##طبخكم مطاريس !!##

[جلوي العتيبي]

كل مره أجي متحمس وأطبخ قدام المدام( في طلعات البر أو في أمسيات الشوي)<<<<يقاله مايطبخ على طوووووول .... أتفاجأ بعبارات تهبط العزائم وتقلل من قدر الإمكانيات !!؟؟

مطاريس ..

هذا تقطيع !!؟؟

والحال يتكرر مع أكثر من زميل وفقاً لما ينقل لنا

معقوله طبخنا دماااار إلى هذه الدرجه !

ام هي الغيره والأنانيه ..

[العبرى]

أهلاً زعيم

تفاجأت بالعنوان منو اللي يسبنا بمطبخنا

بس الحمدلله طلع طبخكم هو المطاريس :)


طبخ الرجال بشكل عام له مميزات خاصه

مثلاً

مافيه تنسيق بالمقادير لو فيه تقطيع عادي نحصل شيء مقطع مكعبات والشيء الثاني أصابع!

مثلاً

كأس رز ينطبخ بقدر 5 كاسات

والعكس

اللي أقصده بكلامي

ماعندهم تقدير للطبخه قبل إعداده على الأقل البعض!

وماعندهم تنسيق!

والصحون كلها تطلع عشان أكله :(

بس مع كل هذا

طبخهم له نكهه خاصه جداً ولذيذه ;)

8
8
8
يابعدك عن الموضوع!


ام هي الغيره والأنانيه ..

لا أراها غيره ولا أنانيه

ربما بعضهن تسلط! :b2:

ربما بعضهن تكره حوسة المطبخ وإذا مدحت إنحاس من جديد!

وربما لفرض الأنا (أنا الطباخه)!

ولا تتعجب حين يسيطر الخوف

فحين يتعلم الرجل شيئاً سيستغني!

وربما صدق الطبخ مطاريس!! :ash:



الزعيم/
أطبخ وزيدينا بحضورك


تحيتي,,,

[جلوي العتيبي]

هلا اختي العبرى

ماعاش من يسبكم ..هو إحنا لينا غناة <<<مصري على قصيمي

مافيه تنسيق بالمقادير لو فيه تقطيع عادي نحصل شيء مقطع مكعبات والشيء الثاني أصابع!
لأننا لانهتم بالشكل ويهمنا الجوهر:4[1]:

كأس رز ينطبخ بقدر 5 كاسات

تقصدين الوقت ؟

كأس ! غير معترف فيه هذا المصطلح في قواميسنا

سيأتي شرح لكيفية قياس الرز

والصحون كلها تطلع عشان أكله

أتركي الطبخ لنا وتمتعي بالغسيل <<حكمه سعوديه

طبعاً الحل الأفضل بس في حال العزوبيه

السفره فوق الصحن والسلام عليكم

لا أراها غيره ولا أنانيه

ربما بعضهن تسلط!

ربما


بس مع كل هذا

طبخهم له نكهه خاصه جداً ولذيذه

شكراً لهذا الإطراء الذي نستحقه

ولا تتعجب حين يسيطر الخوف

فحين يتعلم الرجل شيئاً سيستغني!

نستغني لا لا بس خوف من ان يتميز الرجل في عمل المرأه :20[2]:

الزعيم/
أطبخ وزيدينا بحضورك

أكيد تبون تسبون :36_2_4[1]

بس يبقى لنا مذاق خاص أينما حللنا

شكراً لك

[ابو الحسن]

الزعيم
لايهمك غيرة حواء
ترى طبخك ممتاز

[العبرى]

تقصدين الوقت ؟

كأس ! غير معترف فيه هذا المصطلح في قواميسنا

سيأتي شرح لكيفية قياس الرز

ماقصدت الوقت

ولا يهم المصطلح المهم النسبه

قصدت سعة القدر بالنسبه لكمية الأكل

نادراً ماتنضبط معهم! <<< الهم أنتم!

وإشرح لنا عن القياس منكم نستفيد

لكن غير بيالتين لكل شخص




الزعيم/
عذراً على الياء اللامقصوده :a1:
دمت واثقاً


تحيتي,,,

[جلوي العتيبي]

اخي ابوحسن

ثقتنا أكبر من الغيره

الغريب يغارون منا رغم أننا نطبخ في السنه حسنه

<<<<<خاف تمسك عليه أنه يطبخ باستمرار

تذكرت أحد الشباب

الشاهي له مذاق خاص

خصوصاً إذا بداء يحط السكر بكفه النااااااااااااااااااااااااااعمه

شكراً لك

[الملتاعه]

لا يهمنك الحريييييييييييييييييم وربي طبخكم هو وحوسته له طعم ثااااني

ودايم الطبخ المستعجل والخرشه والغير منظم هو الي تلاقي فيه الطعم الزييييين

بس متى تقولون نبغى نطبخ عشااان نرتااااااااااح

الزعيم لا هنت أطبخ ونزل الطبخه هنا با الصووور ههههههههههههههههههههههههههههههههه

[جلوي العتيبي]

قصدت سعة القدر بالنسبه لكمية الأكل

نادراً ماتنضبط معهم! <<< الهم أنتم!

لا لا هذي يعاني منها المبتدئون فقط

شكلكم قاتلين مواطن الإبداع في مهدها:12[1]:

وإشرح لنا عن القياس منكم نستفيد

لكن غير بيالتين لكل شخص

أجل تعرفون بيالتين لكل شخص ماشاء الله أستفدتوا من تجاربنا

الطريقه هي كالتالي

تجمعين الكفين وكأنكي تنوين القنوت

ثم تاخذين الرز بالكفين

هذا حق 2 نفر

شكراً لك وأعلم أن يائكي زائده

[الواثقة]

يالله من فضللك بس متى تطبخون


متعقده اللي عندي عجاز


اهيء اهيء اهيء

[الخيّال]

مهب كل الناس مثلك انت والمدام يتغيرون الناس

[زهور العمر]

رجال ويطبخون يالله من فضلك

طبخهم حوسه في حوسه البصل مادري شلون يقطعونه ولا الطماطم

شوفوا انتم تنفعون بس يالسلخ والذبح والباقي مالكم شغل فيه


احس الرجال لو دخلوا في الطبخ ماينوكل خاااااااااااصه الخليجي بوجه عام


على فكره لرفع المعنويات في الشوي لاباس تنفعون


تحيتي







0

[iiigil]

الزعيم انت خله يطبخ والله لامدحه طبخه هههههههههههه
بعدين طبيعي نقول كذا تبنا نمدحكم تنغرون لا لازم نحسسكم ان ماعنا غناه...

[جلوي العتيبي]

مشرفتنا الملتاعه

يهمنك الحريييييييييييييييييم وربي طبخكم هو وحوسته له طعم ثااااني

ودايم الطبخ المستعجل والخرشه والغير منظم هو الي تلاقي فيه الطعم الزييييين

بس متى تقولون نبغى نطبخ عشااان نرتااااااااااح

ربنا يجبر بخاطرك

بس شكلك جازلك الوضع

ترا مهوب طبخ طبخ

يعني تغيير روتين بس

ألقا بكرا كل وحده عند أهلها والسبب : نبيك تطبخ و11

من قالك أن الرجل يطبخ : والله الزعيم يقول كذا

اللهم أني بريء

يالله المطبخ وإلا وشوله ربات بيوت !!

[(( نـــدى ))]

بالعكس افضل طباخين في العالم هم من الرجال

موبس كذا وافضل مصممين الازياء :a1:

[الرأي الأول]

ليس ظلما للمراه لكن هناك رجال لايعلى عليهم بالطبخ

المهم كما يقال نفس الطبخ فهو لا يمكن كتابته او وصفه

العبره بالطعم وحسن الطبخ اما الطريقه فهى اكيد تختلف

[شموع تحت المطر]

الطبخ مثل اي مهنه له سر
واللي يعرف هالسر سواء مره او رجل
هو الوحيد اللي بيعرف يطبخ

[بيسان]

كل مره أجي متحمس وأطبخ قدام المدام( في طلعات البر أو في أمسيات الشوي)<<<<يقاله مايطبخ على طوووووول .... أتفاجأ بعبارات تهبط العزائم وتقلل من قدر الإمكانيات !!؟؟

مطاريس ..

هذا تقطيع !!؟؟

والحال يتكرر مع أكثر من زميل وفقاً لما ينقل لنا

معقوله طبخنا دماااار إلى هذه الدرجه !

ام هي الغيره والأنانيه ..


هههههههههههههههههههههههههههه

موغيره بس صدق

مطاريس

بكرى لاتزوجت بخلي زوجي يدرس كتب طبخ ههههههههههههههههههه

[جناان]

طبخكم ينفع بالبر .......>>> وخااصة اصحااب الصيد عليهم نثريااات خيااال
لاننا بالبر انوااع الحوسه مانعرف نطبخ
اما البيت لاااااا انتم حوسه للمطبخ
ماتخلون قدر ولا ملعقه ولا... ولا.. الخ
الا وطلعونه خخخخ
تجمعين الكفين وكأنكي تنوين القنوت
ههههه
الا تغسلون الرز
سمعت روايه انه من الكيس للكاتم ..خخخ
الزعيم
تحيتي لك

[جلوي العتيبي]

اختي الواثقه

يالله من فضللك بس متى تطبخون


متعقده اللي عندي عجاز


اهيء اهيء اهيء

هذا اللي كنت خايف منه

شوفي الله يخليك

هو الطبيعي وحنا الشواذ ! لأن مهوب كل زوج يطبخ يعني هم قلة المبدعون :)

[جلوي العتيبي]

هلا باخوي زيدان

مهب كل الناس مثلك انت والمدام يتغيرون الناس

أدري إنا وضع خاص والله يديم تميزنا :)

شكراًلك

[جلوي العتيبي]

أميرتنا قوت
رجال ويطبخون يالله من فضلك

بس مهوب دايم عاد ..

طبخهم حوسه في حوسه البصل مادري شلون يقطعونه ولا الطماطم
على الأقل ماتدمع عيوننا نص ساعه

شوفوا انتم تنفعون بس يالسلخ والذبح والباقي مالكم شغل فيه
السلخ والذبح الله يذكر عيد الأضحى بالخير ..غيره مانعرف :)

احس الرجال لو دخلوا في الطبخ ماينوكل خاااااااااااصه الخليجي بوجه عام

يادا الخليجي اللي ذبحتوه ..مايعرف لكل شيء ..
على فكره لرفع المعنويات في الشوي لاباس تنفعون

ايه لأنه الشيء الوحيد اللي ماتعرفون له

مااتخيل مره تشوي !!

شكرأ اخي الأميره قوت

[جلوي العتيبي]

مشرفتنا آنسه مطنشه

الزعيم انت خله يطبخ والله لامدحه طبخه هههههههههههه
لاتصيرين تطبخين حتى في الرحلات البريه !!

<<<ناوي يثيرها ..
بعدين طبيعي نقول كذا تبنا نمدحكم تنغرون لا لازم نحسسكم ان ماعنا غناه...

ماعنكم غناة بس أمدحو ..ثقتنا أكبر من الغرور :)

شكراً آنسه

[متغربه]

والله الصراحه طبخكم شييييييييييييييي مع انه حوسه xحوسه بس له طعم خياااااااااااال



ياليت زوجي يطبخ عندي بس الطبخ عند الشباب


ولا بعد يبيله ويبيله مهب تسذا يبيله بياله ماء يبيله ملح خانس شوي

وهو ماعمره طبخ عندي

[اسمر ومملوح]

اخوي الزعيم .. لايهمنك السحالي ترى ينغرن منا نغر موب طبيعي ..

اجل شف جنان تقول من الكيس للكاتم >>> ههههههه تذكرت واحد الله يحوم تسبده خخخخخ

نغورات تراهن ..


بس تدري عاااد شوقتنا متى نذوق نثريك .. ياسلام كبسه ومن هلالي ... ضمان انه تهبل

بس عاد يختلف الطبخ من شخص للثاني .. يعني انا لاصرت كاشت وإلا عجل .. احط كل شيء بالكاتم حتى الرز بعد .. واشب عليه وإلى (تس الكاتم ) قصرت عليه ان كان دجاج 25 دقيقه .. وإذا لحمه من 35 إلى 40 دقيقه وتعال ذق عاد شرط تاكل اصابعك وراه >> ايه هين خخخخخخ


وإذا صرت مانب عجل .. والله ياانا اقعد اتفرنك عليه فرنكه .. يعني اكشن وازين بزار للرز واحوف المرقه يصير ازين من طبخ الفنادق 00


الله يديمه عليك من نعمه انت وزوجتك ويخليكم لبعض يارب ..

[فور يو]

اخوي الزعيم بعض الشباب يطبخ احسن من مئة مره , خصوصا هواة البر والكشتات ...

مشاء الله , عليهم نفس في الطبخ ولا اروع ...

[شقرديه]

ها ها ها ها ها


سلم لي على زوجتك وقلها صح لسانك ولا فض فوك

هي صازة

اول شيء تقطيع الطماط الى بقي نصها جدعت بعدلها لانكم ما تعرفون شلون تقطع

البصل شلختين

الرز بجمع اليد تقيسونه

والدجاج ما ينظف ولا شيء قلبه قلبه

والا الى قلتو يحوف الكبسة نحسبة كبسة صز واثرها سليق منتحل شخصية كبسة

بس فيه رجال عليهم طبخ ما ينشبع منه لذيذ ليذي

[عبد الله الفقير]

ابو شهد يمكنها صادقة مطاريس , خلني أسير عليكم بالحمر و نشوف هل هو مطاريس و لا لا !!

و ما عليك بشهد لك و شهادتي ما فيها ..

[كرباج]

يارجال انه فيه رجال طبخه يطق اصبع للحرمه << وين داخل عرس

وفيه حريم ماتعرف تغسل الرز :)

والدليل اكلهن ولبسهن كلهن من ابناء جنسنا ولاعزاء للحاقدين

انا عن نفسي اذا تزوجت ابخلي زوجتي بالصاله تقرأ كتاب وانا بالمطبخ ادهر :)

تشاااااااااو

[جلوي العتيبي]

ندى

تشكرات على الثناء المستحق

بس أزياء ماادري أحسها صعبه علينا بس نحاول مستقبلاً

دام حظورك

[جلوي العتيبي]

صدقت أخي الرأي الأول

نفس الطبخ ومهارة الطباخ مهمه جداً

نتلذذ لطبخ بعض الشباب

مادري لأنه نادر أو أنه مميز مره

هاه بس لاتقول للوليه طبخ فلان حلو تقعد تسبه يومين وتقول مايعرف

دام حظورك

[جلوي العتيبي]

شموع تحت المطر

سر الطبخ يعني عندنا وعندكم

شكراً لكي وليتهم يعرفون

[جلوي العتيبي]

نمله كاشخه

شكلك أنتي محتاجه كتب

الله يوفقك بزوج طبيخ

دام حظورك

[جلوي العتيبي]

جنان

الطبخ بالبر يكون مافيه ضغط جماهيري

لكن في البيت الله يعين أنواع تثبيط العزائم

غسيل الرز <<<<<هذا هو أكره شيء بالنسبه لنا شغلانه طويله وغير مؤثره :)

دام حظورك

[@ ابتسام @]

والله الرجال يحوسون المطبخ ضروري بس الجد طبخهم له نكهه خاصه ؛ ما ادري وش يحطون ويطلع لذيذ وسريع يخلص مو مثلنا الساعه والزود لابد منه

يعني اذا دريت ان اخوي متنزل وقايل بسوي الغداء سوينا حفله ذاك اليوم ما ادري هو كله طعم والا دلع فينا هههههههههه

والا يمكن لانه يطبخ اشوي ههههههههههههههههه وانتناهبه ونحسبه زين حيل

عاد انت شف وش يناسبك السطرين الاولات وإلا السطرين الثانيات من ردي اخوي الزعيم ؛ ترى كلهن اؤمن بهن

[عتال]

والله اني احب طبخ الرجاجيل وافضل طبخكم علي الحريم

[رموز]

آآآه على طبخ الرجال مايعوووووووق ابدا ابدا
اخي الزعيم..
بالنسبة لطبخ الرجل ومن وجهة نظري الشخصيه انه له مذاق خاص
(طبعا مو دليل على الزين) لكن اللي يميزه الحوسه وخبط ولزق
مو مثل الحريم الرز نثري والبزار ياسلام وغير صف السفره اللي تفتح النفس
طبعا انتم البزار غير معترف فيه والرز عادي لو يتعلوك شوي والسفره
صماط والتبسي وصلى الله وبارك
يعني تنفعون بالبر عشان مانحمل مواعين تكفيكم قدر وملاس وسكين

ذكرتني باللي يذكره بالخير واحد اللي يسترعليه........
طلعنا مره للبر وهو بيطبخ وقبل لاينشف ماء الرز حس ان الرز شوي
اخذ رز من الكيس وغسله بماء وزود الرز يااللللللللللللللللللللللللللللللللللللللله
يالهوي طلع الرز حبه ناجضه وحبه تنكسر
عاد من وين بيطلع من لسان الحريم

ع العموم ننتظر طبخاتك ياشيف الزعيم

[السعودي]

http://www.gulflobby.com/lobby/upload/bes_algna9.gifhttp://www.buraydh.com/sign/taheya/slam.gif
الحريم ذولي ما وراهن إلا ... انتهى الغاز ؟؟!! وكثرة المقاحيف والمصولة ...
فتجد هذا بقدر .. والآخر بقدر .. وما أدري ويش بقدر آخر ...

فأنا لا استطعم جيداً إلا بالمطاريس ..
ولا يلزم لبس المداسيس
وما له داعي التظيم .. فاجمع شغلك وبالكاتم خلوه يصير دردبيس
ولك الله لجاك الزيزه حتى لوكانت مريس

أما الحريم فقد يطول جوعك وأنت تنتظر فتح قناة السويس
وزين إن سمح لك بالتلحيس .. فلا تلحيس إلا في وضع نسيس
وإن كشف أمرك .. فاحتمال تكب العشاء .. وحيناها تنقهر وتموت فطيس

[مــنــال]

:)

بصراحة مواقف حلووة و ردات فعل تضحك و الله يسعدكم .

الا ويش يعني ( مطاريس ) .. ؟؟

و حلوو أن الرجال يساعد زوجتة في شؤون الطبخ و المطبخ ، هو فيه وحده تلاقي زوج يخدمها حتى تقوم تعيب عليه !!

ماعليك يالزعيم هذا سوء تصرف منهن لا أكثر :)

[جلوي العتيبي]

متغربه

حوسه ×حوسه
^^^^
عبارات مغرضه من جنسكم اللطيف تعودنا عليها للأسف

لكن يبقى الطعم هو الأهم

بس له طعم خياااااااااااال

نهتم بالنتائج ولا نهتم بالشكليات

هذا هو شعارنا

دام حظورك

[جلوي العتيبي]

صديقي الهلالي اسمر ومملوح

بس تدري عاااد شوقتنا متى نذوق نثريك .. ياسلام كبسه ومن هلالي ... ضمان انه تهبل

نواجه مشكله في الطبخ عندما يكون الهلال يلعب :)

وفي مثل هذه الحالات لامجال للتكشين والفرنكه فالخطه 4/3/3 هجوميه بحته

الرز واللحم والبصل والبهارات دفعه واحده والوعد لاقضت المباراة :)

دام حظورك

[جلوي العتيبي]

الغالي فور يو

اخوي الزعيم بعض الشباب يطبخ احسن من مئة مره , خصوصا هواة البر والكشتات ...

مشاء الله , عليهم نفس في الطبخ ولا اروع ...

أكيد بس أخاف مدامته تقول انه مايعرف بعد :)

أحد الشباب اذا طبخ ..لاترى إلا آثار جريمه في الصحون ..ماشاء الله عليه

دام حظورك

[جلوي العتيبي]

شقرديه

دامت ضحكاتك

لاجديد في هذه الحمله الشرسه تجاه مواهبنا المدفونه :)

بس فيه رجال عليهم طبخ ما ينشبع منه لذيذ ليذي

وفيه حريم مالهم بالطبخ :)

على فكره الحديث كاملاً عن الكبسه أما الباقي فهو خارج مجال التخصص

[جلوي العتيبي]

الغالي عبدالله الفقير

الله يحييك وشهادتك مضمونه لأنني أثق بقدراتي :)

وانت من المشهود لهم بهذه الموهبه بس الله يعينك مستقبلاً على التحطيم

دام حظورك

[جلوي العتيبي]

الغالي ابو الكرابيج
والدليل اكلهن ولبسهن كلهن من ابناء جنسنا ولاعزاء للحاقدين

انا عن نفسي اذا تزوجت ابخلي زوجتي بالصاله تقرأ كتاب وانا بالمطبخ ادهر

شفت وشلون

ومع ذلك تكون ممارسات الضغط على مواطن القوه عندنا والتقليل منها :)

هلا بيك أجل تقراء كتاب وأنت تطبخ ههههههه

لا عاد كذا تخربهم علينا مررررررررررررره

دام حظورك

[جلوي العتيبي]

بسومه

والله الرجال يحوسون المطبخ ضروري بس الجد طبخهم له نكهه خاصه ؛ ما ادري وش يحطون ويطلع لذيذ وسريع يخلص مو مثلنا الساعه والزود لابد منه

أسرار المهنه ليست للنشر :)

أهم مايميز طبخ الرجال هو سرعة التنفيذ مهوب زيكم مستعجلين ..رايقين ..الوقت هو هو مايتغير

حاولوا تستفيدون مستقبلاً

دام حظورك

[جلوي العتيبي]

عتال

والله اني احب طبخ الرجاجيل وافضل طبخكم علي الحريم

هذا الطبيعي أحبك الله

دام حظورك

[جلوي العتيبي]

رموز

بزار وسفره وشغل طويل عريض وبالأخير كبسه يعني الفرق بينا وبينكم مافيش

ذكرتني باللي يذكره بالخير واحد اللي يسترعليه........
طلعنا مره للبر وهو بيطبخ وقبل لاينشف ماء الرز حس ان الرز شوي
اخذ رز من الكيس وغسله بماء وزود الرز يااللللللللللللللللللللللللللللللللللللللله
يالهوي طلع الرز حبه ناجضه وحبه تنكسر
عاد من وين بيطلع من لسان الحريم

حل مثالي للمشكلة ..وفي نفس الوقت تنويع في وضع الرز :)

بس لو أخذ رأي الشيف الزعيم كان قلتل له حل أمثل

الحلول كثير ووقتيه عندنا مهوب زيكم ساعتين !!

دام حظورك

[جلوي العتيبي]

الغالي ابوابراهيم يالله حيه في مطبخنا العامر

الحريم ذولي ما وراهن إلا ... انتهى الغاز ؟؟!! وكثرة المقاحيف والمصولة ...
فتجد هذا بقدر .. والآخر بقدر .. وما أدري ويش بقدر آخر ...
لا ولايعرفن الحلول العاجله

تنويم إسطوانة الغاز ..إستخدام الدافور



فأنا لا استطعم جيداً إلا بالمطاريس ..
ولا يلزم لبس المداسيس
وما له داعي التظيم .. فاجمع شغلك وبالكاتم خلوه يصير دردبيس
ولك الله لجاك الزيزه حتى لوكانت مريس


ما أجمل نغمات الكاتم وهو يقسم ولا أحمد فتحي :)

أما الحريم فقد يطول جوعك وأنت تنتظر فتح قناة السويس
وزين إن سمح لك بالتلحيس .. فلا تلحيس إلا في وضع نسيس
وإن كشف أمرك .. فاحتمال تكب العشاء .. وحيناها تنقهر وتموت فطيس

بينما عندنا يجوز لك مالايجوز لغيرك فأنت الطباخ والذوةيق وكله

تشبع قبل تنتسب العشاء

دام حظورك الظريف ياصاحب القلب النظيف

[جلوي العتيبي]

منال

الا ويش يعني ( مطاريس ) .. ؟؟

يعني أنواع المحوقه

<<<عقد السالفه

مطاريس كلمه تعني الشغل الحوسه والنظيف مررررررررررره :)


و حلوو أن الرجال يساعد زوجتة في شؤون الطبخ و المطبخ ، هو فيه وحده تلاقي زوج يخدمها حتى تقوم تعيب عليه !!

ماعليك يالزعيم هذا سوء تصرف منهن لا أكثر

قاعدين نعرض خدماتنا بس لاتشجيع

أكيد سوء تصرف وهن الخسرانات:)

شكراً لهذا الحظور

[الملتاعه]

وكثرة المقاحيف والمصولة ...

ترجموووووووووووووا لو سمحتووووووووا

[جلوي العتيبي]

المقاحيف : الملاعق

المصوله :الحوسه

تمت الترجمه في معمل رامي بيروت

[الملتاعه]

تمت الترجمه في معمل رامي بيروت

وهذي ليش مكتوووبه صغيره ههههههههههههههههههههههههههههههههههههه

بس من جد كلمات غريبه

[حجازيه وافتخر...]

انا اؤيد واموت في طبخ الرجال والله له طعم ثاني حتى لو ماكان بمقادير وكل شي والله من يد الرجل يجنن بس هو يتنازل ويذوقنا من يده شي .
احنا متعودين لا طلعنا البر الرجال يطبخون وبصراحه طبخهم مافيه اي كلام
اخوي لاتتحطم استمر والله بس اللي تقوللك كذا غيراااانه

[جلوي العتيبي]

حياك الله اختي حجازيه وأفتخر

يعني مافيه تنافس غير شريف عندكم ؟

مشكوووووره على رفع الروح المعنويه