يا ناااااااااااس ......أيُعقـــل هذا؟؟؟!!!!

[طحينية طعمة]

السلام عليكم ورحمة الله وبركاته

أبقولكم سالفتي وأبدخل من دون مقدمات
أنا إحدى المرشحات للإعادة في هذه السنه طبعاَ رسمت أحلامي ونسجت خيوط الأمل
حدد موعد الإختبار الأسبوع المقبل 21/2/ 1428هـ
ذهبت الى الكليه لتجيهيز أوراقي المتبقيه استعداداً لخوض الإختبار
لكن صدمت بطلب اعتبره بالنسبه لي تعجيزي وهو عدم دخول الإختبار إلا بصورة للطالبه
إما جواز سفر أو هويه
طبعاأنا ماعندي جواز أو هويه ولا أفكر في إخراجها ( لو كانت صورة أنا أصورها بالبيت وآخذها معي للإختبار ويكون فيها ختم من الكليه ما عندي مانع بس المشكله إني أطلع بطاقة احوال هذي صعبه وتفرق الفتاة عن المرأه المتزوجه )
اليوم وأنا راضيه بقضاء الله وقدره تحطمت جميع احلامي لأنه حلم روادني منذ الصغر وحرصت على التفوق لأحقق حلمي وحلم والدي لكن !!!!!!!!!!!!!!

ياناااس ليش كذا يخلون الأمر تعجيزي ودخلت على منتداهم تسائلنا عن ذلك ولكن لا حياة لمن تنادي!!

الله يعافيكم أبي آرائكم لحل مشكلتي ؟؟ واللي عنده طريقه أو يعرف الله يجزاه الجنه لا يبخل علي
لأني بحاجة لذلك قبل أن يفوت الإختبار..
عذراَ على الإطاله .....

[الحصان الأسود]

المشكله إني أطلع بطاقة احوال هذي صعبه وتفرق الفتاة عن المرأه المتزوجه

والله ابقولك رأيي وبصراحه طلعي بطاقه وبعدين مافيها شي هم ماراح يأخذونه ....وبعد البطاقه طلعي برنت منهم مختوم عليه رسمي واستخدمه وهذا اللي حاصل الآن ....

اما ماتت احلآمك الله لآيموته ان شاء الله وتبقى دوم حيه وموضوع البطاقه الآن اصبح شي عادي وطبيعي ...ومايجي يوم الا وكل البنات مطلعات..

وبعدين من قالك تفرق البنت عن المتزوجه ...وين الفرق من ذالك...

والله يوفقك بدراستك ويسهل عليك أمرك وتنجحين بالأختبار...

[اسمر ومملوح]

عزيزتي ...

للأسف هذا الواقع الآن .. يجب ان تخرجي هذه البطاقه ..

لاتجعلي شيءً يقف امام ( حلمك ) .. لاأعتقد ان هذه البطاقه امر مشين .. صراحةً لاأعلم كيفية إستخراجها ..

إن كان من يخرجها لك نساء .. فلاأعتقد ان هناك ضير .. اما ان كانت تستخرج من قبل رجال ..!! فهذا امر اخر..

تحيه وتقدير لــ شخصك الكريم

[شمعة امل]

أهلين أختي طعمة.....

للأسف مثل هذه الامور تحتاج الى صبراً طووووووويل.......

فكرت كثيراً بأكمال دراستي لكن كل ماأفكر بالاجراءت وصعوبتها والاهانات التي سمعت أنني سوف اتلقاها عند التسجيل وخلال الدراسة أستصعب الامر كثيراً......
فاإذا كنتِ صاحبة بال طويل فهنيئاً لكِ......

[الحصان الأسود]

اخي اسمر ومملوح

تحيه طيبه

صراحةً لاأعلم كيفية إستخراجها إن كان من يخرجها لك نساء


نعم هناك يوجد بالأحوال المدنيه قسم لنساء خاص بهن يقمن بالتصوير وانهاء جميع الأجراءات المطلوبه..
وشكرآآ

[طحينية طعمة]

مشكوورين على إدلاء آرائكم
بالنسبه للأحوال المدنيه صح فيه نساء لكن قالوا لي
تصير معك اربع صور وحده تصير بالبطاقه والباقيات يرفقن عندهم في ملف
وهذا اللي محيرني واللي عنده خلفيه يعلمني الله يعااااااااااااافيه

[راعي الاوله]

تبين رايي طحينيه ... راي من القلب ........ ان كانك مانتي مرتاحه للشي هذا.... اتركيه وتوكلي على الله .. وصدقيني راح يعوضك الله قريب .. مبين على نيتك انها صافيه .. عشان كذا اقولك اذا فيه شك بقلبك اتركيه وتراك راح تلقين عوض احسن من هالشي ... تراي اقولك اياها من انسان مجرب ...

طبعا مايمنع ان الانسان يحاول ويشوف طرق اخرى .. وانا لو بيدي حل كان ماقصرت .. بس حبيت اقولك اذا مو مرتاحه خليها وربك يعوضك بالف احسن منها..

والله يوفقك ان شاء الله ويوفق كل من عنده طموح

[الحصان الأسود]

تصير معك اربع صور وحده تصير بالبطاقه والباقيات يرفقن عندهم في ملف

ايه صحيح ويرفقن عندهم بالملف في قسم النساء....

وعلى فكره تصوريهم بدون وضع مكياج واحمر الشفايف ...يعني كحل وبس...

ولآتنسين البرنت المختوم منهم ...لتقديم بأي مكان..

والسلام...

[عيون الصقر]

صوري بالاستديو اربعة في سته ملونه وطلعي بطاقة شخصية وعليها صورتك وشوفي مستقبلك ولاتخافي الا من الله بس واتركي العقد والكلاكيع اللي تجيبك ورى من اليوم ورايح ماراح تمشي امورك الا بالبطاقة واللي عنده رأي غير كذا ينطبق عليه ماينطبق على اللي اعترضوا على الجوال للمرأة في بدايته وملو الدنيا صخب وهم اول من اشتراه للمدام وللخوات.

[مــنــال]

يابنتي أنتي إللي مصعبة الأمر .

و يش يعني بطاقة أحوال أمام مستقبلك و حلمك .. ؟؟

بالعكس أنا أشوفه طلب طيب و مافيه أي نوع من التعجيز ، على العكس في هكذا أمور يكون حرصا ً منهم

على حفظ حقوقك ، حتى لا تنتحل واحدة أخرى مكانك فبالهوية يتعرف على الشخص إذا كان هو أم لا .

و الله يوفقك و ييسر لك أمورك .

[راعي الاوله]

صوري بالاستديو اربعة في سته ملونه وطلعي بطاقة شخصية وعليها صورتك وشوفي مستقبلك ولاتخافي الا من الله بس واتركي العقد والكلاكيع اللي تجيبك ورى من اليوم ورايح ماراح تمشي امورك الا بالبطاقة واللي عنده رأي غير كذا ينطبق عليه ماينطبق على اللي اعترضوا على الجوال للمرأة في بدايته وملو الدنيا صخب وهم اول من اشتراه للمدام وللخوات.

سبق ورديت على الاخت كاتبة الموضوع عن رأيي .... بس هنا مداخله بسيطه على تعليق احد الاخوان


الله اكبر اخوي عيون الصقر.. صارت عقد وكلاكيع........ يعني انت قلتها بنفسك . اللي عنده رأي ينطبق عليه ... طيب ليه ماينطيق عليك بعد .... يعني اذا ماطلعت البنت بطاقه يعني تصير رجعيه ومتخلفه ؟؟؟؟
وعلى طاري الجوالات .. ترا فيه بنات للحين ماعندهن جوالات... يعني برايك نخلي نخلي اهلهن يعطونهن كم طراق ويغصبونهن على الجوال عشان يصيررون زي الثانين .... وترا مسأله الجوال للبنت شي طبيعي بس برضه فيه ناس ماتفضله وهذا رأيهم وهم حرين .

اخوي عيون الصقر .. هذي قناعات شخصيه للواحد .. انت رايك غير هذا شي طبيعي وحق من حقوقك . بس ترا رأي الناس الثانين حق من حقوقهم بعد .... يعني لا تاخذك الحماسه شوي وتصورها على اساس انها عقد وكلاكيع على قولتك ..

[Queen of buraydh]

اذا صار اللي يطلع لك البطاقه حريم .. وش فيها ؟ طلعي وتوكلي على الله

[طحينية طعمة]

أشكركم جميعاً على مروركم إبداء الرأي

وأبشركم أنه تيسرت من دون هذولي قبلوا بأن تأخذ الطالبه تعريف من كليتها
الحمد لله والشكر
دعواتكم لي بالتوفيق الله يجزاكم الجنه ويوفقنا واياكم اجمعين...

[فور يو]

وش الفرق بين الواحد يطلع جواز سفر لزوجته وبين الوحده تطلع بطاقة احوال ...؟

[InFinito Amore]

توكـليـ . ولاتكسـرين حـاجز طمـوحكَ واحـلامكَ . علشان [بطاقة احـوال] .
مـراح تحـصليــنَ آن شــاءالله الا كـّـل خيـر

ومن ناحيـة الصـور .
لاتخـافين مراح تشـوفهـا الا حرمـه نفسـك .

كـّ‘ـرآميــــل

[الحصان الأسود]

وأبشركم أنه تيسرت من دون هذولي قبلوا بأن تأخذ الطالبه تعريف من كليتها
الحمد لله والشكر

مشاءالله و الف مبروك و دعواتي لك بالنجاح يارب

[@ ابتسام @]

أشكركم جميعاً على مروركم إبداء الرأي

وأبشركم أنه تيسرت من دون هذولي قبلوا بأن تأخذ الطالبه تعريف من كليتها
الحمد لله والشكر
دعواتكم لي بالتوفيق الله يجزاكم الجنه ويوفقنا واياكم اجمعين...


الحمد لله والله ييسر لك امورك ويوفقك ويرزقك ما تحلمين به دائما وجميع المسلمين آمين يارب العالمين

[هادي الطبع]

والله ابقولك رأيي وبصراحه طلعي بطاقه وبعدين مافيها شي هم ماراح يأخذونه ....وبعد البطاقه طلعي برنت منهم مختوم عليه رسمي واستخدمه وهذا اللي حاصل الآن ....

اما ماتت احلآمك الله لآيموته ان شاء الله وتبقى دوم حيه وموضوع البطاقه الآن اصبح شي عادي وطبيعي ...ومايجي يوم الا وكل البنات مطلعات..

وبعدين من قالك تفرق البنت عن المتزوجه ...وين الفرق من ذالك...

والله يوفقك بدراستك ويسهل عليك أمرك وتنجحين بالأختبار...

اوافقك الرائي باستخراج بطاقه احوال وانا كموظف لاحظت بطاقات لنساء مصوره ومطموس عالصوره شي عادي جدا لاسيما ان اداره نسائيه متكامله في الاحوال المدنيه وبسريه تامه يستخرجون لك بطاقه بس انتي صوري وحده والصوره اشطبي عليها وصوريها مره اخرى وقدميها

[راعي الاوله]

الله يبشرك بالخير .... من القلب فرحنا لكي وندعو لكي بالتوفيق من الله ..............الله يسهل دربك عليك ويوصلك مناتك

[كرباج]

وش الفرق بين الواحد يطلع جواز سفر لزوجته وبين الوحده تطلع بطاقة احوال ...؟

يمكن الجواز مايطلع كل شوي ولايشوفه اي واحد واحياناً بعض العسكر يصد وبعضهم يتمقل لين تطيح عيونه :)

وبطاقة الاحوال بكل مكان تاخذه وتخلص معاملاته عاد سعودين وشافوا سعوديه !!!

تشاااااااو