الإهتمام بالمظهر ... أنوثه....!!!

[....الأمير....]

حينما تبدو نظيفا مرتباً مهتما في مظهرك وفي شكلك


هل يبدو شكلك أنثويا ً ..؟؟

اذا وضعت على شعرك أيها الرجل ما يسمى بالجل

للظهور بالمظهر الحسن سواء كان من متطلبات العمل أو اي شي آخر

أو كان لأي سبب أو كان حتى بدون سبب

هل هي أنوثه .....؟؟؟؟



اذا لم تحلق شعرك وطولت شعرك واهتممت به

حتى يبدو شكلك جميلا

هل هي أنوثه ..؟؟؟

هل الجمال يعتبر أنوثه ...؟؟

حينما ترون أيها الأعضاء الكرام شاب مهتم في مظهره

تفوح منه الرائحه الجميله

قد ارتدى أفضل ما لديه من الملابس

شعره طويل لكن ليس مثل بنات في الطول

هل تعتبرونه (((خكري)))

اذا رأيتم شاب تفوح منه الرائحه الكريهه وملابسه غير نظيفه

او رأيتم رجل خشن جدا

او على قولتهم خشن بزود

هل تقولون عنه

هذا هو الرجل

اذا ً

الجمله صحيحه 100%

الإهتمام بالمظهر ... أنوثه ...!!

[عبدالله بن سلمان]

اخى الامير لاتنظر للناس فيما تشتهية نفسك وطبيعتك بشرط ان لاتخالف الشرع ولا القانون والا العادات
والباقى افعل ماشئت
وانا اعتقد ان الاهتمام بالمظهر صفة حميدة وكل فئة عمرية لها طريقتها فى الاهتمام
بحيث ماعتقد شايب بيحط جل او كريمات او غيرها وعمرة بالسبعين
يمكن يحط حلب زعفران وادوية شعبية وهذا عندة قمة الدلع والتشبب

[الفتـ الذهبي ـى]

ــأن الله جميــــل يحب الجمــــــــــــــــــــالــــ ..

[قهـررررر أحبه]

الشكل والمظهر مو مقياس للحكم على هذا الشخص ..
أحكم على الشخص من تصرفاته وأخلاقه التي يمتلكها !!!

تحياتي يا لأمير ..

[ابوخالد382]

إن الله طيب يحب الطيب....إن الله جميل يحب الجمال......لكن مانشاهده الآن من بعض الشباب ,بدأوا بمنافسة الفتيات بالقصات الغريبه والثياب الطويلة الضيقة ووضع مساحيق التجميل في وجوههم ونتف شعر الحواجب..هذه الأشياء جعلتهم كالنساء,لأنه تعدى الحد المطلوب.....وبالتالي هم ملعونين....
لكن النظافة والأناقة التي لاتطمس معالم الرجولة هي المطلوبة والمحببة في الشرع...تحيتي لك.

[الذاهـبـة]

على طاري التزين و التلبس ..

أقول ياشين السعودي إذا لبس بنطلون ..

هه !! و المشكلة يرفعونه فووووووووووووووووووووووووق .. !!

ترى البنطلون ما يرفع .. هذيك التنورة اللي ترفع فوق ..

لكن البناطيل .. تنزل شوي .. تحت الخصر بشوي .. !

عاد الجل و إطالة الشعر .. و الحركات الثانية .. تصلح لناس .. و ناس ما تصلح لهم ..

بس اهم شي النظافة .. و الغترة / الشماغ مكوي و مضبط المرزام

و الثوب نظيف و واسع شوي .. مو مخصر كأن الواحد دودة تمشي !!


اذا رأيتم شاب تفوح منه الرائحه الكريهه وملابسه غير نظيفه

او رأيتم رجل خشن جدا

او على قولتهم خشن بزود

هل تقولون عنه

هذا هو الرجل

لا و الله .. نقول هذا هو : المد ود .. !

[قصمنجيه]

أعتقد فيه فرق بين النظافة و الدلاخة ...

و لا أدري لماذا ربطت (الرجولة و الخشونة ) بالرائحة الكريهة أو الوساخة ..؟!!
ثم هالضبان و اشقائهم البعارصى اللي الواحد لا جاء و أثر هالعصاقيل تقول قلامة بنسل
من ضيق البناطيل و الثياب و ..( هدأ .. هدأ .. خطوة .. خطوة لا يطيح )
و الله يا هم بقر شد عليها سرج .. منظر كركتوري مضحك حقيقة ..

و إلا كله كوم و القذلة اللي شابصة وراه كومٍ ثاني ..
يحلفون أن فاتورة الكهرب بفترة الصيف أضعافًا مضاعفة تنزل ..!!
جراء التبهذل خلف الشد لهالفلافل ..
يمطططه الواحد بيده إلى أن تاصل ركبته
ثم إذا تركه , رجعت هجمة مرتدة للهامة ..!!!

يا جماعة الخير ...
هالبعارصى اللي أنتشرت شيء مزري حقيقة
كيف بيفتحون بيوت و كيف بينشد بهم ظهر ...!!
و الواحد منهم كل الوقت و هو متحيول يناظر قصيصته ..

ثم واحد وسخ و رجل ..أفضل من سبيكتـ(ن) نظيفة .



.

[§¤~^~¤§ شوكلاته مالحه§¤~^~¤§]

فيه ناس خلقه تمشي عليهم الحركات هذي بس ياويلي الشيف الي يتميلحون تطلع اشكالهم غلط وكله صوب ولاطولو شعورهم وهي شينه صوب ثاني يعني تقل مغطسه ببسي لاهي الي ناعمه خلقه ولاهم الي يستشورونه او ينفشونه صدق انه شين النفش يطلع الشعر تقل اثله بس اهون من المتلبد بكل الاحوال وربي اني افشلهم لاشفتهم اقول يرحم ابو الشماغ ماخلق الا لكم واشكالكم .

[إنسانة غير]

جمال المنظرإذا إجتمع مع جمال الجوهر نور على نور
بما يتناسب مع ديننا وعاداتنا وتقاليدنا،
والله اللي يشوف هالشباب اللي يحاولون يتكشخون ومو عارفين
أنا إذا لمحتهم من بعيد حسبتهم بنات ماأحس فيهم اي رجولة
وبعضهم ماشاء الله أشكالهم هيبة ورزه وترتيب ونظافة
بالشماغ والثوب

[ღ ][ وحيدة كالقمر ][ღ]

أخي الأمير:
موضوع جيد للنقاش

أخي

النـــــــظافة والمظهر الحسن مطلوبه
الكل يبغى يظهر بمظهر حسن وجذاب ورائحة جميلة حتى لاينفروا الجلوس من حوله

نعم

لكن جل وتطويل شعر لا
قول ليش؟؟؟؟؟؟؟؟؟؟؟؟

الحين الولد يطول شعره ويخليه قذله خخخخخخخ
لا وبعد يستشوره ويخليه فرقتين علشان يطيح ع عيونه والله إني أتقزز لا شفت ولد شعره طويل
أحسه ووووووسخ ولايعرف النظافة
احس النظافة يمين وهو شمال
ممكن نظافة وحسن مظهر من دون مايطول شعره ويستشوره ويحطبه جل وإلا رغوة
مو شرط إلا يطوله ويحط جل وإلا رغوة وإلا يستشوره وإلا يطلع مو نظيف


وأول واخيرا الجمال جمال الروح لا جمال الشـــــــــــــــــكل

اخي قهررررر
لافض فوق وصحيح قولك::::


تقبل وجهة نظري بصدر رحب أيها الأمير:::

شكرا لك

أختك
&وحيدة القمر&

[شايب سمنسي]

شي واضح ان الاهتمام بالمظهر شي ايجابي ولايدل على انوثة

عاد سالفة الجل مع تصخييف الثوب ويترزز كانه بنت ويتمكيج عند صالون صالح هذي هي الخكارة عينها بعلمه

الاهتمام بنظافة الثوب وامور الفطرة المعروفة امرنا بها من قبل

ذكر ان ابن عباس كان يلبس حلة بالف دينار من فخامتها لاهتمامه بمظهره لكن ماذكر عنه انه يلبس المخصر

القصات اللي ما ادري وش قايلة والا السكسوكات الغريبة مع حلق الشنب اشياء تقرفني كثييييييييييييير

وه بس قسم بالله تحوم تسبدي وانا الشايب السمنسي
وش تناظرين يالذاهبة ؟
7
7
7

[....الأمير....]

اخى الامير لاتنظر للناس فيما تشتهية نفسك وطبيعتك بشرط ان لاتخالف الشرع ولا القانون والا العادات
والباقى افعل ماشئت
وانا اعتقد ان الاهتمام بالمظهر صفة حميدة وكل فئة عمرية لها طريقتها فى الاهتمام
بحيث ماعتقد شايب بيحط جل او كريمات او غيرها وعمرة بالسبعين
يمكن يحط حلب زعفران وادوية شعبية وهذا عندة قمة الدلع والتشبب

أخوي عبد الله بن سلمان

انا ما نظرت الى الناس على طبيعتي بل نظرت اليهم من الواقع

أكيد كل فئه عمريه لها طريقتها في الإهتمام في شكلها

لكن هذا ليس موضوعي

انا اتكلم عن الشباب الي من 15 الى 30

ما قلت شايب

الي يحط حل وزعفران ههههههههههههه

مشكور على مرورك وتعطيرك موضوعي

[....الأمير....]

ــأن الله جميــــل يحب الجمــــــــــــــــــــالــــ ..

أخوي الفتى الذهبي

ما قلنا شي

أكيد ان الله جميل يحب الجمال

لكن الكلام هنا عن طريقة اظهار الجمال بالنسبه للرجل

مشكور على مرورك

[....الأمير....]

الشكل والمظهر مو مقياس للحكم على هذا الشخص ..
أحكم على الشخص من تصرفاته وأخلاقه التي يمتلكها !!!

تحياتي يا لأمير ..


أخوي قهررررر احبه

كلامك جميل وفي مكانه

طيب اذا شفت ان الي قدامك رجال والعنم من تصرفاته

لكن ذنبه الوحيد

ان مطول شعره حبتين

ومهتم في شكله

ولابس جنز

وش تقول عنه

[....الأمير....]

إن الله طيب يحب الطيب....إن الله جميل يحب الجمال......لكن مانشاهده الآن من بعض الشباب ,بدأوا بمنافسة الفتيات بالقصات الغريبه والثياب الطويلة الضيقة ووضع مساحيق التجميل في وجوههم ونتف شعر الحواجب..هذه الأشياء جعلتهم كالنساء,لأنه تعدى الحد المطلوب.....وبالتالي هم ملعونين....
لكن النظافة والأناقة التي لاتطمس معالم الرجولة هي المطلوبة والمحببة في الشرع...تحيتي لك.


أبو خالد

والله كلااامك رااااااااائع

لكن ممكن تقولنا وشي الأناقه والنظاقه التي لا تطمس معالم الرجوله .؟؟؟

مشكور على مرورك وردك الرائعين

[....الأمير....]

على طاري التزين و التلبس ..

أقول ياشين السعودي إذا لبس بنطلون ..

هه !! و المشكلة يرفعونه فووووووووووووووووووووووووق .. !!

ترى البنطلون ما يرفع .. هذيك التنورة اللي ترفع فوق ..

لكن البناطيل .. تنزل شوي .. تحت الخصر بشوي .. !

عاد الجل و إطالة الشعر .. و الحركات الثانية .. تصلح لناس .. و ناس ما تصلح لهم ..

بس اهم شي النظافة .. و الغترة / الشماغ مكوي و مضبط المرزام

و الثوب نظيف و واسع شوي .. مو مخصر كأن الواحد دودة تمشي !!


لا و الله .. نقول هذا هو : المد ود .. !

الموضوع يميييييييييييييييييييييين

وانتي يسااااااااااااااااااااااااااااااااااااااااااااااار

مشكوره على مرورك

[....الأمير....]

أعتقد فيه فرق بين النظافة و الدلاخة ...

و لا أدري لماذا ربطت (الرجولة و الخشونة ) بالرائحة الكريهة أو الوساخة ..؟!!
ثم هالضبان و اشقائهم البعارصى اللي الواحد لا جاء و أثر هالعصاقيل تقول قلامة بنسل
من ضيق البناطيل و الثياب و ..( هدأ .. هدأ .. خطوة .. خطوة لا يطيح )
و الله يا هم بقر شد عليها سرج .. منظر كركتوري مضحك حقيقة ..

و إلا كله كوم و القذلة اللي شابصة وراه كومٍ ثاني ..
يحلفون أن فاتورة الكهرب بفترة الصيف أضعافًا مضاعفة تنزل ..!!
جراء التبهذل خلف الشد لهالفلافل ..
يمطططه الواحد بيده إلى أن تاصل ركبته
ثم إذا تركه , رجعت هجمة مرتدة للهامة ..!!!

يا جماعة الخير ...
هالبعارصى اللي أنتشرت شيء مزري حقيقة
كيف بيفتحون بيوت و كيف بينشد بهم ظهر ...!!
و الواحد منهم كل الوقت و هو متحيول يناظر قصيصته ..

ثم واحد وسخ و رجل ..أفضل من سبيكتـ(ن) نظيفة .



.


يعني الحين كل من لبس جينز طلع (سبيكه)

طيب انتي شفتي ناس بعارصى وضبنا على قولتك

عشانهم لبسو جينز ولا بنطلون

انا والله اني شفت لي كم من كمخه لابس ثوب وشماغ

اشكالهم بالبنطلون ارحم ميه مره

من ثوب وشماغ

وترا بعض هالبعارصى

ارجل من ميه واحد لابس ثوب وشماغ
وبعدين اذا تحيول يناظر قصيصته طلع سبيكه الحين
يعني كل من حط قصيصه صار سبيكه

طيب واذا قعد يمطمط شعره ورجع هجمه مرتده ما فيها شي

الرجل يبي يزين شكله وشعره
ما اعتقد ان الي يبي يزين شعره ويهتم فيها يبي يصير سبيكه

ما اقول الا الله يخلف عليك بس

[قصمنجيه]

لا عادي ...
اقول عادي لأننا فيما يبدوا طلع رأينا, نغزة من غير ناغز ..:4[1]:

بعدين يتحيول لقصيصته زي ما يبي
و يستشور ما فيها شيء ..
و أن بغى شباصات ترانا حاضرين .. ولوو

.

[قهـررررر أحبه]

أخوي قهررررر احبه

كلامك جميل وفي مكانه

طيب اذا شفت ان الي قدامك رجال والعنم من تصرفاته

لكن ذنبه الوحيد

ان مطول شعره حبتين

ومهتم في شكله

ولابس جنز

وش تقول عنه

أتشرف بأخوته وصداقته ..
تلاقي هذا الشخص اللي الناس ماخذين عنه فكره شينه
عن ألف رجال من جنس الخشونه اللي ذكرت ..
تلاقيه يوقف معاك بأصعب الظروف وما راح تعرف قيمته ألا بمواقف الشده ..
باختصار عمر المظهر ماكان مقياس اللحكم على شخص معين !!

تحياتي الأمير ...

[....الأمير....]

فيه ناس خلقه تمشي عليهم الحركات هذي بس ياويلي الشيف الي يتميلحون تطلع اشكالهم غلط وكله صوب ولاطولو شعورهم وهي شينه صوب ثاني يعني تقل مغطسه ببسي لاهي الي ناعمه خلقه ولاهم الي يستشورونه او ينفشونه صدق انه شين النفش يطلع الشعر تقل اثله بس اهون من المتلبد بكل الاحوال وربي اني افشلهم لاشفتهم اقول يرحم ابو الشماغ ماخلق الا لكم واشكالكم .

والله يا اخوي اني ما ادري وش تقول

مشكور على المرور

[....الأمير....]

لا عادي ...
اقول عادي لأننا فيما يبدوا طلع رأينا, نغزة من غير ناغز ..:4[1]:

بعدين يتحيول لقصيصته زي ما يبي
و يستشور ما فيها شيء ..
و أن بغى شباصات ترانا حاضرين .. ولوو

.

أختي قصمنجيه

لا نغزه ولا ناغز

واسف ان كان كلامي جرحك او اثار نغزه

انتي قلتي رايك بسخريه

فرديت عليك بنفس طريقتك

واسف مره ثانيه ان كلامي اثار نغزه

وهذا رايك واحترمه
وعلى العين والراس

[....الأمير....]

أتشرف بأخوته وصداقته ..
تلاقي هذا الشخص اللي الناس ماخذين عنه فكره شينه
عن ألف رجال من جنس الخشونه اللي ذكرت ..
تلاقيه يوقف معاك بأصعب الظروف وما راح تعرف قيمته ألا بمواقف الشده ..
باختصار عمر المظهر ماكان مقياس اللحكم على شخص معين !!

تحياتي الأمير ...

اخوي قهرررر احبه

كلامك رائع وفي مكانه

مشكور وما قصرت

[....الأمير....]

جمال المنظرإذا إجتمع مع جمال الجوهر نور على نور
بما يتناسب مع ديننا وعاداتنا وتقاليدنا،
والله اللي يشوف هالشباب اللي يحاولون يتكشخون ومو عارفين
أنا إذا لمحتهم من بعيد حسبتهم بنات ماأحس فيهم اي رجولة
وبعضهم ماشاء الله أشكالهم هيبة ورزه وترتيب ونظافة
بالشماغ والثوب


أختي انسانه غير

كل شاب وله طريقته في التكشخ

اكيد بما يتانسب مع ديننا الإسلامي

شاكر لك مرورك وردك

[....الأمير....]

أخي الأمير:
موضوع جيد للنقاش

أخي

النـــــــظافة والمظهر الحسن مطلوبه
الكل يبغى يظهر بمظهر حسن وجذاب ورائحة جميلة حتى لاينفروا الجلوس من حوله

نعم

لكن جل وتطويل شعر لا
قول ليش؟؟؟؟؟؟؟؟؟؟؟؟

الحين الولد يطول شعره ويخليه قذله خخخخخخخ
لا وبعد يستشوره ويخليه فرقتين علشان يطيح ع عيونه والله إني أتقزز لا شفت ولد شعره طويل
أحسه ووووووسخ ولايعرف النظافة
احس النظافة يمين وهو شمال
ممكن نظافة وحسن مظهر من دون مايطول شعره ويستشوره ويحطبه جل وإلا رغوة
مو شرط إلا يطوله ويحط جل وإلا رغوة وإلا يستشوره وإلا يطلع مو نظيف


وأول واخيرا الجمال جمال الروح لا جمال الشـــــــــــــــــكل

اخي قهررررر
لافض فوق وصحيح قولك::::


تقبل وجهة نظري بصدر رحب أيها الأمير:::

شكرا لك

أختك
&وحيدة القمر&


وحيدة القمر

كلام رائع وجميل

لكن فيه ناس اشكالهم بالشعر القصير روووعه ونظيفين ومرتبين

ما قلنا شي

لكن فيه ناس اشكالهم رووووعه بالشعر الطويل ولو حط جل واستشوره اعقتد ان هذا اهتمام بشعره فقط لا غير

وانا اتفق معك على ان الجمال جمال الروح لا جمال الشكل

شاكر لك مرورك وتعطيرك موضوعي بردك

[....الأمير....]

شي واضح ان الاهتمام بالمظهر شي ايجابي ولايدل على انوثة

عاد سالفة الجل مع تصخييف الثوب ويترزز كانه بنت ويتمكيج عند صالون صالح هذي هي الخكارة عينها بعلمه

الاهتمام بنظافة الثوب وامور الفطرة المعروفة امرنا بها من قبل

ذكر ان ابن عباس كان يلبس حلة بالف دينار من فخامتها لاهتمامه بمظهره لكن ماذكر عنه انه يلبس المخصر

القصات اللي ما ادري وش قايلة والا السكسوكات الغريبة مع حلق الشنب اشياء تقرفني كثييييييييييييير

وه بس قسم بالله تحوم تسبدي وانا الشايب السمنسي
وش تناظرين يالذاهبة ؟
7
7
7


أخوي الشايب السمنسي

انا ما اتكلم عن الأشياء المحرمه ولا ادافع عنها
لكن اذا الواحد طول شعره شوي مو زي البنات

وحط جل ما اتوقع ان فيه شي محرم

وانا ما اتلكم عن الي يتمكيجون هذولي بالفعل خكر

لكن الي يطول شعره ويهتم فيه ويحط جل

ويلبس بدله ما اعتقد ان فيه شي محرم في هذا

مشكور يالشايب على مرورك وردك

[تركي عبدالله الوهيبي]

أعتقد أنة فية فرق بين النظافة والترتيب (( والتميلح والتأنث ))

لا ضرر ولا ضرار (( وجعلناكم أمة وسطا ))

بأمكان الواحد أن يكون نظيف ومرتب ورائحتة جميلة (( هذا مطلوب ))

لاكن يوجد حركات شبابية تميل للأنوثة كثيراً مثل الثوب المخصر

وقصص الشعر العجيبة ووضع الدهونات والمبيض

وكل هذة الأمور تميل للأنوثة كثيراً

يعنى باختصار (( نضيف ومرتب مع شوي خشونة التى تكون فطرياً في الرجل ))

كما أن النعومة فطرياً في المرءه