&&(فتياتنا والقطط .......... الأقربون أولى باالمعروف )&&

[انسان ثاني]

تحية عطره



كنت قبل فتره أتواجد مع أحد الزملاء في أحد محلات الطيورلبيع مالديه


وقفت صدفه عند أحد القطط وجاء إلى أحد الكرام من الجنسيه


الهندية وأشارالى أن هذا القطه تحمل شهادة صحية وقيمتها 2000ريال


والخوف مني بأن أصيب هذه القطه باالإنفلونزا نتيجة إصابتي


بها خاصة أن هذه القطه تحمل مواصفات السلامة والمتابعه من الإمراض


ثم هذا الأمردعاني للكتابه صدفه بعد عودتي حيث قرأت والله صدفه


ارتفاع معدل الطلب على القطط بنسبة70% وكانت إحدى الفتيات أشارت إلى


تخصيص ثلاث ساعات للعناية بهرها (توماس) فهي


تطعمه وتنظفه وتداعبه بنفسها وتشتري مستلزمات الحمام من شامبو


وأدوات تقليم الإظافروالمناديل المعطره لتنظيف شعره يوميا


تقول الفتاة أن توماس هو الصديق المقرب وتفضل مداعبته


هذه أم المستقبل للأسف وهبت نفسها لتلك القطط وتركت صرف


الإموال للقطط رغم حاجة من هم أولى بذلك !!!!!!

ترى مارأيكم بتلك الظاهرة ولم ارغب بالزيادة خوفآ من الملل


الخبر طويل ومايحويه من معلومات مؤلم



معلومات عامه : تلك القطط لها أنواع الرومي والإيراني والإمريكي والشيرازي


القيمة :1000وتصل إلى 2000 ريال


تحتاج الى الكشف الصحي كل 3شهور


يقدرالتكلفة للمصاريف السابقه 4000ريال


عش رجبآ ترى عجبآ !!!!!!!!!!!

[بدرالوابلي]

عندنا ببريده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الله لايخسف بنا !!!!!!!!!!!!

[الذاهبة]

فسق و دلع بنات

ياخي يدبلن الكبد يعننا اجنبيات

القطو كله أمراض ..

و مزعج و مقرف و مشكلة لو كان ذكر بعد ..!

[انسان ثاني]

أخي الغالي : بدر الوابلي


الخبر للعموم وليس المقصود بنات بريدة أوعنيزة أوالرس أوالبدائع


تظل تأثير الفتيات عام هي الأم هي الأخت


والأبعاد الحقيقية للموضوع


هل ذلك فراغ أم كماليات ام ماذا ؟؟؟؟؟؟

[نـدى الـورد]

حلو اشكالها بصراحه

بس قرف معاشرتها والعيش معها


اعرف وحده لاتنجب اطفال واتخذت من هذه القطط ابناء لها


تطعمهم وتحممهم...وتهتم بهم


ولهم زيارات للطبيب البيطري لسلامتهم


اعتقد انها تدخل من ضمن الهوايه


وهذا مايجعل الفتيات ... والشباب يسعون لإقتنائها






.

[لمبة شارع]

تخصيص ثلاث ساعات للعناية بهرها (توماس) فهي

توماس!!!!!

وش دعوى يا كريستينا اوناسيس!!!


انسان ثاني ..كان علمته ان القطاوة لها قيمة في الغرب عشان ماعندهم في الشوارع قطاوة همل...أما نحنا فالقطاوة عندنا على قفا من يشيل...

خلهم ياقفون عند زبالة اي مطعم بخاري وشف الحفلات هناك والاشكال والانواع...


ينعل طمالة المخ ياشيخ!!

أجل يقول لك ابعد عن القطو عشام ماتعديه بزكمتك؟؟؟

[العصامي]

إنسان ثاني

تربية القطط هواية 00 ولكنها قد تكون هذه الهواية مستوردة من الخارج00

[عيون الصقر]

للناس فيما يعشقون فنون اعتبر ان اقتناء قط حرية شخصية وما اتكاثر عليه اذا الشرع مايحرم هالشيء لكن لما اقارن قطاوتنا بالقطاوة التي تشترى بمبالغ ارحم قطاوتنا اللي تروح تحت الكفرات وفي مروحة مكينة السيارة واكثر شي ارحمها بالبرد والمطر ولما اشوفها مدهوسه بالطريق دنيا حظوظ حتى في عالم القطاوه

مشكور اخوي انسان ثاني وعوده مشكورة استعدتني

[نـدى الـورد]

على فكره قطاوة الشوارع صعب تربيها


تلك القطط لها أنواع الرومي والإيراني والإمريكي والشيرازي


هذي الي تستحق التربيه والصرفيه





.

[لمبة شارع]

يعني قطاوة البلد خيخة وماتستاهل الصرفية؟؟؟


الله يستر بس لا ينطبق هالحكي على رحال البلد ثم يصفون في زبالة مطاعم البخاري..


دنيا حظوظ حتى في عالم القطاوه

صدقت عيون..ايوالله دنيا حظوظ..

[كمان]

تربية القطط ليست حرام ابو هريره سمي بهذا الاسم لآنه كان يربي قطه له فكناه الرسول أبا هر وأقره على تربية القطط!
وفي الحديث الصحيح ان رسول الله صلى الله عليه وسلم قال عن القطه : انها ليست بنجس انها من الطوا فين عليكم والطوافات!
سور القطه وريقها ليس بنجس انما اختلف العلماء اذا أكلت القطه حيوان نجس وباشرت شرب الماء فهل ينجس أم لا ؟
على قولين!
لا أدري مالراجح لبعدي الزمني عن هذه المسأله !
فملامسة القطه وملاعبتها لاحرج فيه الا اذا كانت تأكل النجاسات فهي في حكم الجلاله بالتشديد للام!

[الذاهبة]

فيه قطوة في مزرعة جدي

كانت في بيتنا بس أخذها عنوه .. سباها .. و جدعها بالمزرعة

و كل يوم ياخذ لها طعام ..

بقايا عظام .. على كم حبة موز .. ولا مانع من قصاصات الجرايد عشان تتثقف ..

طبعاً ما تحلم نشري لها أكل معلب من محلات القطاوه ..!

هه

المهم لو تشوفونها الحين ..

قسم بالله طالعة ( نمر )

و لونها بلاك .. على سموكي ..

وعيونها خضر ..

سبحان الله ..

بدخلها هنا في القسم التجاري .. بشوف لي خبلة ٍ تشتريها ..

:)

[طيفه نديمي]

الأخ انسان ثاني
تربية القطط لدى فتياتنا ظاهرة ليست بالجديدة على مجتمعنا هي من فترة طويلة وماذكرته من اهتمام لايعد شيئاً ممارأيته عند زميلة لي أثناء فترة الدراسة بالكلية قطها كلفها 1500دولار وله شهادة ميلاد ومذكورة أمه واسم من يقتنيها وكذلك والده وشجرة العائلة الكريمة لها والله بلا مبالغة شامبو استحمامه لايوجدإلا بكبرى الصيدليات في جدة وطعامه لايوجد إلا بأكبرسوبر ماركت بجده وكان وقتها الدانوب وأذكر أن خادمتنا كان تعلق على ذلك بقولها حياة (فالنتينو)تقصد قط زميلتي أفضل من حياة البشر عندنا
أشياء لايصدقها العقل من حيث صرف الأموال على ذلك القط الكريه ولوتطلب منها تبرع لإحدى الجهات الخيرية لما وجدتها تجود أبداًكنت أستنكر عليها تلك التصرفات ولاتبالي.
لكن يبدو لي أنها ظاهرة جديدة على بنات القصيم و الله أعلم.
حقيقة شيء محزن وفرق بين من تقضي وقتها تدلل قطها وتصرف عليه المئات وبين من تبحث عن عمل ولو ب 400ريال بالشهر لتساعد أسرتهاعلى نفسها وهن كثيرإنه زمن العجائب والتناقضات .
دمت بألف خير

[مياسة]

لارحت بيت عمي .. انواع الرعب .. مربين لهم قطوه استراليه ..اول ما تشوفك تنحرك :(
قرات .. القطو تجيب امراض على المدى البعيد .. الله يحفظنا

[بيسان]

نعيش ونشوف بهالدنيا عجايب

اذكر يوم حنا بالطائف قطوه مع اطفال زي كذا يقول امريكيه ومدربينها على النظافه والاعتماد على النفس
وتكرمون تروح لدورة المياه بنفسها وشهادات صحيه ومدري ايش وتذكرة سفر

وتهبل جنان شكلها واسمها لولو

عجايب هالدنيا

اشكرك اخوي انسان ثاني على موضوعك الحلو

[@ ابتسام @]

عسانا نصبر عليهن بالحوش

[عبد الله الفقير]

و الله مصيبة أن يكون الإهتمام بالقطاوة بالشكل الظاهر و الواضح , لك أن تتخيل أن
هناك الكثير من النساء ( تربي ) و ( تعشق ) مثل هذه القطاوة .. و أنا أعتقد بأنه
ليس من الصحي أن يحدث مثل هذا الأمر .. و سيكون له تأثيرات واضحة على المدى
البعيد .. ! و كم أتمنى ممن لديهم الإصرار على تربية أحد القطاوة بأن يكفلوا أحد الأيتام و يقوموا
بتربيته ففيه أجر عظيم ..

[Queen of buraydh]

صحيح

في كثير من بنات عمي يربون قطاوه .. واذا قلت لهم ييع قالو لي نظييييييفه .. وين نظيفه وهي حيوان ؟؟

من جد قرررررف ..

[دينا]

من جد بنشوف العجب
انا اعرف وحد شاريتها ب11 الف
وتسوى عيونها وبعد 7 اشهر جالها مرض غريب وبعد الكشف اتضح انه مرض معدي انتقل عن طريق القطو وقالها ان القطط
من الجنون تربيتها لانه مهما كانت نظيفها فيها امراض داخليه
لان هذي فطرتها وغير مناسبه لبيئه الانسان
بس تعرف حنا يالعرب عندنا تقليد اعمى
ومع الخيل ياشقراء
وبلعكس يعتبر عند البنات من الكشخه والذوق
ما اقول الا الله يهادينا ويهدي بنات المسلمين يارب
يعطيك العافيه انسان ثاني ع الموضوع

[مــنــال]

أعتقد أني يالذاهبة أنا الخبلة إللي بتشتريها :)

قبل فترة كنا نتكلم بالشيء هذا أنا و أختي الكبيرة ....

راحت لحديقة الحيوان بجدة و لقت بسه للبيع بــ مبلغ قريب من المبلغ اللي ذكره أخي انسان ثاني ..

المهم ..

و هي مفكرة تشتري لعيالها وحده و قلت لها إذا بتشترين لعيالك جيبيلي وحده معاك ، مدري جت في بالي أربيلي بسه كذاااا مزاج :)

مع أن الحيوانات عندما ماتطول و تموت :(

أشتريت أنا و أختي طيور عاشق و معشوق وسافرنا لــ أبها و يوم جينا قال لنا الحارس ماتوا .... !!

أشتريت لي أرنب و أخذ فترة و ماااااااااااات .... !!

مدري ليش يموتون !!

مع أنهم اكلين ، شاربين ، نايمين وماعندنا غثا بزران حتى ينزعجون أو حتى يضايقونهم .. !!

بأجرب البسه و نشووووف :)

و على سيرة الأقربون ياأخي انسان ثاني ..

و الله ودي أربي يتيم وعندنا القدرة و كم مره نطرح الشيء هذا لأمي لكن أمي خايفة من المستقبل و معيه عن الشيء هذا ....

ولها حق و الله في هذه المخاوف لكن كل ماأتذكر أجر تربية اليتيم أزداد رغبة و لكن .... !

و إللي خايف من تربية الحيوانات ، ترى فيه شيء إسمه مويه و صابون و شاااااامبو و في دكتور بيطري و فيه حيوانات للتربية

و مو زي البسس العرية اللي في الشوارع اللي تخوف و كأنها كلب مو بسه :)

و شكرا ً أخي انسان على هذا الخبر .

[نـدى الـورد]

[align=center][color=#FF0033][size=8]افا....!!!!


ويش العلم....!!!





.



سكون الليل



لاتهتمي مجرد أطفال عابثون تم إيقافهم وحذف رسائلهم



تحياتي وتقديري

[فتحي الشقاقي]

انسان ثاني
ودك تضحك روح شوف محل بالرياض في شارع الاحساء اسمه واحة الحيوان

الله الله كيف القطط الفارسيه الي عنده وكيف الهباله من اصحابها

تدري انك تروح تحجز حق الفندقه للقطه حقتك وعنده قطط قيمها 5000 ريال

انا ودي ادري بشي واحد بس ؟

قد مره رحتله وشفت وحده اشترت منه قطتين بــ 5000 ريال

قلتلها ممكن سؤال لو سمحتي ؟

قالت تفضل !

قلت الحين يوم القيامه اذا قابلتي ربي وقالك وش سويتي بــ 5000 ريال
معقوله تقولي شريت قطط ؟ .. من جد فشيله من ربي وهو حاط لنا انواع القطط بالشارع تتجول .. روحي خوذي وحده وربيها واذا ما قدرتي انا مستعد اروح واصيد لك وحده بس عطيني اللون

والله العالم انجنت من جد .. هذا جنون .. هذا سفخ .. هذا عقل عقيم

الغريب اني سألت صاحب المحل اللبناني وقلتله حرام عليكم هذي الاسعار
قال ياخي شوف الببغاء هذا قيمتة 60 الف ريال .. وقال ان الوليد بن طلال مشتري اربعه زيه الاسبوع الي راح

قلت الحمدلله والشكر

كيف الواحد يتحمل يشتري قطه او حيوان بهذا السعر وهو يذكر ان فيه واحد فقير مسكين نايم جوعان


الله يرحم الحال

[شموع تحت المطر]

فيه بسه تناقز بحارتنا

شكله غريب مثل اللي بالافلام اشك انه ضايعه

من احد هالمهبل اللي يربونهن>>ليتهم يضفون الحضانه اللي بحوشنا

ويربونهن مع بساستهم..

قال ايش قال يربون قطو،،،
الاوادم عجزين عن عيالهم يجون هذولي يربون قطاوة



:)

[انسان ثاني]

الذاهبة


لايسمعونك تقولي قرف ودلع وياساتر ترى يزعلون


هناك حملة لمناصرة القطط مشابهة


لحملة مكافحة السمنه

[انسان ثاني]

سكون الليل



نعم هي هواية لكن للأسف تكلف الكثير من الوقت والجهد


والمال دون فائدة


تحياتي لك وتقديري

[راشد الصليحان]

احسن انواع القطط (الربوّة )...... يعني المتربية ...بالبيت تاكل خشاش الأرض ...وتنام بجنب المعزبة

وتحكك بالأسرة وهم يأكلون ...يعطونها لحيمة ..وعظيم ..! صايره مثل الربوت الياباني !!


شكرا إنسان ثاني

[the-moon]

اقول
عندنا بس حاشر والدينه معدنا
مانطلع وندخل إلا وهو حاط لنا حق الظيافة قبال الباب
كل يوم يعملها قدام الباب ولا بالثيل كره والله ينزع هالبس
بالله من يشتريه والله بلاش ولا أعطيه عشره ويفكنا منه

[طرروق]

.." على ما أظن بثاني ابتدائي بمادة النشيد كنا نردد"..هري هري يمشي حولي

البس

البسة

القطو له منافع قد تخفى على الكثير منا ولله في خلقه حكمة ,

السبب فيما ذكرت انسان ثاني هو التقليد و الفراغ و المال بيد السفهاء!

الرسول صلى الله عليه وسلم قال في ما معنى الحديث : لو دخلوا جحر ضب لدخلتموه..

تقبل تحيتي

[مياسة]

هههههه القمر بلا قرف يعععععععععع عيب استح من عمك انسان ثاتي:)

[the-moon]

مياسه وأنتي وراي وراي
ردي عالموضوع وخليك من الردود
مو هذا كلامكم هع
بعدين أنا ماغلطت وإنسان ثاني على عيني وراسي بس عاد موب عمي >> خايف هع

[فتحي الشقاقي]

طرووق
هري هري يمشي حولي

خطا عليك

اسمها .. هري هري زي النمري

[..روز..]

تذكّرت أول كنت أصيح على أمي أبغى بسّة .. والله لأتأدّب ولا أزعجك إن جبتيها..

وهي تقول : لا !!


والله لأطيع كل أوامرك وأسوي الي تبغين وأنام مبكرة


وهي تقول : لا !!



يمه عاد لا تصيرين خكرية ...!


مافيه يعني مافيه .... قرف ووصخ وأمراض ..











أما الحين كل ماتذكرت كلامي حقدت على نفسي من كرهي لهن ..

لو يحصل لي أعيّن واحد يظف حتى الي بالشوارع عن وجهي كان يا سلاااااااااااااااام .


لكن ألا حظ إن الي يشتري بسّة على طول يبيعها ..

ثلاثة من أقاربنا كلهم شروا ، لكن ماطوّلت معهم على طول باعوها ..






مشكور أخوي انسان ثاني

[جورينا]

انسان ثانيـ ،،

حياكـ الله استاذيـ الكريمـ ،،

تصدقـ يا انسانـ عندنا بسة مغربلتنا عيت تطلعـ من بيتنا ،،

تحبنا حبا غريبـ ،،

تصدق نتمنا احد يجيـ يطلعه منـ بيتنا ونعطية معه هدية الفين ريالـ بس يفكنا منهـ،،

لا وبعد عندنا له صور للذكرى ،،

دمتت بود ،،

[§¤~^~¤§ شوكلاته مالحه§¤~^~¤§]

مافيها شي تربية القطط بالاول والاخير تعتبر هوايه .

[فور يو]

لكل من يربي , تربي قطه اقول

الطيور على اشكالها تقع ...

[§¤~^~¤§ شوكلاته مالحه§¤~^~¤§]

لكل من يربي , تربي قطه اقول

الطيور على اشكالها تقع ...

ليه هي مربيه كلب !!!