ما اريد اتزوج مطوع

[بريداوية وأفتخر]

مابي أتزوج مطوع؟؟؟

--------------------------------------------------------------------------------

" ما ابي مطوع ما ابي آخذ واحد امطوع "



اللحية تخرعني!!!!!!!


أستحي اتمشى وياه ..!


ثوبه قصير ..؟؟!!!


أبي واحد يونسني ..؟؟!!




للأسف الشديد ليس فقط المتكلم هنا هي فتاة في السادسة عشرة من عمرها
او في سن المراهقة

بل أصبح هذا هو رأي حتى المدرسات و المثقفات
و حتى الدكتورات في الجامعات ..!




لايريدون من يتبع سنة الرسول عليه افضل الصلاة والسلام
يستحون من مرافقة من يتشبه بحبيبنا ورسولنا ..

ولا تعلم أن العزة والشرف في ذلك

تتحجج تقول لا أريد أن اعيش حياة معقدة
تظن أن الملتزم بالدين لا يضحك ولا يمرح ولا يذهب ولا يأتي
تظن أن حياته كله جدية في جدية وهي العكس في كل شيء
لماذا هذه الصورة السيئة للشبابنا الملتزمين
""" مع أن الدين ليس فيه الفاض ملتزم وغير ملتزم الواجب أن الكل يلتزم بتعاليم الدين """
كثير من الفتيات تضيع حياتها مع شاب طائش خوفاً من ذلك الملتزم ...
برأيكم ما هو السبب وراء رسم هذه الصورة السيئة لمن تمسك بدينه حق تمسك الأعلام أم التغيرات التي تطرأ علينا أم ماذا
ما رأيكم في هذا الموضوع ؟؟؟؟؟

[هامة حاسوبية]

في الحقيقة هذه نظرة الكثيرين للأسف

حتى أن أحد زميلاتي وهي فتاة عاقلة تقول : " بسم الله علي ، مابي آخذ مطوع يعقدن !! "

بانتظار آراء الجميع

وأحب أن أقول أن (بعض) الناس إذا تمسك بدينه يأخذه الحماس دفعة واحدة بلا تدرج

فتراه يغضب لأبسط الأمور ويحاول - بالغصب - إقناع الآخرين برأيه ولايدع لهم مجالا للحديث

نقول لهم : مهلاً مهلا ً فأنتم على ثغر عظيم من ثغور الدين

بشروا ولا تنفروا

كن داعيا بأخلاقك قبل أن تكون داعيا بلسانك

فبعض الناس ينفر من الدين لسوء طباعك

[بريداوية وأفتخر]

كن داعيا بأخلاقك قبل أن تكون داعيا بلسانك
صدقتي بقوولك لهذي

وشاكرة لكـ مروركـ الجميـــل وعلى ردك وتعليقكـ للموضووع

مع خالص تقديري وأخترامي
بريداوية وأفـــتخر

[الحداري]

خلوهن على راحتهن كل وحده تتزوج الشاب الي تحلم فيه والحين البنات يخافن من الملتزم خاصة بعد تشويه الإرهاب لهم

مشكووووووووووووووووورة أختي على الموضوع ننتظر جديدك دمتي بخير

[الكبري]

لعلنا نقول أن كل مجموعه محددة وصغيره من الناس متشابكة الفكار يكون لها نظرة محددة في الحياة ،

أما الملتزمين فهم أناس تظهر سمات التقى والصلاح في سيماهم ،

وهم جزء منا ولافرق بيننا وبينهم منهم أخ أوأب أو زوج أو زوجة أو قريب أو صديق ،

وللحق لافرق بيننا إلا إنهم للورع أقرب ، ومجتمعنا بكامله أقرب للتدين ،

والأشخاص يختلفون فيما بينهم من توجهات ونظرات وتفكير ،

ولعل الملتزم يخاف الله في زوجته اكثر من غيره ،

ولو نظرنا بشكل واقعي لوجدنا انفسنا كلنا ملتزمين ،

والملتزمين لايعيشون في صوامع منعزلين عنا ،

تحياتي

[عيون الصقر]

يازين الوسط .. مايكون محمض ولا يكون ضايع .. وينطبق الكلام على البنت بعد

[سماءنجد]

السلام
وانا ارد عليها واقول

ا ما أبي مهستر ما ابي اخذ واحد طااايش

الذقن المحلق يقرفني... احس معه إني بجنب مزنه ولا رقيه
استحي امشي وياااه
ثوبه يسحبه ورااه ...كأنه متعاون مع البلدية
ابي واحد متدين ...
بدينه يسعدني .....
وبأخلاقه يزيني .....
انا مو همتي دنيتي ..انا ابي واحد يبني معي اخرتي ..مو واحد يهدم دنيتي قبل أخرتي
انا ادور من احصل معه سعادتي الدايمه .....موسعادة ساعه وبعدها حسره الف ساعه

ماهمني مشهد مسلسل ولا مقال فاسق ........وكل من شوهوا سمعة الملتزمين
حنا لنا عيون تشوف وعقول تحكم....اقولها لكم ياااااكل الناعقين

[خطر125]

من اتاكم ترضون دينه وخلقه فزوجوه

[لمبة شارع]

يميل الناس في العادة الى تقسيم بعضهم البعض وفق مجموعات محددة سهلة التصنيف جاهزة التطبيق....والسبب هو رغبة الناس في تقليل العناء في معاينة الافراد والتمعن فيهم ثم تصنيفهم وفق تقسيمات اوسع وأدق...

اسهل شيء هو ان تقول ببساطة...مطوع ...زقرتي....بدوي..حضري..قروي ..الخ..

ولذلك يريح الناس انفسهم من متاعب التأني والنظرة العادلة تجاه الآخرين المحيطين بهم....


تزايد استعمال هذا التصنيف (مطوع) منذ بدايات الصحوة قبل 25 عام تقريبا...فقد اضيف الى قاموس الناس مصطلح تصنيف جاهز سهل التطبيق..فبمجرد النظر الى الشخص او التحدث اليه قليلا ستقوم بتصنيفه في خانة معينه من دماغك باعتبار انه ملتزم أو زقرتي وينتهي الأمر....

هذا خطأ شائع يرتكبه الناس دائما ولا يزالون....

صدقوني لا يوجد شيء اسمه مطوع ...ولا شيء اسمه زقرتي...لاتصنفو الناس هكذا...انكم تظلمونهم وتظلمون انفسكم وتساهمون في استمرار خداع المجتمع عبر تفعيل هذه التصنيفات...

وبغض النظر عن تفاصيل ذلك أقول ان ازمة الجيل الاجتماعية هي( أزمة مرجلة)...الجيل يعاني من ازمة المرجلة بشكل متفاقم...هناك طفرة في (البزرنة) وتناقص المروءة والكفاءة الرجولية...

ابحثوا عن الرجل ...والعثور على الرجل يحتاج الى ماهو ادق واعمق من منظر لحية او ثوب قصير أو سوالف جانبية او بنطلون رخو...

ليس الكفؤ او عدم الكفؤ محصورا في منطقة مطوع وغير مطوع وهذه الاسماء التي ما انزل الله بها من سلطان ....

سامح الله من كرس هذه المفاهيم....

اؤكد على مداخلة اخينا الكبري حفظه الله...

[اسمر ومملوح]

لواتفقت الآراء لابارت السلع ..!!


اختي العزيزه .. اعتقد ان هذه النظره تولدت بسبب مانسمع من قصص عن الملتزمين ..


احدى النساء زوجها ملتزم لاتخرج للتسوق .. لأن زوجها يرى انه لافائده من ذهابها .. وإذا ارادت شيئاً جل ماعليها هو الطلب منه وهو يحضره ..

ايضاً تقول .. في الصباح يكون في عمله .. الظهر يأتي للمنزل يتغدى ومن ثم ينام .. يصحى لصلاة العصر .. ومن ثم يذهب لتدريس طلاب الحلقه .. وفي المغرب يذهب لحضور احدى الدروس الدينيه .. وبعد العشاء يجتمع مع اصاحبه لكي يتدارسو فيما بينهم .. وفي الساعه العاشره يأتي للمنزل .. ومن ثم يدخل مكتبته ويقرأ فيها حتى يغلبه النعاس .. ومن ثم ياتي للفراش ( وياخذ المقسوم ) .. وبعد ذلك يخلد للنوم .. وهكذا حياته ..!!

طبعاً ليس جميعهم .. ولكن هذا نموذج منهم .. وهو الذي اعطى هذه النظره لهم ..!!


القصه حقيقيه .. والله على مااقول شهيد ..


تحيه وتقدير

[الرأي الأول]

مشكلة الكثير يقيس نظرته بالاخرين بالشكل

ولكن كما هناك شواذ للملتزمين هناك شواذ لغيرهم

التعامل والاخلاق والاحساس بالاخر موجوده بالجميع

اذا الملتزم غير مرغوب فيه اجل المستهتر كيف يكون وضعه

الايام اثبتت ان الملتزمين هم افضل من يصون بيته ويربى ابنائه

لكن بشرط عدم المبالغه

[غيدا]

انا عن نفسي ما ابغى الا شاب يخاف الله...بغض النظر عن....مطوع او غير مطوع....والشكل

مو مهم....بس يفضل...شاب وسيم وحليو....ويخاف الله....يعني اسمر مملوح.....

ومو مهم الجنسية....ولكن يفضل....سعودي

[قهررررر أحبه]

أنا برأيي مطوع موب مطوع شيء واحد أهم شيء أنه يحافظ على زوجته ويستر عليه ...
وفيه مطاوعه للاسف متشددين باالمره مخلي حياة زوجته نكد وقرف مانعه من الاسواق ومن حضور زواج ومن التلفزيون وغيره من الأشياء اللي مافيها لا أختلاط ولا تبرج بس أقاله هو الوحيد اللي يخاف ربه ...
وفيه رجال مو ملتزمين يساوون الف رجل ملتزم من ناحية أخلاقه ومحافظته على أهل بيته . ممكن يكون مظهره مو مبين بس جواه أحلى من مظاهر بعض الملتزمين إذا كانوا معقدين للاسف ...
فيه بنت تزوجت من واحد مطوع , سكنه مع أهله ببيت واحد , أول زواجهم كان مقابلها أربع وعشرين ساعه , وبعدين كثرت طلعاته وقليل يجلس معاها وهي ياحول دايم جالسه لحالها بين أربع جدران وملت من الشيء هذا , وطلبت منه أن يحط قناة المجد ورفض الله يجيركم متشدد باالحيل , وحاولت كثير معه بس للاسف رفض , وملت من االوحده اللي هي فيها , هي ملتزمه شوي وكرهت الحاله اللي هي فيها وكرهت الملتزمين , وإذا جت لبيتنا ياحول بدت تعبي جواله من المقاطع الفديو والاصوات عشان لجلست لحاله تلهي روحه منه , تشوف المقطع ألف مره بس وش تسوي ياحول هذا اللي أقدرت عليه من هاالتافه ,,,, قصه حقيقيه

نصيحه لكن يابنات لا تتزوجن مطوع شوري عليكن ماخذ الحياة بشده وقوه وعنتريه ...

تحياتي لك يابريداويه

[هامة حاسوبية]

قهررر أحبه

يبدو لي أنك لاتزالين صغيرة السن

عزيزتي ستعطيك ِ الحياة دروسا مع الوقت

فأنت وحتى الآن لم تكتسبي خبرات كافية

ولم تفهمي الحياة جيدا

الحياة أكبر وأوسع مما تتخيليها

لن أتكلم ، فالأيام ستعطيك ِ دروسا كافية

لك ِ تحيتي

[آHــــــــــاT]

شكرا اختي بريداوية

لكن لا بد من ان نفرق بين مطوع وله لحية

فالمطوع او الانسان الملتزم هو الذي لابد من كل امرأة ان تختارة وتتمناه

[حجازيه وافتخر...]

وانا اقول نفس راي بعض الاخوان والاخوات المهم انه يخاف الله فيك ياكم بنات تزوجو من شباب مايعرف وين القبله وكانت هدايته على يدها

امنى التوفيق للجميع واذا جا النصيب تراه مايعرف لا مطوع ولا غيره

[Silent Hill]

مدرى الى متى تكموووووووووووو ن على الاشخاص من اشكالهم



اعتقد انتهى زمن الحكم بالاشكال

[هين هين]

بريداوية وافتخر
الوسطية
خير الامورالوسط
ملتزم يخاف الله في زوجتة ومن حوله ويتبع سنة نبيه
خيرآ من لايخاف الله
يحياتي

[الافق]

شكرا اختي بريداوية
في الحقيقة هذه نظرة الكثيرين للأسف
مابي أتزوج مطوع؟؟؟
بإختصار أنتي الخسرانه ..


تحياتي

[ولــد بريــدة]

صار الموضوع طلبات زواج

احلى تحيه لسماء نجد كلامك كله حكم

خذ الحكم من افواه الحريم

[قهررررر أحبه]

سماء نجد خليك عانسه لاتتزوجين أبد دام هذا تفكيرك العقيم ياماما ... يعني مايدخل الجنه ألا مطوع ولا راح يعينك على دخول الجنه ألا مطوع وش هاالبنات من طالعات

[Queen of buraydh]

الله

اتمنى ان الله يوفقني بانسان يقوم في آخر الليل ويصلي ويصحيني معاه .. يمسك بيدي ويوصلني لطريق الهدايه ويمنعني مما يغضب الله .. ويدلني على طرق الجنه ..


للاسف .. بهالزمان ما اعتقد في رجل ملتزم ..

[قهررررر أحبه]

هامة حاسوبية يبدو لي أنك خابزة الدنيا وعاجنته ياوزيرة الثقافة ... لبستي عباة البارح وجيتي الحين تعلمينا باالدنيا وتبخصيننا فيها ...
المواضيع هذي خليها لاأهلها . روحي تعلمي الطبخ وتنظيف البيت عشان تصير ست بيت باالمستقبل .. أنا ودي أدري وش حاشر بعض البنات بمواضيع مايخصهم . خلاص تقول رايه وتحط بفمه بسكوت ... داخله على الطوع شلف أختنا باالله
يبدو لي أنه لايزال تفكيرك عقيم متحجر للآسف ...
وعلى فكرة عقليتي توزن قبيله أنا اللي أعطي الحياة دروس مو هي تعطيني يامتعلمه ولا راح أبخل عليها بعد من خبراتي ...
طيب بسألك كم مساحة الحياة على قولتك الحياة أكبر واوسع ... بعد دخلتن باالجغرافيه هذا اللي ناقص طالت وشمخت...
ألا بيفرضن سيطرتهن بكل مكان هاالبنات , مصدقات أنتن أن لكن دور باالحياة لا ياأموره , أنتن تعرضن مواضيع تستشيرن الشباب بس تعرفون رايهم بااللي يصير وتاخذونه بدون تردد . وألا لو يوخذ براي الحريم كان الدنيا عليها السلام ...؟؟؟؟
تقل مافيه أرجال ألا المطاوعه وش هاالخرابيط أنا حر برأيي ماحطت بريداويه الموضوع ألا كلن يقول رأيه واللي مو عاجبه كلامي يقراة ويسكت هو غصب الشيء أني أحب المطاوعه

تحياتي بريداووووووووووويه

[محبك يابريده]

فتشو عن الجوهر واتركوا المظهر مشكلة ان الناس في مجتمعنا لازالو ممن يرى الناس من خلال الشكل الخارجي
الله يوفق الجميع لما ترتضية قلوبهم

[moar741]

مع أن الدين ليس فيه الفاظ ملتزم وغير ملتزم الواجب أن الكل يلتزم بتعاليم الدين

كلمة ملتزم هذه كلمة ارى انها دخيلة

فالمؤمنون كلهم ملتزمون فلماذا اطلاق هذه الكلمة فتجد البعض يطلق مسميات غريبةةةة على بعض المحلات كـ ( خياط الالتزام) وحلاق الالتزام أو (خياط الملتزم ) ( حلاق الملتزم) ونحو ذلك فأين دور البلديات في منع مثل هذه الالفاظ التي توحي بالتفرقة بين المسلمين.

[moar741]

مع أن الدين ليس فيه الفاظ ملتزم وغير ملتزم الواجب أن الكل يلتزم بتعاليم الدين

كلمة ملتزم هذه كلمة ارى انها دخيلة

فالمؤمنون كلهم ملتزمون فلماذا اطلاق هذه الكلمة فتجد البعض يطلق مسميات غريبة على بعض المحلات كـ ( خياط الالتزام) وحلاق الالتزام أو (خياط الملتزم ) ( حلاق الملتزم) ونحو ذلك فأين دور البلديات في منع مثل هذه الالفاظ التي توحي بالتفرقة بين المسلمين.

[احاول]

للأسف ان بعض الشباب الملتزمين هو من وضع تلك الصورة المشوهه عن الشباب المطاوعه او الملتزمين كماقالت الاخت
يظن بعض الملتزمين ان الناس كلهم غلطانين وهو صح يتعامل مع الناس تعامل كافر ومسلم
ينظرالى شكل الانسان وليس الى عقله يحاسب الناس على أخطائهم ولا يغفرها لهم
لكن هذه الظاهرة ولله الحمد بدأت بالانحسار لا اقصد ظاهرة الشباب الملتزم بل على العكس اتمنى كثرتها ولكن اقصد ظاهرة التزمت في التعامل مع الناس والمواقف وابشر الاخت الكريمه
ان الشباب المطاوعه او الملتزمين الان تغيروا كثيرا وصاروا عسل وانصح اخواتي بعدم التردد في قبول الزوج الملتزم فهو ان شاء الله الاصلح بشرط عدم التزمت
بعدين اختي الكريمه نظرتك هذي قديمه بإمكانك زيارة احد المطاعم العائليه لتشاهدي بعينك ان اغلب من يزورها هم من أصحاب اللحى كما تصفينهم ( زادهم الله بهاء وطاعة )

[ابوسليمان22]

اي وحده ماتبي الملتزم علشان مايخليه على كيفه يعني (تلبس الي تبي حلال حرام .على قولتهم مذهبه وسيع .تروح للي تبي متبرجه وحاطتن كحل وعدسات ومكياج للنقاب ....الخ )

هذي عنده خلل في فهم الدين
في الوقت الحالي اكثر مايعطي الحريم وجه هم الملتزمين يشوفون اغراضهن ويسافرون بهن لمكه المدينه وينبع .
اما الأشخاص الي مهوب ملتزم مادري عنه سفرات برا والا جالس بالحوش حق الشباب لاشاف صورة المذيعات (تفل على مرته وقال هذي الحريم والابلاش الاعندنا مهوب حريم حمير وتلقى اغلب اخوياه يضحكون ويؤيدونه .)
فيه شباب عليه بعض التقصير بس يحترم زوجته ويعطيه حقوقه ولا يرضى انه تخالف الدين بالاشياء الي ذكرت سابقا.

[هامة حاسوبية]

أبو سليمان

كلامك جميل حقيقة

بورك فيك أخي

_______________

قهررر أحبه

وقتي أثمن من أن أضيعه بجدال عقيم مع أصحاب فكر منخفض

لا يمتلكون على الأقل أسلوب محترم في النقاش والحوار

تحيتي للمحترمين فقط

[@ ابتسام @]

تتحجج تقول لا أريد أن اعيش حياة معقدة
تظن أن الملتزم بالدين لا يضحك ولا يمرح ولا يذهب ولا يأتي
تظن أن حياته كله جدية في جدية وهي العكس في كل شيء
لماذا هذه الصورة السيئة للشبابنا الملتزمين
""" مع أن الدين ليس فيه الفاض ملتزم وغير ملتزم الواجب أن الكل يلتزم بتعاليم الدين """
كثير من الفتيات تضيع حياتها مع شاب طائش خوفاً من ذلك الملتزم ...
صحيح الدين ليس فيه تصنيف لكن هناك فروق بين البشر فلا نستطيع جمعهم تحت مسمى واحد .
ما اجمل الالتزام وما اروع اهله ليتنا نجدهم في هذا الزمان فهم نادرين ؛ الملتزم اذا احب اكرم واذا ابغض ترك بإحسان .
وعمر اللحية ما كانت مقياس للاشخاص ؛ بعضهم يخليها لما ينوي يخطب بعدين يستحي يشيلها وهو اخلاقه مخجله للاسف .

الشيء المحزن والمحزن جدا اني بدأت اسمع لفظ ارهابي لمن يعفي لحيته كثيرا هذه الايام .
هل من المعقول ان نسمح لانفسنا بسماع هذه الكلمة ان تطلق على من اعفى لحيته او على من اتصف بصفة من صفات الحبيب عليه السلام !!! ؛

[هماي انا]

والي مايطول العنب حامض عنه يقول

[ملامح ملكيه]

!!! اختي بريداويه الحين يقولون الرجال اللي له لحيه يصير ارهااااابيي!!!
هذا اللي خوفهم ..

واناا ابي ادري لييييييييه يقولون الرجال اللي له لحيه ارهاابي ؟؟
ادري مب هذا محور حديثكم بس هذا السؤال محيرني ؟؟
ويعطيك الف عافيه ع الطرح الرئع خيتوووو

[معلمة متميزة]

غريبة كلامك اختي بريداوية ؟؟؟ فأنا اعرف كثير من البنات يتمنن الزواج من المتدين حتى الصايعات على قولتهن يبن يتزوجن ملتزمين .(يقولن يكفي صياع نبي احد يساعدنا و يشد على ايدينا ويخوفنا بالله مهب صايع مثلنا يضيعنا ) وسعيدة من تزوجت المطوع المتدين الخلوق وياكثرهم ولله الحمد.. بس فاتتنا .لي قريبة متزوجة من مطوع . ماشاء الله عليه ماهنا سوق مايوديه إياه وماهنا مطعم مايروحون له ماهنا ديرة ماطبوه (الترجمة لغير القصيميين : يعني يذهب المطوع بزوجته للاسواق والمطاعم ويسافر بها في المدن والدول ) وعلى قولة احد الاخوان اكثر زوار المطاعم العائلية من المطاوعة .واعتقد ان سالفة التعقيد والتحكم والتشدد كان قبل 15 سنة و20 سنة واللحين يالله من فضلك اغلبهم مهب كلهم دين وتدارس للقران وتمشي مع اهله إما بالاسواق أو المدن
اختي سماء نجد كلامك صح في صح
قهررررر احبه من اختيارك لأسمك يعرف تفكيرك ونظرتك الحاسدة لكل ملتزم ومطوع ... ردود الاخوة عليك تكفي ليتك تصحي

[%اسيرة زمانك%]

انا المهم عندي ان شاء الله لمن يجي وااحد يتقدم لي اهم شي عندي مايكوون ضايع بالحيل ولا يكووون مطططووعع مرره ابيه عاادي طبيعي
اهم شي يقدر الحياة الزوجيه ويقدرني ويحبني ....ويخااف ربه ويبعد عن الحراام بس لكن انا اشكرك ياختي على الموضووع

[@الغلا@]

الرجال الملتزم يخاف ربوه اذا سافر يروح وانتى مرتحه مو مثل الشاب الطايش وهم الى يدللون المره الله يكثرهم ويوفق الشباب والبنات بالزوجات والاازواج الصالحين

[قصمنجيه]

كنت أنتقد من تنفر من الملتزم و صاحب المظهر الصالح .. و كانت الأجابة المعلبة لي حينما أتساءل
(( ماااا أبيه يعقدن )) أتساءل لأنني أعرف الكثيرات ممن تزوجن من ملتزمين و أقصد بالملتزم هو
المتعارف عليه عندنا في المظهر و الجوهر .. كانوا رجال بمعنى الكلمة , يخافون الله فيهن لا يظلمونهن
و مع هذا يتيحون الحرية لهن و من ضمنهن أثنتين من شقيقاتي ..حينما أقول يعلمونهن حقوقهن فأني
أعي هذه جيدًا يدرسونهن حقوقهن قبل واجباتهن .. فالله درهم ..

و لكن حصل أنني عرفت أن أحداهن و هي قريبة لي في الأيام الفائته , بأنها رغم حداثة سنها إلا أنه منعها _ أي زوجها_ من أن تلد عند والدتها , وهذا من المتعارف عليه عندنا أن الوحدة تجيب القعدة و هي تلد عند أمها لكي لا يقال (يحووول ماعنده أهل) .. المهم و كانت حجته أهلك عندهم قناة المجد ..!! لكي لا يراها أبنيه ..!! هنا عرفت السبب ربما أن بعض الفتايات يصادفن أناس يأخذون الدين بمظهره و يتشددون و من ثم يحصل ردة الفعل ... أما بخصوص التعقيد أجد الأقل التزامـًا هو المعقد .. فلي خال ( سربوت)
و في رواية ( سكير ) و مع هذا يمنع بناته و هن صغار أن يتعدى لبسهن كعب القدم , و لا يلبسن لا بيجاما في البيت و لا بنطلون عند خروجهن .. أكبر بناته 12 عام و أصغرهن خمس سنوات و هن أربع ..؟؟؟


التعقيد ناتج عن بعض العقول السطحية و ليس له دخل المعتقد ..

.

.
قهرررررررر أحبه .. و بعيد عنك القهر أن شاءالله .. و إلا هو قلعته .. :)
أقول وراك هبيتي في هامة .. تلك قامة يحتاج الكثيرين وقتٍ طويلاً ليصلوا ما وصلت إليه ..

دمتِ بلا قهر إن شاء الله .


.

[مــنــال]

نعم ياقصمنجيه التشديد ناتج عن عقلية الشخص فقط .

و الله المعين .

[قهررررر أحبه]

عشتي والله قصمنجيه وعاشت أيامك ........!!!!!
هامة حسوبية أحس أنك متوحمة على الطقاق معي ودك بس أن تعطيني كف ؟؟؟؟؟؟؟
المشكله أني حطيت راسي براس هاالبنت المثقفه معقوله إلى هاالدرجة التواضع ياقهرررررررررررر ياليت لي سلطة على بنات هاالوقت اللي من جنس هامة حاسوبيه وطقتة وش عرفكن أنتن باالطوع والالتزام تبن نفاق عز الله أنكن محترفات فيه أنتن مثل اللي يأمرون باالمعروف وينسون أنفسهم وهي أنتي ياهامة حسوبيه عساك ماتكلفتي على النك نيم من وين جايبته هذا اللي وصلك له تفكيرك أستغفرالله العظيم والله العظيم سبب بلاوي الزمن والفتنه منك أنتي ياهامة ياشيخه روحي أنتي وطوعك مثل مايقولون طوع مع باب الحريم ...!!!
لو فيكي خير وتخافين ربك كان مادخلتي هاالمنتدى . بدل تضييع وقتك على الفاضي تفتحين القرآن وتقرين لك آيتين وتستفيدين . لاتقولين أني أحب أستفيد وأتعلم عمر المنتديات مافيهم علم اللي يبي يتعلم معروف وين التعلم ياست الحبايب ياأم كلثوم على غفلة ....!!!
وأنتي عاد يامعلمة متميزة وش عليه ياعيني متميزة . معلمة مدارس أمية الله يخلف هذا اللي وصلتي له لقيتي هاالعجز وبديتي تلعبين بعقولهن وقالن لك يازين ثقافتك وأنتي صدقتي روحي نامي وخليك على زوجك حافضي علية وعلى أعيالك . أما من ناحية النك نيم حقي تبطين عظم أنتي وقبيلتك تاصلين له ولراعي النك ...!!!
تحياتي لقهررررررررررررر بس

[قصمنجيه]

8

8

8

أهلاً قهر ...

يبدوا أنك قرأتي ردي بالمقلوب .. :4[1]:
أنا حقيقة و ليست سخرية من المعجبين بأم عمر... أو هامة حاسوبية
لها صولات وجولات في المنتدى تحسب لها إن شاء المولى .....

[الفاتح]

حقيقة دخلت المنتدى وانا من زمان مادخلته لكني لقيت الموضوع وشدني بصراحة شديدة أوي ومش عارف ابتدي من وين

كنت مسمي روحي الفاتح افتخارا بمحمد الفاتح لكن والله اعلم ابغير النية وابفتح ورشة فرمتة بعقول بعض الخلايق

رحت للمهني ومريت على قسم الصيانة وجبت مفتاح عجل ومفك اربعه بوصة وكم ماصورة لزوم بعض التمديدات الضرورية لبعض العقول المتحجرة

تدرون ومع كمية الردود انكم كلكم صادزين وكلكم نفس الرد لكن كل واحد مافهم الثاني والا مايبي يفهم الاخر

ثقافة الاقصاء سيطرت على عقولكم كلكم ياناس ياهوووووووووووووه اصبروا وشوفو ردي لكن بشرط تفهمون وش اقصد

ياحبايبي ياحلوين زور ابن الزرزور اللي ماعمره كذب ولاشهد زور ( الولد حكواتي على غفلة) المهم ماعلينا ابرجع للموضوع حق هذي اللي اسمها : وش اسمها ايه صح اسمها بريداوية وافتخر

الله يسلمتس يابريداوية وياللي كلك فخر ترى العالم هذي مهب لم موضوعك شاطحين يمين ويسار والرد على حسب العقول الفهيمة

النقطة اللي متفقين عليها كلكم ان الإلتزام مو بالشكل ولا بالمظهر فقط والبنت اللي ماتبي مطوع تراها تقصد مطوع الغفلة اللي محجرة عقليتها على الماضي وتحريم مدارس البنات

خلونا نتفق على شي واحد يالربع وكل يصلح سيارته وش رأيكم ؟

طيب انا ابعزمكم ونتصالح زين؟ زين ( طايح بالتنكيت الماصخ ولد الحلال)

حنا في مجنمع يفهم الدين على انه لحيه وثوب قصير ونسي ان الرسول صلى الله عليه وسلم قال ( الدين المعاملة) وهذا الحديث يوضح ويكشف عوار العقليات المتخلفة التي تظهر ان الدين هو المظهر فقط

ان الله تعالى لاينظر الى صورنا ولكن الى قلوبنا واعمالنا والفتاة التى تعتقد ان ان زواجها بمطوع على حد رايها هو عقدة لها هي نظرة قاصرة اذا كانت تقصد بالمطوع الملتزم بدينه مظهرا ومخبرا لكن اذا هي تعتقد انه الشخص الذي يفهم الدين بنظرية التحريم في كل شي فلها الحق

ايها الاحبة : قهر احبه وهامه حاسوبية ومعلمة متميزة والكثير منكم ممن وقع بينكم فهم ولبس خاطئ اتمنى من الاعماق ان تنظروا لبعضكم بعين الرضا والقبول لراي الاخر والا نخرج في نهاية المطاف عن الموضوع الى هاوية الجدال والشجار الذي لاطائلة منه

تقبلوا مني كل التحية والتقدير وطبق بيض بالحمص

للتواصل عبر البريد الالكتروني

hakeem1743@hotmail.com

[القصــ كتكوت ــيم]

هذا الراي وهذا التفكير من كثر ماسمعوا عن تشديد اهل الدين في دينهم

وقمة القهرلاسمعنا مثل هالكلام من نساء عاقلات مثل الموظفات وغيرها

اتمنى التريث والتفكر في مثل هالكلام من اخواتي الصغار والكبار

ولازم علينا حنا يالرجال تفهيم البنات وتعليمهم انه هذا الصح وهذا الخطا

عموما موضوع كبير وغايه في الاهميه
يكثر الحديث عنه

الله يجيب اللي فيه الخير والمصلحه العامه


مشكوره يابريداويه

[Queen of buraydh]

قصمنجيه تعالي هاتي اذنتس انتي وهامه حاسوبيه .. اعتقد ان قهر احبه ولد وانا ما تأكدت بالحيل :)

لذلك شن علينا معشر البنات حمله ومظاهرات .. وطايح فينا سب .. ما اقول الا الله يعظم اجرنا يالقرّاء ..

[KNG]

موضوع رائع من عضوه اروع

تحياتي

كــ ن ـــج

[مرأه من الشرق]

سماء نجد خليك عانسه لاتتزوجين أبد دام هذا تفكيرك العقيم ياماما ... يعني مايدخل الجنه ألا مطوع ولا راح يعينك على دخول الجنه ألا مطوع وش هاالبنات من طالعات

يا بنت الحلال عديها !..
ولا يعني وحده بتحصل واحد مثل الشيخ سلمان العودة بتعافوه عشان للحيته !..
طبعاُ لا !..


لكن لو بيجيك واحد لا ثقافة ولا علم و لا شهادة بتاخذينه عشان اللحية و الثوب القصير !..
و بتعافين واحد زقرتي و جامعي عشانه زالط اللحية و يمكن الشوارب!...


هذا طبعا لو حصلت كل هالخيارات !..
:c7: :c7:

ولا المتعارف عليه !..
واحد مرة بالعمر و باللعنة و امة يتم معه الموضوع !..
:c7: :c7:

و ياما لها بالنكبات !..
:c7: :c7:

سلااام ،،،

[بيارق]

والله شوفي اختي ليس كل المطاوعة واحد

فيه المعقد وفيه المتزن وهذا الي دوري عليه

وفيه مشكله في بعض الطاوعة انهم جزومين يعرسون مرة ثانية !!

[هامة حاسوبية]

قصمنجية

أشكر لك غاليتي نظرتك الرائعة

التي أدعو الله أن أكون أستحق ولو جزءا منها

__________________________

كوين بريدة

عزيزتي

صاحب المعرف أحد اثنين

إما فتاة مسترجلة لا تعرف للأدب سبيل

أو (فتى) ليس لديه هدف في عالم النت

لم أفضل يوما الإفصاح عما تقرأه أحاسيسي ولكن طالما تحدثتي وجب أن أتكلم

وعموما من لم يدخل ليستفيد من الأفضل أن لا نضيع وقتنا الثمين معه

[عبدالله30]

مشكلتنا أننا نصنف الناس ونطلق عليهم احكاما ونظرة نعممها نجزم بصحتها!

تحياتي لك0

[فارس الغد]

مشكور على الطرح ونقاش رائع

[عبدالله العنزي]

المطووع الي يمشي على الطريق القويم وعلى سنة رسوله الكريم هو منيت كل فتات وكل اب وكذلك من يريد يتزوج يبحث عن المراءه الصالحه والمطاوعه كلهم خير وبركه

[Queen of buraydh]

وعموما من لم يدخل ليستفيد من الأفضل أن لا نضيع وقتنا الثمين معه

معك حق والله :)

[بريداوية وأفتخر]

السلام عليكم ورحمة الله وبركاته

أولا أعتذررر لكم بسبب تأخيري على ردودكم
دارية أن المووضووع له أكثر من شهر

والله أن كانت عندي ظرووف بس الحمدلله أنحلت ظروفي


وسوف أرد عليكم جميعا جمعتها في رد واحد لكم
الحداري
صح ان البنت تأخذ على راحتها بس تأخذ لها رجل متخلق بأخـــلاق الأسلام و اهم شيء المحافظه عالصـــلاة
مشكووووور على ردكـ ومرووكـ للموضووع

الكبرى
صدقت بقولك بأن الملتزمين هم الذين يخاافون على زوجـــاتهم ونعم الملتزمين يعيشوون بحيااة سعيدة وليس في صوامع منعزلين صدقت بكلامك
شااكرة لك مروووووركـ وردكـ

عيون الصقر
مشكووور عالمرووور

أختي سماء نجد
ردك جميييييييل ورائع أختي وخاصتن في قولتك انا ابي واحد يبني معي اخرتي ..مو واحد يهدم دنيتي قبل أخرتي
وشــــــاكرة لكي مروووووورك أختي
خطر
ونعم قول الرسول (من أتاكم ترضون دينه وخلقه فزوجوه) نفس ردي على الحدااري
و شـــاكرهـ مروركـ
لمبة شارع
صدقت أخي بأن الناس اولا ارا رأو من أتاهم ونصحهم وأرشدهم على الخييير قالوا هذا مطووع ولكن الان بالعكس ترد ترفع صوتها على المطاوعة وليس في أحــــترااام للأسف
شـــــــــــــــاكرهـ مروركـ أخووي وتعليقك الجـــــــــميييييييل

أخوي أسمر ومملووح
سمعت بهذه القصة والقصص الأخــرى ولكن ليسهم جميــعا
وشــاكرهـ مروووووورك وردكـ عالنووضووع
الراى الاول
صحيح انها مشكلة انك تقووسين بالأخررين اكيد بيكون شواذ لغيرهم مع التعامل و و و الخ

واكيد في هالزمن الملتزميييين هم الذين يصونون بيتهم ويربونهم نعم التررربية والحســنة
شــــــــــاكره مروركي وتعليقك
غيدا
هذا ماقووله أهم شي أنه يطيع ربـــه هذا أهم شي اذا طاع ربه ويبر بأهــله صدقيني انه راح يكون اخلاقه معاك أحســن شي
وشااااااااكرهـ مروووورك وتعليقك
قهرر أحبه
ترى المطاااااوعة مو كلهم مثل بعض صدقني أخووي بس هذا مررهـ متشدد ولكن مو زين التشدد بالحيل هذي نهاية التشدد كرهت الملتززمين لاحول ولا قوة الا بالله
شاااااااكرهـ مرووووورك وردكـ أخووي


آHــــــــــاT
طبعا اكيد الفتاة تدوور على الملتززم لكن للأســـف الأن
بعض النااس يربون هالحاية ويقووولون ان حنــا
ملتزممييييين ولكن تعاشرهم عدهـ أيام وبالأخييرتعرف
حــالهم أنهم مو مطااوعة ولا شي هذا تشوويه للمطاوعة حسبي الله ونعم الووكيل بصرااحة انقهر لما أشووف كذا شــاكرة مرووووووركـ وردكـ
حجازية وأفتخر
صدقتي أختي أن النصيب لا يعرف لامطوع ولاشي ولكن تسألين الله بالمطووع اللذء يخااف عليك ويصونك
شـــــــــاكرهـ مروووووووركـ أختي وردكـ

Silent Hill مجرررررررد النقــاش أخووي
ومشكووووووووور عالمرو ر وردكـ

هين هين
نعم هذا الذي اقووله يخاااااف الله أهم شيء
شااااااااكرة مروركـ اخووي وردك
الأفق
أخوووي والله صاادق ان البنت اهي اللي تخسرررر بعديـــن شاااكرهـ مروووووووركـ أخووي وردكـ
ولد بريدة
لا ياخووي بس مجررد نقــاش عن البنات اللي مايبوون الملتززمييييييييين لأن كثــير يقولونهـ شــاكرهـ مروركـ أخووي

قهر أحبه
عن النبي صلى الله عليه وسلم قال : " سبعة يظلهم الله في ظله يوم لا ظل إلا ظله
، إمام عادل وشاب نشأ في عبادة الله ، ورجل قبله معلق بالمساجد
، ورجلان تحابا في الله اجتمعا عليه وتفرقا عليه ، ورجل دعته امرأة ذات منصب وجمال فقال إني أخاف الله
. ورجل تصدق بصدقة فأخفاها حتى لا تعلم شماله ما تنفق يمينه
، ورجل ذكر الله خالياً ففاضت عيناه " متفق عليه( )
Queen buraydh اسأل الله أن يرززفك ماتتمنيه اللهم اميييين وشااكره مروركـ

قهررر أحبه
أحنا ماقلنا الا غصب عنك تحبهم احنا نفوول للأسف بنات لايريدوو ن مطاوعه ولكن المطاوعه هم اللي يسااعدوونهم على الخيير شاكره مرورك
محبك يابريدة
ااي والله الله يوفق الجميع اللهم امييييييين
شاااااااكره مروووووورك وردكـ
moar741
صدقت ايين البلدياات عنهم
شاااااااااكرهـ مرووووركـ وردكـ
أحااول
جزاك الله خير على نصيحتك وهي (وانصح اخواتي بعدم التردد في قبول الزوج الملتزم فهو ان شاء الله الاصلح بشرط عدم التزمت)
ان شا ء الله
شااااااااااااكرهـ مرووووووركـ وردكـ
ابو سليمان22
اخووي صادق الان الشباب يقوولون مثل ماقلت هذي الحرريم ولا بــلاش ونعم المطااوعه هم اللي يحترمون حيرمهم أكــــــثر
شااااكرهـ مرووووكـ وردكـ
@ابتاسم@
طبعا ياختي لن نســـــــــــمح ولكن للأســـــف هالناااااااااااس
شــــــــــــاكرهـ مروووووووركـ وردك
ملاك الكوون
والله مادري عنهم على ما اعتقد تشويها للملتزميييييين والله اعلم
شـــــــــــــــــاكرهـ على مروووووووووووركـ
معلمة متميزة
بصـــــــراحة ياختي أنا ماسمع الا كذ هم مايبغون المطااوعه ولكن أفرحتيني بكلامك ان الله يهدي من يشـــاء وشااكره لك مرووووووركـ وردكـ
%اسيرة زمانك%
نعم أختي كــــــــــلامك صحيح
شااااااكرهـ لك مروووركــ وردكـ
@الغلا@
صدقــــــــــتي أختي وأشكرررك على مروورك وردك
قصمنجية
نعم أختي كلااامك قريب لرد أخونا في الله أسمر ومملووح بأن بعض المطااوعة مررهـ متشددين عاد مووزين هالتشدد مرهـ شــــــاكرهـ مروركـ أختي
الفاتح
شـــــــــــاكرهـ مروووووورك وردك
كتكوت القصيم
أي والله ياخووي الله ياجيب الخير والمصلحه للكل شـــــــــاكرهـ مروووووركـ وردكـ
كنج
مشكووووور عالمرور
بيارق
عاد وش نسووي مشكلتهم اذا كانوا معزميين على الثاانية
شااااااااااكره مرووووووورك وردك
عبد الله

شاااااااكره مروووورك أخوي
فارس الغد
مشكووور عالمرور وردكـ
عبد الله العنزي
نعم هذا المطووع اللتي تتمناه كل الفتياااااات شااكرهـ مروركـ أخووي

[شاطئ الراحة]

الفاضلة بريداوية و أفتخر ...

المتمعن لإسم الموضوع .. يألم أشد الألم على زماننا هذا .. ولكن .. وللفشل في زماننا هذا بقية ..

برأيكم ما هو السبب وراء رسم هذه الصورة السيئة لمن تمسك بدينه حق تمسك الأعلام أم التغيرات التي تطرأ علينا أم ماذا

إن المتغيرات اللتي حدثت في الآونه الأخيرة في مجتمعنا .. هي من جعلت هذه الفتاة تطلق هذه الجملة ..!!

كونها أخذت من الإنفتاح بوابةً لها .. كي تعبر عن ما بداخلها من معتقدات باتت بالفشل ..

فعندما تقول لا أريد .. مطوع .. هي في الحقيقة لا تقصد المطوع بحد ذاته لا و إنما من يكون على قدر كبير من العقلانية و التمسك في الدين ..!!

ولكن بإعتقادي أن هذه الفتاة .. أصبحت وعاءً لتلك القنوات الماجنه و الفاسدة و اللتي شربت منها الكثير و عبرت عن ما بداخلها بهذه العبارة ..

إنا لله و إنا اليه راجعون ..


أشكر لكِ موضوعكِ .. و حسكِ الديني فيه ..

[مهب الريح]

الله يهديهن يااارب

خيك\مهب الريح

[غيوره]

تدرون ليش لان اللحيه والثوب القصير صارت موضة للمنافقين فهالزمن

[بريداوية وأفتخر]

شاطئ الراحه
نعم كل هـــذا بسبب القنواات الفــاســـدهـ حسبي الله ونعم الووكيل

أشــــكررررك على مرورك وتعليقك

مهب الريح

اللهم امييييييييييييييين
ومشكووور عالمرور

غيورة
مشكوووورهـ على مرورك

[ولــد نعمـة]

[QUOTE=قهررررر أحبه;1028865]
نصيحه لكن يابنات لا تتزوجن مطوع شوري عليكن ماخذ الحياة بشده وقوه وعنتريه ...

الله يرزقك العربجي اللي الزقارة باثمه اربع وعشرين ساعه قولي امين

[صمت الخريف]

ههههههههههههه عجبني رد ولد نعمه

جد ما ادري وش في الموضوع سار مضاربه وقومه وقعده
كنت ابتناقش بالموضوع بس ما فيه اي حوارات واشياء نتكلم فيها الموضوع سااار عااايم

لكن الزبدة واللي قالها الأغلب انه اهم شئ "العاااااقل" مطوع او مو مطوع
اهم شئ فاهم الدين صح والطريق صح

مشكورة بريداوية على الموضوع واللي يطلق نظرة عامه ماهو عاااقل ويستاهل ياخذ مو عاااقل
<<علق عندها العقل:)

اختك صموته

[....الأمير....]

أختي بريداويه

موضوع اكثر من رائع وطرح جميل

مع ان الموضوع صار ((مضاربه))
لكن يظل رائع

ما اطول عليك

لكن انا نظرتي للموضوع هو انه مو شرط يكون مطوع مطوع يعني اهم شي يحافظ

على الصلاة ما يدخن مو راعي بنات اخلاقه رائعه

انتم ذكرتكم الأشياء العاديه مثل اللحيه او الثوب

ترا يا ناس كم واحد حليق ومسبل خير من الي مطول لحيته ومقصر ثوبه

لا تنسون

[بريداوية وأفتخر]

ولد نعمة

نصيحه لكن يابنات لا تتزوجن مطوع شوري عليكن ماخذ الحياة بشده وقوه وعنتريه ...

الله يرزقك العربجي اللي الزقارة باثمه اربع وعشرين ساعه قولي امين
لا لا مو كلــهم ماخذيييين الحيااااااهـ بـــشــــدهـ
مشكوور عالمرور

أختي صمووتة
مشكووووووورهـ عالمرووووووور وعلى ردك

أخوي
الأمير مشكوور على ردك وتعليقك عالمووضوووع

عااااااد وش أسوووي بهم اللي قلبواا موضووعي مضــااربااات؟؟
الشكوى لله؟؟

[الفاتح]

شخصيا ماراح انظر للردود واكتفي بقراءة الموضوع فقط

راح اقول رأيي الشخصي بعيدا عن تأثير ردود الاخوة ومن خلال علاقاتي بالمجتمع اللي اعتبرها متميزة جدا ومع جميع الاطراف

كتبت موضوع عنوانه ( من شوه صورة المطاوعة ) ووضعت ثلاثة خيارات

الاول : المجتمع

الثاني : المطاوعة انفسهم

الثالث: الاعلام

ممكن ترجعون له على الرابط هذا

الحين راح اقول رأيي بصميم الموضوع

لابد ان نضع قاعدة ( الدين المعاملة ) نصب العين

انا شفت الكثير من المطاوعة وربي ما ازوجهو بقر وشفت بعضهم وربي يحطون على الجرح يطيب

اللي شوه صورتهم وخلاك تحطين السؤال يابريداوية هو تصرفات الكثير منهم باسم الدين من نصب واحتيال ونفاق

جلست مع بعضهم وربي انهم اكثر سربته من السرابيت

وهذا اللي ترك عند الناس انطباع سيئ

اللي ابقوله انه من الضروري اننا ماننظر للشكليات بقدر النظر الى التصرفات واسلوب التعامل

التوفيق بيد الله

[الفاتح]

هذا رابط موضوعي

من شوه صورة المطاوعة

http://forum.buraydh.com/showthread.php?t=115006

[شمس بريده]

الرسول صلى الله عليه وسلم قال(من جائكم من ترضون دينه وخلقه فزوجوه...الحديث)

الملتزم يكرمها ويعطيها حقها ولا يضلمها ان احبها اكرمها وان غير ذلك لم يضلمها

اما الغير ملتزم الله المستعان

[بريداوية وأفتخر]

الـــــــــــفاااااااتح


اللي تشووفه على قولتــك جلست معااهم هذولا موب مطااوعه صدقني موب مطااوعه


يسوون هالحركات علشان يشووهوون المطااوعه حسبي الله ونعم الووكييل


مشكووور على ردكـ وتعليقكـ عالمووضووع


شمــــس بريدهـ

صــدقـــت المطووع لايظــــــــــلم

ومشكووووور عالمرور وتعليقكـ عالمووضوووع

[الفاتح]

يابريداوية وافتخر: انا ماقلت انهم مطاوعة لكن انا اقول انهم يمشون مع الناس على اساس انهم مطاوعة والناس تثق فيهم

لو اتقدم لاحد من الناس انا وشخص من هذولا كان اعطوه وانا لا

تدرين ليه ؟ لان الناس مالهم الا الظاهر وبعد الزواج يظهر المستخبي

[بريداوية وأفتخر]

ايه توني أفهمك

مشكور عالرد

[أمـ ـنـ ـيـ ـه]

الطوع طوع البااااطن مو طوع الظاهر(اللي ساااد بديرتنا)

[شارب من ماء بريدة]

لايجب ان نعمم فالقليل ثم القليل من البنات ومن المعلمات من يقول ذلك00000 مجتمعنا مؤمن ومتعلم ويعرف الحق من الباطل وبناتنا من خيرة بنات العالم فلانقول ان هذه ظاهرة لا نقول هذه حلات فردية فقط

[بريداوية وأفتخر]

فلووة

شــاكره مروركـ أختي


شــارب من ماء بريدهـ

أشكررررك

على تعليقك للمووضووع

[رائد نت]

موضوع اعتقد ان المداخلات من المفترض ان تاتي من ناس صالحين

مع العذر لبعض من قام بالرد

[ولــد نعمـة]

اود ان اعرف ماسر الهجمة الشرسة على المتدينين (حفظهم الله)في هذا الوقت بالذات ...
ان قلبت صفحات الجرائد فهنا صحفيين مفرغين تفريغ تام لسب الهيئات وماهو متعلق برجل الهيئة ..
وان طالعت المنتديات ايضا هناك حملة شرسة على رجل الدين ..
ياخوان اتمنى منكم ان لاتعمموا على خطا او بالأصح اجتهاد لم يصيب فيه رجل الدين نعم هناك عدم توفيق ..
فيجب علينا ان نناصحهم بالسر وليس كما يظهر الأن تجد الكل ماهب ودب يقيم الأشخاص المتدينيين ..
فكما تعلمون ان هناك احزاب تنتظر الزلات ...
وهناك ملاحظة من بعض الأخوة انه رمز لكل ملتحي بانه رجل دين فلا يأخي لاتغتر فهؤلا اناس متلبسين باسم الدين
ليوقعوا بالدين واهله كما حاصل الأن ................

تحياتي للجميع

[بريداوية وأفتخر]

النوسة

شااكرهـ مروركـ

أخوي ولد نــعمه

صدقـــت أخووي في ان هالــوووقت كثيييييييير

يحااولووون تشووويه المطــاوعه

ما اقوول الا حسبي الله ونعم الووكيييييل

شااكرهـ مروووركـ أخووووي وتعليقكـ الجمييييل


تحيااتي

["غرك غلاك"]

يكفيك أن المطاوعة ماعنهم خيانات زوجية وعلاقات مشبوهه ...
ولا عندهم سفريات خارج الحدود واحياء ليالي حمراء مع بنات الهوى ..ونقل الأمراض..
ولا سهر في الاسترحات حتى أنصاف الليالي...

[مخاوي الذيب]

الله ينور طريقك اخي لمبة شارع اسم على مسمى . طرح رائع وفيت وكفيت

[بريداوية وأفتخر]

أما بعد

صدقت أخووي

شاااااااكرهـ مروووووركـ وردددك عالمووضووعـ


أخوي مخااوي الذيــب
مشكووووور عالمروووور