خلاص تعبت من العزوبيه تكفون زوجوني

[فاقد الحنيه]

السلام عليكم



شلون الحبايب اليوم ان شالله بخير


والله لكم وحشه من زمان ماشفناكم <<<< اقول اخلص علينا


طيب طيب


المهم البارح بالليل قعدت اهوجس لحالى ومن ضمن الهواجيس اللى خشت بنافوخى ؟؟
معليش ممكن توضيح بسيط للى مايعرفون النافوخ ؟؟ النافوخ هو اعلى الهامة اعلى الجمجمة بالوسط << يقالك وضحت هالحين ؟؟
كمل كمل اللة يصلحك وخش بالموضوع على طول انت وتوضيحاتك اللى زى خشة وجهك ؟؟؟
المهم من ضمن الهواجيس انى قررت اتزوج اية قررت اتزوج بالعربى قررت اخربها ؟؟؟
عاد صح انى قررت اخربها واتزوج بس بشروط وشروطى يمكن تكون صعبة لاكن ماهى مستحيلة ؟؟؟
ابى شريكة حياتى تكون ماهى بيضاء ولا سمراء ابيها زرقاء وعيونها برضة زرق ؟؟؟ بس هاة
العيون صدقية مهب لابسة عدسات ؟؟؟ ترى حركات بنات هالايام عارفينها مظبوط
وبعدين الرموش اهم شئ عندى الرموش ؟؟؟ تكون ثنعش سانتى << مواصفات قطو هاذى يابو الشباب
؟؟ بكيفى ياخى مهوب انا اللى ابى اتزوج ؟؟؟ ابيها من الفسقة ننشر عليها الغسيل من طولها ؟؟



وبعدين بالنسبة للطول تكون طويلة ؟ بس عاد مهب طويلة مرة نبلش لا جينا نشتريلة تنانير ؟؟
ولاتكون قصيرة مرة ؟؟؟ يعنى بالعربى اذا مشت جنبى مانصير رقم عشرة ؟؟؟
بعدين ابيها رياضية تشجع المنتخب ؟ ابيها اذا شاتت بلنتى هدف مافيها كلام زى ماجد اللة يذكرة بالخير
واذا مسكت الكورة ماودك تطلقة من رجلينة ابد زى الثنيان بالعربى زى العويران بالظبط ؟؟؟؟؟




ابيها ماتحب السوق ؟؟ اكرررررر ماتحب السوق ؟؟ مهب ماتصدق على اللة ان الاربعاء جاء الا زانة
على راسى مشينا للسوق ؟؟ واذا قلتلة اقول اهجدى بس وامسكى ارضك بلا مهايط ؟؟ اعفطت وجهة
وخرطمت وقالت ياربية وش حيثة رجل بنت خالتى حصة دايم يروح ؟؟؟ الحمد للة يعنى
لا صار زوجها صحيح وكمخة ودردغانة اصير زية



وابى فتاة احلامى ماتكلم كثير ؟؟ يعنى كلمة ورد غطاها ؟؟ مهوب لاقلت لة وش لونك اليوم ؟؟ تقص لى
قصة حياتة ؟؟؟




ابيها دلوعة انثى ؟؟ اية عادى انثى ؟؟؟ مافى مانع يكون لها سنون بارزة ؟؟؟ على الاقل نستفيد من
اسنونها يامعود ؟؟؟ اللة من مرة ومرة رحنا للثمامة معنا قوارير ببسى وتوهقنا بفتحها؟؟؟



وبعدين ابيها ثقيلة مهوب ثقيلة جسم لا ؟؟ ثقيلة بكلامها ؟ ابيها ماتطلع الكلمة الا بطلعة الروح ولو تطلع روحها وهى مانطقت يكون احسن واحسن <<<< تاقصين فضايح حنا تقعد كل من شافت هذرت لة
وابيها ماعمرها سافرت للخارج ابد ابد ابد ؟؟؟ ابيها اذا ابعدو واهلة راحو الخرج او الدرعية ؟؟
ناقصيين مصاريف سفرات للخارج بعد ؟؟ ابى اذا وديتها للشرقية شهقت ؟؟؟واذا وديتها لجدة قالتلى ترى مامعى جواز ؟؟؟
ابيها ذكية ولماحة وسريعة البديهة ؟؟؟ مهب اذا سولفت معها بدت اتهوجس وش تبى تلبس بعرس
بنت خالتة مزنة ؟؟؟



ابيها اذا قلت ثلث الثلاثه كم تقول عشره <<<< وجع
ابيها اذا قلت واحد زايد واحد تقول اثنين ؟؟؟؟ <<< لا ياشيخ
ابيها راكدة ؟؟؟ مهب مطفوقة كل عرس لة ثوب ؟؟؟ معصى ؟؟ معصى ؟؟ معصى ؟؟ كل ثوب لثلاث
عروس ماعندى مشيوف خلاص شافوة الناس مانى لابستة ؟؟ خير ان شاء اللة واذا شافوة الناس
خلاص صار كخة ؟؟؟ لا ولو بيدى خلتها تروح للعرس بجلابية احسن واوفر ؟؟؟ بنات اخر زمن ؟؟؟



ابيها اذا مشت شوى شوى ؟؟ مهب مطفوقة مثل بنات القرى اذا جو يتسوقون بالفيصلية ؟؟؟
ربع ساعة وهى فارتن السوق كلة ؟؟ وقاعدة بالمطعم اللى فوق تزهم على خواتها انجزوا يامال
الضربة ماقضيتن الى الحين ياسملج ؟؟؟




ابيى فتاة احلامى رقيقة مثل سنبوسة رمضان دقاقة مثل زوجة بباى ؟؟ حليمة مهب زى حليمة بولند
لا ... يعنى ماتزعل بسرعة ؟؟؟ مهب لاقالت ودنى لاهلى وقلت لا ... خرطمت اسبوع ؟؟؟
ياللة عاد وش يرضيها واللة ولا باسكن روبنز ؟؟؟؟؟
مو مهم تكون جميلة ؟؟؟ بس تكفووووووووون تكون اخلاق ... اخلاق ... اكرررررر اخلاق ؟؟؟؟
اذا لقيتوها اكون شاكر لكم بالحيل ؟؟؟ مع انى مانى متفائل كثير



سلام
منقوووووووول؟؟؟

[ابوراكان@ASM]

معليش مواصفاتك مش ولابد؟ بالنسبة لي؟ حيث أني متزوج يعني صاحب تجربة؟
عموماً خذ بعض المواصفات:
* عليك ببنت العايلة المعروفة حيث هناك عوائل ما أدري من وين طلعت أسماء غريبة عائلة مغمورة؟لأن ذلك سيتأثربه أولادك بعدين؟ وش هالخوال قضت العوائل عشان يصيرون هؤلاء خوالي؟
* والحقيقة الأقارب عندي أفضل من الغير؟ وذلك أقل شي إنك إذا حضرت مناسباتهم ماتصير غريب ؟ كأنك داخل على أي ناس عندهم مناسبة بدون دعوة؟ وكذلك ستلاحظ على العائلة الغريبة عنكم عادات ترفع الضغط؟!
* وبالنسبة لمواصفات الزوجة ترى الركادة زينة ولا تمل من البحث والتحري؟ وعليك بسؤال أرجال بناتهم إن وجدوا حيث هم يبخصون العيلة جيداً؟؟؟
وسأل عن أخوتها هل هم أصحاب شهادات ووظائف جيدة وهل هم راعين دراسة؟ وإلا طبل؟ ( أبعد عن الأغبياء ترى عيالك يبي يطلعون عليهم؟!
بعدين أحذرك تاخذ أكثر من 18-19 سنة؟ والله إن تعضها ندامة حيث المراءة تذبل بشكل سريع حيث ما إن تبلغ الثلاثين إلا وتشوف معك عجوز ترفع ضغطك وغيرك يلاعب البنيات مع العلم أنهم تزوجو قبلك؟
وابعد عن السمينة ( الهرة) والله إن تقضي على مالك في الأكل وبرامج التخسيس ودون فائدة؟ وقرفها؟
والله الله بالبياض لايهمك قولتهم سمراء؟ ومن هالخرابيط ؟ فوالله إن شفت إيدين وحدة بيض وإيدين زوجك سمر إن تكره وتلعن الساعة اللي تزوجت بها هالمرة؟ هذه الإيدين فما بالك بكامل الجسم؟؟؟!!!!لاصار يلق؟
وانتبه للرقبة لايصير راسه مقعد تقعيد تقول لمبة سور؟! ترى بناتك ماراح يصير لهم أرقاب مثل أمهم الكسرة؟!
كذلك عليك بالكشخة المغرورة إيه المغرورة لا تستغرب من كلامي والله ماتندم؟ لايهمك طبخ ماطبخ ؟ الأكل أمره سهل ؟ وعليك بالمثقفة بكل شي اللي لا قعدت معه تسولف إلى معك وحدة تناقش صح؟ ماهيب دلخة؟ ماتدري وش اللي قاعد يصير حوله؟
كذلك الله الله بالحيوية اللي ماتقدر تشوفه إذا مرت من عندك بالبيت من سرعته ؟ ماهوب الميته اللي يالله تمشي؟!بعدين إذا كان لها خوات أكبر منها أبعدها عنهم قدر المستطاع تراهم شر منزل؟!
عموماً الموضوع طويل لكن باختصار لا تستعجل لا تستعجل ترى المنة لك واتشرط ولا يهمك أحد وأحذرك تدخل على وحده ما شفتها من أولها حتى آخرها ؟ وطعني ركز على الوجه لاتشوف الجسم ثم تضيع وتوافق؟ دقق بوجهها وبحلك فيه؟!تراه أهم شي وأهم شي الخشم والفم لا يصيرن هن وجه من كبرهم؟؟؟!!! ومن أول ليلة علمها بطباعك وما تريده منها بالضبط في حياتك معها؟ وماعليه دلعها إذا كانت دلوعة؟ ولا تبخل عليها بشي إذا كانت تستاهل؟ ولا تربطها بأهلك ترى ماله دخل بأهلك أنت اهتم بهم ويكفي؟! تحياتي

[دينا]

اقول ما اصلح انا----------------------هذه العضوه قطعه الحياء
ههههههههههههههههههه
والله انك ضحكتني انا اتوقع الا اثق انك من هالي يدورون بالمملكه والفيصليه
24 ساعه
وبنسبه لمواصفاتك انا مستعده ادورلك
بس هاه ماقلتلي كم السعي؟؟؟؟؟؟؟؟؟؟؟؟؟؟؟؟

[ولــد بريــدة]

خارج التغطيه

[Tulane]

وات ايز زيس؟؟؟؟؟؟؟؟

[اتعبني خطااااك]

تصدق ذكرتني بوحده يعني
مااادري وش اقول من زينها
الدلع والحلا والجمال والشياكه واااااااااو ماشالله عليه
بس قصيره كنه طفله
ومن عايله محترمه ومعروفه

مادري ليش رديت اقصد ماودي اوصف احد
ــــــــــــ بسني حبيت اشارك

[طحينية طعمة]

ههههههههههههه
وش هالمواصفات أجل تبيها تشجع وتعرف تلعب ما خليت شي

لي مداخله بسيطه على ابو راكان
بعدين أحذرك تاخذ أكثر من 18-19 سنة؟

مقياسك هذا أحس ان فيه إجحاف نوعاً ما
معناته اللي عمرها فوق العشرين خلاص عانس ؟؟

[قهررررر أحبه]

حلم أبليس باالجنة ولو لو تزوج نفس المواصفات اللي قلتها أو أحلا منها كلها شهر أو شهرين وتمل منها والله أن تلعنه وتشتمة هذا طبعكم ياالسعوديين وأنا من وين ...!!!

المهم خابر لك وحده لأطه تجنن توب المواصفات وش رايك ...
تبغى زوجة تحبك بجنون
وتسمع كلامك بصدر حنون
وتغني لك وحشتني يامفتون
وإذا شافت أعيال لبنان
قالت:كش على هاالشيون
مايسوون رمشك يامزيون
وإذا زعلت ترضيك بمليون
وإذا طالعتة
قالت: أرحميني ياالعيون ...!!!
ردد ((( ياليل ماأطولك )))

[دينا]

ههههههههههههههههههههههههه ردد يالليل مطولك
حلوه قهر
بس حنى يالبنوتات نبي ناس تفتح النفس
نبيه اخلاق وأدب نبيه واثق ونبيه من الي شخصيتهم قويه قول وفعل مومن هالمراجيج
نبيه شكل يعني ابي اقول اذا شفت ماجد المهندس بروتانا اقول وع مو احلى من زوجي
نبيه حنون و و و و و و
يعني مو بس انتم ياشباب تتطلبون وحنى مالنا نفس
وعندي طلب لكل شاب قبل مايتزوج --ياخذ له مرايه ويطالع وجهه ويطلب مواصفات
على قده-------- اذا سوو كذا انا اتوقع ان كل العوانس ب2008 ملكات جمال

[الخيّال]

وات ايز زيس؟؟؟؟؟؟؟؟






ههههههههههههه متعلمه من مصريه إنجليزي انتي ولا مصري وشو وت إز زيس

ههههههههههههههههههههههههههههههههههههههه لاتكونين جاده بس الخربطه بالجمله هي زيس المفروض


ذس يعني بالإنجليزي تصير what is this هههههههههههههه<<<اقول ما ودك تعظ على إبره


لكن الموضوع كل سطر اضحك ياليت بعد كل سطر كل كلمه

[فاقد الحنيه]

سررت بمروركم وتقبلو خالص تحياتي
اخوكم فاقد الحنيه

[Tulane]

ههههههههههههه متعلمه من مصريه إنجليزي انتي ولا مصري وشو وت إز زيس

ههههههههههههههههههههههههههههههههههههههه لاتكونين جاده بس الخربطه بالجمله هي زيس المفروض


ذس يعني بالإنجليزي تصير what is this هههههههههههههه<<<اقول ما ودك تعظ على إبره


لكن الموضوع كل سطر اضحك ياليت بعد كل سطر كل كلمه

ههههههههههههههههههههههههههه ي ابن الحلال هذا علشان اعلمك ان عندي ثقافة في اللغات

2 في 1 مصري + عنقلش من قدي هههههههههههههههه

[عيو نكم]

خارج التغطية

[الفتـ الذهبي ـى]

هههههههههههههههههههه


معذور..

[ابوقش]

غير موجود بالخدمه مؤقتا

[قهررررر أحبه]

أن جيتي للحق والواقع والله أني أحلى منه بس ماحب أقول وأسوي فتنة باالمنتدى وأنتي خابرة هاالشيء مايخفى عليك . بس خابر لتس يادنيا واحد يشبه ماجد المهندس نسخة أصلية منه مثل مايقولون تفله بجدار هو وياه هههههههههههههههه
الفرق اللي بينهم أن ذاك يغني كسرات بس

بس أنه طالع بوجه ناسور شفتي الحظ وقبل كم يوم طاحت على وجه سخانة وصار وجهه تقل زنوبا مايعه من حرارة السخانه .. يبغى له شوي عملية تجميل ويحلو , وأنتي عاد عيشي معة على الماضي كل ماكرهتية ناظري صورته حقت زمان ...

عاد أنتي خابره وحده مثل بسكال عز الله أن مشعلاني جاب بنوتة ماخيب الظن متعوب عليه الله يقرفة هي وأبوه .. أنفعي لو مره يادينا والله من قلة

[دينا]

تامر قمرررر تبي وحده مثل باسكال تامر امر بس ها
ماجبت طاري السعي--------خسرانه من هالاسهم وتعوض بي طريقه

[قهررررر أحبه]

خلاص يادينا بخليتس تدورين على سيارتي ...
مو تسوقينها لا ياعيني ,,, تدورين علية برجليتس كم دورة لين تتعبي .. وأظن السعي وصل يادينا ... هذا أكبر مكسب لتس ههههههههه ... يالله عاد دوري والله من زين الذوق يالله يالله كود أعطيس الصورة وعساتس تعرفين