(((تركي ...شين وقوي عين)))

[ابن بريده البار]

الحقيقه مطاعم الوجبات السريعه اصبحت وبالا كبيرا على المجتمع وافراده ومصدرا من مصادر الامراض والتلوث.
هذه قصه حصلت لي قبل فتره في احد هذه المطاعم المشهوره وساذكر الاسم من باب التشهير والتحذير.
هو مطعم (++++++)
اردت ان اشتري طبعا ووقفت اتابع التركي وهو يعد الساندوتش وبعد ان وضعه على السخان وعلى طاولة الرخام كان هناك حشره .
اخونا في الله ومن باب النظافه وبيده الكريمه اخذ الحشره ووضعها مع النفايات تصرف جميل الى الان.
الغير جميل هو انه اراد ان يمسك بالساندوتش ويلفه بالورق.
قلت لحظه يا اخي اغسل يدك.
رد المدير وهو تركي ايضا(ياخي وش فيك انت غيرك ياخذه لاتوجع روسنا)
قلت طيب غيري ممكن لكن انا لا.
تابعت الموضوع واتصلت بالبلديه وكالعاده الرد المعروف ( نشوف )
هذا الاستهتار من قبل هذه العماله بصحة الناس ونظافة الاكل والذي نشاهده في اغلب المطاعم تقريبا لايجد رادعا.
اذا كان صاحب المحل مهما او ( واصل ) يسكت عنه اما اذا كان مغمورا ضعيفا يعاقب.
نريد وقفه صادقه وحازمه امام هؤلاء المستهترين. والذي اعرفه ان الشهره تدفع الى الامام وليس الى الخلف.

[الكوكتيل]

مطاعم الواجبات حدث ولا حرج عدم نظافة وقله !!!!!!!!!!!!!!!!!!!!!!!!!!!!!!!!!!!!!!!!!!!!!!!

[جلوي العتيبي]

اخي ابن بريده

نظافة العاملين في هذه المطاعم آخر ماتهتم به صحة البيئه

وإذا جاءت حالة تسمم وقتها يقفلون المحل !!!!

إذا غابت الرقابه هل تتوقع ان يكون هذا العامل حريص على صحتك وصحة المواطن !؟

ياليت يحطون رقابه سريه على المطاعم والمحلات عامه فصحة المواطن والمقيم أهم من كل الشكليات

شكراً لك

[عيون الصقر]

زين المخالفه شفتها بعينك وحميت نفسك الكثير من العمالة بالمطاعم يفشون خلقهم على السعودي بطرق تخفى على الجميع ويكفي طريقة تحضير الاطعمه والشاورما وملامستهم لها مباشرة في اماكن غير مهيئة اضافة الى عدم اهتمام الكثير منهم بنظافتهم الشخصية.

[المستشار2]

ياخي عادي .... حشرة بس وحطه بالنفايات والله شي جميل هذا وفيه تقدم ...
انت ماشفت مقطع ( البس ) بالبلوتوث . اللي جالس يتمشى بوسط الشاورما .
حدث ولا حرج .....

[أبو حكيم]

الغالبية تأكل ولاتسأل ........... إستهلاك جنوني وبلاتثبت من مصادر الأكلات .....
مطاعم ومحلات مختلفة تبيع كيفما اتفق والمستهلك يشتري ..... مما دفع لزيادة دائرة المخالفين لأنظمة الصحة العامة

في أحد البقالات رأيت ( حنيني ) صنع بطريقة يدوية ومنزلية عليه أثر التشكيل اليدوي ... يباع بشكل عادي وله مستهلكين !!!!


المسئولية على عاتق ( صحة البيئة ) فهم المسئولين أمام الله في مراقبة هؤلاء وعدم مجاملة أحد على حساب صحة المواطن

[أحمد السالم]

ياأخي ابن بريده السلام وش النظافه التى أنت تتحدث عنها في هذا الوقت فالشباب غير مستعد أن ينتظر فهو مستعجل ويأخذ أي شي من يد التركي وأخر شي يبحث عنه هو النظافه

[احاول]

المطاعم كلها على هالحال نظافتها معدومة حتى في المطاعم الفخمة ومن يرتضي الاكل من المطاعم عليه تحمل النتائج

[fabregas]

خذ من كودو وريح راسك تناظره قدامك يزين الوجبة وباعلى درجات النظافة



ياخي به احد المطاعم مرتين اللي يتسممون ناس من عنده



واللي سوو انهم بس سكروه فترة همن رجع



لو مرة نقول اخطا واستفاد لكن مرتين وبعدهن يرجع يفتح..؟

[جناان]

والخاافي اعظم ياكثر القصص اللي نسمعها ونشوفها
لكن برضه نرجع ونشتري مره ثاانيه.!!!

[ابن بريده البار]

اشكر كل من شار ورد على الموضوع لكن يا اخوان لو شفتوا كيف رد التركي هذا بكل بجاحه.امر محزن جدا يعني لو لاقي رد ووقفه ماتجراء علينا .مانقول الا الله المستعان صرنا نخدع وعينك عينك ولانقدر نقول شي

[رويال المميز]

مطاعم المرض السريع

[خالد التويجري]

مراقبين البلديه يبون مراقبين ...؟!





تحياتي

[السـامر]

والله يهالحبيب ان طعت شوري اترك عنك هالمطاعم

والله يامطاريسك في بيتكم ولا في استراحتكم ارحم مليون مره من مطاريس هالاترك

[شخبوط]

كلهم وصخين
الوجبات السريعة والبطيئة
أنا مرة ألغيت طلب مشويات والسبب أني رأيته يعفص اللحم المفروم بيده ويرعصه حتى يطلع من بين اصابعه ثم يقشر اللي بصابعه ويخلطه مع اللحم المفروم ويسوي منه هاذاك اللي تقل الله يكرمك ...
لقيته لك جهز دويفيرك وكويتمك وإذا جعت اسفط على جنب وسو مضغوط لو بقوقسية تصيده

[الرأي الأول]

اذا اردت ان تعرف مستوى النظافه لمطاعم بادخل مره من الباب الخفى للمطعم

للمعلوميه جميه مطاعم الشاورما لديها مغطس سباحه لرمى الدجاج فيه


لكى يذوب من الثلج والعبره بمن شاف


شكرا على طرح الموضوع

[خبوبي ضاربها]

مراقبي البلدية مثلهم الاعلى ادهن السير يسير
المفروض يوم رد عليك التركي بهالكلام كان تلخمت في وجهه ومشيت واغلب الاتراك في المملكة هم من المذهب العلوي الخبيث
واكبر همهم ان يضرو اهل السنة بشتى الوسائل

[نايف الصغير]

تابعت الموضوع واتصلت بالبلديه وكالعاده الرد المعروف ( نشوف ) /?????????????

[ابن بريده البار]

اخوي نايف بقولك شي
تدري انا كنت مره مع احد المراقبين ودخل في مطعم جابوا لنا عشاء بلاش لكن هو رفض المهم الاغراءات كثيره خلها على الله بس
ولاتنسى اذا كان صاحب المطعم قوي ماحد يقربه.هههههههههههه