ترضى احد يفتش بجوالك؟؟ وليش؟؟

[نفسي تفهمني]

السـلام عليكم ورحمة الله وبركاته..

ترضى أحد يفتش في جوالك ! وليــش ؟ ::

الجوال ( مستودع الأسرار )!!



أصبح الجوال جزء لايتجزاء من حياتنا اليوميه مانطلع إلا بالجوال ومانقعد ولا ننام إلا مع الجوال

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...!!

الجوال مثل السكرتير

اللي يذكرنا بالمواعيد والساعات..

والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:

والمنبه ( أهم شي المنبه )

اللي يرن الصباح وقت الدوام .. نحط على غفوه وهالغفوه 10 دقايق

ومانقوم إلا إذا حد قال لنا :.. قومووووا دووووام متى بتروحوون...!




الملاحظ إن فئه عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك جواله

ودايماََ مايقولون

( لحد يلعب في جوالي ) !!



هالجمله البسيطه تحوي معاني كثيره (ممكن تفسرونها )

ليش مانرضى أحد يفتش أو :يلعب: في الجوال



هل هو الحرص عليه !!


ولا من زوود المحبه !!


ولا فيه شي خطير ماودك حد يشوفه أبد !!

هل لهالدرجه جوالك خطير ماتخلي حد يقرا مسجاتك

ويشوف قائمة الأسماء اللي بجوالك

ولا يسمع النغمات اللي منزلها ولا يشوف كم فيديو إستعراض

ولا فيديو كليب<<وهذا اللي مادري ليش يحطونه!!


الأسئله كثيره والتساؤلات أكثر حول هالموضوع

ما بطول عليكم بس أخليكم تفكرون وتجاوبون

[....الأمير....]

أنا بالنسبه لي

ما أرضى أحد يفتش جوالي أبداً

تسئلين ليش ..؟؟

حب الخصوصيه

[هادي الطبع]

شخص غريب او قريب لا اما زوجتي فعادي الامر

[ابوخالد382]

أنا شخصيا لاأسمح لأي شخص يعبث بمحتوياتي الشخصية ,,أما جوالي فقط أسمح لوالدي أو زوجتي ,ماعداهما (لا).....لكن أنا كأب يحق لي أن أنظر في جوال أولادي فقط ...

[الناي الحزين]

لن فيه صور لي خاصه

[نفسي تفهمني]

أنا بالنسبه لي

ما أرضى أحد يفتش جوالي أبداً

تسئلين ليش ..؟؟

حب الخصوصيه



تسلم عالمروووووور

[شاطئ الراحة]

الفاضلة أمل حجازي ...


أصبحت إجابة السوال فـ عدم الموافقة على ( تفتيش ) الجوال .. أمر فيه شئ من الحساسية تجاه السائل أو من أراد أن ( يفتش ) الجوال .. ولكن في الحقيقة لا أرى في الأمر ما يتطلب الظجر من السائل .. فصاحب الجوال له الأحقية في القبول أو الرفض في ( تفتيش ) جواله .. كونه يعتبر صورته الخفية و اللتي لا يمكن ان يتعمق لها أي شخص .

أما بالنسبة لي .. فلا اوافق لأي شخص في ( تفتيش ) جوالي .. بإعتبارة جزء من خصوصيتي و هذا طبعاً من حقي في الموافقة أو الرفض .. ليس أنه يحمل مخزونات تقلل من القيم .. أو المروءة .. لا و إنما قد يكون هنالك مخزونات لا تكون بحجم نظرة صاحبها أو إعجابة فيها ..

و للمعلومية .. فـ مقاطع الفيديو نادر ما أحملها في جوالي .. لعدم رغبتي فيها و انها فقط وقتيه .. أما الصور فـ هي ما اعجب به في الحقيقة .. و الملفات الأخرى متقلب الآرى فيها ..


أشكر لكِ موضوعكِ ..

[نفسي تفهمني]

شخص غريب او قريب لا اما زوجتي فعادي الامر

كلامك جدا رائع يسلموو على الاجابه

[نفسي تفهمني]

أنا شخصيا لاأسمح لأي شخص يعبث بمحتوياتي الشخصية ,,أما جوالي فقط أسمح لوالدي أو زوجتي ,ماعداهما (لا).....لكن أنا كأب يحق لي أن أنظر في جوال أولادي فقط ...

يسلموو عالمروور كلام جدا رائع
يعطيك الف عافيه

[نفسي تفهمني]

لن فيه صور لي خاصه

يسلموو عالمروور

[نفسي تفهمني]

الفاضلة أمل حجازي ...


أصبحت إجابة السوال فـ عدم الموافقة على ( تفتيش ) الجوال .. أمر فيه شئ من الحساسية تجاه السائل أو من أراد أن ( يفتش ) الجوال .. ولكن في الحقيقة لا أرى في الأمر ما يتطلب الظجر من السائل .. فصاحب الجوال له الأحقية في القبول أو الرفض في ( تفتيش ) جواله .. كونه يعتبر صورته الخفية و اللتي لا يمكن ان يتعمق لها أي شخص .

أما بالنسبة لي .. فلا اوافق لأي شخص في ( تفتيش ) جوالي .. بإعتبارة جزء من خصوصيتي و هذا طبعاً من حقي في الموافقة أو الرفض .. ليس أنه يحمل مخزونات تقلل من القيم .. أو المروءة .. لا و إنما قد يكون هنالك مخزونات لا تكون بحجم نظرة صاحبها أو إعجابة فيها ..

و للمعلومية .. فـ مقاطع الفيديو نادر ما أحملها في جوالي .. لعدم رغبتي فيها و انها فقط وقتيه .. أما الصور فـ هي ما اعجب به في الحقيقة .. و الملفات الأخرى متقلب الآرى فيها ..


أشكر لكِ موضوعكِ ..

عن جد درر رائعه تطلع من اخ اروع
يسلملي هالمروور لاعدمناااكــ خيوو

[Queen of buraydh]

بالنسبه لصاحباتي واهلي واخواني حلالهم ..

لكن غيرهم طبعاً لاا اسمح ..

[شخصية]

السبب بالنسبة لي هو ببساطة , المحافظة على الجهاز وعدم اهماله , وأما الاسباب الشائعةهي بصراحة أسباب نفسية أو اجتماعية , خجل أو حذر , مما يحتويه , احتوائه على صور للمحارم (احذروووووووا ) , او على صور مخلة للاداب العامة

مشكووورة خيتوا


اللي بعدوه:)

[هامة حاسوبية]

ترضى احد يفتش بجوالك؟؟

كلا

وليش؟؟

لأنني أقدس الخصوصية وبشراهة



تحيتي

هامة حاسوبية

[DaRk MoOn]

ما ارضى من اي شخص انه يفتش بجوالي لان في رسايل خاصه وشغلاااات خاصه

[عاشق ديرتي بريده]

اللي يسمح لي افتش جواله اسمح له يفتش جوالي
مع اني دايم انسى جوالي بالصاله يمكن يفتشونه وانا ماادري اصلا مافيه الا ارقام عمال والا انشوده اعذريني يابعد عمري اعذريني !

[ولــد نعمـة]

تحياتي اختي الفاضله ..
انا بالنسبة لي لاأرضى ولكن اذا وقع في يد متطفل
ففي هذه الحالة يجب علينا ان لانضع فيه شيء لانحب ان يراه احد
فلنحذر كل الحذر حتى لاينكشف المستوررر
تحياتي مرة اخرى..

[الذاهـبـة]

عندي بنت خالتي .. هوايتها تفتيش الجوالات ..

أي جوال تشوفه تقعد تفتش فيه ..

عيب .. و غير لائق !

الحين عشان عندي غسان .. صار بس يلعب بجوالي و يصمخني فيه ..

قليل أدب ما تربى !

[قرطبة]

عندي بنت خالتي .. هوايتها تفتيش الجوالات ..

أي جوال تشوفه تقعد تفتش فيه ..

عيب .. و غير لائق !

الحين عشان عندي غسان .. صار بس يلعب بجوالي و يصمخني فيه ..

قليل أدب ما تربى !

ممكن لفظة بدوية !؟

[الذاهـبـة]

نعم بدوية ..

عفواً استاذ قرطبة .. ما اخذت دواء الحساسية الليلة ..؟

مو واضحة الكلمة .. ؟ يعني يجدع الجوال بتصويبة قوية على راسي ..

:)

[قرطبة]

نعم بدوية ..

عفواً استاذ قرطبة .. ما اخذت دواء الحساسية الليلة ..؟

مو واضحة الكلمة .. ؟ يعني يجدع الجوال بتصويبة قوية على راسي ..

:)

الله يخليلك غسانوه .

حاولي تقطعين المعرفة .

عندي حساسية من البدو .

[الذاهـبـة]

أتمنى لك الشفاء العاجل ..

عفواً حاول أنت ألا تتبع ردودي .. لأن علاجك بيدك أنت ..

فقط ( اعطس ) و احمد ربك كلما قرأت ( معرّفي ) .. الذي لا يرتبط معك بأي ( معرفة ) !!

رعاك الله ..

[لمبة شارع]

الله يخليلك غسانوه .

حاولي تقطعين المعرفة .

عندي حساسية من البدو .

عندك حساسية من البدو أم من البداوة؟؟؟

[بايعها بايعها]

ايه ارضى ان اهلي يفتشن جوالي لاني واثق من نفسي و لا احمل في جوالي صور الدنفسة
وافتش بعد جوال خواتي لاني مسؤول عنهم وهم امانه عندي

[فتحي الشقاقي]

الجوال يعتبر من الاشياء الشخصيه ..

انا اشبه الي يقول عطني جوالك افتشه مثل الي يقول افصخ سروالك ..... ؟!؟ معقوله افصخ ؟ اكيد لا

الجوال من الاشياء الشخصيه .. يعني الواحد اصبح يحط كل اسراره واشياءه في الجوال ..
لذلك من العيب انك تفتش جوال احد ..

...............

[الذاهـبـة]

حكيم يا أبو شقاقي ..

[كفاني عذاب]

والله انكم اغلبكم يدعدع
والله انا بالنسبة لي انا كنت سابقا زمن الغفلة ماارضى لاحد يناظر جوالي
اما الان ماعندي اي مشكلة اي واحد يفتشة كائن من كان حتى لو هندي البقالة
انا اقول لك ليش

لان الجواليعكس الصورة المصغرة لصاحبه
مثلا لو كان يحب الصيد تحصل كل جواله صور طيور
ولو كان رياضي تحصله كورة وماشابه
وانا وش عندي ياحسرة اغبيه
ودمتم

[وليد الطريقي]

بالنسبة لي .. فلا اوافق لأي شخص في ( تفتيش ) جوالي .. بإعتبارة جزء من خصوصيتي

لا لانه يحمل شي فية عيب او استحي منه ولكن لانه اقتحام لشي لا يملكه غير

فالجوال وغيرة مثل المحفظة والاوراق الخاصة وما في جيبي يخصني فلا احد له الاحقية بتفتيشة

تحياتي

[ملكة الشوق]

انا


مااااااااااااااحب

وعتبرها وقاااااااااااااااااحه الي فتش.......

[ولــد نعمـة]

اقوووووووووول خله يفتش على كيفه عااد من زين الجوال
ياأخي صديقك وزميلك ان لم تثق فيه فاكتب على الصداااااااقه السلااام
وبعدين ابي أعرف وشي الأسرار اللي تكون بالجوال ولا تبي احد يطلع عليها ..
الا عاد ان كان صور ومقاطع الله الله فما أقول شيء
وان كان اسرار عائلية فاأعتقد انك مخطيء يامن تضعها بجوالك .. خشية فقدانه او سرقته ثم يحصل مالايحمد عقباه
سلــــــــــــــــــــملم..!!

[عجوووووز قريح]

الله يرحم حالكم وعساي ما أذوق حزنكم
وش به الجوال عشان تحطون فيه مذكرات وأسرار سريه وخاصه
إلى هالدرجه وصل الغباء بكم وتستهينون بخصوصياتكم
معقوله صار الجوال هو حافظ الاسرار أو حافظ لبلاويكم
فرضآ ضاع جوالك وبه من الاسرار مالله به عليم وبهالحاله وش راح تسوي يالمقرود ؟؟
إذا صار معاي جول يابنت حجازي راح اخليك تنخلينه نخل وبعطيك مفتاحه الاصلي عشان بهدوء وبرواقه تفتشينه ..
مستني ايه تعال أولها بآه .. هذي الأغنيه من له

عولم

[هامة حاسوبية]

عجوووووووز قريح

مب المفروض تكونين شاااااااايب قريح :)

تحيتي لمن ملك حياتك



وليد الطريقي

إجابة كافية وشافية

[عتال]

ارضي لي اهلي فقط لاغير

[جورينا]

أمل حجازي ؛؛

وعليكم السلام ورحمة الله وبركاته ؛؛

حياك الله حبوبة ؛؛

بالنسبة لي عادي ؛؛ أصلن هو خلقه محلوت بكل مكان ؛؛

ومافيه الا الدجه ؛؛

بس أهم شي لايخبرشون به وتحترق الشريحه ؛؛

:)

[& جمال الطفوله &]

أهلين امل حجاازي


بالنسبه لي أهلي عادي يشوفونه

ام أحد ثاني

لا مستحيــل

تحيااتي لك ..

[عاشق ديرتي بريده]

اللي يشوفكم تتناقشون عن الجوال يقول اكيد هذولا مايدرون ان بالجوال رقم سري !!!!!!!!!!!!
اللي مايبي احد يفتش جواله يحط رقم سري وخلاص :15[2]:

[’ ŚĀM]

أنا بالنسبـــه لــــــــي,,,
عااااااااااااااااااااااادي جوااااالي مفتووووووووح للي يبي ...!!!

تحيتي لك

[..خوية نجودي..]

أنا بالنسبة لي ماأرظى أحد يفتش جواالي ..
الا بس اختي اللي اكبر مني ع طوول ونجوودي وغيره محد يفتشه ....

وليش؟!!
كذا بس مااحب انه يصير جوالي بيد اي احد ..

وثاانكس ..

[ولـد بـــريدة]

من البديهي إن مو كــل أحــد يفتشــه ,........

النــاس الخـاصة بالنسبة لي لو ينخــلونه نخـل عاااااادي ,,,,,,

بس كل من شـافني قال لي عطـني جـوالك بشــوفـه أكــيد معصــي ,.......


شكــراً لك ,.......

[نفسي تفهمني]

مشكوووووووورين عالردددووود والتفااعل الله لايحرمني من طلتكم

[نفسي تفهمني]

الله يرحم حالكم وعساي ما أذوق حزنكم
وش به الجوال عشان تحطون فيه مذكرات وأسرار سريه وخاصه
إلى هالدرجه وصل الغباء بكم وتستهينون بخصوصياتكم
معقوله صار الجوال هو حافظ الاسرار أو حافظ لبلاويكم
فرضآ ضاع جوالك وبه من الاسرار مالله به عليم وبهالحاله وش راح تسوي يالمقرود ؟؟
إذا صار معاي جول يابنت حجازي راح اخليك تنخلينه نخل وبعطيك مفتاحه الاصلي عشان بهدوء وبرواقه تفتشينه ..
مستني ايه تعال أولها بآه .. هذي الأغنيه من له






عولم


ههههههههههههههههههه والله اني عرفتك من اسلوووبك هذي الغنية لي
اوكي عولم وراح افتشه مو تنسى

[هين هين]

انا مسبله مافيه شي يناظر قديم بس حروفه كبار هذي الميزه الوحيده فيه
لا واعطيه ألأطفال يلعبون به ويملونه سعابيل

هين هين
امسحه واحطه بامخباتي

هذه قصة جوالي الحبيب با أختصار

[طـمـوح]

بالنسبة لي عادي .. مسبل جوالي

[ابوسليمان22]

الجوال يعتبر من الاشياء الشخصيه ..

انا اشبه الي يقول عطني جوالك افتشه مثل الي يقول افصخ سروالك ..... ؟!؟ معقوله افصخ ؟ اكيد لا

الجوال من الاشياء الشخصيه .. يعني الواحد اصبح يحط كل اسراره واشياءه في الجوال ..
لذلك من العيب انك تفتش جوال احد ..

...............

الصراحه يوم قريت ردك مت من الضحك.والله انك منتهي.

بالنسبه للجوال صحيح شي خاص .لكن لا تحمل به الا اشياء تسر الاخرين مشاهدتها ثم تكون مطمئن البال اذا اخذ جوالك اي واحد او سرق منك اوضاع او جيت تفرمته عند محلات الجوال.

[ابو ريما الخالدي]

لاأرضى بأن يفتش أحد جوالي غير شخص واحد
أحب وأنبسط عندما أجده بين يديها
زوجتي
أم ريما

[سهر الليالي]

لا عادي يفتشوا مارح يلاقوا شي ,, الا مسجات لاني مدمنة تخزين مسجات ولاني ما احط الصور الخاصة فيه ولا احفظها فيه لان متوقع يضيع مني من غير ما انتبه له وطبعا أي بنت لازم تكون حريصة جدا على هذا الشي وما تحفظ صورها بجوالها .. ولا حتى مقاطع الفيديو.. ولذلك اذا كانوا اهلي او اخواني ولا صديقاتي عادي يفتشوا على كيفهم..مشكورة ياغالية على طرح الموضوع.

[عاشقةالجنة]

انا مدري ليش اذا احد مسك جوالي بدون اذن مني اتنرفز ويضيق صدري !!!

مع انه فاضي يعني رسايل عاديه بدون صور او اسرار بس اتنرفز من اللي يمون وبقوة وبدون ما يستأذني

حتى لو كلن اقرب قريب !!!

وانا مستحيل افتح جوال اي احد حتى لو كان اقرب شخص لي طبعي كذا اعامل الناس كما احب ان يعاملوني


شكرا" على الموضوع

[@ خالـــــــد @]

لالالالالالالالا اسبشل لااهلي ولا غيرهم ههههههههههههههههههههه 000000 تحياتي 000000

[البـــBADERـــدر B.D.Q]

اعتقد يجب ان يكون هناك احترام للخصوصيه مهما كان الانسان يمون عليك http://www.3z.cc/sml/8/41e495646385345e3daab31b65ec96f9.gif (http://www.3z.cc/sml)

[ولــد نعمـة]

الله يررررررجك رجا مبرحا يافتحي الشقااااااااااقي..هههههههههههههههههههه
تحياتي .. انتبه الدنيا مافيها أمان..

[الحنتريش]

اموله تراتس نسيتي نقطه مهمممممممممممممممه

اغلب النياسين الحين معهم على جوالين مب واحد
لكن ماعندي الا واحد ويكح هذي الاوله
الثانيه الحمدلله ماحب الي يفتش باي شي مب بس الجوال
بالنسبه للي يفتش الجوالات الحين كثارين الي يدور مقاطع والي يدور صور والا اغاني المهم انه حصل لي كم موقف منول اول ماطلع جوال الدمعه والحين مابه الا رقم اميمتي وعامل الاستراحه وكم واحد من الربع الي ماحفظت ارقامهم

[إنسانة غير]

بالنسبة لي عادي جوالي في متناول جميع من حولي من أفراد عائلتي

وأقربائي وصديقاتي ..لأني ماعندي أسرار والشي اللي مايرضيني

أشوفه بجوال غيري ماأخزنه بجوالي أبدا ..بس أهم شي عندي مايحوسونه علي

أو يغيرون النظام المظبوط عليه..


تحيتي لصاحبة الموضوع



أختك / إنسانة غيـــــــــــــــــر

[رومنسيه وكلي حنيه]

عجوووووووز قريح

مب المفروض تكونين شاااااااايب قريح :)

تحيتي لمن ملك حياتك



وليد الطريقي

إجابة كافية وشافية



جنيه هذي البنت
الله يكفينا شر شرورها يارب

[رومنسيه وكلي حنيه]

لاأرضى بأن يفتش أحد جوالي غير شخص واحد
أحب وأنبسط عندما أجده بين يديها
زوجتي
أم ريما

يا شين اللي يتدلعون
أكرهه الملاغه الزايد اللي تاصل لهذا الحد

[ابو ريما الخالدي]

يا شين اللي يتدلعون
أكرهه الملاغه الزايد اللي تاصل لهذا الحد

أختي الكريمه
لاأعتقد أن عملي هذا هو ملاغه وتدليع كما تسمينه

[سـمـا]

والله انا جوالي مع الصغير قبل الكبير


لدرجه الموانه صرت اذا رحت لاحد اكلف ماعليهم انهم يفتوحون الشنطه وياخذونه

مادري مشكلتي انا كتاب مفتوح يعني ماعندي خصوصياااااااااااااات

ودي اتعود للجحاده بس ماقدر

مشكوره اموله على هالموضوع

[ابراهيم الثنيان]

لا اكيد ماراضى..

[ابراهيم الثنيان]

عفوا ابغى اعقب اكثر ... لا اكيييييد ماراح ارضى لاني اعتبره من أغراضي الخاصة بي .. وراح اسمح في حاله واحده فقط وهو في حال طلبته الزووووووجه ,,,,, انا غير متزوج ولكن اكيد هذا اللي بيكون مع المتزوجين وهو طبعا من حق المرأه على الرجل ومن حق الرجل على المرأه عشان ما يكون فيه اي شك في قلوبهم ومشكورة امل على الموضوع ,,,, ودمتم

[مــجــوودي]

عادي جدا
(( الي في بطنه ريح ما يستريح))

[الحنتريش]

انتي ياصاحبة الموضوع
وانت يالذب
من الحين اقول لكم الي يحاول يفتش جوالي تراي ابسطره لاني مالي خلق هالحركات
ولو اني دايم مخليه هنا والا هناك بس اتحدى احد يتجرأ يمد يده عليه من الي يشوفونه
يمكن عشان عيوني توحش ونظرات حاده ههههههههاي