خفايا آخــــــــــــــــــر العنقود

[ميلاد حلم]

ثلاث ارباع طعش المجتمع الانثوي يحسدون البنت اللي تكون اخر العنقود
<<وفي رواية اخرى اخر نفر يجي للبيت
وللاسف انا كنت منهم بس بعدين ريوست << يعني دقيت ريوس ورجعت
لاني حسيت وشعرت باانها اكثر وحده مظلوومه ومغلوب على امرهاا
واحيانا تكون جايه بالوقت بدل الضايع << يعني اهلها ماحسبوا حساب انهم يجيبونها


مره من المرات كنت جالسه انا وثنتين من خوياتي << وللمعلوميه كلهن اخر العنقود
وكنت متضايقه لاني البنت الكبيره واغلب المسؤوليات تكون على عاتقي << مايمدينا
واشكيلهن همومي واقول ليتني مثلكن اخر العنقود
الا ويقومن علي كلهن << مشكله اللي ماعنده فزعه
احمدي ربتس .. انتي على الاقل الكبيره .. انتي ياخذون رايتس ويحسبون لتس حساب..
انتي كلمتتس مسموعه .. ومحد يقدر يقولتس لا ..
مو مثلنا يااحسره
طبعا انا صرت كذا <<
انا: عسى ماشر يابنات وراتسن اكلتني بقشوري
هم: آيييييييييييييييييييييييه بلاتس ماتدرين ..

وكل وحده بدت تقول سالفتها ومعاناتها تحت لقب اخر العنقود ..
نبدا بالاخت حنان ..
ا بنت عسووله وطيبه جدا جدا
عندها اختين توأم << هم اكبر شي ..
بعدين اخت ثانيه اصغر منهم بـ سنتين ..
بعدين حنان لبى قليبها
تقول صاحبتنا ..
خواتي الكبار << اللي هن التوأم
لما تفكر الوحده تحمل تحمل الثانيه بعدها بشهر
يعني يكون بينهم بس شهر او شهر ونص بس
تولد اول وحده فيهم ... بعدين تجي عندنا بالبيت ..
ومن هنا تبدا رحلة العذاب ..

حنان جهزي رضعة ولدي ..
حنان غيري لولدي انا تعبانه مقدر ..
حنان بالله غسلي ثيابي تعرفيني مااحب الخدامات يمسكنها ..
حنان ولدي مغير يبكي ماخلاني ارقد خليه عندك ازعجني ..
حنان ياعمري تعرفيني مااكل مطعم ابيك تسوين لي الغدا والعشاء واهم شي الفطور ..

وكله كووووووووووووووم
واذا جونا حريم بالبيت كوم ثااني
من بداية اعلان نهااية صلاة العصر الا الباب يطق
جاراتنا وصديقات اختي وحمولتها
والوحده اذا جت جابت بناتها وحريم عيالها وجاراتها << بالعربي نص حارتهم جايبتهن

حنان بالله سوي لنا حلى من ايدينتس تعرفيني مااحب الحلويات اللي من برا ..
حنان لازم تستقبلينهم وترحبين فيهم عشان يقولون عندها اخت سنعه ..
حنان صبي القهوه للضيوف ولازم تبتسمين وانتي تصبينها ..
عاد هنا جد جد التعذيب الصهيوني
فيه سبعين حرمه
ولازم ادوور المجلس كله كذا مره عشان اصب لهم يمال ماني بقايله ..
ولازم تكون عندي عيون زرقاااء اليماامه عشان اقدر اقز اللي بدا فنجالها يخلص ..
وبعد لازم اشيل صينية الحلا ادوور فيهاا ..
واكثر شي ينرفزني جد لما اوقف عند وحده نص ساعه انتظر تمد فنجالها
وهي مندمجه بالسوالف مع اللي جنبها ومو معبرتني << وانا من باب الذوق مقدر اكلمها عشان مااقطع سالفتها المصيريه
لدرجه مره بغيت اتهور واصبها فوق راسها بدال فنجالها ..
عاااد ليتهم يجون مره وحده وافتك
لا.. كل يوم جايه مجموعه ..
ومايطلعن الا اذا سكر امام المسجد باب المسجد معلنن بذالك نهاية صلاة العشاء ..
وعلى هالحال اربعين يوم ..
سهر .. رعايه تامه للمولود ... ولام المولود .. استقبال الضيوف
صباابة قهوه لضيوف << جعل مافيه ضيوف ..
واول ماتنتهي هالاربعين وتروح .. حتى مايمديني افرح الا جايتن امي تقولي ابشرتس
اختس الثانيه ولدت
وتستمر الحكايه ................

^
^
^
^

[ميلاد حلم]

قالت حصه : لاوالله ياحنان انتي اهون مني ..
انا اللي بالعه موس وساكته ..

حصه بنت مملووحه وطيبه وراعية بيت من الدرجه الاولى ..
وطبااخه جباره مشااء الله ..
كل اخوانها وخواتها اعرسوا
ومابقى بالبيت الا هي واخوها اللي اكبر منها بسنتين وامها وابوها الله يحفظهم ..
نترك الآن المايك للاخت حصه لتسرد حكايتها

اكثر يوم اكرهه يوم الخميس .. وودي ينمحي من قائمة الايام
بصرااحه هاليوم بالنسبه لي الجحيم بعينه ..
لان اخواني وخواتي يتجمعون عندنا ..
وكل واحد معه جيش من البزران ..
ومو اي بزران يارب لاتبلانا بس ..
قسم بالله لو افكهم على اسرائيل امسحتهم من خريطة العالم ..
ياكلون الخضر والياابس ..
اول مايدخلون البيت على طول المطبخ ..
ويفتحون الثلااجه وياخذون كل اللي فيهاا
وانا كذا
حتى ماتكرموا يسلمون علي ..
مدري هم معتبريني شغاله بالبيت والا وش السالفه ..
واذا بلعوا وشفطوا الثلاجه كلها اتجهوا للحديقه
وماتبقى زرعه بمكانها
والحوش يصير كله تراب وطين
وانا مقدر اتكلم عشان محد يزعل
واذا بيدخلون جوا البيت دخلو بجزمهم << وانتم بكرامه
والجزم عااد مايحتاج اقول قلها طين وتراب
ويبدا التطبيع على الرخام والسجاد والخدامه ياقلبي عليها كسرت خاطري وهي تراكض وراهم
تنظف وتشيل وتحط

والامهاات العزيزات ضحك وسوالف ولاهمهم
وكل وحده تقول عيالي اعرفهم مؤدبيييييييييييييين مايسوون شي

وانا من يجون لحد مايروحون بالمطبخ اكرف
لازم اسوي حلويات مع القهوه
وفطاير لزوم الشاهي
واخيرا العشاء
ولازم العشاء يكون اكثر من صنف
حتى ولاوحده تتكرم وتدخل تساعدني
بس فالحات بالتعيب
اللي تقوول كأن الملح زياده
واللي تقول وراه الحلا مايع
واللي تقول السلطه سامجه اليوم .... الخ
وامي مغير تناظر فيني وتغمز لي يعني اسكتي ..

ومايطلعون من البيت الا انا والخدامه هلكااااااااانيين
ونناظر ببعض ونناظر بالبيت اللي صار شبه بيت
مافيه شي صاحي
واذا جت الجمعه رحت ارتبه انا وياهاا من الى ..
وبعدين اروح السوبر ماركت مع ابوي نقضي للبيت من جد وجديد
وياليييييييييييييييييييييته على كذا وبس
كل مابغى واحد من اخواني والا خواتي يسافروون
حطوه بزرانهم عندنا
وامي تقوولهم روحوا انبسطوا وعيالكم بعيوني << تسمع بالهيااط
واصلن مادرت عنهم
وبالاخير ماياكلها غيري ..
هم يتمشون وينبسطون وانا اللي ادفع الثمن ..

انا : ياحياتي يابنات ..

واووووووووووووووووووول مارحت للبيت طيراان لغرفة امي
وبست راسها يمكن عشر بوساات
امي :
انا : يمه تدرين شنو احسن شي سويتيه بحيااتك ..
امي : شنوو
انا : انك جبتيني اول وحده ..

مايستفاد ..
حاولت اطلع من اللق لق لق لق لق اللي فوق شي مفيد ماحصلت غير الحش وفشة الخلق
بس استنتجت شي مهم
اللي هو:
ان الواحد لازم يرضى بوضعه
سواء كان الكبير والا الوسطاني والا اخر العنقود ..
واللي يشوف وضع غيره يهون عليه وضعه

[نملهـ فوشيهـ]

خخخخخخخخخخخ
أيوهـ صآآدقه
أنآ قبل الأخيره
وكل مآآقلت شي قآآلو صغييرهـ >>عذآآآآآآآآآآآآآآب
ولا ع كيفهم الكبر والصغر

[اوكسجين بريده]

[align=center]

اقتباس: ولا ع كيفهم الكبر والصغر

ايه تلاحظين انتي وقت حنا عجز اكبار وقت حنا بزارين خخخخ
~
يعطيك العافيه ع الموضوع[/align]

[بنت عز وما تنهز]

ههههههههههههههههههههههههههههههههههههههههههاي
لا زين رفعتي معنوياتي انتي وصديقاتك
لان حتى انا الكبيره
ولازم اكون مسؤوله عن الجن اللي حولي




تقبلي مروري

[دقات قلب]

الحمدلله لا اعتبر الكبيره ولا اعتبر الصغيره انا الوسطيه
(خير الامور اوسطها )
اذا قالو لي اهلي شي يخص الكبار وانا ماودي اسويه اقول حرام عليكم انا صغيرهـ .. واذا كان الموضوع يخص الصغار اقول لهم خلاص انا كبرت لا تعتبروني صغيره .. يعني بالعربي الفصيح لاعبه عليييهم هههههههه

[أحب نفسي]

خخخخخخ تقل هونتي علي شويآت ..
>> التسبيرة وملعونن خيرة بالكرف ..

[ميلاد حلم]

اقتباس:  المشاركة الأصلية كتبت بواسطة أحب نفسي     خخخخخخ تقل هونتي علي شويآت .. >> التسبيرة وملعونن خيرة بالكرف ..

يابعد عمري مالنا الا الصبرررررررررررررر
مشكوررة على المرور

[ميلاد حلم]

اقتباس:  المشاركة الأصلية كتبت بواسطة دقات قلب     الحمدلله لا اعتبر الكبيره ولا اعتبر الصغيره انا الوسطيه (خير الامور اوسطها ) اذا قالو لي اهلي شي يخص الكبار وانا ماودي اسويه اقول حرام عليكم انا صغيرهـ .. واذا كان الموضوع يخص الصغار اقول لهم خلاص انا كبرت لا تعتبروني صغيره .. يعني بالعربي الفصيح لاعبه عليييهم هههههههه

هههههههههههههههههههههههه
الله يرجك ياحظك بس
نورتي ياقلبي

[البركان الشبابي]

الله يعين يعني الكبير مايرتاح والصغير مايرتاح

[ميلاد حلم]

اقتباس:  المشاركة الأصلية كتبت بواسطة بنت عز وما تنهز     ههههههههههههههههههههههههههههههههههههههههههاي لا زين رفعتي معنوياتي انتي وصديقاتك لان حتى انا الكبيره ولازم اكون مسؤوله عن الجن اللي حولي تقبلي مروري

وه بس فديت الكبار بس
ادب وقرامه

[ميلاد حلم]

اقتباس:  المشاركة الأصلية كتبت بواسطة الجنرال الشبابي     الله يعين يعني الكبير مايرتاح والصغير مايرتاح

هذي الدنيا آآآآآآآآآآآآآآآآخ ليت الزمن يرجع ويصيرون اخواني قبلي
نورت اخوي

[ميلاد حلم]

اقتباس:  المشاركة الأصلية كتبت بواسطة نملهـ فوشيهـ     خخخخخخخخخخخ أيوهـ صآآدقه أنآ قبل الأخيره وكل مآآقلت شي قآآلو صغييرهـ >>عذآآآآآآآآآآآآآآب ولا ع كيفهم الكبر والصغر

نموله حبيبتي تحملي اللي يقولون اهم شي انك مو اخرالعنقود

[ميلاد حلم]

اقتباس:  المشاركة الأصلية كتبت بواسطة ħмs άℓgяαм♪     [align=center] ايه تلاحظين انتي وقت حنا عجز اكبار وقت حنا بزارين خخخخ ~ يعطيك العافيه ع الموضوع[/align]

ههههههههههههههههههههههههههه
هموسه نورتي

[كلي عربجية]

هههههههههههههههه يا بعد قليبي انتن يا لكبار ههع..

ههع الحمدلله اني الوسطية لا الكبيرة ولا الصغير يعني اذا بغيت اصير بزر وابلش الواحد واتهيبل صرت صغيرة واذا فية مواضيع جدية تستحق الكلام أصير قرمة وكبيرة ههع يعني بالعربي الفصيح جامعتن الطرفين كلهن ههع..

مشكووووووووووووووورة كثير والله يعينك ويعين الكبار اللي مثلك..