المدرسة (55) عاجل لادارة التعليم والمصلحة

[جوكم]

مدرسة البنات الابتدائية الخامسة والخمسين اللي بالاسكان رقم ثلاثه من فتح الاسكان عام 1413هـ الما هالحين كملت كم من سنه؟ خمس طعش سنه وهي مجموعة ابيوت مستاجره وعدد الطالبات ما ابالغ انهم يمكن الله والعالم اربعمية بنية صغيرة من ضمن هالبنات بناتي هيفا ومنيرة وبنت اخوي غاده :) .. المهم مجموعات كل هالربع ميه بثلاث بيوت مستاجره وكلن يعرف مساحة بيوت الاسكان تخيلوا اربعمية بنت بثلاث بيوت والفصل به يمكن خمس وثلاثين بنت ودورات المياه والزحمه والفسحه والطابور كل هالاربع ميه بهالبويتات القنزه ... المهم المسوءلين بالحكومه الله يجزاهم خير ماقصرو بنو مدرسة جديدة لكن بقا امر بصيط ومايستاهل يصير سبب لعدم الفايدة من الكلافة والتعب والقروش اللي راحت ببنا هالمدرسة والحين المدرسة الجديدة خالصة من الفصل الاول وعجزو ينقلون .. وش السبب برايكم ؟ كل شي والم وجاهز ويوم نشدنا متى تنقلون للمدرسة الجديدة قالو باقي المجاري عاد اهم شي المجاري يوم نشدنا زود وش سالفة المجاري قالوا على شان ينقلن بناتكم للمدرسة الجديدة لازم تطلع فرقة من المصلحة ويشبكون الماصورة بالشبكه وكل الامر مايستغرق ساعة من الفرقة .. معقوله ادارة تعليم البنات مهملة الموضوع لازم انه تحط عقدة بالسالفه ورا مايشوفون المقاول؟ ورا مايتصلون بالمصلحه ويشبكون المجاري ويفكون بناتنا من الضيق ومدرسة بنوه يكملونه :for1: .... ولا ترى ابنقل بناتي للبشر واخليكم انتم ومدرسكم اللي به تمنن :a1:

[عيون الصقر]

إن شاء الله صوتك يصل للمسؤولين بادارة تعليم البنات وفي المصلحة ونأمل في تجاوبهم السريع للنظر في المشكلة التي عطلت الانتقال فالظروف الحالية بالمدرسة كما جاء في موضوعك تستحق ان تعطى اولوية بالمعالجة.

اطيب تحية

[أبو حكيم]

أعتقد أن الجهود حثيثة من خلال إطلاعي مباشرة على كثافة مشهودة أمام المبنى الجديد الذي تم بالفعل وزيارات متعددة للمبنى وحركة كثيفة من المتابعين للمبنى ..... من خلال المتابعة المستمرة بحكم مروري من أمام تلك المدرسة بشكل يومي ...... يؤكد كل ذلك أن الأمر قريب جداً بأذن الله .....


المشروع أكتمل بنسبة 99.9% فقليل من الصبر ,,,,,,,,,

[الافق]

إن شاء الله صوتك يصل للمسؤولين بادارة تعليم البنات
ويبادرون بسرعة إفتتاح المبنى الجديد لهذه المدرسة


تحياتي

[العنتبلي]

عطهم مهله اسبوعين وان ماشبكو المجاري انقل هيفا ومنيره ياخال وانشا الله سوف يخلصون شبك الماصورة كل يوم اشوف عمال مجتمعين على الماصورة تتن وهمق لهم شهرين

[جوكم]

شكرا للاخوان اللي ردوا على الموضوع وتجاوبو معنا و‘ن شاء الله يتم النقل على خير اصبري ياهيفاء ومنيره جاكن الفرج

[الالماني]

جوكم شكلك عندك مشكلة مع اللغة العربية ههههههه أمزح
عموماً أتمنى موضوعك يصل وتنتهي هذه المشكلة وبناتك في مكانهن

[سلطان المهوس]

نأمل من ادارة العلاقات العامة بادارة التعليم سرعة الرد..مع التقدير الكامل للجهود المبذولة من قبلهم

[نحت الغلا]

طيب لو رحت لقسم المشاريع بادارة تعليم البنات وقبلت المهندس - نواف العتيبي مدير المشاريع وستفسرة عن الموضوع صدق راح تلقا السبب وتريح بالك== و الي اعرفه ان اي مشروع ينتهي ويتم استلامة من المقاول باسرع وقت يتم افتتاح المدرسة يمكن هالمدرسة فيها مشكلة ونشاء الله راح يحلونها باسرع وقت واذا ماتقدر تروح للادارة هذا رقم مدير المشاريع المباشر اتصل وستفسر 3250404