( إجتماع حريمي سرّي )

[Queen of buraydh]

السلام عليكم ورحمة الله

كيف حالكم يا حريمات ؟؟

فكره من زمان في بالي وشفتها مره في موقع وحبيت اننا نسويها عشان نستفيد من بعض ..


الفكره انك تجيبي شنطة مكياجك كامله وتكتبين لنا ايش فيها جوا وايش ماركات المكياج اللي تستخدمينها وتحسي انها مناسبه

بشكل عام تجربتك مع المكياج ..

ولو حبيتي تصوري لنا ميكياجك وتنزلين لنا الصور كمان ما في مشكله .. :)

وراح ابدأ بتجربتي اول ..

++++

بالنسبه للفاونديشن ( كريم الاساس )

أستخدم نوعين :
1 - كلينيك = للمناسبات العائليه والخفيفه لأنه طبي وكثير من اطباء البشره ينصحون فيه
2- ديور مع بودرته = للمناسبات الكبيره والزواجات ..


نجي للـبلاشر ( حمرة الخدود )

استخدم ماركة نوبا احلى ماركه بس حسافة انقطعت من الاسواق :(
وصرت استخدم بورجواز حلوه كمان تعطي الاحساس بالطبيعه ..

الشادو ( ظل العيون )

للمناسبات العاديه استخدم شادو مكياجي ,, للمناسبات الكبيره استخدم الشادو المخملي

الآي لاينر ( الكحل السائل )

استخدم كحل مكياجي ,,

الكحل الداخلي جربت انواع كثيره بس احلى شي ( ريفلون اوتوماتيك مو القلم )


الماسكارا
استخدم لانكوم ونتايجها مره روعه ..

اما الارواج والقلوس

مافي شي محدد ( استخدم سماش بوكس و فور ايفر ) ويمدحون ارواج ( ماك ) بس ما جربتها ..



وسلامتكم :)

انتظر تجاربكم عشان نستفيد من بعض اكثر ..

[جورينا]

كوين بريدة ؛؛

وعليكم السلام ورحمة الله وبركاته ؛؛

هلا بك غناتي شخبارك ؛؛ تسلمين على هالموضوع الحريمي عاد الحريم والمكياج ؛؛

:)

ان شاء الله لي رجعه مرة ثانية مريت مع موضوعك وماحبيت اطلع الا برد ؛؛

:)

[سـمـا]

مشكوره
انا استخدم كريم الاساس ماكس فاكتور بصراحه مره يجنن
بس للزواجات نينا ريتشي
البودره استخدم من مكياجي لونه موف اسمه صبايا تخلي البشره جنان
واحمر الخدود كاراجا بصراحه حلو وفيه لمعه كمان
ومكياج العيون مثلك يالحلوه الناسبات البسيطه مكياجي الزيتي
والمناسبات الكبار المخملي
والماسكرا جربت كل شي ماعجبني واللحين استخدم اكس اكس لارج
والارواج كل انواع واشكال الارواج عندي
بس احسن شي رومييل
والله اللي يشوف شناط الميك اب حقي يقول كوافيره بس انا مو راعيه مكياج بكثره يعني دايم احط مكياج خفيف
بس احب اشريه بشكل مو طبيعي

[رعد الشمال]

تسلمين اختي علي المعلومة
راح نستفيد منها اذا تزوجنا

تحياتي

[Queen of buraydh]

هلا غلا بيترفلاي

نورتي موضوعي وزودتيه حلاوه

راح انتضرك يالغلا

لا تتأخرين

[Queen of buraydh]

ام ارجوان اهلين وسهلين

اسعدتيني بتفاعلك السريع ..:)

ربي يعافيك ,, وان شاءالله بجرب صبايا بودرة مكياجي ..

ننتظر باقي البنات ..

[Queen of buraydh]

اهلا استاذ رعد

نتمنى لك الفائده

شكرا لك

[الأمل الضائع]

انا استخدم كريم الاساس ماكس فاكتور بصراحه مره يجنن
وقبله احط ملمع مائي يعطي البشره لمعان وكأن فيها مويه
والظل على حسب

[جورينا]

كوين بريدة ؛؛

مرحبا ياغناتي :)

رجعت لك بس تعالي يانا شككت بعمري قلت يمكن اني مغيرة نكي وانا ماادري ههههههه

هلا غلا بيترفلاي

شوفي ياغناتي صراحه المكياج اشكال والوان بس متى يضبط المناسب لك خاصة كريم الأساس ؛؛

اولاً : كريم الأساس :)

استخدم 3 انواع سوا اخلطهم جميع بس يطلعون شي ويخلون بشرتك رهيبة ولا تطلع شهباء

dream matte+maxfactor+ninaricce

بعدين احط فوقهم بودرة maxfactor

يطلع شي صراحه ؛؛

للـبلاشر ( حمرة الخدود ):

استخدم جي كازنوافا مالقيت احسن منه جربت عشرين ابو الف نوع مالقيت افضل ولااحسن ولااهدى الوان اللي هي

:)

الشادو ( ظل العيون ):

المخملي استخدم جي اف

اما البودرة استخدم >>ninaricce

الآي لاينر ( الكحل السائل ):

اكيد وبلا منازع دياااناااااااا

وبعض الاحيان pupa

الماسكارا:

bourjois

اما الارواج والقلوس :

nouba

لمعة اللي تحت الحواجب ::

forever+bourjois

لمعة تحت العين :

pupa تجيك على لونين روعة ؛؛

تضبيط الحواجب وتزيينهن ؛؛

smashbox

وتصغير الخشم بعد استخدم ؛؛

smashbox

ووووووووووووووووو اللمسة الاخيرررررررررررررررة ؛؛

احسن شي لانكوووووووووم ؛؛

شكراً غاليتي على موضوعك ؛؛

:)

[Queen of buraydh]

الامل الضائع شكراً لمشاركتك ياعزيزتي

بس ما كملتي وغير الظل والاساس ؟

منوره :)

[Queen of buraydh]

فرفر ايه شفتي ادللك :) من غلاتك

من جد اثريتي الموضوع

طيب كيف تخلطينهم مع بعض ؟؟ بصراحه شي غريب اول مره اسمع فيه ,, بس شكله حلوو وشكلي بجربه

يعني تشترينهم سوا بعدين تفضينهم في علبه وتخلطينهم سوا ؟ والا وانتي تحطين ميك اب تخلطينهم ؟

[جورينا]

فرفر ايه شفتي ادللك من غلاتك

تسلمين يابعدي وه بس استحيت ؛؛

:)

من جد اثريتي الموضوع

تسلمين ياغناتي من طيب اصلك ؛؛

طيب كيف تخلطينهم مع بعض ؟؟

شوفي ياغناتي جيبي من كل واحد منهم نقطه حطيهم براحة ايدك واخلطيهم باصبعك مع بعض

بعدين حطيهم على وجهك ؛؛

يعني تشترينهم سوا بعدين تفضينهم في علبه وتخلطينهم سوا

لا تسوين كذا حسافه يخربن عليك وماتستفيدين منهم ؛؛

بصراحه شي غريب اول مره اسمع فيه

ههههههههههههههه حتى انا اول مرة اجرب هالطريقة وحده فاضيه كنت بروح لزواج الاسبوع اللي راح قلت خلين

اجرب ان صابت صابت وان خابت خابت

بس الحمد لله اصاابت

:)

[مبحوحة الصوت]

انا استخدم كريم الاساس
وقبله احط ملمع مائي يعطي البشره لمعان وكأن فيها مويه


حبيبتي عطينا اسمه ورقمه اذا له رقم


بنات انا الأي لاينر

استخدم كازانوفا سايل ..اسود حيييييل كثير يسألونني عنه لايفوتكم .

[العبرى]

فكره حلوه كوين..

أستخدم أساس بودي شوب..خفيف وناعم ومناسب للبيت والطلعات البسيطه

وماكس فاكتور..


الآي لاينر..لانكوم سائل..

والداخلي لانكوم..ورافيلون بس الأخير أروع..


الماسكرا..ماكس فاكتور


الأرواج مو محدده

اللمعه..ظل ريماز السحري جداً رائعه


وهذا المهم





تحيتي,,,

[متغربه]

موضووووع رااااااااائع ياكوين

من زمان عن هالمواضيع الحلوة

انا عن نفسي جربت كم نوع ولان بشرتي جافه

ضبط معاي الفاونديشن

ليفرون مع بودرته شي خيااااااالي تخلي البشره مخمليه بصدق

ووووووبالنسبه للكحل السائل والقلم ايضا ليفرون

ووووالبلاشر لانكوم تجنننن

ووومرطب البشره قبل المكياج كريم الترطيب من جونسون

ووووووالارواج على حسب ماك تجنن الوانه وثابته

وووالماسكرا ماكس فاكتور

مكياج العيون المخملي ووولانكوم بعد حلو خاصه الوردي والموف


تسلمين يالغاليه على هالموضوع

[جوهرة بريدة]

مافي احلى من الجمال الطبيعي عزيزتي


ارغب بدخول القسم الخاص ولم اتمكن من مراسلتك لانه لم تكتمل لدي ال 50 مشاركة

بانتظار ردك

جزيت خيرا

[Queen of buraydh]

ياحبيلك يا فرفر


مخترعه ماشاءالله عليك :)

[Queen of buraydh]

مبحوحه حياك نورتي

[جوهرة بريدة]

مافي احلى من الجمال الطبيعي عزيزتي


ارغب بدخول القسم الخاص ولم اتمكن من مراسلتك لانه لم تكتمل لدي ال 50 مشاركة

بانتظار ردك

جزيت خيرا



مرحبا اختي كوين بريدة

مارديتي على اختي محتاجه اشارك في القسم الخاص ممكن تسجليني
ماقدرت اراسلك على الخاص لانه مشاركاتي مااكتملت

وتقبلي تحياتي

[Queen of buraydh]

العبرى هلا فيك نورتي ,, اسعدتيني بتفاعلك عزيزتي


متغربه تسلمين من ذووقك وعيونك الاحلى واشكر تفاعلك

من جد استفدت منكم كثير ربي يخليكم ..

[Queen of buraydh]

مرحبا اختي كوين بريدة

مارديتي على اختي محتاجه اشارك في القسم الخاص ممكن تسجليني
ماقدرت اراسلك على الخاص لانه مشاركاتي مااكتملت

وتقبلي تحياتي

هلا اختي جوهره ,, بتنورين القسم يا عزيزتي

لكن من شروط الانضمام لـ ( خاص لها ) يلزمك الوصول لـ 50 مشاركه ..

لكن اذا تبغين تستفسرين عن شي ضروري خبريني وانا ارسل لك ايميل القسم عشان تضيفيني عندك وهناك نتفاهم ..

ويامرحبا فيك ..

[متغربه]

يلله يابنات كبوا اللي بشناطكم وعلمونا


الموضوع حلو تحمست ياكوييين هههه

[جوهرة بريدة]

هلا اختي جوهره ,, بتنورين القسم يا عزيزتي

لكن من شروط الانضمام لـ ( خاص لها ) يلزمك الوصول لـ 50 مشاركه ..

لكن اذا تبغين تستفسرين عن شي ضروري خبريني وانا ارسل لك ايميل القسم عشان تضيفيني عندك وهناك نتفاهم ..

ويامرحبا فيك ..


تسلمين يامنبع الذوق

50 مشاركة اشوفها كثيرة ويمكن آخذ وقت طويل عشان احصلها وغير كذا ماودي اشارك باي موضوع بس عشان تزيد عدد مشاركاتي حتى اوصل ل 50 فإذا ممكن السماح لي بالدخول الى القسم اكون شاكرة لك واذا الموضوع صعب الشكوى لله ننتظر ال 50 مشاركة

اتشرف باضافتك والتحدث معك

وتقبلي تحياتي

[Queen of buraydh]

يلله يابنات كبوا اللي بشناطكم وعلمونا


الموضوع حلو تحمست ياكوييين هههه

ايه مدري وينهم ؟ انا متحمسه اكثر ,, انبسط اتفرج على اسامي الميك اب والماركات والاشياء الجديده :)


ياحبيلك وياحبيل حماسك ..


يلا بنات بلا دلع ,, شاركونا وجيبو شناطكم :(

[Queen of buraydh]

جوهرة بريده تم ارسال ايميل القسم ع الخاص


وياهلا فيك مره ثانيه ..:)

[سماءنجد]

السلام
ماشاء الله على هالإجتماع وش زينه
مكياجي...كان نينا ريتشي بس خرب
احط نوبا مع بودرة ديور....رووووعه
وتوي جايه من الرياض ومجموعة من كريولاين صراحة شيء روعه بس اللي يبيعون موب ذاك الزود بعرض المنتجات(يعني انتي اللي تطلبين وتناقشين ..)
الكحل ..استخدم من مكياجي اللي فيه ممحاه(قلم)
والسائل لانكوم..لي سنين استخدمه روعه قليل عليه
الماسكار بودي شوب اللي بالخروع او إتش ار
الإضاءة اخذت من محل اسمه هرير روعه وبعد عطان كحل يمدحه مره بس ماجربته لكن شكله زين
الأرواج ..منوع بس ا لغالب من المصباح اللي ريحتها زي الفواكه
هذا اللي اذكره اللحين

[سماءنجد]

عدنا
كوين ..نوبا إنتهى عقد الشركه من مكياجي وإنتقل العقد لنكتار...بس فرع بريده ماجاب كل المنتجات يقول على الأسبوع الجاي او اللي بعده

[Queen of buraydh]

سمـــاء صاااادقه ؟؟؟


ياحبيلك الله يبشرك بالخيــر ,, يقولون فتح نكتار اللي قدام جيان .. شكلي بروح له ان شاءالله

وياهلا وغلا فيك انتي وشنطة مكياجك نورتينا :)

[أمــاسي ونص]

مرحبا حبيباتي
انا قبل استعمل المكياج احط كريم "أولاي " لترطيب البشره ورونقها"اخس ياللغه"
بعدين احط الأساس نينا ريتشي بعدين بودره تكون افتح من الأساس بعدين احط بودره طحين بيج تحت العين علشان ماينزل الشدو واذا قضيت حاطه الشدو امسحه بعدين يبيض الي تحت العين والشدو الي استعمله استعمل المائي من مكياجي للمناسبات الخفيفه والمخملي للأفراح والبلشر عند بودي شوب روعه استخدم وردي تطلع بشرتي ورديه طبيعيه والكحل من عند مكياجي الي مجموعه "داخلي وماسكارا وخارجي سائل"رهيبات والأرواج احسن شي الي عند المصباح اللون الأحمر والعنابي الغامق والأورنج فاتح والوردي واو حلو مره
واللمسه اللأخيره من بودي شوب معاها لمعه بسيطه ماتاضح الا بالأنوار القويه يعني بالزواجات واخر شي احط مثبت المكياج من كازانوفا جنان وريحته رووووعه قوه يبعد ريحة المكياج

[إنسانة غير]

السلام عليكم ورحمة الله وبركاته

اسمحوا لي أنقل لكم تجربتي الخاصة مع ماركة رووووووووعة

للميك آب

لكن للأسف مالقيته بالقصيم

صراحة أكثر من روووووووووووووووعة

ماركة مــــــــاك

خاصة الأساس والحمرة

أشتريها من الرياض من صحارى أو الأندلس

تحيتي لكم

أختكم /إنسانة غيـــــــــر

[Queen of buraydh]

يااهلين ومرحبتين خيتوو اماسي

نورتي اجتماعنا حبيبتي

+++

انسانه غير انا مدحو لي ارواج ماك بس مدري عن الاساس والحمره ..

نورتينا يالغلااا

[امـ نفسي ـيره]

مشكورين على هالموضوع الحلو
انا في البيت والاجتماع الخفيفه استخدم بس بودره مااك حلوه بس لازم احط قبلها واقي او مرطب
وفي المناسبات الكبيره والزواجات مكياج سمر كيك
اما بالنسبه للشدو انا احب شدو شنل واستخدم مكياجي وبدي شوب ماافيه شي محدد عندي للزواج او مناسبه عاديه حسب الالوان
اما الارواج كل ماشفت روج اخذته
والبلشر من بدي شوب
والماسكره صراحه احب استخدم لانكم
اما الكحل السايل استخدم كحل شنل الي يجي على شكل شدو
والقلم استخدم رفيلون الاوتوماتيك
امممممممم والالمسه الاخيره من بدي شوب
والمعه حقت الشدو واستخدمها اكثر شي بالمناسبات من بدي شوب وفيه ماركه ثانيه حلووو من السواني الي بالرياض الي ديكوره اسود مدري وش اسم الماركه
صح في البيت احط الشدو زهر حلوووووووو من مرايا ماخذته حتى هو رخيص وكل من شافه اعجبه
واسفه على الاطاله

[امـ نفسي ـيره]

انا استخدم كريم الاساس ماكس فاكتور بصراحه مره يجنن
وقبله احط ملمع مائي يعطي البشره لمعان وكأن فيها مويه
والظل على حسب

اختي ممكن تقولين لي وش الماركه حقته وانا اول مره اسمع فيه

[امـ نفسي ـيره]

مرحبا حبيباتي
انا قبل استعمل المكياج احط كريم "أولاي " لترطيب البشره ورونقها"اخس ياللغه"
بعدين احط الأساس نينا ريتشي بعدين بودره تكون افتح من الأساس بعدين احط بودره طحين بيج تحت العين علشان ماينزل الشدو واذا قضيت حاطه الشدو امسحه بعدين يبيض الي تحت العين والشدو الي استعمله استعمل المائي من مكياجي للمناسبات الخفيفه والمخملي للأفراح والبلشر عند بودي شوب روعه استخدم وردي تطلع بشرتي ورديه طبيعيه والكحل من عند مكياجي الي مجموعه "داخلي وماسكارا وخارجي سائل"رهيبات والأرواج احسن شي الي عند المصباح اللون الأحمر والعنابي الغامق والأورنج فاتح والوردي واو حلو مره
واللمسه اللأخيره من بودي شوب معاها لمعه بسيطه ماتاضح الا بالأنوار القويه يعني بالزواجات واخر شي احط مثبت المكياج من كازانوفا جنان وريحته رووووعه قوه يبعد ريحة المكياج

ممكن تفيديني عن طحين بيج وش الماركه وش ااسمه بالضبط لاني من زمااااااااان ابغاه ومشكوووره اختي

[قناص]

انا دخلت بالغلط والا وش جابن للمكاييج ومحتوياته
مشكوره على الموضوع لاتزوجنا ندخل المدام تقرا تستفيد

[كلي لهم حبايبي]

مشاء الله والله كلامكم وتجربكم افدتونا فيها مشكورات يالغاليات

[Queen of buraydh]

اميرة نفسك يا مرحبا فيك حبوبه وياهلا في شنطة مكياجك :)

++

تغطو يابنات فيه ولد دخل هنا ولا قال ( ياولد ) :)

شكراً لتواجدك اخ قناص .. والله يوفقك ويزوجك ويسعدك ..

+++

حبايبي << يوو عجزانه اكتب اسمك طويل خخخ .. نورتي يالغلا واتمنى انك تكوني استفدتي ونبي منك اش موجود بشنطة مكياجك ..:)

[فيصل...........]

السلام عليكم
انا بس جاي ابي اخذ امي

[هامة حاسوبية]

السلام عليكم

مرحبا بنات

شوفوا ، طريقة وضع المكياج له 50% ، ونوع المكياج له 50% من جمال الميك أب على البنت

عن نفسي مكياجي يعتبر نوعه وسط ، بس مقتنعه فيه وخواتي يقولون حلو يوم تحطينه مضبوط

كريم الأساس : أخلط من نينا ريتشي ونيفيا

البودرة : بودي شوب

الكحل : كل مره أجرب نوع ، بس المهم يكون ألماني هو الزين ، أنا أستخدم القلم ماأستخدم السايل أبدا

الشدو : اممممممم كوكتيل من مكياجي وماركه بعد نسيت اسمه و institute

الماسكرا والبلاشر واللمعة من institute

المحدد من artdeco >> بس للأسف انقطعت هالماركة الحين وإلا راااااااائع كل شي فيها

القلوس من ريفلون

اممممممم بقى شي ؟ ماظن !



تحيتي

هامة حاسوبية

[Queen of buraydh]

الاخ فيصل ,, استنى قبل نبي نتغطى ..

هامه حاسوبيه شكراً يالغلا .. نورتي الاجتماع :)

[ميدوو]

السلام عليكم ورحمة الله

كيف حالكم يا حريمات ؟؟

فكره من زمان في بالي وشفتها مره في موقع وحبيت اننا نسويها عشان نستفيد من بعض ..


الفكره انك تجيبي شنطة مكياجك كامله وتكتبين لنا ايش فيها جوا وايش ماركات المكياج اللي تستخدمينها وتحسي انها مناسبه

بشكل عام تجربتك مع المكياج ..

ولو حبيتي تصوري لنا ميكياجك وتنزلين لنا الصور كمان ما في مشكله .. :)

وراح ابدأ بتجربتي اول ..

++++

بالنسبه للفاونديشن ( كريم الاساس )

أستخدم نوعين :
1 - كلينيك = للمناسبات العائليه والخفيفه لأنه طبي وكثير من اطباء البشره ينصحون فيه
2- ديور مع بودرته = للمناسبات الكبيره والزواجات ..


نجي للـبلاشر ( حمرة الخدود )

استخدم ماركة نوبا احلى ماركه بس حسافة انقطعت من الاسواق :(
وصرت استخدم بورجواز حلوه كمان تعطي الاحساس بالطبيعه ..

الشادو ( ظل العيون )

للمناسبات العاديه استخدم شادو مكياجي ,, للمناسبات الكبيره استخدم الشادو المخملي

الآي لاينر ( الكحل السائل )

استخدم كحل مكياجي ,,

الكحل الداخلي جربت انواع كثيره بس احلى شي ( ريفلون اوتوماتيك مو القلم )


الماسكارا
استخدم لانكوم ونتايجها مره روعه ..

اما الارواج والقلوس

مافي شي محدد ( استخدم سماش بوكس و فور ايفر ) ويمدحون ارواج ( ماك ) بس ما جربتها ..



وسلامتكم :)

انتظر تجاربكم عشان نستفيد من بعض اكثر ..


شوووووو هاااااااداااا <<< سوري الأخ

صراحه الله يكون بعونكم كيف حافظين كل هذي الأمور خخخخخخخ

انا دخت بس من قرائتها

الله يكون بعونكم ويجازي فور يو صاحب الإقتراح هههههههه

[أمــاسي ونص]

ممكن تفيديني عن طحين بيج وش bالماركه وش ااسمه بالضبط لاني من زمااااااااان ابغاه ومشكوووره اختي
معاليش حبيبتي توني شايفه رسالتك

الطحين اسمه"BOURJOIS"
والثاني"ARTDECO"
وهذي صورهم والله يعطيك العافيه واسفه على التأخير
http://www.m5zn.com/uploads/4ea4a0d396.jpg

[Queen of buraydh]

شوووووو هاااااااداااا <<< سوري الأخ

صراحه الله يكون بعونكم كيف حافظين كل هذي الأمور خخخخخخخ

انا دخت بس من قرائتها

الله يكون بعونكم ويجازي فور يو صاحب الإقتراح هههههههه

اخ ميدو مثل ما انتم حافظين اسامي السيارات والانديه الاوربيه واسماء اللاعبين

حنا قدرنا نحفظ هذول << حريم مهتويات :c9:

شاكره لك تواجدك

اماسي مشكوره كثير على مساعدتك ..

[أمــاسي ونص]

الله يعافيك ياعمري وهلا بأي طلب

[عبدالله بن محمد]

نشر من هذه الصور لا يحسن بكم أيها الأخوة .

[Queen of buraydh]

اي صور تقصد ؟؟؟

وضح اكثر لو سمحت ! يبدو لي انك غلطان بالموضوع !

[ام دحومي]

انا استخدم كريم الاساس نينا ريتشي وقبله مخفي العيوب دايرماكول رووووعه الكل يسالني عن كريم الاساس والكحل الداخلي برجواز وميكياجي السايل لانكوم والظل حسسسب وبودره الوجه ماك لكنها مااعجبتني والروج ماك خيالي ارواجه وقلم تحديد الحواجب بني وبس

[Queen of buraydh]

شكرا لك ام دحومي ,, والله يخلي لك دحومي :)

[..روز..]

الصراحة أنا صفر ع الشمال بهذي الأمور ...


إذا صرت قوية وحطيت مكياج استخدمت كريم أساس كلينك وما أحط إلا شي بسييييييط جدا بحيث يكون منظر الوجه طبيعي .. وحمرة خدود وروج . بس


أما العيون ما أهوّبش ناحيتها .



بأحفظ هالصفحات عشان أستفيد منها مستقبلاً ...


شكرا لكوين ولبقية البنات .

[Queen of buraydh]

العفو حبوبتي روز :)

[رارا الناصر]

إجتماع مفيد للغاية ..


تحياتي

[Queen of buraydh]

شكراً لتواجدك رارا

[بنت البدائع]

هلا كوين

أبقولك تجربتي مع المكياج

بالنسبه لي كل سنه لي نوع وآخر شي ثبت على منتجات ذا بودي شب

مكياج طبي روووووعه يجيك منه طاقم

كريم أساس وبودرة وماسكرا

والباقي عاد كوكتيل

بس من جد كريم الأساس خيااال وراقي جدآ

ذكرتيني كوين لحوسة المكياج تصدقين من بعد التخرج وأنا جادعه علية جدار ولاأفكر أني أتتبع مكايج السوق

الا على القليل ..

[محب الحقيقة]

اللهم اني صائم

موضوع جدير بالاهتمام ؟؟؟؟؟؟

[Queen of buraydh]

هلا وغلا بنت البدايع .. انا كنت اول استخدم بودي شوب بس تركته ما عجبني .. طيب كيف كلمينا عن المجموعه الطبيه اللي تقولين اكيد طبيه ؟؟

شرفتي ياغلااا

+++

الاخ الفاضل محب الحقيقه .. ماادري اش علاقة الصيام بالموضوع لكن اُدرك أنك تستهزأ بالموضوع .. لكن رأيك لا يهم لأن الموضوع نسائي بحت .. واعتقد العنوان واضح ؟؟؟


ع العموم شرّفت

[بنت البدائع]

[QUOTE=Queen buraydh;1366795][COLOR="Indigo"]هلا وغلا بنت البدايع .. انا كنت اول استخدم بودي شوب بس تركته ما عجبني .. طيب كيف كلمينا عن المجموعه الطبيه اللي تقولين اكيد طبيه ؟؟
شرفتي ياغلااا

+++

[QUOTE=Queen buraydh;1366795]هلا وغلا بنت البدايع .. انا كنت اول استخدم بودي شوب بس تركته ما عجبني .. طيب كيف كلمينا عن المجموعه الطبيه اللي تقولين اكيد طبيه ؟؟

[color=#0000FF]هلا كوين صح يمكن ماناسب لبشرتك لأن البشرات تختلف

بس أنا مظبوووط معي

[فاطمة الوليعي]

ما شاء الله أثركم خبرة ..

والله يانا .. مالي بهالموضوع ..

حاطة حرتي بالأرواج ..ولا حفظت ماركاته بعد !!

أهم شيء البشرة تكون صحية ونظيفة ..

يعني أهتم بالصابون والكريم المرطب والكريم الواقي من الشمس ..

وربنا ولك الحمد ,,

بس ما شاءالله عليكن .. تصلحن فزعة .. لو احتجنا شيء


وتسلموا جميعا ما قصرتوا ,,

وتسلمين يا ملكة ,,

[ملاك الحبر]

ماسكار لانكوم
كازانوفا للحواجب
كحل نيفيا
قلوس ريفيلون
قلوس من وجوه نسيت اسمة



(هذي بعض المحتويات )

بس على فكرة كل فترة لي نوع معين أجربه ويعجبني وأغير

شـــــــــــــــــــكراً[/font][/size][/color]

[(بحب الحب)]

موضوع حلو وبتكلملك عن مكياجي
مكياجي لو اببتل ماخلصت وانا اقولك نوع المكياج
1-اروج (قلوس ديور)
2-الحمره(برج واز)
3-مسكره(ريفلون)
4-اساس(سلوران)
5- لمعه (لانكوم)
6-ظل(ديور)
7-كحل(ريفلون)
8-منكير(في اوفي)
تكلمتلكم عن المكياج بس بختصار مابي الطوال

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
وهذا داخل الشنطه
1- منديل (جونسن)للتنضيف البشره بعد المكياج
2-مرايه(من محل مرايا)
3-فرشه للتوزيع الحمره(من مكياجي )
4-فرشه صغيره للضل(من مكياجي )
وهاذا الي قدرت عليه اقولكم ومشكوره اختي على الموضوع الحلو
مع تحياتي اختك (بحب الحب)

[Queen of buraydh]

[quote]
شرفتي ياغلااا

+++

[QUOTE=Queen buraydh;1366795]هلا وغلا بنت البدايع .. انا كنت اول استخدم بودي شوب بس تركته ما عجبني .. طيب كيف كلمينا عن المجموعه الطبيه اللي تقولين اكيد طبيه ؟؟

[color=#0000FF]هلا كوين صح يمكن ماناسب لبشرتك لأن البشرات تختلف

بس أنا مظبوووط معي

معك حق حبوبه .. نورتي من تاني :)

[Queen of buraydh]

ما شاء الله أثركم خبرة ..

والله يانا .. مالي بهالموضوع ..

حاطة حرتي بالأرواج ..ولا حفظت ماركاته بعد !!

أهم شيء البشرة تكون صحية ونظيفة ..

يعني أهتم بالصابون والكريم المرطب والكريم الواقي من الشمس ..

وربنا ولك الحمد ,,

بس ما شاءالله عليكن .. تصلحن فزعة .. لو احتجنا شيء


وتسلموا جميعا ما قصرتوا ,,

وتسلمين يا ملكة ,,

هلا وغلا فاطمه

ابشري اي شي تبين تستفسرين رقابنا سداده ههههه

نورتي الموضوع ..

[Queen of buraydh]

ماسكار لانكوم
كازانوفا للحواجب
كحل نيفيا
قلوس ريفيلون
قلوس من وجوه نسيت اسمة



(هذي بعض المحتويات )

بس على فكرة كل فترة لي نوع معين أجربه ويعجبني وأغير

شـــــــــــــــــــكراً[/font][/size][/color]


العفو حبوبه .. شرفتي يا عايشه لوحدك :)

[Queen of buraydh]

موضوع حلو وبتكلملك عن مكياجي
مكياجي لو اببتل ماخلصت وانا اقولك نوع المكياج
1-اروج (قلوس ديور)
2-الحمره(برج واز)
3-مسكره(ريفلون)
4-اساس(سلوران)
5- لمعه (لانكوم)
6-ظل(ديور)
7-كحل(ريفلون)
8-منكير(في اوفي)
تكلمتلكم عن المكياج بس بختصار مابي الطوال

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
وهذا داخل الشنطه
1- منديل (جونسن)للتنضيف البشره بعد المكياج
2-مرايه(من محل مرايا)
3-فرشه للتوزيع الحمره(من مكياجي )
4-فرشه صغيره للضل(من مكياجي )
وهاذا الي قدرت عليه اقولكم ومشكوره اختي على الموضوع الحلو
مع تحياتي اختك (بحب الحب)

مرحبا خيتو بحب الحب .. نورتي ونتشكرك على عرض تجربتك ..