أبجــــــد هـــــوز

[راعي العنود]

دد


بسم الله الرحمن الرحيم

أخواني وأخواتي : السلام عليكم ورحمة الله وبركاته..

يسرني أن أقدم لكم هذه القصيده عسى أن تنال رضاكم...


يفـز قلبي لك حبيبي ويهـــتز

############ وتهتـز باسبابه محاني ضـلوعي

لا من ذكرت ايامنااللي على عـز

############ أحن مثل أم القعـــود الجزوعي

يالصاحب اللي في جمالك ممـيز

############ من مفرق الهامه جمال ٍيروعي

حـبك سكن وسط المحاني وركز

############ فيها معاني حبك اللي بطوعي

أحسـها بين المحاني لها غــز

############ واصـبر واداوي علتي بالدموعي

درّستها بالحــب ابجـد وهـــوز

############وسقيتها طعم الهوى كل نـوعي

أنا همـــومي لـزتن للشعر لـــز

############ حطيت في شعري دوا كل جـوعي

مانيب منهـــو في حياته تـحيز

############الفرق واضح بين سبت اوربوعي


مانيب أفاخــــر بالشعر واتبروز

############أرجع واحسّب خطوتي في رجوعي


أسلى والا مني ذكرته فانا افز

############ وتهـــتز باسبابه محـــاني ضلوعي


وسلامتكم ....

أرجو أن تحوز على رضاكم .............وتسلمون..


:) :)

[معاهدات]

شاعر المنتدى الكبير راعي العنود .

ما زال شعرك كما عرفناه منذ سنين ..
جميلاً مميزاً له نكهته !

لك أعذب تحياتي

[الشقردي]

اخوي الغالي وشاعرنا الرائع راعي العنود 0000000

الف الف شكر على هذهالقصيده الرائعه كروعتك

هكذا انت دائما وابدا تتحفنا بعذب الكلام وتجعلنا نحلق معك في سماء الحب

والعشق نتلذذ بعباراته ونستسيغ لوعاته

اعجز ان اوفيك حقك اخاف ان كلمة شكرا لاتكفي

بارك الله فيك وجمعك بمن تحب

يحز في نفسي وفي خاطري حز

00000000000000000 شي كتبته ياعـديـم الطبوعي

اياك يابو صالح انك تنرفز

0000000000000000 واصل حبيبك وانت تدري قطوعي

والزين بيّن له بيارق يركّز

000000000000000 ما لومكم بالحب لو هو يلوعي

ولو صار قلبك يطبخونه على قز

00000000000000 بس انتظر لوكان حبه يروعي

بايميلها ارسل رساله معه كز

00000000000000 فايل وتشرح به جميع الفروعي

اكل العنب حبه وحبه يمزمز

0000000000000 ماتنفع الشبعه على شين جوعي

خلك شديد ولازم انك تحرز

0000000000000 ولا تاخذه كله وخلك قنوعي

والعذر والسموحه عن التقصير 000

اخوك الشقردي;)

[الكيميائي]

راعي العنود



يفـز قلبي لك حبيبي ويهـــتز

############ وتهتـز باسبابه محاني ضـلوعي





تحياتي



كيمو

[راعي العنود]

أخي وأستاذي ومشرفنا العزيز :معاهدات ........ياهلا والله ومسهلا فيك ..

والساعة المباركه بهذا الحضور الجميل عسى الله مايخلينا منه..

والكلمه منك لها وقع خاص طال عمرك فالحمدلله عقب المعاميل

والصفاري والدرايش والمكيفات زانت الأمور:D وهذي شهاده أعتز فيها:D
تسلم لي ويسلم حضورك الرائع يابعدي...


:) :)

[راعي العنود]

أخوي : الشقردي ...............ياهلا والله ومسهلا فيك أخوي ..

وتشرفت بتواجدك وتواصلك المستمر والله لايخليني منك يابعدي

يكفي إني أشوف تواجدك على مشاركتي لتكتمل بهاءً وحسنا..


جاني جواب اللي كلامه مطرز ### شيخ ٍولــد شيخ ٍ كريم ٍبتوعي

واردّ له زين المــثايل واجهز ### من خاطر ٍجاب المعاني تبوعي

سـلام مني للشـقردي معــزز ### كتبتها له من محاني ضلوعي

قالوا علاج العشق لا زم تجـوز ### ياكود تنسى الترف زين الطبوعي

وراحت ورحنا والعناوالشقا جز ### أقصى المحاني لاعت القلب لوعي

واللي مشقّى وبعصاه يتهــوز ### عايش بها الدنيــا عـزيز ٍقنـــوعي

ولخاطر عيونك كتب لك وهندز ### أبيات شــعر ٍ يعلنن لك خضــوعي


وتقبل محبتي وتقديري,,

:) :)

[راعي العنود]

أخوي : كيمو ............ياهلا والله ومسهلا فيك والساعه المباركه

تسلم يالحبيب...

:) :)

[3bdullah]

درّستها بالحــب ابجـد وهـــوز

================== ;) ;) وسقيتها طعم الهوى كل نـوعي





اشهد انك ابدعت

راعي العنود



:rolleyes:

[راعي العنود]

أخوي:3bdullah ............ياهلا والله ومسهلا فيك اخوي لاتروح بعيد

أسقيتها وشرقت:) تسلم ويسلم حضورك الطيب وياهلابك أخوي...



:) :)