ملف للحلوييات [الأرشيف]

سـمـا

02-07-07, 05:35 am

يابنات ياحلوات يابنات بريده القرمات (تقل بديت اعرف اطلع شعر اقول لايكثر)

المهم نبغى نعمل لنا ملف للحلويات هنا

اي حلى بنزل جديد تشوفينه سواء بمنتدى اخر او بعزيمه او عند اي احد على طول جيبي الطريقه وضعيها هنا

يالله يالقرمات ملينا من الحلويات اللي عندنا نبي نتسنع للحموله :11_4_101[
واللي ماعرست علشان تعلم منى ويشوفون العالم طبخه ويبدون الخطاطيب :a1::a1:سرب عند الباب
بيني وبينكم تراى انا ماخطبني زوجي :a1:الا علشانه سامع عني اني طباخه
بس يحول يوم اخذني ماش صكتن عين وخربت(اقول روحي مناك بس)

يالله وش رايكم ببتفاعلون ولانصك الموضوع

عاد تراه اول موضوع لاتفشلونن :for10:

يالله نشوف اكثر وحده تشارك له مني هديه :for5:وهي ازينله الحلا اللي تبيه واحطه عند باب

الحصان الأسود

02-07-07, 06:23 am

واللي ماعرست علشان تعلم منى ويشوفون العالم طبخه ويبدون الخطاطيب سرب عند الباب

ايوالله تعلمن يابنات 000

الصراحه موضوع حلو وان شاء الله يعتبر موسوعه للحلويات وأتمناله التثبيت 00

وبالتوفيق يابنات 00

سـمـا

02-07-07, 06:45 am

مشكور الحصان الاسود على تشريفك
وماقصرت ولاهنت

جورينا

02-07-07, 07:32 am

ام ارجوان ؛؛

هلا بأم القرامة والسنع ؛؛ الله يعطيك العافية مير على هالموضوع وان شاء الله يجد صدى

وفكرته حلوة بدال مانتشتت وندور هنا وهناك عن اي حلى جديد وطريقة أجد ؛؛

وان شاء الله اذا لقيت حلى شكلة جديد بكتبه هنا ؛؛

دمتي بود حبوبة ؛؛

:)

سـمـا

02-07-07, 07:39 am

مشكوره فراشه نجد على هذا الاطراء
وننتظرك

Queen of buraydh

02-07-07, 08:00 am

بما اني ما اعرست .. راح اطالعكم واتعلم منكم ( مع اني اعرف ومايحتاج اتعلم << ياشين الثقه الزايده )

يعطيكم العافيه وعساكم ع القوه يابنات

راح اعطيكم حلا حلوو وسهل ولذيذ كمان واخوي مزعجني دايماً يطلب مني اسويه ..

المقادير

بسكوت الشاي يغمس في حليب سائل ويصف في صينيه طبقتين

بالخلاط:
2 اصبع تويكس
علبة قشطه كبيره
ظرف كريم كراميل
ظرف دريم ويب
مسحوق شوكولا << حسب الرغبه

نخلطه مع بعض بعدين نصبه على الصينيه وندخله الثلاجه عشان يتماسك ويبرد .. بعدين نقطعه قطع كبيره وينوكل بالملعقه << زي حلا العشا

وهني وعافيه

ومطرح ما يسري يمري ...:)

سـمـا

02-07-07, 08:18 am

الله يعطيك العافيه ومشكوره
عاد انا احب التويكس اغديين اليوم اصلحه ان شاء الله

سـمـا

02-07-07, 07:30 pm

حبيت أنقل لكم طريقة [ حلى الأوريو ] ..

صراحة حلا لذيذ لايفووتكم

أول شيء نخبز كيك بني جاهز أو نحضر كيكة جاهزة [أمريكانا] ..

ثم نقطعه نفس اللي بالصوره تحت

ثم نصفها بالقالب .. ماقدرت احط صورته وهو مصفوف مايعبي اكثر من خمس صور خيره بغييره.

ثم نقوم بعمل الخلطة وهي عبارة عن :
3 ظروف دريم ويب
4 علب قشطة
كاكاو ذايب ـ يعني سائل ـ
وبسكوت أوريو حسب الذوق والطلب

نخلط علبتين قشطة مع ظرفين دريم ويب
ونكسر الأوريو لأرباع

ثم نضع الشوكولاته السائل فوقهم
مثل الهرشي
نصب الخليط فوق الكيك المرصوص وندخله بالثلاجة إلى أن نعمل الطبق الثالث

الطبق الثالث عبارة عن علبتين قشطة وظرف دريم ويب

نصب الخلطة الثالثة فوق الخلطة الثانية

ملاحظة] يجب أن تكون الطبقة الثانية متماسكة ..

ندخله باالثلاجة الى تتماسك الطبقة الأولى بالطبقة الثانية بالثالثة ..
يوضع في صحن التقديم ونبعد عنه القالب ..
ونزينه بحبات الأوريو والهيرشي

وكاننا نقطعه مثل طريقة الرخام بالسكيين من فوق خفيف على شكل بيت عنكبوت من والوسط الى الاخير
والله اللي متزوجه بينهبلون اهل زوجها
والبنت على طول راح تخطب

وبالعافية عليكم

توتي

02-07-07, 07:36 pm

الله يعطيك العافيه يا ام ارجوان

جووعان انا وقلت خلني اسير على القسم << ما اعرف اطبخ اهلي رايحين

واشوف شي يفتح النفس

بس المشكله ما اعرف ازين شي

ادري تبي تصفى على هرفي

مير شووكرن

سـمـا

02-07-07, 07:49 pm

هذي صورته بالشكل النهائي لانه عيت تجي مع الرد الاول
وادعولي

العبرى

02-07-07, 08:05 pm

فكره جميله..

ونأمل أن نرى نشاط أهل الحلويات معها..

لكن حتى يكون هذا الموضوع مميز أود أن أنبه إلى

-الوصفات المنقوله..يجب أن لاننسى أن نذكر أنها منقوله..

- أن نذكر هل الوصفه مجربه أم لا..

- أن لانذكر وصفات قد ذكرت من قبل في القسم..

وإن شاء الله نرى النفاعل

تحيتي,,,

سـمـا

02-07-07, 08:08 pm

مشكور توتي على المرور

ومشكوره العبري صح هذا اللي نبغاه ونسويت ان انوه على هالموضوع مشكورة

انك ذكرتيني

بدرالوابلي

02-07-07, 09:00 pm

وشلون ودك تنحفين وانتي طابة تخوضين بالحلا والكاكاو ؟؟؟؟

سـمـا

02-07-07, 09:31 pm

مشكور بدر بس وش اسوي القلب ومايهوى
ودي انحف من دون ماترك الحلا والكاكاو
لاني عارفه اذا تركتهن ابنحف

أمــاسي ونص

03-07-07, 03:21 am

عااااد ورينا شطارتك يأم ارجوان بالحلا
اعزمينا كل خميس والله الله

سـمـا

03-07-07, 03:42 am

اماسي مشكوره على المرور اقولك جايتني عيين مالي خلق اعزم واطبخ

الفتـ الذهبي ـى

03-07-07, 03:55 am

حلاااااااااااااااااا

8
8
8
جوعااااان :)

طيب وين يباع هذا خلونا نبلل الريق :)

صوت بريدة

03-07-07, 04:08 am

ياام ارجوان فكينا كروشنا تسحب بالارض من الحلا..!!

سـمـا

03-07-07, 04:13 am

مشكور الفتى على المرور مايباع هذا عمل ايدياتي الله يخليهن لي
صوت بريده وش ذا التحطييم احس اني انكسرت خلاص سكوا الموضوع اهع اهع
المهم اللي مايبي حلا لايدخل واياخذ والكروش من الرز والماء مو من الحلا يحول لاتظلمونه
يالله وينكم نبغى حاجه جديده واللي سوت الحا اللي قلته تعلمني وش صار عليها

جبل السكر

03-07-07, 09:55 am

اللـــه يعطــيكــ العــافيهـ أم أرجـــوان فكــرتكـ حلـــوووهـ متــلكــ

وإن شـــاءاللـــه لــــي عـــودهـ ومعــي الوصفــات يــاحلــى :)

دمتي بصحهـ وجمال نووني

سـمـا

03-07-07, 02:47 pm

تسلميلي وراء الروح على المرور
ننتظر جديدك

سـمـا

03-07-07, 02:59 pm

يابنات ياحلوات وش رايكم بالصوره الحلا هذي ash:
ابشوف الردود
واذا اعجبتكم ابنزل طريقته:

سـمـا

03-07-07, 07:08 pm

طبعن طريقة هالحلا هذا هي اللي كاتبتها الحلوه جنان اللي اسمه ((وردات التفاح حلى شيك بالصور ))

وانا قلت عندي شكل فيه اللي تحب تسوي اشكال بالحلا عاد مادري احط حاطه في المنتدى او لا لاني ماشيكت على كل الصفحات وشكرن

جيبي تعرفين الاعواد حقت الشيش طاوؤق للشوي الطوال بعدين حطي فيهم ارواق الحلا ياصفر ياحمر احمر احلى بس لما سويته ماحصلت احمر خليته ورد اصفر وجبت الاعواد وحطيتهن على الاوراق بعديين صفيتهن بالمزهريه
بس تراه الصوره مصورته انا في استراحه لاتحسبونها بيتنا

صوت بريدة

04-07-07, 09:15 am

ام ارجوان..

بدون مجاملة انتي مبدعه الله يخليك لاهلك..

ذوقك يهبل العقل ياحظ ابو عيالك شكله يتغدى حلويات..

سـمـا

04-07-07, 05:38 pm

مشكور صوت بريده
اشوى غيرت رايك
الله يسلمك ذوقك الحلو مو شغلي حلو
لا الغداء كبسه
ناقصين يسمن ونبلشبه

رعد الشمال

07-07-07, 06:52 pm

يسلموووووو
خيتوأم ارجوان علي التميز المستمر
الحقيقة حلوياااااااااااات ولا أروع
مميزة أختي أم ارجوان حتي في الحلويات
بس عاد نبي ملف الطبخات الحلوة
اللة يسلم يديكي

تحياتي
تحيتي

سـمـا

07-07-07, 07:02 pm

مشكور رعد الشمال على المرور

والطبخات ان شاء الله خله يجي رمضان لله يشرفه وتجي الطبخات معه

لكن اللحين وقت حلا وبس

وكبسه بالغداء بس

والعشاء الله يخلي العزايم

يعني مانفضي للطبخات

ومالك الا اللي يرضيك

رعد الشمال

07-07-07, 07:05 pm

تسلمين خيتو

’ ŚĀM

07-07-07, 07:06 pm

مشكووره اختي ام ارجوااان ,,
بس انا بكوون متااابعه لان مااالي شغل بالطبخ يعني منيب قرررمه خخخخخخخخخخخخ
لا شدعوووا ,,,هع هع
انشااء الله بس اشووف حلى حلووو وغرريب ابشررري من عيوووني خيييتو ...
ثاانكس مره ثاانيه ,,

مندوب الشمال

07-07-07, 07:34 pm

ماشاء الله عليكن يها الحريم حنا تكفخ بها الاقسام وانتن بهذا

حلويات وشغل عدل

أنا أول مره أجي المطبخ مؤدب ما احب أزعج الحريم.>>>أخلص ايش عندك

والله يعطيك العافيه أم أرجوان على الفكره الرائعه اللي بتسهل علينا عناء البحث

دمت بكل ود أختي . وتقبلي تحياتي ,,,,,,,,,

سـمـا

07-07-07, 07:46 pm

نجوود مشكوره على المرور
بس لازم نخليك قرمى وسنعه على شان ماتفشليننا مع الحبيب اذا جاء

مشكور مندوب الشمال على المرور

بس انا من يم شفت توقيعك احسبك بنت
اثاريك غير ذلك
وش سالفه التوقيع اذا ودك تسولف وتقولي

جناان

07-07-07, 07:56 pm

روووعه
ام ارجوان
ان شاء الله راح اجيب حلا
تاكلوا صوابعكم ورااه خخخخ

تحيتي لك

مندوب الشمال

07-07-07, 07:56 pm

هلا أم أرجوان

ايش دعوووا بنت الاسم واضح خيتتتتتو هههههههههههههه

بالنسبه لسالفة التوقيع ما أ قدر أسولفها بالمطبخ ذبحنا الحر كله نار وطبخ

خلينا نطلع برا وأقولك خخخخخخخخخخخخ

تحياتي . أم أرجوان ,,,,,,,,,,,,,

سـمـا

07-07-07, 08:04 pm

مشكوره جنان على المرورتسلميلي انتظرك

مندوب مشكور انا علشان كذا مستغربه الاسم غير والصوره غير

بس وين نروح ماعندنا الا المطبخ بس لاتخاف اشغل المكيف

مندوب الشمال

07-07-07, 10:18 pm

مدام شغلتي المكيف معناته مصره تبين السالفه <<<ما صدق يبي يسولف

والله لا سالفه ولا شي لكن أعجبتني وحطيتها <<< ماقدر اكذب رعد موجود هيع

تشكرات على الضيافه أم ارجوان

الفاتح

09-07-07, 02:51 am

والله من الخرابيط عند الحريم

تقول رح جب مقادير

سميد
جوز هند
بيض
طحين
سكر

وغيره وغيره

واذا خلص الحلى طلع يحوم التسبد وتلاقيه عند الارياف ارخص واحسن

وبعدين انتن تنقلن من الكتب يقالكن تفهمن وحاطت لنا صور مغريه وبالاخير تطلع الحقيقة دردبيس

الله يعين البطون اللي تاكل حلاكن

سـمـا

09-07-07, 02:59 am

الفاتح

09-07-07, 03:21 am

الفاتح الله يسامحك
ميخالف السب منك راح اعتبره مديحه
ولاتهون
بس وش جاب طاري السميد
وراه بسبوسه انا قايله
لا حنا حلانا غير تاكل اصابعك وراه مو خرابيط
وشو الارياف وغيره من محلات الحلويات ومطاريسهم على الاقل حنا نظيفين
واحسن منهم طعم ماتشوف الناس اللحين يبون طبخ البيت اكثر من هالمحلات
بس يالله ميخالف هذي الدنيا

يعني الواحد اذا قال الحق صار يسب ؟

وبعدين من قال ان المحلات شغلهم مو زين ومن قال ان الناس تدور شغل البيت ؟

الناس بس تتشفق على الاكل من وين ماكان

واللي يسمعك يا ام ارجوان مايقول الحريم ماسكة طابور على الارياف

وربي ماتاكلون الا منه بس اتركي عنك السوالف

قطعتين حلى سويتوهن واشغلتونا فيهن

بس ميخالف هذي الدنيا

سـمـا

09-07-07, 03:45 am

حرام كسر الخواطر والتحطيم

رفقا بالقوارير

ام ادويس

09-07-07, 03:49 am

لا تفكر ولا تحتار غير ام ارجوان ما تختار >> تسوي دعايات لمحلك بالمستقبل http://www.lakii.com/vb/smile/16_135.gif (http://www.lakii.com/vb/uploader/smilies.php)
مشكوره الغاليه على الموضوع الحلوووووو
ونترقب جديدك وابداعاتك دائمااااا

الفاتح

09-07-07, 03:52 am

حرام كسر الخواطر والتحطيم

رفقا بالقوارير

اذا حجرناكم يالحريم قلتوا لنا حرام كسر الخواطر ورفقا بالقوارير

وياويلنا ياسواد ليلنا لو تمسكون علينا شي

جناان

09-07-07, 04:03 am

لا تفكر ولا تحتار غير ام ارجوان ما تختار
روعه ام ادويس
اسم على مسمى وتستاهل
ام ارجوان والله اني احسه سنعه وشقرديه >> ليته صديقتي ههه

الفاتح مفتوحه شهيته للهواش >> الهم سلم سلم خخخ

سـمـا

09-07-07, 05:47 am

تسلميلي ام ادويس يابعد عمري والله من ذوقتس الحلو
عاد اذا فتحت محل لاتخافين ابعطيتس حق الاسم

جنان ياعمري ليته والله اصير صديقتس بس الايام جايه

الفاتح ميخالف مادام انه ضيف عندنا راح نتقبل منه كل شي

بس اذا شفناه بمكان ثاني ياويله وسواد ليله
<<<<تراي قويه

رعد الشمال

09-07-07, 11:38 am

ههههههه
تسلمين خيتووووووو
علي الوصفات الحلوة
تحياتي

أخو رعد الشمال

19-07-07, 05:26 pm

سلمت يداكي أم أرجوان (سلمي علي أرجوان وأخوها)
ياحظ أهلك فيكي تعرفين تسوين لهم حلويات
وللا بنات هالايام علي الله وعلي محلات الحلويات
تحياتي لك أخيتي الغالية

سـمـا

20-07-07, 11:38 pm

اخو رعد وش دخل ارجوان واخوها بالموضوع
بس اسلم على واحد والثاني

المهم مشكور على المرور

سـمـا

20-07-07, 11:46 pm

اليوم جايبتلكم حلى جنان وجديد بس عاد لاتخيبوني الله الله بالردود السنعه لاتفشلونن

المهم هو اسمه حلى الضومنه تعرفونها لعبه قديمه طبعا الحلا على شكلها

المهم انا لاقيته في منتدى عالم حواء وكاتبته وحده اسمها عجاااااااااايب <<<<<ابراء للذمه

وانا جربته شي بصراحه يكفي شكله شوفوه بالصوره

أول شي افتحي النار من فوق في الفرن ثم ابدئي بالعمل

المقادير والطريقة مره واااحده :
1 - نحضر الصينية البايركس المقاس الكبيروضعي طبقه من بسكويت اولكر المغطس بالحليب السايل .
2 – كأسين حليب بودره يحمر على النار حتى يشقر ثم يوضع في الخلاط ويضاف له :
قشطه + كريم كرامل + زبده مذوبه على النار + نص كأس سكر بودره ، ويخلط جيدا .
3 – نضيف نصف مقدار الخليط فوق البسكويت .
4 – نضع طبقة من البسكوت المغطس بالحليب فوق الخليط السابق
5 – نضع النصف المتبقي من الخليط فوق البسكويت .
6 – في الخلاط نضع 8 حبات جبن + ثلاث أرباع حليب نستله المحلى ثم في الصينيه ،
7 – اطفئي النار وادخلي الصينيه في الفرن يعني الخلطة اللي فوق بتجمد بس بالحراره بدون أن تحمر من الأعلى
8 – اخرجيها من الفرن واتركيها تبرد ثم ضعيها في الثلاجة حتى تبرد تماما ليسهل تقطيعها
9 – قطعيها بشكل مستطيل على شكل لعبة الضومنه ( ذكريات بس ماعرف وشلون تنلعب بس اذكرها يوم كنت صغيره شكلها انقطعت اللحين)
10 – اخلطي قليل من حليب نستله مع نسكافه ثم بعود حق الأسنان وإعملي خط في الوسط ونقط على الجانبين .
وتقدم والف صحه وعااااافيه

اتمنى ان تحوز على رضاكم

أخو رعد الشمال

21-07-07, 12:04 am

شكروووووون
علي الحلا أم أرجوان
الحقيقة أنك ملكة الحلا ومبدعة في صنعة
وماهرة في تجهيزة Mead In :am Argwwn
تحياتي

سـمـا

21-07-07, 12:15 am

خخخخخخخخخخخخخخخخخخخخخخخخخ

اما Mead In :am Argwwn شي الله يغربل ابليسك

مشكور على المرور وماتقصر الله يعطيك العافيه

أخو رعد الشمال

21-07-07, 12:26 am

ماشاء الله عليكي أم أرجوان
شعلة القسم أنتي
ما خليتي عذر للحريم كل الوصفات والمقادير موجودة
وللي تقول ماعرف أسوي حلا ما عندها سالفة
تحياتي

الوردة

21-07-07, 01:48 am

...مشكوره شكلة مره حلو ...راح اطبقه ان شاء الله...

سـمـا

21-07-07, 01:55 am

الورده مشوره حبيبتي اذا زينتيه بلغيني هو طعمه اوكي او لا وانضبط معاكي او لا

اتشرف بمرورك

واذا عندك حلى مني ولا مني لاتبخليين علينا

مشكوره ياعمري

قصمنجيه

21-07-07, 06:16 pm

ما شاء الله ... ما شاء الله يا أم أرجوان ...

بصراحة قرمة و مرت حمولة ...

بصراحة أعجبن حلى الضومنة , و بما أنني اؤيد المصالح المشتركة :4[1]:
فحبيت أعطيك هالحلى ...
فأنا أحب الحليات اللي تدعي ربه ... يعني فيها آكشن :f5:

المهم دوك هالحلى .. حلى البلون ..

تسيحين جالكسي خالص .. أو أي شكولاطة تقوم بمقامه ..
ثم تنفحين بلونات صغار اللي يجن الكحشة بريالين .. الظاهر عرفتيهن :a1:

أيه.. بعد ما تنفخينهن تغمسينهن بالشكولاطة السايحة , تخلين تحت البلون و على جوانبه لازم يمتلي شوكلاطة , ثم أثاريك حاطة قبل ساعتين صينية مقصدرة بالثلاجة _ أما لماذا تدخل كذا وبهالوقت_ عشان تجمد القصدير و إذا حطيتي عليها البالون ما يسيح الشوكلاطة اللي فيه ع طول يجمد ...

المهم خليه تقريبًا أربع ساعات لحد ما يجمد , و إذا جمد تعالي و نسمي البالون و أقشعيه على خفيف .. ثم يطلعلك ( قحفية ) يعني تقل طاسة .. :4[1]:

بعد ما تممين هالخطوة تعالي للحشوة .. حشوته سهلة

بسكويت أوريود (مدقوق) ثم تخلطينه مع قشطة ..
و شعرية أحمد محموسة و مطحونة .. و مخلوطة مع نستلة ..
تحطين بالقحفية :4[1]: من جهة أوريو .. و من جهة شعيرية أحمد ..

الحشوة هذي ماهيب شرط ..
بأمكانك أنتِ يا أم أرجوان تبدعين حشوة ثانية ..

لكن بصراحة يطلع حلى كشخة ..
و شرط أن يتحيولن حمواتك لا شافنه :20[2]:

.

قصمنجيه

21-07-07, 06:20 pm

أيه فطنت روحي ..

أنا يا بنات عندي شوكلاطة هذيك اللي على شكل حصى .. عرفتنهن ..؟؟؟

أيه جايب لنا أخوي من الإمارات كحشة , و بصراحة الوالدة لا شافت بالفريز
بدت تهوش تقول دبروه ضيق علينا ...
عاد أنا أبي طرق له إذا حداكن تعرف .

يا رب ما يكسحنن.

.

سـمـا

21-07-07, 09:11 pm

مشكوره قصمنجيه على هالمرور

ومشكوره على هالحلا اللي يجنن

ابحطلك صوره حلا قوليلي هو هو اللي قلتيه او لا لان نفس اللي اسويه بس انا بورقه اسويه احطه عبى الشكل اللي ابيه بعدين الفه بالورقه وجمده وافكه واحط فيه الحشوه

بس التفيخ ممكن اسهل

راح اجربه
وترتيب الصور 3 بعدين 2 بعدين 4 بعدين يطلع زي شكل الاولى

والحصى ان شاء الله اكتبلك حلى فيه بس اللحين مايحضرني اي حلا

افتش بالذاكره واعلمك

قصمنجيه

21-07-07, 09:32 pm

أيوه .. تقريبًا نفس كذا ...
يعني نفس المبدئيات ..

بس طبعًا القالب يختلف ...

بس اعلمك اللي جبيتيه روعة , بس أخاف من التوهيقة ... تحرينه ينجح..؟؟

سـمـا

22-07-07, 02:50 am

لا حبيبتي ينضبط

بس طريقتك خليك عليها اسهل

شوفي اذا سيحتي الجالكسي حطيه بكيس صغير وحطي فتحه فيه وابدي سوي شكل الشبكه على الورق

بعدين خليه لين يبرد شوي وقبل يتصلب لفي الورقه نفس الشكل اللي بالصوره ولصقيه بشطرطون

حطيه بالفريزر ربع ساعه كذا بعدين شيلي الورقه بهدوء وانا حشوتي قطعه كيكه جاهزه اقطعها دائري و

احطها تحت

واسوي توفي واحطه فوقه

بس ابجرب حقتك اسوي شكلين تطلع حركه حلوه

تسلميلي والله

إنسانة غير

22-07-07, 08:17 pm

الله موضوع يجننننننننننننننننننننhttp://www.asmilies.com/smiliespic/psmilie/012.gif (http://www.asmilies.com)

من زمان ادور مثل هيك مواضيع

تراني طباخة بس ابي شي زود خخخخخخخ

تسلمين أختي ام ارجوان على الموضوع الرائع

سـمـا

23-07-07, 06:13 am

تسلميين انسانه غير على هالطله الحلوه

وان شاء الله تلقيين اللي يرضيك عندنا

بس لاتحرميننا من جديدك

DaRk MoOn

23-07-07, 06:31 am

روووووعه الحلوياااات تسلم ايديكي

ويعطيكي الف الف عافيه

ومشكووووووووووره

سـمـا

23-07-07, 07:12 am

مشكور الديك

واله يعطيك العافيه

على المرور

الحنتريش

29-07-07, 11:58 pm

يعطيتس العافيه ام ارجوان والله انتي تفتحين الشهيه انتي وموضوعتس
مير الصور تخلي الواحد ينقز للارياف والا روز يبلع
بعدين مانبي نتزوج وحدتن راعية حلا وطبخات تسان يروح الراتب للمقادير
الله يخليتس لرجلتس ويعمي عنكم عيون الناس
انا بصراحه ماغير انقل حليب نستله وبسكوت ابو ميزان لاتدورين من طبخات حلا
ام ارجوان ابي مقادير الصوره الي بردتس رقم 23 الي ورد ابي بالتفصيل الممل لاني ماعرف اعبر وانا ابعطيه امي تزينه والي تقل ضومنه بعد نبية << بتلت تطلب
تسان تبين احوف لتس النثريه ابشري تراي بالنثريه ولا اروع واسالي امي بعد
تسان تبين اصور لتس صور الكاتم والمقادير

سـمـا

31-07-07, 07:11 pm

خخخخخخخخخخخخخخخخخخخخخخخخخخخ

اما النثريه تعلمينن بيجوز اعرفها من يوم كنت بطن امي

طيب حلى الورد والضومنه اقريهن كم مره علشان تفهمينهن لاني شارحتهن بالتفصيل اللي اشد من الممل

وحاطه صور بعد اكثر من كذا ايه

بعدين تعالي انتي بنت او ولد<<<<شكت بعمره المراه

ومشكوره تسلميلي على هالطله

الحنتريش

31-07-07, 10:26 pm

خخخخخخخخخخخخخخخخخخخخخخخخخخخ

اما النثريه تعلمينن بيجوز اعرفها من يوم كنت بطن امي

[color=#FF0000]ومشكوره تسلميلي[/colorطيب حلى الورد والضومنه اقريهن كم مره علشان تفهمينهن لاني شارحتهن بالتفصيل اللي اشد من الممل

وحاطه صور بعد اكثر من كذا ايه

بعدين تعالي انتي بنت او ولد<<<<شكت بعمره المراه ] على هالطله

ياام ارجوان ماتفرق ولد والا بنت خلاص تاقلمت ههههههههههاي
ماتفرق الا الياء وليتس تحذفينه بتله وشيلي تااء التأنيث دايم
اما النثريه اتحدي واتحدى بعد لانكن انتن كود بقدر عادي وكل شوي فاتشتوه
وحنا بالكاتم ويطلع ازين منكن والي تتحدى تفسر عن ذرعانه اشوف
لكن بتلت اقرا مافهمت ولو امي تعرف تقرا تسن جبته ورزيته عند الشاشه
مب ضارتس ترا لامنتس كتبتيهن بالتفصيل الممل وارسلتيهن
خلينا مير برمضان نغير عن التطلي والجلي شوي

متغربه

01-08-07, 03:30 am

رااااااااااااائعه ياام ارجوان يجنننننننن الملف

بس نبي شي سهل وسريع الله يخليك

اما حلى الضومنه يجننننننننننننننننننننننننن

سـمـا

01-08-07, 04:40 am

الحنتريش

ان شاء الله اكتبه بالتفصيل الممل

تصدق عاد يعني غدانا دايم على الكاتم

بعدين على فكره حنا عندنا قاعده يعني اللي تطبخ بالكاتم هذي عجازه

بس انا اطبخ فيه علشان الاجازه الواحده تبي تنام

وبوقت الدراسه علشان الدوامات

متغربه مشكوره ياعمري هذا من ذوقك الحلوووووووووووو

وابشري بكل مايسرك

عاشق ريميني

02-08-07, 06:08 am

الله يعطيكي العافية اختي
الملف كلة جميل

سـمـا

02-08-07, 06:12 am

عاشق رمينيني؟؟؟؟؟؟؟

مشكور على المرور

توتي

02-08-07, 06:15 pm

اقووول يا ام ارجوان

والله يا انتي تفتحين النفس

مشكوووره على الملف الحلو

توي متغدي والحين ابروح ادور لي شي اكله خخخخخخخخخخخ << لحد يقوول دب قولو ماشاء الله

سـمـا

02-08-07, 06:43 pm

توتي

هههههههههههههههههههههههههه

مشكور على هالطله

مشكور مره اخرى

إشراق

04-08-07, 08:19 am

أم ارجوان الله يعطيك العافيه على هالملف اللي يفتح النفس

بس ترى الحنتريش صادق ماهو واضح حلى الورد اللي حطيتيها بفازه

الله يعافيك ابيها بتفصيل ممل وصور اذا امكن بالشرح

وهل هن نفس الطريقه اللي اسمها حلى الجوري بكتاب امل الجهيمي نخبة الاطباق

ومشكوره ياام ارجوان

والله يعطيك العافيه ويخلي لي زوجك وعيالك ويحقق لك اللي ببالك

سـمـا

04-08-07, 12:02 pm

هلابكم

ايوه الحلا هذا موجود بكتاب النخبه وكذالك موضوع للعضوه جناااااااااااااان شارحته بالتفصيل والصور

عاد انا قلت ابجيب لكم طريقه تسون الحلا بشكل حركات يعني

يعني طريقته ماكتبتها لانه موجوده قبل وبكتاب النخبه كمان

بس كتبت اشلون يصلح بالشكل الي بالصوره

اذا خلصتي مصلحه الورود ((الحلا)) جيبي اوراق الحلا جيبي لون احمر او اصفر

وجيبي اعواد المشوي ذيك الطواااال

ودخليه اي اثقبي بالوسط من ورى الورق حق الحلا وحطي العود

بعدين حطي الورده اللي مزينته انتي ويصير هيك شكله

والله ودي احط بالخطوات بالصور بس اصبري علي اللحين

على طول مشغوله تعرفين الاجازه وحوسته

ولاعندي شغاله تسبع المواعيين يعني هالايام صايره عجازه

كل وقتي ارتب البيت واطبخ اشياء اساسيه والحلويات موقفتها اخذه اجازه

تسلميين على المرور حبيبتي

ولــد نعمـة

04-08-07, 12:43 pm

تشكرااات ام ارجوووان ..
اما ياكتاب النخبه هذا مير حل ازمااات عند الحريم..
والواحدة تسذب تنقل من الكتاب وتقول هذا من اختراعي
يالله عاد وش نسوي لازم نشجعهن شوي عشان ماينقطع الحلا ..
تحياتي لك..

سـمـا

04-08-07, 12:50 pm

ولد نعمه الله يرج عدوك بس

دورلي شي من الحلويات اللي انا حاطتهن بكتاااب النخبه

بس ماعليه مشكووور على المرور

ولــد نعمـة

05-08-07, 01:31 am

تحياتي ام ارجوان .. لاتشيلين ترا كله مزووووح..
لكن استلمي الطبخة اللي ناطله من اخيتي امد الله بعمرها..
الله يسلمك هذي طريقة حلى سهل ومايكلف الا بس حق المشوار لبنده والا العليان اسمها حلى الحلاوة..ماعليتس زود
المقادير الله يسلمك..
1-عجينة سبرنق روول
2-مجموعة حلاو مشكل من الجالكسي والباونتي والسنكرس والمارس الحجم الصغيرمرة
3-حليب نستلة محلى +شوكلاته سائله+مكسرات مطحون..
وبعدين الله يسلمك تقطعين السبرنق روول مربعات ليست صغيرة ولا كبيره يعني 10سم*8سم زمن ثم يوضع في كل قطعة من السبرنق روول حلاوة من تلك التي احضرتي ومن ثم يطوى السبرنق روول على شكل حلاوة وتربط مع الأطراف بخيط (سلك خياطه).. ومن ثم تقلى بالزيت حتى تحمر العجينه وبعد ذلك تخرج من الزيت ويزال الخيط وتوضع بصينية تقديم ومن ثم تتم التحسينات بوضع حليب النستله والشوكولاته السائله والمكسرات المطحونه وتقدم للأكل
وبالهنا والعافية .. مع كامل تحياتي .. جربوها وعلموني ايش النتيجه..
الشيف ولد نعمة أطيب

سـمـا

05-08-07, 01:46 am

ولد النعمه لا وش دعوى كله مزوووووووووووووح

مشكور على هالطريقه

عاد تدري تو هي في بالي ابحطه لانه بصراحه تجنن وشكلها روعه

بس قلت ودي احطها بالصور

ابصبر لين اصلحه مره ثانيه واصوره وحطه لكن مشكوووووووووووور سبقتني

وخففت علي المشواار

لاتحرمنا من جديد اختك الله يعطيك انت وياها العافيه

لا وبعد اذا بغيت شي ارخص بدال ماتشتري حلاو السنكرس والاشكال هذي

انا اجيب الجالكسي هذا اللي كامل اللي مربعات بجنب بعض اللي برياليين

واقطعه واحطه ارخص تدري احب الاقتصاااد باي طريقه

ولــد نعمـة

06-08-07, 04:36 am

ايوالله صدقتي أم ارجوان التوفير زين
على فكرة تتوقعين حلاو فكس اللي اربع بريال ماينفع..............

سـمـا

06-08-07, 04:38 am

ايوالله صدقتي أم ارجوان التوفير زين
على فكرة تتوقعين حلاو فكس اللي اربع بريال ماينفع..............

الله يرجك

وش حلاو فكس

يعني قلنا اقتصااد موب عاد حلاو فكس

هههههههههههههههههههههههههههههههههههههههههه

روعة مشاعر

19-08-07, 06:34 am

صباح الخييررررررر
مشكوووووووووور أم ارجوان انا من المعجبة في موضيعك وخصوصنا في الطبخ لاتبخلين علينا بالأكلآت الجديده وسهله تحياتي لكِ

سـمـا

20-08-07, 09:56 pm

نرجسيه ياهلابك يابعدي

تسلميلي والله

هذا من ذوقتس الحلوووووووو

مشكوره على المرور

وتامرين امر

الحنتريش

21-08-07, 10:49 pm

دام مشاركتي ماشافت النور وانحذفت بادعاء انه دردشه ممنوعه
وانا انسان ماحب امشي بالممنوع واباري الساس
اقول ياام ارجوان وين المقادير الي بتعلمينن
>> يارب مايقولون دردشه ممنوعه

سـمـا

22-08-07, 02:55 am

حنتريش

عادي

ريلاكس

هد اعصابك

انا وانا صاحبه الموضوع تمسح مشاركاتي

بس اقولك قلتلك الطريقه رح دور عليه بالردود

وشكرن على المرور

الحنتريش

22-08-07, 03:37 am

ابشري اجل ابروح احوس
بس تسانهي مب محذوفه

ميدوو

22-08-07, 08:02 pm

ام ارجوان

عزفتي بموضوعك على الوتر الحساس عندي <<< يحب الحلى خخخخخخ

الف شكر

فور يو

22-08-07, 09:48 pm

بعد الموضوع بروح للقباني اشتري كم علبة حلا ...

الف شكر ام ارجوان على الموضوع الجميل ...

سـمـا

23-08-07, 02:53 am

ميدووووووووووو

وفوريوووووووووو

مسيرين علينا ياهلا ياهلا

نورتو المتصفح الله يحيكم

ومشكوريييييييييييين

عاد لاتغتروون مدري وش صاير لي

اليوم ثلاث صياني مصلحتهن ومانضبطن مدري وش صاير فيني وكذلك قبل كذا صلحت ونفس الوضع

ادعولي الله يرجعني مثل اول

الله يفرجها

ميدوو

23-08-07, 03:10 am

جلوي العتيبي

23-08-07, 12:38 pm

ماشاء الله ماشاء الله

متصفح حلووووووووووووووووو

بس تكفين يا أم ارجوان

وصي البنات نبي حلا سريع للزنقات

يعني ضيف طب علي فجاءه وش الحل . حلا جاهز ماابي حلا بايت ما ابي .

<<<ياشين اللي يتشرط

دام حلاكم

العبرى

24-08-07, 07:10 am

يعطيك العافيه ام ارجوان

تحيتي,,,

سحابة مزن

24-08-07, 04:23 pm

ياسلالالالالالالالالالالالالالالالالالالالام على روائع يديك ماشاء الله عليك
تسلمين على هالحلويات الرائعه
الله يعافيك ويكفيك شر العيووووووووووووون
بس ابي طلب اذا مافيه كلافه سمعت عن حلى الفنادق ياليت تنزلينه اذا تعرفينه
سلمت يداك يا ام ارجوان

أمــاسي ونص

25-08-07, 04:05 am

ماشالله تسلمون على هالطبخات

سـمـا

25-08-07, 08:48 pm

الزعيم

ياهلا والله

منور الموضوع باهالطله

تقول تبي حلا سهل

عندي انواع السهوله وحلو طعمه مره

بس يمكنه قديم مادري

نجيب بسكويت ديمه بالتمر

ونقطعه نصفين

بعدين نقلبه بنستله وبعدين نشيله ونقلبه على جوز هند محموس

ونحطه بالورق

ونقدمه يصلح للعجازااات مثلي احيانن

ولا اصحاب الاسترحات والطلعااااااات

سـمـا

25-08-07, 08:51 pm

العبرى واماسي تسلمولي والله على هالطله

مانحرم منكم

سحابه مزن تسلميلي

والله ماعرفه هذا

انا هالايام طايحه بالكيك واشكاله والبسبوسه

راجعين ايام زمااااااااااااان

بس ان شاء اذا شفت احد مسويه

او لقيته اجيبه

مشكووووووووووره

سـمـا

05-09-07, 11:03 pm

حلوياااااااااااات لرمضااااااان

وتصلح تفرزينيها كمان <<<<تموت بشي اسمه فرزنة هالعجازة

حلى اصابع التفاح وجبن الكيري

تجيبي طرايق سمبوسة

وتحطينه بالطول وتحطي الحشوة اما خلطة التفاح واللحين اكتب طريقته او جبن كيري

وتحطي بالجوانب صمغ العجين ((شويه طحين + شوية مي ))وتلفينه اصابع

وتكون مغلقة مع الجوانب علشان ماتطلع الحشوه بالقلي

وتقلينها

واللي تبي للفريزر تسويها وتحطها بالفريزر واذا احتاجتها بس تطلع وتقلي

طبعا طريقة عمل حشوة التفاح

نجيب تفاحتيين ونبشرهم

ونص كاس سكر

وملعقة كبيرة قرفة

نحط التفاح والسكر على النار لين يطلع مويته بعدين نحط القرفة ونخليه يطبخ لين

تنشف المويه بتاعته

بعدين نخليه لين يبرد ونبدا نحشي الطرايق فيه بنفس الطريقه اللي فوق

وترشين عليها اذا قليتي وخلصتي شوي سكر بودرة وقرفة للي بده او شيرة

وبألف صحة وهنا

الحنتريش

06-09-07, 03:06 am

وش معنى تفزينها ياام ارجوان
والله شكلتس من الفراغ حاطتن حيلتس بالحلويات ههههههههههههههاي

سـمـا

06-09-07, 03:15 am

وش معنى تفزينها ياام ارجوان
والله شكلتس من الفراغ حاطتن حيلتس بالحلويات ههههههههههههههاي

الحنتريش تفزينها؟؟؟؟

انا اقول تفرزينيها يعني لما تصلح تحط بالفريزر

متى ماحتيج منها تطلع وتقلى

ماتوقع أنك مافهمتها بس مادري

ومن وين الفراغ يسمع من بوئك رب السماء

متغربه

06-09-07, 02:00 pm

تسلمين والله ياام ارجوان عاد نبي انواع البسبوسه اللي وعدتينا

zo3ol

10-09-07, 11:44 pm

تسلمين أم أرجوان
علي الطبخات والوصفات
فكيتينا من حلاا أم صالح والارياف برمضان
تحياتي لك

زهور العمر

11-09-07, 02:42 pm

مشاء الله موضووع مميز

يعطيك العافيه ام اراجوان على هيك موضوع

سـمـا

25-09-07, 01:00 am

هلا متغربه والله ياعمري مالك الا اللي يرضيك

بس خليها بعد رمضان والله الوقت ضيق اللحين وعلى طول مشغوله

هلا زعول تسلم على المرور

هلا الاميرة قوت ياهلا والله بهالطله تسلميين والله

إحساس رسام

06-10-07, 09:43 pm

السلام عليكم ورحمة الله وبركاته ..
مــاشاء الله تبراكـ الله والله أخوااتي مبدعات تسلم هديات ..

وشكر خاص لي أختي أم أرجوان على هذا الحماس في هذا القسم .. يعطكـ ألف عافية ..

وياليت تعطونا أكبرعدد ممكن من الطبخات والحلاويات وغيره ..

لأني وبصرااحه بديتي أنسخ من هذا القسم وأطبع في الطابعة وأعطي الوالده الله يحفظها .. :)

وتطبخلي .. فلا تبخلوو علينا ..

تقبلو مروري ..

أخوكمـ .. إحساس .. رسام ..