وش رايكم في بزران الوقت

[بدر القصيم]

السلام عليكم ، ياجماعة الربع وش رايكم في البزارين الي ياقفون في الحارات وداخل الاحياء السكنيه ويسون صجه ولجه والمشكله انهم مايكونو من الحاره نفسه يسوون انواع الهستره تفحيط،ودواران، ومضارب مع الي يمرون والمشكله لو تضربهم جابو ابوتهم ولا اخوتهم وهو مهب كله خوف بس والله احترام للي اكبر منك وتصدقون ان بعضهم يشرب زجارة حشيش ماراح تصدقون ادري بس هذا انا شفته بعيني ورحت بلغت الشرطه والهيئه بس ماحد حرك ساكن اما الهيئه تقول مالنا صلحيات في بعض الامور رح لشرطه رحت وكلمتهم وانا طالع منهم كنت اردد بيت الشعر الي يقول {اذا كان رب البيت بالدف ضارب فشيمت اهل البيت الرقص} ولا احد يزعل من اذا كان يشتغل بالشرطه والي يبي يساعدن ماله الى الدعاء من ومن كل حارتنا واسترو ما واجهتم .... اخوكم

[ابوتركي]

وعليكم السلام ورحمة الله وبركاتة

أخوي بدر القصيم مرحبابك

واسمحلي ان أدلي بدلوي في هذة المشكلة المؤرقة لجميع السكان

سواء في بريدة او في غيرها ..................

لو بحثنا من البداية عن الأسباب لوجدنا التربية هي الأساس !!!!

فالبيت هو المسئول الأول ومن ثم المدرسة ولو كان هناك تعاون لخرج

ابنائنا بأفضل حال مماهو حاصل وأخص التربية الدينية بالأساس

فلو خرجنا بأبنائنا لحضور الصلوات جميعها في المسجد لكان الرادع

خشية الله ...........................

والنقطة الأخرى ان نكون انا وانت رجل امن حين وجود الخطا وبالأساليب

التربوية والتذكير بالله عز وجل ... فغالبا تؤتي ثمارها

أكرر بك الترحيب واشكرك على طرحك أخي الكريم..............

أخوك ابو تركي

[بدر القصيم]

اخوي الحقيقه التربيه له دور بس انك تريد تربية عيال الناس مستحيل لان بعض الاباء يقول اولادي احسن ناس مع انه العكس صحيح وانت وانا وكل واحد لو يروح لشايب يقوله عيالك فيهم كذا ولا يصلون كان قالك { مالك دخل} وانت لو تروح للبزر تقوله ليش ماتصلي قالك نفس الرد . انا عندي حل بس احتفظ فيه لنفسي لانه مايصلح يقال هنا ....... اخوكم

[ابو الوليد]

مصيبتنا اليوم أن الاب والام في البيت لايربون و كذلك لاينصح مدير المدرسة ووكيلها ومرشدها فاهم شي عندهم هو انتها اليوم بدون خروج الطلاب قبل الحصة الخيرة اما سلوكيات الطلاب ومايحدث فعلاجه عندهم استدعا ولي الامر والذي لن يحضر في معضم الحالات ومن ثم العقاب البدني ومن ثم الخصم ومن ثم التوقيف . ولايفكرون باتباع الوقايه والتوجيه ابداً ..وأمام المسجد فلا يحرك به ساكنن مايحدث اثناء الصلاه من لعب وسب وحركات من المراهقين والاطفال فبعد أن يسلم لايتعب نفسه بنصح المصلين ومحاولة الاستفسار عن من يلعب بالمسجد وربما يعذر بعضهم لان جواب المصلين ان الذين لعبو بالمسجد هم ابناء الحارة المقابلة لحارتنا .....
خلاصة الكلام أن المراهق إذا تجرى على المسجد فلن يقف بوجه المنزل والمدرسة والشارع .وسيزيد شره حتى تكون النهاية . والله أعلم اين ستكون ؟

[المعشاش]

انا سأخبركم بعدة اسباب:

1/عدم وجود المربي والناصح , وان جت الدورية تلقاه سلاتيح ماتدري وين توجه ماله بالتربيه اي علم, تلقاه يجي للشباب ويتلفظ عليهم ويتكلم معهم كأنه وزير او غير ذلك, يرفع صوته وخصوصا اذا كانو الشباب مازالوا في طريق النضج فيأتي هذا السلتوح يبي يداويه ثم يعميه,
واني في هذا المقام, يشرفني ان ارفع الى العميد يحيى الهباش حفظه الله, والعميد العجلان.
اذا وجد من ينقل هذا الخبر جزيل الشكر وأقول, انتبهوا للعساكر اللي ترسلون بالنسبه للحواري فوالله انهم هم السبب في تهور الشباب,

لانهم غالبا يتبلون اللي ماله دخل والراس الكبيره واللي يفحطون واللي يدورون يتركون على هواهم وهذا من الاسباب التي تدعو الشباب الى التهور.

فهوغالبا يفعل هذه الحركات تشفي وانتقام لاغير.

طبعا لايخلو المجتمع من تلك النوعيه التي لازم سجن مؤبد ولا مايفيد.

زبدة الموضوع ارجو منكم ان تزرعو الاخلاق في العساكر قبل المجتمع.


2/عدم التحاق هؤولا الشباب في حلق الذكر, فإن حلق الذكر تزرع الحياء في الابناء بصوره عجيبه.


3/اهمال الاب لحاجيات الابن فهو ان لم يجد مايسلي به نفسه فليس له سوى الشارع.

هذا معندي ارجوا ابدا الملاحظات ان كنت اخطأت.


والسلام عليكم ورحمة الله وبركاته


المعشاش يرحب بكم
:rolleyes:

[The_Best]

والله ياشباب الواحد مايدري وش يسوي مع هذا الشكل
إن إستخدمت معه الشدة مشكلة(المراهق مهب العسكري )
و إن إستخدمت اللين أيضا‘‘مشكلة (إسألون أنا )
اهلنا طلعوا علي الجلد (لولا شوي كان مامثلهم) لكن الدراسات
الحالية تقول الرفق,,,الرفق و إن جيت تكلمه قعد يهز راسه
ولا طلعت نسي كل الي قلت له.....:(
الصراحة..... الواحد مايملك إلا الدعاء له بالهداية..
(أتكلم أنا عن من هم تحت سلطتك...أما أبناء الناس فاللين والشدة
لن تنفع معهم إلا من رحم ربي )
وهناك ملاحظة بسيطة عن حلق الذكر

وهي أنهم يستبعدون هذه الفئة خوفا‘‘ من أن يؤثروا سلبا‘‘ على
المجموعة...وأتفق معهم في هذا..:) لكنني لاأتفق معهم في
إستبعادهم نهائيأ‘‘ , بل يوضعون في مجموعة مستقلة يراعى في
برامجها التدرج معهم في الحفظ والتساهل معهم في الحضور
والإنضباط إن إستدعى ذلك(في البداية فقط) :
confused: :confused: :confused: