شرايكم بالعدسات الطبية ؟؟

[هامة حاسوبية]

السلام عليكم ورحمة الله وبركاته


اللي مجربين العدسات الطبية

شرايكم فيها ؟؟

والنظارات عادة ممكن اختيار نوع العدسة بحيث تكون عاكسة للأشعة ، طيب العدسات فيها هالخاصية ؟؟

أبغي ناس مجربة


تحيتي

هامة حاسوبية

[Queen of buraydh]

مرحبا هامه

انا استخدم عدسات طبيه واذا كنتي تبغين الصحي استخدمي عدسات ال6 شهور عشان تغيرينها كل 6 شهور وهذا اصح .. وابتعدي عن العدسات اليوميه لأنها خفيفه حيل وتتمزق جوا العين .. قبل فتره رحت للاسعاف بسبتها
لكن خاصية انعكاس الاشعه ما اعتقد انها متوفره ..

يارب احد يقدر يفيدك ..

[طـمـوح]

ما أنصحك بالعدسات أبداً

خليك مثلي إلبسي نظارات :)

وبعدين العدسات حساسة جداً, يمكن الواحد ينسى ينام فيهن !
ويمكن تجلس جنب نار أو مكان حار وأنت ناسي لابسهن
وحتى إذا كنت بمكان بارد وأنت لابسهن خطر أيضاً

هذا غير كلام أحد دكاترة العيون يقول أي شي تضعه بعينك خطر !

[هامة حاسوبية]

كوين :(

بعد كلام طموح ماظن إني بلبس عدسات :(

عاد أنا خواااااافه

أنا ألبس نظارات بس مو دايما

واللي خلان أفكر بالعدسات إنه لما أكون أطول على الكمبيوتر يعني إني أطول وأنا لابسة النظارات

فتترك النظارات أثر على خشمي ! وهذا اللي مضيق صدري !

[الافق]

نصيحه إن كنت في أول شبابك
بـعمليات تصحيح النظر بواسطة الليزر ...
بلاعدسات بلانظارات بلا هم ووجع رأس

تحياتي

[مرسى الاحلام]

اختي
انا استعملهم منذ 10سنوات ما فيهم اشكالية ولكن هذا يتوقف على الشخص نفسه ومدى تحسسه فانت استعمليهم واذا حسيتي بمضايقة اتركيهم ولكن يفضل وضعهم في المحلول عند النوم وعدم النوم فيهم لان العدسه تحجب الاكسجين عن العين فلا يفضل النوم فيهن وحافظي على نظافتهم في المحلول والان وجد عدسات طبية بعدة الوان اقول طبية اما غير الطبية فهي موجودة من زمان 0اتمنى اني اكون افدتك مع التحية

[هامة حاسوبية]

الأفق

إن شاء الله الوضع مايحتاج عمليات

لأني ما ألبس النظارات دايم



مرسى الأحلام

امممممممم دخلتي الفكرة براسي مرة ثانية ...

[طـمـوح]

^^^
طلعيها من راسك بس

وبعدين يبدو إن نظاراتك إطارها ثقيل ..
خلي النظارات من دون إطار ولا يترك أثر

[هامة حاسوبية]

طموح

بالعكس نظاراتي مرررررره خفيفات

بلاستيك مو زجاج

طيب أنت مجرب العدسات وصار لك شي منهن ؟؟

[طـمـوح]

لا والله ماعمري جربتهن .. لكن سمعت عن شخص مره كان يلحم وماعت العدسات بعيونه <=== ماظن إنك تبي تلحمين هههههههه
لكن ممكن تجلسين جنب مكان حار بيوم من الأيام

ومره تعرضت احد الأقرباء لمشاكل بالعين والدكتور يقول انه بسبب العدسات

على العموم أنصحك تروحين لم شخص متخصص أفضل وتسألين

بالنسبة للأماكن الباردة ماظن تكون مشكلة .. لأن بريدة دايم حارة وبشتاء بريدة عادي .. لكن في برا والأماكن اللي يجيها صقيع وبرد شديد خطر على اللي يلبس عدسات ممكن تلصق بالعين على حسب ما قرأت

[هامة حاسوبية]

أما إني بلحم ههههههههههههههههه

أما أجواء القصيم فهي قارية

يا برد صقيع يا حر ذباح الأوادم

مدري بشوف والله يكتب اللي فيه الخير ...

[الافق]

المشاركة الأصلية بواسطة هامة حاسوبية
الأفق

إن شاء الله الوضع مايحتاج عمليات

لأني ما ألبس النظارات دايم

هامة حاسوبية أسأل الله لك دوم الصحة والعافية .. وحياة سعيدة بإذن الله




تحياتي

[هامة حاسوبية]

الأفق

جزاك الله خيرا أخي الفاضل ومتعك بعافيتك

شكرا لك


تحيتي

هامة حاسوبية

[شموع تحت المطر]

هامـــــــــــــــــــــــــة

عادي استخدمي اللي ترتاحين له

اذا على العدسات البسها أنا ومافيها اي مشكلة ومرة نمت فيها مع اني كنت خايفة بس ماتسوى علي ذاك النومة من الخوف لكني مرات محدودة جدأ ألبسها لاني انا ماحبها واخذ العدسات المؤقته وبعد كل فترة ينتهي اكسجينها وترمينها...

والنظارة اذا ترتاحين فيها مو مشكلة بس ابحثي عن الايطار اللي يكون خفيف ومايكون فيه شي يسبب اثار على خشمك.. يعني الايطار نفسة لــــــــــــــــــــه دور

والعدسات مايكون فيها عاكس للاشعة بس انتي سوي بعدسة النظارة عاكس لاشعة الكومبيوتر عشان ترتاحين

واخيرا انصحك بالليزك... وناسة :)

[هامة حاسوبية]

شموع

هلا فيك يالغلا

ونظاراتي أنا عاكسة للأشعة

والله لا يحوجنا للعمليات :)

شكرااااا

بس لا عمرك تنامين بالعدسات :)

[جورينا]

هامة حاسوبية ؛؛

وعليكم السلام ورحمة الله وبركاته ؛؛

حياك الله غاليتي وعافاك ان شاء الله ؛؛

صراحه ماعندي خلفيه عن اللي ذكرتي بس اتذكر ولد خالتي كان زيك متاثر بالنظارات وصلح عمليه

تشطيب يقول مااخذت معي ولا نص ساعه والحين يقول انه مرتاح ومبسوط بلا نظارات وبلا هم

وربي يسر لك كل خيرررررر ؛؛

:)

[هامة حاسوبية]

فراشة نجد

هلا فيك يالغلا

ومشكورة والله بس مثل ماقلت أنا ولله الحمد ما أحتاج عملية لأني مب طول الوقت ألبس النظارات

[Miss_Autumn]

مرحبـا..
والله يا هامة..انا مالي بالعدسات ولا النظارات ولا شي يخص الموضوع..! :)

لكن بس بغيت ابلغك قبل كم يوم قرأت موضوع في صحيفـه يقووول
انهم اكتشفوا حديثا
ان العدسات تمنع وصول الاكسجيـن لمدري ايش جوا العين..مما يأثر مستقبلا..فـ يسبب [ العمى ]..!!
وبعيد الشر عنكم كلكم..

S.U
:)

[هامة حاسوبية]

وي وي

شو هالرمسة !! >> ارتاعت !!

بسم الله علينا وعليكم

[فتحي الشقاقي]

شوفي يا استاذتي هامة حاسوبية

نصيحه من مجرب

انا استخدمت العدسات الطبية لمدة سنة

والحين ما تتخيلي كيف اعاني ..

جفاف وحراره بعيوني دائمه .. هذا غير الاحمرار والالم

نصيحه لا تستخدمي العدسات ابد .. تراها والله مضره بالحيل

شفتي العين ؟
مو جواتها العدسه السوداء ؟
هذي الله يسلم تتنفس سبحان الله . واذا حطيتي العدسات عليها حتى لو كانت العدسات مطوره وفيها مسامات لازم العين تصير مكتومه او في حالت ضغط عليها لانها في وضع غير طبيعي .. واذا صارت العين مكتومه وفصختي العدسات بتجيك حكه في عيونك وتصيري ترمشي برعه بسبب حرارة العين بعد الضغط من العدسات ..
وهذا الشي احتمال ما تحسي فيه الا بعد استخدام العدسات لمده .. ..
حتى لو كان عندك ضعف واستخدمتي العدسات .. وحبيتي بالمستقبل تسوي عملية تشطيب راح بتكوني غير قابله للعمليه بسبب العدسات .. لذلك شوفي الي بيسوي عملية تشطيب يسأله الطبيب من مته تارك العدسات ؟؟؟
اذا من مدة قصيره ما يقدر يسوي له عمليه لان عينه جافه او هزيله
لذلك شوري عليك لا تستخدميها من شان صحتك ،،
هذا غير الاهمال .. اذا انتي من النوع الي مهمله في العدسات من ناحية التنضيف وطريقة البس والفسخ وطريقة متابعة اوقات لبسها ومدري شنو .. احتمال تنعمي فجأة لا سمح الله >> خوفها هه هه
البسي نظاره والحمدلله والشكر .. ترا فيه اطارات خفيفه وشكلها جميل وفيها عاكس عن الاشعه وعن الشمس تقدري تحطينها اوتوماتكيه تكون مضلله في النهار وفي الليل ترجع شفافه ..


وفي النهايه .. اتنمى ان اكون اوصلت بعض الافاده

[هامة حاسوبية]

فتحي

تراي حرمت ألبس العدسات عقب كلامك

العيون مابهن لعب

ودام السالفة فيها ضرر لا بالله مابيهن

مشكور والله على إفادتك

[شمس الرياض]

اختي
انا استعملهم منذ 10سنوات ما فيهم اشكالية ولكن هذا يتوقف على الشخص نفسه ومدى تحسسه فانت استعمليهم واذا حسيتي بمضايقة اتركيهم ولكن يفضل وضعهم في المحلول عند النوم وعدم النوم فيهم لان العدسه تحجب الاكسجين عن العين فلا يفضل النوم فيهن وحافظي على نظافتهم في المحلول والان وجد عدسات طبية بعدة الوان اقول طبية اما غير الطبية فهي موجودة من زمان 0اتمنى اني اكون افدتك مع التحية

مرحبا هامة ليه الخوف بالعكس العدسات جدا مريحه

واتفق مع مرسى الاحلام فيما ذكر وهي الطريقة الصحيحة

ولا باس ان تكون العدسات فقط فى فترات الزيارات والعمل

وفي المنزل يفضل نظارة حتى ترتاح العين

وكما ذكرت كوين يفضل العدسات التي كل ست اشهر

اما خاصية عكس الاشعة لاتوقع وجدود عدسات بتلك المواصفات

والشهر مبارك عليك يالغلا

تحياتي

[هامة حاسوبية]

شمس

الله يحييك يالغالية

وبصراحه أنا خوفن كلام فتحي وإلا كان أستخدمهن

لأني مابي ألبسهن طول الوقت ، أبي وقت الدوام أو العمل بشكل مكثف على الجهاز

يبدو إني صرفت النظر عن الموضوع خصوصا إنهن مايعكسن الأشعة

والشهر مبارك عليك يالغلا

علينا وعليك يالغلا


مشكورة