مشاهدة النسخة كاملة : الرجولة عندنا في أزمة !!
تسعة جالسين في مجلس يتحدثون فيه بحرقة وأسف وأسى عن حالنا البائس الذي وصلنا إليه وانتشار التبرج والسفور بين صفوف النساء في مجتمعنا .
طيب :
تعالوا نشوف حال هالصالحين المصلحين – ما شاء الله – وحال بناتهم وخواتهم وزوجاتهم .
1- يجدع زوجته أو خواته بالسوق ويروح .
وين يروح ؟؟!! للاستراحة طبعاً !!
واللي يقهرك زود , لا بدأ هالكمخة يتصدر المجلس ويتشكى ويندب حال الأمة العاثر من انحراف البنات وكثرة المغازل والنقاب الفاتن والعبايات المخصرة ومكياج السوق و.... و .... .
وخذ من هالهرج اللي ودك تتوطى ببطن راعيه .
====
2- دائماً يهرج عن العفة والحياء والستر ويفغى روسنا بهالهرج وينتقد مظاهر الاختلاط , وزوجته تقهوي إخوانه أو تتقهوى معهم .
والا بعد تلقاهم يتعشون ويتغدون جميع وبصحن واحد !! http://www.buraydahcity.net/vb/images/smilies1/07.gif
====
3- لو تلبس أخته أو زوجته cut أو ربع كم أو ميدي أو بنطلون أو قصير عند الحريم , كان يلعن سنسفيله .. لكن تروح للسوق لحاله وهي لابسة نقاب ومطلعة يدينه عند الرجال , ما يخالف .
أتحداكم تدرون معين يفكر هالجلمة ؟؟!! :ash:
====
4- خواته وزوجته يطلـّعن يديهن بالسوق عند الرجال ما يخالف .. لكن لو تلبس الوحدة منهن عباة كتف فضفاضة مثلاً , خطر يسوي به جريمة ويتهمه باخلاقه !!
طبعاً هذي مهيب نظرته لحاله , نظرة دبش كثير بالمجتمع .
====
5- لو يدق عليه خويه وترد أخته أو زوجته , كان يتوطى ببطنه .. لكن تروح للسوق لحاله وتهارج الرجال اللي يبيعون وتكاسرهم ويمكن تترجاهم يجدعون له خمسة اريل , ما يخالف .
وش فيها ؟؟!! http://forum.buraydh.com/images/smilies/9.gif
====
6- كشف الوجه حرام وكبيرة من كبائر الذنوب , لكن تطليع اليدين ولبس النقاب ومهارج الرجال الأجانب بالسوق ومكاسر البياعين والركوب مع السواق , ما يخالف .
====
7- بعضهم يودي أخته أو زوجته لمحل .. تنزل هي وهو يقعد بالسيارة يحتريه .
أصلاً أنتم ما تدرون .. قاعد يقرأ جريدة أو يسمع الأخبار خصوصاً أخبار الجهاد بالعراق . :a8:
بس اللي ينزل معه للسوق ويخليه تدخل المحل وهو يقعد برا المحل .. ظنكم يسمع الأخبار ؟؟!! :ash:
لكن ترى الظلم شين .. فيه ناس يدخلون معهن للمحل , بس يخلونهن هن اللي يهارجن راعي المحل ويكاسرنـّه .
ما تدرون , , يمكن عنده رباط صليبي أو تمزق بالصفاق أو يمكن مشغول ينقم فصفص .. الزبدة : هنـّه يهرج , القوامة مهيب له . :c6:
====
8- خواته أو أهله يبون عشاء من المطعم , يتصلون على المطعم ويجي هاك اللبناني المتكشخ من برا ( ومن جوا يعلم الله ) ويرن الجرس .. ترد عليه حدا البنات وتطلع له حدا البزران " حسب الموجود " .
والله يستر كان ما فيه بزران هاك الوقت .
طيب وين الجحلـّط إخوانهن ؟؟!!
رايحين لاستراحاتهم , يلعبون بلوت ويهرجون عن المشاكل الاجتماعية والتبرج والسفور وانحراف الفتيات . :19[1]:
====
9- يتعب من " ود وجب " , يتأمل ويفكر بعمق فيجد الحل المناسب هو إنه يجيب سواق .
يوم جاء السواق , صار هو الكل بالكل .. يودي للمدارس ويودي للسوق ويجيب أغراض البيت ويودي للعروس والعزايم والمناسبات ( طبعاً تراهن ما يتزينن ولا يتعطرن وهن مع السواق ولاشيء !! ) ويشري مستلزمات الدراسة والله يستر لا يسافر بهم لمكة بعد .
طيب : وش دور أخينا في الله ؟؟!!
أو بس نوم و... !!
ما قلت لكم إن الرجولة عندنا في أزمة ؟؟!!
أخيراً :
ما ذكرناه هي مجرد أمثلة لأبيـّن لكم أننا مازلنا نعاني من أولئك الضعفاء المتناقضين والمرضى النفسيين الذين يتشدقون ويدعون المثالية وهم أبعد الناس عنها . وهؤلاء مع الأسف يمثلون ظاهرة يراها حتى الأعمى .
اللهم اجعلني ناصحاً متفكراً لا شامتاً .
وتقبلوا تحياتي 00
المتزن
الله يجزاك خير
يا اخي المتزن على هذي النصيحه
الله يعطيك العافيه
الـمـهـاجـر
17-04-07, 09:14 pm
لاشك أخي العزيز أن أسوأ مَــن نقابلهم في حياتنا أولئك المدّعين ، الذين ينظِّــرون لنا و يعطون لأنفسهم حق تقييم الناس و توجيههم بينما هم غارقون فيما ينهون عنه !!
لكن بعض الأمثلة التي ذكرتَــها تجعلك ضمن طائفة أخرى متعبة هي طائفة ( المتشددين ) !
تحيتي لك
العصامي
17-04-07, 09:15 pm
صدقتَ أيها المتزن
نعم هذا سلوك يوجد عند الكثير إلا من رحم ربي
هؤلاء يالمتزن اشباه رجال او قل عنهم ان شئت ذكور وظيفتهم فقط ( تمريق النطفه ) ...!
وينطبق عليهم اسود في المجالس ونعام في المنازل ...!
___________
اخي الغالي المتزن مسائك ورد و جوري .
عيون الصقر
17-04-07, 09:59 pm
مرحبا بعودة قلمك مرة اخرى
ماشاء الله عليك اخوي المتزن والله صورت الواقع ، ومشكلتنا في ناس يتصدرون المجالس ينتقدون المجتمع ولا يخلون من نفس النقائص ، واعتقد والله اعلم انهم سوف يجدون مادة دسمة في مستقبل الايام بحكم انتشار الفتن والسلبيات المرتبطة بالكمال المفقود ولحتميته في حياة المتحدث سيستمر المشهد والله المستعان.
الرأي الأول
17-04-07, 10:21 pm
شخصت واقع الحال
ونسيت اهم شى وهو الغيره على المحارم اراها بتناقص
للاسف تجدهم بكل الاماكن جالس بالسياره واهله بالسوق او بالمستشفى
اشكر طرحك عزيزى
تحياتى لقلمك
نـدى الـورد
17-04-07, 10:39 pm
1- يجدع زوجته أو خواته بالسوق ويروح .
يالله لك الحمد ويش بها ؟
الثقه موجوده والتربيه الحسنه قيدآلنا
- دائماً يهرج عن العفة والحياء والستر ويفغى روسنا بهالهرج وينتقد مظاهر الاختلاط , وزوجته تقهوي إخوانه أو تتقهوى معهم .
هذي للاسف عندنا بكثر وادهى من انها تجلس وتسولف بل تكشف الوجهه بعد وتطلق ضحكات ... كركر...كركر
4- خواته وزوجته يطلـّعن يديهن بالسوق عند الرجال ما يخالف .. لكن لو تلبس الوحدة منهن عباة كتف فضفاضة مثلاً , خطر يسوي به جريمة ويتهمه باخلاقه !!
هم هذي ياكثرها...يعني الرجل كمخه..!!
- لو يدق عليه خويه وترد أخته أو زوجته , كان يتوطى ببطنه .. لكن تروح للسوق لحاله وتهارج الرجال اللي يبيعون وتكاسرهم ويمكن تترجاهم يجدعون له خمسة اريل , ما يخالف .
عجيب وهذي ويش بها يا اخوي...!!
6- كشف الوجه حرام وكبيرة من كبائر الذنوب , لكن تطليع اليدين ولبس النقاب ومهارج الرجال الأجانب بالسوق ومكاسر البياعين والركوب مع السواق , ما يخالف .
اخوي نهرج ونكاسر ...ونسأل عن الاسعار مابها شي وانا اختك
بما اننا ما لينا القول ولانا سمعنا بضحكاتنا الموجودين
9- يتعب من " ود وجب " , يتأمل ويفكر بعمق فيجد الحل المناسب هو إنه يجيب سواق .
يوم جاء السواق , صار هو الكل بالكل .. يودي للمدارس ويودي للسوق ويجيب أغراض البيت ويودي للعروس والعزايم والمناسبات ( طبعاً تراهن ما يتزينن ولا يتعطرن وهن مع السواق ولاشيء !! ) ويشري مستلزمات الدراسة والله يستر لا يسافر بهم لمكة بعد .
طيب : وش دور أخينا في الله ؟؟!!
أو بس نوم و... !!
هيا عاد ماهو لهذي الدرجه ...العطر نعلم انه محرم ولا نتعطر الابعد ما نوصل للمكان الي نبيه
ما قلت لكم إن الرجولة عندنا في أزمة ؟؟!!
صدقت اذا هي بأزمه فـــ بقووه متأزمه ولاعاد بقى الا حتاحت مرجله فقط
.
الله يجزاك خير
يا اخي المتزن على هذي النصيحه
الله يعطيك العافيه
بارك الله فيك أخي عتال .
شكراً لك على مرورك .
وتقبل تحياتي 00
المتزن
@الغلا@
18-04-07, 12:48 am
جزاك الله خير ومشكور على طرحك للموضوع
لاشك أخي العزيز أن أسوأ مَــن نقابلهم في حياتنا أولئك المدّعين ، الذين ينظِّــرون لنا و يعطون لأنفسهم حق تقييم الناس و توجيههم بينما هم غارقون فيما ينهون عنه !!
هذا والله اللي يقهر ويرفع الضغط أخي المهاجر .
ناس عندما تحاورهم أو تجلس معهم في مجلس , تظن أنك أمام أحد قادة الرأي والفكر المنسجمين مع أنفسهم .. لكنك عندما ترى شيئاً من واقعهم , تعلم حينئذ أنك كنت أمام شخص متناقض ضعيف لا يستحق الشفقة بل يستحق التعرية .
ماذبحنا وانا اخوك إلا المتلونين اللي يقولون ما لا يفعلون .
لكن بعض الأمثلة التي ذكرتَــها تجعلك ضمن طائفة أخرى متعبة هي طائفة ( المتشددين ) !
أنا عند الليبراليين متشدد .. وعند المتشددين ليبرالي . :)
وتقبل تحياتي 00
المتزن
جلوي العتيبي
18-04-07, 02:18 am
المتزن
حيا الله هذه العوده
والله انها مناظر تقهر وترفع الضغط
أحياناً ودك تديله كم كلمه تهز بدنه من يمارس هذه التصرفات بس :(
أجل يخلي اخته والا زوجته تنزل للمحل وهو قاعد في السياره ..عساك للكسر
قبل ايام كنت نازل لصيدليه في مدينة جده
فتاه بلثام وبنطال واضح تحت العباءه النصف مكشوفه
أول مارجعت للسياره قالت لي الوالده شف اللي بالسياره هو سعودي والا لا!؟؟
شاب في مكتمل الصحه والعافيه بس ماله خلق ينزل !!!!
الوضع هناك ربما معتاد نوعاً ما .. لكن عندنا لااااااااااااا وياليت كل من يواجه هؤلاء المساكين ياليت ينبهم بطريقته فهم أضعف من أن يولوا على نساء
شكراً متزن
the-moon
18-04-07, 02:28 am
المتزن
يالله حيه
حبيب البي ياكثره عند ربعنا ويالله من كم واحد يسمي روحه داعيه عياله خله على ربك
واحد هاك اليوم يهاوش عن تربية العيال ربوا عيالكم زين ماتنبتهون لهم هذولا عماد المستقبل وبذمتكم
وهو آخذٍ له أربع حريم ودايم مسنتر عند الجديده ولا جاب خبر عياله وولده يركب مع هالعرابجه وخذ كل يوم مع واحد
قال تربيه قال
بعدين هالجحلط من هالنوع واجد بس ما مثل التوسط مع إني أشوف بعض اللي ذكرت عادي مدري ليه مكبرها وحاطهن من الكبائر
خابرك منشكح وراك هالمره خخخخخخخ
بعدين تعال يا ألبي تصدق أنا عندي غقتراح إنهن يفتشن حريمنا
صدقن إن شفت واحد من الشباب معطيهن وجه إحلق عيني بس هالعيون لاعبات بالشباب
مشكور خيو
المتزن ليه تشوف نزول المرأة السوق لوحدها جريمة احسن النيه .
الغالي .. المتزن
دعني أصحح لك العبارة حتى يكون لي موقع أوافقك عليه
تقول : هناك الصالحين المصلحين ........... الخ
وتصحيح العبارة
هناك من يدعي أنه من الصالحين المصلحين .....
لأن الصفات التي ذكرت كما تفضلت متناقضة .. ولا يمكن أن تكون لصالح او مصلح
هناك .. من يتصف .. وهناك من يحاول .. وهناك المنافق
أوافقك الرأي أننا نعيش زمن أزدواجية .. في الفكر .. وزدواجية .. في السلوك
..
فارس الميدان
18-04-07, 07:41 am
كلامك صح وفيه نوع من الظرافه بصراحه ضحكتني
بس الي ابي اقوله وش المانع لو فيه احد يحكي عن عيوب المجتمع حتى لو كان نفس الشخص مليان من العيوب
عادي خله يحكي والناس مو كامله عشان الواحد ما يحكي
مون
النصيحه مو شرط انها تخرج من واحد متقيد بها
النصيحه موجهه لك ان اخذت بها فلنفسك .. وانت وش عليك من افعال صاحب النصيحه
ذكرتني في واحد /
يقول اني مره مسافر الى ماكن
المهم اني جالس ادخن وجاء عندي واحد سكران وقال ياخي الدخان حرام ويذبح صحتك اتركه بس ومن هالكلام >> ماسكه نصح
مع انه سكران بس النصيحه صحيحه مو معناه انها خرجت من واحد لك عليه هههههههه ماتخذها ،، لازم تتقبل النصيحه
لمبة شارع
18-04-07, 09:45 am
كلامك صح وفيه نوع من الظرافه بصراحه ضحكتني
بس الي ابي اقوله وش المانع لو فيه احد يحكي عن عيوب المجتمع حتى لو كان نفس الشخص مليان من العيوب
عادي خله يحكي والناس مو كامله عشان الواحد ما يحكي
مون
النصيحه مو شرط انها تخرج من واحد متقيد بها
النصيحه موجهه لك ان اخذت بها فلنفسك .. وانت وش عليك من افعال صاحب النصيحه
(يا أيها الذين آمنو لم تقولون ما لا تفعلون...)
( أتأمرون الناس بالبر وتنسون أنفسكم ...الآية)
الفاتنه
18-04-07, 10:49 am
(( يالمتزن خلك متزن في كلامك افضل لك ))
واصابع ايدك ماهي سوا واللي يسوي الاشياء اللي انت قايلها اكيد انه واثق في زوجته او خواته وعارف انهم متربين صح
والحرمه اذا راحت مع السوق اكيد ما عندها رجال يوديها مو افضل لها تروح مع سواق تعرفه ولا مع سواق لموزين ما تعرفه
و مافيها شي لو تكلمت مع راعي المحل بأدب ولا تهنوصت معاه أجل تبيه يمشي بضاعته وينصب عليها !!!!!!
شاكرين لك هذا الطرح
the-moon
18-04-07, 12:00 pm
فارس
هلا لنفسك كان ذا التعليم
هزلت الزانية تعطينا دروس في الأخلاق >> ترى تشبيه الحين واحد يفجر بي
ظل شجرة
18-04-07, 01:21 pm
النساء ضعيفات عقل ودين ولقد ذكر ذلك الرسول الكريم صلى الله عليه وسلم أما القاء التهم بدون دليل فيجب الترفع عنه وترك أعراض المسلمين صحيح يوجد بعض الأفراد من أتخذ التدين وسيلة للوصول لأغراضه الشخصية وهذا يظهر من تصرفهم وأعمالهم ولكن للخلق خالق وهو أعلم بهم ويوم الجمع يأخذ كلاً حقه أمام جبار السموات والأرض .
عبدالله30
18-04-07, 02:59 pm
الاخ الكريم المتزن0
ذكرت كثير من واقع الحال0
ليتنا نبدأ بانفسنا جميعا ونترك الأخرين فصلاح المجتمع يبدأ من صلاح الأفراد مشكلتنا اننا ننتقد بعض الحالات ونبحث لانفسنا عن
أعذار لافعالنا0
والحال التي وصلت لها بعض النساء سببها وجود ادباش كثر في مجتمعنا 0
تحياتي لك0
the-moon
18-04-07, 03:42 pm
الاخ الكريم المتزن0
ذكرت كثير من واقع الحال0
ليتنا نبدأ بانفسنا جميعا ونترك الأخرين فصلاح المجتمع يبدأ من صلاح الأفراد مشكلتنا اننا ننتقد بعض الحالات ونبحث لانفسنا عن
أعذار لافعالنا0
والحال التي وصلت لها بعض النساء سببها وجود ادباش كثر في مجتمعنا 0
تحياتي لك0
أدوخ أنا عالأدباش خخخخ
عبدالله الحلوه
18-04-07, 04:01 pm
المتزن
نعيش ازمه والسبب ضبابية الرؤية تجاه مانعيشه من تحول اجتماعي متسارع
فلازلنا غير قادرين على التمييز مابين الثوابت الواجب الألتزام بها وبين العادات والتقاليد القابله للتغيير والتطوير
شخصياً امارس الكثير من التصرفات عن غير قناعة بصحتها ولازلت غير قادر على تحديد موقفي منها ولا قادر على فهم اسباب ممارستي لها !!
سأعطيك مثال بسيط لتتضح الصوره اكثر ..
قناعتي الشخصيه مترسخه بأن المكان المناسب للمرأه هو منزلها وأن خروج المرأه يجب ان لايتجاوز الضروريات ورغم قناعتي إلا ان مايحدث عكس ذلك تماماً !!
فزوجتي مدرسه وخروجها من البيت ليس اقل من غيرها إن لم يكن اكثر سواء كان لمناسبات وزيارات او حتى للأسواق والنزهات
حتى الآن لم استطع التوفيق بين قناعتي الخاصه وبين الواقع .. ليس عجزاً عن تطبيق مااراه صحيحاً لكن قد يكون عدم قناعة بصحة قناعتي وخوفاً من نتائج سلبيه لا ادرك مداها في الوقت الحاضر
هل مااعيشه يمثل ازمة في رجولتي ؟!!
صدقني لن اغضب لو وصفته بذلك لأنه الواقع الذي لااستطيع انكاره بأي حال من الأحوال
المهم بالنسبة لي ان افهم ماانا فيه لحاجتي الماسه إلى ذلك
تقبل تحياتي ,,,
بسم الله الرحمن الرحيم
السلام عليكم ورحمة الله وبركاته
صدقت اخي المتزن ومنه كثير وليس خروجها عيب وخدمة بيتها عيب
وفية نساء من هذا النوع تجمع وتنصح واذا جت جمعة تحرم حتى الضحك
والمزح وتجدها شهباء الشعر كأن باخ بها بس وثيابها ودك تتصدق عليها وريتها عرق
وهذا يقال له متدينة وهذا ليس من الدين
انا جاني واحد يخطب حدا بناتي متزوج وهو شاب قال انا متزوج لاكن مرتى من
المتدينات وانا ابى زوجة تلبس لزوجها وتهتم بنفسها لاتقول هذا حرام وهذا لايجوز..
قلت فهمها وانصحها قال تعبت.....
اللهم صل على محمد وعلى آله وصحبه أجمعين
بارك الله فيك اخي العزيز وموضوع يستحق
المتابعه لا عدمت اخي المتزن وبورك فيك ..
صدقتَ أيها المتزن
نعم هذا سلوك يوجد عند الكثير إلا من رحم ربي
شكراً لك .
وتقبل تحياتي 00
المتزن
هؤلاء يالمتزن اشباه رجال او قل عنهم ان شئت ذكور وظيفتهم فقط ( تمريق النطفه ) ...!
وينطبق عليهم اسود في المجالس ونعام في المنازل ...!
___________
اخي الغالي المتزن مسائك ورد و جوري .
المشكلة وانا اخوك لاصار معظم أفراد المجتمع من هالنوع ( أشباه رجال أو قل مجرد ذكور لتمريق النطفة !! )
هنا المصيبة .
مساءك فل وياسمين أخي فور يو .
وتقبل تحياتي 00
المتزن
مرحبا بعودة قلمك مرة اخرى
ماشاء الله عليك اخوي المتزن والله صورت الواقع ، ومشكلتنا في ناس يتصدرون المجالس ينتقدون المجتمع ولا يخلون من نفس النقائص ، واعتقد والله اعلم انهم سوف يجدون مادة دسمة في مستقبل الايام بحكم انتشار الفتن والسلبيات المرتبطة بالكمال المفقود ولحتميته في حياة المتحدث سيستمر المشهد والله المستعان.
مرحباً بك يا عيون الصقر .
مشكلتنا وانا اخوك مهيب بوجود ناس فارغين ذهنياً يتصدرون المجالس ينتقدون المجتمع بما هم واقعين فيه أصلاً .. مشكلتنا الأكبر أنهم يمثلون الغالبية !!
وتقبل تحياتي 00
المتزن
شخصت واقع الحال
ونسيت اهم شى وهو الغيره على المحارم اراها بتناقص
للاسف تجدهم بكل الاماكن جالس بالسياره واهله بالسوق او بالمستشفى
اشكر طرحك عزيزى
تحياتى لقلمك
ليتها وقفت فقط على تناقص غيرتهم على محارمهم .. بل زادت إلى رمي بلاهم على الآخرين !!
فهم اللي تسببوا بواقع المجتمع , وهم أنفسهم اللي يلومون ويولولون !!!!
تسد شفت ناس كذا ؟؟؟!!!
دي ناس ..... يا راقل .
وتقبل تحياتي 00
المتزن
يالله لك الحمد ويش بها ؟
الثقه موجوده والتربيه الحسنه قيدآلنا
-
* يعني اللي يروح مع زوجته أو خواته أو بناته للسوق , ثقته بهن مهيب موجودة ؟؟؟!!!
منب أهرج عن الثقة والتربية الحسنة يا سكون الليل .. أنا أهرج عن مبادئ منها القوامة والرجولة وعدم قول شيء وفعل شيء آخر .
هذي للاسف عندنا بكثر وادهى من انها تجلس وتسولف بل تكشف الوجهه بعد وتطلق ضحكات ... كركر...كركر
** يا سلام .
يتكلمون عن الحياء والعفة وينتقدون الاختلاط , ويسمحون باللي تقولين ؟؟؟!!!
طيب لو نجي حنا لمهم فيه سواليف وكشف وجه وكركر كركر , والا خطر نـِذبح ؟؟؟!!! :f3:
سجل عندك نفر كثير تناقض .
!!
هم هذي ياكثرها...يعني الرجل كمخه..!!
-
** هو كمخة , بس مهوب بالحيل عاد . :11_4_124v
عجيب وهذي ويش بها يا اخوي...!!
** يعني أنتِ تشوفين ان ما بها شيء ؟؟!!
الحين يتوطى ببطن اخته أو زوجته لو ترد على خويه بالجوال , ويسمح لها تروح للسوق لحاله وتهارج الرجال وتكاسر البياعين !!!
يعني صوتها لا ردت على خويه بالجوال جريمة , وصوتها لا كاسرت البياعين ما فيها شيء ؟؟؟!!!
ما تحسين ان فيها تناقض ؟؟!!
اخوي نهرج ونكاسر ...ونسأل عن الاسعار مابها شي وانا اختك
بما اننا ما لينا القول ولانا سمعنا بضحكاتنا الموجودين
** ما قلنا شيء وانا اخوك .. لكني أتكلم عن التناقض عند البعض .
فاللي يعتبر كشف الوجه حرام ويمكن يعتبره كبيرة من الكبائر , عليه ألا يسمح لزوجته أو أخته أو بنته بالنقاب وتطليع اليدين .
بل أنا عن نفسي : أرى أن النقاب حالياً أكثر فتنة من كشف الوجه .
يعني لو يكشفن هالدرنقات وجيههن , كان ارتحنا من ثلثين الفتنة .
هيا عاد ماهو لهذي الدرجه ...العطر نعلم انه محرم ولا نتعطر الابعد ما نوصل للمكان الي نبيه
** طيب . :)
هي ما وقفت على العطر ( مع ان كثيرات يتعطرن ) .. البلاء بهالثور اللي رمى كل الحمل على السواق وصار السواق هو أبو البيت وهالثور صار ثور الله ببرسيمه .
صدقت اذا هي بأزمه فـــ بقووه متأزمه ولاعاد بقى الا حتاحت مرجله فقط
** زين , باليد كسرة . :)
.
شكراً لكِ ِعلى صراحتك يا سكون الليل ,,
وتقبلي تحياتي 00
المتزن
جزاك الله خير ومشكور على طرحك للموضوع
شكراً لك .
وتقبل(ي) تحياتي 00
المتزن
الذاهبة
18-04-07, 07:39 pm
حياك الله استاذ المتزن
كنت أفكر فيك قبل كم يوم أقول وش أخبارهم عقب ( بدل السكن )
:)
موضوعك استاذي ممتاز و الرجولة مفقودة .. و أصبتنا في مقتل ..
لكن :
لي تحفظاتي على أمثلة حضرتك الواردة هنا ..
ليه دائماً البنت تحت الوصاية ..
ولا تبان الرجولة إلا عليها !
وفقك الله
المتزن
حيا الله هذه العوده
والله انها مناظر تقهر وترفع الضغط
أحياناً ودك تديله كم كلمه تهز بدنه من يمارس هذه التصرفات بس :(
أجل يخلي اخته والا زوجته تنزل للمحل وهو قاعد في السياره ..عساك للكسر
قبل ايام كنت نازل لصيدليه في مدينة جده
فتاه بلثام وبنطال واضح تحت العباءه النصف مكشوفه
أول مارجعت للسياره قالت لي الوالده شف اللي بالسياره هو سعودي والا لا!؟؟
شاب في مكتمل الصحه والعافيه بس ماله خلق ينزل !!!!
الوضع هناك ربما معتاد نوعاً ما .. لكن عندنا لااااااااااااا وياليت كل من يواجه هؤلاء المساكين ياليت ينبهم بطريقته فهم أضعف من أن يولوا على نساء
شكراً متزن
حياك الله يابو شهد .
والقصة اللي صارت بجدة , تصير عندنا .. لكن تصدق إني أشوفها عندهم أهون إلى حد ما من اني اشوفها تصير عندنا .
تدري ليش ؟
لأنك لو تقعد مع هاك الجلمة اللي بالسيارة في مجلس وتسأله عن رأيه بهالشيء , كان قال لك : عاااااايدي , إش بك يابويا .
لكن لو تقعد مع جلمة من حقيننا في مجلس وتسأله عن رأيه بهالشيء , كان قال لك وهو عاقدن حجاجه : أعوذ بالله , بـُه أحد يرضى بهالشيء ؟؟؟؟!!!! مع ان هالشيء يسويه هو بنفسه !!!!!
يعني النتيجة :
2 ثواره وكماخة لفريقنا x ثواره وكماخه وحده للفريق المقابل . http://www.buraydahcity.net/vb/images/smilies1/110.gif
ياخي حنا جيدين بكل شيء .. حتى بالثواره والكماخه . :d1:
ماشاء الله علينا , الله لا يضرنا . :19[1]:
أقدع ناس .
وتقبل تحياتي 00
المتزن
المتزن
يالله حيه
حبيب البي ياكثره عند ربعنا ويالله من كم واحد يسمي روحه داعيه عياله خله على ربك
واحد هاك اليوم يهاوش عن تربية العيال ربوا عيالكم زين ماتنبتهون لهم هذولا عماد المستقبل وبذمتكم
وهو آخذٍ له أربع حريم ودايم مسنتر عند الجديده ولا جاب خبر عياله وولده يركب مع هالعرابجه وخذ كل يوم مع واحد
قال تربيه قال
بعدين هالجحلط من هالنوع واجد بس ما مثل التوسط مع إني أشوف بعض اللي ذكرت عادي مدري ليه مكبرها وحاطهن من الكبائر
خابرك منشكح وراك هالمره خخخخخخخ
بعدين تعال يا ألبي تصدق أنا عندي غقتراح إنهن يفتشن حريمنا
صدقن إن شفت واحد من الشباب معطيهن وجه إحلق عيني بس هالعيون لاعبات بالشباب
مشكور خيو
الله يحييك يالقمر .
1- البلوى وانا اخوك مهيب خاصة باللي يسمون أرواحهم دعاة .. البلوى عامة والظاهر ان المشكلة عند الزقرت أكثر منها عند المطاوعة وإن كان وقوعها من المطاوعة أشد وقعاً .
2- وشو العادي من النقاط اللي ذكرت ؟؟!!
ممكن تذكر أمثلة .
مع العلم اني مركـّز على التناقضات والعيش بوجهين وحالين , أكثر من تركيزي على النقاط بحد ذاتها .
لكن برضه تظل النقاط بهن سوء
3- سالفة إن حريمنا يفتشن , فانا منب معك هكذا بالمطلق .. أنا أؤيد ويمكن احمق وادعو إلى كشف وجه النساء اللي يلبسن النقاب ويتفنن بالتزين والتزكرت يقالـّهن موت لا أتوطى ببطونهن .
وتقبل تحياتي 00
المتزن
المتزن ليه تشوف نزول المرأة السوق لوحدها جريمة احسن النيه .
أنا ما اشوفها جريمة , بس أشوفها خطأ .
وبعدين المسألة مالها علاقة بإحسان النية .. المسألة مسألة مبدأ .
مشكورة يا رتاج ,,
وتقبلي تحياتي 00
المتزن
الغالي .. المتزن
دعني أصحح لك العبارة حتى يكون لي موقع أوافقك عليه
تقول : هناك الصالحين المصلحين ........... الخ
وتصحيح العبارة
هناك من يدعي أنه من الصالحين المصلحين .....
لأن الصفات التي ذكرت كما تفضلت متناقضة .. ولا يمكن أن تكون لصالح او مصلح
هناك .. من يتصف .. وهناك من يحاول .. وهناك المنافق
أوافقك الرأي أننا نعيش زمن أزدواجية .. في الفكر .. وزدواجية .. في السلوك
..
أهلاً بك أخي أعرابي .
بالنسبة لعبارة الصالحين المصلحين فأنا قلتها من باب التهكم بهم وليس من باب الوصف الحقيقي لهم .
وأستغرب كل هذا التحسس من العبارة !!
مع العلم أن الأوصاف التسعة اللي ذكرتهن في موضوعي أو بعضهن , تنطبق على كثير من أفراد المجتمع بمن فيهم بعض الملتزمين " المطاوعة " .
أخيراً :
المجتمع فعلاً يعيش ازدواجية في الفكر والسلوك , وهذا ما نحاول تهذيبه لكن نبي همتكم .
وتقبل تحياتي 00
المتزن
كلامك صح وفيه نوع من الظرافه بصراحه ضحكتني
بس الي ابي اقوله وش المانع لو فيه احد يحكي عن عيوب المجتمع حتى لو كان نفس الشخص مليان من العيوب
عادي خله يحكي والناس مو كامله عشان الواحد ما يحكي
فزع لمبة شارع الله يجزاه خير وقال لك جزء من اللي كنت أبقوله ..
واضيف على ما قال إن فيه فرق بين انك تنصح الناس عن شيء أنت واقع فيه غصب عليك , وانك تتناقض مع نفسك وتنقد شيء أنت واقع فيه أصلاً باختيارك .
يعني المشكلة هنا ليست في مجرد الوقوع في الخطأ فقط , بل في الوقوع في التناقض اختيارياً . وهذا التناقض يدل إما على أنك ضعيف شخصية أو صاحب وجهين ( يعني تسذوب ) .
وفي الحالتين هناك أزمة في الرجولة .
مشكور يا فارس الميدان على مرورك وتعليقك المثري والمثير ,,
وتقبل تحياتي 00
المتزن
(يا أيها الذين آمنو لم تقولون ما لا تفعلون...)
( أتأمرون الناس بالبر وتنسون أنفسكم ...الآية)
أشكرك جداً على هذا الرد .. لكني سأشكرك بعنف لو علقت على الموضوع . ( ابتسامة )
( ياجماعة حطوا شوي وجوه تعبيرية على يسار الرد اختصاراً للوقت والجهد . )
وتقبل تحياتي 00
المتزن
(( يالمتزن خلك متزن في كلامك افضل لك ))
واصابع ايدك ماهي سوا واللي يسوي الاشياء اللي انت قايلها اكيد انه واثق في زوجته او خواته وعارف انهم متربين صح
والحرمه اذا راحت مع السوق اكيد ما عندها رجال يوديها مو افضل لها تروح مع سواق تعرفه ولا مع سواق لموزين ما تعرفه
و مافيها شي لو تكلمت مع راعي المحل بأدب ولا تهنوصت معاه أجل تبيه يمشي بضاعته وينصب عليها !!!!!!
شاكرين لك هذا الطرح
الحين اللي باللون الاحمر تهديد يالفاتنة ؟؟!!
يعني اخاف ؟؟!! ( ابتسامة وفي رواية وجه يتنافض , على حسب نية أختنا الفاتنة .. يعني على شارعين )
شوفي وانا اخوتس :
المسألة مهيب مسألة ثقة بالزوجة أو الاخت أو البنت .. الثقة موجودة لكن ترى من واجب الزوج أو الأب أو الأخ أن يخرج مع المرأة .
ترى هذا من حقوق المرأة .
يعني أنا تراي قاعد أطالب بحقوق المرأة .
ما ودكن ؟؟؟!!! ( ابتسامة )
وبعدين اللي يجيبون سواقين مهوب كلهم جايينه للضرورة , فيهم ناس يبون التنبلة والتبطح .. واللي عنده ضرورة انه يجيب سواق , ما يعني انه يرمي كل الحمل على السواق ويترك الحبل على الغارب .
وتقبلي تحياتي 00
المتزن
النساء ضعيفات عقل ودين ولقد ذكر ذلك الرسول الكريم صلى الله عليه وسلم أما القاء التهم بدون دليل فيجب الترفع عنه وترك أعراض المسلمين صحيح يوجد بعض الأفراد من أتخذ التدين وسيلة للوصول لأغراضه الشخصية وهذا يظهر من تصرفهم وأعمالهم ولكن للخلق خالق وهو أعلم بهم ويوم الجمع يأخذ كلاً حقه أمام جبار السموات والأرض .
النبي صلى الله عليه وآله وسلم ما قال " النساء ضعيفات عقل ودين " , فأرجو التنبه .
لكن برضه شكراً لك على هذا المقال .
وتقبل(ي) تحياتي 00
المتزن
الاخ الكريم المتزن0
ذكرت كثير من واقع الحال0
ليتنا نبدأ بانفسنا جميعا ونترك الأخرين فصلاح المجتمع يبدأ من صلاح الأفراد مشكلتنا اننا ننتقد بعض الحالات ونبحث لانفسنا عن
أعذار لافعالنا0
والحال التي وصلت لها بعض النساء سببها وجود ادباش كثر في مجتمعنا 0
تحياتي لك0
أهلاً بك يا عبدالله30
ليتنا نبدأ بأنفسنا جميعاً , صح ..
لكن نترك الآخرين , خطأ .
وين الأمر بالمعروف والنهي عن المنكر , ووين التكافل الاجتماعي .
أما اللي يبحث لنفسه الأعذار , فهذا تصرف طبيعي منه .. لكن اللي مهوب طبيعي ان الناس الثانين يسكتون ولا يواجهونه بخطئه .
وتقبل تحياتي 00
المتزن
المتزن
نعيش ازمه والسبب ضبابية الرؤية تجاه مانعيشه من تحول اجتماعي متسارع
فلازلنا غير قادرين على التمييز مابين الثوابت الواجب الألتزام بها وبين العادات والتقاليد القابله للتغيير والتطوير
شخصياً امارس الكثير من التصرفات عن غير قناعة بصحتها ولازلت غير قادر على تحديد موقفي منها ولا قادر على فهم اسباب ممارستي لها !!
سأعطيك مثال بسيط لتتضح الصوره اكثر ..
قناعتي الشخصيه مترسخه بأن المكان المناسب للمرأه هو منزلها وأن خروج المرأه يجب ان لايتجاوز الضروريات ورغم قناعتي إلا ان مايحدث عكس ذلك تماماً !!
فزوجتي مدرسه وخروجها من البيت ليس اقل من غيرها إن لم يكن اكثر سواء كان لمناسبات وزيارات او حتى للأسواق والنزهات
حتى الآن لم استطع التوفيق بين قناعتي الخاصه وبين الواقع .. ليس عجزاً عن تطبيق مااراه صحيحاً لكن قد يكون عدم قناعة بصحة قناعتي وخوفاً من نتائج سلبيه لا ادرك مداها في الوقت الحاضر
هل مااعيشه يمثل ازمة في رجولتي ؟!!
صدقني لن اغضب لو وصفته بذلك لأنه الواقع الذي لااستطيع انكاره بأي حال من الأحوال
المهم بالنسبة لي ان افهم ماانا فيه لحاجتي الماسه إلى ذلك
تقبل تحياتي ,,,
أهلاً بك يا عبدالله الحلوة
من ناحية أن المجتمع يعيش أزمة وضبابية في الرؤية تجاه مانعيشه من تحول اجتماعي متسارع , فهذا صحيح ..
ولكن المشكلة التي أتحدث عنها ليست بسبب ضبابية الرؤية , بل بسبب التكوين النفسي والتركيبة المتناقضة في عقلية كثير من أفراد المجتمع .
مشكلتنا أخي الكريم أننا نريد أن تظل قناعاتنا السابقة كما هي دون تغير وكأنها نصوص شرعية قطعية الثبوت والدلالة !!
ومشكلة الكثيرين أنهم يرضخون للواقع فعلياً , لكنهم مازالوا يعيشون قناعاتهم السابقة في خيالهم ويظنون أن هذه القناعات السابقة هي الواقع الآن !!
هذه ليست أزمة في الرجولة , بل هي أزمة في التكيف أو قل عدم القدرة على المزج المتناغم بين الواقع والمفروض " في الذهن " .
موضوعي لا يتحدث عن هذا الأمر تحديداً ( وإن كان له علاقة قوية فيه ) , ولكني أتحدث في هذا الموضوع عن أمر أقل عمقاً وهو التناقض اللفظي والواقعي وليس التناقض - أو قل الصراع - الفكري .
أنا في هذا الموضوع أريد إنساناً منسجماً مع نفسه , سواءً كان يتفق معي في الأفكار أو يختلف ..
ولا أريد إنساناً يتناقض مع نفسه , يقول للآخرين شيئاً ويفعل خلافه .
هذه هي أزمتنا أخي الفاضل .
أشكرك على صراحتك أخي عبدالله ,,
وتقبل تحياتي 00
المتزن
بسم الله الرحمن الرحيم
السلام عليكم ورحمة الله وبركاته
صدقت اخي المتزن ومنه كثير وليس خروجها عيب وخدمة بيتها عيب
وفية نساء من هذا النوع تجمع وتنصح واذا جت جمعة تحرم حتى الضحك
والمزح وتجدها شهباء الشعر كأن باخ بها بس وثيابها ودك تتصدق عليها وريتها عرق
وهذا يقال له متدينة وهذا ليس من الدين
انا جاني واحد يخطب حدا بناتي متزوج وهو شاب قال انا متزوج لاكن مرتى من
المتدينات وانا ابى زوجة تلبس لزوجها وتهتم بنفسها لاتقول هذا حرام وهذا لايجوز..
قلت فهمها وانصحها قال تعبت.....
اللهم صل على محمد وعلى آله وصحبه أجمعين
اللي تتحدث عنه اخوي ماميتو ملاحظ بالمجتمع مهوب بس بالحريم , حتى بالرجال .
هذولا وانا اخوك خليط من المطاوعة العرابجة والأجلاف فكرياً .
لكن تراي اهرج بهالموضوع عن شيء ثاني . ( ابتسامة )
وتقبل تحياتي 00
المتزن
أبو عبدالرحمن
20-04-07, 09:00 pm
أخي المتزن:
اسمح لي إن خرجت عن النص الأصلي للموضوع لأقول
بأن طرحك لم يكن متزنا على الإطلاق
فالتسع حالات التي ذكرتها يمكن تلخيصها بحالتين أو ثلاث على الأكثر
بلا إعادة وإطالة ورؤية غريبة للأمور ( غير متزنة )
لي عودة قريبة للنقاش إن شاء المولى عز وجل
بارك الله فيك اخي العزيز وموضوع يستحق
المتابعه لا عدمت اخي المتزن وبورك فيك ..
مشكور يابو قش .
وتقبل تحياتي 00
المتزن
حياك الله استاذ المتزن
كنت أفكر فيك قبل كم يوم أقول وش أخبارهم عقب ( بدل السكن )
:)
مشكورة يالذاهبة .. بس انا خابرن اللي تفصل من شغله تتجه للأعمال الحرة مهوب للشرافة وتنحب خلق الله . :)
لكن شكله بفضل دعواتكم وشهابتكم وتنحـّبكم , تم إلغاء البدل عنهم .
بركاتك يا حجـّة . :)
موضوعك استاذي ممتاز و الرجولة مفقودة .. و أصبتنا في مقتل ..
أنا دايم مواضيعي ممتازة . :)
لكن :
لي تحفظاتي على أمثلة حضرتك الواردة هنا ..
ليه دائماً البنت تحت الوصاية ..
ولا تبان الرجولة إلا عليها !
أنا لم ولن أدعو إلى ان البنت تكون تحت " الوصاية " .. أنا أطالب أن تكون تحت " الحماية " .
وهناك فرق شاسع بين الأمرين .
وفقك الله
مشكورة يالذاهبة , وتشرفنا بتعليقك الهادئ " على غير العادة " :) ,,
وتقبلي تحياتي 00
المتزن
أخي المتزن:
اسمح لي إن خرجت عن النص الأصلي للموضوع لأقول
بأن طرحك لم يكن متزنا على الإطلاق
فالتسع حالات التي ذكرتها يمكن تلخيصها بحالتين أو ثلاث على الأكثر
بلا إعادة وإطالة ورؤية غريبة للأمور ( غير متزنة )
لي عودة قريبة للنقاش إن شاء المولى عز وجل
هلا بك يابو عبدالرحمن .
أحترم وجهة نظرك وقولك إن طرحي لم يكن متزناً على الإطلاق !! .. ولكن كنتُ أتمنى لو أنك وضحتَ لي وللقراء مكمن عدم الاتزان في طرحي لأن بإمكان أي واحد يقول اللي انت قلت على أي موضوع حتى لو كان كاتب الموضوع أبو عبدالرحمن نفسه . http://forum.buraydh.com/images/smilies/smile.gif
أما بالنسبة للتسع حالات وإمكانية تلخيصها , فقد أتفق معك في ذلك ولكن فقط للتوضيح ذكرتُ التسع حالات لتكرر حدوثها في مجتمعنا وكذلك علشان اللي ما يفهم يفهم . http://forum.buraydh.com/images/smilies/smile.gif
بانتظار عودتك ونقاشك , وعلى الرحب والسعة يابو عبدالرحمن بس لا تبطي الله يعظم أجرك .
وتقبل تحياتي 00
المتزن
خـــــــــــــــالـــــــــد
22-04-07, 04:03 pm
اخي المتزن
اولا ..
اشتقنا لك فاقدينك من زمان .
ثانيا ..
اتفق ... معك على وجود الازدواجيه لدى الرجال في المفاهيم التي ذكرت من خلال المواقف التي صورت
و اجزم انها موروثات صافه بجنب الكروموسومات و الجينات تخرج بلا تفكير !!
و اخالفك ... في انك تريد ان تجعل المراه انسان بلا لسان الا في بيتها ! خرساء !!
دعها تتكلم في السوق و تطلب من المطعم و تكلم مدير الاداره التي تتبعها و ما تقتضيه الضروره
مادامت لم تلن بالقول و محل الثقه !
و الا فانك تضعف حصانتها فاي مواجهة بعد ذلك مع رجل ربما تنكسر مقاومتها فللرجل هيبته و قشعريره ربما تلخبط اوراقها !!
the-moon
22-04-07, 04:25 pm
خالد أحسنت
اخي المتزن
اولا ..
اشتقنا لك فاقدينك من زمان .
يا هلا والله ومرحبا بك اخوي خالد
وما تفقد غالي يابو وليد . :)
و اخالفك ... في انك تريد ان تجعل المراه انسان بلا لسان الا في بيتها ! خرساء !!
عفواً .. وين قلت انا هالهرج ؟؟!!
دعها تتكلم في السوق و تطلب من المطعم و تكلم مدير الاداره التي تتبعها و ما تقتضيه الضروره
مادامت لم تلن بالقول و محل الثقه !
و الا فانك تضعف حصانتها فاي مواجهة بعد ذلك مع رجل ربما تنكسر مقاومتها فللرجل هيبته و قشعريره ربما تلخبط اوراقها !!
طيب , اللي يقبل إن المرأة تسوي هالأمور عليه ألا يغضب أو يتحسس لو ردّت المرأة على زميله بالجوال أو التلفون أو حتى بالشارع !!
طبعاً بالنسبة لي وهو رأي خاص بي أزعم أنه الأصوب :
لستُ مع حديث المرأة مع الرجل في السوق أو في المطعم أو في غيرها خصوصاً إذا كانت هذه المرأة شابة وليست كبيرة في السن وكذلك إذا لم يكن هناك ضرورة كما هو حال الكمخ اللي ذكرناهم .
وبعدين ما أشوف فيه ضرورة لهالشيء , اللهم إلا قلة رجولة من بعض اللي انت خابر .. والا وش يضره لو يروح معها للسوق وينزل وهو اللي يهرج ويكاسر ؟؟!!
ماله لسان هو ؟؟؟!!!
وتقبل تحياتي 00
المتزن
خـــــــــــــــالـــــــــد
23-04-07, 01:07 am
اخي المتزن
المشاركة الأصلية كتبت بواسطة خـــــــــــــــالـــــــــد
و اخالفك ... في انك تريد ان تجعل المراه انسان بلا لسان الا في بيتها ! خرساء !!
عفواً .. وين قلت انا هالهرج ؟؟!!
هذا ما قراته في نقدك لمن يترك المره تتكلم في السوق و تتصل على المطعم
لكن تروح للسوق لحاله وتهارج الرجال اللي يبيعون وتكاسرهم ويمكن تترجاهم يجدعون له خمسة اريل , ما يخالف .
ومهارج الرجال الأجانب بالسوق
طيب , اللي يقبل إن المرأة تسوي هالأمور عليه ألا يغضب أو يتحسس لو ردّت المرأة على زميله بالجوال أو التلفون أو حتى بالشارع !!
فيه فرق بين هذولي انفسهن و بين ( هالامور ) اللي اشرت لها في ردك اعلاه ..
الجوال == لا المراه و لا غيرها مخول انه يرد على جوالي فاعتقد الــ ميسد كول لها فوائدها:g6:
التلفون == معقوله تفكر كذا :eek: 5!! ان المراه ما ترد على التلفون ! طيب و انا اخوك اكتفي فقط بالجوال اضمن لك , و اوفر للتلفون اللي بيرن ليييييين ينفقع اذا ما كنت فيه انت ترد فالمراه طبقا لنظريتك عيب ترد
الشارع == لا عاد هذي بجاحه ما تسويها الا المراه اللي و الله انها .
و البائع == اذا بدق معه سواليف ,, فانا معك لكن اذا بتسال في حدود البيع و الشراء فمافيها شيء
لستُ مع حديث المرأة مع الرجل في السوق أو في المطعم أو في غيرها خصوصاً إذا كانت هذه المرأة شابة وليست كبيرة في السن وكذلك إذا لم يكن هناك ضرورة كما هو حال الكمخ اللي ذكرناهم .
لا تخلط بين اللي له داعي و اللي ماله داعي
فاذا كانت في المطعم مع رجل فطبعا يكفي وجوده , لكن في محل تبي تبلع لسانها و تتغبى وراه و كل شوي تقر باذنه .. وين الوان البلوزه ؟و يطير ركض للبائع و توصيه فيه مقاسات ؟ و يطير ركض للبائع يساله , و يرجع تقر في اذنه طيب قله و ين الوديل اللي على القزاز ؟ و يروح يركض يسال البائع .. بصراحه مسخره ليش ما يقعدها في البيت و يستخدم الاتصال المرئي آمن له :5[1]:
والا وش يضره لو يروح معها للسوق وينزل وهو اللي يهرج ويكاسر ؟؟!!
اتفق معك في انه يجب يروح معها لكن ما يصير ( لسان متحرك )
اما المكاسر فهذا لا لرجل و لا لمراه لا اؤيده ,, بصراحه نوع من الشحاذه
وش اللي خلانا ناجل فكره الزواج .. الا مهنا رجال بذاك العلم ... ايه والله انها ازمه ..شكر المتزن اسلوبك اعجبني
خصوصا الكلمات الغير مفهومه .. مثل سنسفيــله.. واخوي ذا مون يوم قال الجحلط خخخخخخخخ ؟
خالد أحسنت
وانت بس جيدن بالتشجيع يالقمر . http://forum.buraydh.com/images/smilies/smile.gif
وتقبل تحياتي 00
المتزن
أخي الكريم / خالد
هذا ما قراته في نقدك لمن يترك المره تتكلم في السوق و تتصل على المطعم
نقدي كان موجهاً على وجه الخصوص لمن يتناقض , فيرضى بشيء ويرفض شيئاً آخر شبيهاً بالذي ارتضاه !!
ولم أتطرق قبل ردك الأول إلى طرح إرادتي بأن تظل المرأة خرساء بلا لسان أو ما شابه ذلك .. بل كان كل تركيزي منصباً على وقوع الكثيرين في التناقض .
فيه فرق بين هذولي انفسهن و بين ( هالامور ) اللي اشرت لها في ردك اعلاه ..
الجوال == لا المراه و لا غيرها مخول انه يرد على جوالي فاعتقد الــ ميسد كول لها فوائدها
التلفون == معقوله تفكر كذا 5!! ان المراه ما ترد على التلفون ! طيب و انا اخوك اكتفي فقط بالجوال اضمن لك , و اوفر للتلفون اللي بيرن ليييييين ينفقع اذا ما كنت فيه انت ترد فالمراه طبقا لنظريتك عيب ترد
الشارع == لا عاد هذي بجاحه ما تسويها الا المراه اللي و الله انها .
و البائع == اذا بدق معه سواليف ,, فانا معك لكن اذا بتسال في حدود البيع و الشراء فمافيها شيء
أنا ذكرت هذه الأمثلة فقط لتبيان التناقض , إذ ليس المقصود ذكرها لذاتها , ولذا لا أريد الدخول في التفاصيل الدقيقة .
لكن سؤال عام : وش الفرق بين البائع وغيره من الرجال ؟؟!! مهوب كلهم يملكون شهوة ؟؟!!
من يقبل كلام المرأة مع البائع في السوق , فعليه أن يقبل أو على الأقل ألا يغضب إذا تحدثت أخته أو زوجته أو بنته مع رجل في الشارع لغرض السؤال أو توصيف محل أو ما شابه ذلك .
لكن الواقع يقول إنهم يقبلون فعل اللي تتكلم مع البائع ولا يقبلون فعل اللي تتكلم مع رجل في الشارع لغرض السؤال .
لا تخلط بين اللي له داعي و اللي ماله داعي
فاذا كانت في المطعم مع رجل فطبعا يكفي وجوده , لكن في محل تبي تبلع لسانها و تتغبى وراه و كل شوي تقر باذنه .. وين الوان البلوزه ؟و يطير ركض للبائع و توصيه فيه مقاسات ؟ و يطير ركض للبائع يساله , و يرجع تقر في اذنه طيب قله و ين الوديل اللي على القزاز ؟ و يروح يركض يسال البائع .. بصراحه مسخره ليش ما يقعدها في البيت و يستخدم الاتصال المرئي آمن له
هذاك وقعت في التناقض يا خالد . http://forum.buraydh.com/images/smilies/smile.gif
وش الفرق بين المطعم ومحل بيع الملابس ؟؟!!
لا تقول لي انها تبي تقر باذنه كل شوي .. طيب بالمطعم يمكن تقر باذنه كل شوي : فيه عندهم مشويات ؟؟! ويطير يركض للكاشير عندكم مشويات ؟؟ وتسأله طيب قل لهم نبي شيش طاووق ويطير ركض للكاشير نبي نفر شيش طاووق ونفر أوصال لحم ويرجع تقر باذنه طيب قل له وين الكتشب والشطة ؟؟ ويروح يركض يطلب من القرصون اللي تبي ست الحسن والدلال ..
بصراحة مسخرة ليش ما يخليها هي اللي تقول وش تبي ويريـّح راسه . http://forum.buraydh.com/images/smilies/smile.gif
وبعدين سؤال :
إذا كنت ترى أن هرج الرجال مع البائع بدلاً من زوجته أو أخته أو بنته مسخرة .. فذهابه معها أكثر مسخرة .
يعني وشوله يروح خيال المآتة أصلاً لا صار بس يبي يدربي دميجته ويتهرش .
شف وانا اخوك :
أنا منب ضد كلام المرأة مع البائع بحد ذاته ما دام بحدود الأدب والضرورة , لكني ضد خروجها من البداية وزوجها أو أخوها هاجن اثمه قدام التلفزيون أو عند اخوياه بالاستراحة ويهرج عن كثرة المغازل والخراب وانحراف البنات .
اتفق معك في انه يجب يروح معها لكن ما يصير ( لسان متحرك )
اما المكاسر فهذا لا لرجل و لا لمراه لا اؤيده ,, بصراحه نوع من الشحاذه
قلته قبل شوي واباعيده برضه :
وشوله يروح خيال المآتة أصلاً لا صار بس يبي يدربي دميجته ويتهرش والهرجة تبي تصير لصاحبة " القوامة " لا " القوام " ؟؟!!
أو علشان يشيل القش . http://forum.buraydh.com/images/smilies/smile.gif
أما رفضك للمكاسر , فأنا ضدك في هذا . لأنك كما تعتبر المكاسر نوع من الشحاذة , أنا أعتبر عدم المكاسر نوع من الدلاخة خصوصاً في ظل عدم وجود شيء عندنا اسمه حماية المستهلك .
أخيراً :
دعنا أخي خالد من الحديث في التفاصيل , وتعال نتحدث أولاً في الموضوع العام ثم بعد ذلك ندخل في التفاصيل . إلا إذا كنت تتفق معي في الخطوط العريضة للموضوع , فهذا أمر آخر وهو أمر يسعدني على كل حال .
شكلي كثـّرت القرق .
وتقبل تحياتي 00
المتزن
خـــــــــــــــالـــــــــد
23-04-07, 03:12 pm
اخي المتزن
اذن نحن متفقين هنا..
= التناقض الذي يقع فيه الرجل دليل على ان الرجوله عنده رمز متوارث فقط
= خروج الرجل مع المراه فخر له و حمايه لها
و مختلفين هنا وهو رد على سؤالك ..لكن سؤال عام : وش الفرق بين البائع وغيره من الرجال ؟؟!! مهوب كلهم يملكون شهوة ؟؟!!
= كلامها بنفسها لحاجه و بدون لين في القول و تميع بالتاكيد لن يحرك ساكن , الا اذا الرجال يتهدد فهذا لن تخضع له الا من خضعت و تغنجت بالقول لذلك نرجع على اول موضوعك و اساسه و هي الازدواجيه و خروج الرجل مع المراه.
وش اللي خلانا ناجل فكره الزواج .. الا مهنا رجال بذاك العلم ... ايه والله انها ازمه ..شكر المتزن اسلوبك اعجبني
خصوصا الكلمات الغير مفهومه .. مثل سنسفيــله.. واخوي ذا مون يوم قال الجحلط خخخخخخخخ ؟
مرحبا مياسة .
" الجحلط " أنا اللي قلته في أول الموضوع , وذا مون نقلها مني .
هو يقول شيء جديد الله مير ياويله .. هو بس جيدن يشجع . http://forum.buraydh.com/images/icons/icon10.gif
والله يا هو شابـّن عليه . http://forum.buraydh.com/images/smilies/9.gif
وش اللي خلانا ناجل فكره الزواج .. الا مهنا رجال بذاك العلم
غريبة .. أنا اللي أشوفه إن البنات مستانسات على هالدلوخ .
وتقبلي تحياتي 00
المتزن
اخي المتزن
اذن نحن متفقين هنا..
= التناقض الذي يقع فيه الرجل دليل على ان الرجوله عنده رمز متوارث فقط
= خروج الرجل مع المراه فخر له و حمايه لها
أحسنت .
حلو أخي خالد .. حلو .
و مختلفين هنا وهو رد على سؤالك ..
= كلامها بنفسها لحاجه و بدون لين في القول و تميع بالتاكيد لن يحرك ساكن , الا اذا الرجال يتهدد فهذا لن تخضع له الا من خضعت و تغنجت بالقول لذلك نرجع على اول موضوعك و اساسه و هي الازدواجيه و خروج الرجل مع المراه.
حلو , بس مهوب حلو بالحيل . http://forum.buraydh.com/images/icons/icon7.gif
تدري ليش ؟؟
لأنه ممكن يحتج عليك واحد أو وحدة ويقولون لك : طيب إذا كانت البنت لحاله بالسوق أو في أي مكان وبغت تسأل عن محل أو صراف آلي أو أي شيء , وراحت تسأل رجال يمشي بالشارع أو قاعد بالسيارة طبعاً تكلمه بدون لين في القول ولا تميع ..
فيه شيء ؟؟!!
إن قلت ما فيه شيء , فواقع المجتمع يختلف معك ( وبالتالي المجتمع لايخلو من تناقض ) ..
وان قلت : إلا فيه شيء وشويات , فأنت واقع بشيء من التناقض .
حقنة .. صح ؟؟!!
شكراً أخي خالد على صراحتك , وعذراً على صراحتي ,,
وتقبل تحياتي 00
المتزن
خـــــــــــــــالـــــــــد
23-04-07, 10:07 pm
اخي المتزن
لأنه ممكن يحتج عليك واحد أو وحدة ويقولون لك : طيب إذا كانت البنت لحاله بالسوق أو في أي مكان وبغت تسأل عن محل أو صراف آلي أو أي شيء , وراحت تسأل رجال يمشي بالشارع أو قاعد بالسيارة طبعاً تكلمه بدون لين في القول ولا تميع ..
فيه شيء ؟؟!!
قناعتي الشخصيه و مبداي ... اذا البنت ماسكه الجاده و لم تلن و تتغنج بالقول و اهل الثقه و الشكوى لله عندها اخوان جحلط فخلها تسال , لكن تسال الرجل الصح اللي في الموقع الصح يعني .. ما تطق على شباك ابو الشباب في سيارته و لا توقف على راس ابو الشباب اللي يشرب كابتشينو في المقهى فيه امن و فيه رجل شرطه و بائعين
تصدق عاد اخوي المتزن احس انك تبي تخطبن لبنتك او اختك:) من كثر ما فصلنا بهالموضوع المره الجايه ابدخل موضوعك متلطم من الحياء:f9:
اخي المتزن
قناعتي الشخصيه و مبداي ... اذا البنت ماسكه الجاده و لم تلن و تتغنج بالقول و اهل الثقه و الشكوى لله عندها اخوان جحلط فخلها تسال , لكن تسال الرجل الصح اللي في الموقع الصح يعني .. ما تطق على شباك ابو الشباب في سيارته و لا توقف على راس ابو الشباب اللي يشرب كابتشينو في المقهى فيه امن و فيه رجل شرطه و بائعين
بس .. رحم الله والديك ( على قولة العراقيين )
وصلت إلى صلب موضوعي يا خالد .
ركز على اللي باللون الاحمر .
أنا موضوعي كله كان مركز على هالجحلـّط .. بس انت الله يهديك جريتن للهرج بالحريم وهرجهن وخليتنا نترك هالطرمبات اللي ودك تمحـّطهم بالعرجد .
تصدق عاد اخوي المتزن احس انك تبي تخطبن لبنتك او اختك:) من كثر ما فصلنا بهالموضوع المره الجايه ابدخل موضوعك متلطم من الحياء:f9:
لو عندي بنت أو أخت ما أعرست , فوالله انك تستاهل .
لكن كانك تبي تصبر لمين تجين بنت وتصير مجوز , فتراه لك ( طبعاً بشرط موافقتها , لأني ما أحب " أتمرجل " بهالأمور مثل اللي انت خابر من اللي فوق )
أكرر لك شكري وتقديري ,,
وتقبل تحياتي 00
المتزن
ماجدمحمدماجد
25-04-07, 07:32 pm
كلامك جميل وفى محله ولكن لايعنى ذلك ان نقذف الاتهام على كل من تكلم بحاال الامه المزرى ونسائها بأنه هو اول المقصرين انا معك بأن هناك اناس كما يقولون عليهم الشرهه وتجد نسائهم متبرجات او مقصرات ولكن هناك اخرين محافضين على نسائهم ومحارمهم فهل نمنع اولئك من التنبيه على الاخرين ونصحهم
كلامك جميل وفى محله ولكن لايعنى ذلك ان نقذف الاتهام على كل من تكلم بحاال الامه المزرى ونسائها بأنه هو اول المقصرين انا معك بأن هناك اناس كما يقولون عليهم الشرهه وتجد نسائهم متبرجات او مقصرات ولكن هناك اخرين محافضين على نسائهم ومحارمهم فهل نمنع اولئك من التنبيه على الاخرين ونصحهم
وانا قايلن ان ( كل ) من تكلم بحال " الأمة " المزري هو أول المقصرين ؟؟؟!!!
ياخي بالعقل ما تجي ذي , لأني لو سويت كذا أكون اتهمت نفسي بالتقصير !!!!!
مشكور اخوي ماجد على مرورك وتعليقك ,,
وتقبل تحياتي 00
المتزن
برود الثلج
26-04-07, 12:28 pm
أولاً أشكرك أخي المتزن على هذا الموضوع الرائع والجميل الذي يعبر عن مدى غيرتك
وحرصك ،،
الحمدلله يعنى فيه شريحه كبيره من معشر الرجال عندهم أحساس بأن كل ماتفضلت به غلط ،،
لكن تعرف أخي وين المشكله الحقيقيه ،،،
(( المشكله أن كثيرون يؤمنون بالحقيقه وقليلون ينطقون بها ومعدومون من يطبقها ))
ويمكن يكون السبب من المشوربات الغازيه إلي تجي من برا البلد (طبعاً بودره )وحنا لك الله ياغافل ماندري وش بداخلها ،، بالأضافه إلى بعض الأغذيه المعلبه مكان التصنيع ( u.s.A) كل شي زين من عندهم وحنا خم خمك الله في بطوننا وعلى الدم ،،، وكل واحد يكمل الفراغ ..... عفواً ....
the-moon
26-04-07, 02:05 pm
وانت بس جيدن بالتشجيع يالقمر . http://forum.buraydh.com/images/smilies/smile.gif
وتقبل تحياتي 00
المتزن
وأنت وش اللي شابك
نشجع ولا نتتن ولا لا ؟ هع
" الجحلط " أنا اللي قلته في أول الموضوع , وذا مون نقلها مني .
هو يقول شيء جديد الله مير ياويله .. هو بس جيدن يشجع .
شف الجحلط انا اللي قايله قبلك تصدق ذكرتن بيوم حنا صغار على هرجك هع هع
لو عندي بنت أو أخت ما أعرست
ليش ؟
نجم النعايم
26-04-07, 02:58 pm
وأخيرا ظهرت بعد غيبه طويله
من طال الغياب جاب الغنايم
وها نحن نحظى بتلك الغنيمه والتي لم تكن كما اعتدناه في مواضيع المتزن التي تتسم بالاتزان والرصانه
فقد ظهر الموضوع باسلوب استنكره واشجبه لقد طغى عليه عصبيتك, فما عهدناك بهذا الاسلوب المستفز والذي يوحي وانت تحرره ممسك بعصا تلوح فيه يمينا ويسارا انتظارا لاول زائر لك لتضربه ضربة خاطفه مؤلمه ستجعله يلزم المستشفى لأشهر.
وسلامتكم,,
أولاً أشكرك أخي المتزن على هذا الموضوع الرائع والجميل الذي يعبر عن مدى غيرتك
وحرصك ،،
الحمدلله يعنى فيه شريحه كبيره من معشر الرجال عندهم أحساس بأن كل ماتفضلت به غلط ،،
لكن تعرف أخي وين المشكله الحقيقيه ،،،
(( المشكله أن كثيرون يؤمنون بالحقيقه وقليلون ينطقون بها ومعدومون من يطبقها ))
ويمكن يكون السبب من المشوربات الغازيه إلي تجي من برا البلد (طبعاً بودره )وحنا لك الله ياغافل ماندري وش بداخلها ،، بالأضافه إلى بعض الأغذيه المعلبه مكان التصنيع ( u.s.A) كل شي زين من عندهم وحنا خم خمك الله في بطوننا وعلى الدم ،،، وكل واحد يكمل الفراغ ..... عفواً ....
المشكلة أخي برود الثلج أن الكثيرين ما أدري يلعبون علينا والا يلعبون على أنفسهم !!!
يقول لك إنه ضد هالاشياء , وهو في نفس الوقت يقع بهن .
هذا اللي يغث بصراحة .
أما سالفة المشروبات الغازية , فمعليش أشوف فيها تسطيح مهوب بسيط وبصراحة اشوفه بهذا الشكل إهانة للعقل البشري .
أشكرك بعنف أخي الفاضل ,,
وتقبل تحياتي 00
المتزن
وأنت وش اللي شابك
نشجع ولا نتتن ولا لا ؟ هع
تتن .. بس لا تشجع . :c8:
مثل منوّل : كل شي سوّه حتى الكبائر بس أهم شي لا تتتن . :d2:
شف الجحلط انا اللي قايله قبلك تصدق ذكرتن بيوم حنا صغار على هرجك هع هع
ياخي تتن بس لا تسذب .
رح اقرا موضوعي الأصلي وراح تلقى اني استخدمت كلمة الجحلـّط قبلك .
ترى التسذب حرام يالقمر . :f5:
ليش ؟
وشو اللي ليش ؟؟؟!!!
ايس فيه ؟؟!!
وتقبل تحياتي 00
المتزن
برود الثلج
26-04-07, 07:26 pm
أخي الفاضل المتزن أنا أقصد أن بعض التحليلات الحاليه أثبتت أن بعض المشروبات الغازيه والأطعمة الغنيه بالبروتين الحيواني أو الدهن يدخلها شحوم الخنزير ،، ومن المعلوم لم ينهانا الله ورسوله عليه الصلاه والسلام عنه إلا لأنه يسبب نوعاً من الدياثه ،،،،، هذا هو المعني بحديثي السابق ،، الله يحفظك ،،
وبخصوص الأجهزه الخاصه بالكشف على هذه الأطعمه من حيث خلوها من بروتين أو شحوم ا لخنزير لم تستخدم إلا قربياً جداً ،، يعني قبل ماكان فيه ،،،
وشكراً أستاذي القدير ،،،
the-moon
26-04-07, 07:28 pm
ليش لو عندك بنت أو أخت ما أعرست ؟
وأخيرا ظهرت بعد غيبه طويله
من طال الغياب جاب الغنايم
وها نحن نحظى بتلك الغنيمه والتي لم تكن كما اعتدناه في مواضيع المتزن التي تتسم بالاتزان والرصانه
فقد ظهر الموضوع باسلوب استنكره واشجبه لقد طغى عليه عصبيتك, فما عهدناك بهذا الاسلوب المستفز والذي يوحي وانت تحرره ممسك بعصا تلوح فيه يمينا ويسارا انتظارا لاول زائر لك لتضربه ضربة خاطفه مؤلمه ستجعله يلزم المستشفى لأشهر.
وسلامتكم,,
أهلاً وسهلاً بك أخي نجم النعايم .
هل ترى أني معصـّب وماسكن عصا وانا اخوك ؟؟!! :)
نعم اسلوبي في هذا الموضوع مستفز , وأنا قاصد هالشيء .. لأن فيه ناس كود تسوي بهم كذا علشان يتعدّلون أو يستحون على وجيههم .
وبالمناسبة :
ربعنا أجلاف ما ينفع معهم إلا إنك تصير جلف مثلهم علشان تؤثر فيهم . :)
أشكرك بعنف على مرورك وملاحظتك أخي الفاضل ,,
وتقبل تحياتي 00
المتزن
أخي الفاضل المتزن أنا أقصد أن بعض التحليلات الحاليه أثبتت أن بعض المشروبات الغازيه والأطعمة الغنيه بالبروتين الحيواني أو الدهن يدخلها شحوم الخنزير ،، ومن المعلوم لم ينهانا الله ورسوله عليه الصلاه والسلام عنه إلا لأنه يسبب نوعاً من الدياثه ،،،،، هذا هو المعني بحديثي السابق ،، الله يحفظك ،،
وبخصوص الأجهزه الخاصه بالكشف على هذه الأطعمه من حيث خلوها من بروتين أو شحوم ا لخنزير لم تستخدم إلا قربياً جداً ،، يعني قبل ماكان فيه ،،،
وشكراً أستاذي القدير ،،،
أخي الكريم / برود الثلج
1- هل ثبت فعلاً أن المشروبات والأطعمة المستوردة فيها شحم الخنزير ؟؟؟!!!
2- وهل ثبت علمياً أن شحم الخنزير يسبب الدياثة ؟؟؟!!!
خلنا من التوقعات وانا اخوك , وعطنا المؤكد .
وبعدين : هل تبي تقول لي إن هالكمخ اللي يجدعون حريمهم بالسوق ويخلونهن يطلـّعن ذرعانهن ويتنقبن نقابات رهيبة ويخلونهن لحالهن مع سواويق ويتفننن بالتزين والتكشخ , هل تبي تقول لي انهم كانوا يقحنون ببسي منوّل ويبلعون من هالاكلات المستوردة ؟؟؟!!!
أجل رحنا وطي يا ولد .
وتقبل تحياتي 00
المتزن
ليش لو عندك بنت أو أخت ما أعرست ؟
أنت ما في معلوم ؟؟!!
أنا قلت لخالد لو عندي بنت أو أخت ما أعرست ( يعني توه ما أعرست , يعني مجوز ) , كان زوجتك اياه .
فهمت والا اجيب سبورة ؟؟!! :)
وش جايك يالقمر , صادمن جدار المسجد ؟؟؟!!
وتقبل تحياتي 00
المتزن
the-moon
27-04-07, 06:36 pm
ههههههههههه
المتزن ياخي أنت هرجك توصيف حاره عطه من الآخر قل تستاهل وخلاص
أحسبك تقول لوعندي بنت ولا إخت كان ما أعرس اللي هو أنت
عموماً عادي تعودنا على هرجكم هعهع
ههههههههههه
المتزن ياخي أنت هرجك توصيف حاره عطه من الآخر قل تستاهل وخلاص
أحسبك تقول لوعندي بنت ولا إخت كان ما أعرس اللي هو أنت
عموماً عادي تعودنا على هرجكم هعهع
ياخي يا عليك مخ .. إنما إيه . ههههههههههههه
عموماً ما صار الا الخير , ولا عمرك تعود له .
وتقبل تحياتي 00
المتزن
فاطمة الوليعي
27-04-07, 07:41 pm
أخي المتزن ..
قرأت الموضوع .. كاملا ..
واستمتعت فيه ..
الكثير ..قد نراه .. يحمل ازدواجية .. بين اعتقاده .. " ما يعتقده ُ.. صحيح "
وبين سلوكه .. الذي يحتم عليه .. مواكبة .. ما يراه صحيحا ومناسبا .. لزوجته وأخواته ..
وفقا لواقعه ..
فنراها نحن ازدواجية ..
وهي في الواقع .. ليست كذلك ..
فلا تلبس الجميع .. التهمة ..
سواء أفصح بما يحمله اعتقاده .. أم .. لا .. ,,
الأمر الآخر .. أخي الفاضل ..
لا أرى .. اشكالية .. في نزول المرأة للسوق بمفردها ..
بما ان الزوج .. يرى لبسها .. وعباءتها ونقابهاااااا ..
الاشكالية الكبرى ..والمؤلمة حقا..
عندما تكون .. المرأة .. على سنقة عشرة ..
وزوجها بجانبهاااااااا .. يتسوق معهااااا !!!
قسم بالله .. بس ودي أسأله ..
وين غيرته ؟؟ !!!!!!
ودي بعد .. :b4:
فهذا أقل ما يستحقه
تقبل تحيتي .. أخي المتزن ,,
أخي المتزن ..
قرأت الموضوع .. كاملا ..
واستمتعت فيه ..
الكثير ..قد نراه .. يحمل ازدواجية .. بين اعتقاده .. " ما يعتقده ُ.. صحيح "
وبين سلوكه .. الذي يحتم عليه .. مواكبة .. ما يراه صحيحا ومناسبا .. لزوجته وأخواته ..
وفقا لواقعه ..
فنراها نحن ازدواجية ..
وهي في الواقع .. ليست كذلك ..
فلا تلبس الجميع .. التهمة ..
سواء أفصح بما يحمله اعتقاده .. أم .. لا .. ,,
الأمر الآخر .. أخي الفاضل ..
لا أرى .. اشكالية .. في نزول المرأة للسوق بمفردها ..
بما ان الزوج .. يرى لبسها .. وعباءتها ونقابهاااااا ..
الاشكالية الكبرى ..والمؤلمة حقا..
عندما تكون .. المرأة .. على سنقة عشرة ..
وزوجها بجانبهاااااااا .. يتسوق معهااااا !!!
قسم بالله .. بس ودي أسأله ..
وين غيرته ؟؟ !!!!!!
ودي بعد .. :b4:
فهذا أقل ما يستحقه
تقبل تحيتي .. أخي المتزن ,,
أهلاً وسهلاً بك أختي الفاضلة / فاطمة الوليعي
فنراها نحن ازدواجية ..
وهي في الواقع .. ليست كذلك ..
فلا تلبس الجميع .. التهمة ..
اللي كلامه مناقض لواقعه - كما هو حال من ذكرناهم - , فهو أحد شخصين :
إما أنه كاذب منافق , أي أنه ينتقد السلوكيات التي يراها المجتمع خاطئة مع أنه هو شخصياً مقتنع بها ..
أو أنه ضعيف لا شخصية له , أي أنه يتفق مع المجتمع الذي ينتقد تلك السلوكيات ولكنه لا يستطيع تغيير واقع زوجته أو أخواته أو بناته .
وفي كلا الاحتمالين , تظل هناك أزمة في الرجولة .
الأمر الآخر .. أخي الفاضل ..
لا أرى .. اشكالية .. في نزول المرأة للسوق بمفردها ..
بما ان الزوج .. يرى لبسها .. وعباءتها ونقابهاااااا ..
بالنسبة لي , فأنا أرى إشكالية خصوصاً إذا كان الرجال فاضي وما عنده شغل .
يعني الإشكالية وانا اخوتس مهوب بس باللبس والعباة والنقاب , الإشكالية بذات الرجل قبل أن تكون بحال المرأة .
الاشكالية الكبرى ..والمؤلمة حقا..
عندما تكون .. المرأة .. على سنقة عشرة ..
وزوجها بجانبهاااااااا .. يتسوق معهااااا !!!
قسم بالله .. بس ودي أسأله ..
وين غيرته ؟؟ !!!!!!
ودي بعد .. :b4:
فهذا أقل ما يستحقه
هي فعلاً مؤلمة وخارمة لرجولة الرجل الغيور .
لكني أصدقك القول :
اللي يمشي مع زوجته أو أخته وهي لابسة مش ولابد , هذا إما أنه عنز وما يحس بشيء اسمه غيرة أو انه واحد له قناعاته الخاصة المخالفة لقناعة العقل الجمعي في المجتمع .. ومثل هذا قد أجد تبريراً له ما دام يقول في المجالس ما هو مقتنع فيه لكن اللي يغث ويرفع الضغط لاجاك هالثور وبدا يحتسي بالمجالس وينتقد واقع الفتيات ولباسهن .
هذا اللي صدز ودك . :c6:
وتقبلي تحياتي 00
المتزن
فارس الميدان
28-04-07, 04:53 am
لمبة شارع
(يا أيها الذين آمنو لم تقولون ما لا تفعلون...)
( أتأمرون الناس بالبر وتنسون أنفسكم ...الآية)
لمبة شارع حبيبي انا اقصد ان الواحد اذا كان في بيته عيوب وهو مجتهد في هذه العيوب ما المانع من ان يكون ناصح لغيره ؟؟؟
ياخي الشيخ ابن باز رحمة الله عليه .. عنده ولد جنس ثالث يطلق عليه ( البازه ) شفه يترزز في جده
هل معنى هذا ان الشيخ ما عرف يربي عياله وما ناخذ منه النصيحه ؟؟؟؟؟؟؟؟؟
ياخي ابنائي لهم مني النصيحه والاجتهاد وان خرجو عن طوعي فهذا من ربي فوق ارادتي
واذا انا كلامي خطا .. على الكذا ماراح ناخذ من المجتمع ولا نصيحه .. لان المشياخ والناس كلها عيوب ومافي احد كامل
الواحد عنده عقل واذا اخذ النصيحه لا ينظر الى قائلها بل الى معناها يا صاحبي
شكرا لك
فارس الميدان
28-04-07, 04:56 am
المتزن
فزع لمبة شارع الله يجزاه خير وقال لك جزء من اللي كنت أبقوله ..
واضيف على ما قال إن فيه فرق بين انك تنصح الناس عن شيء أنت واقع فيه غصب عليك , وانك تتناقض مع نفسك وتنقد شيء أنت واقع فيه أصلاً باختيارك .
يعني المشكلة هنا ليست في مجرد الوقوع في الخطأ فقط , بل في الوقوع في التناقض اختيارياً . وهذا التناقض يدل إما على أنك ضعيف شخصية أو صاحب وجهين ( يعني تسذوب ) .
وفي الحالتين هناك أزمة في الرجولة .
مشكور يا فارس الميدان على مرورك وتعليقك المثري والمثير ,,
وتقبل تحياتي 00
المتزن
المتزن حبيبي نفس الكلام الي قلته حق لمبة شارع اتمنى انك تفهمه مع كل الجهات
شكرالك
المتزن حبيبي نفس الكلام الي قلته حق لمبة شارع اتمنى انك تفهمه مع كل الجهات
شكرالك
أهلين فارس :
شكلك ما نتبهت لكلامي زين !!
أنا قلت لك ما يلي :
واضيف على ما قال إن فيه فرق بين انك تنصح الناس عن شيء أنت واقع فيه غصب عليك , وانك تتناقض مع نفسك وتنقد شيء أنت واقع فيه أصلاً باختيارك .
يعني المشكلة هنا ليست في مجرد الوقوع في الخطأ فقط , بل في الوقوع في التناقض اختيارياً .
لو تأملت وركزت على اللي باللون الاحمر , كان اتضح لك إن ردك على لمبة وعليّ مهوب صحيح ولا يعتبر حجة لأنك تتكلم عن موضوع وانا أتكلم عن موضوع ثاني .
أوضح لك أكثر :
لما يخطي ولد الشيخ ابن باز , ما يعني ان خطأ الولد ينسحب على ابوه اللي هو الشيخ ابن باز , لأنه لا تزر وازرة وزر أخرى ..
لكن موضوعي يتحدث عن خطأ الشخص نفسه مهوب خطأ غيره .
فاللي يجدع مرته أو أخته بالسوق لحاله ويروح يقعد يهمق بالمجالس عن كثرة المغازل والتبرج والسفور , هل هو مثل اللي ولده يفرّط من اليدين ؟؟؟!!!
الأول يقدر ينزل مع زوجته أو أخته للسوق وتنحل المشكلة , لكن الثاني ماله إلا انه يفعل السبب بتربية ولده التربية الحسنة والله الهادي .
فهمت وانا اخوك ؟؟! :)
وتقبل تحياتي 00
المتزن
فارس الميدان
29-04-07, 04:49 am
المتزن
لو تأملت وركزت على اللي باللون الاحمر , كان اتضح لك إن ردك على لمبة وعليّ مهوب صحيح ولا يعتبر حجة لأنك تتكلم عن موضوع وانا أتكلم عن موضوع ثاني .
أوضح لك أكثر :
لما يخطي ولد الشيخ ابن باز , ما يعني ان خطأ الولد ينسحب على ابوه اللي هو الشيخ ابن باز , لأنه لا تزر وازرة وزر أخرى ..
لكن موضوعي يتحدث عن خطأ الشخص نفسه مهوب خطأ غيره .
فاللي يجدع مرته أو أخته بالسوق لحاله ويروح يقعد يهمق بالمجالس عن كثرة المغازل والتبرج والسفور , هل هو مثل اللي ولده يفرّط من اليدين ؟؟؟!!!
الأول يقدر ينزل مع زوجته أو أخته للسوق وتنحل المشكلة , لكن الثاني ماله إلا انه يفعل السبب بتربية ولده التربية الحسنة والله الهادي .
فهمت وانا اخوك ؟؟!
وتقبل تحياتي 00
المتزن
اهااااااا
ايه فهمت الحين
انا فهمت خطا .. انا اسف
والله صدقت
شكرا لك اخي المتزن
the-moon
29-04-07, 02:35 pm
8
8
8
تحس إنه مل منه قال خل أسكته هع
فارس الميدان
29-04-07, 03:07 pm
ذا مون
8
8
8
تحس إنه مل منه قال خل أسكته هع
8
8
8
لا والله بالعكس
المتزن كلامه صحيح
انا كنت فاهم شي والمقصود كان شي ثاني
المتزن على اسمه متزن الله يجزاه خير
لا والله بالعكس
المتزن كلامه صحيح
انا كنت فاهم شي والمقصود كان شي ثاني
المتزن على اسمه متزن الله يجزاه خير
مشكور يا فارس , وخل عنك الأولاد المشاغبين .. لا يهمونك .
وتقبل تحياتي 00
المتزن
vBulletin® v3.8.8 Alpha 1, Copyright ©2000-2025, vBulletin Solutions, Inc Trans by mbcbaba