امدحني احبك انتقدني اكرهك !!!!!!!!!

[عاشق ديرتي بريده]

المدح افضل طريق لكسب حب الناس ماادري ليش اي شخص تمدحه يبدا يحبك
ويدورك كل يوم عشان تمدحه !!!!
شف ملامح اي شخص وشلون تتغير اذا مدحته على طول يبتسم ويرتخي وجهه
حتى لو كنت تكذب عليه بس اهم شي تمدحه
ولو تقوله لو كذب فيه شخص يمدحك يبدا يتصل عليك كل شوي يقول تكفى منهو اللي يمدحني وينشبك لين تعلمه
حتى بالمنتدى اذا مدحت موضوع اي عضو على طول يجي لموضوعك ويمدحك ويبدا
يقراء كل مواضيعك ويمدحك وبالعكس لو تسب موضوعه وتقول خرابيط
يبدا اذا شاف لك موضوع مادخله ابد والا اذا دخل الموضوع سبه


والعكس صحيح اذا نقدت الشخص او سبيته يبدا يكرهك مثل ابليس !!!

وش قصة المدح ليش يسوى بالانفس كذا ؟؟؟؟

والله العظيم بعض الاوقات اشوف ناس كل واحد يمدح الثاني بوجهه وكلهم يكذبون
بس كلهم مبسوطين
واقول ببالي الله يخلف على ام جابيتكم

[إنسانة غير]

أخي عاشق ديرتنا بريدة


كلامك صحيح وهذا اللي صاير بين الناس خلنا من المدح أمره سهل ويمر مرور الكرام


بس شف الواحد لو قلت رآيك له بصراحة سواء بلبسه أو مشيته أوأي شي يخصه

مايبي الصراحة أبد يبيك تقول الكلام اللي يبي بس >مع إنك تقول رآيك بمنتهى الأدب

والإحترام وبدون أي سخرية أو إستهتار بالعكس أحيانا تبي تعطيه الكلام اللي محد

يمكن يوصله له وتكون ناصح له وبطريقة لبقة ومحترمة

المهم عندي إنك تقول رآيك بصراحة للشخص بدون ماتعرضه للإحراج أمام الآخرين

أو تفرد عضلاتك قدام اللي جالسين برآيك يعني شوفوا ياناس تراي شجاع وماأخاف

من أحد -يعني توصل له رآيك بطريقة مؤدبة وراقية علشان يتقبل نقدك

وبإعتقادي لو استعملت معه طرق الإستهتاروالتهكم راح يعاند لو كان مقتنع إنه غلطان



وبالإخير لاحظ أخي أن الناس إنتابتهم في المراحل الأخيرة موجة حساسية من

الكلام غير طبيعية



تقبل مروري أخي ودمت بود




أختك / إنسانة غيــــــــــــــــر

[عاشق ديرتي بريده]

هلا بك اختي انسانه
المشكله الناس مايبون احد يقولهم شي الا المدح هو المطلوب الحين
لو تقول لكل شخص رايك فيه والله العظيم ان تصير منبوذ من كل الناس
يعني ياتمدح والا تسكت وغير كذا غير مقبول

[شايب سمنسي]

هذي هي ثقافة النفاق

امدحني وامدحك وشد لي واقطع لك

المصداقية في النفوس مفقودة

[عاشق ديرتي بريده]

هذي هي ثقافة النفاق

امدحني وامدحك وشد لي واقطع لك

المصداقية في النفوس مفقودة

طيب وش الحل ياشويبنا
يعني نمدح والا نصير طرمان !!

[صدى الصوت]

عاشق ديرتي بريده

مواضيعك كله اجتماعيه انصحك تبتعد عن الناس اللي تقابلهم او تجلس معهم لحد ماتتحدث او تطور عقولهم

انا احس انك تجلس مع ناس اجسامهم كبيره وعقولهم صغيره

وانت الله يهديك حساس كل شي تلاحظه

انتبه لاتطبع بهم ترى اغلب البشريه مادري وشلون صايرين



اما سالفت المدح

فهو اغلبه نفاق ولا مصلحه

1% يكون المدح لوجه الله او انه يحبك من قلب صافي

تحياتي لك


مشكور عاشق ديرتي

[لمبة شارع]

عاشق

حطالمدح والذم في درج واحد...

[عاشق ديرتي بريده]

عاشق

حط المدح والذم في درج واحد...

لمبه تعال ابرزك قدامهم وابقول هذا نمونه من اللي مايمدحون ومكروه
انت اكثر شخص تقول الحقيقه بوجه صاحب الموضوع بدون مجامله
بس للاسف الناس تدور زلاتك عشان ينتقمون ويسبونك مع انكم ماسبيتهم انتقدتهم بس!

[عاشق ديرتي بريده]

عاشق ديرتي بريده

مواضيعك كله اجتماعيه انصحك تبتعد عن الناس اللي تقابلهم او تجلس معهم لحد ماتتحدث او تطور عقولهم

انا احس انك تجلس مع ناس اجسامهم كبيره وعقولهم صغيره

وانت الله يهديك حساس كل شي تلاحظه

انتبه لاتطبع بهم ترى اغلب البشريه مادري وشلون صايرين



اما سالفت المدح

فهو اغلبه نفاق ولا مصلحه

1% يكون المدح لوجه الله او انه يحبك من قلب صافي

تحياتي لك


مشكور عاشق ديرتي

انا طبعي اشوف واستمتع واضحك مااشارك الناس كلامهم لانه كلام متكرر وكل يوم ينقال
انا اشوف مافيه شي جديد بالحياة كله كلام لايقدم ولاياخر
بس مجرد كلام يضيع الوقت
بس حلوه ملاحظتك ياصوت
والله لو اغير الف مجلس الكلام والطبع واحد مدح وخرابيط والا انتقاد وهوشات !!!

[هامة حاسوبية]

النقد يكون سيئا في حالتين

الأولى : إذا كان من باب التدخل بشئون الأخرين ، فبعض المواضع لا يحق لك إنتقاد غيرك فيها

والثاني : إذا كان بأسلوب الإستهزاء أو بقسوة

فانتقدني كما تشاء ولكن بأسلوب وعقلانية



تحيتي

هامة حاسوبية

[عاشق ديرتي بريده]

النقد يكون سيئا في حالتين

الأولى : إذا كان من باب التدخل بشئون الأخرين ، فبعض المواضع لا يحق لك إنتقاد غيرك فيها

والثاني : إذا كان بأسلوب الإستهزاء أو بقسوة

فانقدني كما تشاء ولكن بأسلوب وعقلانية



تحيتي

هامة حاسوبية



هلا هامه
اذا انتي تقبلين النقد يوجد الف شخص لايحب النقد !!!
مشكله الناس ان كل واحد يشوف انه هو الصح وافعاله صح واللي يقول كذا مايفهم !

[الذاهـبـة]

فيه حكمة شعبية قديمة .. لكن فقدت التركيبة الصحيحة للصياغة ، و بعطيكم الزبدة :

تقول العجوز : ( ياحبي لمبكياتي .. و ياكرهي لمضحكاتي ) ..

و في قراءة أخرى ..

( فيدت مبكياتي و فدينن مضحكاتي ) ..

و المقصود من ذلك .. يعني مرحبا بالنقد .. لأن النقد هو اللي بيفيدني ،

ولا أحتاج المدح ( من عند وجهي ) يعني قدامي .. حتى لو انبسطت عليه ..

لأن الثناء الصادق يكون في غيبتي .. مو في حضوري ..

لكن ..

أجيال اليوم يا استاذ عاشق ديرتي .. على الريحة ..

جيل رخو مسكين .. ما يتحمل ..

لو تقول له : ( هذا خشمك ) .. زعل !!

:)

* في نقطة هامة .. ألا وهي مراعاة الذوق و قواعد الإتيكيت ..

يعني النقد يكون لطيف و بطريقة مهذبة .. و إذا شفت الشخص حساس

أو لا يرغب بالنقد .. فالأفضل تجنبه .. يعني لا تمووووووووت إلا و تخبره عن عيوبه !! *

رعاكم الله ..

[لمبة شارع]

لمبه تعال ابرزك قدامهم وابقول هذا نمونه من اللي مايمدحون ومكروه
انت اكثر شخص تقول الحقيقه بوجه صاحب الموضوع بدون مجامله
بس للاسف الناس تدور زلاتك عشان ينتقمون ويسبونك مع انكم ماسبيتهم انتقدتهم بس!

محد يكرهني يا عاشق...

اللي يذموني وهم قلة هم اكثر من يقرأ لي ويتقطعون في حروفي ويشهقون اذا شافوني معدي من قدامهم...يعني يموتون في دباديب شخابيطي..!<<<<بس انا كأني ما أدري..تخبر لزوم المحافظة عليهم
ثم وش المشكلة اذا عطيتهم مساحة لفش الخلق؟؟
اصلا الجميع داخل للنت يبي يوسع صدره..
خلهم يهيضون وياخذون نفس عميق على ايديني !!
اجل تبغاهم اذا دخلو المنتدى بس ينحشرون وينتكون وبس يجاملون ويمدحون في هالعالم !!
لازم تعطيهم مساحة حرة يمارسون فيها ذواتهم ويتحررون من المثاليات المزيفة التي يضطرون اليها و التي تملأ المنتدى...

[عاشق ديرتي بريده]

فيه حكمة شعبية قديمة .. لكن فقدت التركيبة الصحيحة للصياغة ، و بعطيكم الزبدة :

تقول العجوز : ( ياحبي لمبكياتي .. و ياكرهي لمضحكاتي ) ..

و في قراءة أخرى ..

( فيدت مبكياتي و فدينن مضحكاتي ) ..

و المقصود من ذلك .. يعني مرحبا بالنقد .. لأن النقد هو اللي بيفيدني ،

ولا أحتاج المدح ( من عند وجهي ) يعني قدامي .. حتى لو انبسطت عليه ..

لأن الثناء الصادق يكون في غيبتي .. مو في حضوري ..

لكن ..

أجيال اليوم يا استاذ عاشق ديرتي .. على الريحة ..

جيل رخو مسكين .. ما يتحمل ..

لو تقول له : ( هذا خشمك ) .. زعل !!

:)

* في نقطة هامة .. ألا وهي مراعاة الذوق و قواعد الإتيكيت ..

يعني النقد يكون لطيف و بطريقة مهذبة .. و إذا شفت الشخص حساس

أو لا يرغب بالنقد .. فالأفضل تجنبه .. يعني لا تمووووووووت إلا و تخبره عن عيوبه !! *

رعاكم الله ..

هلا استاذتي الذاهبه
المشكله من اللي يقبل بالنقد واكبر دليل انتي تشوفين الردود بالمنتدى بعضها نقد حلو بس برضو تزعل الكاتب

وروحي جربيها الحين روحي لاشين موضوع وردي هذا احلى موضوع شفته بحياتي
يبي ينبسط الكاتب وانتي تكذبين عليه
وروحي انتقدي اي شخص بس نقد بادب ونقد بسيط وشوفي وشلون ينتفخ عليك الكاتب !

[عاشق ديرتي بريده]

محد يكرهني يا عاشق...

اللي يذموني وهم قلة هم اكثر من يقرأ لي ويتقطعون في حروفي ويشهقون اذا شافوني معدي من قدامهم...يعني يموتون في دباديب شخابيطي..!<<<<بس انا كأني ما أدري..تخبر لزوم المحافظة عليهم
ثم وش المشكلة اذا عطيتهم مساحة لفش الخلق؟؟
اصلا الجميع داخل للنت يبي يوسع صدره..
خلهم يهيضون وياخذون نفس عميق على ايديني !!
اجل تبغاهم اذا دخلو المنتدى بس ينحشرون وينتكون وبس يجاملون ويمدحون في هالعالم !!
لازم تعطيهم مساحة حرة يمارسون فيها ذواتهم ويتحررون من المثاليات المزيفة التي يضطرون اليها و التي تملأ المنتدى...

احلى ياواثق يالمبه
طيب يالمبه بسالك اذا حصلت مدح لك تنبسط والا مايهمك
وبروضوا اذا حصلت انتقاد والا شتم في موضوعك وش انطباعك !؟

[عاشق ديرتي بريده]

الذين يشاهدون محتوى الموضوع الآن : 5 ( الأعضاء 5 والزوار 0)
‏عاشق ديرتي بريده, ‏لمبة شارع, ‏....الأمير....

3 وموجود 5 منهم الاثنين الباقين معنا جن بالمنتدى !!!

[....الأمير....]

أخوي عاشق ديرتي بريده

يمكن ان النفس ما تحب النقد اذا كان بأسلوب استهزاء او ساخر

لكن اذا كان النقد هادف وبطريقه رائعه

لن يرفضه احد ابداً

وقال عمر بن خطاب-رضي الله عنه-(رحم الله امرء اهدى الي عيوبي)

والمدح اكيد الكل يبيه سواء كان في محله او لا

واذا كان يستاهل ولا لا

والمدح رفع معنويات

مشكور اخوي عاشق

[لمبة شارع]

احلى ياواثق يالمبه
طيب يالمبه بسالك اذا حصلت مدح لك تنبسط والا مايهمك
وبروضوا اذا حصلت انتقاد والا شتم في موضوعك وش انطباعك !؟

تبي الصراحة يا عاشق...؟

تحوم كبدي في 90 % من المدح..
أما العشرة في المائة الباقية فأنا أروق عليها!!
لأأنها تعطي حافز لأحد عشان يجي يذم..والذم فيه اكشن ولا أروع...خاصة إذا جاء من المعرفات اللي تتفرج عليها من ورا الشبك...
انواع الحماس !!

[المبتسم]

خلك مصري أمش ومدح كلن يحبك


في هذا الوقت قول الحق يزعل

[عاشق ديرتي بريده]

خلك مصري أمش ومدح كلن يحبك


في هذا الوقت قول الحق يزعل

المبتسم هههههههه حلوه خلك مصري
بس انت داخليا مقتنع !!!!!
احس لو امدح واحد وانا اكذب احس اني كمخه وهو اكمخ اللي مصدقني !

حتى مشكلتي مااعرف امدح كذب يبين بوجهي اني اكذب

[عاشق ديرتي بريده]

أخوي عاشق ديرتي بريده

يمكن ان النفس ما تحب النقد اذا كان بأسلوب استهزاء او ساخر

لكن اذا كان النقد هادف وبطريقه رائعه

لن يرفضه احد ابداً

وقال عمر بن خطاب-رضي الله عنه-(رحم الله امرء اهدى الي عيوبي)

والمدح اكيد الكل يبيه سواء كان في محله او لا

واذا كان يستاهل ولا لا

والمدح رفع معنويات

مشكور اخوي عاشق

النفس بالوقت الحالي ماتحب اي نقد ساخر والا مؤدب
ودي اعرف ليش المدح يسوي كذا
يعني هو يملاء غرور الشخص الممدوح والا وشو يسوي المدح ؟

[ابوخالد382]

هناك ياعاشق مصطلح جديد على مجتمعنا وهو مصطلح (النفاق الإجتماعي) وتم تداوله في مجتمعنا من خلال أناس عديمي الرجولة والدين ,وبعض ربعنا مع الخيل ياشقراء,جازله ,إكذب عليه وإنصب عليه ينبسط منك وتكون من أقرب المقربين له وهذه من دلاخته وأنا أخوك وأحيانا يكون هذا الشخص (صحيح) بتشديد الياء...يعني مهب ملكع ,يطيح له بشلة (عصافير قلبان..من الذهانه) ويلعبون بحسبته مدح وكذب وشفط اللي بجيبه,وياكثرهم ببريده....أما في المنتدى أعتقد قلة من يقبلون النقد الصحيح ,,,يبيك تمدحه وترقيه الأثل وإلا يبي يزعل ولا يدخل مواضيعك ولا حتى يعبرك ,,لكن هالنوعية هم فلتروا أنفسهم لك بحيث تكون أنت لست بحاجة من هو بهذه العقلية.....ودمت بخير......أجل لو تشوفن ياعاشق ترحمن !!!!أخس يالظالم تراي ولد نعمه هع هع......

[شايب سمنسي]

طيب وش الحل ياشويبنا
يعني نمدح والا نصير طرمان !!

حبيبي : لاتمدح الا من يستحق المدح ولاتذم احد لكنة اللباقة ضرورية

الخطأ ممكن نعالجه باسلوب اللباقة والتلميح

التصريح احيانا يجرح خاصة في وقتنا هذا لان النفوس صارت ماتتحمل النقد

تحياتي لك

[اتعبني خطااااك]

بالنسبه لي اللي امون عليه
اذا كان يستاهل المدح مدحناه
واذا كان يبي نقد نقدناه مع تعديل يعني اذا المكياج مو حلو سويناه من جديد وزبطناااه
مثال هاذا للنقد ـــــــــــــــ
من ناحيتي اكيد انبسط علئ المدح خصوصا اذا جاء من شخص له مكانه في قلبي
والنقد اقبله بكل رحااااااااااااااابه ودون زعل
مع اشوي غصه بااالحلق

[....الأمير....]

وشو المدح

المدح يا عاشق ينقسم الى قسمين

الأول

انك تمدح واحد يستحق المدح وهذا أعتقد انه حافز للممدوح وينبسط عليه

الثاني

انك تمدح واحد ما يستاهل هذا يبي يخليه المدح مغرور ويبي يخليه من سي الا أسوا

أخوي عاشق

ما شين المدح الا الناس الي يمدحون في كل ماهب ودب

وما شين النقد الا الناس الذين ينتقدون بسخريه واستهزاء

[عاشق ديرتي بريده]

حبيبي : لاتمدح الا من يستحق المدح ولاتذم احد لكنة اللباقة ضرورية

الخطأ ممكن نعالجه باسلوب اللباقة والتلميح

التصريح احيانا يجرح خاصة في وقتنا هذا لان النفوس صارت ماتتحمل النقد

تحياتي لك

هلابك شايبنا
المشكله كلامك هذا ينطبق على الشعب المثقف المتدين الفاهم
بس المشكله مجتمعنا فيه كل المواصفات هذي بس برضو مايقبلون النقد يبونك
تطبق قاعدة السكوت اللي من ذهب
وشكل يبي يطلع حكمه جديده اذا كان النقد من فضه فالمدح من ذهب !!!!

[قناص]

باعتقادي انها حسب طبيعة وسماجة المادح والممدوح
هناك من لايحبذ ان تمدحه واذا رايت من يمدحك امامك فبالغالب انه ينافق ويريد ان يصل من خلالك لهدف معين
اما التبجيل والعياذ بالله فانه مازال بكثره وبتكاثر يوما عن يوم