سأعترف لكم...لقد كنت مضطهدة..!

[..روز..]

السلام عليكم...

كيف الحال..إن شاءالله الجميع بخير..؟

من زمان ماكتبت موضوع..


قبل عشر سنوات تقريباً ..كنت أعيش مأساة.. ماهي بسبب مرت أبوي الشريرة ولازوج أمي المتوحش..!!
كانت بسبب أخوي!!

كرهت مجتمع العيال كله في ذاك الوقت ..

ليه الأولاد يتسلطون على البنات؟..ليه يستقوون عليهم؟
ليه كل شي جميل في الحياة يحولونه لقبح؟

علاقة اليهود بإخواننا الفلسطينيين غاية في الحب والمودة مقارنة بعلاقة أخوي بي..
من يصبح الصباح لين يخلص الليل وهو يستلذ بتعذيبي..

_مايمد إيده_...
بس يقول كلام يرفع الضغط وينرفز ، وأحلى يوم في حياته اليوم اللي يلقط فيه اسم وحده من صديقاتي..
يستاااانس!!:4_1_6[1]:







ويبدأ مسلسل التعليقات :-


أمي / روز.. تعالي تعشي..


أنا / لايمه ما أبغى.

هو :e9: / يمه تراها تقلد صديقتها فلانه..


* أنا متحمسة أقول لخالتي سالفة..يدخل الأخ في الله..

لاتصدقينها ! لاتصدقينها!! ترا صديقتها فلانه خافـه عليها بهالسالفة ..أصلاً كل صديقاتها يخفّون عليها.

* أمي / روز ليش ماذاكرتي للحين..؟

أنا / مالي نفس..

هو :e9:/ تراها ماذاكرت عشانها ناوية تغش من صديقتها فلانه !


وطبعاً ردّة فعلهم دايماً تكون مابين مصدّق ومستملح !!


أول مايدخل من الباب وقبل لايسلّم يلتفت عليّ وهو يقول ((خير!))..

طيّب انتظر لين تطيح عينك بعيني بعدين قل اللي تبي..!


كنت دايم أصيح عند أمي وأقول والله إذا صار عندي أولاد والله لأخليهم خدم عند البنات >>>ياعيني عالإنتقام القوي ، انتبهي بس لايوجع أخوك مرّة !

وأخليهم كل يوم يغسلون الحوش (ماقد غسلت الحوش في ذاك الوقت بس كنت أحس إنها أصعب مهمة منزلية )..



كان يستمرض .. يموت .. يتحكك .. إذا مرّ اليوم وهو ماتنجس عليّ ، لدرجة إنه أحياناً يدخل علي الغرفة ومايلقى شي يتطنز عليه _ فتتعب نفسيته مسكين _

أتخيّله يقول بقلبه يارب وش أقوووووول..آه لقيتها !

((أستغفر الله لابسة أزرق ! الحمد لله والشكر ! ))


كنت دايم أفكر وش يبي هالآدمي !؟ من اللي مواجره على أذيتي؟

يمكن تقولون هذي أشياء عادية تصير بين الأخوان..
لكنكم ماتحسون بأثرها على الفئة المستضعفة في ذاك العمر..

وإذا تمشكلت مع أي أحد يفزّ عرق الأخوّة فيه ويصير (معي؟) لاطبعاً ..مع الطرف الثاني !!

ولد خالتي كان دايم متسلّط عليّ وإذ علّمت عليه أخوي سوبرمان آل زورو يقول ((أحسن !))

حتى إنه يتطنز عليّ قدّام أولاد خالتي ويسميني (حفــريــات)..
أكيد بتقولون مسكينه فيها عنقز ..

لاأبداً وجهي مافيه شي بس بما إن أخوي تخصصه بكالريوس تقبيح العالم ماهان عليه إنه يسمّيها غمــازات فسمّاها حفريات..

حتى إنه كان يقول للشلّة الظريفة اللي معه ((تدرون شلون طلع اللي بوجه روز؟ يوم كانت ببطن أمي دخلت عليها

ومعي دريــل ((((الله أكبـــــــر!!)))) وحفّرتها !!!))

وهم ((هااع هاااع هااااع دريييل هاااااع هااااااع :4_1_72[1])) >>>>>>الله من ثقالة الطينه..

خفت عليهم يجيهم شدّ عضلي من تغصّب الضحك..

بتقولون أكيد إنك تتحرشين فيه..

بالعكس كنت مسالمة معه (غصب) لأني ماأتجرأ أسوّي له شيء والفارق بيننا كبير ..


كان يكرهني أكثر من كل شيء ويفرّغ مراهقته عليّ..وإن فكّر أحد يمدحني قدّامه يجيب له سجل بكل أخطائي موثقّة ومؤخرة بالميلادي والهجري..:a4:
فعلاً كان مسبب لي ربكة بحياتي..


***************************

مرّت السنين.. كبرنا ونسينا وتغيّرت الأحوال..وسبحان الله صار أطيب إنسان عرفته...ومن غلاوتي عنده لو أطلب القمر جابه لي ...
يحترمني وياخذ بشوري كأني أكبر منه ..وإذا دخلت فزّ وقام يسلّم عليّ...

وفي يوم زواجه.. حبيت ألطّف الجو وأنا أسلّم عليه فقلت له وأنا أضحك..((هاه .. من بيوديني الجامعه السبت؟))
احتريته يبتسم .. مادريت إلا صاح !!
أوف..!بحياتي كلها ماشفت دموعه..
بس شفتها هاليوم..
بلحظتها قلت ببالي ( ياروز..ياشريرة شلون كنتي تتمنين أول إنه يصيح قدّامك! )


**********************************

وأنا أقصّ لأمي عن وضعي أوّل والحين..قالت : (( هاه ماضرّك شي..))
وأنا أقول..لا يمّه ماضرّني شي...

ولا يا أنتم ماضرني شي...وماتأثرت حياتي..

بس يحق لي إنه يكون لي ولكل بنت ذكريات حلوة....:11_1_218v

لأني شبه متأكدة إن غالبية البيوت اللي يجتمع فيها (بنت وأخو أكبر منها) تكون محل إضطهاد من الطرف _الأقوى_...

بمباركة من الأهل الساكتين...








سوووووووووووووري طولت عليكم... :11_4_101[

[متغربه]

رووووووووووووووووووووعه ياروز

اسلوبك مرررررررررة حلو

والله يخلي لك اخوك

ووووووووووووووووووتقبلي مروري

[اسمر ومملوح]

حتى إنه يتطنز عليّ قدّام أولاد خالتي ويسميني (حفــريــات)..
أكيد بتقولون مسكينه فيها عنقز ..

لاأبداً وجهي مافيه شي بس بما إن أخوي تخصصه بكالريوس تقبيح العالم ماهان عليه إنه يسمّيها غمــازات فسمّاها حفريات..


ههههههههههههههههههه


اللي مايعرف للصقر يشويه


الله يرج بليسك ضحكتيني مره


مرّت السنين.. كبرنا ونسينا وتغيّرت الأحوال..وسبحان الله صار أطيب إنسان عرفته...ومن غلاوتي عنده لو أطلب القمر جابه لي ...
يحترمني وياخذ بشوري كأني أكبر منه ..وإذا دخلت فزّ وقام يسلّم عليّ...

وفي يوم زواجه.. حبيت ألطّف الجو وأنا أسلّم عليه فقلت له وأنا أضحك..((هاه .. من بيوديني الجامعه السبت؟))
احتريته يبتسم .. مادريت إلا صاح !!
أوف..!بحياتي كلها ماشفت دموعه..
بس شفتها هاليوم..
بلحظتها قلت ببالي ( ياروز..ياشريرة شلون كنتي تتمنين أول إنه يصيح قدّامك! )


ووووووووووه بس انا دمعت عيني وانا مالي دخل >>> تراااااه رحوم >> ايه هين خخخخخخخخخخخ


روز الصراحه اسلوب يشق الوجه من زينه


رووووووووعه موضوعك يالدووووووبا


تشكراااات خيتو ع هيك موضوع جميل

[..روز..]

رووووووووووووووووووووعه ياروز

اسلوبك مرررررررررة حلو

والله يخلي لك اخوك

ووووووووووووووووووتقبلي مروري


هلا بك (متغربة)...

أنت أروع وأروع نورتي موضوعي ياعسل...

والله يخلي لك أهلك وكل من تحبين..

[..روز..]

ههههههههههههههههههه


اللي مايعرف للصقر يشويه


الله يرج بليسك ضحكتيني مره





ووووووووووه بس انا دمعت عيني وانا مالي دخل >>> تراااااه رحوم >> ايه هين خخخخخخخخخخخ


روز الصراحه اسلوب يشق الوجه من زينه


رووووووووعه موضوعك يالدووووووبا


تشكراااات خيتو ع هيك موضوع جميل


أهلين أسمر...أحلى شي بموضوعي ردك...

..(كعادتك دائما تضفي نكهة خاصة)...


بعدين يالرقيق بغيت تصيح...؟ ياخي خليتني أختشي من نفسي ....أنا وهو الي صايح قدامي ماصحت...الله يالدنيا صاروا الشباب أرق منا..!


شكرا على هالطلة....

[البـــBADERـــدر B.D.Q]

روز وش اخوك ذا
والله ولا بغونتامو http://www.roro44.com/smilies/crazy/035.gif

لكن شفتي من صبر فلح http://www.roro44.com/smilies/msn/013.gif

[بيسان]

السلام عليكم...

كيف الحال..إن شاءالله الجميع بخير..؟

من زمان ماكتبت موضوع..


قبل عشر سنوات تقريباً ..كنت أعيش مأساة.. ماهي بسبب مرت أبوي الشريرة ولازوج أمي المتوحش..!!
كانت بسبب أخوي!!

كرهت مجتمع العيال كله في ذاك الوقت ..

ليه الأولاد يتسلطون على البنات؟..ليه يستقوون عليهم؟
ليه كل شي جميل في الحياة يحولونه لقبح؟

علاقة اليهود بإخواننا الفلسطينيين غاية في الحب والمودة مقارنة بعلاقة أخوي بي..
من يصبح الصباح لين يخلص الليل وهو يستلذ بتعذيبي..

_مايمد إيده_...
بس يقول كلام يرفع الضغط وينرفز ، وأحلى يوم في حياته اليوم اللي يلقط فيه اسم وحده من صديقاتي..
يستاااانس!!:4_1_6[1]:







ويبدأ مسلسل التعليقات :-


أمي / روز.. تعالي تعشي..


أنا / لايمه ما أبغى.

هو :e9: / يمه تراها تقلد صديقتها فلانه..


* أنا متحمسة أقول لخالتي سالفة..يدخل الأخ في الله..

لاتصدقينها ! لاتصدقينها!! ترا صديقتها فلانه خافـه عليها بهالسالفة ..أصلاً كل صديقاتها يخفّون عليها.

* أمي / روز ليش ماذاكرتي للحين..؟

أنا / مالي نفس..

هو :e9:/ تراها ماذاكرت عشانها ناوية تغش من صديقتها فلانه !


وطبعاً ردّة فعلهم دايماً تكون مابين مصدّق ومستملح !!


أول مايدخل من الباب وقبل لايسلّم يلتفت عليّ وهو يقول ((خير!))..

طيّب انتظر لين تطيح عينك بعيني بعدين قل اللي تبي..!


كنت دايم أصيح عند أمي وأقول والله إذا صار عندي أولاد والله لأخليهم خدم عند البنات >>>ياعيني عالإنتقام القوي ، انتبهي بس لايوجع أخوك مرّة !

وأخليهم كل يوم يغسلون الحوش (ماقد غسلت الحوش في ذاك الوقت بس كنت أحس إنها أصعب مهمة منزلية )..



كان يستمرض .. يموت .. يتحكك .. إذا مرّ اليوم وهو ماتنجس عليّ ، لدرجة إنه أحياناً يدخل علي الغرفة ومايلقى شي يتطنز عليه _ فتتعب نفسيته مسكين _

أتخيّله يقول بقلبه يارب وش أقوووووول..آه لقيتها !

((أستغفر الله لابسة أزرق ! الحمد لله والشكر ! ))


كنت دايم أفكر وش يبي هالآدمي !؟ من اللي مواجره على أذيتي؟

يمكن تقولون هذي أشياء عادية تصير بين الأخوان..
لكنكم ماتحسون بأثرها على الفئة المستضعفة في ذاك العمر..

وإذا تمشكلت مع أي أحد يفزّ عرق الأخوّة فيه ويصير (معي؟) لاطبعاً ..مع الطرف الثاني !!

ولد خالتي كان دايم متسلّط عليّ وإذ علّمت عليه أخوي سوبرمان آل زورو يقول ((أحسن !))

حتى إنه يتطنز عليّ قدّام أولاد خالتي ويسميني (حفــريــات)..
أكيد بتقولون مسكينه فيها عنقز ..

لاأبداً وجهي مافيه شي بس بما إن أخوي تخصصه بكالريوس تقبيح العالم ماهان عليه إنه يسمّيها غمــازات فسمّاها حفريات..

حتى إنه كان يقول للشلّة الظريفة اللي معه ((تدرون شلون طلع اللي بوجه روز؟ يوم كانت ببطن أمي دخلت عليها

ومعي دريــل ((((الله أكبـــــــر!!)))) وحفّرتها !!!))

وهم ((هااع هاااع هااااع دريييل هاااااع هااااااع :4_1_72[1])) >>>>>>الله من ثقالة الطينه..

خفت عليهم يجيهم شدّ عضلي من تغصّب الضحك..

بتقولون أكيد إنك تتحرشين فيه..

بالعكس كنت مسالمة معه (غصب) لأني ماأتجرأ أسوّي له شيء والفارق بيننا كبير ..


كان يكرهني أكثر من كل شيء ويفرّغ مراهقته عليّ..وإن فكّر أحد يمدحني قدّامه يجيب له سجل بكل أخطائي موثقّة ومؤخرة بالميلادي والهجري..:a4:
فعلاً كان مسبب لي ربكة بحياتي..


***************************

مرّت السنين.. كبرنا ونسينا وتغيّرت الأحوال..وسبحان الله صار أطيب إنسان عرفته...ومن غلاوتي عنده لو أطلب القمر جابه لي ...
يحترمني وياخذ بشوري كأني أكبر منه ..وإذا دخلت فزّ وقام يسلّم عليّ...

وفي يوم زواجه.. حبيت ألطّف الجو وأنا أسلّم عليه فقلت له وأنا أضحك..((هاه .. من بيوديني الجامعه السبت؟))
احتريته يبتسم .. مادريت إلا صاح !!
أوف..!بحياتي كلها ماشفت دموعه..
بس شفتها هاليوم..
بلحظتها قلت ببالي ( ياروز..ياشريرة شلون كنتي تتمنين أول إنه يصيح قدّامك! )


**********************************

وأنا أقصّ لأمي عن وضعي أوّل والحين..قالت : (( هاه ماضرّك شي..))
وأنا أقول..لا يمّه ماضرّني شي...

ولا يا أنتم ماضرني شي...وماتأثرت حياتي..

بس يحق لي إنه يكون لي ولكل بنت ذكريات حلوة....:11_1_218v

لأني شبه متأكدة إن غالبية البيوت اللي يجتمع فيها (بنت وأخو أكبر منها) تكون محل إضطهاد من الطرف _الأقوى_...

بمباركة من الأهل الساكتين...








سوووووووووووووري طولت عليكم... :11_4_101[

اختي روز بصراحه من جد تأثرت بما كتيتيه

ليس فقط لأن كتبتيه بأسلوب رائع ومحمس

لا بل لأني عشت حالتك مرارن واكثر من ذلك لاتتصورين ويمكن حالتك هاذي اهون مني

انا مثلك مع خواتي واخوي وكلهم اصغر مني بس لان ابوي قبل كان مدلعني بزياده ويفرق بيني وبينهم بكل شي

واللحين اعاني هالشي مع ابوي وامي ابوي كنه رجل امي وامي كنها مرت ابوي

وكلهم يجتمعون بوقت واحد تخيلي

ولا ياليته على الكلام لأ بمد اليد قدام خواتي وقدام الناس تخيلي انتي يارووووووز

وربي اخر الليل الناس ماتنام من صراخي وهواش ابوي وضربه لي وربي مايرتاح الا ليما يشوف الدم على ايدي او كتفي او بظهري ويرتاح واخاف يشوفه يزيد علي

بتقولون وش مسويه له اسباب تافهه وربي

يا سهرانه على النت وربي منتدى بريده وربي او سهرانه بفراشي وتعديت حدود وقت النومه

او نزلت تحت اشرب ماء ولحالي والمشكله لا امتلك لاجوال ولا شي ليش مدري

وامي تطبق اللي بالتلفزيون علي وراه عباتك هنا شكلك طالعه بالشارع ماندري

وليش تأخرتي بالرجعه من الجامعه من جابك ؟؟؟؟؟؟؟؟

وعمانك اللي من الرضاع ليش تكلمينهم بالجوال وليش تسلمين عليهم وابوي واخوي البزقه ياقفون يشوفون وشلون اسلم عليهم وبحقد بعد افشل بصراحه

ولا تروحين معهم بالسيارة يمكن ويمكن

ومن صغري على هالمشووووووووووووار وشوفي اللحين عمري 23 وللحين ليما اتزوج بظل على هالحال وكرهت كل الرجال اللي بالعالم

وكرهت الزواج وطاريه لو ابوي يقدم لي واحد انجنيت تخيلته رجل بشوارب وشعر كل وجهه يخرع ودب وكنه الجاحظ او عنتر واقعد اصيح

لو كان واحد من عيال عمي وانا اعرف شكله بعد بس دامه ابوي اللي جايبه ارفضه

وتستمــــر معـــــانـــــــــــــــاتـــــــي

والحمد لله على كل شي والحمد لله على حالتك اللحين وانا سعيده انها تحولتي الى انسانه سعيده بحياتك

على فكرة انا الكبيرة العوده بين خواتي

واتمنى لك التوفيق والسعادة بالدارين

اختك نموووووووووووله

[جناان]

اااه كلنا مرينا بهالمرحله ياروز
لكن والحق ينقال فيه عدل من الاهل يعني المخطيء يقاله اخطيت..!!
وانا مستمتعه بأسلوبك
ومنسجمه
الابالخير وربي خنقتن العبره
يوم صاح اخوك >>داخله جوو خخخ
ربي يخليلك اخوتك ويخليلي نور عيني اخواااني
تحيتي لك
ولاسلوبك الراائع

[..روز..]

روز وش اخوك ذا
والله ولا بغونتامو http://www.roro44.com/smilies/crazy/035.gif

لكن شفتي من صبر فلح http://www.roro44.com/smilies/msn/013.gif


أهلين البـــBADERـــدر...

شرفني مرورك...

وبالنسبة لغوانتانامو فأنا أكاد أجزم إن طرق التعذيب ماخذينها من عيال السعودية...:a1:


ههههههههههههه ياويلي من الله ظلمتهم...


وفعلا ياالحكيم صبرت وظفرت... :)

[..روز..]

اختي روز بصراحه من جد تأثرت بما كتيتيه

ليس فقط لأن كتبتيه بأسلوب رائع ومحمس

لا بل لأني عشت حالتك مرارن واكثر من ذلك لاتتصورين ويمكن حالتك هاذي اهون مني

انا مثلك مع خواتي واخوي وكلهم اصغر مني بس لان ابوي قبل كان مدلعني بزياده ويفرق بيني وبينهم بكل شي

واللحين اعاني هالشي مع ابوي وامي ابوي كنه رجل امي وامي كنها مرت ابوي

وكلهم يجتمعون بوقت واحد تخيلي

ولا ياليته على الكلام لأ بمد اليد قدام خواتي وقدام الناس تخيلي انتي يارووووووز

وربي اخر الليل الناس ماتنام من صراخي وهواش ابوي وضربه لي وربي مايرتاح الا ليما يشوف الدم على ايدي او كتفي او بظهري ويرتاح واخاف يشوفه يزيد علي

بتقولون وش مسويه له اسباب تافهه وربي

يا سهرانه على النت وربي منتدى بريده وربي او سهرانه بفراشي وتعديت حدود وقت النومه

او نزلت تحت اشرب ماء ولحالي والمشكله لا امتلك لاجوال ولا شي ليش مدري

وامي تطبق اللي بالتلفزيون علي وراه عباتك هنا شكلك طالعه بالشارع ماندري

وليش تأخرتي بالرجعه من الجامعه من جابك ؟؟؟؟؟؟؟؟

وعمانك اللي من الرضاع ليش تكلمينهم بالجوال وليش تسلمين عليهم وابوي واخوي البزقه ياقفون يشوفون وشلون اسلم عليهم وبحقد بعد افشل بصراحه

ولا تروحين معهم بالسيارة يمكن ويمكن

ومن صغري على هالمشووووووووووووار وشوفي اللحين عمري 23 وللحين ليما اتزوج بظل على هالحال وكرهت كل الرجال اللي بالعالم

وكرهت الزواج وطاريه لو ابوي يقدم لي واحد انجنيت تخيلته رجل بشوارب وشعر كل وجهه يخرع ودب وكنه الجاحظ او عنتر واقعد اصيح

لو كان واحد من عيال عمي وانا اعرف شكله بعد بس دامه ابوي اللي جايبه ارفضه

وتستمــــر معـــــانـــــــــــــــاتـــــــي

والحمد لله على كل شي والحمد لله على حالتك اللحين وانا سعيده انها تحولتي الى انسانه سعيده بحياتك

على فكرة انا الكبيرة العوده بين خواتي

واتمنى لك التوفيق والسعادة بالدارين

اختك نموووووووووووله


أهلين نملة نورتي موضوعي...

ماتتصورين قد إيش تألمت وأنا أقرا كلامك...في البداية قلت أكيد إنها تمزح ، لأني بصراحة ما استوعبت الموضوع....

تصرفات أمك وأبوك غريبة خصوصا إنهم صغار يعني مانقول والله شايب معذور ومعروف بالحرارة..وإلا عجوز شكاكة...

المبرر الوحيد لتصرفاتهم هذي هو الخوف (الله يجيرك ) خايفين عليك ...صدقيني مافيه أبو أو أم يكرهون عيالهم ... تلقين أبوك وهو يضربك يتخيل إن هالضرب بيخليك أحسن الناس...

وبالنسبة لتصرفات أمك ياكثر البنات الي يشْكون أمهاتهم حتى وحدة تقول لي (الي يشوف تعامل أمي معي يقسم إني ضرتها ماني بنتها..!)

الله يخليك يا نملة لاتخلين هالأشياء تأثر عليك حاولي تكونين أقوى...صحيح إن العبرة خانقتني وأنا اكتب لك بس أبغاك تكونين أقوى...

حاولي تعرفين الأشياء الي تنرفز أهلك واتركيها حتى لو كانت تافهة....

أو أتفه من التافهة...

قدّريهم ووجبيهم عشان تفرضين إحترامك عليهم...



صدقيني أناعارفة إن تصرفهم معك ظالم ويقهر...بس فكري معي..هل أنت اخترتي أمك وأبوك..؟

ربي كتب إنك تكونين فرد بهالأسرة.....



وكم بيعيشون لك..(الله يطول بأعمارهم)..عشرين...ولا ثلاثين ولا أربعين سنة...؟

لازم تصبرين زي ما أنت الحين...

وبإذن الله كلها أيام وتفتحين لك بيت خاص ويرزقك ربي أحسن من الي تتمنين...وتجيبين أحلى بنات وأولاد وتربينهم أحسن تربية بدون تفرقة أو ضرب أو كلام فاضي....

بتنسين كل الي راح...صدقيني...

لكن أنت تدعين..؟ ادعي ربك...بكل وقت...

اسألي مجربة أول ماتصير لي مشكلة ما أتحمل أروح مكان لحالي وأدعي أدعي أدعي لين تنفرج...

والله ما أذكر إني دعيت بشي وربي ما أجابني...

كنت دايم أحسن الظن بالله ..وربي مايخيّب ظني...






أعلل النفس بالآمال أرقبها
ما أضيق العيش لولا فسحة الأمل !


ابتهجي يانمووووولة ابتهجي....فالحياة تفتح ذراعيها لك.... :20[2]:

[..روز..]

الرد تكرر.... :)

[اسمر ومملوح]

ههههههههههههه >> مسكت معي اضحك قلت مالي إلا موضوعك خخخخخخ

[..روز..]

اااه كلنا مرينا بهالمرحله ياروز
لكن والحق ينقال فيه عدل من الاهل يعني المخطيء يقاله اخطيت..!!
وانا مستمتعه بأسلوبك
ومنسجمه
الابالخير وربي خنقتن العبره
يوم صاح اخوك >>داخله جوو خخخ
ربي يخليلك اخوتك ويخليلي نور عيني اخواااني
تحيتي لك
ولاسلوبك الراائع


هلا بالملح كله (جناان)..

ياحليلهم أهلك يقولون للمخطي أخطيت...سلمي لي عليهم فردا فردا >>>وحدة تتلزق

والله إن كلامك خجلني تسلمين لي ياعسل وكله من ذوقك..

والله يخلي لك أهلك واخوانك وكل من تحبين... آمين :)

[..روز..]

ههههههههههههه >> مسكت معي اضحك قلت مالي إلا موضوعك خخخخخخ


.. أما أنا إذا شفت اسمك (اسمك بس!!) ما أضحك ..


أحس الدنيا هي الي تضحك لي.. :)


قل آمين يا جعل هالضحكة دوم ....



هههههههههههههههههههه


حتى أنا مسكت معي أضحك..!

[بيسان]

أهلين نملة نورتي موضوعي...

ماتتصورين قد إيش تألمت وأنا أقرا كلامك...في البداية قلت أكيد إنها تمزح ، لأني بصراحة ما استوعبت الموضوع....

تصرفات أمك وأبوك غريبة خصوصا إنهم صغار يعني مانقول والله شايب معذور ومعروف بالحرارة..وإلا عجوز شكاكة...

المبرر الوحيد لتصرفاتهم هذي هو الخوف (الله يجيرك ) خايفين عليك ...صدقيني مافيه أبو أو أم يكرهون عيالهم ... تلقين أبوك وهو يضربك يتخيل إن هالضرب بيخليك أحسن الناس...

وبالنسبة لتصرفات أمك ياكثر البنات الي يشْكون أمهاتهم حتى وحدة تقول لي (الي يشوف تعامل أمي معي يقسم إني ضرتها ماني بنتها..!)

الله يخليك يا نملة لاتخلين هالأشياء تأثر عليك حاولي تكونين أقوى...صحيح إن العبرة خانقتني وأنا اكتب لك بس أبغاك تكونين أقوى...

حاولي تعرفين الأشياء الي تنرفز أهلك واتركيها حتى لو كانت تافهة....

أو أتفه من التافهة...

قدّريهم ووجبيهم عشان تفرضين إحترامك عليهم...



صدقيني أناعارفة إن تصرفهم معك ظالم ويقهر...بس فكري معي..هل أنت اخترتي أمك وأبوك..؟

ربي كتب إنك تكونين فرد بهالأسرة.....



وكم بيعيشون لك..(الله يطول بأعمارهم)..عشرين...ولا ثلاثين ولا أربعين سنة...؟

لازم تصبرين زي ما أنت الحين...

وبإذن الله كلها أيام وتفتحين لك بيت خاص ويرزقك ربي أحسن من الي تتمنين...وتجيبين أحلى بنات وأولاد وتربينهم أحسن تربية بدون تفرقة أو ضرب أو كلام فاضي....

بتنسين كل الي راح...صدقيني...

لكن أنت تدعين..؟ ادعي ربك...بكل وقت...

اسألي مجربة أول ماتصير لي مشكلة ما أتحمل أروح مكان لحالي وأدعي أدعي أدعي لين تنفرج...

والله ما أذكر إني دعيت بشي وربي ما أجابني...

كنت دايم أحسن الظن بالله ..وربي مايخيّب ظني...






أعلل النفس بالآمال أرقبها
ما أضيق العيش لولا فسحة الأمل !


ابتهجي يانمووووولة ابتهجي....فالحياة تفتح ذراعيها لك.... :20[2]:


اول شي حبيت اشكرك من كل قلبي واقولك جزاك الله الف خير على هالكلام الطيب

ماتدرين وشلون ريحن وبنفس الوقت وماتدرين وش غير حياتي بنفس ذاك اليوم اللي قريت ردك

وربي ماصدق ربي يحبك ويارب دووووووم يحبك استجاب دعاك تخيلي يوم سكرت النت بذمتي

اتصلت وحده تخطبني طبعا رفضت كعادتي ههههههههههههههه

بس الشي الثاني ان ابوي ذاك اليوم وداني لكل اللي ابيه وقال اشتري كل اللي تبينه الحمد لله وكان مستانس

مني وربي مو مصدقه؟؟؟؟؟؟

ياحبيلتس كثري من دعاك لي وكان عندك عجيز ولا شويب ترى دعاهم مقبول باذن الله واخواني واخواتي الاعضاء وربي محتاجه دعاكم وادعوا لي بالنجاح

لاني لو حملت ماده هالمره ابوي مهددني بتهديدات تشيب شعر الراس

ياحبيلكم

ويارب يوفقك ولا يحرمك من الاجر اختي روز والله يخليلك اهلك ومن يعز عليك ولا يحرمك من غالي عليك ويسعدك بالدنيا والاخره
ويعطيك على قد نيتك ويوفقك ويرزقك بالرجل الصالح والعيال المزايين العاقلين

يارب ياكريم والله يخليك لنا ولهالمنتدى

الكلمات لاتوفي بحقك لاكن الدعاء لكي اختي بظهر الغيب لعله يفي باذن الله

واسفه على تأخري بالرد لانني كنت مسافره

مع تحيتي المعطرة لكي اختك نموووووووووله

[..روز..]

نمولة..اعذريني توني أشوف ردك...

دخلت على إعداداتي وتفاجأت إنك آخر من رد...

أنا عارفة إن حالتك هالأيام معفوسة حبتين...ما أقول إلا الله يعينك ويفرج همك ..
وابشري بالخير..

[شموخ العز]

مشكوره ع الموضوع

[قهررررر أحبه]

الحمد لله والشكر ياروز هذي نعمه من الله انه تغير يوم كبر عمره من الاسوء للأحسن ولو هو ماتغير وصار عمره كبير كان الله يدفع البلاء راح يبسط نفوذه كلها عليك بتشوفي جحيمك بدنياك ..
هذا رزق من الله بمجهود صبرك عليه أخوك هذا بدايته عسر ونهايته يسر يعني معاملته لك قبل صارت وقت محدود ولا تكون بدايته يسر ونهايته عسر .. جميع البنات يستهلوا معامله طيبه عشان البنت ضعيفه حيل ماتقوى على المعامله السيئه الله يكشف ضركم جميعآ ..

تحياتي

[ياليتني همك]

والله مادري وش السالفه اليوم انا مضيع

[قهررررر أحبه]

أنا رديت على موضوعك ياروز وربي أني مقهور من قصتك وفرحتيني بالنهاية ..
بس مع إحترامي لك ياروز وأتمنى أنك ماتزعلي على كلامي اللي بقوله ...
أحس أن قصتك هذي خيالية مو حقيقية يإنك مولفتها أو ناقلتها ..
لإنك وأنتي تكتبي القصه شوي مزح وأشوي جاد وبذاتك أنتي تعلقي على كلامك يعني مستهتره باللي صار لك ولا عندك إحساس ..
لو أنتي رجال والله كان قلت أيه الرجل هذا قلبه حجر ومع الزمن نسى هالقصه وصار يقولها لغيره من باب الضحك ..
يعني قصة محزنه وحاصله لك أنتي ,, وأنا أقرها أنقهرت من سوء المعاملة وأنتي بطبيعة رودوك لنفسك ولا همك ..
حتى ردودك مع اسمر مملوح بصراحه نقدت أنا على نفسي من ردودك أنتي وياه هو يعلق على كلامك وأنتي تضحكين لو أحد غيرك روى هالقصة عن نفسه مايسوي مثل اللي سويتيه ياروز ..
فيه ردود من بعض الأعضاء والله أعجبتني وحسو بمعاناتك ياروز وحاولوا أنهم يبسطونك ويرضونك بالآخر .. بس للاسف ثاني رد من قبل الأعضاء خرب كل موضوعك وأنتي ساعدتيه على كذا ..
أنا أول ماقريت القصه على طول رحت أرد عليك ماقريت الردود من الأعضاء وبعد مارجعت وقريتها ثاني أخنقتني العبره وحمدت ربي أني مااعامل أخوني مثل كذا عرفت والله أني بنعمه كبيره وتبي شكر لله الحمد لله لك يارب الله يدومه ..
بس يوم نزلت وقريت الردود أنقهرت من بايخة اسمر ومملوح وكملتي أنتي الناقص بالبداية خانقتني العبره وبالنهاية تلعين وتشتيم ..
وربي ياروزأتمنى أن قصتك هذي ماتكون حقيقية ماتستاهلين يابنت الناس

لا تزعلين ياروز مجرد وجهة نظر مني والله يكشف ظرك وين ماكنتي

[ولــد بريــدة]

والله قصه تجيب الصيحة

الله يعينك روز

احلى موضوع

[..روز..]

مشكوره ع الموضوع

حياك الله ملاك...

[..روز..]

الحمد لله والشكر ياروز هذي نعمه من الله انه تغير يوم كبر عمره من الاسوء للأحسن ولو هو ماتغير وصار عمره كبير كان الله يدفع البلاء راح يبسط نفوذه كلها عليك بتشوفي جحيمك بدنياك ..
هذا رزق من الله بمجهود صبرك عليه أخوك هذا بدايته عسر ونهايته يسر يعني معاملته لك قبل صارت وقت محدود ولا تكون بدايته يسر ونهايته عسر .. جميع البنات يستهلوا معامله طيبه عشان البنت ضعيفه حيل ماتقوى على المعامله السيئه الله يكشف ضركم جميعآ ..

تحياتي


مشكور أخوي قهررر على مشاركتك الوجدانية ومشاعرك الحلوة ...
والإخوان مهما كان لازم مايشيلون بأنفسهم على بعض .. ويتناسون الأحداث البايخة عشان تقوى العلاقة أكثر وتستمر ...

الله يعافيك ولايوريك مكروه بنفسك وبمن تحب ...

[..روز..]

والله مادري وش السالفه اليوم انا مضيع


بكيفك ضيّع..بس بعيد عن موضوعي الله لايهينك

[<فتى السلام>]

مابعد الشدة إلا الفرج
مشكورة على الأسلوب الرائع.

[..روز..]

أنا رديت على موضوعك ياروز وربي أني مقهور من قصتك وفرحتيني بالنهاية ..

مشكور ياقهررر على مشاعرك وإحساسك بالآخرين..والي مايحس بالناس مو من الناس على قولتهم..

بس مع إحترامي لك ياروز وأتمنى أنك ماتزعلي على كلامي اللي بقوله ...
أحس أن قصتك هذي خيالية مو حقيقية يإنك مولفتها أو ناقلتها ..

ليه أألفها؟؟؟
من جد جلست أفكر وش الداعي إني أألفها؟؟؟

أما ناقلتها ذي شي ثاني..لأني أحب إن مشاركاتي تكون تحت الصفر ولا أنقل موضوع ..

ياقهرررر أنا ما ألّفت شي.. والله العظيم إنه واقع..واقعي أنا

لإنك وأنتي تكتبي القصه شوي مزح وأشوي جاد وبذاتك أنتي تعلقي على كلامك يعني مستهتره باللي صار لك ولا عندك إحساس ..


لا ياقهرررر ...أنا عندي إحساس ما أتوقع إنك تملك ربعه ..

بعدين ليه ما امزح وأنا أكتب الموضوع.؟؟؟؟؟ خلاص الموضوع رااااح..والسنين مرّت..وصرنا نلتفت لورا ونضحك للأشياء الي كانت تصير لنا

تتوقع لو إني للحين حزينة وأحس بالظلم ولليوم وأنا شايلة بقلبي..تتوقع إني بعيش؟؟وإلا على الأقل بكون سليمة ومافيني امراض؟؟

أنا للحين إذا تذكرتها أضحك..وأسولف مع خواتي وصديقاتي عن مثل هالمواقف الي كانت تصير لنا..وكلنا نضحك حتى إن فيه وحدة من صديقاتي بعد ماقرت موضوعي قالت :( رووز ..أخوك نفس حركات أخوي محمد ..والله أغلب الي قلتيه كان يسويه معي محمد ..)

في وقتها كان ضايق صدري وأحس إن أخوي سجّاني ..وكنت أتمنى يمر يوم أحس فيه براحة..أتمنى يمر يوم أحس فيه إني مثل كل البنات.. بس الحين لا...

لأن الواقع حاليا مررررة حلو..ليه أخرّبه بذكريات الماضي..!!!

الحمد لله إن حياتي حلوة..من جميع الجهات..وأخوي هذا بالذات يعزني بشكل غير طبيعي.. ويعتبرني مستشارته المالية والإقتصادية والإجتماعية ...

لو أنتي رجال والله كان قلت أيه الرجل هذا قلبه حجر ومع الزمن نسى هالقصه وصار يقولها لغيره من باب الضحك ..
يعني قصة محزنه وحاصله لك أنتي ,, وأنا أقرها أنقهرت من سوء المعاملة وأنتي بطبيعة رودوك لنفسك ولا همك ..

أوف أوف..!! رجال...!
لا .. أنا بنت وقلبي مو حجر..لكني أقول هالسالفة لغيري من باب الضحك والتذكير ..أنا مابي أنكّد على نفسي ولاعلى غيري..بس أنت شكلك تبغاني أشيل أحزاني على ظهري وأنقلها معي وين مارحت ..
وشي ثاني مهم؟ أنت تقول : أنتِ بطبيعة ردودك لنفسك ولاهمك ..
إيه والله ماهمني....يا قهرررر ليه يهمني والمسؤول عن عذابي طفل..!
أخوي كان طفل مراهق .. لو كانت الأحداث من قِبَل واحد كبير كان يمكن للحين وأنا أتجرّع مرارتها...لكنها من ولد مندفع..



حتى ردودك مع اسمر مملوح بصراحه نقدت أنا على نفسي من ردودك أنتي وياه هو يعلق على كلامك وأنتي تضحكين لو أحد غيرك روى هالقصة عن نفسه مايسوي مثل اللي سويتيه ياروز ..


ارجع لموضوعي..كنت حاطة فيه ايقونات وعارضته بأسلوب يضحك..

أحد حساس وشاركني المعاناة .. وأحد ضحك على الأسلوب وطريقة العرض..خصوصا إني كنت متعمدة إني أتمسخر على أخوي والشلّة الي معه ...

فيه ردود من بعض الأعضاء والله أعجبتني وحسو بمعاناتك ياروز وحاولوا أنهم يبسطونك ويرضونك بالآخر .. بس للاسف ثاني رد من قبل الأعضاء خرب كل موضوعك وأنتي ساعدتيه على كذا ..


الله يعافيهم وأنا أعدهم اخوان وخوات لي..بس وش فيك متحامل كذا...؟؟؟

زي ماقلت لك أنا عارضة موضوعي بالطرائف مو بالإجتماعي .. وهذا مكانه الصح .. ما أدري ليه أنت معصب ومحمل الموضوع أكثر مما يحتمل ..

أنا أول ماقريت القصه على طول رحت أرد عليك ماقريت الردود من الأعضاء وبعد مارجعت وقريتها ثاني أخنقتني العبره وحمدت ربي أني مااعامل أخوني مثل كذا عرفت والله أني بنعمه كبيره وتبي شكر لله الحمد لله لك يارب الله يدومه ..

الله يخليك لهم ولا يحرمكم من بعض..وإن شاء الله تشوف أثر معاملتك الحسنة مع إخوانك ...
والله ما توقعتك حساس لهاالدرجة .. لأني أشوفك قاسي بردودك على بعض الأعضاء..حتى خواتي ماسلموا منك..لو كان قلبي حجر زي ماتقول كان مارديت عليك بمواضيعك وأنت متعرّض لأغلى الناس علي ...

وربي ياروزأتمنى أن قصتك هذي ماتكون حقيقية ماتستاهلين يابنت الناس


لا... السالفة حقيقية زي ماقلت لك من قبل...
لا تزعلين ياروز مجرد وجهة نظر مني

أنت دايم كذا ياقهرررر .. تستخدم مفردات قاسية وآخر شي تقول لا أحد يزعل ...

والله يكشف ظرك وين ماكنتي

مشكور على الدعوة..بس أحب أقول لك إني الحمد لله بألف خير وألف مليون بنت تتمنى مكاني .. ولو تعرض لي أحد بشي أوّل من يوقف بوجهة أخوي
حتى الشلّة الي كانوا معه لي هيبة عندهم غير طبيعية ..

شفت ياقهرررر أنا الي صح .. المفروض انت تكون مثلي...مادام إن الأمور تعدلت ليه ما استمتع بوقتي وانبسط بدل ماأسترجع ملفاتي القديمة من الأرشيف ...

تصدق إن أخوي هذا بالذات هو أكثر من يدق علي...وأكثر من يسأل عني .. ويرسل لي صورته وهو يتدرب وصورته يوم حطوا له النجمة وصورته وهو ماسك السلاح ...حتى أمي وأبوي مايدق عليهم كثر مايدق علي
ودايم يسألني عن الجامعة ويساعدني ببحوثي ...يعني مالي وجه أضيّق صدري على الي راح لأنه دفع المستحقات الي عليه والضرائب بحسن تعامله معي يوم كبرت ...


لاتزعل ياقهرررر من كلامي >>>تقلدك

لا من جد ما أتوقع إن كلامي يزعل..وأشكرك على صدق إحساسك لكنك كنت عنيف .....

[..روز..]

والله قصه تجيب الصيحة

الله يعينك روز

احلى موضوع


مشكور أخوي محمد...مرورك لطّف الجو...

[..روز..]

مابعد الشدة إلا الفرج
مشكورة على الأسلوب الرائع.


هلا أخوي فتى السلام...

فعلا مابعد الشدة إلا الفرج ومابعد الليل إلا النهار....مشكور على مرورك وثنائك ...

[آآآآآه]

هههههه


اجل حفريات

سلميلي عليه

[..روز..]

أهلين آآآآه ...

أجل تبغاني أسلّم لك عليه هاااه..؟؟؟؟

الحين عنده بنت فيها حفريات مع إن (لا أمها ولا أبوها ) محفّرين ...

يعني ترا الطنزة مد باليد >>>>ههههههههه أحلى طنزة والله

مشكور على مرورك ...

[the tiger]

اهلين ..


غمازات وحركاااااات ارعى ... ياعيني ... ( طلعوااااااا المستخبي) ههههههههه


اجل هو وارث اللحق بالحوووووووش .. ماشابه اخاااه فما ضلم ..ههههههه


اقوووول نصيحتي لك اخيتي .. عيشي يومك .. ولاترجعي بذاكرتك الى الوراء فهذا تخلف ..


تخياتي لك ..

سلااام

[..روز..]

هلا بك ... شايب سمنسي


عزيزتي الست روز : يعجبني اسلوبك << بدينا بالشحط المصري

نحن ياسيدتي في مجتمع ذكوري نشأنا على اساس ان القوامة للرجل ونسينا انها تكليف وليست تشريف والمجتمع يعزز نظرية التسلط على البنت من خلال الافكار والتقاليد والعرف الغير مرتبط بقيمة دينيه

هي موروثات سابقة لابد ان تجنون ثمارها اذا لم تدركوا وضعكم بالثورة على هذه السخافات


كلام جميل...تروق لي مثل هذي الردود ...

يعجبني إنصافك..

تصدق ..مرة واحد من خوالي أمي اكبر منه بخمسمية وتسعين سنة ، دخل الغرفة مادريت إلا أمي فازّة وقايمة من مكانها عشان يجلس هو!!!!!!!!!

يوم رحنا البيت فتحت معها تحقيق فيدرالي ... وتهاوشت معها ... والنتيجة الأخيرة للنقاش المحتدم بيني وبينها إنها قالت :أدري إن هذا خطا وإنه أخوي الصغير بس حنا تربينا على كذا يوم كنا صغار ...!!

آه يا ألبي...!

والله إنه أكبر خطأ..وإنها تربية فاشلة الي على هالأساس ...

تكفون انتبهوا إنكم تغلطون نفس الغلط...



مالذي يجعل الاخ هو الصادق وهو المتحكم في البنت دائما وله الكلمة الطولى في كل امر عليها

يلعن هيك اشكال حوموا تسبدي والله من كثر مايقولون حنا رجال واذا جيت عند حرمته لقيته فأر وعند اخته اسد ودي احسحس شنبه بولاعه

أحلى وأروع جملة قريتها

ودي أطبعها وألزقها على مراية تسريحتي ودولابي ومراية الحمام وأنت بكرامة ...


ودي أرسلها لبيوت الناس بالبريد المستعجل


ودي أخليها منهج يدرّس ..

إلا المفروض إنها تكون منهج يدرّس..!!


الله يبرد على قلبك بردت على قلبي...

تقريبا ثلاثة أرباع الشعب السعودي يعيش بشخصيتين الأسد والفار...

ضحكتني من قلب على جملتك ..

وكل ماعدت قرايتها أحس إني قاعدة انتقم منهم ...

فيني نشوة انتصار غير طبيعية...





روز لايكون ولد خالتك هذا هو اللي كنتي تجرين شعره وتنغرين من طوله ونعومته

عليك نور.. وترى مو هو لحاله .. حتى اخوانه يفزعون معه ..طبعا بعزيمة من أخوي :)







مشكور على ردك يا الشايب .... :)

[..روز..]

اهلين ..


غمازات وحركاااااات ارعى ... ياعيني ... ( طلعوااااااا المستخبي) ههههههههه


اجل هو وارث اللحق بالحوووووووش .. من شابه اخاااه فما ظلم ..ههههههه


اقوووول نصيحتي لك اخيتي .. عيشي يومك .. ولاترجعي بذاكرتك الى الوراء فهذا تخلف ..


تحياتي لك ..

سلااام




فـتـقـتـنـي بسالفة الركض بالحوووووووش!!!!!!

ليتني يوم زلقت فقدت الذاكرة عشان ما أقول السالفة لأحد ...



ههههههههههههه


المهم ..ليه ما انتبهت للنهاية السعيدة الحلوة...؟
لو النهاية مو بها الشكل كان ماكتبت شي ...

مشكووور على مرورك ..

[عنيزاوي]

اسمحوا لي
أنا ما أدري أنتم تكتبون بأسلوب قصصي جديد وتتخيلون والا الاخت روز والاخت نموله فعلا يتكلمن عن معانة حقيقية
الاخت روز تهون عن نموله

ليت توضحين اختي روز

معليش مخي تخين

[عبيـــر الـــورد]

يا سلاااام كذا تحبين الحاضر أكثر , , ,
لأنك عشت مأساة تحولت لفرحات <<<علشان توافق السجع

وبعدين بذاك الوقت ما كنت تقدرين تعرفين هل هو متعمد أذيتك وإلا يبعد عن نفسه شي
يعني يمكن يكون مستملح لك وما يبي يبين ....خخخخ حليتها لك

روز

أشكرك على أسلوبك الساحر في وصف معانتك ,,,يا أختي خليتيها شي حلو

يا الله مع السلامة

[المخمليه]

هههههههههههههههههههاي
هذا من نذله العيال

[أبوفيصل100]

السراحه اول شي حمقت على اخوك ونا مالي دخل


بس لما كملت الموضوع قلت والله ياهو حبيب

[..روز..]

روز : لاتتوقعين انه بردي او ردك راح تتغير الامور

صحيح حنا نتطور ومجتمعنا مثل مانطمح يتفتح لكن تبقى فكرة الدونية للمرأة لن تزول

روحي للمحاكم وللدوائر الحكومية

روحي للبيوت وسلطة الاخ على اخته

سطلة الزوج بالتعسف على زوجته

يبي يجي لي الحين واحد ابمسح بخشته الارض ويبي يقول لي انت متحرر والمرأة مكرمة عندنا

ابقوله لا يابو شنب انت واهم

لاتحسب انك وديت اهلك لعزومه او عرس او للسوق صرت حاشمهم وخادمهم وربي اكثر الشباب الحين مايخدمون اهلهم الا بفلوس

مالت عليه من جيل خايس النظرة الدونيه متأصله فيك من صغرته

روز: انظري للأمل بعين الرضى سيزول الالم من قلبك ودمعة من عينيك تزول

تحيتي لك ياروز

الشايب السمنسي( عمري بعقلي وقلبي )
للتواصل

kng_vip2007@hotmail.com


ياالشايب كل الي قلته صح وأنا معك ..

صحيح إن اخواني ولله الحمد مو من هذا الصنف ..لكن ما أنكر إن أن أكثر البنات الي أعرفهم يتشكّون من هالشيء..
وأنا أشوف بنفسي في مجتمعنا حالات تقديس وتبجيل للأولاد غير طبيعية .


اعذرني ماودي أتكلم بهاالموضوع أكثر لأني استحضرت أشياء كثيرة ببالي تقهر وترفع الضغط وأنا الصراحة بسرعة أتوتر و (أنغثّ) .


مشكور يالشايب .. وأنا الحمد لله من زمااااااااان مطلّقة الدموع.. وحياتي كلها فرح ..

[..روز..]

اسمحوا لي
أنا ما أدري أنتم تكتبون بأسلوب قصصي جديد وتتخيلون والا الاخت روز والاخت نموله فعلا يتكلمن عن معانة حقيقية
الاخت روز تهون عن نموله

ليت توضحين اختي روز

معليش مخي تخين


هلابك أخوي عنيزاوي....

اسمع أنا ماراح أوضح لك شي أبغاك أنت تقرا ردودي على الأعضاء مثل قهرررررأحبه بردّه الثاني وبتفهم ..لأني تكلمت عن كل شي بالتفصيل الممل ...

وترا مو قصدي قل تقدير لك .. لا والله أنت على العين والراس بس إني كل شوي أوضح لهم فصعبة يكون كل المتصفح كلام مكرر..

حياك الله أخوي عنيزاوي وتشرفت بمرورك ...

[..روز..]

يا سلاااام كذا تحبين الحاضر أكثر , , ,
لأنك عشت مأساة تحولت لفرحات <<<علشان توافق السجع

وبعدين بذاك الوقت ما كنت تقدرين تعرفين هل هو متعمد أذيتك وإلا يبعد عن نفسه شي
يعني يمكن يكون مستملح لك وما يبي يبين ....خخخخ حليتها لك

روز

أشكرك على أسلوبك الساحر في وصف معانتك ,,,يا أختي خليتيها شي حلو

يا الله مع السلامة


هههههههههههههههههههه أحلى شي (فرحات) ..

عبير تسلمين لي على الرد الفرفوشي الأمور الحلو مثلك ..

أجل مستملح هاه ..! يابعدها هههههههههههههههه

أسلوبي ماهو ساحر ..أنتِ الي عيونك يطلع منها بريق تسحر كل شي تشوفه (كأني قاعدة أغازل صح؟)




تسلمي خيتو ..تؤبريني حياتي ..


خيّتك روووووووووووووووووز

[..روز..]

هههههههههههههههههههاي
هذا من نذاله العيال

أنا مكتشفة هالشيء من زمان بس ماحبيت أعلّم ..

لكن أنتِ فضحتيهم :)

مشكورة يامنسمة ألف مرّة ...

[..روز..]

الصراحه اول شي حمقت على اخوك ونا مالي دخل


بس لما كملت الموضوع قلت والله ياهو حبيب


أبو فيصل على إن ردك بس جملتين إلا إنه من أحلى الردود على موضوعي ..

لأنك فهمت الموضوع زي مابغيت أنا


مشكور على مرورك

[ولــد بريــدة]

روز كل هذا حصل لك انتي ونمله شيفة

الله يعينكم اجل حالتكم رايحة

بس تصدقون ما قريت الموضوع

انا قاعد ادور قهر بين الردود

يالله اهم شي ترجع المياء لموانيها

قـــهــــر احـــــبــــــه

شكرا روز ونمله كاشخة