افيدوني

[ghg]

السلام عليكم ورحمة الله وبركاته
شاخواتي العزيزات افيدوني في امرين ولكم كل التقدير والاحترام
اولا ........... دلوني على كحل قلم ممتاز موصفاته لايسيل وثابت
ثانيا ............ابغ مشغل يفرد الشعر ممتاز
مع تمنياتي الكن بالتوفيق

[شمعة امل]

هلا بك أختي....

راح اجاوب لك على اول استفسار....كحل القلم على حسب العين وتقبله له يعني اذا كانت عينك تتقبل اي شي ومو حساسه راح تكون حلوة حتى لو كان االكحل من ارخص المنتجات راح تتقبله.........اما اذا كانت حساسه فاراح تتعبين بالبحث عن النوعية وكيف تبي تلقين اللي يناسبك انا عن نفسي تعبت تعب لحد مالقيت اللي يناسبني اللي هو كحل مكياجي اللي يجي مع المجموعة....وفيه كمان كحل ريفلون..وكمان ديانا أُف لندن.....كلهم حلوات

اما الاستفسار الثاني...فاأتمنى الاخوات يفيدونك ...مع اني سامعه عن مشغل فربينيا فردهم حلو بس الاخوات ان شاء الله يساعدونك..
.

.
مع كل الود والأحترام لكِ أختي.........

[iiigil]

افضل كحل قلم بدون منافس ديانا اوف لندن اسووووود ولا يسيل وتنامي وتقومي وهو زي ماحطيتيه سعره 15 ريال

اما فرد الشعر ماعندي فكره والله

[ღ ][ وحيدة كالقمر ][ღ]

أهلا فيك
بصـــــــــــــــراحة أنا أستخدم قلم كحل ((Liva ))
ولا أحلى وسعره ب 10 ريال
بصراحة لايسيل ولا شي
يجنن
عاد والله الفرد ماعندي فكرة عنه وإلا والله كان ودي أفيدك
دمت بود

[Queen of buraydh]

مرحبا


انا استخدم كحل ريفلون اوتوماتيك بصراحه حلو ولونه اسود حيل وما يسيل

اما الفرد

انصحك بفرد الكيراتين بمشغل مذهله مره ممتاز والمواد المستخدمه طبيعيه ومذهله الوكيل الوحيد له فبريده

[العبرى]

حياك الله

كحل ريفلون مره ممتاز

والفرد ماعندي فكره




تحيتي,,,

[فتحي الشقاقي]

بما ان الاستفسار الثاني مافي احد جابه

انا من رايي انك تخلي شعرك مجعد ، يقلون المجعد الحين طايحين فيه البنات

او روحي مشغل بالفايزيه نسيت اسمه ، يقلون عنده فرد مائي يوحش > زين بالحيل



>> خاطم قلت ابصم وامشي

[سماءنجد]

السلام عليكم
أختي انا تعبت حتى لقيت كحل حلو
استخدم كحل مكياجي اللي فيه ممحاه من جهه وكحل من جهه
سعره 40 او 45
بس صراحه ممتاز جدا... وله درجات كثيره
اما الفرد فما عندي خبر عنه

[ghg]

السلام عليكم ورحمة الله وبركاته
مشكوووووورين والله يعطيكم آف عافية على الافاده

[InFinito Amore]

عــن نـفـسيـ .. استخـدم !

eye pencil and Eye liner [CaNeL] 0!!

[lolo]

اهلين حياتي فيه مشغل بيوتي في عنيزه فرده حلو مره

[iiigil]

ههههههههههههههه

ماتلاحظون اننا مانتفق في نوع الكحل .....

[بنت الوجيه]

بالنسبه للكحل بعيدا عن الماركه قبل لا تشتريه افتحيه اذا كان فيه دهن اشتريه ودائم قبل لا تكحلي جيبي ولعه وولعيها عاى سمة القلم

بالنسبه للفرد
عندك مشغل فربينيا بالصفراء فردهم روعه وعندهم فرد خاص بالشعرالمصبوغ والمحنى والتالف
واتمنا لك التوفيق

[نجداويه]

بالنسبه للكحل فيه ماركة xxl حلوه

بالنسبه للمشغل زي ما قالت اللي قبلي لا تتعدي فربينيا بكل شي
وجهة نظر

[إشراق]

الكحل ريفلون اسود فاحم ولايسيح

عن تجربه شخصيه

اما الفرد اتمنى احد يفيدك انا مااعرف

[قهررررر أحبه]

ولا وحده جاوبت عن الفرد
تخاف لو سمح الله تنفضح أن شعره عكاريش

تحياتي

[الأمل الضائع]

والله ما خليت ماركه ما جرتها على عيوني بس والله ما حصلت مثل اللي قلم اصفر يباع عند الحريم بس تراني احرقة بالكبريت وخليه حتى يبرد واحكل منه وربي يجنن وما يسيل ولا حتى يروح

[مارغريت تاتشر]

بالنسبه للكحل بعيدا عن الماركه قبل لا تشتريه افتحيه اذا كان فيه دهن اشتريه ودائم قبل لا تكحلي جيبي ولعه وولعيها عاى سمة القلم
بنت الوجية ممكن تقولين لنا ايش الفايده من انك تحرقينه ؟ يعني علشان يصير لونه اسود أو علشان مايسيح الصراحه أول مره اسمع قولي لي ومنكم نستفيد ؟

انصحك بفرد الكيراتين بمشغل مذهله مره ممتاز والمواد المستخدمه طبيعيه ومذهله الوكيل الوحيد له فبريده
حبابة منو قال ان مذهله الوكيل الوحيد أغلب المشاغل عندهم هالكراتين اللي هابين فيه هاليومين عندك مشغل مها ومشغل بالصفراء نسيت اسمه ومشغل جمال المرأة
لآكـــــــــن نصيحة مـني الفرد بالكراتين له اضرار كثيرة أجل يبي له أكثر من 6 ساعات شي مو معقول
أنا سمعت ان الامبراطورة بعنيزة أفضل شي لهالنوع لكـــــن مستحيييييييييل لآن يابنات الشعر مثل الشجره تهتمين فيها تثمر لك تهملينها تخرب وتروحي تدوري عالفرد

اهتمو بشعوركم بالزيـــــــــــــــــــــــــــــوووووووووووووووو ووووووووووووووووووووت
واللي مايعرف افضل الزيوت مستعده اخبرها من تجربة ليست ببعيده وربي علم فيها
والله يابنات ان الهندي اللي يبيع بالحواجين أفتشل منه يعرف اكثر منا بالزيوت ..

الف شكر لكم

[اخر دلع]

اختى بالنسبه للكحل أنصحك بكحل ديان او لندن بس انتبهي فيه أصلي وفيه تقلي الأصلي ب15 والتقليد 10