكراً على هذا الموضوع

والذي لاينفي وجود من يحسنوا التعامل مع كل جديد ايطرأ

ويدركوا أهمية وجود مثل هذه المراكز

والتي أصبحت في الوقت الحاضر تجمع بين عدة جوانب هامة

أذكر مايخص المعنيين هنا

وهما جانبين : التسوق والترفيه

[سـمـا]

صقر الجزيره

حياك الله

وانا اكن لك كل معزه واحترام

بس انا لما قلت الكلام اعلاه والله ماقصدي انافخ ولا شي

الا من اللي قريته في الموضوع خصوصن الردود

طبعن انت تكلمت عن موقع واسواق وين موجوده عندنا ولا بعنيزه وبالرس

تكلمت عن اسواق هنا

يعني الواحد راح يفهمها انك تقصدنا

وتكلمتو عن البنات وانهن هن السبب

طيب انا قلتلك البنت عطوف وحنون بخلقته

يعني لما تسمع كلام حلو من احد وهي كانت لابسه ومتحشمه

تلقاه من بكرا تحاول تلفت الانتباه علشان تسمع الكلام هذا مره ثانيه


بعدين الله يسلم قلبك لاتشب اللي كتبو بالموضوع اني اقصدهم انا اقصد السعودي ككل وبكل مكااااان


المهم ماودي اكثر الكلام عشان ماودي انصدم معك


وانا مامدح نفسي بالكلام الي اقوله لاني ماحب العبايات المخصره ولا النقابات الوسيعه


واحتقر اللي اشوفه لابستهن


لكن انا لما حلفت حلفت من واقع اشوفه

ليش احلف دفاع عنهن على حساب نفسي

لاني انا اروح واشوف

وراح اكرر كلامي يعني اللي يلبسون اما يصيرو صغار بالسن اوماهم من بريده

الا اذا صار في المخازن شي جديد انا مادري اذا رحتله ابلغك

وترى فيه بنات من بريده من شدة الدين عندهم ماشاء الله ماكملوووو مدارس

يعني حرام انه كل من جاء قال بريده وبريده


ولاتنسى ان هذا منتدى والكل يدخل فيه

يعني يجي واحد ويقول انا اللي خابر بنات بريده عقل وثقل

همن يجي ثاني ويبدا يسب ويمدح غيرهن

وش راح تصير سمعتنا قدام العالم

اذا عيالنا وهم عيالنا ماقدرونا وقاموا يسبوننا

تبغاني اضحك واقول صح لسانك يافلان

لا اكيد راح اتنرفز وارد اعتباري

وبالختام ياام ارجوان ارجو انك ماتخلّـين اللي أخذ فكرة زينه عنك يندم على ذلك


طيب انا وش سويت قريت كلام ورديت عليه من سابق خبرتي

الا اذا صرت انا بزر ومافهم عاد هذا شي ثاني


المهم اشكرك ياصقر على تقبلك لي ولردي بصدر رحب

وان دل على شي دل على كرم اخلاقك


تقبل مروري

[صقرالجزيرة]

أنا لأعتقد أنها ستكون مركزاً للمعاكسات نظرا لبعدها عن البنيان قليلاً

وانا اتمنى ذلك

واتمنى ان لايكون السبب هو بُعدها عن البنيان لكني اتمنى ان يكون السبب هو الخوف من الله والعمل بتعاليم الاسلام

واشكرك على مشاركتـك والتي ارى بين سطورِها غيرتـك على دينك إن شاء الله وهذا مادفعك لاستخدام الالفاظ القوية والصريحة

ومن جديد شكرا لك على مشاركتـك


:x3:صقرالجزيرة,,,

[صقرالجزيرة]

سؤالي............ ان كل واحد يقول اهلي وعيالي واقاربي محافظين ومافيهم شئ من هااااا الخرابيط


يبدو لي يااخي بان هذا ليس سؤال بقدر مايبدو لي انه اتّـهام وذلك لانك جزمت المسألة فلم ارى مايشير الى السؤال وهي قول "هل" اضافةً الى اني ألتمس ذلك في الاسلوب

بكلامك هذا فانك تـتّهم من قال ذلك او حتى بعض من قال ذلك بانهم لم يصدقوا فهل اطّـلعت على احوالهم ؟ :confused:

عموما يااخي لنفرض ان كلامك صحيح

فالمفترض عليك وعلينا جميعا في هذه الحالة ان نأخذ ماينفعنا من هذا الموضوع وليس من واجبنا ان نشاهد هل كل من قال كلام صادق ام لا

عزيزي مادمنا نسير تبَعـًا لهذه النظرية فلن نُصلح اخطاءنا وذلك بحجة ان الاخرين لم يصلحوا اخطاءهم

.
. اما بالنسبه لبريده فمازالت هناك أسر متحفظه بالدين والاخلاق

نعم صحيح ويبدو لي اني ذكرت ذلك مُسبقا

(وأهلك عليك حقا) ولاننسى الامر بالمعروف والنهي عن المنكر

تذيـيل جميل لمشاركتك فجزاك الله خيرا

ولكن لتصحيح الخطأ وبالتأكيد انه سقط سهوًا

(ولأهلك عليك حق)

فقط سقطت اللام

"وَذكِّـر فإِنَّ الذكرى تنفَـعُ المؤمِنِـينَ" . سورةالذاريات . آية 54

واشكرك على المشاركة والنصيحة


:x3:صقرالجزيرة,,,

[صقرالجزيرة]

أخي صقر الجزيرة

أولاً أشكرك على هذا الموضوع

الذي تميز بالطرح والحيادية وعدم التعميم



في البداية أشكرك على ردك العقـلاني لاسيمَ وقد وضعت النقـاط على الحروف

وبالنسبة لقولك "عدم التعميم"

فأنا أخبرك هنا أخي أبو الهدد أني بالرّغم من ذلك تعرّضت للإتهام بقيامي بـ "التعميم"

ولكن الله يسامح الجميع

قد يكون ظاهرة مزمنة وتتضح غالباً

عند استحداث أي مركز أو معلم تجاري أو نحو ذلك كالمهرجانات

ولهذا أنا قمت بكتابة الموضوع بعد افتـتاح المخازن الكبرى مباشرة

فلعلي قمت باختيار الوقت المناسب

لكن الفيصل هنا هو :

من يستطيع التكيف والتعامل مع معطيات الحضارة والتقدم .؟

ومن يستطيع كبح جماح نفسه الأمارة بالسوء .؟

هناك بعض الفئات الشاذة والقليلة جداً إن شاءالله

التي لاتستطيع التأقلم مع المعطيات في الوقت الحاضر أياً كان نوعها

ولعل كلامك هذا يؤكد ماذكرته أنا في رد سابق بأن بعضنا هو من يجعل من الإيجابي سلبي

بعضنا هو من يقوم بالاستخدام السلبي للأشياء التي من المفترض أنها تستخدم استخدام ايجابي ولعل منها التـقـنية إضافةً إلى مانحن نتـناقش به الآن

مستغلة تلك الأمور استغلالاً سلبياً قد يكلفها ثمناً باهظاً

صدقت حين قلت "ثمنا باهظا"

ولكن " لقد أسمعت لو ناديتَ حيًّـا ولكن لاحياةَ لِمن تُـنادي "

أخي صقر الجزيرة مرة أخرى شكراً على هذا الموضوع

والذي لاينفي وجود من يحسنوا التعامل مع كل جديد ايطرأ

ويدركوا أهمية وجود مثل هذه المراكز

نعم هُـناك اُناس فيهم الخير

لقد أحسنت وصفهم في قولك: يحسنوا التعامل مع كل جديد يطرأ

وأشكرك من جديد على ردك الذي يحمل بين سطورِه العقلانية في المناقشة ولاتهون باقي الردود


:x3:صقرالجزيرة,,,

[صقرالجزيرة]

أيضا بحسب سياستي والنظرية التي أتّـبِعُها في هذا الموضوع

فسيتم الرد على ماتبقّـى من الردود في وقتٍ لاحق إن شاء الله ولعل هذا الوقت ليس بالبعيد فانتظروني

واشكر كل من تابع الموضوع


:x3:صقرالجزيرة,,,

,,,

[صقرالجزيرة]

بس انا لما قلت الكلام اعلاه والله ماقصدي انافخ ولا شي

اول شي اخت ام ارجوان اشكرك على متـابعة الموضوع والاهتمام بقراءة كل الردود الموجودة بالموضوع وهذا اللي حسيته من كلامك

وعساك حللـتين بس

وبالنسبة للمنافخ انا يوم قلت لاتصرخين قصدت لفت نظرك انك تحمستي شوي او تـنرفزتي مثـل ماقـلتي بسبب بعض الردود فـ وش ذنبي انا ان كان موضوعي مافيه شي ينرفز

توجهين الكلام وكاني من ضمن اللي تسببوا بنرفزتـك لانك ماذكرتي انك تـنـتـقدين بعض الردود

عموما كل واحد فيه اشياء تـنرفزه والمتـنرفز لايُـلام لكن موب دايم وانتِ إن شاء الله انك مااخطيتي بحق احد لذلك ماراح نطول بالسالفة

بالعكس ردك الاخير تحلى بالهدوء ولايهون ردك الاول وذلك بعد مابردتي كما يبدو لي

الا من اللي قريته في الموضوع خصوصن الردود

اختي ام ارجوان اسمحي لي اقول لك انك هضمتي حقي

اعتقد الموضوع مافيه شي ينرفـز ابدا ابدا لو انا قاعدن اهوش وقاعدن اقول البنات هن المذنب الوحيد باللي يصير كان اقول: ايه بعذره لو قالت تسذا

لكن لما الوم الشباب والبنات بموضوعي ثم تقولين لي "الا من اللي قريته في الموضوع"

اعتـقد انك كذا تـتجاهلين اني ماعيـبت على بنات بريدة فقط ولا عيبت على كل البنات وتخلين موضوعي موضوع ينرفز وموضوع يميل للشباب

بالرغم من ان فيه ردود تـنفي الميـول لاحد دون اخر بموضوعي وتـنفي التعميم وتـنفي تخصيص بنات بريدة او حتى شبابها وتـنفي حضور التعميم على الجميع بموضوعي

اما بالنسبة للردود ماادري يمكن فيه ردود استـفزازيه ولاابي اقول شي علشان مااظلم احد

انا لاانكر وجود بعض الاعضاء اللي يتعمدون استـفزاز البنات والعكس بالنسبة للعضوات لكن إن شاء الله ان ذا الاعضاء والعضوات مالهم حضور هنا بموضوعي

ومع ذلك ياام ارجوان انا اقول لك حطي بإذن عجين والثانية طين وردي عليهم بس باسلوب الهدف منه التصحيح بس بدون ماتـدخلين احد ماله دخل معهم

عموما ان كان موضوعي استـفزازي لناس دون غيرهم فتأكدي اني ماقصدت ذا الشئ

طبعن انت تكلمت عن موقع واسواق وين موجوده عندنا ولا بعنيزه وبالرس

تكلمت عن اسواق هنا

يعني الواحد راح يفهمها انك تقصدنا

ليس بالضرورة إذا تـكلمت عن مراكز موجودة عندنا أكون أقصد شباب بريدة وبناته فـقط دون غيرهم لاسيمَ وأني لم أصرح بذلك

يعني لما تسمع كلام حلو من احد وهي كانت لابسه ومتحشمه

تلقاه من بكرا تحاول تلفت الانتباه علشان تسمع الكلام هذا مره ثانيه

ام ارجوان اسمحي لي

اول شي انه ليس من المعقول ان يتعرض شاب لمن هي متحمشمه اعتـقد كذا

والشئ الثاني انه اكبر غلط انه من بكرا تـلفت الانظار بحجة انه تبي تسمع نفس الكلام . صح ؟

المفروض تبحث عن حلول وليس عن مايجعل الموقف يتـكرر لاسيمَ وأن المتحشمة ماتـتصرف مثـل ذا التصرف

بعدين الله يسلم قلبك لاتشب اللي كتبو بالموضوع اني اقصدهم انا اقصد السعودي ككل وبكل مكااااان

:ash: :confused:

لاتـشب <<< :18[1]:

<<< عفوا ترى مااقصد الاستهتار بكلامك لانه هذا كلامنا جميعا قبل لايكون كلامك بس ضحكت على التـعبـير

ولااشب ولاشي بالعكس والله ماكان قصدي اشبّهم ولاابيها تقبس بينكم بس انا اقصد لاتـلومينن على خطأ يرتكبه غيري مثـل ماذكرتي بقولك "خصوصن الردود"

وذلك اللوم الواقع علي بقولك "الا من اللي قريته في الموضوع"

المهم ماودي اكثر الكلام عشان ماودي انصدم معك

عجزت افهم اللي تقصدينه بالضبط احترت يمكن فيه خطأ بالصياغة

جمعـتي بـيـن "انصدم بك" وبـيـن "ادخل في صدام معك" حيّرتيني :12[1]:

اذا كانت الاولى فانا اقول إن شاء الله انه ماراح احد ينصدم بالثاني بما ان القصد من الكلام هو المناقشة

واذا كانت الثانية فانا اقول إن شاء الله ماصاير فيه صدام مجرد اختلاف بوجهات النظر وكما تعرفين ولايهونون الباقين "الاختلاف بالرأي لايفسد ..."

ماحب العبايات المخصره ولا النقابات الوسيعه


واحتقر اللي اشوفه لابستهن

وها أنتِ تؤكدين لي رجاحة عقـلك أهنيك على موقـفـك ضد من ذكرتي



وراح اكرر كلامي يعني اللي يلبسون اما يصيرو صغار بالسن اوماهم من بريده

وأنا أيضا سوف أكرر كلامي وأقول: حتى لو أنهم ليسوا من بريدة يتوجّب علينا عدم التغافل عنهم

صح ؟

أما بالنسبة لكونهم صغار بالسن فما أدري هل هو لدرجة المراحل الابتدائية ؟

عموما أنا لاأرجح ذلك فكونهم من غير بريدة ممكن

الا اذا صار في المخازن شي جديد انا مادري اذا رحتله ابلغك

ماش احس انتس للحين متـنرفزة والا زعله والا للحين مادخلت راستس بعض القـناعات

ولاأعرف ماهو سر وجود هذا الإحساس لدي :confused:

يعني حرام انه كل من جاء قال بريده وبريده

عفوا ام ارجوان موب كل من جاء قال بريدة وبريدة

فعندتس انا مثلا مااعتقد اني خصيت بموضوعي شباب وبنات بريدة

صحيح يمكن انتِ تقصدين احد غيري لكن بس حبيت انبهك لقولتـك "كل" , واسمحي لي كثرن تـنبـيهاتي

ولاتنسى ان هذا منتدى والكل يدخل فيه

يعني يجي واحد ويقول انا اللي خابر بنات بريده عقل وثقل

همن يجي ثاني ويبدا يسب ويمدح غيرهن

وش راح تصير سمعتنا قدام العالم

صحيح راح تـتأثر السمعة ماانكر ذا الشئ

وانا اعترض على اللي يسب اهل ديرته فالمفترض ان "كل(ن) يمدح بقـله" موب يسبه

مادام ان هذا المدح إن شاء الله يعود بالخير على الممدوح

لكن بشرط عدم انكار بعض الحقائق اقصد الانكار المبالغ فيه واللي يساهم في عدم حل المشاكل

وايضا عدم الافصاح بكل شئ اقصد الافصاح المبالغ فيه ايضا

وهذي وجهة نظري فما ادري عن وجهات نظركم

لا اكيد راح اتنرفز وارد اعتباري

بالعكس المفروض انـنا نمسك اعصابنا بقدر المُـستطاع لأنه دائما التـنرفز لاتحمد عقباه والا وش رايك ولايهونون الباقين بكل تأكيد ؟

وبالنسبة لرد الاعتبار لازم يكون بالمناقشة وبهدوء اعصاب وهذا ضروري لرد الاعتبار بحق ولحل المشاكل أيضا

صح ؟

وبالختام ياام ارجوان ارجو انك ماتخلّـين اللي أخذ فكرة زينه عنك يندم على ذلك


طيب انا وش سويت قريت كلام ورديت عليه من سابق خبرتي

ام ارجوان انا يوم اقول كذا قصدت كلامك "الكلام اللي بخصوص الكيس الاسود" لانه فعلا كلام استـفزازي ولايمكن انكار ذلك ياام ارجوان

لاتقولين انا اقصد بعض الاعضاء والا الرجل السعودي بشكل عام فهذا ليس عذرا

وأيضا يوم قلتي "الله يفشلكم" إلخ ...

فقط أردت توضيح سبب قولي الكلام المذكور باللون الأحمر بما إنك تجاهلتي السبب (والمعذرة على عدم المُـجاملة)

الا اذا صرت انا بزر ومافهم عاد هذا شي ثاني

العفو

لكن ترى أيام الطفولة تـتميز بميزات ماتـتميز بها باقي مراحل العمر

يعني ترى فيه ناس يتمنون يـرجعون بزران لِما تـتميـز به "مرحلة الطفولة"

فـ لو قلتي "الا اذا صرت انا جاهلة ومافهم عاد هذا شي ثاني"

كان اقول فعلا الجهل مذمّـة (سب) لكِ ولكل عاقل يوصف بذلك

ماادري هل توافـقينـني الرأي ولايهونون الباقين ؟

وان دل على شي دل على كرم اخلاقك

ماعليكِ زود ولايهونون الباقين

وفي الختام أشكركِ على تبادلك الاحترام معي ومع كل الأعضاء ومدحك ومجاملتـك لي في بعض الأشياء وأنا لاأستحق ذلك فشكرا لكِ

وحقًـا أشكركِ على متابعة الموضوع

والشكر موصول لكل من ساهم في إنجاح هذا البرنامج :c7:

والمعذرة للجميع على الإطالة الزائدة


:x3:صقرالجزيرة,,,

[ღ ][ وحيدة كالقمر ][ღ]

صقر الجــــــــزيرة

هذا ثاني موضوع لك أقراه



والله مواضيعك سرررررررررردهن رووووووعه....

الله لا يضرك


الله يحفظنا ويحمانا وبنات المسلمين من الفساااد سواء بالمخازن وإلا بغيره,,,,,

والله اللي يبي الفساد والشر والله إن يوصله لو هو بجحر ضب الله يكرمكم....

أجل أنا زانه ع راس أبوي ودي أطب هالمخازن قبل رمضان....

والدعوة زحمه ....اضنها مراح تخف بعد....الله يرزقهم....

تنبيهك جيد وغـــــــــيور أخي الصقر....

شبهتني بأخوي الكبير

عادي نمشي بالسوق خوذن راحتكن لكن بحدود...مافيه فتش نقاب مافيه كحل مافيه تشغيل بلوتوب عباية مخصرة الحمد لله ربي معافينا منها.....يعني بتفهم الوضع...يعجبني الشاب اللي مثل أخوي الله يحفظه...يعني لا إفـــــراط ولا تفريط....


الله يحمانا ويحفظنا بحفظه الكريـــــــــــم....

تحيتي لك ولقلمك....

أختك
&وحيدة كالقمر&

[صقرالجزيرة]

صقر الجــــــــزيرة

هذا ثاني موضوع لك أقراه


تـشرفت بذلك

لكن ماادري وشو الموضوع الاول ياليت تعلميني وشو الموضوع اذا ماعليكِ احراج

والله مواضيعك سرررررررررردهن رووووووعه....

الله لا يضرك

http://www.3z.cc/sml/6/6909bba249ee827f717e497497739ff5.gif (http://www.3z.cc/sml)

اشكركِ على المجاملة

وتأكدي إن كلامك يشجعني على الاستـمرار في الكـتـابة بنفس الاسلوب والسرد مادام انه حاز على إعجاب واستحسان اكثر من عضو

واشكركِ مرة ثـانيه على المدح الذي لاأستحقـه فـ أنا لم أتـكـلـف بصياغة الاسلوب والسرد ومااستخدمت مُـحسِّــنات

لذلك اعـتـقـد ومن وجهة نظري ان سرد الموضوع لم يصل لمستـوى الروعة اللي وصفـتـيه فيها

الله يحفظنا ويحمانا وبنات المسلمين من الفساااد سواء بالمخازن وإلا بغيره,,,,,


آمين

والله اللي يبي الفساد والشر والله إن يوصله لو هو بجحر ضب الله يكرمكم....


كلامك صحيح

لكن برضو هذا موب معناه انـنا نسكـت مانـتـكـلم ونخلي "الدرعى ترعى" , صح ولا انا غلطان ؟

شبهتني بأخوي الكبير

عادي نمشي بالسوق خوذن راحتكن لكن بحدود...مافيه فتش نقاب مافيه كحل مافيه تشغيل بلوتوب عباية مخصرة الحمد لله ربي معافينا منها.....يعني بتفهم الوضع...يعجبني الشاب اللي مثل أخوي الله يحفظه...يعني لا إفـــــراط ولا تفريط....


الله يحفظ لك اخوك ويكـثر من امثـاله

الله يحمانا ويحفظنا بحفظه الكريـــــــــــم....


آمين وجميع المسلمين

&وحيدة كالقمر&

:29_1_16[1

لفت انـتـباهي وجود الكاف هنا

اذكر ان الاسم كان وحيدة القمر او انا مشبّـه ؟ :confused:

عموما (وحيدة القمر) والا (وحيدة كالقمر) المهم اني تـشرفت بمرورك وجزاكِ الله خير


:x3:صقرالجزيرة,,,

[ღ ][ وحيدة كالقمر ][ღ]

أخي صقر:

عودة أخـــــــــــرى :

لا والله لم أجامل ولن أجامل وأكـــــــــره المجاملة أصلاً!!!!متى نفعت


نعم
لابد أن نأمر بالمعروف وننهى عن المنكر...ولانسكت...


هذا هو الموضوع المقصود:مع إن عندي رد بس موضوعك مت من الضحك ع سردك وطلعت

http://buraydh.com/forum/showthread.php?t=117526


نعم
هي وحيدة القمر لكن تم التعديل على الإسم ...فأصبح&وحيدة كالقمر&


تحيتي لك...

[صقرالجزيرة]

عودة أخـــــــــــرى :

اشكركِ على متابعة الموضوع

وشئ حلو ان العضو او المشرف يتابع المواضيع اللي رد عليها لذلك اشكر كل اللي ردوا على الموضوع واخص منهم اللي استمروا بمتـابعة الموضوع

لا والله لم أجامل ولن أجامل وأكـــــــــره المجاملة أصلاً!!!!متى نفعت

اجل المعذرة على اتهامي لكِ بالمجاملة

والحمد لله ان السرد كان فعلا حلو وماهو مجرد مدح

وبما ان فيه قرّاء قالوا ان ذا الاسلوب حلو

فانا إن شاء الله راح استمر في استخدامه في المواضيع اللي فيه امكانيه اني استخدم فيها ذا الاسلوب

مت من الضحك ع سردك وطلعت

الصراحة انا تعمدت في ذاك الموضوع اني استخدم مصطـلحات مضحكـة علشان يستمر العضو بالقراءة لاني ابي الاعضاء يقرون الموضوع كامل وذلك لكي تصل معاناتي للجميع

بس شكلـتس ضحكـتي ضحـك " قامد أوي " وصار أحر ماعندي أبرد ماعـندتس :D

وفي الختـام اشكركِ مرة ثانيه على متابعة الموضوع


:x3:صقرالجزيرة,,,