موضوع خااااااص للنساء وارجو ابداء اللرئي حتى من الرجال

[kang man]

بسم الله الرحمن الرحيم
السلام عليكم ورحمة الله وبركاته
طبعاً انا عندي اقتراح وانشاء الله عن قريب يبي يشوف النور بس الله يعينني وارجو منكم التصويت على قبوله ام رفضه او اقتراح افضل ,,,
طبعاً انا قررت اشتري محل بالسوق بغض النضر عن المكان والتحديد بس المحل هذا بيكون محل نسائي خاااااااااااااااااااص للملابس النسائيه الداخليه وقمصان النوم (( لانجري )) يكون طريقته على النو التالي :
اولا -: بيكون بياعات في المحل عنصر نسائي متكامل .
ثانياً-: بيكون المحل اشبه بالمحلات طبعاً بيكون ديكوراته نسائه 100% .
ثالثاً -: بيكون في المقدمه باب زجاجي مموه يعني شبه قاتم بحيث يمنع الرجال التلصص وتجديع الوجه والترزز .
رابعاً-:بيكون عندك استشارة نسائيه بداً من الرجل وبتكون الوحده فاله الحجاج وماخذه راحتها وطبعاً فيه حريم يسئلن اسئله تخلي الواحد يرتفع ضغطه الي تخليه بدل ما يتزوج وحده يتزوج 4 !!!
رابعاً-: كثير يوم كنت موجود في المحل الي كنت شغال فيه (( لانجري )) الحريم ترجع البضاعه مع العلم البضاعه الوحيده الي مستحيل ترجيعها الي هي الانجري لانها ما يحتاج اوصف بس اذا كان في المحل كلها نساء ممكن بيكون هناك بدائل اخرى اولا عدم الخجل ومعرفة المقاس من الخارج ومعرفة اللون وممكن مشاهدة بفتح الغطاء وملابسة الخام والدقه في المشاهده .
والكثير من المميزات
اشكركم على طول بالكم هذا هو الي كان من احد امنياتي الي قريباً ان شاءلله بتشوفونها
ارجو ردودك

[Queen of buraydh]

مرحبا اخي الكريم

هذا القرار له سلبيات وله ايجابيات .. من ايجابيته الراحه النفسيه بالتعامل والاخذ والعطاء بدون احراج
لكن .!
انا غير مؤيده ..! بتسألني ليه ؟ اقولك :

الحين الزمن يخوف , يعني الوحده فينا يالله تروح على مشغل واذا راحت لمشغل بالسنه مره اخذت كل اهلها معاها لأن معروف سمعة المشاغل والبلاوي اللي تحصل فيها , لذلك , هذا المحل راح يكون نفس سالفة المشاغل ولا راح يتقبله المجتمع , أنا اش يضمن لي اني لما ادخل هذا المكان ماراح يصير لي شي ؟؟
وصعبه كل مره بروح اتسوق بسحب اهلي معاي .! لكن المحلات الموجوده بالنخيل والعثيم تكون مفتوحه والجميع مطلع عليها ..ولا خوف منها ان شاءالله ( عموماً انا من النوع الخوافين والموسوسين شوي :) )

وهي مجرد وجهة نظر قابله للصواب او الخطأ ..

ننتظر وجهات نظر بقية الاعضاء ..

[شمعة امل]

أقتراح حلو نتمنى أن يرى النور كما قلت ومايكون مجرد أقتراح.....

بس الأفضل أن يكون المحل داخل الاسواق وليس محلاً مستقل بعيد عن الأسواق النسائية حتى يلقى نجاحه..

والله يكون بعونكم...

[kang man]

اشكركم على ارائكم وطبعاً نحن وضعنا في الاعتبار المشاكل والامور الي تحصل في المشاغل والاماكن المغلقه بس ابي اطمنك واطمن جميع الي قراو الموضوع ان المحل بيكون في وسط السوق وعلى شارع عام مثلاً في شارع الصناعه وبيكون سعة المحل صغيره يعني مثلاً 5مترطوله × 8 متر عرضه وبيكون قريب مره للشارع وبيكون بين المحلات بالاسواق يعني بامكان الهيئه مراقبته عن قرب وبامكان الزوج او الاخ او الاب الانتضار بجانب المحل وطبعاً بيكون مراقب من قبلنا من الناحية الدينيه والاخلاقيه وبيكون موظفات سعوديات 100% ان شاء الله يعني اقل صرخه بيدخل ولي الامر وبعدين بيكون بيه تحذيرات من قبلي على الموظفات مثلاً هاتف للاقتراحات والشكاوي مباشر بصاحب المحل وبيكون مراقب ايضاً من قبل نساء بهيئة الامر بالمعروف والنهي عن المنكر ان شاء الله .
وشكراً لكم

[Queen of buraydh]

نتمنى لك التوفيق

[@لمار@]

والله انا رائيي انه مشروع احتمال فشله كبير لان مساوئه اكثر من ايجابياته
اذاوحده تبغى لانجري تروح وتشتري واذا انت تقول انهن يسئلن فهذا من حقهن ماراح يشترن قطعه يمكن ماتكون مناسبه وموظف المحل من واجبه يرد عليهن.
وجهة نظر تقبل الصواب والخطا والله بوفقناجميعا.


رايي انه احتمال كبير يفشل المشروع لان الوحده اذا بغت تشتري لانجري تروح لاي محل وتشتري وااذا سالت الموظف فهذا من حقها.
وجهة نظر تقبل الصواب والخطا واالله بوفقنا اجمعين.

[العبرى]

عن نفسي لا أفضل مثل هذا..

في منطقتي يوجد محلات كهذه نسائيه لكني لا أدخلها..

الدخول يعني كشف الوجه ليتأكودا بأني إمرأه..!

الدخول لمكان نسائي مغلق يعني عدم إصطحاب جوال كاميرا..؟

يوجد هناك تفتيش..لكن من يضمن..؟!!


والله يوفقك



تحيتي,,,