حلى لذيذ .. هذا وصفه .. لكن وش اسمه ؟؟

[ثامر الناصر]

السلام عليكم

فيه حلى الصراحة ذقته اكثر من مرة في عدة مناسبات والصراحة لذيذ بالمرة

وهو يجي في اكياس الكوفي او القهوة الصغيرة ( البنية اللون ) وكأنه تراب لونه وشكله وفيه يكون مرة ورقة شجر ومرة عود باسكويت .. الصراحة رهيب بس ماادري وش اسمه ياليت اللي تعرفه يابنات تعلمني اسمه تكفوون

تراه ينوكل بملاعق هو

>>>> ناوين نخلي الاهل يسوونه بس بلشين باسمه خخخخخخخخخخخ

ودمتم

[هادي الطبع]

ننتظر خواتنا كما ينتظر سلطانكو

[بنت عز]

وعليكم السلام ورحمة الله وبركاته
من وصفك اعتقد والله اعلم انه حلى الشتلات اوكما يسميه البعض حلى الزرع لانه شبيه بهما

[العبرى]

ماأعرفه للأسف

بس يمكن الخبر عند جناان

[سماءنجد]

السلام عليكم
سلطانكو .. اكياس ولا اكواب
إذا كان اكواب فأعتقد هو حلا الشتلات مثل ماقالت الأخت بنت عز

[نور الانوار]

حلى الشتلات
وهدي طريقته ،، (منقوله من احد المنتديات)
.
.
.

فناجين البلاستيك ( لاحظوا الصوره )
3 أكياس دريم ويب
2 علبه كريم كراميل
4 علب قشطة
1 ملعقة طعام كاكاو بودرة
2 ملعقة طعام نوتلا
كيك سويس رول عدد ( 5 فانيليا + 5 كاكاو) الاصابع الصغيرة يقطع الاصبع إلى 6 قطع
بسكوت اوريو الاسود
نعناع للتزيين

الحينه الطريقة :

الطبقة الاولى : قطعة من كيك الكاكاو
الطبقة الثانية : ( 3 دريم ويب + 3 قشطة + 2 كريم كراميل ) تخلط وتوضع ملعقة صغيره من الخليط على كيك الكاكاو
الطبقة الثالثة : قطعة من كيك الفانيليا
الطبقة الرابعة : باقي مقادير الطبقة الثانية +1 ملعقة طعام كاكاو بودرة + 2 ملعقة طعام نوتلا + علبة قشطة تخلط وتوضع ملعقة صغيره من الخليط على كيك الفانيليا
الطبقة الخامسة : بسكوت اوريوو تزال الحشوه منه .. ويطحن البسكوت وتكون اخر طبقة
في النهاية يزين بالنعناع

http://up.alfrasha.com/pic.php?u=990YnMFA&i=70459

[iiigil]

مراحب

مشكووووووووره نور الانوار

حياك سلطانكو في مطبخك الثاني نورتنا

[رغووده100]

وهذا الحلا الثاني وبالهنا والعافيه
http://www.alrss.com/up/daif.php?daif=16-12-06-4512


المقادير
2 دريم ويب1
2كريم كارميل
ثلاث ارباع كاس حليب سايل بارد
1قشطه
2 كيك امريكانا شوكولاته سيسرول
شوي كاكاو بودرهـ
3 فناجيل سكر مع قشطه >>>>>توفي

الطريقه
الله يسلمك خلطي الدريم ويب مع الحليب لحد مايصير كأنه رغوة وبعدين اضيفي القشطه وكملي الخلط..
بعدين خوذي الخلطه هذي واقسميها 3 اقسام
واحد اضيفي عليه الكريمه وخلطيه..
والثاني اضيفي عليه الكاكاو البودره وخلطيه..
والثالث خليه زي ماهو ابيض..
بعدين جيبي كاس وحطي فيه ملعقه كبيره من الابيض وملعقه من الاصفر وملعقه من البني وخليهم على بعض لاتخلطينهم ولاتواسينهم ....
وبعدين الله يسلمك حطي عليهم ملعقه كبيره توفي..
وزينيه بالكاكاو كأنه شفاط وحطي شوي هرشي فوقه عشان يعطيه شكل.

[جناان]

فيه طريقة
سهله اسويها
*وهي يبشر كيك امريكانا بالشوكولاته >>الطبقة الاولى
*ويضرب بالخلاط
2ـ ظرف دريم ويب
2ـ ظرف كريمه
2ـ بسكوت مطحون
حليب محلى = الكمية اللي تساعد على خلط المقادير
وبعد ذلك يوضع على الكيك >>الطبقة الثانية
وبالخير يزين البشوكولاته >>الطبقة الثالثة

ويؤكل بالهناء والعافية

[ثامر الناصر]

مشكورات يابنات

صز انكن سنعات الصراحة ..

نور الانور بالفعل هذا هو كما بالصورة .. ياهو طعمه شي الصراحة ..

ان شاء الله اليوم نبي نخلي المدااام تسويه >>>> مشغله ابيها تسويه بس مااعرف اسمه خخخخخخخخخخخخ مليت وانا اشرح

ودمتم

[الملتاعه]

تصدق باالله يا سلطااانكو شفته مره وأستحيت أسال

بس تسلم والله الأخت الي نزلت الطريقه

[ميدوو]

سلطانكو أبجي اجرب هذا الحلا عندك قبل ما اخلي المدام تغامر :)

اذا جازلي ابسميه بأسمك حلا سلطانكو خخخخخخخ

[ثامر الناصر]

سلطانكو أبجي اجرب هذا الحلا عندك قبل ما اخلي المدام تغامر

اذا جازلي ابسميه بأسمك حلا سلطانكو خخخخخخخ

ابد ماعليك دع التجربة علينا وتمتع بالحلى خخخخخخخخخخخخخخ ,... حلا سلطانكو يقاله حلا الضالع

ودمتم

[رائعة الروائع]

المقادير:

*الطبقة الأولى: كيك سويس رول مقطع حلقات

*الطبقة الثانية: الشوكولاتة السائلة ( هيرشي )

*الطبقة الثالثة: 2 كيس دريم ويب

10 قطع جبن كيري

علبة كريمة سائلة حجم صغير

1 كيس كريم كراميل

*الطبقة الرابعة:
بسكويت شوكلاته "بدون كريمه" مطحون



*الطريقة:

تقطع السويس رول إلى حلقات وتوضع في قاع الكوب




نضع القليل من الشوكولاتة على الكيك





تخلط مكونات الطبقة الثالثة بالخلاط إلى أن تتماسك ، مثل الصورة ونضعه على الكيك.






يطحن البسكويت (بدون الكريمة) ، مثل الصورة ويرص بالملعقة فوق الخلطة





وتزين بعرق من أوراق النعناع الطازج





ملاحظة :

الأكواب المستخدمة أكواب القهوة البلاستيكية الصغيرة!!و يمكن تغيريها حسب الذوق

يفضل وضع طبقة البسكويت وأوراق النعناع قبل التقديم مباشرة حتى يبقى

البسكويت مقرمش وحتى لا تذبل أوراق النعناع

[متغربه]

شكله يهبببببببببببببل

[الواثقة]

سلطانكو تشكراتي


تسلمين نور الانوار


على النقل الرائع



صراحه سويته خيال لا شكله ولا طعمه

[العبرى]

ياسلاااااام

الحين سلطانكوو جربته ولا بعدك؟؟ أي طريقه طلعت هي؟؟

الواثقه شو الطريقة اللي ضبطت معك؟؟

بنتظرك قبل لا أتوهق

[الواثقة]

هلا عزيزتي العبري

سويت طريقة نور الانوار


اللي فيها نعناع واوريو

صراحه يبيض الوجه



عاد يالله افتحي لي خاص لها

[العبرى]

شكراً على تجاوبك الواثقه

خاص لها على الخاص

وتسلمي

[عطني عهد]

تسلمين ويعطيك الف عافيه يااختي على الوصفات الرائعه تسلم ايدينك