سؤال عن افضل مدارس ابتدائيه للبنات ببريده

[صلاتي نجاتي]

السلام عليكم ورحمة الله وبركاته

الله يجزاكم خير اللي يعرف مدارس ابتدائيه ممتازه وياليت بالضبط يكون فيها برنامج لصعوبات التعلم يقولي عن اسمها واهم شئ ادارتها تكون كويسه وخصوصا المديره تكفوووووووووون لاني لازم اعبي شرائح رغبات المدارس يوم الاربعاء كحد اقصى

[اميرة الورد]

انا اقولك المدرسه السابعة والسبعون مديرتها عسل بس وشو برنامج صعوبات التعلم هذا

[اتعبني خطااااك]

الحاديه عشر
انكانو مدرساتها على خبري ــــــــــــــــــــــ

[النرجس]

المدرسه الخامسة والأربعون ببريدة خياااال مديرة ومدرسات وإداريات كل واحدة أحسن من الأخرى ........
اهتمام وتربية وحسن تعامل للتلميذات لكن مافيها صعوبات تعلم ....يقال عنها ( مدرسة أهليه مجااااااناً )

[طيفه نديمي]

السادسة والأربعين قمة وفيها صعوبات تعلم وإدارة رائعة بل نموذجية ومساعدة الصعوبات فيها أكثر من رائعة وجداً متفهمة وتصنف السادسة والأربعين من أفضل مدارس الصعوبات أغلب زميلاتي يمتدحنها ولهن تجارب مع بناتهن ممن يعانين من صعوبات
تأكدي لن تندمي باختيارك لها
وفقك الله وخيرك الخيرة الصالحة لك

[منال العنزي]

بسم الله الرحمن الرحيم
أختي العزيزة ... أسأل الله لكِ التوفيق والسداد فيما تسعين إليه .
كلنا يريد تلك المدرسة التي تتميز بإدارياتها، وطالباتها وفيها وفيها ... لكن لمن نترك تلك المدارس التي تصنف بأنها دون المستوى المطلوب، هل نقبل التحدي ونبدع في تغيير سمعة تلك المدارس بالعمل فيها واستنطاق الجمادات وتحويلها مدارس رائدة .. هذا هو التحدي الحقيقي الذي أدعو نفسي أولاً ثم أولاً إلى خوض هذه التجربة .
شكرًا لكِ أخية.

[صلاتي نجاتي]

شكرا لكم ماقصرتو على الردود واتمنى المزيد لاني بكتب 10 رغبات بالشرائح الله يجزاكم خير ياللي رديتو , اميرة الورد برنامج صعوبات يعني يكون بالمدرسة غرفة مصادر تدخلها الطالبة التي تعاني من ضعف في بعض المواد الدراسيه
النرجس كيف مدرسه رقمها 45 تصير اهليه غريبه يعني اكتبها اولا اخاف اتورط ماتنفع الرجاء من الاخوة والاخوات المتبقين الرد علي عاجلااااااا فضلا لا امرا للحاجه الماسه لاني ماعرف شئ بالمنطقه

[اميرة الورد]

هي قصدها اهليه يعني فله موشديدين

[عبدالرحمن بن عبدالله]

افضل مدرسه على ألأطلاق وبشهادة من ادارة التوجية بإدارة التعليم
هي المدرسة السادسة والعشرون وانا متأكد من ذلك لأن فيها ادارة فاهمة
ومعلمات على قدر كبير من المستوى التعليمي والحرص الشديد على سمعة
المدرسة و مصلحة الطالبة هي رقم واحد لدى المدرسة ...

[إشراق]

الابتدائيه الستون في حي السلام ببريده والله أعلم

[دروب المجد]

الخامسة والاربعون

والستون

والثالثة والستون

[صلاتي نجاتي]

شكرا للجميــــــــــــــــع على الرد واطمح لردود اكثر جزاكم الله خير

[صلاتي نجاتي]

طيب ينفع اكرر اسماء المدارس في الشرائح ولا لا

[الالماني]

الحمدلله جميع مدارسنا فيها خير ولكن سؤالي لك بما يفيدك معرفة ذلك يجب عليك معرفة المدارس الجيدة التي تكون قريبة لسكنك حتى تستفيدي منها أما لو وقع الاختيار في مدرسة في الشمال وأنت تسكنين في الجنوب ماهي فائدة ذلك
تقبلي احترامي وتقديري

[الفاتح]

ماتبون ندور لكم مدرسة بالشماس والا بالعجيبة والا بخضيراء ؟

يابنت الحلال انتي وياها المشكله مو وين الافضل ؟ احيانا نسال عن الافضل لكن نتفاجأ انها الاسواء والعمليه كلها برامج موضوعة وصايرة المدرسة سمعة فقط

انصحكم بمتابعة عيالكم ومتابعة المعلمين والادارة وانتم طريق التميز بمتابعتكم

المعلمين صدقوني لما يشوفون اولياء الامور يسألون عن ابنائهم راح يهتمون اكثر

اللي يبيني اتوسط له في مدارس الشماس والعجيبة يعلمن ترى عندي واسطة

[صلاتي نجاتي]

بسالكم ياأهالي بريدة وش رايك بحي الصناعية بالجنوب او حي الجنوب انا ماعرفه بس اعرف اسمه واب رايكم لاني لاقيه مدرسة هناك وودي اكتبها بشرائح النقل ردو علي مافيها خدمات ولا كيف

[الفاتح]

دائما الجنوب في كل مكان دماااااااااااااار

الشمال الشمال ياصلاتي نجاتي