حديرجا ..بديرجا .... > ألعاب أطفال القصمان الشعبية

[الكربوني]

؛
؛

لنا أيامنا ...
ولنا أوقاتنا ...


التي قضيناها في اللعب والمرح ....

ولكل عمر زمانه وأيامه ....

كثير جلوسي عند الصغار ... بنيات وعيال ... خاصة إذا ماكان بالمكان صارف لهم ... ألاقيهم يتهامسون ... جالسين دوائر شحليلهم ... يتلاحقون ... ( حبشة - حابة )...

المهم واللي أنا باوصل له ...

عندنا بالقصيم .... ألعاب كنا نلعبها واحنا صغار ... أناشيد غردناها لحالها أو نغمة لأحد الألعاب ...
بعضها مازال موجود .. والكثير منها نسي وترك ..بحكم تطور وسائل الترفيه ..

**
دايماً أحن لألعاب ( منول ) ...بس تخونني الذاكرة ...

على هذه الصفحة ... إيش رايكم لو قمنا وجمعنا ...ألعابنا منول .. وأناشيدنا القديمة الشعبية ...

ودي اعرف شكمالة ( حديرجا بديرجا ياحبيبة الولو ...)

وودي أدري شلون كانت تلعب لعبة ( المليحق ) ... وليش كنا نقول ( حابة ) إذا بغينا الأمان ...
ووووووو..... وغيرها وغيرها .. اللي انتظره منكم ...

**
أتمنى

تطرح اللعبة ... وشرح لها ... وقوانينها إذا لها قوانين ... ونجلس عليها نفصلها ونشوف شالغريب فيها ....

**
بانتظاركم .... وربي يعطيكم العافيه

[مـلاك الصمت !]

يووو ياحلوها ذيك الأيام

تكملت ( حديرجا بديرجا ياحبيبة الولو كمن بقى على رمضان 7 أيامن تمام
ياحاديها وياباديها وياضرب القوسي عديها)<< إن شاءالله تكون صح علي

طريقة اللعبه أذكر كنا نحط كل يدينا وتجلس تقول الأغنيه اللي تاقف عليها
بكلمة ياضرب القوسي عديها تخيرها بين قبصه وقنعه وإذا قبصتها
إو قنعتها تسفط الإصبع واللي تتسفط كل إصابعه تطلع برا ولا العكس<< هذا اللي أذكره
حاليا وإذا لقيت شيء جديد ماقلته برجع إن شاءالله

[الخيّال]

لا يقالي قبل ثقل ما العب متطور يقالي كنت العب كره من يوم انا صغير <<<واقنينه

[الكربوني]

؛
؛

تكملت ( حديرجا بديرجا ياحبيبة الولو كمن بقى على رمضان 7 أيامن تمام
ياحاديها وياباديها وياضرب القوسي عديها)<<

وووه ... الا هي ذي تفطنت لها ...

ياحاديها >> اللي هو اللي يحدي يعني ينشده ..

مثل مافهمت منك زهرة البابونج ان حاديها البادي فيها يطلب من اللي يوقف عنده ضرب القوسي يعيدها ..

طيب .... حديرجا وبديرجا .... وشن ..
حبيبة اللولو ... منهي ذي ...؟؟

**
زهرة البابونج يعطيك العافيه وماقصرتي ... وبانتظار اضافه جديدة

تبين قبصة ولا قنعة ...