[align=center]مجلة (( امغط لسانك يرزقك الله ))
حوار الموسم مع : عجوز مخرفة
أجرأ الحوار: د / دحيم الأغبر ( غني عن التعريف )
قام بالتصوير : م / حمد الأحول ( المصور العالمي الوحيد الذي جمع غروب الشمس وشروقها في لقطة واحدة )
نعم , إن مهنة الصحافة مهنة المتاعب , فلم تكن مقابلة عجوز مخرفة بالشيء السهل أبدا , لاسيما ( لاسيما وأخواتها لاحديدا ولا سيخا ) لاسيما واني أريد فوق مشاهدتها إجراء حوار معها , فقد توجب علي أولا استخراج تصريح من هيئة حماية الحياة الفطرية , لان عجوزنا المصون معرضة للانقراض وهذه آخر نسخة منها , ولذلك تقع تحت مسؤولية هذه الهيئة , ثم أحالوني على إدارة المتاحف الوطنية الذين اخذوا علي تعهدا خطيا بعدم تصوير عجوز مخرفة أو رسمها لخوفهم من تأثير الفلاشات على بشرتها ( ميب عاقلة الموناليزا ) وثانيا لان حقوق تصميمها محفوظة لدى مصنع الأسلحة الحربية ,وأخيرا كان هناك تعهد من وزارة الداخلية قسم مكافحة التخلف وذلك بأن أتعهد بتحمل المسؤولية الكاملة عن أي ضرر يصيبني أو يصيب المصور خلال المقابلة .
واقتحمت الأخطار , وخضت القفار , وطارحت الأهوال , وسدحت الجبال , ولأجل خشم تكرم حارة , لأقدم لكم هذه الوجبة الصحفية الشهية والمثيرة .
استقبلتنا شاعرتنا الكبيرة بكشرتها المعهودة , وابتسامة تشق الوجه من الأذن إلى الأذن ,وبراطمها التي تذكرني بالاير باج لحادث مؤلم , و خشمها ذو الخاصية الانبراشية (لحماية كامل أجزاء الوجه من عوامل التعرية ) وكانت تلبس دراعة دعماء مشجرة , ولافة فوطة صفراء مرسوم عليها ترم ترم (بينك بانثر للي مايعرف ترم ترم ) , ورجليها تقطر موية ( من الواضح أنها توها خالصة من بودي كير يعني ترويش مع حك الكراعين والركب وقرض الأظافر وحفر الأذن بالعربي ) ,مددت يدي لأسلم عليها رفعت يدها ثم سحبتها بسرعة قبل أن تلمسني وقالت : معليش أنا مرتبطة ( وش تقصد ؟؟؟ ) اندهشت أنا وقلت بسرعة : الله يوفقك ( ويرحم عباده المساكين ) المهم راحت عشر دقائق في الاستفسار عن الأحوال وقعدت تشكي لي من الروماتيزم والدسك والضغط وووو ( الله يفكنا وعجيزنا منها ) قمت وشغلت المسجل ( عشان أبيها تسكت ) وقلت يله نبدأ الخوار قالت : وشو ؟؟؟ .قلت : الحوار الحوار . وبدأت الأسئلة , أنا اسأل وهي تجاوب كطريقة جديدة في المقابلات .
قلت لها : كيف كانت طفولتك , ومتى بدأتي قرض الشعر ؟
أجابت عجوزنا الله يحيها وقالت :والله ياوليدي طفولتي كانت مثل طفولة أي عجوز في سني ( جابت شيء جديد يعني ؟؟؟ ) , طفولة مليئة بالمشاق , فلقات توسم الجبهة , تجمع غير طبيعي للشعر ككتلة صلبة في منطقة واحدة في الرأس , ركب ليلكية , تجميع غطيان البيبسي و الغراش , الطقطقة على تنك السقا الفارغة كقمة من الطرب الموسيقي , قمة الكوميديا في ترجيم الأولاد بزبيريات المصلين , ها ها ها ذكريات جميلة , مع فتى أحلامي عبيد الأقرع أقوى ولد في الحارة , لان يديه كانت طوال ولاحد يقدر ينحاش منه ,اذكر إن أول أبياتي كتبتها فيه , يوم زعل مني عشاني ركبت السيكل مع الدردحي ولد جيراننا بدون ما أشاوره , وكتبت هالابيات عشان أراضيه وكانت تقول :
ياناس شوفوا العجب ,,,,, حبيبي قرعة ذهب
له كشرة تنسي التعب ,,,,, وله خشم دلة عرب
في عينة لمحة غضب ,,,,, افوسطها نبرة عتب
طبعا حمد الأقرع تشقق وتنثر عقب البيتين ذي و لا عرفنا نجمعه إلا بملقاط أسنان ( ملقاط أسنان ؟؟؟ ) ,هالبيتين تقريبا كانت بدايتي مع قرض الشعر وقبلها كنت اقرض كل شيء , فصفص , قريض ,أقط ,وبعدين طبعا تمشيا مع الخصخصة تخصصت في قرض الشعر فقط .
قلت لها : في حفلة أقيمت في الصيف في فندق غبرة الهوى وعجاج الحب , في التشات أحياها فنان التشات الأول شلازة بسطرمة , وتحت رعاية خمسين نيك نيم من ذوي المناصب العليا , وأربعين بوت من المثقفين , ومائتين كلون من عامة الناس , في هذه الحفلة شدى مطربنا العريق ( المحزر يعني ) بأغنية لك تقول :
يا هوستهم كلهم
يا اونري بينهم
عطني من دنياك ويسبر
واترك ابواتك لهم
ياخذون اللي يبونه
كل هالتشاتينق ورومه
إلا ويسبرك يتركونه
لا يمسه بوتهم
نلاحظ في هذه الأغنية الشبه الكبير مع أغنية عبد المجيد عبد الله لسامي الجمعان , ماتعليقك ؟
مطت براطمها بطريقة غير معهودة , و نشقت بعنف حتى كادت أن تسحب معها شماغي الجديد , وقالت بغضب : إشاعات , كل ذي إشاعات , كل المسألة تلازخ أفكار , وسامي الجيعان ( الجمعان ) , كان خطيبي بس أنا فصخت الخطبة لأنه على قولة الحكيم الايطالي اروكادو كابتشينو : شاعران في بيت واحد مثل ديكان في عشه وحدة, واللي يقول هذا الكلام يحاول يحطم مستقبلي وينهي آمالي وأخذت تبكي , وأنا اهدي فيها وأقول : يا خاله هدي نفسك كله كلام , قالت وهي تنشق : بلاك ما تدري إنهم زوجوني بالإشاعات من راغب علامة , ومن فهد بلان , ومن رامي عياش , ومن خالد الملا وووو وقعدت تعدد لي و ما سكتت لين قلت لها :يا بنت اسكتي . تسان تفق ذيك الكشرة وتقول تامر أمر .
سكت أنا شوي وقلبت أوراقي و أنا أحاول اسأل فقط الأسئلة اللي تهم القراء وتذكرت سؤال مهم وسألتها بغتة حتى ما اترك لها فرصة للتفكير وقلت : الناس تقول إن أشعارك يكتبها لك رجال ما تعليقك ؟
ناظرتني بابتسامة تجمع الدهاء النسائي وقالت أكيد هذا هاني الأشقر و دبدوب اللي طلعوها , هذولي منقهرين مني وحاولوا رشوتي لكن ما قبلت .
قلت : يؤ.. وصلنا للرشوة . لها الدرجة وصل الانحطاط الفني .
قالت أي والله وصل لهالدرجة و لهالزلفة بعد , بس محاكيتك ذهينة يبون يرشوني بحزمة ديرمة مسمومة عشان يفتكون مني لكن أنا قلت ما أبي إلا سويكة فتعقدوا , و تمردغوا في القهر , و انحاشوا .
قلت لها : نرجع للشعر يا عجوزنا , وش الأبيات اللي ترددينها دايم بينك وبين نفسك , يعني قريبة من روحك ؟
تنهدت عجوزنا بعمق وقالت بصوت من يجتر الماضي : والله الأبيات اللي ترقع في القلب و تحوس الرأس كثيرة , وكل شيء على ما يقولون له وقت, مثلا :
هذا البيت أقوله لي صار صدري ضايق وودي أون أو ابكي :
ياونتي ونت الجربوع ,,,,, سكسين ديزل توطنه
يوم التفت للذنب مقطوع ,,,,, امن القهر جرله ونه
أما إذا حسيت إن محد يهتم فيني أتذكر هالبيت :
ياويل ويلي مت محد فطن لي ,,,,, شفطني الكهرب وأنا ما معي لوح
وفيه بيت قاله شاعر مشهور يتغزل فيني وأنا اعتز في هالبيت كثيرا :
لي صاحبٍ لا ضحك قبل قبل أمس ,,,, يالله يجمّع خشته عقب باكر
وهذا البيت بالذات لين سمعته ما أتمالك نفسي وأذوب واغدي كشنة وأصير سليق وأصبح ميلك شيك .
وهناك أبيات كثيرة لشعراء آخرون ولي أنا لكن بصراحة الميموري ميب مثل أول اللي يزدي لي بالجنة .
قلت لها : صحت ضروسك . فأجابتني بسرعة بديهتها المعهودة وهي تضحك وتورينا انه مافيه أسنان وقالت :صحت كراعينك (تدق على كراعيني الشهب ).
سألتها : طيب لك أشعار غنائية كثيرة غنيت في الوطن العربي, من أشهر المطربين لكن منذ فترة لم نسمع عن تعاونك مع مطرب , هل اعتزلتي الشعر الغنائي ؟
أجابت : كح كح كح كححححح , وتسان انغز وأعطيها دواءها اللي فوق الطاولة واشربها إياه وسكتت شوي لين هدت وكملت , قالت : لا الكلام هذا غلط أنا تعاونت مع مطربين كثير بس توهم مابعد نزلوا أغانيهم مثلا عندك المطرب اللبناني سيمون نتالي عطيته الأغنية اللي قول مطلعها :
حبيتك على طول ,,,,, حبيتك على عرض
مهما الناس تئول ,,,,, أنت السماء والأرض
وبرضة المطرب المصري دوكو البرنس عطيته الأغنية اللي تقول :
يا ساكن في وبور الغاز ,,,,, حياتك أسئلة والغاز
متى تيقي متى حنعيش ,,,,, متى نأكل قبنة وعيش
و أخيراً المطرب الهندي نهارتي دوكاري في أغنية وطنية يقول مطلعها :
حنا بني هنّاد لا صار جنجال ,,,, نارد حياض الموت مافيه مشكل
والبقية مفاجأة وفي وقتها بعلمكم .
سألتها : سمعنا مؤخرا عن تعاون فني بينك وبين وكالة ناسا الأمريكية للفضاء . ما نوع التعامل وما دواعيه ؟
فتحت فمها اللي كنه قاعة احتفالات , وصار شكلها من زمرة المفهين بعد تفاجأت بوصول هذه المعلومات لي وقالت : وش دراك أصلاً اولبرايت قايلة لا تعلمين احد حتى لو أنه يمون عليك . بس ما دامك دريت باقولك السبب عشان لا تحسبوني جاسوسة والا شيء , هم بصراحة بيقدمون أشعاري في المرحلة الإعدادية لرواد الفضاء كنموذج للغات الغريبة اللي ممكن يحتسي بها أهل المريخ أو أهل المجرات الثانية وطلبوا مساعدتي وموافقتي و أنا وافقت تشجيعا للعلم وبدون أي مقابل مادي , وبس هذي كل الحدوتة .
ملاحظة/
أجابت العجوز عن سؤالنا المتعلق بعلاقتها بالموساد الإسرائيلي , فأجابت بالنفي وإنها تلعب عليهم , لذلك وحفاظا على سرية المعلومات وعلى سلامة العجوز فقد حذفنا السؤال والجواب .
ولكن الأمانة الصحفية تحتم عليانا الإشارة لهذا
ولذلك جرى التنويه
قلت : أمسيتك الشعرية الأخيرة في طبرجل كيف كانت ؟
قالت : والله الأمسية كان مافيه أحلى منها وهادئة , و لا تسمع إلا صوتي و سيمفونيات صوارير الليل , طبعا الأمسية حاطينها في استراحة ( عزبة شباب ) , لكن بعد ما انتصفت الأمسية , تسان يدخل علينا شيء اسود كبر الباب , و يعثأ في المتفرجين و يحوس مريرهم , والناس ياتسدحوا منه , واللي مابعد وصلهم فهوا وقعدوا يناظرونه ومن الناس اللي وقفوا وطقتهم أم الركب وسووا شيء البودي قارد حقي اللي صافين جنبي , تسان اتل ابوعكفة من أقربهم ( الرشاش يعني ) وافرغة في هالشيء الأسود لين تواسى بالارض , يوم جينا وشفنا أشباهه عرفنا انه حمى الوادي المتصدع , والحمد لله تم القضاء عليه على يدنا , و عطتني وزارة الزراعة وسام العنزة المسترجة من الدرجة الأولى على هالعمل البطولي , ودعوني لإقامة أمسية شعرية في الأيام القادمة , في مزرعة دواجن على خط القصيم للقضاء على جنون الدجاج , واخطط أيضاً مستقبلا أن اقضي على منظمة الجات للتجارة لان القات من المخدرات ومضر بالصحة .
سؤال من القارئة هاي تاو بنت ارقادو موبيتي
من مدينة الخرخير
تسألك عن ممارستك الرياضة
أجابت العجوز :
والله أني من زمان عن الرياضة . لكن بالنسبة للرياضة المفضلة عندي كانت تسلق عشة الحمام حقت اخوي الشايب المصحصح , والرياضة طبعا اللي لا يعلى عليها و أخذت فيها الميدالية التنك في اولمبياد منفوحة هي أسرع وحدة تلحق سيارة البلدية في الفجرية .
طبعا مازلت أمارس تقوية عضلات الفك , لأنهم يقولون إنها أقوى عضلة في جسم الإنسان , وذلك بالبربرة في مجالس الضحى , وبمضغ الكراث , وعلوك طابع ذات الماركة المسجلة باسم بقالة سعيد
قلت : عجوزن
و لا تبخلووووووون بردكم[/align]
حوار ناااااااري مع عجوز مخرفة لحقوااا عليه
العرض العادي
