استفسار أرجوا الإجابة عليه.. الرجاء الدخول..

[..أناستازيا..]

السلام عليكم..




في الواقع أنا عندي كاميرا رقمية من نوع (سوني)..

تصويرها ممتاز لكن المشكلة في حجم الصورة..يوصّل لواحد أو اثنين (ميغا بايت) أو أكثر..



بعض الأحيان يكون بودّي أنزل صور..لكن حجمها الكبير مايساعد..

"ما أدري إن كان نوع الكاميرا له دخل أو لا.."




فـــ الله يعافيكم أنا أبغى طريقة أقلل من حجم الصورة أو جودتها ..بحيث إنها تكون بــالكيلو بايت..


ما أقصد أصغّر الصورة (نفسها) لأني جربت هذي الطريقة وصارت الصورة بايخة ومو واضحة..
ومانقص من حجمها (الميغا بايت)شي..يعني ما استفدت من تصغيرها ..










إن شاء الله تكونون فهمتوا اللي أقصده..

أعتذر على الإطالة.. و أتمنى أن تجيني إجابة شافية..




تحيــــــــــــاتي للجميـــــع..

[جلوي العتيبي]

من خلال خبرتي الضعيفه

أعتقد أن هناك حجم يشار له بـ:e mail

حجم مناسب للتصوير ونقله للمنتديات

أو التصغير ببرنامج الفوتوشوب

[ămōяẻ]

والله انا مالي التصوير

والزعيم ماقصر

اصبري يجيك محترفنا فارس القصيم

وهو خبير


وبانتظار صورك

[..أناستازيا..]

الزعيم _ عموري..

مشكوريـــن وماقصــرتــوا الله يعطيــكم ألــف عافـيـــة ...

وأتمنى يشرف أخوي فارس القصيم..


تحيــــاتي وشكري لكم..

[بندر الحمر]

>>واحد ما فهم

أنتي وين تبي تحطين الصورة >>بالمنتدى مثلا

؟؟

[..أناستازيا..]

>>واحد ما فهم

أنتي وين تبي تحطين الصورة >>بالمنتدى مثلا


إيه لو أبغى أنزلها بالمنتدى أو أخليها توقيع ،،،

والأهم إني ودّي أعرف كيف أصغرها علشان ماتثقّل على جهازي..

فلو كانت عندك معلومات عن هذا الموضوع ياليت تفيدني..

[the tiger]

اهلين وسهلين ..

اتوقع حسب خبرتي في مجال الرسم .. اعتقد انها مافيها حجاااااار .. (بطاريه)

لان البطاريه .. لها دور في تكبير الصوره ..

فاذا بغيتي الصوره تصير صغيره .. ركبي فيها حجاااار الريموت حقكم .. لانه من زمان ماغير .. ويصير ضعيف ..

وبعدين تطلع الصوره صغيره .. واذا بغيتيها تكبر الصوره .. ماعليك الا تطلعين الحجر .. وتعظييييينه مع النص وترجعينه لمكانه ..

وبعدين تكبر الصوره ..

اي خدمه ..

وترى بندر الحمر هو اللي معلمن الطريقة هذي جزاه الله خير ..

[..أناستازيا..]

والله إنك طيّار مهب طبيعي..!

فنان مبدع ...



غريبة مافكرت أنا فيها..! بس شكله مايفكر كذا إلا الأذكياء..


طيب ريموتنا توها مغيّره بطارياته..وش أسوي؟





صح!!بقلّب القنوات طوووول الوقت لمّا تدوخ البطاريات بعدين أنفذ خطتك..


وترى بندر الحمر هو اللي معلمن الطريقة هذي جزاه الله خير ..

ياباطل ،،، شوّهت سمعة الرجال!!



اي خدمه ..

أنا مدينة لك بهذي الخدمة مدى العمر مالي وجه أطلب شي ثاني..

مشكور نوّرت الموضوع بإضافتك المهمة..

[the tiger]

على العمووووووووم حنا موجوديــــــــــــــــــن بالخدمة مؤقتا ..

[السكب روح الشفق]

انا ستازيا

طبعا الصورة عندك كبيرة جدا وهذا الافضل

انه يتم التقاط الصور بحجم كبير وبمواصفات عالية

التصغير يتم من خلال عدة برامج الفوتو شب يمكنك التحكم بحجم الصورة

كذلك عارض الصور acd see يتم من خلاله تصغير الصور وتصغير الارتفاعات خصوصا اذا كانت بالالف افضل ارتفاع
خاص للمنتدى 750
عموما لاتفكر في تصغير الصور عن طريق الكامرا نفسها لانها تفقد الصورة كثيرا من خواصها ودقتها

شكرا لك

[فارس القصيم]

تصغير الصور عن طريق الفوتوشوب
وبعض الكاميرات تتميز بخاصية تصغير الصور

حددي موديل كاميرتك يمكن أقدر أنا أوحد من الاخوان يفيدك بشيء

ومع التحية

[Eengineer]

أسهل طريقة لتقليل الحجم أفتحي الصورة عن طريق برنامج الرسام الموجود مع كل ويندوز في البرامج الملحقة من أبدا

بعدين حفظ بأسم وخلاص

[lightphoto]

السلام عليكم ورحمة الله..
لا أزيد على ما تفضل به الأخوان هنا ماشاء الله عليهم.. ما تفضل به السكب وفارس هو الصحيح على الأجدر، فألتقاط الصورة باقصى عدد من البكسلات أفضل بكثير أو ما يسمى بالكاميرات الإحترافيه Large Format أي أن الريزولشن يكون أعلى قيمة بالكاميرا، ومن ثم يأتي دور الفوتوشوب لتصغير حجم الصورة مع الإحتفاظ بجودتها وامكانية عمل اقتصاص ان لزم الأمر.
خلاصة الأمر، الفوتوشوب هو أفضل الطرق وأجودها لأي مصور ..
بالتوفيق :)

[..أناستازيا..]

أخوي السكب روح الشفق..

أنا ما أعرف عارض الصور [acd see ]

ياليت توضح لي..


مشكور على المعلومات الله يعطيك العافية..

[..أناستازيا..]

وبعض الكاميرات تتميز بخاصية تصغير الصور

حددي موديل كاميرتك

الكاميرا سوني [DSC - T10]



شكرا أخوي الله يعطيك العافية ..

[..أناستازيا..]

أخوي Eengineer


ماتوقعت إن الحركة راح تسوي نتيجة..لكنها نقصت صورة من 1,60 ميغا بايت ،، إلى 600 كيلو بايت..


مشكور أخوي الله يعطيك العافية..

[..أناستازيا..]

أخوي lightphoto..


شكراً لك على هذا التوضيح والشرح جزاك الله خير..

تقبل تحيتي..

[جروح]

شكرا ...:) <<< وش دخلك طيب





<<< استفدت من الردود والسؤال :)

[..أناستازيا..]

أختي جروح ..مرحباً بك..


من الرائع أن يستفيد أحد معي . . . :)



تحيـــــــــاتي لك ..[ أناستازيا]..