مـــقــرقـــع البــيـبان ((الشـــبـــط )) [الأرشيف]

بحر العطاء

13-01-07, 09:38 am

الشــــبـــط

..يسمى ولد المربعانيه ...ولدها الشقي.:4_16_1[1] ... من شقاوته (( يصبخ هواه بالبيبان :a9: ))

بارد وهواه يشق الوجه :for4: .. بس من برى ما يدخل مثل امه ((المربعانيه )) للبيوت ..على شقاوته مايدخل براده جوى البيت ماشاءالله يستحي :11_4_124v
المعروف ان المربعانيه ..وصت أوليدها الشبط...

((0rأنا طلعت ماضريت ..عليك باللي أكله دويف ووقوده ليف
واللي أكله تمر ومشبه سمر ابعد عنه...؟؟))

]هذا دليل أن التمر ((فيه سعرات حرارية عاليه وطبيعيه تدعم الجسم بالدفئ..؟؟ ))<<انتهى كلامي رحمني الله

لايغركم هالدفى هاليومين الخير جايكم بإذن الله
++++++++++++++++++++

نعود

الشــــبط

مدته ((26يوم )) ((برجه الدلو ..))

وطوالعه ...النعائم ــ*ـشباط الاول ......البلدة ـــ شباط الثاني*

النعائم ــشباط الأول ..

من 15 يناير الى 27 يناير

.بردها قارس وشديد ويتميز بالصقيع وهو الطالع الرابع من فصل الشتاء ..
وقد تبدأ النخيل البواكر في الطلع..

البلدة ــشباط الثاني ....

من 28 يناير الى 9 فبراير

نوؤها محمود وقل مايخلف مطرها بإذن الله... وفيها يشتد البرد ويجمد الماء وأولها محرق وأخرها مورق وهو الطلع الخامس في فصل الشتاء وفيه تتزوج العصافير..
<<يعني به الوقت عند الصباح الباكر .. تسمع العصافير تغريدها اكثر من العادة...<< هذا من تحليل بحر

******************

عـــلامات دخــــول الشـــبط
1ـ24من ذى الحجة بداية الشبط .((يوم الاثنين القادم ان شاءالله ))

مااااخفيكم ..((علامات الشبط شفتها من يوم الثلاثاء اللي راح )).. مادري انتم تاكدوا لا جبت لكم هاذي العلامات والظواهر -

2ـ يكثر هبة الرياح الشماليه الرطبه البارده نتيجة تساقط الثلوج على المناطق الشماليه .
3- تشوفون نوء(الشوله) فجرا واضحا وهومن برج العقرب آخر نجوم المربعانيه هذا يدل على الدخول بنوء النعايم
من برج القوس اول نجمي الشبط يليه البلده .
4- تتميز الرياح بالقوه (قرقعة البيبان) مما يساعد على تقلب الأجواء فعادة لا تكون توقعات الأرصاد أو من يأخذ بها
صحيحه ( أنصح محبي التوقعات بأن لا :23_28_119 وانصح نفسي بعدم توقع شي

- أما المظاهر لذلك يكون فيه

1- أقصى وقت لدخول الفجر
2- السحب غالبا قطع وتمرق بسرعه
3- صفاء السماء غالبا (( فتحلو المكشات وطلعات والمخيمات :17[1]: ))
4- شدة البرد والصقيع وازدياد الرطوبه البارده
5- تقريبا وقت المغرب يزداد كل يوم دقيقه ألا عشر ثواني
6- ظهور النمل الذباب تزاوج الطيور جريان الماء باعواد التين
7-برد الأزيرق ومدته اسبوع تقريبا ايذانا بقرب نهاية الشبط :for4:

:for8: دمتم على خير وبركة ..
ياااارب تحوز على رضائكم وحسن مروركم وردودكم الممتعه .

راشد الصليحان

13-01-07, 09:42 am

موضوع اكثر من رائــع يابحــرالعطــاء ...

ليه سموه الأولين ((مقرقع البيبان )) ؟؟

شكرا لك ..

كرباج

13-01-07, 10:24 am

لاحول يعني ننزل الشنطة من فوق الدولاب مره ثانيه !!!

تشااااااو

الملتاعه

13-01-07, 02:58 pm

الله يعين على مقرقع البيباااان تقرقعت قلوبنا وهو ما شرفنا

يسلمو يا الغلا سرد أكثر من راااائع

دمتي بووود

الحصان الأسود

13-01-07, 03:13 pm

مـــقــرقـــع البــيـبان ((الشـــبـــط ))
والله انك خوفتين هالمعلومات مومن بحرك الهادي هذا من بحر الشقاوه:6[1]: ومن حيني مزكوم:36_1_4[1] ....يعني على كذا ما منها فكه...

بس تدرين عن هالشبط ياحليله يستحي مايدخل البيت...ههههههههههه
بحر العطا الدويفه ونبتته معروفه...
السؤال س/وش معنى قوده (ليف)؟

مشكوره بحر العطاء على هالسرد المبدع والمشوق...

العبرى

13-01-07, 03:41 pm

جاز لي إسمه والسوالف قصدي الموضوع

الله يعين

مشكوره على طرحك

بحر العطاء

13-01-07, 05:26 pm

راشد

موضوع اكثر من رائــع يابحــرالعطــاء ...
الله يسلمك مشكووور

ليه سموه الأولين ((مقرقع البيبان )) ؟؟

شكرا لك ..

مادري

أسال(( كرباج )) قبل ينشغل بشناطه وخلاقينه ...

عبدالله الحلوه

13-01-07, 05:39 pm

بحر العطاء

موضوع رائع بطرحه وتوقيته

بالأمس يقول لي الوالد اطال الله عمره ان الشبط دخلت فجر الثلاثاء الماضي مستدلاً على ذلك بمهب شمالي خفيف

شكرا لتواصل عطاءك

تحياتي

السعودي

13-01-07, 06:06 pm

http://www.gulflobby.com/lobby/upload/bes_algna9.gifhttp://www.buraydh.com/sign/taheya/slam.gif
تسلم أخي الكريم بحر العطاء

معلومات مفيدة عن الشبط

Silent Hill

13-01-07, 06:31 pm

لى يومين اسمع قرقعة بيبان واطلع لا احصل احد قلت شكلهم اهل الارض

شكلة هوووووووووووو :10[1]: :36_1_2[1]

تحياتي لك يا بحر وابحرتينا بمعلوماتك

عوض البشري

15-01-07, 12:59 am

مشاءالله عليك

كل هالمعلومات عندك

انا ابغى اسأل سؤال واحد

متى يدخل الصيف؟

لانه بصراحه البرد السنه هذي ماتعودنا عليه

اشكرك على الموضوع الجيد

وتقبلي مني خالص الود والتقدير

هادي الطبع

15-01-07, 01:03 am

مشكوره بحر العطاء

هامة حاسوبية

15-01-07, 01:31 am

يعطيك العااااافية

يعني الشتاء ريظ !!

بحر العطاء

15-01-07, 01:41 am

كرباج

ياكافي ياكرباج وشوله العجلة ... برفع الشنط ..
يسلمووو

بحر العطاء

16-01-07, 04:45 am

عزيزتي الملتاعه
يسعدني حظورك ومرورك

الله يعين على مقرقع البيباااان تقرقعت قلوبنا وهو ما شرفنا

يسلمو يا الغلا سرد أكثر من راااائع

دمتي بووود

الله يطمن قلبك وش معجلك على الحر... الله يعينا عليه

تسلمين انتي على مرورك الرااائع

بحر العطاء

17-01-07, 02:56 am

الحصان الاسود

هلا بك اخوي
مـــقــرقـــع البــيـبان ((الشـــبـــط ))
والله انك خوفتين هالمعلومات مومن بحرك الهادي هذا من بحر الشقاوه ومن حيني مزكوم ....يعني على كذا ما منها فكه..... كثر شرب الزنجبيل والليمون ابو زهيره مع الشاهي ... وعصير الجزر الطازج..صدقني منت شايف إلا العافيه

بس تدرين عن هالشبط ياحليله يستحي مايدخل البيت...ههههههههههه
مدحنا الكلب وسرق ((الله يكرمك )) شكله طقته الميانه ودخل البيوت .. برد حيل

بحر العطا الدويفه ونبتته معروفه...
ذقتها مشاءالله ((انا مستغربه ان المربعانيه توصي ولدها بالي اكله دويف ..معناها انه ولا شي مايدفي ولا تمد الجسم بدفئ ..

انا هالايام ماكلتها ... تسني دفيت اشوي

لسؤال س/وش معنى قوده (ليف)؟
اليف اليف حق النخل اللي بجذوع النخل ..اللي يستخدم بدله .. ويصنع منه الحبل ..
تخبر وين اللي عنده سمر وحطب اليف علطول يشب وعلطول يخمد مايمديهم يتدفون إلا طافيه ناره .. عرفت الحين
مشكوره بحر العطاء على هالسرد المبدع والمشوق

مشكور يالاسود على مرورك الجميل كا صهوة حصان

الكربوني

17-01-07, 06:22 am

؛
؛

أيام ماكنا صغار ( الله على ذيك الايام ) .. بأيام الشبط بالبيت القديم كنا نجتمع بالغرفه الدافيه اللي درايشة غربية وجنوبيه ...
ومن شدة ضرب ولد المربعانيه على قولتك يابحر على الدرايش يطلع صوت حفيف وصفير .. فكانت الوالده الله يمتعبه على الطاعه تسولفلنا تقول هذي ام شباط توصي ولده تقوله عليك باللي أكلهم دويف وضوهم ليف ...... همن نجلس حنا من شدة البرد ننشد هالوصية لعلنا ندفأ ....هههه ياحبيلنا ...

**
عجيز المنتدى أتحفتينا وادهشتينا بما الممتي به من علم وتبصر ...
منــ الوسم وطوالعه ...
والمربعانية .. وصقيعه ..
واليوم ... شباط ..مقرقع البيبان ...

فهل ننتظر وعداً منك ... بموضوع عن العقارب وبردها المخدر ... لولا العقارب وبردهني ..كان العجايز .... ننتظر تكميلتها برفقتك ...

بحر العطاء

18-01-07, 03:54 am

العبرى
جاز لي إسمه والسوالف قصدي الموضوع

الله يعين

مشكوره على طرحك

هلاااا وغلاااا بكل الغلااااا تسلمين بعدي على مرورك الرائع والجميل
الله يعينا وياك على الشبط وقرشيعه

بحر العطاء

18-01-07, 04:00 am

عبدالله الحلوه
موضوع رائع بطرحه وتوقيته
يسلموووو اتمنى التميز ..
بالأمس يقول لي الوالد اطال الله عمره ان الشبط دخلت فجر الثلاثاء الماضي مستدلاً على ذلك بمهب شمالي خفيف

هلاااا والله ..شفتوا احساسي بمكانه .. ابو الحلوه اكد كلامي << طقتها ميانه
اقول اخوي عبدالله ممكن رقم ابوك لو سمحت هههههه

شكرا لتواصل عطاءك

شكرآ لمرورك الجميل ..سلمت ولا هنت

البراق999

18-01-07, 07:34 am

الشــــبـــط

..يسمى ولد المربعانيه ...ولدها الشقي.:4_16_1[1] ... من شقاوته (( يصبخ هواه بالبيبان :a9: ))
بحر العطاء ماشاء الله عليك حتى تعرفين عيالهم وشقاوتهم .
بارد وهواه يشق الوجه :for4: .. بس من برى ما يدخل مثل امه ((المربعانيه )) للبيوت .

هو برد بس الا موت حمر احييييه .. تصدقين عاد المربعاتيه ارحم منه
.على شقاوته مايدخل براده جوى البيت ماشاءالله يستحي المعروف ان المربعانيه ..وصت أوليدها الشبط... : ا

وصات طبيه وماقصرت وصت واحد مايستحى وماعليه من احد .
أنا طلعت ماضريت ..عليك باللي أكله دويف ووقوده ليف اجل اللي ياكون وجبات خفيفه ومقابلين الدفايات وش بيسوى فيهم .

واللي أكله تمر ومشبه سمر ابعد عنه...؟؟
عاد وين تلقين الحين اللي اكله تمر ومشبه سمر يادب تحصلينه .
]هذا دليل أن التمر ((فيه سعرات حرارية عاليه وطبيعيه تدعم الجسم بالدفئ..؟؟ ))<<انتهى كلامي رحمني الله
معلومه قيمه والله رحمك برحمته الله وغفر لك ذنوبك واثابك على ماقدمتي

لايغركم هالدفى هاليومين الخير جايكم بإذن الله
++++++++++++++++++++

نعود

الشــــبط

مدته ((26يوم )) ((برجه الدلو ..))

وطوالعه ...النعائم ــ*ـشباط الاول ......البلدة ـــ شباط الثاني*

النعائم ــشباط الأول ..

من 15 يناير الى 27 يناير

.بردها قارس وشديد ويتميز بالصقيع وهو الطالع الرابع من فصل الشتاء ..
وقد تبدأ النخيل البواكر في الطلع..

البلدة ــشباط الثاني ....

من 28 يناير الى 9 فبراير

نوؤها محمود وقل مايخلف مطرها بإذن الله... وفيها يشتد البرد ويجمد الماء وأولها محرق وأخرها مورق وهو الطلع الخامس في فصل الشتاء وفيه تتزوج العصافير..
<<يعني به الوقت عند الصباح الباكر .. تسمع العصافير تغريدها اكثر من العادة...<< هذا من تحليل بحر

******************

عـــلامات دخــــول الشـــبط
1ـ24من ذى الحجة بداية الشبط .((يوم الاثنين القادم ان شاءالله ))

مااااخفيكم ..((علامات الشبط شفتها من يوم الثلاثاء اللي راح )).. مادري انتم تاكدوا لا جبت لكم هاذي العلامات والظواهر -

2ـ يكثر هبة الرياح الشماليه الرطبه البارده نتيجة تساقط الثلوج على المناطق الشماليه .
3- تشوفون نوء(الشوله) فجرا واضحا وهومن برج العقرب آخر نجوم المربعانيه هذا يدل على الدخول بنوء النعايم
من برج القوس اول نجمي الشبط يليه البلده .
4- تتميز الرياح بالقوه (قرقعة البيبان) مما يساعد على تقلب الأجواء فعادة لا تكون توقعات الأرصاد أو من يأخذ بها
صحيحه ( أنصح محبي التوقعات بأن لا :23_28_119 وانصح نفسي بعدم توقع شي

- أما المظاهر لذلك يكون فيه

1- أقصى وقت لدخول الفجر
2- السحب غالبا قطع وتمرق بسرعه
3- صفاء السماء غالبا (( فتحلو المكشات وطلعات والمخيمات :17[1]: ))
4- شدة البرد والصقيع وازدياد الرطوبه البارده
5- تقريبا وقت المغرب يزداد كل يوم دقيقه ألا عشر ثواني
6- ظهور النمل الذباب تزاوج الطيور جريان الماء باعواد التين
7-برد الأزيرق ومدته اسبوع تقريبا ايذانا بقرب نهاية الشبط :for4:

:for8: دمتم على خير وبركة ..
ياااارب تحوز على رضائكم وحسن مروركم وردودكم الممتعه .

استاذتنا : بحر العطاء

سلمت يمينك على هذه المعلومات القيمه وبصراحه ابحرتينا بعالم المعرفة وامليتي عقولنا بهذه المعلومات القيمه والمفيده
ومشكوره يابحر العطاء على طروحاتك الجميله والمميز التي تنم على ثقافتك العاليه فهنيئا لمنتدى بريده وجود عضوه مميزه بعطائها ومعرفتها . كل الشكر والعارفان لك ايتها البحر المعطاء فعلا مهما اخذنا وتزودنا من عطائك فلن نكتفى بهذا بل نقول تتنظر جديدك الاروع والمميز فلا تحرمينا منه .

بحر العطاء : شرفني ان اكون ممن شاركوا بهذا الموضوع ويسعدني اكثر قبولك مشاركتى .

دمت لنا بحورا وليس بحرا والله يعطيك العافيه اختي

تحياتي

أبو صالح.؟

18-01-07, 02:05 pm

مشكور اخوي على هذا الطرح الرائع والاكثر من رائع

بحر العطاء

19-01-07, 02:54 am

السعودي

هلا بك اخوي...
تسلم ياخوي على مرورك
دمت بود

بحر العطاء

19-01-07, 03:06 am

Silent Hill

لى يومين اسمع قرقعة بيبان واطلع لا احصل احد قلت شكلهم اهل الارض

انتبه تراه يعض ويقرط بالآذن ... ويحلت (بشلوق حج ) جامده

هههههه
مرحبن بك اخوي
Silent Hill

على مرورك الجميل

بحر العطاء

19-01-07, 09:53 pm

عوض البشري

هلا اااا وغلاااااا
اشوف موضوعي صااار فيه عذوبة ((اتاري عذب القوافي هنا ))
الله يخليك يااخوي عذب ....مايجيبها إلا رابطها خخخخخخخخ...

مشاءالله عليك

كل هالمعلومات عندك

انا ابغى اسأل سؤال واحد

متى يدخل الصيف؟

هلا فيك ...مهنا بعد (( حلتت حصاة )) الصيف اقريب لا تجيب طاريه يجي يركض

لانه بصراحه البرد السنه هذي ماتعودنا عليه

اجل تارك.. تكذب بسنة مره على كذا ..شف موضوع المربعانية وتعرف
http://www.buraydh.com/forum/showthread.php?t=98922

اشكرك على الموضوع الجيد

وتقبلي مني خالص الود والتقدير

شكرآ على مرورك الجميل لك كل الود والاحترام

بحر العطاء

20-01-07, 03:16 am

هادي الطبع
مشكور اهويدي <<تدليع هادي ..

على

مرورك الجميل

((الهادي لايوذي ولا يأذي ))
شفت مشاءالله علي طلعت فيك مثل ...

بحر العطاء

20-01-07, 03:23 am

هامة حاسوبية
هلا بك ياخوي وشذا الهمه العالية

الله يديم عليك

يعطيك العااااافية

يعني الشتاء ريظ !!

مااعتقد ريض ..لا تستعجل على طلعته ..ترى الشتاء ضيف خفيف و محبوب عند الجميع ..

يسلمووو اخوي على المرور

هامة حاسوبية

20-01-07, 06:19 am

هلا بك ياخوي

احح

أختك : هامة حاسوبية

ووالله أنا أحب البرد والمطر بس برد هالسنة غيييييييييير >> مثل ما (جدة غير) خخخخخخخخ

وشذا الهمه العالية

شكلك ناحتتن مقدما ، أشوف همتي طافيه من سنة خخخخخخخخخ

بحر العطاء

21-01-07, 01:50 am

8
8
8
اسفه حبيبتي احسبك ورع خخخخخخ
معليش على سوء الففهم
اختي هامة حاسوبية

شكلك ناحتتن مقدما ، أشوف همتي طافيه من سنة خخخخخخخخخ

تتتتتتفففففففف توووووفففففف<<مشاءالله تبارك اللله

هامة حاسوبية

21-01-07, 03:04 am

مسمووووووحه الشيخة

خالد اباالخيل

21-01-07, 11:27 am

لدي إضافات ,وان كان بعضها مكرر..

مقرقع البيبان..يقصد به أن الهواء يشتد في الشبط ..ويكون غالبا نسري(مطلع النسر ..)..فشدة الهوا تجعل الابواب والطياق (النوافذ) يطلع لها صوت (تقرقع)..خصوصا أبواب الخشب القديمة..لانها ضعيفة ومعرضه للهواء ..واللي دخل بيت الطين سيرى ان معظم الأبواب تطل على الحوش ..وأنا أذكر ذلك جيدا عندما كنت طفلا ..
وفي سدير يسمونها (العوّاية)..لأن الأبواب والطياق تصرّ (من الصرير) و تعوي (من عواء الذيب )..
وفي الشبط (مبكّية الحصني)..وهو هواء شرقي صلف(بارد)..وسميت بذلك لأن الحصني (الثعلب) يحفر جحره ..ويضع فتحة الجحر للشرق علشان تدفيه الشمس لما تطلع (مشراق) ..لكن الهواء الشرقي البارد يتسبب في بكائه من البرد..

أما الليف فالمقصود فيه ليف النخل..هاللي يستخدم بدلة القهوة لتنقيتها من (التول)..ومعروف أن الليف إذا شبيت فيه..ماتطول ناره..ولايفي بالشكل المطلوب...
والدويف..أكلة قديمة ..يأكلها الفقراء..ويبدو أن مافيها سعرات حرارية عالية لتدفئة الجسم..

إشراقة حرف

21-01-07, 12:45 pm

الحقيقه ياخيتي

شي رااااااااااااااااااااااااااايق و جميل

ومعلومات تغيب عن الكثير

اما برد هاليومين فهو بردن مب طبيعي كسر ضليعاتنا و صرنا بس متكرفتين بخلاقييننا

والوحده تطلع كبره مرتين من الدحمله هالفنايل

ولا البزارين يا قلبي قلبهم من كثر ملابسهم يالله يمشون وذا طاحوا على الارض لازم احد يرفعهم

وايدياتهم ما تلمس اجسامهم مرتفعات تقل بطريق الله يعين

شكرا لك يا وخيتي وعساك على القوه من تميز لتميز

تحياتي

بحر العطاء

22-01-07, 03:06 am

8
8
8
خالد ابالخيل ... هلا والله بولد الاجواد ولد الحمولة الغالين علي

لدي إضافات ,وان كان بعضها مكرر..

مقرقع البيبان..يقصد به أن الهواء يشتد في الشبط ..ويكون غالبا نسري(مطلع النسر ..)..فشدة الهوا تجعل الابواب والطياق (النوافذ) يطلع لها صوت (تقرقع)..خصوصا أبواب الخشب القديمة..لانها ضعيفة ومعرضه للهواء ..واللي دخل بيت الطين سيرى ان معظم الأبواب تطل على الحوش ..وأنا أذكر ذلك جيدا عندما كنت طفلا ..
وفي سدير يسمونها (العوّاية)..لأن الأبواب والطياق تصرّ (من الصرير) و تعوي (من عواء الذيب )..
وفي الشبط (مبكّية الحصني)..وهو هواء شرقي صلف(بارد)..وسميت بذلك لأن الحصني (الثعلب) يحفر جحره ..ويضع فتحة الجحر للشرق علشان تدفيه الشمس لما تطلع (مشراق) ..لكن الهواء الشرقي البارد يتسبب في بكائه من البرد..

أما الليف فالمقصود فيه ليف النخل..هاللي يستخدم بدلة القهوة لتنقيتها من (التول)..ومعروف أن الليف إذا شبيت فيه..ماتطول ناره..ولايفي بالشكل المطلوب...
والدويف..أكلة قديمة ..يأكلها الفقراء..ويبدو أن مافيها سعرات حرارية عالية لتدفئة الجسم..

الله يسلمك اخوي خالد ويجزاك خير على هالمعلومات بحق مفيد وبعضها اول مره اسمع بها
دمت يااخي خالد عى مرورك المميز والمنفرد .. ولك جزيل الشكر... هات بمزيد ولا تبخل علينا بمعلوماتك الفريدة

بحر العطاء

22-01-07, 03:42 am

الدماااار الشامل
هلاااااا بالحاضر الغايب
وشد عوى ياخوي ابراهيم بدت تقل دخلاتك اذبحتك الكشتات .. اقضب الارض واترك عنك الهجولة عسى عدوك للمصع..

أيام ماكنا صغار ( الله على ذيك الايام ) .. بأيام الشبط بالبيت القديم كنا نجتمع بالغرفه الدافيه اللي درايشة غربية وجنوبيه ...
ومن شدة ضرب ولد المربعانيه على قولتك يابحر على الدرايش يطلع صوت حفيف وصفير .. فكانت الوالده الله يمتعبه على الطاعه تسولفلنا تقول هذي ام شباط توصي ولده تقوله عليك باللي أكلهم دويف وضوهم ليف ...... همن نجلس حنا من شدة البرد ننشد هالوصية لعلنا ندفأ ....هههه ياحبيلنا ...
مشاءالله عليك اخوي ابراهيم تعرف تسرد قصص شعبية كاني اقراء قصة بداية قصة شعبية
مشكور ..اجل امك توحي وصية المربعانية قبل تطلع ... كانوا اهلنا يعلمونا بطريقة ذكية مما يجعلها .تتستوطن الذاكره ..

**
عجيز المنتدى أتحفتينا وادهشتينا بما الممتي به من علم وتبصر ...
منــ الوسم وطوالعه ...
والمربعانية .. وصقيعه ..
واليوم ... شباط ..مقرقع البيبان ...

عجوز المنتدى اسم افتخر به الله يخليك هذا ماتمناه
فهل ننتظر وعداً منك ... بموضوع عن العقارب وبردها المخدر ... لولا العقارب وبردهني ..كان العجايز .... ننتظر تكميلتها برفقتك ...
ان شاءالله ان قدرني ربي جبت لك عن سعود الذابح وعياله((العقارب)
انتظر تميز الشبط كاغيرها يارب يميزونها ولا يكسرون لي خاطر...؟؟

مشكور ياولييدي على مرورك الرائع و يسعدني وجودك دمت بود

__________________

؛

؛
قضيتُ من العمرِ سنين
لكني ...
ماأزال أُحس بأني في رحم أمي ...
فعمري سيبدأ بعد أن يضلني بكِ سقف واحد,, وأقتسم معكِ
الرغيف وصحن الجبنة البيضاء ,,
فشمسي لم تشرق أمامي حتى الأّن ...
وعندها سأقول: هذا أول يوم من حياتي إبتدأ ...
:
:
الدمـــــار الشامـــــل

هاذي من ضمن الرد..وش اسوي جت من ضمن النسخ وه بس

بحر العطاء

22-01-07, 03:57 am

البراق999

هلاااااا وغلاااااا بالبروق والرعووود ..دائمآ مرورك يرعد ويبرق بنرجسيته ..

استاذتنا : بحر العطاء

سلمت يمينك على هذه المعلومات القيمه وبصراحه ابحرتينا بعالم المعرفة وامليتي عقولنا بهذه المعلومات القيمه والمفيده
ومشكوره يابحر العطاء على طروحاتك الجميله والمميز التي تنم على ثقافتك العاليه فهنيئا لمنتدى بريده وجود عضوه مميزه بعطائها ومعرفتها . كل الشكر والعارفان لك ايتها البحر المعطاء فعلا مهما اخذنا وتزودنا من عطائك فلن نكتفى بهذا بل نقول تتنظر جديدك الاروع والمميز فلا تحرمينا منه .

بحر العطاء : شرفني ان اكون ممن شاركوا بهذا الموضوع ويسعدني اكثر قبولك مشاركتى .

دمت لنا بحورا وليس بحرا والله يعطيك العافيه اختي

تحياتي

انا يشرفني ويسعدني وجودك تحت موضوعي.. شكرك على هذا لاطراء الذي اقتبسته وحتفظت به ..عندي بالمستندات .. الصراحه وبكل تاكيد ..نعتز بوجودك ومرورك وردودك ونفتخر بمشرف مثلك ..مروره له لمعانه وابروقه ..
اشكرك من الاعماق على ردك الذي يجبر الخاطر ويشجع العطاء ..ويدعم الافضل
دمت بود واحترام

بحر العطاء

22-01-07, 04:17 am

أبو صالح.؟

مشكور اخوي على هذا الطرح الرائع والاكثر من رائع

هلا بك مشكووور على مرورك الجميل دمت بود

بحر العطاء

22-01-07, 04:27 am

الزين نجدي
الله عليك ياخيتي وينك وين الناس ..احتريك منذو مبطي تمرقين علي ذبحني البرد

الحقيقه ياخيتي

شي رااااااااااااااااااااااااااايق و جميل

ومعلومات تغيب عن الكثير

اما برد هاليومين فهو بردن مب طبيعي كسر ضليعاتنا و صرنا بس متكرفتين بخلاقييننا

اي والله يالله لك الحمد ان عندنا خلاقين ودفايات
تصدقين يوم الجمعه والسبت فاتحه الدفايه والمكيف وعلي خلاقين الدنيا وعجزت ادفئ..اخرتها لبست ترنق قمت اطابق بحوشنا والعب كوره مع اعيالي تسني دفيت اشوي
واليوم ماشيل راسي من الزكام
والوحده تطلع كبره مرتين من الدحمله هالفنايل

ولا البزارين يا قلبي قلبهم من كثر ملابسهم يالله يمشون وذا طاحوا على الارض لازم احد يرفعهم

وايدياتهم ما تلمس اجسامهم مرتفعات تقل بطريق الله يعين

ياحياتي هالبزران اللي الواحد منهم تسنه صارور مقلوب بفرفش يبي احد يعدله

شكرا لك يا وخيتي وعساك على القوه من تميز لتميز

تحياتي

هلااااا بك وهلاااا بمرورك اللي اسعدني بجد
اما التميز ليتهم يميزونه .... الحقيقة اشغل وقتي بردود ابي اهجول بالمنتدى ماقدرت يالله اقدر ارد
يسلموووووو بعدهم كلهم

شخصية

22-01-07, 04:39 am

ــــــــــــــــــ :) :) :) ــــــــــــــــــ

بحر العطاء

23-01-07, 02:13 am

شخصية
ــــــــــــــــ:confused: :confused: :confused: ـــــــــــــــــ

ليه قضى الهرج ولا الكيبورد عندك خربان...

على كل حال يسلموووو على المرور

الحصان الأسود

23-01-07, 04:31 am

الحصان الاسود

هلا بك اخوي
.. كثر شرب الزنجبيل والليمون ابو زهيره مع الشاهي ... وعصير الجزر الطازج..صدقني منت شايف إلا العافيه
هلآبالأخت البحر الهادي.... الله يعطيك العافيه على هالوصفه والله ...مانفع مع الزكمه الا هي...
وانا قبل ضرب من الفلوتاب وغيره واللحين الحمد لله....
بحر العطاء تفهمين شكلك اجل بالعطاره وشي لزقة العنزروت...هههههههه...[/size]

مدحنا الكلب وسرق ((الله يكرمك )) شكله طقته الميانه ودخل البيوت .. برد حيل

هههههههه اول مره اسمع بالمثل..بس اعجبن... وعلى وزنة من شاف الموت يرضى بالصخونه...هههههه ادري ماله دخل...>>>يقاله فاهم... ذقتها مشاءالله ((انا مستغربه ان المربعانيه توصي ولدها بالي اكله دويف ..معناها انه ولا شي مايدفي ولا تمد الجسم بدفئ ..
[size=4][size=4]
[ايوالله ذقته بس لوهي توكل باليد كان اطعم شوي...
انا هالايام ماكلتها ... تسني دفيت اشوي
هههههههههه بصراحه مادفيت انا....

اليف اليف حق النخل اللي بجذوع النخل ..اللي يستخدم بدله .. ويصنع منه الحبل ..
تخبر وين اللي عنده سمر وحطب اليف علطول يشب وعلطول يخمد مايمديهم يتدفون إلا طافيه ناره .. عرفت الحين

ههههههه عرفت ياخاله ماتسمعين زين عرررررفت اللحين(بس بصوت عالي)
مشكور يالاسود على مرورك الجميل كا صهوة حصان

الله يخليك ومشكوره يابحر العطاء ...
بس سؤال/ليش المربعانيه توصي ولدها بالدويفه؟وهي لآتمد الجسم بالدفى ولاشي الدعوا فيها انا...

بحر العطاء

24-01-07, 04:49 am

الحصان الاسود
شكرآ ع مرورك مره ثانيه الله يخليك

الله يخليك ومشكوره يابحر العطاء ...
بس سؤال/ليش المربعانيه توصي ولدها بالدويفه؟وهي لآتمد الجسم بالدفى ولاشي الدعوا فيها انا...
توصيه تقول عليك فيه لان الدويفه على قولة اخوي ((خالد ابالخيل )) طعام الفقراء
ولا فيها سعرات حراريه تمد الجسم بالدفئ

تقول عليك فيه يعني اذبحه لا تخليه
الله يخلف حتى المربعانية وقريحها ((الشبط)) يتقوون على الفقير ...

تسلم بهدي على ردك ومرورك الله يخليك

بحر العطاء

25-01-07, 04:24 am

الحصان الاسود

هلا بكـ

بحر العطاء تفهمين شكلك اجل بالعطاره وشي لزقة العنزروت...هههههههه...[/size]
لزقة العنزروت
شكلك معجبتك اسمها
العنزروت عبارة عن دواء شعبي..فيه لزوجه
يستعمل لانواع الاحالات
يستعمل ..
للبطن الالم البطن .. والالم النساء
ويعطى الطفل المراضيع عند تغير بطونهم ..او عند يكثر الشهاق عندهم او اللي عندهم
وترج بشوي ماء ..وتحط بالنفوخ تسحب الهواء اللي داخل جوء النفوخ يسمونه ( خاز الباز))

الحصان الأسود

25-01-07, 05:55 am

هلابك اكثر بحر العطاء
الحصان الاسود

هلا بكـ

لزقة العنزروت
شكلك معجبتك اسمها
ههههههه ايوالله معجبن اسمه ودايم على لسان جدتي الله يطول بعمره...سالته مره وهي حمقه وهاشتن...ههههه حاره الله يصلحه...
العنزروت عبارة عن دواء شعبي..فيه لزوجه
يستعمل لانواع الاحالات
يستعمل ..
للبطن الالم البطن .. والالم النساء
ويعطى الطفل المراضيع عند تغير بطونهم ..او عند يكثر الشهاق عندهم او اللي عندهم
اهاااا تسذا اجل ......طيب وشلون الشهاق يعني صياحهم..
وترج بشوي ماء ..وتحط بالنفوخ تسحب الهواء اللي داخل جوء النفوخ يسمونه ( خاز الباز))
ووشو النافوخ اللي يرج فيه ((يعني راسه الطفل)) ويسمونه الخاز الباز...
كلامات الصراحه اول مره اسمع بهن!!!!

بحر العطاء

25-01-07, 05:57 am

الحصان الاسود

تبي تساليني عن ((الخاز باز))
معصي اقولكـ منب قايله لكـ وشو هو لمين تبحث عنه

ولا اقولكــ رح راشد الصليحاني او الدمار الشامل ... يعلمونكـ احس انهم داهيه

الحصان الأسود

25-01-07, 06:23 am

الحصان الاسود

هلا بكـ

لزقة العنزروت
شكلك معجبتك اسمها
العنزروت عبارة عن دواء شعبي..فيه لزوجه
يستعمل لانواع الاحالات
يستعمل ..
للبطن الالم البطن .. والالم النساء
ويعطى الطفل المراضيع عند تغير بطونهم ..او عند يكثر الشهاق عندهم او اللي عندهم
وترج بشوي ماء ..وتحط بالنفوخ تسحب الهواء اللي داخل جوء النفوخ يسمونه ( خاز الباز))

الحصان الاسود

تبي تساليني عن ((الخاز باز))
معصي اقولكـ منب قايله لكـ وشو هو لمين تبحث عنه

افاااااااااااااااااااااااا
ههههههههههههههههههههههههههههههههههه
والله اني ما ادري امنه جدتي هاشتن ....هههههههه شكلك تقولين انتي وجدتي بقلوبكم يا كثر اسئلته ...
بس الدعوا عادي لآحايء في العلم....يقاله من قوة الحياء اللي به ما نزل راسه وهو يكتب...

ولا اقولكــ رح راشد الصليحاني او الدمار الشامل ... يعلمونكـ احس انهم داهيه
ماشاء الله عليكم اثركم دواهي وحناء ماندري.........يحول يا انا على النيه اثري....مع ذالك وشو الخاز باز؟؟؟؟؟؟؟

بحر العطاء

25-01-07, 07:13 am

هلا بك أولييدي حصان الاسود

شف
انت رح اسئالهم عبر الرسائل الخاصة ..وانتظر اجاباتهم الوافيه ... وعطهم الرابط .. حق الشبط..

انا بنتظار الاجابة

الحصان الأسود

25-01-07, 07:23 am

هلا بك أولييدي حصان الاسود

شف
انت رح اسئالهم عبر الرسائل الخاصة ..وانتظر اجاباتهم الوافيه ... وعطهم الرابط .. حق الشبط..

انا بنتظار الاجابة

ارسلت ننتظر ونشووووووووف

راشد الصليحان

25-01-07, 07:47 am

اخي الحصان الأسود

الخاز الباز.....اعتقد انه اللوز..!!

بحر العطاء

25-01-07, 07:53 am

http://www.buraydh.com/forum/images/smilies/icon_rolleyes.gif

مشكور يالغلا راشد على مروركـ وردك ....

ننتظر

اخوي الدمار الشامل

مشكور أولييدي الحصان الاسود على تحمسك ولكن نتظر اخوي الدمار الشامل

..او احدىالاعضاء يصحح جاوب راشد

الحصان الأسود

25-01-07, 07:55 am

اخي الحصان الأسود

الخاز الباز.....اعتقد انه اللوز..!!

اخوي المشرف الغالي راشد
اللوز اجل مشكورررررر يالغالي على المعلومه....

شفتي بحر العطاء انهن اللوز .....كان قلتي بالاول واللوز وش فيهن تقولين معصي....
راشد يقول اعتقد وانتي وش تقولين؟؟؟؟؟

بحر العطاء

25-01-07, 07:57 am

مادري نتظر

الدمار الشامل
موب تقول ارسلت له

الحصان الأسود

25-01-07, 07:59 am

مادري نتظر

الدمار الشامل
موب تقول ارسلت له

الا ارسلت له ياميمتي ووننتظره شوعليه بس هاه اذا ماعرف تقولين انتي وتصححين...

عيون الصقر

25-01-07, 08:20 am

الخاز باز مو فيه تسجيلات صوتيه باسم الخاز باز يعني صوتيات اللوز خخخخخ حلو الاسم

بحر العطاء

25-01-07, 08:46 am

عيون الصقر
الله يباركـ (( بالخاز باز)) اللي جابك هنا...؟؟؟

الله عليك ياخوي.. مروركـ يجيبه ((الخاز باز)) <<شرهتها عليكم وش كبرها

تراه الموضوع اسمه ((مقرقع البيبان الشبط))

ابوقش

25-01-07, 09:28 pm

هههههههههههههههههههه

حلو الاسم الصراحه ..

الكربوني

26-01-07, 05:40 am

؛
؛

هلا بالحصان الاسود وصلتنا الرساله الله يسلمك والعذر ترى هذي دخلتي للمنتدى
واحمد ربك إننا نفتح حتى طلوع الشمس ...

واخزياه ياخالة .... الخاز باز ...؟؟

ومخليتن الولد يسأل الحريم ... هههه ...يارررررررربيه ...

احمد ربك يالحصان إن أهلك ماتبرأو منك .... ولاعمرك تتوهق مع العجيز بحر ...

ياحزنك من ربك يابحر العطاء ...

**

الخاز باز
هذا ربي يسلمن ويسلمك ...
مرض الله يكافينا واياكم كل بلاء ...يجي للأطفال بالغالب ...لأنه جاء للكبار بس بصورة نادررة ...
شلون اشرحه لك .. مشكلتي ساقط بالشرح بس ورطتن برسالتك ..
هو فايروس يسوي انتفاخات بالوجه جهات منه يضرب الغدد ويورمه أحياناً يصير فيه بعد ورمات بالرقبة بسبب غدة البلعوم إذا صابه .. يقولون والله يعينك على مايقولون ..
يقال إنه اللي جاه وهو صغير مايجيه كبير لأنه صار عنده مناعه منه ..
ويقولون إنه بعد معدي لأنه سطحي بالجلد أثاره ..

مثل ماتقول قريب من فايروس ( العنقز ) أو (العكنكش ) بس ذاك انتفاخات وتورمات وهذا حبوب ...
والحمدلله هالحين صار الطفل ياخذ عدة لقاحات بأشهره الأولى تخفف من تواجده هو وغيره من الفايروسات اللي كانت تجي للأطفال ..بسبب ضعف المناعه بجسمهم ..

وتسميته هذي شعبية وقديمة ... أما المسمى الطبي له ماأعرفه ...
أما بالنسبة لعلاجه فالمايك ينتقل لــ بحر العطاء ... هي أدرى تقول عنزروت ...وأنا أقول (عنزٍ)(ماروت)..
هذا اللي أعرفه عن الخاز باز ... إن كان صح يابحر فالعشاء عند الحصان الاسود ..وإن كان خطاء فاستروا علينا اللللللله يسترعليكم ..

بحر العطاء

26-01-07, 06:17 am

هلاااااا وغلااااااا بشايب ...

وينكــ ماخبر الشيبان عندهم اختبارات...؟؟ وين هاظلن بوه تصحي وتغيم <<صايرن تكثر ختاتك

الحصان الاسود..بسرعة جهز الذبيحه لاخونا دمار قبل يكثر الطلب..

الحصان الأسود

26-01-07, 07:03 am

هلا بالحصان الاسود وصلتنا الرساله الله يسلمك والعذر ترى هذي دخلتي للمنتدى
واحمد ربك إننا نفتح حتى طلوع الشمس ...

هلآوالله بالدمار الشامل.. الله يخليك (لأميميتك) قل آمين...متأثر بالعجيز بحربدا يقلده...

واخزياه ياخالة .... الخاز باز ...؟؟

ومخليتن الولد يسأل الحريم ... هههه ...يارررررررربيه ...

]اليوم بعد صلاه المغرب فتحت المنتدى وتذكرت السالفه وعندي الوالد والوالده ألتفت يماااااااه وكل بساطه وشو الخاز باز هي على طول منين جايب هالأسم... بحر تقوله...هههه والله ياهي بلشت بحر...ضحكت الوالده وبوي يناظر هاه يمه وشو اللحين قالت اسأل ابوك التفت على الوالد قلت هاه قال اسأل امك ...ضايع الولد بينهم ...وتقهويت وانا والله ماطلعت بنتيجه...

احمد ربك يالحصان إن أهلك ماتبرأو منك .... ولاعمرك تتوهق مع العجيز بحر ...

هههههههه بنت الذينا ...عاد اعلمك شي هي والله الداهيه

ياحزنك من ربك يابحر العطاء ...

يا حزنك حزناه بس...

الخاز باز
هذا ربي يسلمن ويسلمك ...
مرض الله يكافينا واياكم كل بلاء ...يجي للأطفال بالغالب ...لأنه جاء للكبار بس بصورة نادررة ...
شلون اشرحه لك .. مشكلتي ساقط بالشرح بس ورطتن برسالتك ..
هو فايروس يسوي انتفاخات بالوجه جهات منه يضرب الغدد ويورمه أحياناً يصير فيه بعد ورمات بالرقبة بسبب غدة البلعوم إذا صابه .. يقولون والله يعينك على مايقولون ..
يقال إنه اللي جاه وهو صغير مايجيه كبير لأنه صار عنده مناعه منه ..
ويقولون إنه بعد معدي لأنه سطحي بالجلد أثاره ..

مثل ماتقول قريب من فايروس ( العنقز ) أو (العكنكش ) بس ذاك انتفاخات وتورمات وهذا حبوب ...
والحمدلله هالحين صار الطفل ياخذ عدة لقاحات بأشهره الأولى تخفف من تواجده هو وغيره من الفايروسات اللي كانت تجي للأطفال ..بسبب ضعف المناعه بجسمهم ..

وفيت وكفيت يالدمار الشامل وفيه احسن من هالشرح ...يسلموووووووو

وتسميته هذي شعبية وقديمة ... أما المسمى الطبي له ماأعرفه ...
أما بالنسبة لعلاجه فالمايك ينتقل لــ بحر العطاء ... هي أدرى تقول عنزروت ...وأنا أقول (عنزٍ)(ماروت)..
هذا اللي أعرفه عن الخاز باز ... إن كان صح يابحر فالعشاء عند الحصان الاسود ..وإن كان خطاء فاستروا علينا اللللللله يسترعليكم ..[/quote]

]ابد يالدمار ابشر والعشاء علي بس اذا صح.. وقدها وقدود ...طاقن صدره الوe=8]واذا خطاء عاد اكيد بتصحح بحر العطاء]اليك المايك سيدتي العجوز..

خالد اباالخيل

27-01-07, 01:28 am

كلام الأخوان صحيح..ويسمى المرض أيضا.. اللغيصم..
لكني قرأت قبل فترة أن الخاز باز هو مانسميه (شيخ الذبان-جمع ذباب) بلهجتنا..ولقد ورد بمرثية ابن لعبون الشهيرة : سقى صوب الحيا مزن تهاما ..
حيث يقول في أحد أبياتها : وصرت بوحشة من ريم راما ......ومن فرقاه مثل الخاز بازي

وذكره عنترة في إحدى قصائدة عندما قال :

هزجاً يحك ذراعه بذراعه..... قدح المكب على الزناد الأجذم

والله أعلم...

شاطئ الراحة

27-01-07, 01:34 am

مشكور اخوي ,, على اطرائك الرائع

تحياتي

بحر العطاء

27-01-07, 02:44 am

الدمااار الشامل
كفيت وفيت على الاجابة الوافيه ...
وصح عليك
ولا يهون اخوي راشد الصليحاني ..قرب معناه..والاخ عيون الصقر .. الله يخليكم ويقر عيونكم

إولييدي حصان الاسود
سلمت وغنمت على اهتمامك واثارتك الموضوع ...

وفيت وكفيت يالدمار الشامل وفيه احسن من هالشرح ...يسلموووووووو
بس هذا موهوب معافيك عن العشاء ..حتى الان حق الدمار عليك وبسرعة قبل ماتكثر الذبايح ويصير الحق حقين

امرؤ القيس

27-01-07, 02:50 am

اختي الكريمة

اباؤنا الاوائل لهم تسميات جميلة على الاحداث التي تمر سواء من ناحية الطقس او المناخ او تسمية الاعوام من خلال احداثها
كسنة الهدام وسنة الجوع وسنة الرحمة 00الخ

مقرقع البيبان تسمية في الصميم لها مدلولات وشاهد على الحدث ودخول نجم

طرح جدا جميل واحببت اكون صامتا لاستفيد من الطرح

شكرا لك

بحر العطاء

27-01-07, 03:09 am

خالد اباالخيل

كلام الأخوان صحيح..ويسمى المرض أيضا.. اللغيصم..
لكني قرأت قبل فترة أن الخاز باز هو مانسميه (شيخ الذبان-جمع ذباب) بلهجتنا..ولقد ورد بمرثية ابن لعبون الشهيرة : سقى صوب الحيا مزن تهاما ..
حيث يقول في أحد أبياتها : وصرت بوحشة من ريم راما ......ومن فرقاه مثل الخاز بازي

وذكره عنترة في إحدى قصائدة عندما قال :

هزجاً يحك ذراعه بذراعه..... قدح المكب على الزناد الأجذم

والله أعلم...

مشكور اخوي خالد على هاذي الاضافة الرائعه .. انا مادري ..وش اكتب وش اقول
على مرورك الذي يسعدني واضافتك الذي يشرفني .. دائمآ تحفنا بما هو رائع ومفيد..دمت بود

خالد اباالخيل

27-01-07, 11:39 am

اهلا وسهلا بحر العطاء..
أحب الحديث في مثل هذه المواضيع..استفدت من جدي وجدتي- أطال الله عمرها- كثيرا في هذا المجال ..وأحاول الآن أن استفيد منك ومن الأخوة هنا في المنتدى..
فشكرا لكم ..وبانتظار مالديك عن (العقارب) التى هي الأبواب ..

الكربوني

27-01-07, 12:32 pm

؛
؛
وين هاظلن بوه تصحي وتغيم
قولي ماشاءالله >> يسمع بالدراية ...!!

**
وتقهويت وانا والله ماطلعت بنتيجه...
ياحبيلك ...
قايلك لاتوهقك بحر العطاء ...

**

هزجاً يحك ذراعه بذراعه..... قدح المكب على الزناد الأجذم

شف الوصف ... وشووف التشبيه ... عاشت ايامك ياعنترة ..

يعطيك العافيه خالد ابالخيل ..

**
حتى الان حق الدمار عليك وبسرعة قبل ماتكثر الذبايح ويصير الحق حقين

لا .. ماعليش لاتستعجلي عالولد .... أصله أنا مابكلش اللحمة ...يالبي .

اسمع ياللي عند مربط الفرس إذا أنت ملزم و(حالف ) فتراي ناوي على ( فروة ) .. وأنت كريم وحنا نستاهل ...

بحر العطاء

28-01-07, 02:51 am

ابوقش

هلابك
اضحك الله سنكـ
وانت قشكك لا يطيح بس من الضحكــ

بس وشو اللي اعجبكــ
اسم الموضوع ((مقرقع البيبان ))
او ((الخاز باز))

بحر العطاء

28-01-07, 02:59 am

شاطئ الراحة

هلا بكـ
مشكورين على مروركم ...

بحر العطاء

28-01-07, 03:11 am

امرؤ القيس
هلا بمشرفنا ((الحاضر الغائب ))

نعم هناك اسماء نجهلها كلمات لها شعبيتها تخرج من فواه ابائنا بحكمة بالغة

طرح جدا جميل واحببت اكون صامتا لاستفيد من الطرح

شكرا لك

المتفرج الصامت

بحر العطاء

28-01-07, 03:23 am

خالد اباالخيل
الله يخليك ..لاهنت لاتحرمنا من معلوماتك ان الله قدرني على العقارب

بحر العطاء

28-01-07, 03:25 am

الحصان الاسود

اسمع ياللي عند مربط الفرس إذا أنت ملزم و(حالف ) فتراي ناوي على ( فروة ) .. وأنت كريم وحنا نستاهل ...
تراء فيه فروات نسائيه <<فاهمه غلط

الحصان الأسود

28-01-07, 06:54 am

؛
؛
و
قولي ماشاءالله >> يسمع بالدراية ...!!

**

ياحبيلك ...
قايلك لاتوهقك بحر العطاء ...

**

شف الوصف ... وشووف التشبيه ... عاشت ايامك ياعنترة ..

يعطيك العافيه خالد ابالخيل ..

**

لا .. ماعليش لاتستعجلي عالولد .... أصله أنا مابكلش اللحمة ...يالبي .

اسمع ياللي عند مربط الفرس إذا أنت ملزم و(حالف ) فتراي ناوي على ( فروة ) .. وأنت كريم وحنا نستاهل ...

هلا بالداهيه ياللي بقلب اميمتك الله يخليه لك انشاءلله...هالحين انا غاط لي يومين اروح لسوق الغنم واسعر الحواشي وآخذلي واحد واوديه لطباخ ...وهمن تقولي ما آكل للحم ...ماعلي منك هذا عشاك ...يالله بس اضرب بخمسآ..وفسر ايديك وسم بالرحمن تستاهل يالدمار الشامل...وبعدين مو انت اللي يتغطى بفروه الفروه للصغيرين...اضرب من هالدسم والسعرات الحراريه..مو الدويفه اللي لآعبتن علينا به بحر ...هذي نصيحتي مو مثل نصيحه بحر ...
الى هالحين واقف اقعد وتفضل يالله لآيبرد..وبسرعه كل لآيجينا راشد الصليحاني ويهوشن على هالبذخ

بسم الله

http://www.u11p.com/folder2/U11P_63Bil2bAFa.jpg