تسجيل الدخول

مشاهدة النسخة كاملة : جروح من جديد وإشكال جديد ..dsl

جروح
15-02-07, 04:38 am
السلام عليكم

الحقيقه اني اخجل من قلة مشاركاتي في هذا المنتدى وهو اول منتدى سجلت فيه من يوم عرفت النت وكان تسجيلي من أجل هذا القسم بالذات ...

<< رجعت لسبع سنين ورا ......... << بتقص قصة حياتها :D

المهم

انا واجهتني مشكلة انترتيه وطبعا علطول اذكر منتدى بريده حزة الفزعات ,,,

في دي اس الّ (ي) << ياء متكلم .. وبالذات في الاعدادات وخطوات التثبيت بعد مانهيتها وطلعت لي صفحة الاكسبلورر اللي تحتوي على (زر) مكتوب عليه connect يفترض اني اضغطه ويتغير الى disconnected وضغطته فعلا ... لكن ماتغير وظل على كونكت ...

مما يعني انه لم يتصل بالانترنت ,,,

فما السبب .. وما الحل !

والشكر للمجتهدين في هذا القسم والمنتدى ككل ,,,
تميم الداري
15-02-07, 04:14 pm
وضحي اختي اكثر ,,,,
عبدالله الحلوه
15-02-07, 04:53 pm
جروح


كلمة disconnected تعني عدم الأتصال وكلمة connect متصل

ليتكِ اوضحتي مانوع المودم ليتسنى لنا الشرح اكثر


تحياتي
مــجــمــوعــة إنــســان
16-02-07, 12:51 am
أختي المشكله تكون واحده من ثنتين يا اما ان الإشتراك عندك انتهى او ان الإنترنت فيه مشكله


ولكن يا اختي يا ريت تحطين لنا صوره للصفحه الي تطلع لك علشان نقدر نفيدك أكثر وهي طريقه سهله كل ما عليك انك لما تدخلين على إعدادات الموديم إظغطي على الزر الي بالكيبورد لتصوير الشاشه وهو زر Print Screen وحطي الصوره لنا هنا وان شاء الله نحل لك المشكله
جروح
16-02-07, 05:03 am
لاهنتوا اخواني ..
اخوي الحلوه ,,
انا عارفه معاني الكلمات وايش عملها .. وعارفه المشكله لكن ماعرف سببها و الحل
والمودم سبيد تتش 585
اخوي مجموعة انسان ,,
لا الاشتراك توني فتحته لكن الاشكال بالانترنت << يعطيني مافيه اتصال بالانترنت


ولو اني كنت احسب ان الكلام واضح لكن ماعليه احاول اوضح اكثر ..
هذي الصوره من منتدى اخر مشروح فيه طريقة التركيب والتثبيت واتبعتها .. وفيها زر الكونكت يفترض انه يتبدل بعد الضغط عليه الى دسكونكتد لكنه بقي عندي على كونكت يعني ماتصل بالنت ...

http://i137.photobucket.com/albums/q237/dvdus/speedtouch11.jpg
عبدالله الحلوه
16-02-07, 05:32 am
جروح


اذا كنتي متأكده من صحة الأعدادات فماعليك إلا تكرار الضغط على الأيقونه حتى تتحول إلى الأخرى بإذن الله


تحياتي
مــجــمــوعــة إنــســان
16-02-07, 05:42 am
اختي جرووح انا عندي مودم سبيد تتش وفي بعض الأحيان يصير نفس الخلل وآخرها اليوم كان عندي نفس المشكله


اختي كل الي عليك تسوينه انك تطفين المودم وتشبكين خط التليفون بدون سبلتر دايركت بالمودم وبعد كذا شغلي المودم وجربي سوي كونكت وان شاء الله تظبط الطريقه


انا اليوم سويت نفس الشي وظبط معاي يعني اقول لك من واقع تجربه
السعودي
16-02-07, 08:19 pm
شرح تفصيلي من إلى

http://www.wz63.com/up/uploads/6b58340231.zip

فاحتفظي بالشرح للفزعات
ماجد الأول
16-02-07, 11:33 pm
اضغطي على كلمة Internet
الموجودة يسار الزر المذكور
تفتح لك صفحة فيها تدخلين بيانات الاشتراك صحيحة
ثم تضغطين زر كونكت من هناك

أعتقد المشكلة إنك تضغطين كونكت دون وجود بيانات الاشتراك
جروح
18-02-07, 06:26 am
ماقصرتوا اخواني قدها..

اخواني .. (( الحلوه ,, مجموعة انسان ,, ماجد الاول ,, ))
والله سويت كل اللي قلتوا عليه بس هو مقزز ..!!
ماقصرتوا يعطيكم العافيه..


اخوي السعودي ,,
مشكووور و يعطيك العافيه
لكن ..<< مادري منين ابدا !
اولا انا عملت خطوات الشرح يعني هيأت المودم (restart) برغم اني توني شريته ! لكن سبق ادخلت معلومات وعملت الاعدادات على النت ومعلومات المزود حفظتها من كثر مادخلها .... ومع ذلك ماكنك يابو زيد غزيت !

ثانيا انا وصلت في التطبيق الى معلومات المزود دخلتها وضغطت كونكت ماتغير شي ! <<( و هذي هي مشكلتي الاصليه, مايتصل بالنت )...
ضغطت على اللينك هذا..
( check connectivity of this internet service)

طلعت لي الخطوتين اللي بعدها (حسب الشرح ) << يعني وصلت الى نتيجة الفحص ... وكانت كالتالي :

-------------
: Test Results
DSL (صح)
ATM (صح)
Ethernet (صح )
PPP (خطأ )
Your connection is currently down.
--------

والحين ايش يبي هالـ PPP ؟!!

مع العلم ان هذا "فقط " كل ماورد في "قائمة" نتيجة الفحص !


(( على فكره ))
في اخر خطوه من اعداد المودم وبعد ماضغطت على (finish) انتظرت تطلع لي صفحة الاكسبلورر وماطلعت ولمبة الانترنت بالمودم طافيه وتعطي اشارة حمراء كل فتره طويله نوعا ما .. وللاسف نسيت شلون طلعتها عشان اكمل باقي الخطوات :D << لكن 98% انه عن طريق وصلة رقم المودم اللي بالشرح ...


يارب اكون مفهومه ....
السعودي
18-02-07, 04:16 pm
طيب هل اشتراكك مضبوط

فأخاف أن البلاء بالاشتراك

فهل جربت الاشتراك على جهاز ومودم آخر

أو أعطني اشتراكك عبر الخاص أجربه و أعطيك الخبر إن لم يكون هناك حرج

بعدين ما مزود الخدمة الذي أخذت منه الاشتراك
جروح
18-02-07, 06:11 pm
مادري اذا كان منه او لا ولا أظن
لكن بجربه على مودم ثاني ..

اشتراكي نسمه ..
جروح
20-02-07, 07:08 pm
لا هنت اخوي المطنون يعطيك مليون عافيه << تبي زود ؟ :)

وفعلا الشرح فيه اختلافات بسيطه اذا اشتغل الكهرب كملت المحاولات << طافي :(

وشكل السعودي دخن .. خخخخ



السعودي الاشتراك طلع تمام
مــجــمــوعــة إنــســان
21-02-07, 05:05 am
اختي جروح

حاولي توصيل خط التليفون بالمودم مباشره بدون سبلتر قد يكون الخلال بالسبليتر


او تاكدي عند تهيئتك للمدوم انك إخترتي Pppoe وليس Pppoa


تاكدي من الخطوه الأولى أولا اما الخطوه الثانيه اعتقد انها إحتمال بعيد
جروح
24-02-07, 03:41 am
والله قهر ......!





وجع راس وحرق اعصاب
و عشريييييييييييييييييييييييين ريال راحت <<<<<<<<<<<<


وبالاخير طلع السبب ...............


!

لا ما اتحمل اقووول
<< محبطه ........ شعور بالهزيمه

خلاص مابي دي اس ال .. قهرني



<< هذا الرد عن طريق الديزل(دي اس ال ) << حمقت عليه بتعيره

شكرا مجموعة انسان للعوده ,,
مــجــمــوعــة إنــســان
24-02-07, 06:19 am
أختي جرووووح اتوقع ان السبب ما عندك خدمة الdsl أساساً وهذا الي ما اتمناه لك صراحه وهذا توقع بعيييييد ولكن يصير في بعض الأحيان



لكن نبي نعرف وش السبب < < < < < ملقوف
مــجــمــوعــة إنــســان
24-02-07, 06:20 am
آسف اختي جروح ما انتبهت انك قلتي ان هذا الرد عن طريق الديزل Dsl يعني الخدمه الحمدلله ركبت خلااااص


لكن وش هو السبب ؟

< < < < لسه ملقوف ما تغير
جروح
24-02-07, 07:34 pm
اهلا بك اخوي مجموعة انسان ,,
وانا لازلت في حيص بيص معه !

ولا زلت في مشكله جديده ابحث عن حلها ..

المشكلة الاولى ورد حلها في شرح اخوي المطنون
وهي اني كنت اضع في يوزر الاشتراك فقط (@والسرعه ) بعد اليوزر (( والمفروض )) انك تضع اسم الشركه وو ,,
يعني كأنك تضع البروكسي حق الشركه بس بدون كلمة proxy-dsl

يعني:-
انا كتبت (السرعه@اليوزر) <<فقط وبنفس الترتيب
والمفروض (nesma.net.sa.السرعه@اليوزر)
وبس .... !


يله استفيدوا من جروح << ترى الاخذ والعطاء والردود تفيد << دعايه عشان الكل يدخل :D
________

والمشكله الجديده:-
هي انه الان يشبك معي بالواير بينما جهاز اخوي بنفس البيت يشبك بالواير لس


ليش !؟
وهل للتعاريف دخل ؟ << لأنه عندي حاجه بادراة الاجهزة عليها علامة تعجب اصفر ...


رجاء اللي يعرف يرد و لا يطنش
مــجــمــوعــة إنــســان
25-02-07, 03:25 pm
ألحين وش المشكله بالظبط يا اختي جروووح

انتي تقولين انك تشبكين بالوير واخوك يشبك بالواير ليس وين المشكله ؟
جروح
25-02-07, 04:39 pm
المشكله انه عندي يرفض الاتصال لاسلكي

لازم كيبل
مــجــمــوعــة إنــســان
25-02-07, 05:23 pm
اختي جروح هذا يعني ان المشكله في جهازك وليست بالمودم


حاولي تتاكدين من إعدادات الواير ليس في جهازك
جروح
25-02-07, 11:37 pm
على ايش يفترض ان الاعدادت تكون ؟!

وهذي الصوره اذا ضغطت زر اتصال اللي تحت يحاول فتره انه يشبك لكن مايشبك ولا يتغير الزر الى (قطع الاتصال) يعني ما شبك لاسلكي

http://www.y1y1.com/u/uploads1/078d504c1f.jpg (http://www.y1y1.com/u)
مــجــمــوعــة إنــســان
26-02-07, 08:53 am
أختي واضح ان الواير ليس عندك بدون باسوورد يعني المشكله بكل تأكيد في الإعدادات لاحظي بالقائمه الي على اليمين فيه عندك خيار الي هو

تغيير الإعدادات المتقدمه حاولي انك تظبطين الإعدادات الي هناك على نفس الإعدادات الي بجهاز أخوك
جروح
26-02-07, 10:39 pm
:) عملت اللي قلت لي عليه ودعبرت شوي وشبك و هذا اول رد عن طريق الواير لس ,,

لكن <<<<<<<<<<<<< :D وما ادراك ما لاكنات جروح

الخيار اللي اخذته ابي افهمه .. وهذا اللي سويته :-

اتصالات شبكة الاتصال > باليمين على wireless network connection > خصائص > شبكات الاتصال اللاسلكيه > شبكات الاتصال المفضله > الخ ...speedtouch> مصادقة الشبكة كانت على (مشتركه) ومفتاح الشبكه وتأكيده مكتوب فيها ,, انا غيرته الى "مفتوحة" مثل جهاز اخوي .. وشبك

سؤالي .>
* ايش الفرق بين مشتركه ومفتوحه ؟! يعني هل هذا داخل في موضوع الحمايه والامان ؟!

* وكيف احمي جهازي محد يدخل له من برا عن طريق الدي اس ال او اللاسلكي !
مــجــمــوعــة إنــســان
26-02-07, 11:44 pm
اختي جروح مسألة المشتركه والمتوحه هذي طريقة أتصال الواير ليس بين الجهازين وما احب اتفلسف بشي ما اعرف فيه كثير علشان ما احوس

اما مسألة انك تحمين جهازك جهازك محمي ولا فيه احد بيقدر يدخل عليه عن طريق الdsl لأن المودم نفسه فيه جدار ناري للحمايه
مــجــمــوعــة إنــســان
26-02-07, 11:46 pm
اختي جروووح اهم شي الdsl أشتغل على كل الطرق وترى كثر الحربشه يخرب


هذي الحكمه الي عرفتها من استخدامي للكمبيوتر على مدى سنوات كل ما حربشت بشي انحاس جهازي


اي خدمه تحت امرك
جروح
28-02-07, 04:45 am
يعطيك العافيه اخوي مجموعه
والظاهر لو ابتل اسأل عن كل شي بنطرد من المنتدى كله !!:d << باقي أسئله في خاطرها :)

وعلى قولتك اهم شي اشتغل

شكرا لك ,,
مــجــمــوعــة إنــســان
28-02-07, 12:46 pm
أختي جروووح القسم هذا من أهم واجباته هي مساعدتة الأعضاء فلو كان عندك إي إستفسار أو سؤال تفضلي خوذي راحتك