حوار جاد (برنامجك خلال الاجازة)

[نجم في سماء]

السلام عليكم ورحمة الله وبركاتة

اتمنى من الجميع المشاركة في الموضوع
والجدية في ذلك من اجل الفائدة والاستفادة

[Queen of buraydh]

وعليكم السلام ورحمة الله

في اوقات الاجازه ما لنا برنامج محدد ,, لان الايام هي اللي تمشينا على كيفها خصوصاً زحمة العزايم والمهرجان والحدايق والسفر ,, يصير حوسه :)

لكن الاساسيات يومي :

اصحى قبل العصر اتجهز واطلع للمعهد واحضر ساعتين كورس E بعدها اروح ع المهرجان على طول
او نطلع زياره عائليه مع الاسره او اجلس في البيت

ارجع في الليل ادخل نت لحد الفجر بعدها اخلد الى النوم >> هذا برنامجي في الاجازه ..

شكراً لك ,, وننتظر برنامجك ..

[بنت بريدة سابقا]

احس مافي نظام معين واحلى مافي الاجازة هو التخلص من الروتين

اما عن برنامجي فهو زيارات وطلعات واستعداد للسفر وثلاث ارباع الوقت في النت

جزاك الله خيرا

[نجم في سماء]

مشكوره على مروركن يالغاليات
انا برنامجي .......
بعد قدومي الى القصيم ودي كل الناس والاهل والجماعة يجلسون فيها مابي احد يسافر ولايروح لمين اشبع منهم
البرنامج نوم الى الظهر وبعدين القهوه والتميرات
وبعدين ادور احد اروح عنده او طلعه وما نرجع الا....الساعة 2 او 1 او 3 صباحا ثم الدخول على النت
ويمكن نصف شهر سبعة اسافر

[نجم في سماء]

ياااااخوات وين التفاعل في المنتدى الاحظ ان المتواجدون اكثر من المشتركين ؟؟؟؟؟؟؟؟؟
وضعت نفس الموضوع في منتدى ثاني وتعالي شوفي الردود والاقتراحات
نبي تفاعل مو......اطلاع

[العبرى]

لا يوجد نظام محدد..

وقت موزع بين النت والتماشي..

أداء الواجب مع الزوار..

وإذا توفر دورات تطوير الذات حضرنا..




تحيتي,,,

[نجم في سماء]

العبري جزاك الله خيرا على المرور

[نجم في سماء]

اين التفاعل؟؟؟؟؟؟؟؟؟؟؟؟؟؟؟؟؟؟؟

[رغووده100]

لا يوجد نظام محدد..

وقتي موزع بين النت والبيت والعيال وابو العيال
من كل اسبوع نطلع يوم الاستراحه من العصر الى الساعه 3 باليل
وبقيةالايام حسب الظروف يصير فيه طلعه مع اهل زوجي او اجتماع مع خواتي او نطلع بريده او عنيزه مع ابو العيال................................
فكرة السفر في هالاجازه ممرفوضه علشان بنتي توه صغيره عمره ثلاث شهور والسفر مع الصغير مايعتبر وناسه عندي يعني صرف فلوس من غير وناسه
هذي برنامجي انا

[نجم في سماء]

مشكورة اختي رغووده 100
عاد ترى السفر ماهو كل شئ في الاجازه

[shahd2007]

برنامجي انا في الاجازه نوم الي العصر وبعد صلاه العشاء اذا كان بابا راااااايق طلعنا الي بر او منتزه او اي شي المهم طلعه هذا من السبت الي الاربعاء والخميس والجمعه يا مكه :13[1]: ياجده لاننا بالطائف وباقي الوقت نت او تعلم طبخه او tv