طلقت زوجتــــــــي لإنها ماتعــــــرف تطبـــخ!!!!

[هلاوين]

اقتباس:  المشاركة الأصلية كتبت بواسطة المنطق     راح افتي هاذي المره .. ترى اول مره افتي .. شرعا ما يلزمها تطبخ .. المرأة زوجة ماهي شغاله ..

المسالة مو شرع المسالة عرف .


اجل نقول الرجل مايلزمه يسافر ولا ينزه ولا يشتري لها ملابس ثمينه لانها لاتلزمه.


الناس تعارفت ان المرأة تشتغل ببيت زوجها كالطبخ والغسل ,,,ووو .

[التنين الصيني]

ما تعرف تطبخ ....! مافي مشكلة تتعلم

اما انه ما عنده استعداد تتعلم ....! لا لا وقف هنا

ابشوته بوز بدون زبرة لبيت اهلها ....

....
والمثل يقول : ليس ذنبك ان تولد فقيراً !

ولكنه ذنبك بالتأكيد ان تموت فقيراً

وانا اقول : ليس ذنبكِ انك لا تعرفين الطبخ !

ولكنه ذنبكِ بالتأكيد انكِ لا تريدين تعلم الطبخ ....

[ام الوحيد]

اذا هو حاول فيها زي ما قلت الحق ان يطلق مو معقوله ما ياكل الا من برا والا يجيب طباخه او شغالة ما صارت بس المفروض الواحد مثل ما يسال عن بياضهاء وجمالها يسال هل هي تطبخ او لا حتى لا يقع هذا الزوا

شكرا لطرحك

[عزف الحقيقة]

ممكن يبحث عن أي سبب للطلاق !

بامكانه أن يصبر عليها حتى تتعلم

مع العلم أنه ليس بالضرورة أن تجيد الطبخ

[عازفة ألحان الليل]

هذه اهون من التي طلقت بعد ان اتهمها زوجها بتهم كاذبه وقويه.. وبدأ ينعق لكل من يسمع له وينم زوجته وينشر النميمه.. حتى يطلقها وبرئ نفسه للناس انها هي ظالمه وهو المظلوم ..ولكن العكس هو الصحيح ..

[بقايا أمنيات]

المشكله لاتعالج في مشكله ,,


في الحنكه والحكمه تقدر تخليها تتعلم وبرضى منها وطيب خااطر ,,


مدري ليش الطلاق سهل لهاذه الدرجه

["غرك غلاك"]

الشرهة مو عليها..
الشرهة على أمها اللي ماعلمتها السناعة
وقديما قالوا: إذا بغيت تضمه.. اسأل عن أمه

[الأميـــــرهـ]

ياحرااام يطلقها علشانها ماتطبخ

طيب يصبر عليها

كثير من قريباتي مايعرفن يطبخن والله حتى القهوه مايعرفون كيف تطبخ
والحمدلله تزوجوا وتعلمن الطبخ ...

[هلاوين]

اقتباس:  المشاركة الأصلية كتبت بواسطة الأميـــــرهـ     ياحرااام يطلقها علشانها ماتطبخ طيب يصبر عليها كثير من قريباتي مايعرفن يطبخن والله حتى القهوه مايعرفون كيف تطبخ والحمدلله تزوجوا وتعلمن الطبخ ...

اعتقد ماطلقها عشان ماتعرف تطبخ .

طلقها لانها رفضت تتعلم >> ومن حقه هذا .

[حبيب قلبي محمد]

بصراحه معاه حق هو بيعيش عمره كله ع المطاعم وبعدين الوحدة تحس بثقة بنفسه اذا هي تطبخ زين حتى مع اهله ورفيجاته اشلون مع زوجه اكيد ثقه اكثر واعتزازبنفسه..

[SAGA]

اقتباس: وليش هو يتشرط حلا وكيك ،، ياخي ما مثل البساطه الي تحطله يكفي لو زبادي وخبس ولا صامولي مع جبن ، الأنسان يمشي نفسه في هذي الدنياء .. يعني الي تقدم له يقبله ويقول الحمد لله ،، وبعدين أكثر أهل الر ياض حريمهم ما يعرفن يطبخن شف إذا صار وقت خروج الدوامات المطاعم مثل المكي والرمنسية زحمه من الناس وكلهم موظفين ومتزوجين ،، أنا لا أأيد أن يكون عاد بهذا الشكل ، بس التسامح زين والتشرط ما هو زين حلا ولا كيك ولا كل يوم نوع من العشاء .. كل الي يحط لك وقول الحمد لله ومش حالك بالدنياء ومستحيل يصير بيت يمشي 100% حتى بيوت الأنباء ما تكتمل لا بد من نقص ولا بد إن الإنسان يغمض ويغض الطرف

اقتباس:  المشاركة الأصلية كتبت بواسطة درع القصيم     بالنسبه لي زوجتي ما قصرت الله يخليها تطبخ لي ولا كد خلتني بلى غدا ، لكن ما عندي مشكله لو حطيت جبن بصامولي وأكلتها ونمت وعينت خير .. أحياناً يرحون زيارات ما أتشرط وأقول زينوا لي عشاء ولا غدا قبل لا تروحون ، أسنع نفسي بالمطبخ وأحوس المطبخ حوس

من ردودك اتضح لي إنك رجل متفهم
وأصابع يدك مو سوا
صعب إننا نقيم الرجل من منظور واحد ومن شخصيه واحده
كل رجل وله شخصيته
بعض الرجال يهمهم الطبخ ومايمشيه خبز وجبن أو أكل من برا يعني نظام شيبان ,,والبعض مثل ماذكرت يمشيه أي شي

شكرا لك

[SAGA]

اقتباس:  المشاركة الأصلية كتبت بواسطة المنغره     صديقك استعجل بس مثل ماقلتو يمكن فيه سبب ثاني وحط السبب الطبخ لإن الحياه الزوجيـه اذا كان فيها حـب ... مستحيل مشكله من هالنوع تفرقهم... هل الطبخ مهم؟طبعا مهم وخاصه الطريق للقلب الرجل معدته... شكرالكـ

يمكن
بس المشكله إنها ماتبي تتعلم
وهوجلس كم شهر معها
شكرا لك
ومبروك الإشراف

[SAGA]

اقتباس:  المشاركة الأصلية كتبت بواسطة shahd2007     يقولون لي نفس معنى ماسبق يحب بطنه اييه وهذا السبب ولا الطبخ لايمكن يكون سبب للطلاق اسهل شي تتعلمه البنت الطبخ

آهـــــــا
والله أول مره أسمع بهالكلمه
شكلتس آخذته من جدتكم إليزابيث

[SAGA]

اقتباس:  المشاركة الأصلية كتبت بواسطة هوارة     ياحيالله الشيخه سجى والله بزمن سابقا ممكن بعد يصير لكن اللحين لآمابتوقع آعرف كثير ماتطبخ ويازبده لآتسيحين ولآسحتي لآتنقطين هه الله يتممم على الجميع ووالله يرزقنا .. لكن هو ماحبها ومالقى مخرج غيرهالعيب ومآآلومه ماحبه ولآتعرف تطبخ < آكملت والله تشاااو ..

هلا بالشيخه هوااره
على قولة طقاقه,, الدنيا حظوووظ
الله يرزقك الصالح من خلقه
شكرا لك

[SAGA]

اقتباس:  المشاركة الأصلية كتبت بواسطة الخيآلي     المشكله في الموضوع مو ماتعرف تطبخ المشكله رافضه تتعلم الطبخ !! وهذي كيف تفهمها يعني تبي الرجال ياكل من المطاعم 24 ساعه ولا يطبخ ولابقلعته ههههه انا من رايي المشكله من بدايتها من اهل البنت ليش مايعلمون بنتهم الطبخ لو وجبات خفيفه اهم شي ترضي زوجها وشكرا سجى على الطرح ~

صحيح
أهل البنت هم السبب
الأم والأخوات المتزوجات كيف يدخلونها ع الرجال وهي ماتعرف تزين قهوه,,,
عاد ماشاء الله أنت يالخيالي لوتتزوج مثل هالنوع ماراح تلاقي مشكله
لإنك أفضل طباخ ورق عنب على مستوى الشرق الأوسط
افطروا ورق عنب
وتغدوا ورق عنب
وتعشوا ورق عنب
شكـــرا لك