ممنوع دخول الرجال........

[عبار]

هذه قصتي (( مع ممنوع دخول الرجال ))


هذا العنوان الي يفرح بس بنفس الوقت يضيق الصدر لانه لا يعمل به مع الآسف الشديد .
قصتي سلمكم الله اني امس كنت رايح بالولده لطوارى مستشفى الملك فهد التخصصي ببريده (تعبت شوي وديته لطوارى المستشفى الله يعافيه)
المهم مأطول عليكم أول مادخلنا المسشتفى توجهنا لاستقبال الطوارى وخذة الورقة وقالولي توجه الى (قسم النساء) .
آخذة الوالدة ودخلت مع الممرضة تأخذ حرارته بعد ماخلصت من آخذا العلامات الحيوية نأدوا على اسمه فلانه تعالي ادخلي دورك مشية مع الوالدة الى باب قسم النساء يوم دخلت الوالدة ( غرفة الملاحضة نساء ) وقفت انا ورجعت لان فيه لوحه على الباب ( ممنوع دخول الرجال)
من باب الأدب ابعدت عن باب القسم شوي وجلست في الانتظار
قريب من عند الغرفه انتظر الوالده.المراد مادريت ألا ذاك الرجال داخل قسم النساء وشلون؟؟؟ المراد شوي يدخل ثاني!!!!!!!!!!!!!!
مهب معقول قمت ودخلت معهم . وش اناظر ولا الرجال عادي جوا وشلون ومكتوب (ممنوع دخول الرجال) قسم نساء؟
بصراحه ضاق صدري الحريم توجع مسدحه على الاسره والرجال يتخاطمون ؟اصوات توجع الحريم وصياح ؟ بصراحه فشلت من الي يصير ؟؟؟اخذة الوالده بعجل وطلعنا . قلة لازم اكلم احد عن هالموضوع
بعده توجهت الى مدير الطوارى وسألت عنه قالو غير موجود!!!!
أي مسئول قالو مافيه احد الحين!!!! طيب وين مدير الآمن او مشرفهم برضوا مو موجود!!!!!!!!!!!!
هل يعقل هذا ؟

[دينا]

اولاً
الحمد الله على سلامة الوالده
بعدين الوضع الي تقول عليه صار عاااااادي
تلقى الافته ممنوع دخول الرجال والعاملين داخل كلهم رجال
الله يخلف علينا هذي مستشفيات الحكومه
ودور دكتور مناوب ومايلقونه لانه راح للبيت ياخذ غفوه ويدقون على جواله مايرد نايم مرفوع عنه القلم
ومسؤل هذا اسم شكل فقط لاغير

[العصامي]

بما أن الموجود هم من الكادر الطبي من أطباء وممرضات
وطبيعتهم الإختلاط فمن الطبيعي عدم الإكتراث بعبارة ( ممنوع دخول الرجال )

[الذاهبة]

الله يخليك لأمك

و يقر بك عيناها و يديم عليها الصحة و الهناء


يا أخي أنت صادق

كنت أتررد كثير على مستشفى ( التخرصي ) و سبق و رافقت فيه مدة طويلة

كنت أربع و عشرين ساعة متغطية

مافيه مجال تنفس

الناس طالعة داخلة

خصوصاً اقسام الاسعاف و العيادات اللي تحت

كلهم يوايقون .. و يدخلون و يطلعون على كيفهم ..

[عاشق ديرتي بريده]

مثلك انت تقول ممنوع دخول الرجال وانت قاعد بالموضوع مرتز تقز اللي يدخلن

<<< يويز مع الباب وشافك ودخل

[بندر الحمر]

أخي الغالي طيب المدير المناوب أعتقد بأنه لازم يكون متواجد خلال 24 ساعه

ولو سألت الاستقبال يمكن يفيدوك

[الشاب]

نفس المشكله حصلت معي عندما تم تحويل زوجتي الى مستشفى الولاده الائحة تملى الاماكن (ممنوع دخول الرجال) وخلف اللوحة 80%رجل من دكاترة وغيرهم شكل اللوحة الزامية مثل لوحات ممنوع التدخين عند الدفاع المدني حسبي الله على المسؤلين الذين لايراعون حرمة ولا عرض

[هين هين]

اخي عبار

انت صادق حصل معي لكن لم اسكت وقفت عند الباب وصرت حارس الين انتهيت واخذت اهلي

الي حاولو الدخول من خارج بريدة ماهم من اهلها ماني قايل ويش اصلهم عشان لايقولون عنصري

لكن لابسين ثياب صوف في عز الحرخلاص اكيد فهمت

تحياتي

[طيفه نديمي]

أضم صوتي لصوتك أخ عبار
حقاً وصل حال المستشفى لأسوأ حال وبالفعل شاهدت رجال داخل الغرف الخاصة بالكشف مع محارمهن عندالطبيبات المناوبات اللي والله ماشفت أشين من أنفسهن وسوء تعاملهن وبأمانة وقديكون صدفة حسب المناوبة المهم أنهن لايحترمن مشاعر المريضات ويعاملن جميع الحالات بصورة واحدة دونما أخذبالاعتبارنوعية الحالة الله يخلف علينا بمستشفياتنا لاأحديصدق أننا بهذا المستوى من التدني بالخدمات
على العموم دخول الرجال ليس له أي مبرروبخاصة إذاكان المناوب طبيبة وليس طبيب وفيه إحراج على المريضات خاصة من تحتاج لفترة طويلة انتظار لاستكمال العلاج واضطرارها لبقاؤها بغطاء الوجه فترة طويلة مع إنها بحالة حرجة وتحتاج لنوع من الراحة والتهوية دمت بخير

[طـمـوح]

أخ عبار

أهنئك على أخلاقك العاليه وإحترامك للقوانين

أما موضوعك .. فليس لي طاقه بالكلام عنه !

[تاج القصيم]

الحمد لله على سلامة الوالدة
المستشفيات بحاجة لعمل كبير لكي نطبق النظام ولاغيره الذي يرفع من مستوى الخدمات عاليا فاللأسف نحن أساس المشكلة في مجتمعنا فنحن بحاجة للوعي وكم نتمنى أن نجد شخصا واعي مثلك يلتزم بالأنظمة أما بالنسبة لوجود الكادر الطبي فكما شاهدته أن في قسم النساء طبيبه ولا يأتي طبيب إلا في حالة الإستشارة ولكن المشكلة في أولياء الامور فقد حصل لي موقف وكانت شقيقتي معي في الإسعاف وطبعا إنتظرت عند المدخل وكان حارس الأمن يقف قريبا من الباب فأتى ذلك أحد أولياء الأمور وحاول الدخول فرفض رجل الأمن وطلب منه ولي أكمر المريضه أن يدخل لكي يناقش الدكتورة عن حالة مريضته فتراخى معه حارس الأمن فقبل أن يدخل قلت لحارس الأمن على مسمع من ذلك الشخص , على أي أساس يدخل فرد علي ذلك الشخص أنا عندي مريضة بالداخل فقلت له: وأنا عندي مريضة أيضا فإن سمح لك حارس الامن بالدخول لن أسمح لك أنا بالدخول على أهلي ونساء المسلمين فشد الحديث ومن ثم خاف حارس الأمن عندما رآني جادا بالمسألة وطلب من ذلك الشخص أن يكلم الطبيبة عن طريق التلفون من عند الإستقبال 0000
مثل تلك المواقف لو تم تطبيقها على الجميع لسارت الأمور على أكمل وجه دون المضايقات للآخرين 0000
تحياتي

[قلم بريدة الأبيض]

عشنا 00 وياما نبي نشوف00 عوجا وَ السقف قالعه العجاج؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!
تعبنا من تبرير الأخطاء والضحك على الناس00 للأسف (الدين المعاملة) ليست في القاموس السعودي00 والله المستعان