صبرا وشاتيلا .. في قبيلة الضبّان .. ( أدخل ونت ماسك راسك )

[أبوفالح]

[align=center] السلام عليكم ورحمة الله وبركاته


نادراً ما تجد التوسط في محبة أكل ( الضب )

فا الناس .. بين مسرف في محبته ومشاوير البحث عنه .. وبين مسرف في ذمه وكراهيته ومحبة البعد عنه .

ومع ذائقة القسم الأول .. كثيراً ما يتعرض الضب إلى حملات إبادة منظمة .. يستخدم فيها جميع الأسلحة
من إغراق في الماء .. ورمي با الخرازات وشتى أنواع الأسلحة .. إلى أملاحقه وقضبه وهوة يتمذرح بعيداً عن جخره .


ولكن حقيقة .. أنا لم أشاهد مثل هذا التعدي والإجرام في حق المهذب دائماً مستر ( ضب )

والذي أدرج هذه الصورة .. أحد أعضاء موقع مكشات .. وكان ينتظر الثناء والإطراء وأحرف الإعجاب

ولكن خاب ضنه ورجع عليه حدسه .. فقد أشعلت هذه الصورة مكامن الغضب وحس المسؤولية

وغرق صاحب الموضوع بردود حانقة ..


الآن أدعكم في تأملات هذه الصورة المخجلة :

.
.
.
.
.
.
.
.
.
.
.
.
.
.
.
.
.
.
.
.
.
.
.,
.
...
.
.
.
.
.
.
.
.
.
.
.
.
.
باقي أشوي
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

عاد لا تصير مثل رضّاح العبس .. أنزل بس ها المرة
.
.
.
.
.
.
.
.
.
.
.
.
.
.
.
.
.,
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
هيه .. أنت .. لا تكد علي .. ماودك تصبر تقلع ... بعد يمكن ما أنزله إلا عقب شهر ..

.
.
.
.
.
.
.
.
.
.,.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

عاد أجحده

[/align]

[هنري]

[align=center]واوووووووووووووووووووووووووووووواوك

وش هالإجرام بحق الضبان
شكل اللي يصيدون قضوا كل الضبان وصار الضب حيوان منقرض.
............................[/align]

[align=center]مشكور أخوي أبو فالح على هذا الموضوع

وتقبل تحياتي؛؛؛؛؛؛؛؛؛[/align]

[الذاهبة]

أبو فالح ،

يسعد صباحك !

الحين هذا وشو بالضبط ؟

مقابر جماعية .. ؟ لا يكون بس صور تعذيب الأكراد .. ؟!



بصراحة : شعوري الآن شعور أي مواطنة سعودية ( منقرفة ) + ( متقطع قلبها ) + ( مستغربة جداً )

* شوفوا يدياته كيف ؟ سبحان الله كأنه يد بزر صغنون !

* أعرف بتقول : وش دخلك هنا .. بقول لك : مو ذنبي أني أتابع شخابيطك هنا و هناك و بحرص شديد ..

* أطالب و بشده بحذف الصورة المرفقة اعلاه لأنها غير مناسبة لجميع نوع قلب !


سلاام !

[ămōяẻ]

ههههههههههههه

هين هين يالضبان


وووووووووواو


حلوة الصفة حقتهن مرتبة
تحياتى الك

[الرمادي]

[align=center]الغالي ابو فالح


الظاهر صاحب السياره مايشوف اللحم إلا من الضحيه للضحيه



والله برأيي إن كان يفعل ذلك ليأكل مايصطاده فلابأس فيه وهذا حق مشروع له ولغيره ولكن إن كان لمجرد العبث فقد ظلم نفسه وبيئته



لكن مالفت إنتباهي التفاوت الغريب بألوان هذه الضبان رغم انها على مايبدو من مكان واحد .. ماالسر في ذلك ؟



تحياتي ,,,[/align]

[الشماسي]

[align=center]أووووف أووووف أووووف

ياساتر يارب ,, يالله وش ذااا

عفواا


عفواا
.
.
.
أبوفالح نسيت أقول لك تشرفت بمشاركتك في قسم الرحلات ,, والأن أستطيع أن اقول حظي القسم بمشاركة القرم أبوفالح لكن لعله وانا أخوك تكون بموضوع دسم من رحلتكم الخاصه واكون ممتن لك بالشكر
.
.
.
نرجع للتعليق على الصورة

والله هذاا من أعظم مارائيت صراحة في جهل الصيد ,, لاأعلم هل هذا استعراض أم مفاخرة
.
ويعلم الله أنني رأفت بحال الضب عندما أجد مثل هؤلا يتهاجمون عليه وبالأخير إما أن يكون أداة للتسلية وملاحقة الاخرين به ,, وهذا اخف على اقل تقدير من هذه الصوره
وإما أن يرمى مذبوحا واعتقد ان الصورة ابلغ
.
.
لست ممن يعارض صيد الضبان ,, ولكن على قدر الحاجة ,, وايضا لاحاجة للذبح إلا عند أكلها فهذاا افضل شيء


والصورة حقيقة مؤثرة للغاية هذاا ماأستطيع قوله ,, واتمنى ان تكون (مفبركه) ,, وإن كانت ليست كذلك >>>مومصدق!!

ومع التحية[/align]

[أبوفالح]

[align=center]السلام عليكم ورحمة الله وبركاته


هنري .. يا بعدهم


شوفة عينك .. إذا كان كل من طلع سوّا مثل ها الغشمان ... راح يجي اليوم اللي نقول فيه :

أفلان إيعرف شكل الضب ..

يعطيك العافية .. ولا تقطع بنا .


الذاهبة .. يا مال الذهاب

يسعد مساك

طبعاً ماراح أقول وش دخلك فيذا <<< حركات

لأني أعرف أنك شروفه ولا أتخلين موضوع إلا تويقين فيه ..

عموماً .. دائماً مرورك خفيف الظل ويثري الموضوع ... لكن يا ليت تطلعين بدون زرع الغام ..

يعني .. تحذف الصورة وجعه .


عموري .. يا بعدهم


أعجبك صفتهن ..

طيب وش رايك تشيل ها المزيونه اللي في توقيعك و تجلسه فوق ها الهرم الضبّاني <<< بسم الله عليه

تبي الصراحة .. دائماً أقف عند توقيعك ويأسرني جمال وبراءة هذه الطفلة .. فعلاً براءه ..
الله إيوفقه ويسعده في مستقبل الأيام


الريس .. الرمادي

اقتباس: الظاهر صاحب السياره مايشوف اللحم إلا من الضحيه للضحيه

عاد أتصدق ... لو كان هذا هو السبب في هذه الحملة .. كان فتحت له أحساب عند مطعم البحّار ويفك تماسيح البر .


لكن أخالفك يا بو فهد .. في سالفة الحق المشروع ..

يعني أبفترض .. أنهم راح إيطققونهن كلهن .. . وش يبقى في مستقبل الأيام إذا كان كل واحد يحفل بهذه الكثرة

وتذكر دائماً .. أن الضب حيوان مستوطن ينتهي .. وليس مهاجر يتحدث << يبي يطلع أمنه .

ولو أردت الحدس .. فأنا أكاد أجزم أن ثلاثة أرباع الضبان اللي في الصورة مروحات ولا يصلحن للأكل .. لأن الضب من أسرح الحيوانات إرواحاً وهذا التراكم يضاعف السرعة .

اقتباس: لكن مالفت إنتباهي التفاوت الغريب بألوان هذه الضبان رغم انها على مايبدو من مكان واحد .. ماالسر في ذلك ؟

نعم .. هي من مكان واحد .. وتحديداً من ( أقلمة الحمار ) .. في أرض الصمّان ... ولست أدرك سبباً لهذا التفاوت .. ولكن قد تكون الكثرة العددية تخلق فروقاً لونيّة ..


الشماسي .. يا بعدهم

تبي الصراحة .. واله أني ذال منك ومستحي با الحيل ..

يعطيك العافية على جميل ترحيبك ولطافة عباراتك .. وأنا من يسعد با المشاركة في هذا القسم

ولا أكتمك سراً .. أنا أعاني كثيراً من فيروس الملل والحنق من الانتظار .. وقد حاولت أكثر من ثلاث مرات تحميل بعض الصور التي تحكي بعض تفاصيل الرحلة .. ولكن كثرة الصور وبطء التحميل يجعلني أغلق الجهاز دون الظفر بنتيجة ..

ولكن أعدك بجلسة لاتنتهي حتى أقوم بتحميل أكثر 20 صورة << لكن ترا اللقطات عادية جداً .


تقبلوا .. أعذب تحية [/align]

[بندر الحمر]

[align=center] السلام عليكم ورحمة الله وبركاته

أبوفالح هناك من سيقدم شكوى ضد سموووكم الكريم

ألا وهي [/align]

[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
الضب قدم للوزاره شكيـــــــــــــــــــــــه =يقول مظلوم بوسط الصحـــــــــــــــــاري

كلن يعيش اليوم عيشه هنيـــــــــــــــــــه =وأنا مع الكبسات تحت الكبــــــــــــــاري

مسكين مالي واسطه خارجيــــــــــــــــه= الواسطه عند الظباء والحبــــــــــــــاري

أشكي من الازمه ظروفي قويــــــــــــه =خصوص وقت الصيف والجسم عــــــاري

محمية الغزلان دون الحويـــــــــــــــــــه =وأنا مقطع وسط رز البخـــــــــــــــاري

أنا لحالي عيشتي جلجليـــــــــــــــــــه =أنصاد لو أني ببنك العقـــــــــــــــاري

في سوق منفوحه يحرج عليــــــــــــــه =مكتوب اسمي بالسجل التجـــــــــــاري

احتج وأقدم للامه قضيــــــــــــــــــــــه= مهدد بالرمي والا الشبــــــــــــــــــاري

اعيش أنا ويالحباري سويــــــــــــــــه = مافيه فرق بين هيس وهــــــــــــــواري

إليا طلعت ابا أتمشي شويــــــــــــــــه =إليا الدداسن كوم تضرب بــــــــــــواري

الصيد يتمشى هنا واهنيـــــــــــــــــــه =بمحمية الغزلان وأم القمــــــــــــــــاري

وأنا مسلسل طاش يضحك عليـــــــــــه = وين التقدم والأسلوب الحضــــــــــاري

كيف الورل مرتاح وانا خويــــــــــــــه =يلعب معي بالليل عظيم ســــــــــــاري

إن كان ما لحقت عليه المنيـــــــــــــــه =إن عاش راسي تاكلونه إجبــــــــــاري

ياناس روحو الصيف لأبها البهيــــــــــه =حفر العتش مافيه غير الغبــــــــــــاري

وختامها حطو حراسه قويــــــــــــــــه =من مركز التدريب حق الطــــــــــــواري[/poem]

[align=center]وشكرا لك أبوفالح على هالصور[/align]

[أبوفالح]

[align=center] السلام عليكم ورحمة الله وبركاته

فيمتو .. يا غالي

إلاّ من وين طلعت لنا ها المقطوعة الرهيبة والشكاية الحزينة ... لا تكون شاعر من ورانا يا فيمتوه


أمّا ها البيتين أمسكتات :

اقتباس: كيف الورل مرتـاح وانـا خويـهي ... لعب معي بالليـل عظيـم سـاري إن كان مـا لحقـت عليـه المنيـه ... إن عاش راسي تاكلونـه إجبـاري

فعلاً وش الفرق ؟؟ .. بعد الورل أكثر نعومة يا بعدهم


يعطيك العافية .. وتقبل من أخوك أبو فالح .. أعذب تحية [/align]

[بندر الحمر]

[align=center] السلام عليكم ورحمة الله وبركاته

شكرا أبوفالح الغالي

وأقول مشتائين إلكووووا تئبرني [/align]