ياأبناء حائل .... انتبهوا لمهزلة الهلال القادمة

[فريـــد]

يصر الكثير من المتابعين للدوري السعودي قول ان الهلال يريد ان يهزم الطائي بنتيجة كبيرة ..مثل مافعل مع الانصار

طبعا الهدف واضح

وهو من اجل تصدر الدوري ....

اليوم وبعد فوز الاتحاد الكبير على الاهلي بنتيجة 4/1 واتساع الفارق في الاهداف بين الهلال والاتحاد الى فارق ثلاثة أهداف

سيضطر الهلال كالعادة الى استخدام الطرق الملتوية كما رأينا المهزلة مع فريق الانصار

عموما : عشنا وياما حنشوف

وصدق ابوخالد عندما قال عن لجنة الحكام الرئيسية :" لجنة مساعدة الهلال الرئيسية "


-----------------------------------------------
منقول

[الذئب الجبلاوي]

أخوي تقهو // الربع طابخين كل شي على نار هادئه ... وكل شي مكشوف ;)

*حسبنا الله ونعم الوكيل.

صدق ابو خالد ( عطوهم البطوله وريحونا ):cool:




تحياتي للجميع:cool: :cool:

[الصقر]

وش لون يعني يالذئب الجبلاوي:
انا لم افهم... ماذا تقصد..
لاني اذا فهمت غلط يمكن اغلط!!
وضح بارك الله فيك!!

[فريـــد]

الاخ الصقر


الموضوع واضح تماما .. ولايحتاج الى مزيد من التوضيح - مع احترامي لك -


الهلال بيفوز بنتيجة كبيرة على الطائي ...


لكن

يفوز بفوز مستحق .. او غير مستحق (...........) .. الله أعلم ,


إن غدا لناظره قريب ..

وأتمنى أن أتمكن من مشاهدة المباراة ..


لأصف لك هل جاء فوز الهلال بجدارة .. ام بجدارة ؟ -

والوعد بكرة ..

[مغترب عن الديرة]

والله غريبيييين بقوه

الان الهلال يحتاج اربعه اهداف ليتصدر .. صـــح ؟؟

اسالكم بالله
الهلال عاجر عن تسجيل اربعه اهداف في الطائي والمباراة بالرياض وسيلعب لاعبي المنتخب وهذه المباره تهمه و ....و.....


هالحين الاتحاد سجل اربعه في المنافس التقليدي الاهلي ...
والهلال عاجر عن تسجيل اربعه اهداف في فريق اخر الدوري ؟؟

يا ناس خلونا واقعييين ولا يهمكم كلام عبد الرحمن بن سعود
ترى والله والله هو اللي خادعكم بتصريحاته .. لكن انتم موقادرين تعترفون ...

الطائي فاز على الانصار ( 7 ) اهداف في مباراه مهمه تحدد من مصير الفريقين بالهبوط والبقاء ... ويوم فاز الهلال ( يانااااس الهلالالالالالالالالال ) سته اهداف على فريق منهار قلتوا اتفاقيه ... الله اكبر ... يا الاهي ... يا سبحان الله ! ! !

--------------------------------

ملاحظه مهمه:

مشكلتكم يا جماهير النصر انكم ما تحبون النصر واللي يحب النصر اقول له انت كذااااب ...... لكن (( تــكــرهـــون الــهــــلال )) فقط من كرهكم للهلال ملتوا الى تشجيع النصر ....

[الذئب الجبلاوي]

الصقر//

* أصلا وضحت أو لم أوضح أعتقد أن هذا الشى راجع لي، وسواء فهمت أم لم تفهم لايعنيني ولايهمني ...

* الموضوع واضح جدا وماعليه غبار والكل عارف قصدنا..

* والأهم من ذلك (اللي محرقك وشو) :(

* وأخيرا أوزن كلامك قبل خروجه يابابا...



تحياتي للعقلاء فقط:cool: :cool:

[فريـــد]

الاخ مغترب عن الديرة

مساء الخير


مسألة ان الهلال يفوز بسهولة غداً ..( ضع تحتها خطاً ) .. ولاتنسى ان الطائي الذي تقول... هو ما يسمونه : صائد الكبار .. وهو الذي أخرج الهلال هذا الموسم من مسابقة كأس ولي العهد ..

أما مسألة " الهلااااااااااااااال" فهذي ماتوكل عيش ..ولاتنسى ان خروج ( ألمااااااااااانيا) كان على يد ( كرواتيا) من كأس العالم الاخيرة .. وهل كان احد يقارن كرواتيا بألمانيا ..؟والامثلة كثيرة ومتعددة على مستوى كبير ..


من قال لك اننا نكره الهلال..؟؟


نحن نكره الظلم الذي يصاحب فوز الهلال عادةً.. , وإن أردت مثالا فالشواهد كثيرة ..

أما كلام ابوخالد : فكل منا له عقل وليس إمعة .., ولو لم يكن كلام ابوخالد - احيانا- واقعيا وصريحا .. لم نتلذ به ..

بقي أن أذكرك بأن فوز الهلال بنتيجة تجعله يساوي المتصدر " الاتحاد " في مباراته السابقة وجعل اثنين من لاعبيه يتقاسمان لقب الهداف هو امر يثير الشكوك ...

أما مباراة الطائي والانصار والتي فاز فيها الطائي بسبعة .. فقد سمعنا ورأينا التهاون الكبير من الانصار ..جعلتهم يهدون الفوز الكبير لفريق الطائي .., وقد سمعنا من مسؤلين في اتحاد الكرة في برنامج " كل الرياضة " كلاما يقول معناه ان هناك تهاونا من الفريق الانصاري ...


عموما : لن نستبق الاحداث .. وسنرى مساء الاربعاء المسرحية المتوقعة..

وتذكر ان الشيء بالشيء يذكر ..

[الصقر]

لمعلوميتكم..
الطائي يبي يلعب باسمه وسمعته...
ان فاز.... ماهي اول مرة يفوز على الهلال...
وان تعادل... انجاز...
وان خسر.... فهو سيخسر من الهلال...
والهلال بطل....

يعني.... لازم يفوز الطائي.....
ماهو الاهلي اكل اربعة امس من الاتحاد....

تدرون عاد....

فريق يتحكم بتحديد البطل...
وما يسلم...

وفريق يدفه العيون ... وشايفين رويحاتهم....

يهو يبون ناس يموتون باكر...
ان فاز الطائي قالوا يلعب للنصر...
وان تعادل قالوا يلعب للاتحاد....
وان خسر قالوا مخاوز....

:p

[khalid]

مرحبا للجميع ...الف مرحبا للهلايين:D

اخوي تقهو
انتم النصراويين للاسف ضعتوا في بحر تصاريح ابو خالد والتي لاتغني ولاتسمن من جوع فاتمني ان تسال نفسك ماذا افاد ابو خالد النصر سوي المشاكل والبعد عن الانديه الاخري
فابو خالد اضر النصر كثيرا ولم يقدم للنصر اي شي جيد يذكر سوي ملاسنات اما غيره ((مااشوف شي)):D
فتذكر ياعزيزي
ايام وفتره رئاسه الامير فيصل بن عبدالرحمن قدم كل شي جميل بعيدا عن الملاسنات بالرغم انه ابنه ((سبحان من خلق وفرق)):)
امل ان تعي يااخي اسباب تصاريح ابو خالد ومايهدف لها من لعب علي الجماهير النصراويه


اخوي الذئب الجبلاوي
ياعزيزي ان كنت تشكك في فريق الطائي وامانته وانه سيبيع المباراه للهلال فهذه وصمه عار علي اهل حائل وان كنت ترضاها فانا لاارضاها لان اهل حايل هم اهلي وحبايبي

شكرا لكم

[فريـــد]

مرحبا احبائي وزوار موضوعي هذا ..


اليوم تابعت مباراة الهلال بكل منطقية وحياد .. وكانت النتيجة كالتالي :

الهلال فاز بجدارة .. واستحقاق


والطائي امتع المشاهد والجمهور .. ولعب مباراة كبيرة

ورغم ان الهلال فاز بستة اهداف لكن هذا لايعكس واقع المباراة لأن لاعبي الطائي سجلوا على الاقل هدفين في مرماهم


تهنئتي القلبية لجمهور الهلال ..

وارجو ان لاتنسوا في خضم افراحكم اخواننا في فلسطين


اللهم انصر المسلمين في كل مكان

--------------
الاخ khalid

ارجو ان لاتحاول جر الموضوع الى حيث تريد انت .., فقط شارك في الموضوع الموجود دون محاولة الضحك علىالذقون - بارك الله فيك -

[مغترب عن الديرة]

الاخ تقهو

يعجبني ردك الجميل البعيد عن التعصب

وفعلا رد مشجع فاهم ومحايد

تحياتي لك
----------------------------

ألم اقل لك بالامس ان الهلال سيفوز بنتيجه كبيرة ؟؟

تحياتي لك من قلبي

[الذئب الجبلاوي]

ياالاخ khalid :p نعم لاتحاول جر الموضوع الى حيث أنت تريد..
====================================

:D أقول ياهي سته بعد شخلتكم شخل :D

لا وباقي هدفين لو الهلال جابهن كان ذكرتكم بمباراه الثمانيه الشهيره(آآآآآآآآآآه يامساكين)..


آآآه لو كل الانديه تلعب معكم ولاعبيها متكاملين (كان تكرهون شي اسمه كوره )


:p هناك مقوله شهيره على وزن ثمانيه شهيره هههههههه

(لاتحتك بالزمن وانت حويشي):)


تحياتي للعقلاء فقط:cool: :cool:

[الصقر]

الطائي.. خان جماهيره البارح يالذيب.. الربع طبخوها صح.. الطائي مهزلة... ليته هبط... الطائي مايستاهل من يشجعه.. الفلم ماهو هندي .. الفلم سيرلانكي ( على قولة ابو خالد) .. خوذوا راحتكم يا شباب وشبوا على الطائي..لانه ما يستاهل من يشجعه، ... ادارة الطائي ارتمت في احضان الهلال( وحملت بستّه)... لعنبوا الكورة اللي هاللون...صارت بيع وشراء... عشرة الاتحاد... وستة الانصار من الهلال... ونصف الدرزن حقات البارح... تدري عاد يالذيب( اتفل بوجهي.... ان دافعت عن الطائي هنا!!!!).... لانهم ما يستاهلون....!!!! ابسط ياعم.... جايتن لك على هواك( فاز الهلال.... وبسته.... وعلى الطائي)... انا اقوووووووول منين هالبطولات الاربعين!!!!!!!! :confused: