سلم على اللي عطاني شي ما يعطى الشايب اللي رهنت العمر له كله

[كروومه]

سلّم على اللي عطاني شي مايعطى
الشايب اللي رهنت العمر له كلّه


هو تاج راسي وهو ساسي ونبراسي
وهو بعد ظل الله اللي ظلني ظلّه


من غيره اللي يقدمني على نفسه
ويرفع خمالي ويدمح عنّي الزلّه


سلّم عليه اربعه مليون تسليمه
وقلّه يا هوجاس قلبي بعدها قلّه


يلعنّي الله وتلعنّي ملائكته
ان كان عمري ما سقته كلّه ارضا لّه


اكبرها نطحة عدوٍ يبغي الضدّه
واصغرها لو انفعه في صبّة الدلّه


نذرٍ علي ماافتخر فيها ولا اجامل
ابوي عزّي وانا لا جيت عزّله


ما هي بكلمة ضعيفٍ ما يثمنها
والهرج كلٍ يبيه ان جاء على حلّه


انا لبوي اثقل من طويق وجباله
واسرع من البرق لا من جاء لزوم لّه


بالله وشني بعد حيٍ على شانه
ان مانفعته خساره اطلع ابن لّه


انا معه فأوّل الدنيا وتاليها
وماني بناسي كلامه لا حشا لله


حتى لو اروح وامشي لاخر الدنيا
انا على اللي عليه ودربي ادلّه


ما ني بخاوي من الشلاّت ضايعها
انا على العود ماني من هل الشلّه


اللي تبيع الشرف والدين والشيمه
وتخلّي العقل فيه اربع مية خلّه


انا على عز ابوي وما بنى جدّي
والطيب والمرجله صارت لي جبلّه


الطيب آرافقه لو تبعد دياره
والفرصه اللي تجيبه تبري العلّه


واللاش ماارافقه لو هو ولد عمّي
ماهو بكفو لّي وماني بكفو لّه


وان ابتلاني عدوٍ رافعٍ خشمه
بسل سيفي وليش السيف ما سلّه

دامه عدوٍ بلاني ويش اسوي به

مثل اختي ان كانها تدخلني الذلّه



بابيع نفسي لو ان الموت قدامي

والموت واحد وانا ديني على الملّه



وان ابتلاني ضعيفٍ ماعلي منّه

مادام يجهل دقاق الهرج من جلّه



وانتم يا حساد قولوا ماتقولونه

اللي بقلبه غليلٍ يبطي بغلّه



سلّم على اللي عطاني شي ما يعطى

الشايب اللي رهنت العمر له كلّه



سلّم عليه اربعه مليون تسليمه

وقلّه يا هوجاس قلبي بعدها قلّه



في ذمتي ماعلي من صكّة الدنيا

مادام حيٍ لي ومادمت حيٍ له


مما رااااااااااااااااااق لي تحيااااااااااااااااااتي

[نــف نــف]

صح ذوقــك .,~~

آلف شكــر =)

[●● غندوره ●●]

اقتباس: انا على عز ابوي وما بنى جدّي والطيب والمرجله صارت لي جبلّه

من دون مجامله اجدها من اروع قصائد الفخر
ابدعتي في الاختيار اختي اهم شي الكرامه

شاكرين لك تميزك معنا في نوافذ

[كروومه]

اقتباس:  المشاركة الأصلية كتبت بواسطة نْــف نْــف =)     صح ذوقــك .,~~ آلف شكــر =)

يسلمووووووو تسلم ذائقتك الله يعطيك العافيه

[كروومه]

اقتباس:  المشاركة الأصلية كتبت بواسطة ●● غندوره ●●     من دون مجامله اجدها من اروع قصائد الفخر ابدعتي في الاختيار اختي اهم شي الكرامه شاكرين لك تميزك معنا في نوافذ

يسلموووووو على مرورك مشرفتنا الغاليه